YOU BLACK MY HEART CHAPTER 11

Episode kal lai dah luhna

Moderator: writers

Zaikawii Budelh
Posts: 170
Joined: October 22nd, 2021, 7:23 am

YOU BLACK MY HEART CHAPTER 11

Unread post by Zaikawii Budelh » November 26th, 2021, 7:51 am

YOU BLACK MY HEART 🖤


( Ka type laiin ka lo muthlu leh pek a, chuan ka harh vel ah ka type nghal, Ka type laiin lir a nghing a, lirnghing kha inlo hre ve em?))


BY Zaikawii Budelh 💚



Chapter -11








In hnuai lam ah chhuk mai a phal loh vang in a room ah chuan min awm tir ve reng a, Intifai tur a ka tih lah in a duh der lo, khum ah ka mu a,a ni chu ka chung ah bawk khup in a mu a, min kuah bet tlat, a sam ah chuan ka lo chul sak ve niap niap a, a thaw leh siai siai thin.




Kawng khar bul a ka pentie leh kekawr bul ka hmuh rual chuan a tukkhum sam ah ka tham vak a,a ni pawh in engmah a ha biklo tuh ka hriatna chuan min ti khur thia, ka then nghal vak ringawt,ka van han zak tak ,



" Tho teh!"


Ka ti hlak ,
a rawn rum tuah tuah a ka t-shirt ah zen luh leh mai a tum chu a kut ka lo ben sak vak a, peihlo tih hriat zet a min rawn en pah hian,

" E nge?"


A rawn ti dut,


" I kum a tam tawh Hnute lawm rual pawh I ni tawh lo"

Ka tih chuan ka kawr chhan ah a rawn hum nghal hmiah a,


" Ka ta vek a nih hi"

Tih pah in min hnaih nghal talh talh a,a zei lutuk chhan hi Tlangval senior a nih vang ah ka puh hmiah,a kut lak sawn ka tum chuan a kut khing khat in a rawn man bet hmiah ,ka chung ah a bawk run a, min melh dan hi ka hrethiam lo,mahse, ka ngaih a tha veng veng lawi si,





Ka inrin hma in ka t-shirt chung ah a lu a thun hmiah a, ka hnut hmur chu a fawp nghal dawk dawk a, ka dul leh hmun dang ah te chuan a fawp kual dun dun reng a, kei erawh boruak khamlo in eu deuh ngawng ngawng chung in ka lo thaw halh halh thung ,a lu ah nem sak pah in,




" Vic, a tawk,"


Harsa deuh hian ka lo ti a,


" Vic!"


Ka lo ti leh halh a, he mihring bul a ka zauthau vak zel hi a chhan tur awm ka ngaihtuah thiam lo, Ka T-shirt chhung atang a a rawn chhuah hnu ah ka hmui aha rawn fawp leh vang vang a,Ka nghawng a hmai phum in a thu lum ah ham a, ka nghawng a vun nem lai chu a hne dek dek,



" Hreptak hian, ka kham thei dawnlo che a nih hi ' Peach'""


Tih hluk pah in,min rawn en run a,

" Vic, thil sawi duh ka nei a"



Khur der der a ka tih chuan min en run chung hian,kan awm dan hi thil dik a nilo tih ka hria, min hmangaih leh min hmangaih loh pawh ka hrelo chung hian eng vang a a bul a hian thlamuang ve em em nge maw ka nih le?


" Sawi rawh"


A lo ti deuh hmuk a,min en hnai lutuk a ka thaw tha theilo lek lek,ka biang a sa leh huam huam tawh,


" Ih nupa nih hma a s*x hman hi a thalo, ka sawi awmzia chu, lo hmang tawh mah ila hman nawn leh ka duh tawhlo, ih, nupa nih hma a hman chu Pathian in a phal lo"


Ka ti bah deuh niai a, a lo nui hawk,


" Ka putar tep tawh a, nupui neih vat ka ngai anih hi"


Nuih za insum deuh a a rawn ti a, a hmel ka en chuan a nui tep tih ka hmu thei,


" A,,,In neih ka duh ka tihna pawh a ni chuang miahlo a nia"


Ka ti ta ringawt a,


" Harsa dawn viau mahse , a tha lawm"


Tih pah in a tho thurh a,ka mit ka lo hup nghal zat,


" Eng e maw tal ha rawh"


" I hmuh vek tawh tawk kha"


" Remruatfel!"


