A Tawk Ta

Episode kal lai dah luhna

Moderator: writers

Pek Hirha-i
Posts: 69
Joined: November 23rd, 2021, 3:13 pm

A Tawk Ta

Unread post by Pek Hirha-i » November 26th, 2021, 4:24 pm

Mittui tla phunga ka nuih hnu chuan ka tawp ve thei hram. "Khatin nui vak vak tawh suh mimawl ang mai." min la tizek zui, "Ka thu thu, duhleh mimawl emaw pawh min lo tise pawi chai lo. Ka mawl tak tak loh chuan a tawk." ka ti leh hmak. Inhnuai lamah ka chhuk a, U Tei chuan "Fiona, lo kal rawh hei eitur pawh ka siam tawh aw" a rawn ti nghal zung zunga, ka bu nghat kutsilna lam chu panin kut chu ka sil nghal zung zung a.

"Fiona kha hei ei rawh" tihpahin cookie thar lam zet chu UTei chuan min rawn pe a. "Uiiii ka theihnghilh daih, ka van mawl tak api eitur ve" ka tia U Tei pawh a harchhuak thut a niang kan inen ren rawna kan nui ringawt. Ka pi room ah chuan ka chho a "Pi, i ril a tam tawh em? chhuk ila U Tein cookie a siam a sin" ka ti a." Tam ve tawh tho mai" tihpahin a rawn tho a. ka inthlahrung ngawih ngawih ka damlo enkawl ber ka theihngilh thei a nia, ram ropui ka thlen hmel tlat loh.

"Tlai lam chu chhungkua in chaw eiho ila a tha ang, Tim-a lo haw lawmna ang a ni mai dawn a. Rin loh deuhin a lo haw thut bawk sia" UTei chuan a ti mawlh mawlha kei erawh ka lo thu ve reng, sawi ve tur ka nei miau lo a tinni.
Pawnah chhuakin pangpar vel chu ka va en leh mai maia, a hma ai khan an par mawi tawh zawkin ka hria. An rimtui sia maw. Chutia ka enkual mai mai lai chuan rûl ka hmu ta mai ka phu nasa lutuk inchhungah ka tlan lut nghal rawk rawk mai. "Eng a ti nge a?" U Tei chuan a lo tinghal a,"Rûl,,, rùl ka hmu" tiin pawn lam chu ka kawk a. "Khawiah?" a ti leh vat "Pangpar pot-ah" ka tia. A va chhuak ve a, "engmah a awm lo" a rawn tilut a.
" a tleng bo hman a niang" Chelsy'n a lo tih leh phei chuan ka hlau tawh takzet.

Rûl hi ka ngaina lo, ka hlau. Leia tleng chi hrim hrim hi chu ka râp vek. Tlai chaw eikhawm an tih avangin in leh a bul vel te chu Chelsy te ho nen kan tifai a, ka pi hi chu a sugar a san deuh lai tih lohah chuan engmah hrisel lohna dang a nei lo. Amah a la in fit bawka keipawh a chang chuan ka awl thei hle.

Tlai lamah chuan an chhungte leh Timothy thiante ho chu an lo kala, ka pi pawh a unau te ho bulah a awm a, an titi nasa khawp mai. Kei pawh pawnah awmin naupang kawta infiam ho chu ka en mai mai a. An hmuhnawm takzet, famal ka nih vangin unau ka awt ve thin hle a, mahse ka sawichhuak ngai lo.
Kawtah chuan car nalh zet a rawn ding a, a chhung a tang chuan hmeichhe chhe lo fahran mai leh mipa pakhat (1) an rawn chhuak a. Hmeichhia chu a hmel tha thlawt, a nû hnap mai bawk si. Timothy chu chumi te lamah chuan a kala, hmeichhia chu a kawngah a kuah a, a chalah a fawp zauh. Mipa nen chuan an inbiak chhunzawm daih a. An inngaizawng a nih ka ring an inhmeh khawp kha maw. "I tlukna kha i na em?" rawn ti thum dut tu lam chu ka hawi vat.
Awii bawk khup thlawpa ka tluk ni a mi pa kha lo niin.

"Aih, na lo ve" ka lo ti maia, ka zak thar lehin ka hria, ka tlu chiang nasa mai sia(h). Naupang infiam ho lam chu ka en leh a.

"Eng nge hetah hian i tih a?" a rawn tileh a "Ka pi hi ka enkawla" tiin zep lem lovin ka hrilh ve mai.

Kan ngawi dun vang vang a, tawng leh a tum laitakin "Eric kha tah khan eng nge i tih a? lo phei rawh" rawn ti tu lam chu ka hawi vat. Nichina hmeichhe chhe lo deuh kha a ni. Eric a tih pa banah chuan a rawn kuah a, min hmuh chuan a ner sawk mai. Engtin mah ka titawp si lo a. Timothy nen khan an inngaizawng amaw ka tia,,, aaaa a ho emai ka buaina tur a ni tawh lo. Inchhung lamah chuan ka lut ta daih a.

