TRAITOR CHAPTER 17

Episode kal lai dah luhna

Moderator: writers

Krystal Vanchhawng
Posts: 127
Joined: October 5th, 2021, 4:42 pm

TRAITOR CHAPTER 17

Unread post by Krystal Vanchhawng » November 25th, 2021, 7:38 pm

TRAITOR
CHAPTER 17

☆☆☆☆☆☆☆

NÛPUII POV:

Lalmawizual te lam kan pan phei lai chuan Rinnungi kut chu ka chelh nghet hle. Ka rilru in
'Lalpa,khawngaihin kan hmuh ang ngawt hi a nilo tih min hriattir ang che' ka ti phei mawlh mawlh. Kawng kan cross hnu chuan Hotel kawt kan thleng nghal mai a.

Anni pahnih chu an din khawmuan avangin anlo la thleng thla lo. Step tâwpah chuan kan lo ding a,anlo chhuk chu kan lo châng rân a. Hetia ka hmuh pawh hian ka la ringhlel thei chuang hauhlo. Ka hmangaih a,ka duh êm vang pawh a ni mah na.

Chutah anni lo chhuk chuan kan zâwn an rawn thleng dawn a. Lalmawizuala chu tûm deuh hmuk hian alo pên thla zel a. Jennie erawh chuan a hawikual na lamah keini pahnih lo ding min hmuh chuan a meng phar awk a. Chutah,a ke chheh chu sual deuhin a thal țhelh a.

Lalmawizuala chuan alo dawm vat a.
"I țha em?" Tih pahin Jennie chu a din țhat tir a. Chu thu a sawi ri ka hriat ringawt pawh chuan keimahah danglamna a thlen thei.

"Aw,ka țha e. Vawiin chu i zarah hun nuam tak ka hmang" nichina hlauthawng hmel kha a lang tawh lo.

"A țha nih chu" tih paha Lalmawizuala lo hawi chuan keini lo ding chu min rawn hmu ta chiah a. Ani pawh phûng hmu ang mai a ni. Jennie a chelhna kut chu theihghilh thutin a phelh a,pakhati lah alo pai nawk a.
"Gordon,ka kal theilo" alo ti sap a. Han phih nawk mai a ni ka duh.

"Eng nge inlo tih?" Tih pahin Lalmawizuala chu ka bulah alo kal a.
Engtin mah chhânglo chuan ka melh reng a.

"Min lo hmuak ami" atih leh sup chuan Rinnungi zawk chuan
"Gordon,i nupuiin thlahlel takin alo hmuak che a. Chutah henu nen hian helaiah inlo tâwi khawmuang mai mai a maw" ner nawk pahin alo ti a.

"Chutiang a nilo. Englo ania" tih pahin min lo melh a,mi mita en lêt ngam vaklo khan a mitah tak chuan ka lo melh kal mai a.

"Haw phawt ila kan sawi zawk dawn nia" tih pahin min ban a tum a.
"Gordon,min thlah loh chuan" Jennie chu alo la ti țalh a.

"Driver ka be tawh. Anlo lam ang che" Lalmawizuala chuan a ti leh a.
"I driver meuh lamtir ngai khawpin eng buaina nge in neih?" Aw dam lutuk a ka tih chuan an vaiin min melh vek a. Heihi ka inchhuanna a ni,ka zaidam zawk zawk lo. Mahse,ka thinrim hian ka âng ve buan buan ngai lova,ka aw-ki a dam zawk hlauh zel.

"Inpa hi ka inthlah tir dawn maw le" zaklo fahran hian alo ti a.
"Lo ngawi rawh" Lalmawizuala chuan alo ti hluk a.

"Aw anih chu,Rini haw na i nei tho. Kal rawh,keipawh nghah ka neih kha" hrethiam se ti taka Rinnungi ka va melh chuan alo man vat a.
"Nia,ka kal nghal mai ang. Nangpawh alo thleng țep ang" tih pahin a kal a.

"Hawh kal ila" tih pahin Lalmawizuala chuan min rawn ban a,a hmelah chuan inthiamlohna a lang ve deuh. Mahse,mipa inrintawk tih takah a hmelah chuan chapona ka la hmu tel tho.

