A Tawk Ta

Episode kal lai dah luhna

Moderator: writers

Pek Hirha-i
Posts: 69
Joined: November 23rd, 2021, 3:13 pm

A Tawk Ta

Unread post by Pek Hirha-i » November 25th, 2021, 5:12 pm

Min pawta, inhnuai lam min panpui nghal a keilah ka bo hû mai bawk si. Chelsy chuan min rawn kalpel pah hian "A thawnthu chhiar a mi a nih kha a sawi," a rawn tiliam puat a,ka hrethiam ve deuh, sitting room-ah min kai phei a,TV lam ka en chu "Three meters above the sky" tih kha an lo pe chu niin, kei khi film khi hmuhnawm ka titho a mahse, changtunu mizia khi ka ngei zawng tak a ni leh pek a, changtupa lah khi ka hmeltha tih chi a ni thei thak lo.

"Uiii Lawmzuala chhiat lohziaa khiii, van man tak" a tideuh sek lehnghala, keipawn chhe lo ka ti, mahse hmeltha ka tihchi ni lo. "Terisa chhiar ve ziah suh ka tihche kha, Abbra story dang kha chu chhiar reng reng suh" Chelsy chuan a rawn ti a, "A mak ka chhiar ngai lo, ka ngaihthla a ni mai. Nge maw min rin loh tlat le?" a lo ti deuh hlar a, ka lo nui char char thung, "Ka pi ka han enchiang lawk ang e, nakinah i en zawhah i lo chho ve mai dawn nia" tiin Teri chu ka en a, ani pawh a lo bu nghat a. Ka pi room lamah chuan ka chho ta daih a,
"Fiona bawihte, eitur min lo laksak lawk thei ang em" ka luh rualin ka pi chuan a lo ti a, ka chhuk lehnghal vat, a eitheih tur chi ho chu la in ka chho leh ta a, "Hei aww pi, a bak thildang chu ei rih lo mai rawh" ka ti a, min chhang lo in ka eitur pek chu a ei a, a eizawh hnu ah chuan "Pi invanglai chanchin velte min lo hrilh" ka tia, a chhan pawh upa lam ho hian hetiang sawi hi nuam an tih ka rin vang a nia.

"Aww nimaw i hre chak tak tak em ni?" a rawn tikhauh a, "umm" tiin ka lu ka lo bu nghat. "I pu, ka pasal nen hi chuan sawi vak tur awm lo, i Pa Roa(damdawi in neitu) nupui i Nu Duhi hi, anu leh pa damdawi zuar an ni a, khavang khan an inneih dawn pawn i pu pawh hian aphal lo a, a hnial deuh a, mahse i pa Roa hi pa luhlul tak a ni a, an innei ta tho a, tichuan fate an nei a,i U Muana nau chiah a neizawh hnu lawkah hian i nu Duhi nu leh pa te chuan man an tawka, mahse an chhuah leh hnu ah accident vangin an borala, i nu Duhi hi famal ani si a,damdawi zuar nimahse an fanu chu an hmangaih lutuka, Duhi pawh hian a hmangaih." a ti a, tui chu a indeuh khawlh khawlh a,"khatia a ruala an han thi kha Duhi chuan a tuar thiam lo em em a, tikhan naute nei hlim chauh nimahse rilru lamah buaina a nei zuia, a fapa pawh chu a enkawl hman lo a, a fapa chu kei hian ka chawi seilian ta a ni, kum 3 a nih thleng ka enkawl a, kum 3 a tlin chuan Duhi pawh a lo that chhoh tak avangin a fapa chu a mah ngeiin a enkawl thei ta a ni, mahse Timothy chu ka duat em em a, a unau dang te ai pawn ka duat zawk, a unau dang te ka hmangaih lo tihna ni lo in. Tichuan college a kaltirh a tang phai lamah a awm char char a, awm nuam a ti zawk tlat a, ka ngai thei lutuk, mahse a lo haw leh tep tawh." a ti a, a sawi zawh chuan a chau deuh aniang a thaw deuh hawk a, tui ka lo intir vat. Kawngka an rawn kik a, lo lut tura ka tih hnu ah Teri a rawn lut vat, a rawn nui ver ver a.

"I film chu a tawp tawh mi?" ka ti a

"la tawp chiah lo, mahse ka en peih tawh lo a" a lo ti mai, dar zat ka en chuan chaw ei a lo hun der tawh.