Ka tih pawih in a nui ringawt,


" Naupang te te hian mingpum lawl law zel suh"



A ti hluk a,



" Naupang min tih leh min t* tawh miah suh"


Ka lo ti deuh hmak a,ding reng chung in a rawn kun hniam deuh a, ka mit ah tak en pah hian,



" I phal.leh tawh tina mi?"




" A teuh lo "!?

Tih pah in ka lu ka lo thing nawk nawk a,a kut a ka mal rawn zut a tum chuan khum lehlam ah ka inlet thla nghal sawk sawk a, ka kawr awmna lam pan in ka kal nghal nal nal,ka biang sa hat hat ah chuan min en reng tih ka hria zak viau mah ila nuam ka ti tho bawk si.





A taksa a nalh tih a hrechiang hle tih a lang reng, zak ang pawhin a awm velo bak ah, kawr a halo tih pawh a hrelo a ang zawk hial,a m****na chuan chunglam a hawi deuh vu a, ka chil ka lo lem khawlh,a phone a hmeh nuap nuap hnu ah ka lam rawn pan in ka chhip ah a fawp leh vang vang a,



" Kan intifai a nge lo zu chhuk rawh"



A tih chuan thu awi deuh in ka lo bu ve nghauh nghauh a,Siamkima Jail ah a awm tawh a,Ka thiannu Awmi i nen pawh an inthen fel tawh bawk, kum 5 vel lai a tang dawn a nih hmel, a thil tih ngaihtuahnin a tang reilo ngawt mai,a bialnu erawh kha chu a tang velo thung .Ka thiannu pawh in hna a nei a, a thawhna a sawi duh der lo lehnghal a,' hlawh a tha' a ti duh lek.



Inhnuai lam ka thlen thlak chuan Emily hmel ka hmuh mai loh vang in,


" Nu Mapui Emily..."



" A U Hlute"


A rawn ti nghal lang lang a,ka room lam pan in ka phei nghal vat a,a bul a ka thut thlak rual chuan minlo kuah nghal vat,a hmel a dang bel a, a nawmsamloh hmel tak tak a ni,



" Princess na I nei em"


" Ka lu a na"


A rawn ti tiau a, a pang chang ve thei a nia aw,a lu chu zawi te te in ka hmeh sak a,a pang a lum deuh bawk nen na chhawkna ka pek hnu ah a muhil leh nghal daih a, a harh vang lo lutuk a ka rilru a nuam thei der lo.






Ka nu ka call a, mahse, ka nu nilo in U Sangzualan phone a lo chhang thung a, mak ka ti deuh viau a ka nu hian phone hi a lawm lo ve a,naupang an rak chel chu la


" Khawi teh u In ni ka be dawn"


A ti hluk a,


" A pa kan be ve duh, a pi in a hmel tha lutuk a ti "


" A hmel a hmuh theiloh"


" Video in call mai la"


" In nin awm,Duati, Thereng ho hi lo la sawn teh"


A ti leh hluk a, ka lo nui hawk, mahni fa te' Thereng' han tih tawp mai chu a dang dai ve em a ni,


" Aw, Hlute minlo hrethiam mai rawh aw, naupang ho in an hmu chak che a,"


" A pa mawh!"

Mipa naupang aw hian a la rawn ti leh hram a,


" Lo va phei rawh ,I nu in Kfc a rawn hawn"

"Yess!!!"

Ti ri leh ke per dat dat ri in a zui a, ka nu chu a khua a har dawn loh tawp hi,


" Ka fa te hian an hmu chak lutuk che a, kei ni pawh in kan hmu chak lutuk che, ka nu hian a sawi reng zel che a"




" Keipawn ka hmu chak lutuk, khawnge ka nu chu?"