Ka kut a rawn ban chu ka lo lasawn duh hauhlo. Mahse,ka zui loh dan tur zia a hrelo a ni. Hmeichhe dang nen Hotel ah ka hmu a,chutah insawifiah lovin ka lo zui leh duam duam ang maw. A teuhlo.

"Lalrem" tih pahin Lalrema car lo tlân chu ka lo ko a. Hepa lo chhuk ka hmuh vang hian ania Lalmawizuala min vawnna ka thin thlâk duhloh.

"Eng nge tih i tum?" Alo ti chang fak a.
"Ka kal dawn maw le" tih pahin a kut chu ka thing thla a.
Ka kal tur chu min lo pawt ding chawt in
"Ka motor ah va lut rawh" a aia chang chuan a ti leh a.

"Nangmah hmuak tur che a lokal ka nilo. Saw va thlah rawh" tih pahin Jennie thinrim hmel deuha lo dinna lam chu ka hawi phei a. Lalmawizuala bula kal țha theilo kha,amahin a insawh nghawng nghawng thei ania.

"Inah kan sawi dawn nia ka tih kha. Motor ah va lut phawt rawh" beidawn hmel tak chuan a ti a. A sam a hui pap bawk.

"Khawnge i motor?" Tih pahin Lalrema chu ka signal daih a,min lo tlânsan daih ang tih ka hlau a ni.

"I driver min thlah tir dawn a,alo kal mêk kha. Motor dang i ken si loh chuan" Jennie in alo tih chiah chuan Lalmawizuala chu a thaw hawk a.

Engmah sawi lovin Lalrema motor lam chu ka pan a. Kawngka ka hawng,ka lut tur chiah Lalmawizuala chuan min phih chhuak ka ti mai. Midang lo thâwm hak pawh ka hria.

"Min thlah rawh eng nge maw itih le?" tih pahin amah hmachhawn zawng chuan ka ding a. Mipui vei vâk ho chu anlo hawi deuh huang huang a. Khua a thim tawh a,kawng kal an tlem a,kan dinna hi a ual-au lutuk lo mai pawh a.

"Sawpa bulah sawn i kal hauhlo ang" tih pahin min pawt a. Ka va han zui awm bik hleilo tih pahin a kut ah ka seh vak a,ka chêt dan chuan a țhâwng deuh nge,a kut chu a lasawn vat a.
Chu chu remchangah la in ka tlân thut a,Lalrema car ah chuan ka lût nghal a.

"Tlan vat rawh" tih pahin hnunglam ka hawi a.
"Khawngaihthang leh" tih pahin Gordon chuan kan tlân liam chu min enzui tawp.

"Iva bawm ve,huaisen hle mai" Lalrema'n alo tih chuan ka nuih sak a. Inbe zawm ta lêmlo chuan Durtlang kawnah ka chhuk a. Khatla a haw tur ka inthlah tir ta ngawt anih hi.

Ke chuan kan in chu ka pan chhova.
Engmah tihsual lo neilo mah se a hmeichhe kalpui min hmuhsit theihna turin awm kha ka tum hauhlo.

U Ruatfela vanga buai tawh nak alaia buaina dang chu lo chhuak tawh lul suh se. He buaina pawh hi a chinfel dan ka la zawng hmu thei bawk si lo.

Kan in ka thlen chuan alo reh leh țhiap tawh. Ka nu chu ka hmu a
"Inpa chu alo va thleng har ve. Dar 9 a pêl tawh sia,ipa pawh a mu hnai mai ang" alo ti a.
"Nia,anlo thleng ve mai ang" tih pahin inchung lam ka pan ta daih.

Dar 11 velah chuan chaw pawh ka la ei lova,ka tum dan chuan Gordon ka lo hmuak anga,a rualin ka ei ang ka tia. Mahse,kha an puar hmel tawh khawp kha.

"U,inpa alo thleng tawh a" lehkha chhiarna pindana ka awmlai chuan kan nula pakhat lo kalin min lo hrilh a.