Chaw kan ei sawk sawk a, chaw eizawhah ka pi leh U Tei,U Muana leh Teri te chu an chhuak a, khaw nge an kal dawn pawh ka hre lo,Chelsy nen chauh in ah chuan kan awm. ka pi room ka tihfai lai chuan thawm ri deuh dup ka hria a, ka phu nasa ngang mai, in a reh sia a ring duh bawk êm a ni. Thawm lo chhuahna lam inhnuai lamah chuan ka chhuk a, mahse engmah ka hmuh loh vangin ka chho leh, Chelsy room ka kal pelh lai chuan tap ri niawm tak ka hriat vangin ka ding dat a,, thawm kan ngaithlak deuh vang vang hnu ah pawh eng thawm mah a la awm loh a vangin kalsawn mai ka tum a, insut hraih ri ka hriat chuan kawngka chu ka kik ta a.

"Tu nge" a rawn ti a

"Keimah lo hawng teh, i tha em?" ka ti a

"Tha, kal bo rawh"a rawn ti leh
"lo hawng lawk teh" ka ti leh hram, a rawn hawng ta a, a hmel ka hmuh chuan "Eng nge thleng? ngati nge i tah" ka ti vata "ka tap lo ka mit ah thil a lut a lut alawm" a lo ti a.
"Dawt sawi suh, i insut ri pawh ka hre vek. Ti nge i tah a?" tiin ka zawt nawn leh ngat, "Engkim hriat ve tum suh, i tihtur chin ti la a tawk" a rawn ti tuar a.


"Ka tihtur chu ka ti ang, mahse i tah chhan kha engvang nge? na i nei em ni? Na i neih chuan i nu kan be dawn nia" ka tihchuan a ner sak, "Be mah la eng a tan mah a tichuang lo ang," a lo tihmak a "A fanu i ni a, a lo haw em em ang. A ngaihtuah che lawm" "Ni lo min ngaihtuah lo, ani chuan a fanu chiah a ngaihtuah lawm" a ner leh sak.
"A fanu ve tho i nihkha, khatiang tawngkam an hmang ngai lo" ka lo tivat " ni lo ee, keihi a fanu ka ni ve hleinem, keite chu a fa lak (adopt) ka nih hi, ani chuan min ngaihtuah lo ang. Fanu ngaihtuah tur a nei alawm" a rawn tituar a, ka hamhaih lutuk a, ka ding khawng reng ringawt chutah a drawer lam a pana, blade la in a kut chu zai a tum ta mai, ka va tlan a, ka laksak vat. "Eng nge ti a i inhriat a?" Ka ti tuar a, ka blade ken chu min rawn chuhin "Khawi min pe rawh,tumah hian min hmangaih lo, khawvela awm reng hi ka tan a tangkai lo." A rawn ti veleh a, a darah ka dawm a "Chelsy khatiang khan ngaihtuah mah ta che, an hmangaih che tupawh hian an hmangaih vek che, khatiang ngaihtuahna kha pu tawh reng reng suh" ka ti a, a ni erawh a insut faih faih mai. Ka room-ah pheiin blade chu ka dahtha a, Chelsy room lam ka pan leh chuan chhuatah a lo mu a, va kaihthawh tuma ka phei chuan ka au chhuak that mai. A banrek atang chuan thisen a lo chhuak zawih zawih a, a kut lehlamin cutter a lo keng bawk, ka buaipui nghal vata. Thisen lah chu a chhuak duh phian lehnghal a, U Tei chu a rawn tlan luta "Fiona eng a ti nge i au vak" a rawn ti a, Chelsy a rawn hmu ve chiah chu a au ve leh that. U Muana a rawn lut a, " damdawi in panpui vat a ngai" ka lo ti a.

UMuana chuan a pawm chhuak a, car a a dahluh hnu ah ka lut ve nghal zat, damdawi in kan thlen chuan an lo buaipui nghal vata, UMuana chu a haw leh thung. U Tei rawn thleng chu, a tap fap fap a, Chelsy thusawi kha zawh chian ka duh vangin "U Te ka be lawk hman che ngem?" Ka va ti a. Damdawi in pawnah chuan chhuakin coffee kan in a, " U Te, Chelsy khan fa lak(adopt) a nih thu a sawi a, eng nge awmzia le?" Ka ti ta thawr a ka insum thei tawh thlawt lo a ni. A thaw hawka, "A lo hriat tawh vang ani maw a mizia a thlak vek ni" a ti sup a, "Ni e, Chelsy hi ka fahrin a ni lo, a pian tirhin kan la nghal a, a chhan pawh kan nupa hian fa kan nei thei lo tura kan ngaih vang a ni. Mahse, Chelsy kum 5 a nihin Teri hi ka pai ta a ni. Chelsy pawn nau a neitur chu a phur hle a, Teri lo pian pawh chuan a duat hle a ni, an inkawm ngeih ngeih em em bawka, mahse kum 16 a tlin hnu nithum na vel atang chuan a zia a dang ta hle a, min hnial a hrata, a tawng tlem em em bawk a, a hma chuan hmeichhe tawng duh tak ani thin a, mahse a zia a dang hlawk a ni. Kan hrethiam ngai lo va mahse i sawi takah chuan a chhan tur ka hre ta mai e." A ti a, a thaw hak mai, ka khawngaih takzet. Ni e, mi hi chu kan tana tangkaina awm miah lo te hi kan sawi peih leh lutuk a ni. Chelsy harh thu min rawn hrilh avangin kan lut vat a, a cabin kan va thleng a. Anu chu en pawh en duh lo in hmundang a lo hawi daih. U Tei chu a thaw hawka, Chelsy lam chu a pan a.