" E,,a thian hlui a hmu fuh a, an thian dangte tlawh turin an chhuak lawk a, Emem an a phone ken a phal lo a, a dah ta mai a nih hi"



A rawn ti siam siam a,an ri leh hlut thin,


" Hlute, Mami ka nia, I Video kha lo on lawk mai ta che , kan fa te hian an hmu chak lutuk che a, an awm hle hle theilo"


Hmeichhe aw hian a rawn ti a, U Sangzuala nupui a nih ka ring ve hmiah,

" Aw le"


Hreh deuh chung chuan ka ti a,Video call a rawn luh chuan ka lo chhang nghal vat a, mipa naupang hmeltha deuh ka hmu hmasa ber a,min en vung vung a, phone keng tu a pa chu a bawh ta ringawt,


" A lai a nih kha"


U Sangzualan a tih chuan ka lo nui hak hak a,an cute dun lutuk mipa naupang chu kum 8 vel tur awm a nia , hmeichhe naupang erawh kum 6 mi vel anih ka ring,


" A, ni, Ttetei chu a hletha tiraw A ma!"



Hmeichhe naupang hian fiah lutuk lo hian a rawn ti ve a, U Sangzuala hmel ka hmuh chuan ka nu ka hre chhuak zawk, an in ang tak zet, ka nu ka ngai lutuk a ka hnuk a ulh lek lek .


" Hlute hei ka fa te chu , Hei Emema nia chuan hei hi Pangi, Emema hi kumin ah khan kum 8 a pum chiah a, Pangi hi kumin ah kum 5 a ni ve tawh dawn"



Tih pah in a fa te chu min hmelhriat tir nghal zung zung a, hming an nei sial thei khawp mai, a fa nu koh duat nan ' Pangi' han tih deuh tawp mai chu, fiamthu duh tak an nih ka ring ve tawp,an lai lutuk a keipawh ka lai zo ta vek,



" Chuan hei ka bul a hmeltha deuh hi, Angel a maw I lo ti a nge, ka nupui a nih hi, mihring a nih hi aw"


A rawn tih zawh rual in,

" Aiah,"


A ti nghal zat a, ka lo nui hawk hawk,




" Ka nu in a sawi dan ang aiin I hmeltha daih zawk a nih hi, lo la zin ve tak tak rawh aw"


U Mami chuan a ti nghal lang lang a,Naute chaw a pe pah mawlh mawlh bawk.Thil kan sawi luam a, ka nu a that chak thu leh ka hruai phei kher a ngaihloh thu min hrilh a, mahse, pawisa chu ka thawn lui dawn tho, an fel in an tawng duh em em a, U Nau ka nei ta ah ka inngai ve hmiah.



" E nge I lo tih a"


Victor a aw thum zet in a rawn tih chuan ka phu deuh zawk,

" Ka U te ka bia a"

Lai deuh chuan ka lo ti ve mai a, ka bul a thutna ah chuan a rawn thu thla ve nghal zat a, phawk deuh in ka lo en,



" Tunge a hming?"


Tih dut pah in min rawn kuah a, ka chhip ah a khabe a rawn nghat nghal zat a,tal hran ka tum a a a lo phal leh pek lo,

" Sawi vat la"

" A ih,,,,U Sangzuala"



Ka lo ti ve mai a,

" Hlute I bul a mi kha tunge?"



U Sangzualan a lo tih chuan Victor chu ka melh zawk a, minlo en ve run a, ka chhan dan tur a lo ngaichang tih ka hre mai.


" A bialpa a ni mai a lawm, I hrelo thei lutuk"


Umamin a lo ti hlak,


" Lalruathlui Bialpa ka nia,Kan innei tep tawh"


Nuih za aw deuh hian a rawn ti deuh sup a, U Mami a lo khek raih,


" Ka nau kha I lo.tih hrehawm vaih chuan Aizawlah khan ka fa te ho hruaiin ka rawn rikrap dawn che a nia, lo duat viau rawh"


a lo ti nghal hlak a, vawikhat in biakna ah min nel nghal em em thei chu mak ka tih rual in a nuam ka ti,


" Hlute I thianpa chu a hming te min hrilh ve la"