Inhnuai lam ka en chuan tumah ka hmu lova,kan pindan ka luh pawh chuan alo la awm chuanglo. Mahse,bathroom lamah thâwm ri rek rek ka hriat vangin a inbual anih ka ring.

Midang chu ni se ka thinrim ang mai mai hian an thinrim lovang maw le,tinge nasa taka ka thinrim theih hauhloh.

A rawn chhuah hma in inhnuai lam chu ka pan daih a.
Chawei ka siam a,kan nula te pahnih in chawhmeh anlo tilum bawk.

"Inva tlâi ve. I nupuiin rilțamin alo nghak che a. Chin châng te rawn sawi ve tur alawm. Ipa ang mai,zin apiangin reh hmak zel mai,in hahthlak emai" ka nu in Lalmawizuala lo chhuk a hmuh chuan alo hau vat a.

Pakhata chuan a lu tuai vut vut pahin choka lam chu a rawn en a.
"Chaw ka ei tawh asin" a tih chuan ka lo thaw halh ringawt,thinrimlo turin ka insûm hle.
"Pawilo,keimah in ka ei mai ang" ka ti ta a.

Ka nu chuan "Sawi lawk ta che maw le,tunah chawei loh hun pawh a ni tawhlo a. Mahni nupui te rilţamin i dah a,chutah i rawn in eipuar leh lawi a" atih zawm hlak hlak a.

"Ka thiamloh a ni. Kan buai deuh a" pakhat chuan alo ti sup a. Melh pawh ka melh tawhlo,ka chhungril ah hian ka ţahchhuak in min hnawh up up a. Mahse,ka mittui erawh a chhuak thei dêrlo. Ho mai mai ah ka țap tur a nilo. 'Hei aia inhmuh thiamlohna pawh kan la nei thei,chaw in eisan mai mai vangin ka mittui ka titla tur a nilo' ka ti ve tlat. Mahse,chaw min eisan chhan ka hre ve kar si.

Lem har ti chung chung chuan ka chaw chu ka ei lui a. Lalmawizuala chu min be hreh deuh siin ka chawei na bul velah chuan alo vei thuak thuak a. Kan nula 2 an awm ve bawk nen,keiin ka lo ngaihsak duh hauhlo nen min pawh țha ngam chiah si lo.

Ka ei zo thei thlawt lova,ka seng ta ngawt a. Ka kut ka sil lai chuan ka bulah Lalmawizuala chu alo ding a. A kut sil ngailo pui chu a rawn tleuh ve ngawt a.

"Lo seng mai rawh u aw,ka han chho ang e" Kan nula te pahnih hrilh pah chuan ka kal ta daih a. Lalmawizual chuan ka hnungah min lo zui ve zel tih ka hre thei.

"Han mu ula,zingah i pa rawn hmu ang che. Zilh deuh in ngai" tih pahin Ka nu chuan an pindan lam min pan san a.
Lo hawi lêt lehin
"Nû-i zingah tho hma duh suh aw,kha i men hrep phah lehnghal" atih zawm leh a. Chhâng ta lo chuan ka chho a,ani pawh a lût ve nghal.

Kan pindan ka luh veleh bathroom lam ka pan daih a,darthlalang hmaah chuan dingin thâwk ka han la ham ham a.
'Thinrim loh tur,a chhan chiang taka hriat hmasak loh chuan ka thinrim vak tur a nilo' mahni leh mahni infuih mawlh mawlh pah chuan ka hmai te chu ka phih a.

Bathroom atanga ka chhuah chuan Gordon chu khumah alo țhu a,ka chhuah veleh alo hawi vat a. En duh lêmlo chuan darthlalang hmaah cream te ka inhnawih san daih a.

12 a pêl thuak tawh a,ka mut erawh a chhuak fahran lo. Khum lam chu ka va pan ve a,light chu tithim in puan chu ka hlîp a.

"Chaw ila eilo tih ka hre lova" alo ti sup a. Min melh ngar bawk. Ka en zawk a,thim thamah pawh a mit meng tak rân mai chu chiang takin ka hmu thei,chu chuan ka kawchhung hi a țhâm sawk ni maiin ka hria. Chu chu duh lovin ka hawisawn daih a.