"Bawihte ti nge tiang hian i awm a? Mi tihlauthawng lutuk alawm" a ti a, "min ngaihtuah ang khan awmder duh suh, min ngaihtuah tak tak lohzia ka hria lawm. I fanu Teri chauh kha ngaihtuah la a tawk" a lo tihmak, "Bawihte khatiang ngaihtuahna kha khawi atanga i neih nge ka hre lo mahse, hei hre rawh ka ngaihtuah der lo che. Ngaihtuah lo tak tak che ni ila a der pawn, ka hmel ka tidanglam lo ang, min hriatchian kha." A ti ta fak mai,

"Khawngaihin, hriatthiam tum hram teh" a ti a, Chelsy erawh chuan a chhang tawh lo. A melh ngai amelh ngawt ngawt mai.


1 week later (ti daih ang)

" U Fiona" tiin Teri chu ka room-ah a rawn lut a, a rawn tap deuh par mai.
"Ehh ngati nge? Tu in nge hau che a?" Ka lo tivat a, a lu a thing nur nur ringawt. "Tuman min hau lo, hei hian min vel" tiin a phone chu a rawn lek kanga, ka nui hak Remruatpuia Rca chhangte run chhiar Abbra-i ziah alo ngaithla chu niin. Van ho thei tak, Chelsy chu rawn lut ve in "Lalkhawngaih ngaithla ve suh ka tih mawlh mawlh che kha, i tap leh pur tho si" a rawn tilut a, khami ni tang khan Chelsy pawh anu leh pa ten an ngaihtuah zia vel chu ka hrilh a.
"U Fiona, ka nu leh pa fa diktak ka ni lo tih ka inhriat khan ka na em a ni, ka nu leh pa hi ka hmangaih, ka piantirh atanga min chawi seilian tute an ni" tiin a rilru a thlak ve thei ta a. U Tei leh UMuana lawm lutuk chuan lawmthu min hrilh a, engmah ka titawp si lo a haha..


" Eng nge ka ngaithla ve duh tho lawm, min insawitheih khum reng a nih kha" pakhat la in a lo tipawr ve hlur bawk a, an buaithlak thei a nia, story hi an chhiar ve thin a. An duh thei lutuk hi a buaithlak. "Ti r'u, in inchung saw tifai ang u" ka ti a, "attic (inhre mai em)kha playroom a tan hman intum nilawm ni?" ka ti a, "aw anu pawh ka dil tawh, a phal vek tawh mahse keimahni a kan tihfai a ngai dawn a" Chelsy chuan a lo ti a " lo kal r'u ka tihfai pui cheu nga, kan buk a tan kan hmang daih dawn nia" ka ti a, ka duh zawng leh lawm zawngte hi a naupang chhia thei a nia aww.. "Yess tha dawn lutuk, kal nghal ang u" Teri chuan a rawn ti a.


Attic chu kan han tifai a, rin ai a lo bal riau. An luh lohna a rei deuh tawh a nih hmel, ka thu a, ka bulah basket ka dah bawka hman tangkai loh tur v
chu basket-ah kan dahzel a, chu chu a khah hunah ka dahthla mai zel a. "Aww kha kha pawh kha,,, aih,,, kha mi ni lo kha, aw kha kha rawn la rawh, a hnawk mai mai" tiin Teri chu ka bia a. Basket a a rawn dahrualin ka thehthla zel a,ka thehthla leh tawp tawp tawh, a hnuaiah khuan maids pakhat Manuni a awm tho. Teri chu a rawn phei a, a zu dakthla chiah chu.
"Te Tim" tiin a au chul mai, ka zu hawithla chu Manuni reng reng lo ni lo. Timothy-a ka piin a sawi ngei a tupa duat lek chu lo niin, ka thil thehthlak ho lah chu a lo la pawm bawr tun zui, min melh rum em em mai lehnghal.


A cute tawp,a nuihzatthlak tel bawk, mahse nuih chi loh lutuk hi nitawp min melh rum nasa ngang mai. Inmelh hian thih theih se chuan nikhua ka hriat ka ring tawh lo, thih chu ka la thi êm bik lo ang a...

To be continue

Ngaihnawm intih chi a ni em? comment lamah lo sawi ve r'u aw☺️



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)