U Sangpuian a lo ti ve leh a,hming te kan inhrilh a kei ai pawh in an ngeina ta hial zawk a ang,


" A nutei bialpa, In lo zin hun ah Jcb chuan theih minlo hawn rawh aw"


Emema pawh in a rawn ti ve lang lang ngam tawh a, min hmuh erawhin a lai thei viau thung.Rei ngial kan inbiak hnu ah phone chu kan off ve ta hram a,


" Tinge ka U te bulah khan kha tia I sawi? A zahthlak "


Ka ti hlak a,


" Zak rual ka ni tawhlo"


A lo ti then, ka melh rawm rawm a, ka hmui ah a rawn fawp zeuh a, min kuah nghal hlu hlu.



Zanlam ah Emily pawh a rawn harh ve teh mial a,duh aiin a dam ta atih theih hial ang,lehkha in thlawhna kan siam a, inchhung zawng zawng a hnawk vek,Victor pawh in kan chhet hnawk na bul ah laptop a lo khawih ve a,Nu Mapuii erawh a riak chhuak thung,



Victor chuan min rawn melh leh zawk thin a, a tum deuh bar leh nghal, Emily nen chuan kan indek nui leh uarh uarh thin a,Upat a lamah ka naupang tha leh hi a ni ringawt,zan a rei deuh tawh a,Emily nen Tv ah Netflix kan en a, ka mal kham in a mu kak a, puan nuam a sin than bawk.


Victor pawh a ding hluia a,Emily nem nawn deuh pah hian,

" Ka seat ah I mu"

A ti deuh hmuk a, Emily a tawlh sawn duh bik thak lo,


"Ka seat a sin, thutthleng dang a awl duai a, kan bul ah kher thut I tum a, sawtah sawn va thu rawh"


Tih pah in Sofa awl chu a kawk a, ka lo nui hawk,Emily chal ah chuan ka chul sak hliau hliau a, a lo rum nghut.Dar 10 pam vel a ri tawh a,kan movie en lai a hmuhnawm laklawh a, Victor lah chuan Emily muturin a lo tur ve sek bawk a, Sofa awl ah a mah in a thu tum vuau mai.


". A u Hlute Pizza siam I thiam em?"


A tih chuan lu ka lo thing vat a,


" A u pizza min siam"


Emily chuan Victor a malchung a thut kai pah in a ti a,


" Ka Buai lutuk a, natuk ah kan ti mai dawn nia"

" Na I sual"

" Princess, ka seat ah I mu tlat a nih kha"

Victor chuan alo ti hmuk a , ka va en chuan a lo hawi sawn hmak, van han naupang chhia tak,

" A U Hlutein a ei chak a"

Emily chuan a ti ta daih a, a hmui hup in min rawn nuih karh karh a,hmuiphun in ka lo hau hlak,

" I ei chak em ni?"

Mit zim san pah a min en chung hian a rawn ti sup a,Emilyin min lo en kiau tak ah chuan ka lu ka lo bu ve nghat nghat ,a tho thurh a, Emily pawm kang nawlh pawh in ka lam a rawn pan a,


" Tips ka dawn chuan kan siam dawn nia"


" Sawi vat vat la"

Emily chuan a ti deuh sek a,

" Min fawp rawh"

" Remruatfel"

Ka lo ti hlak a, a nui vur vur mai,

" A U Hmeltha"

" Emily!"

Ka lo ti hlak a,A nui uarh uarh lehnghal a, naupang nghal lutuk mai,

" A U Hlutein A u a fawp dawn e"

A ti lauh lauh reng a, ka fawp awmlo e,Victor chu a nui suk suk reng a, kei chu ka lai leh hle tawh,

" Emily a tawk!"

Ka tih pawh chuan athil sawi lai chu a sawi chhunzawm zel a,ka van han ngei reuh mai mai tak e aw.


" Emily I mit hup rawh le"

Ka fawh duh tak loh ah chuan a rawn ti deuh sup a , a nui thaw reng a, ka kuk lawlh chak ,Emily chuan a kut tereuhte pahnih chuan a mit a hup a,

" Enge I tih..."?