"Pawilo,ka ril a ţam chuanglo" tih pahin ka mu a. Ani pawh lo mu ve nghâlin a mutna lam chu a tithim ve bawk a.

"Ka thiamloh a ni. Tiang kha a thleng ang tih ka hre bîklo. Thinrim tawh lo la" tih pahin hnunglam atang chuan min kuah a. Min pawh țha ngam chiahlo tih ka hria.

"Ngaihtuah tawh suh,mu tawh rawh" tih pahin ka inlet thak a. A kut min kuahna pawh chu ka inleh zawng chuan ka dah thla ta daih a. Thinrimlo mah ila inkuah huam huam mood ah ka chêng tlatlo.

Thaw hawlh ri ka hriat chuan a tho thurh a,khawnge a kal dawn pawh ka hrelo. A ri ruk ruk a,bathroom lam chu a pan ta a. Keipawh chu ka mu meng kara,thil chi hrang hrang ka ngaihtuah kual nasa.

Tuna thil thleng hi chuan ka rilru chanve pawh a luah meuhlo,U Ruatfela chungchang vel bawk a ni. Gordon-a hian lo hrechhuak ta se,keihi min la hmangaih reng ang em. Amah hetianga siamtu hi a haw hlumlo chauh a ni si a. Tunah hrelo mah se hriat hun ala nei ngei dawn.

Engtik laiin nge ka mutthilh ka hrelo,zînga ka harh chuan Gordon chuan a kut leh ke in min lo khan bet tlat a,a hrawl sia,ka ke te hi a mu vek theiin ka hria. Ka che deuh hlek a. A rawn meng suar suar a,ka che leh a min en pah chuan a ke chu a lasawn a.

Mahse,a kut erawh chuan min la kuah reng tho. A kut ala mai dawn emaw tiin ka en reng a,ani pawh chuan la ta mai lovin min melh ngur a.
"I tho duh tawh ami?" A ti sup a,min melh reng tho.
"Aw,duh tawh" tih chauhin ka chhâng. Dar 8 a ri thuak tawh tlat.

"Kinah ka lo chhuk ve ang" a tih chuan a kut chu a lasawn a,keipawh thawh nghal mai ka tum a. Mahse,ka kutah chuan min lo chelh leh a,zawhna nei deuh hian ka en hâ a.
Rawn inbeng kâng a, ka bianga rawn fawh thut pahin "ka hmangaih che" a ti a,ka lo meng phar awk ringawt.

A inlet thak a,khumah chuan bawkkhup zawngin a mu leh nghal a. Engmah sawi zawm tawhlo mah se a chêt dan khan ka lungphu a tirang nghal zaih zaih thei. Mahse,chu erawh lantir kher ka tumlo. Engmah sawilo chuan ka thova,ka inphih fai a,ka chhuah chuan alo la mu hlûn a. Ka hmu sual nge a chêr deuhin ka hria.

Inhnuia ka chhuk chuan ka nu alo țhu a.
"Ka nu,i tho nuam em? Ka pa hi khaw nge?" Ka ti vat a.
"Aw,tho nuam e. Nangni in mu țha thei maw. Ipa chu kawt velah ava tei harh anih kha" tih pahin a chanchinbu chu a keu zawm leh a.

"Aw,Gordon chu ala tho lo" tih pahin choka lam ka pan a.
"Chaw kan ei nghal mai dawn sin,a rawn tho ve mai ang chu maw. Chawei kha kan peih tawh chuan lo siam ula" tih pahin ka pa ko turin a chhuak a.

Chawei kan siam a,kei leh ka nu chu kan țhu tawh. Ka pa chu an pindan lamah eng emaw a ti zawk aniang.

"I tho thei maw kha? Nizan ang kha chuan awm tawh loh a țha. Hmeichhe rilru tur hi in dawn phâk tawhlo thin a" ka nu chuan Gordon lo chhuk a hmuh chuan alo ti nghal a.
Pakhat lah chuan chhâng ta mai lovin a kut ava sil daih a.