Ka pi'n min koh avangin a awmna lamah chuan ka phei vat. "Fiona bawihi, Tim-a hian bialnu a nei an tia, a bialnu chu a lo kal ve an ti bawka. I lo hmu tawh mial em? Pawnah i ding char charin ka hria" a ti a. "Aih, a bialnu tur awm ka hmu miah lo" ka sawi kher duh lo, ka chiang lo tlat.
"Aw le, a pawi lo mai. I hriat ka ring deuh mai mai a, bialnu a neih tak tak chuan min hrilh tho ang" a ti a, keipawh ka bu nghat.


Timothy te rawn lut chu ka hmu a, ka pi chu ka kheuh zeuh. "Pi saw enteh" tiin Timothy te rawn lut mek chu ka kawk zauh a. Ka pi'n a hmuh rual chuan a nersak, "Saw nu saw aniang a bialnu an tih chu" ka ti leh a. "Ni lo, a ni saw chu a ni lo ang, ni pawh nise nupuiah a nei dawn lo." Ka pi chuan a tihmak mai.


"Pi, hei ka bialnu Joana a nih hi" rawn titu lam chu kan hawi vat. Timothy te chu kan hnungah an lo ding reng hi a lo ni a, "Aww, a ni maw." ka pi chuan a lo ti. Keichu ka ngawi kar mai. "Pi, nakinah biak che ka duh aw, Anna hei ka pi a nih hi" tiin a bialnu chu abiak zawm zat. A thawven hmel phian lehnghal a. "Hi, ka pi Joana ka nia" a aw (voice) pawh chu a nû hnap mai.


"Ka hria e, insawi tawh kha" ka pi chuan a lo tideuh hmak, ka nuih a za tlat peka. Joana hawihai hmel ka hmuh leh ngat phei chuan ka nuih aza tulh tulh. "Fiona bawihte, inchung lamah chho teh ang. Ka chau deuh riau mai" Ka pi'n a rawn tih leh tak avangin inchunglamah kan chho ta a.

Inchung zawlah chuan thutna uai theiah thuin ni tla mek chu kan en mai mai a. Hah a tidam sawng sawng mai, a nalh bawk si. Ngaihtur te hi nei ve ila ka tingawt mai haha...
"Pi, ti nge Timothy-a bialnu kha i duhpui loh em em a?" tiin ka zawt ta hmiah, thil zep tit tet a, thu pehhel kual vel hi ka thiam ve vak lo. "Ani kha maw, ka tupa nun tichhe tu a nih kha." a ti nghut a, mak ti leh hrilhhai takin ka pi chu ka en reng ringawt. A thaw hawk a.


"Timothy nen hian college an kal lai tang an inngaizawng tawh a, inneih hial te pawh an duh ve a. Keini pawh in kan dang bik lo. Palai vel pawh kan tir fel vek tawh, mahse Joana kha a tlan bo a. Kan zawng nasa hle a, a hnu ah nau a pai tih kan hre leh a, kan zawng nasa zual sauh. Mahse a naupai chu Timothy-a fa a ni lo tih kan hre leh ta a. Khami tuma ka tupa rilru natzia kha, a zak bawk a. Phai lamah kan awmtir ta daih a nih kha, engtin nge tunah hian an inngaihzawn leh theih ka hre lo, mahse, nupui a tan chuan a nei dawn lo." a ti a. Mak ka tihle ringawt mai ni.

Chaw a eitheih thu an sawi avangin kan chhuka, mahse ka pi chuan a room a ei a duhthu a sawi a. Keipawh chuan ka pi room ah ka ei ve nghal daih. Kan eina vel dahthlak hnu a chhoh leh mai ka tum laiin "Sofie" ti ri ka hria a, midang tamtak an awm keimah min koh ka ring hran lo "Sofie,lo ding teh" tiin ka banah min rawn chelh nghala ka en chuan Timothy lek. Tuman Sofie tiin min la ko ngai lo hrim hrim. "Eng nge nita?" ka ti a. " Ka pi biak ka duha, a biak thei ang em?" a rawn ti a, "Theih e" ti chauh a chhangin ka chho daih.

Engah nge ka pi chu biak a duh ang,, nupui neih a dil dawn ami le.. tihvel chu ka lo ngaihtuah ve a mahse ka buaina tur a ni lo ber awm e a.
Room-ah ka mu mai maia. Ka pi room ah chuan tu emaw an lut tih ka hre mai, Timothy kha a nih ka ring. Ka ngaihven lem lo, ka inrawlhna tur a ni lo bawk a, ka pi damdawi ei a hun leh tawh a vangin khum a tanga tho in ka pi room lam chu ka pan a. Room ah chuan inhau thawm ka hria, inthlahrung tak chungin ka kik a. Ka lut zui nghal, Timothy chu a lo thinrim hmel hle mai lehnghal. "Ka pi ka nei ang ka tihchuan ka nei dawn a ni mai, khawngaihin ka nupui neih turah kher kher hi chuan thu nei suh" a ti hmuk a.
Kei erawh in ngawirengin damdawi chu ka la chhuak a. "Bawiha, i nupui neih turah thuneih ka tum reng reng lo. Mahse ani kher saw chu i nei lo ang, ka dama ka thawk ve tek tek chhung chuan in innei ngai dawn lo tih hria ang che." A ti ve hmak. Timothy chu thinrim zetin a chhuak a, ka thaw huai mai. "Pi, damdawi ei a hun tawh ei tawh rawh." tiin damdawi chu ka pe a,, ani pawn a lo ei ve mai. Ka mut that tir hnu-ah ka room ah ka lut a, ka insil hnu ah ka mu hmak, ka chau hluah hluah.


