Only You ......... Chapter 16

Episode kal lai dah luhna

Moderator: writers

Lonely Girl
Posts: 39
Joined: November 10th, 2021, 11:11 am

Only You ......... Chapter 16

Unread post by Lonely Girl » November 25th, 2021, 6:55 pm

Chapter 16






"A ni nge keimah"




Ka thusawi zawh hnu chuan a rawn nui suk a, min ti hrilhhai letling zawk ngei mai





Ka bânah vuanin Car hnung lam ah min kai phei a




Ka kut la vuan pah reng chung chuan "chutiang te thlan kher a ngai a mi a chiang sa reng lawm Nangmah ni mai lawm, mawl lutuk mai" a ti a, a la nui vur vur tho, kei erawh ka la tum hmuk thung





"Anih chuan kal suh, ka bulah awm rawh" ka ti leh khalh a, a thaw hak mai




"Awle awle ka bialnu thikthu chhe te" a ti leh sap a




"Thik lam vang a nilo" ka ti leh hmuk




"Va buaipui phawt ila kan sawi leh dawn nia aw" nem deuh zawka ti hian min kai phei leh a




Ricky leh Remremi lo din na lam chu kan pan a




"Ricky i va thlah mai dawn em niang, tihbuai che ka hreh viau na in hei i hmuh ang hian ka naute hian a phal tlat lo mai a" kiai deuh suk pah hian a ti a, a ṭûl ka lo ti leh pek khawp mai





Ricky pawh nui var var a





"Pawi hleinem le, ka va thlah zâwk ang rawn tih ka tum hrim hrim bawk a" a ti zui zat a




"Awle ṭhat chu" tiin Car awmna lam chu kan pan a





"Hmingte Ricky hian a va thlah zâwk mai ang che aw, Pitei ka lo call mai ang" Rda chuan Hmingtei en pah chuan a ti a,. A thinrim tih a hmelah a lang thei Rda hnung ṭanga lo melh in ka lo siai zawk. Henu laka tlawm mai mai hi ka tum lo nasa lutuk




"Ahh URindik nangman min thlah thei dâwn lo nih chuan midang tihbuai kher ngailo, ka ṭha ve mai ang" zawi sap hian a ti leh a, beidawn chu tum lo ve ngar ngar maw





Rda chu lo ṭawng khalh vat in Remremi chuan "i ṭhat mai theih dâwn chuan a lawmawm nasa nih chu, hla te lo play la a nuamlo hran lo ang car chhûng zîm a ni chuang lo a." A lo ti vat a




"Nia" tih zawngin Hmingtei chuan a chhang, kha kha ni mai nge maw mi challenge ve khanglang ni. Ka bialpa hi a hnena ka kal tîr a ring reng reng mawni...teuh lo lutuk




Chutia car a lo awm a thlan tâk ah chuan a hriat lai kherin Rda chu ka ko a "Sawlai ah velah sawn va kal ila thil hrilh tur che ka nei nia" Hmingte melh pah kher chuan kan ti ve a,, ka duhna ah te chuan ka sualthiam ve em mai a




"Ṭha lawm Hmingte i theih dan dan in lo awm tawp mai rawh aw" tiin min kai a, ka sawina lam chu min pan pui a




Kan kal hlat deuh hnu chuan rawn nui ta hak hak mai, bangbo zet chuan ka en ha a





"I phakar reuh zia hi i hria em" a tih chuan "enge awmzia" ka lo ti vat a




"Ka hre vek lawm, hetia i awm nachhan hi" a tih chuan ka ding dat a



"Engmaw i hriat chu"




"Tukin zînga Hmingtei nen a in inbiak kha ka lo hria lawm, i sual thiam ve reuh hle mai tiraw ka duh lutuk che." Min piai zeuh pah chuan a ti a




"I hre vek maw, a nih chuan tinge va dah i tum si"