"In inchhûn pafa lutuk a. Ipa hian zilh che se la a țha ang. In zinchhuah in chin châng rawn sawi reng reng tum ngailo mai" atih zawm hlak hlak a.

Kei chu ka lo ngâwi reng. Ka pa lokal hun kan nghak.
"Bawiha chu alo tho tawh maw?" Choka lam lo pan pahin ka pa chuan a ti a.
"Aw,hei alo tho ve tawh anih hi" ka nu chuan alo ti vat a.

Gordon chuan ka bula chair chu a țhutna turin a pawt chhuak a.
"Damdawiin lamah chuan i kal em,eng nge i an?" Ka pa in Gordon melh paha atih chuan ka nu nen kan lo hawi hai hle.

"Aw țha e" tih chauhin Gordon chuan a chhâng a.
"Motor khalhin fimkhur tur,kha tlema tlemah in chesual țhelh anih kha. Midang ila phur lehnghal" ka pa in atih leh chuan eng nge an sawi awmzia ka hrelo.

"Tute maw chesual țep chu,han sawichiang ula" antui hâwp pahin ka nu chuan alo ti hlauh a. Keichuan engah mah ngailo angin ka lo awm mai mai.

"I fapa kha maw le,anlo haw kawngah an accident pek anih kha. Damlo an phur lehnghal" ka pa in atih chuan ka antui in ka hâk nghal bawrh bawrh.
"Fimkhur la" tih pahin Gordon chuan ka hnungah alo bêng thek thek a.

"Engtin nge in chêtsual theih?" Ka nu in alo tih chuan ka pa zâwk chuan
"An nat vakloh kha,nangmahni hmeichhe pahnih a ngaihtuah vang che u in kan damdawiin lam anlo pan duh lova,hotel ah Doctor leh nurse in an zu kal chilh phah lehnghal" atih leh phei chuan ka antui chauh nilo ka chil lem tur te chu ka hâk ta bawrh bawrh nimai in ka hria.

"Kha tui in la" tih pahin Gordon chuan tui min lo pe vat a,keichuan ka tui hâk khuh nasat vanga mittui tling pamin amah chu ka lo melh ve thung.

"In accident a" thei leh theilo chuan ka ti a. Ka thil hâkna vangin ka aw pawh ala pangngai theilo. Ka inthiamlo bawk.
"Aw,accident e. Mahse,kha chaw kha ei phawt rawh" tih pahin ka biang huh chu a kutin alo tuai fai thuak thuak a.

"Mahse,engmah i sawi lova" inthiamlo tak chuan ka ti a.
"A țha vek,a pawilo" alo ti duh lek chauh.

"In chhah emai,chutiang te engtin nge engmah sawi lova in awm theih,tinge kan lakah in zêp kher" ka nu in lungawilo deuh chuan a ti a. Ni e,Keipawh ka lungawilo khawp mai. Tiang thu lian tham han zêp te chu.

"Kan zêp pawh anih loh chu aw,in mangan a hlauh vangin 'ka nu leh ka nupui lo hrilh suh' a rawn ti miau sia. Keia lo sawi kha a țha ber hleinem" ka pa chuan alo ti vat a.

Kei erawh chuan Gordon ringawt ka lo en,anih chuan thil ka lo hresual chhia va tihna ania. Ka inthiamlo hle mai. Amah lah chuan engah mah a ngailo a ni chêk anga.

Ka chaw ei pawh a tui tawh lo. Ka pasal lah chuan chawhmeh min suah sak sauh sauh a,ka eilui thei nganglo chu ka tho ta tawp a. Ka nu chu ala âng char char,Gordon leh ka pa lakah chuan ala thinrim hle anih hmel. Tu nu in nge mahni fapa te zin haw an accident tih hre lova lo zilh hrep ngai ni.


"Bawihi,iva ei tlêm ve" ka kutsil laiin ka pa chuan alo ti chiah bawk a.
"Nia,ka puar tawh. Thawh hlim anih vang aniang" ka ti mai a.
"Inpa vang te alo nia nge,hei a țhat vek hi" tih pahin Gordon chu a melh a.

