✨DEUH THUT CHUAN✨ CHAPTER NINETEEN

Episode kal lai dah luhna

Moderator: writers

Roses Are Rosie
Posts: 289
Joined: February 23rd, 2020, 2:20 pm

✨DEUH THUT CHUAN✨ CHAPTER NINETEEN

Unread post by Roses Are Rosie » November 25th, 2021, 9:58 pm

✨ DEUH THUT CHUAN✨



CHAPTER NINETEEN



----------------------




JUDITH P.O.V






"Min thlah rawh, min kaltir rawh" Zothana min kuahna atang chuan talchhuah ka tum a, awmzia a awm lo kher mai, min kuah nghet sauh sauh zawk



"Khawiah mah i kal dawn lo, ka kal tir dawn lo che" nghetcharh chuan a ti a



"Nilo..min kaltir tur ani, i him zawk nan ka kal a ngai"


"Teuh lo..kal tir leh mai mai tur che in ka hmangaih lo che, i hria em??" Ka dar tawn tawn ah rawn vuanin min thing deuh nawk a



"Engvangin nge min hmangaih, min hmangaih thei lo" ka ti vin that a


"Chuzawng keimah thu thu ani, nang hi dan ang takin ka nupui i ni a, i pasal ka ni bawk, ka thusawi hi i zawm in i awi tlat tur ani, a chiang em" min enkar chuan a ti a, engvanga a mizia danglam ta em em nge anih ka hre lo..



"I hrethiam lo ani..tunge ka nih a, enge ka tih thin i hre vek, hmangaih nei a, chhungkua nei thei ka ni ve lo, ka chak lohna in ni" zawisap chuan ka ti a


"Nilo..i ti dik lo, chhungkua neih hi min ti chaktu zawk an ni, tlanchhe tawh suh Judith, nangmah leh nangmah kha inbum tawh suh" tawng tumah ka ang zuai tawh tih ah a kut rawn vai zauhin "a tawk, engmah sawi tawh suh, engmah ka ngaithla duh tawh lo, zanin atan chuan ka chau tawk tawh viau ania, muttui phawt le" tih leh inchunglam pan chuan a chho nal nal



'i va han a tak em..engvangin nge min hmangaih a, min hmangaihna vang hian i nat pah ziah dawn tih lah i hre silo..mahse midang ta tur anga ka ngaihtuah chang apiang che in ka na ve zel bawk si, ka bul hnaiah i awm lahin buaina ah ka hruailut zel che bawk si, mahni hmasial takin ka che mai dawn ami.., nilo..a theih lo..engvangin nge Lalchhanchhuaha ai kha i lo awh khanglang chu le.. chhanchhuaha zawk kha lo nise chuan tun ang hian rilru insual buai hian ka awm lo anga, tumah venthawn ngai lo in ka awm ni mai tur' ka rilru insual buai reng tih reh turin zu bottle chu la in ka in kawlh kawlh a, ka in hnem poh leh ka rilru buai a reh thei silo, ka nun ah tiangah zu in buai ngai khawpah rilru hahna ka tawk ngai lo asin..He Benjamin Zothansanga ka nun ah a rawn lan atang hian keimah hi keimah ka ang tawh lo tial tial lehnghal...




"Hey.. Judith..harh teh, tho vat rawh" tu emaw in min sawi nawk nawk chuan ka meng riai riai



Nizan ka zu in vang nge, ka lu lah chu a na phian a, ka hangover chiang lutuk, ka meng tha hleithei lo lehnghal


"Zoramsang..i harh em, inthing harh teh" min thing nawk nawk ni mai hian ka hria

Muangchang chuan tho chhuakin Ka khawhmuh pawh a rawn fiah deuh tan.

Zothan chu hlauhthawn hmel tak hian min lo enkar a, zingkarah pawh hian a lo hmeltha tho anih hi, ka ngaihtuahna vang chuan ka khi suk a, a ngaihna hriat lo hmel tak hian min la melh kar zui



"Judith zoramsang" vin zet ah a rawn tih chuan ka harhchiang teh e, ka rilru a rawn fim nghal vekin ka hria..