"I awmdan ka hmu chhin duh lawm chuan khatia i awm khan i ṭha thlawt a ni mai. Ka hmangaih zual leh sauh che nia khatiang khan min hauh tlat zêl thin ang che" min kuah nghal vang vang a awm hlai zetah chuan ka bei vang vang a




"Keipawn.. ka hmangaih che" zawi te hian ka ti sup a




Min kuah na chu thlah in min melh kar a



"Engmaw i sawi kha"



"I hre pha tih ka hria nia"




"Sawi nawn leh rawh chiang zawk leh kha ai a fiah khan" a ti leh nghut





"Ka sawi tawh tho kha, enge"




"Sawi leh ringawt rawh" a tih chuan ka hmui ka ti kawh lua a




Thaw hak in "Keipawn Ka Hmangaih Che Lalrindik Misualpa" ring deuh zawk chuan ka ti a, mawi lutuk tak mai hian min nuih nghal var var a





Min rawn fawp thut nih chu,. Ti ang lo thei lutuk midang in min lo hmuh hlau zet chuan ka nemsawn nghal thuai a.





"Min hmu nga sin"




"Pawi ka ti teuh lo in ngaizawng kan nia lawm le."




"Ka duh chuang lo aw" ka lo tih khum hmak




"Anih chuan hei chu I duh ngai ang" min pawt zauh in min kuah leh nghal chawt a ka nemsawn tawh bik lo.




"Ka lawm e aw Zorin, hlim taka siam che ka tum ang" a ti sap a



"Ka kiangah hian awm reng la ka hlim a ni mai, min kalsan miah suh ang che nih loh chuan i chak dâwn lo a ni tih hria ang che" ka ṭawngkam ngai bawk chu ka hman khum leh a...







Chawlh chu kan hmang zo chu ni mai, zanriah hnuhnung pawh kan eitui leh tlang khawp mai. Dar 5 velah kan tlân chhuak a, ka chau ve deuh te pawh niang ka mut chhuak riau lehnghâl.




Kan ke na Hmingtei pawh kan haw dawn chuan a ṭhat ve leh tawh hmel khawp mai. Rda pawn a chhawnchhaih vak tawh lo achhan chu Hmingtei hian a ngaizawng tih a hre tawh miau si a.





In ka thlen chuan dar 6:30 vel a ni, traffic jam nen tlemin kan rei hret.





Ka nu leh pa chuan chaw an lo ei mek a,. Rda chu rawn lut ve kher lo tura ka tih vangin a tlan haw leh ta nghal.




"In lo thleng thei hram maw, a nuam bawk em" ka nu chuan min lo be vat a




"Nuam lutuk, ka chho dawn in tihfai vat ka duh" ti zung zungin ka chhoh san daih. Ka pa awm ve kur vang khan engmah ka sawi tam pui peihlo a ni




*******




A tuk ṭang chuan dan pângngai te in college pawh kan kal leh a. Thil thleng hrang hrang te chu Zeli hnênah chuan ka report zung zung bawk, hmuh pawh hmu chuang lo in Hmingtei chu min ngei pui em em ringawt a. Awm ve ila chu chaklo ang chu ti hlak hlak, a unaupa a ngaizawng tih ka hrilh khan a ei lo nghal em em. Hetiang lam duhlo tawp mi hi ni ve hrim hrim bawk a





Remremi pawh rawn thleng ve vat a, nidang a ang lo a ṭawng tlêm em em bawk.





Zeli kalhran hnu chuan thil thleng a awm leh awmloh ka zâwt vat a





A sawi nghal par par, Ricky chu a pa in a koh vangin vawiin ah Singapore lamah a lêt dâwn ni awm tak a ni. Thlakhat vel lai a cham dawn avangin a lo lungngai lawk viau chu ni in. Ka hrethiam ve reng Rda hian min zin dan ve daih se chu keipawn ka ngai ngawt ang.





Ka theih ang tawk chuan ka hnem ve ngei a, a thawk em em hran lo.




Class pawh a ngaithla ṭha peih mang lo...