"Chulam ni love,ka puar e. Ei țeuh r'u" tih pahin inchung lamah ka chho ta daih a.
"Kha maw,a rilru inti no zo vek anih kha. Țha taka hrilh mai tur che ania" ka nu in atih ri pawh ka la hre phâk.

Kan pindan ka luh chuan ka thaw ham ham a. Enga tinge amah zâwt hmasa lova ka lo thinrim khum theih.
'A nupui hlui anga a zin haw thinrim hmai sen nena lo hmachhawn ve lo turin ka duh che' U Sarah-i'n atih te chu ka ngaihtuah chhuak uar uar mai. Ni e,nupui țha tak ka nilo a ni.

Ka pasal harsatna hrefiah hmasa lovin ka lo thinrim khum ringawt a. A zin pawh a chauh dawn tehlul nen. Ka thiamloh vek a ni. Hliam te a nei ve ngei awm si a. A nupui nurse awm ve meuh siin kan hlauhthawn a hlauh vangin mahni damdawiin ngei pawh pan duh lovin Hotel ah Doctor hovin an buaipui a ngaih phah hial a. Ava hrehawm tak,amah lah chu na nei angin a awm hauh si lo.

Chutia hrehawm ti taka ka lo inngaihtuah lai chuan ka hnunglam atangin min lo kuah thut a,ka phu zawk a.
"Iva phu nasa ve" tih pahin ka sam a hnîm vang vang a.
"Ilo luh lai ka lo hre lova" aw lawi rât chuan ka ti a.

"Tinge engmah i sawiloh" ka tih chuan ka kawchhung hi a inhnawh up up thei. Hrehawm ka ti êm a ni.
"Eng nge ka sawi ang. Ka nupui in hmeichhe dang nen min hmu a,a thinrim nghal mai sia. Chutah mipa dang motor ah a chuang daih a" tih pahin ka kawr chu a zen in ka dul chu a chûl hauh hauh a.

"Mahse thudik i sawi thei reng sia,hrehawm ka tih zia i hrelo ami?" Tih pahin ka inher a.
Mitmeng tawrh har lutuk maiin min lo melh bawk nen,țah vak mai ka duh.

"Tunah i hre tawh alawm. I hlauhthawn vak ka hlau a" tih pahin ka biang chu a kut pahnih in a rawn dawm a.
"Mahse,sawi tal la 'lo hlauthawng suh' te pawh iti thei reng alawm. Tiang te chuan hrehawm tih vangin ka thaw te hi a chham thei mai dawn asin" ka tih chuan min kuah vat a. Keipawh chuan nghet fê in ka kuah bawk.
Niminah ka chân țep a ni tih hre lovin zân hun hrehawm tak ka tawrh tir a ni si a.

"Ka tihpalh aw" ka tih chuan ka hnungah a chûl hliau hliau a.
"Ka thiamloh vek a ni. Jennie kha ka ngainatloh zia pawh i hriat kha" ka tih chuan min kuahna a thlah a.

"Shhhh,min han en teh le. Heyy,i țap ami" tih pahin amah en thei turin ka biang a rawn dawm a.
"Țap lo" tih pahin ka lu ka lo thing nar nar a.

"Țap miah suh aw. I mittui tla vawikhat chiah ka la hmu a,awmdan thiam a har emai. Chuvang chuan i nui hmel chauh ka hmu duh" tih pahin ka mitah chuan a rawn fâwp vang vang a.

"I hria em,he mitmeng mawi tak atanga mittui luangchhuak tur chuan a hlu lutuk mah mah" a tih chuan keimah zawk chuan ka kuah a. Min lo kuah lêt vatin khum lam chu min pan phei pui a.

"A țha vek e. Engmah harsatna a awmlo" tih pahin khumah chuan a țhu a,amah hmachhawn zawng in min pawm a,naute ang maiin a âwmah chuan ka bei hle hle a. Ka chân teuh zia ka ngaihtuah ringawt pawh hian ka â thei mai dawn in ka hria.