"Enge ka room ah hian i lo tih a, engthil nge thleng" ka tih chuan "thil tha nge tha lo pawh ka hre love a" a kawngdawm vah chung chuan a ti a


"Aw..nilo..ka lu ana ania, indopui a chhuak te anih ngawt loh chuan mut phawt ka duh" awn thla riai riaiin ka mu leh nghal


"Nilo..mu tawh suh, i thawhkan vat angai" khum ah rawn lawnin min pawt tho nghal


"Hey..min thlah teh, enge i hriat a, min thlauh ange" min pawm tho chu tlak hlau zetin a kawr awm ah ka tham nghal vat, en lo ka tum zet na in, ka hawisawn thei der lo, a inmet zo hlim tih hriat takah a gel rim nam nam vengte chu hriat loh der a har khawp mai, ka enreng tih hria ni awm takin min en miah silo in a nui suk a, ka nui ve ringawt lehnghal


Chhuatah min nghatin a kawrban a thlep tha mawlh mawlh a, kei erawh puan ka lo in bat hnawk nuai thung...


"Engthil nge, min kaitho na khawpah pawimawh chu" amit ah enkar chuan ka ti a..


"Ka chhungte an rawn kal dawn, tlaiah an rawn thleng ang" a tih chuan "engtin a, vawiin kher ah maw" mangan hmel tak chuan ka ti a...



"Aw.. vawiin ah..ka nu leh pa te chuah an ni dawn lo lehnghal, ka unaupa te chhungkua leh ka nutei nupa nen mawle" min nuihtlawn deuh chuan a ti a, ka tlu thei mai dawn in ka hria..


"Engvangin nge tun ah tak ah a trip trip ah rawn kal kher an tum a"


"Nia..kan chhungkaw chawlh hman ho hun a nia, kum tin kan tihdan alawm..lungngai lutuk lo teh, i paltlang thei tih ka chiang em" ka banah rawn ben thek thek pah chuan a ti a, a mood a fuh deuh nge..a nui vur vur bawk si, kei erawh ka tum bur thung..



"Office ka kal dawn a, tlaiah ka nu te chu ka va hmuak anga, in ah lo awm ang che, in tifaitu a lo kal dawn a, a chhuah hma chu in lo chhuahsan suh ang che" a tih chuan ka melh vat, thupek a va nghah reuh maimai tak..


"Ka kal dawn ania.. E, leh lawk, thil pakhat leh" a kal hleithei lo chu ni ber mai, inherin ka nui sang a, "enge a dang a la awm ami" ka tih chuan a khi suk


"Aw..a pwimawh ber, kan sofa hnuaiah i ralthuam dah ho khu lo dahsawn vek la, chuan, hei hi min han hrilhfiah teh" tihpah in a kekawr ipte atangin hmul ziahna a rawn phawrh..

"I hmul ziahna nih kha, enge ni vak" ka tih chuan min enkar in a mit a kan hak "Judith zoramsang..ka hmul ziahna ah leh zel aw ngaihthlak rukna dah hi enge a tulna, an tawngthei pawh ni hlei lo, min han hrilh teh, keimah ah hian enge dah lo pakhat tal i neih" a tih chuan "i him nan alawm" nui sang chuan ka ti a..a lu a dawm vawng vawng ringawt.



"Enteh..ka chhungte rawn awm chhung chuan i spy thil vel hi dah bo vek la, nangmah ngei pawh insiam that tum ang che, ka chhungte ho hian tunge i nih a, eng hna nge i thawh thin tih hi an hre ve tur anilo, i hrethiam em" a tih chuan bu zauh in "a tha e..chuan thil pakhat leh chiah, ka nu leh pate i enthlak ruk vaih chuan ka tiam a che, ka thuai hrep ang che, tha em" nuisang chuan a ti a, ka melhrum hrep ringawt, eng hmuhin nge min hmuh reng reng ni...



Zothana sawi angin in tifai tu a lo kal a, keipawh in bual harhin ka room te ka ti fai a, ralthuam ka dah ho zawng zawng chu a rukin ka car chhungah ka sawn vek a, nun pahnih hmang ka ni a, a chang chuan a hlimawm a, a changin a hreawm bawk..



Cont



A la tawp dawn mai lo ania aw..in duh aiin episode a tam mai thei lehnghal, min peihlo san reng reng suh u aw🤣 muttui chhiar nuam vek ule...💜



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)