1 internal test kan nei zo deuh chiah a 2 a hnai leh nghal kuarh. College ah pawh hian beih leh fe zel hi ngai nih hi chawl hman pawh kan ni meuh lo. Ahma ai nasa a zir nasat ngai zawk daih mai, kan lo suangtuah dan nen chuan inang lo ve thei tak chu a ni.





Canteen ah chuan lutin kan eiduh chu kan sawi malh malh hlawm a, ṭhutna awl lo awmah chuan kan ṭhu ve hmiah. Senior te ho chu kian lo phawt mai teh ang, an senior tawh tho






Kan hnunga ṭhu te chuan Rda chungchang an sawi ru sar sar mai. Kan in hnaih angreng vangin sawi zawi mahse ka hre pha tho




"Nizân khan ka va be risk tawp a" an tih chuan ka lo ngaithla chiang zual sawt, thil ei lai pawh ka chawl dat




"Engtin nge a rawn tih" a ṭhiante chuan hriat chak hmel tak chuan an zawt leh a




"Engtin nge ni vak ang, min reply le ka lawm dan chu. A hmuh tan tiin ka Dp pawh ka thlang uluk viau sin a thawk nih ka ring tlat. Chubâkah tukin zing pawh khan ka lo en lai takin min rawn melh ve sin ka zah dan chu" a ti leh malh malh a,. LALRINDIKA MAI MAI CHUH ka lo ti rilru leh hman





"Awii nuam awm bîk e. A duh ve che ni ngei ngei ang a la naupang bawk sia a hmelṭha in a chhelo bawk si a perfect tawp lawm tiraw. I van vânnei bik tak" an ti nghal siam siam a, ka lo ner nawng thung. Zaklo e keihi a bialnu ka nih hi tih khum mai te chu ka rilrûk hman mahse ni em silo. Lalrindika pawh chu nge a lo reply dawk dawk ni ler lutuk mai





"An thusawi vang chuan i lungawi vak nange" nui dun kurh kurh pah chuan Remremi leh Zeli chuan min zawt a, chhan pawh ka chang lo. Ka thil ei lai chu ka ei mawlh mawlh




Ka la helh ang awl awl zui a.




Lalrindika vang vek...





____________




Tlai ban chuan ka ṭhiante pahnih chuan bazar an rawt ve mauh mai. LalRemremi ve hi a bialpa awmloh vang mai a, awm se chu kan bulah pawh tawi khawmuang hman lo in a kal leh daih awm si a





Rinloh deuhin Zeli chu a lo phur khawp mai, chutia ka ṭhian te pahnih in an duh miau si chuan ka bialpa bulah ka kal dawn tih chu ka hreh ta deuh a, bazar tur chuan ka kal ve ta daih





Taxi kan la a, bazar kan thleng chho vel chiah tih in ka phone rawn ri a




Rda a ni ka chhang vat a "Enge" kan ti nghal hlak a




"Khawnge i awm a" a rawn tih chuan ka hrilh lo tih ka hre chiah




"Heyy bazar ang an tia, ka lo hrilh theihnghilh daih che nih kha. Bazar ah kan awm tawh" ka ti nghal zung zung a




"Mi hi chu I ngai pawimawh lo mange" ti nghut chuan a off daih nih chu




Phone chu ka en hawl mai, a thinrim ringawt tihna mi




Call let ka tum deuh uk uk a, mahse kal an rawt vangin ka ak ṭha leh ta zawk. Bazarpui ah kan lut phei a, Remremi chuan dawr pakhat ah min luh pui a kan en kual nual mai






Bag pakhat ṭheuh khai chuan kan chhuak leh a, A ṭûl lo tih pawn Remremi hian pheikhawk pakhat ve ve min lei ringawt nih chu. A man a tlawm zawk zawk hran lo, mi hausa a ni tih hre tho mah ila a nuam hauh lo. "In lâk loh chuan ṭhianah min ngailo tihna ah ka ngai ang" a tih tlat vanga pawm sak mai chauh kan ni. Chuan ti leh tawh miah lo turin kan ti hrilh nghal bawk




Min thlah leh thlap a,. Fel hi chu a fel in a ṭhiante tan pawh a in pe zo ve hle bawk.