Ka hmui ah a rawn khar nghal hmiah a, rilruih leh duhthawh lutuk hian min fawp vawng vawng a, ka tum loh deuh in ka lo chhang let palh a, a rum hawk,a ai a uarin min fawp ngawng ngawng a, ka thluak a buai vek in ka hria,


" A u In zo tawh em in rei e"


Emilyin a rawn tih chuan ka inla hrang thut a,Emilyi lah chu a nui kerh kerh reng a,Ka thawnhalh halh reng a, Victor hmel ka en ngam rih lo.


" A u leh A u Hmelthai an in fawp e"


" Emily tih pah in man beh ka tum a, rang deuh in a lo tlan chenghal daih a, chimawm lutuk mai,


" A u in A u Hlutei a fawp e"


A ti leh lauh thin a ka zak tak zet,Victor chuan min pawm kang nawlh a, ka lo te that ,chhuk tum a ka tal vel chu Emily chuan a lo lawm fal leh ngang a nuihna za hle!


Choka lam ah min pawm phei a, thutna ah chuan dimtein min thut tir a, Emily pawh a hlang ve nghal zat,


" I tih zah thlak thei e mai !"


Ka lo ti leh hmuk a, ka chal ah a rawn fawp vang vang a,


" Kei pawh ka duh ve"


Emilyin a lo ti ve lang lang a, kan nui zo ta vek,Ka rin ai daih in ei siam a thiam a, a pizza ur chhung zawng chuan a mah hlir ka lo en a, a kiai leh suk zel,a che vel chu a hmuhnawm hi a ni tawp mai, a chet zawnga a ban vel a a thisen zam che leh tawlh tawlh thin te a ban bul phiarfap mai a thil lak vel zawng a lo che tel ve leh zel te chuan a ti sexy hi ani tawp, eisiam ka hmuh tawh zawng zawng ah a la sexy ber.




" A tui lutuk"


Ka ti hluai a, a tui tak tak,Emily chuan muthlu lawp lawpin a ei a, thla ka lo laksak mawlh mawlh , Videoin ka la anga ka en tir dawn chiang,


" Khawimaw I phone kha"

Tih pah in a rawn ban vut a, ka bul ah rawn thu thla in thla a la nghal mawlh mawlh a, Ka lo nui hawk hawk reng.
Emily a mut fel a, ka intifai leh te te a,a ni pawh a room lam ah Inti fai turin a kal,Inhnuai lam ah tui laturin ka kal a, door bell a rawn ri thut a ka phu chiang kher mai, Nu Mapuii a nih ring in ka kal hnai mai a,Victor pawh engtik laiin nge a rawn thlen thlak ka hrelo,


" Keiman ka lo hawng ang"


Ti nghut in a hawng a, rinloh lutukin, Dominic hmel kan hmu hlawl, kan in en phawk kher mai.

" Dominic!"

Kan ti rual that,a ban a vai thuak a,

" Min zawt suh Engmah min zawt suh"


A ti nuap nuap a, Victor a lo rum nghut,


" Hlute ! Ka Hlute hmeltha"


Ding bu luk luk pah hian a ti a, ka hnar hup in a lo vai hlual hluap


" I rimchhe lutuk"

Ka lo ti hlak, a nui vur vur leh nghal,


" Haw rawh"

" Aih, I in pawh a nilo"


Ka chal ah rawn nawr zeuh pah hian ati a, Victoran a ku a lo ma nghal chawt a,a hmel ah chuan engmah a lng chhuak lo,


" Sir lo riah I phal em? Ka fel viau ang"


Sipai ang deuh a in kheng khawng chung hian a ti a,Victora tawng leh hma in


" Ka lawm e"

A tia, a rawn lut nghal thurh a , ani pawh hi a pa lian ve a, Victor nen an inchen a,mahse victora sa a tha zawk,Sofa ah chuan a bawk thla thlawp a, a hnar zui nghal bawrh bawrh, chek tlak tlak chung ka pan hnai a,


"Mawl tel tual lutuk"


Tih hlak pah in a pheikhawk chu phelh sak ka tum a, Victora chu a che vut a,

" Kei man"

Tih hmuk pah in a rawn phelh nghal mawlh mawlh a,Dominic chu a che hrut a, Victora nghawng a kuah pah hian,


" Ruati, Ruat hmeltha"

Tih pah in fawh a tum ta mai, Victor chu rang deuh in a tho vut a,

" Hmel a!"