Ka chhungte'n min inţhen tir an tum lai khan ka lak atanga kalbo a,midang ta ni tur anga ka ngaihtuah khan hrehawm ka ti hle a. Mahse,he khawvel leh ka lak atanga a hla vang vang tur hi chu ka lo la ngaihtuah thleng ngailo hrim hrim. Tun bak hi chu ngaihtuahna ah pawh awm tawhlo se ka duh. A hrehawm emai.

"Hahdam ang aw vawiin chu" tih pahin khumah chuan min mut a. Ani pawh ka bulah chuan alo mu ve nghal a. Min lo kuah chuan thil ka hrechhuak zawk.
"Engtin nge in chêtsuak theih a?" Mut paha a khabe leh hmai vel hmul țo siar siar khawih pah chuan ka zâwt a.

"Damlo ka sawi kha,kha kha ka motor ah ka lo phur a,Doctor mipa pakhat leh Jennie te nen khan. Kan rawn chhuah dawn zan khan ana a zual deuh a,kan buaipui zankhua a. Kan rawn haw lamah chuan a zia deuh. Mahse,Aizawl kan rawn luh hma deuh hian ka lo mutthlu deuh nge ka hrelo,tleirawl bike khalh pakhat nen kan intâi a. Ka brake thutna lamah ko pang kan su palh a,ko pang kha su lo ila chu a piah lawk kha khâm ania" a ti sup sup a.

Ka ngaihtuah hian ka inthiam thei mawlh lo. Tlema tlemah kan inchân țhelh a ni.
"In zin leh hunah pawh midang motor khalh tur ko ziah tawh rawh. Lêngpui atang chauh lo khalh mah la,zin chauh nen chuan a buaithlak" ka ti a.

"Ni e,kan ti tawh dawn nia. Kan damlo phurh ber kha chu muhil anih vangin a insawh lova,Doctor pakhat khan alo chelh nghet thova. Mahse,Doctor pakhatkha chuan a lu a tauh thî deuh a,Jennie kha a inhliam deuh bawk a" nizan chungchang ngaihtuah rân in a sawi tih ka hrethiam. Jennie a rawn sawi khan a ke na hleilo ka pasal bula a bâi kual vel kha ka mitthla ah alo lang a,chu erawh ka sawibuai duh lo.

"Anih nangin hliam i nei ve em?" A sam khalh niap niap pah chuan ka ti a.
"Kan lo thlen khan damdawiin ah i awm ka ring sia,ka pa ka lo be tawp a. Chuan Hotel ah khan Doctor leh nurse 2 alo chhuk tir a,tah khan min lo buaipui" ka bân chûl hauh hauh pah chuan a ti a. Rilru hah taka a awm lai pawhin ka hlauhthawn ala hlau tho anih chu.


"Hliam i nei em ka tia lawm?" Chêt deuh sawk paha ka tih chuan alo nui hawk a.
"Hetah hian chhetê" ner deuh pah hian a ti a.
"Khawi ka lo en" tih pahin ka tho hluai a.
"Ho mai mai,lo mu teh. Ka ngai tawh che nia" tih pahin min lo pawh mut a tum leh a.

"Ka en hma chu ka mutpui lo ang che. Ka nu inchei ka zu en mai mai ang" ka tih chuan alo tho țuah țuah a.
"Ava ho e aw" tih pahin a kawr chu a phelh a.

A hliam ka hmu chiah chu ka țim sawk thei. En reng reng pawhin 'ho mai mai' tih chi a nilo.
"Tiang te chu a duk nasat em hi" thinrim deuh tak chuan ka ti a. A duk kual deuh ruih bawk si.

"Ana vaklo" tih pahin a kawr chu a ha leh a.
"Engtin nge helai daih daih i sawh theih?"ka ti a.
"Ka mutthlu deuh nge ka hrelo ka tih kha. Ka din thutna ah khan ka sawh aniang,ka hre biklo engtin nge helai daih daih ka sawh theih" a ti mai a.