Zanriah ei zawh hnu chuan Rda chu biak ka tum leh a, chhang thei miah lo. Enge a hriat le a hmanlo nge min la thinrim khum zawk. Ka lo nghah loh vang in maw chang hi chuan che naupang chhia thei hi ka ti thin




Dar 8 a ri tawh a,. Text leh call engmah chhânna awmlo. Van sual reuh tak




Online tih a inziak kulh bakah status te a nei ve reng sia.




Vawiin a hmeichhe ho thil sawi kha ka hrechhuak zawk a.




'I student chhelo zet i biak kual leh mai mai vang em ni min chhan duh miah loh a, ka hre vek a nia aw kei ai chuan an ni biak kha nuam i ti zawk ni maw. ka hrethiam ta chiah e, min bawl kual vel mai mai a nih hi😡😡😠😠' tih ka type mawlh mawlh a ka thawn nghal hmak




A seen rang phian zui




Khumlaiah tak chuan ka ṭhu tum vuau a, ka rilru in Lalrindika chu ka rel pah char char bawk.




Phone rawn eng va va a, amah a ni




Ka reject ang nge tih ka ngaihtuah rauh rauh a mahse ka la ta zawk





"Aw enge ni min hrechhuak ve leh chiah a mi a" ka ti nghal phawng a




"Tinge ka thinrim khum chang che pawh hian min thinrim khum let daih thin a. Chuan engmaw i rawn sawi hi bawl kual mai mai a, Zorinpui ka bawl kual ang che in mi hmu reng reng mi a" a lung nih chiah hmel loh hle mai



Ka chil ka lem khawlh a, ka hming pum ten min la ko leh ta nghal a




"Tinge i thinrim a, ka nghah loh vang che khan maw" ka ti ta daih, ni e tun ṭum chu kan thlem ve zawk nge a ngai ve lawm a reng reng in a



"Ni e, min hrilh hmasak pawh i tum miah lo nia"




"Ka lo theihnghilh daih lawm, ka awmloh chuan i hriatthiam ve mai te pawh ka ring ve a"




"Min ngai pawimawh lo i ti lang"




"A van awihawmloh tak, ka ngai pawimawh lutuk che nih hi ṭha taka ka la biak che. Naktuk ah kan leng dawn nia aw nih i lawm em"




"Ka thil hriat duh min hrilh la ka lawm maithei sin"
.


"Engchu maw"



"Min hmangaih thu mawle"



"I ti ho em mai a"



"Nge min hmangaih thu pawh chu I sawi hreh em em a, sawi vat rawh nih loh chuan ka off dawn nia" a ti leh hmak a


"I awmdan naupan chhiat zia hi i hria em kum 26 lai i nih tawh kha aw"


"Ka off dawn nia"


"I vân nasa tak, ṭha lawm ka hmangaih che" ka ti sap a


"Aṭha e, min hmangaih thu hi sawi zak tawh miah suh i hria maw nitin min hrilh ziah thin ang che. Ka ngaithla kham hauh lo nia"



"Thu min pek tum miah suh, i lungawi tawh chuan in sawifiah ve tawh rawh" kan ti let ve khalh a, a sawi ta nghal char char insawifiahna tur te hi hre bik zung zung si







Zankhua chuan kan inbe leh ta chu ni mai. A tîr lamah ṭawng dun hmuk hmuk kha a rel telh telh a kan in chhaih leh har har tawh. Ni e kan thinrim na te leh kan lungngaihna te mahni a pai reng lo a kan inhrilh zel hian kan lungawi leh hmain kan hlim zâwk nge nge.







__________________




🌸🌼🌸🌼🌸🌼🌺💮💐💐🌸🌼


Zorini Cloudy

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)