Ka tuihal lutuk vangin ka harh a, dar zat ka en chuan dar 1:25 a lo ri tawh. Ka mut khan dar 11 a la ri lo a, tui ban mai ka tum chu a lo awm lo, inhnuai lamah tui in turin ka chhuka. Zan a rei tawh bawka, a reh duk mai. Choka lam ka pan nghala, tui ka in laiin kawngka inhawng thawm ka hria a, ka hlau hman dawna. Mahse damlo kanin an chhuak an rawn haw a nih ka ring. Tlai chaw eikham deuh khan an thawhpui pakhat a damloh thu an rawn hrilh avangin pa Roa te nupa kha an chhuan tak e. Chhoh leh mai tuma step ka rap chiah tihah thil ri deuh bur vangin ka hawi let leh rih, ka ngaichang vang vanga thil a ri deuh buan buan mai. Ka sawi thian dan ber chuan table chunga kan thil dah kan titla rum rum ri hi a ang ka ti. Light chu ka on ta a, ka thil hmuh vang chuan ka phu zawk. Timothy chu sofa-ah chuan a dar atanga thi chhuak zawih zawihin a lo thu run chu niin, ka pan vat a. "I tha em? I dar chu ti nge khaw maw ka lo en ang" tiin a kawr chu ka keu sak nghal a. Min dang bik miah lo, a dar hliam ka en chu ka nersak, thuk taka vihna a lo ni. Thui a ngai ang . "Thui a ngai a nih hi, kan thui dawn nia. Lo nghak lawk rawh" tia thawh mai ka tum chu " A ngai lo thui duh suh, tihian a thi chhuak hi tireh la a ni mai" a rawn tihmuk a, ka en vang vang ringawt. A luhlul hmel nasa si, a sawi ang chuan ka ti ta a. Mahse U Tei te hrilh tho ka tum.


Zing ka tho chu ka mood a fuh khawp mai. Kan intihfai zawh chuan ka pi room lam ka phei a, ani pawh a lo tho fel leh diam tawh "Vawiin chu pi, kalthui deuh ila ka tia" ka tihchuan, "A tha vek alawm" a rawn ti mai a. Inhnuaia kan chhuk chuan Chelsy leh Teri chu inpeih atin an lo awm a, " Ehhh, khaw nge in kal dawn?" Ka ti a, "Kan rawn zui ve dawn cheu, kal ang u le" tihleh chhuah an rual nghal daih.


Chhunah attic lam bawk kan tifai leha. Thil rit deuh chawi ngai ho chu kan zawn maia, Timothy chuan min rawn pui ve a. A ban kha a na sia, a tihchi loh ee. Engmah ka sawi chuang lo,
"Te Tim, i ban atang hian thi a rawn luang a nia." Teri chu a au chul a, ka rin ang ngeiin, "A ho lutuk engmah a ni lo" a ti sup a, mahse ka kal a, a kawr hak lai chu ka keu sak nghal pawp. A lo thi nasa mai. "Thui ang" ka ti a, ka hmanrua vel ka la nghal.
Vawi khat mah hliam ka la thui ngai lo hrim hrim mahse ka tihchhin a ngai.

"Chelsy Teri, lo dawm rawh u aw. A tlan chhuah thut loh nan" ka ti a, an bu ve nghat, Timothy thung chuan min melh rum ngang mai, hriau ka la a, a bul hnaia ka kal chuan Timothy chu a lo khur nia. Hriau a hlau a nih chu!! Ka nuih aza leh tlat tawh mahse ka insum hram hram a. "Chelsy chelh nghet rawh u aw, kha tlanchhiat thut duh hmel a pu a nia" ka tihleh phei chuan min melh rum nasa zual sauh. Ka thuisak ta a, ka thui chhung khan thawm engmah a chhuah lo mahse a thlan fim erawh a bawl tawk tawk mai. Ka va huai si êm, damdawi in pawh ni lo ah hliam ka vawikhat thuina tur lehnghal chu ka thui a nia. Ka thui zawh hnu chuan " thlah tawh r'u le, chetpui vak rih suh aw, anih loh chuan a thuina kha a peh palh ang" ka ti a. A bu nghat a, min en leh tawh lo hrim hrim, hmanrua vel ka dah fel lai chuan ka nui khur char char. Ani chuan min lo melh rum leh tawh. Ka nuih chu a duh lo ve hle a nih ka ring. Rum nghutin a tho daih.



Chhunzawm tur...



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)