"Doctor khan damdawi hnawih tur min pe alawm,ka hnawih tawh" chek tlak tlak paha ka en chu hmu in alo ti vat a. Nurse ka ni a,na leh na lo chu en mai pawhin ka hrethiam ve.

"Nizanah i hnawih ami. Engtikah?" Ka ti leh a
"I mut hnu khan" atih chuan inthiamlohna bawk ka nei leh. Ka mut tirh khan a ri deuh ruk ruk ka ti reng a. Amahin bathroom ah a va inhnawih ve chu a ni ngei awm sia.

"Tinge i sawi loh" ka ti hlar a,ka ngei lutuk. Mahni inthiamloh vanga damlo turin min duh aniang.
"Biak ngamin awm heklo che" tih pah chuan min kuai mu nghal vat a.

"Mahse,sawi ve tho tur che ania" ka ti sep a.
"Kan inneih hma khan i unaunu leh i chhungte dang khan i luhlul zia sawiin min vau lawk nasa alawm" nuihzat hmel deuh chuan a ti a.
"Hmmm,chuti tikhan a rûkin lo tuar reng la anih chu" tih pahin ka inlukhup hmak a.
"Tunah te chuan ka nupui duhtak,tihdamna kut neitu ka bulah a awm tawh alawm" tih pahin ka puan sin chu a rawn kêu a.

"Anih,engmah zêp lovin min hrilh ziah tawh ang em?" Tih pahin ka melh chho kiau a.
"Aw" tih pah chuan alu alo bu nghut a.

Chutia min bawh deuh ûr lai chuan ka hmuiah a mit a fu chat a. Kei erawh chu a hrawk bâwkah ngawt a ni ka mit alo fûk leh ni.

"A nalh iti tiraw?" Tih pahin a hrawk bâwk chu min khawih tir a,ka kut chu a chelh hnan bawk.
"Umm" tih pahin ka kut chu ka chêt a.
"Fâwp rawh" atih chuan amah chu ka en hâ a.
"Fâwp rawh" atih leh chuan
"Âwm anglo emai" ka lo ti vat a.

"Fâwp la chuan ka thil lo hawn ka pe ang che" naupangchhia angreng tak hian a ti a.
"Iva ho,min pe mai mai rawh" ka ti a.
"Nizanah ka pe ang che ka tia,mahse i titau sia. Ka sim hmak,biak i har emai,tiang khan awm tawh suh" atih chuan ka lo bu nghat nghat a.

"Le,fâwp rawh le" tih pahin a rawn kûn hniam a.
"Ka thiamlo ang" tih pah chuan a hrawk bâwk chu ka la khawih tho.
"Mi i kiss ang kha a ni mai" ala ti deuh deuh a.
"Anih vawikhat chiah" tih pahin ka kut pakhat ka hmuh a.

"Vat" dawhtheihloh hmel zet in alo ti a.
Ka hnaih a,a hrawk bâwk chu ka lei chuan ka han si de de a,alo thaw hawlh a.
"Liak lovin fâwp rawh" alo ti leh a.

A țawng zawng chuan alo che nghawr ve zel bawk.
Chutah ngam leh ngamlo chuan ka han hnaih leh tê tê a,ani duh khawplo chuan ka tukhumah vuanin a ngâwngah chuan min nawr bet a.

Loh theih lohvin a hrawk bâwk chu ka fâwp ta a. Thâwk hawk pahin chil alo lem khawlh a,chu chuan lo tipial in a che ralh a. A hrawk bâwk chu hnêk dek dek theih khawpin fawh a nuam.
Nuam a ti nge,ka fawh pah chuan chil lemin alo tiche ralh ralh bawk a.

"Tawk" tih pahin ka hawichhuak a. Ka fawhna ka en chuan alo huh hliam a,chumi ka hmuh chuan ka zak leh sia,ani chu alo nui hawk thung.

"I thiam hle mai. Tunah chuan phuba ka lâk a hun. Ngai em em che in ka lo haw a,min lo tihtauh khum sia" tih pahin ka kawr chu a rawn zen a, a kut chuan eng eng emaw a rawn dap chhova.



ADVERTISEMENT 👇 ADVERTISEMENT 👇



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)