A ti hluk, ka lo nui put put chu min rawn melh vut a,

" Buaipui a ngailo chho ang"

Tih leh min kaih a rual a,


" Ruati kal suh, Ka hmangaih che lawm, tak tak"


Victor ban man beh tlal pah in ala ti tak deuh deuh a,

" I Ruati ka nilo "

Pakhat lah chuan alo ti hmuk, ka nuih a za lutuk a ka insum thei thlawt lo, Victor chu a rum leh nghut zel a,nuih hak hak pah in inchung lam ah kan inzui chho!



Emily room ka thlen pawh chuan ka nui tawp hlei thei lo,


" A nuih zat thlakna ka hrelo"

A ti nghut, min kai nghal chawt a, Emily mutna khum ah chuan ka in thawlh ve nghal sat sat a, a rom lam ah a let dawn maw tih nak laiin ka bul ah chiah a rawn in thawlh ve a, ka lo rum ve nghat,



" Ka nghal miahlo ang,ka tiam che"



A ti nghal hluai a, lu thing mat mat in ka mutha ve ta mai,A pangtilum in min ur ham ham a, ka kawng ah a kuah nghal thuk a, ka awm ah hmai phumin a thaw siai sai a,kei pawh in lo kuah let ve in ka chhing nghal diar diar a.







Ka lu na deuh bur vang chuan ka harh hlawl a, Victor chuan ka hnute leh lam a lo hum vang a, a hmel ka en chuan ka nui hak,Emily mutna lam ka hawi a, a lo tho tawh ,min kaitho lo chu mak ka ti deuh viau bawk.



Victor lam ka hawi leh a, ka hnute a hum na chu a rawn ti nghet salh a,a lam ah min pawt hnai leh nghal salh,a sam thur ve bam mai chu ka khawi sak niap niap a,a duhawm reuh lutuk a ka insum zo thlawt lo in a hmui ah ka fawh sak zeuh a, ka tukkhum ah a rawn man a, min fawp let nghal ngaqng ngawng a,kan hmui insi reng chung in ka nui hawk hawk.




" Morning Peach"


" Morning"

Ka lo ti ve a,


" Hna ka kal lo a nga ti hian mu nileng mai ang"


" Het!"


Ka lo ti hlak a, a nui hawk, mut reng theih a nih loh vang in kan tho chhuak ta nge nge a, In hnuai lam ah chuan an lo bengchheng hle,


" Sir , I lawr ka hawh aw, chuan I boxer nen"


Dominic chuan a lo ti ham ham ,a van han thaw veng tak,Victor chuan a lu a thing ta ringawt a,Emily paw chungin rawn a lo bawl ni ngei tur ani Nu Mapuiin tih dan tur a lo hrilh pah mawlh mawlh a, Victor chuan ka shirt chhung ah zen lutin ka khel ah a rawn dawm a,a hmer salh, ka en chhoh chuan thuk ruih hian min lo en a, ka lai leh ringawt tawh.



Dominic a haw duh thak lo a, chhun ah pawh a awm ve ta reng a, kan inte sak ah a tangkai phian , mahse , a chemkalna lam ani teh chiam lo anih hmel, kan thiat ngun malh malh kawp mai, a in la thiam ve roupi sia, Emily a tap lek lek zel lehnghal a.





Kar tawp a ni leh der tawh a, Dominic vang in kan inte sak kan zo theilo ,Victor hian hnawk a ti vaklo nge haw turin a ti ngailo a, an in kawm thei phian bawk, han chung chang ah indawr tawn reng an nih vang in a awlsam zawk chang a lo tam bak ah,Emily in a lo ngaina ve bawk nen a in la mikhual duh der lo lehnghal a ve hawm hawm thin hian.







( End of chapter 11)Comment Vek Ang aW


Add click kha aw,



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)