Only You ......... Chapter 17

Episode kal lai dah luhna

Moderator: writers

Lonely Girl
Posts: 39
Joined: November 10th, 2021, 11:11 am

Only You ......... Chapter 17

Unread post by Lonely Girl » November 26th, 2021, 7:21 pm

Chapter 17






Ka tukverh ṭanga ni eng rawn lut chuan min rawn chhun sat sat a, peihlo fe chuan ka meng diar diar nghal.




Dar 6:30 chauh a lo la ni, tunlai chu ni chhuak hian min ti harh reng mai nih hi.




Vawiin kan college ṭan leh ni tur a ni tho bawk a mu tawh lo in tho harh zawk teh ang. Ka nu pawh hi enge maw a an ni, ka va ngaihven ange




La harh vak lo chung chuan ka tho a.




Hun leh ni te a liam ve zel a, keipawh 3 sem ka ni ve dâwn ta reng mai. 1 leh 2 sem chu ṭha takin ba nei lo in ka tluan ta phawt a. Han zir ve chuan chuti teh lua a harsa hi awm vak ngai miau lo, chubâkah bialpa zirtirtu ka nei miau si a min fuih nasa bawk chubâkah bialpa perfect deuh ka nei si a han tihchhiat chu ka zak ve hrim hrim...





Tunlai te hi ka nu hrisel loh a chhuak a, a mu ve deuh reng mai. Nizân ṭang khan ka lu na ti ve deuh reng bawk a inentir mai chi emawni ka ti rilru a mahse ka sawilang lo, a duh dâwn lo tih hi ka chiang ve em a ni.





Kawngkhâr chu dim deuh tak chuan ka hawng a, puan a lo sin than a a landan chuan a muttui ve hmel khawp mai. Ka thla muang deuh hetia han mut theih hi chuan kan dam ve leh vawk zêl thin a nia...





Zawimuang chuan ka chhuahsan leh a. Tihdan pangngai in coffee ka siam leh malh malh tawh, kan awmpui thin kha an khaw lamah a awm tawh dâwn vangin awmpui thar kan la a. Kei aiin a upa hret a kan in nel ve viau bawk awmpui te hi ka nei em em ngai miah lo sin. U Makimi a nia kan veng a mi a ni bawk




Midang chanchin chu duhtawk ila tûnah ka Price Charming nena kan chungchang tlem kan sawi ve ange





A hmasa ber ah chuan ka zirtirtu a nilo ṭêp tawh 3 sem kan zir chhûng zawng choh hi a thawk tawh ang. Hotel lamah insawrbing a tum ve tawh bawk a, keipawn ka pawm pui mahse kan inhmu khât sawt dawn a ka ngaihtuah hian ka peih lo lawk. Tun ang em em hian ka tan hun pawh a insiam thei kher lo ang.





Kan inngaihzawn na pawh kum khat a tling ve ṭêp tawh, ka phur ru viau tawh mai ka lo suangtuah lawk ve nasa viau lehnghâl





Kan nih tirh aṭanga vawiin ni thleng hian kan la tluang em em inhauh te chu awm lo thei lo a ni ve a. Mahse kan ṭha leh vat thin kan inhauh rei ber pawh nihnih emaw nithum chhûng a ni. Tlawm zawka ṭang chu amah a ni leh nge nge ṭhin, a thikthu pawh la chhe reng tho a mahse thil lawmawm deuh chu Ricky a thik tawh lo hi ni.





Remremi leh Ricky pawh an la ṭha rih khawp mai. Mahse a hma angin hetah Ricky hi a cham reng thei bîk lo, hna te a thawh ve ngai si a a haw thla ve reng bawk. Mi hausa tan lo chuan hetiang taka zin nasat hi a har khawp ang mahse an tan chuan a harsa lo te pawh nia nge






"Ehee Zorin i va tho hma ve a" U Makimi chu a rawn kal sawk sawk a, ka lo nuih var var thung




"I duh ve em" ka lo ti tharh a




"Ngailo keichu tuilum hi ka in zawk mai ang"




"Awle"




"Nu Diki chu a la ṭha vak nange"





"Ka hrelo le nichina ka han en kha chuan lo muhil a, a ṭhat leh vat ka ring."




U Makimi nena kan titi melh melh lai chuan ka phone rawn ri a





"Kan chhang lawk ange" tih pah in kalsawn lem lo in ka chhang nghal zat a "Hello PC" kan ti tharh a, PC ka tih piang hian keimah zawk hi ka nuih za thin





"Ehe i lo tho ve tawh law rawn kaihthawh che ka tum a"




"Chutiang in ka tho har ngai lo e aw, ka thawh hun ve hrim hrim a nih hi"





"Chuan vawiin chu ka naute hi a phur em le" rawn ti zauh a Ka naute tih chuan min lai leh ringawt tawh. U Makimi lah chu min lo en ve reng zui a





"Phur ni mai, lehkha zir erawh ka phur lo college kal ngawr ngawr hi ni mai. Nang i phur em"




"Tehreng mai, ka bialnu hmelṭha em em mai ka hmu leh reng thei dâwn a chubâkah thlakhlelh ka nei chuang hleinem" hepa ve hi a




"I upat tawh tawh nen khatiang thu te kha sawi vak vak suh" kan ti thla ngawt pek a





"Upa min tih takah chuan kan in hmuh hmasak ber kha ka hrechhuak. Pu-a min tih kha hahaha" a rawn nui huah huah a ka nui ve ringawt, kan inhmuh hmasak ber kha chu kan la sawi chhuak zeuh zeuh reng a nih hi. Intawn na hmasa ber hriatreng tlak e





U Makimi awm ve reng vangin ka dah ta daih nih loh chuan kan in be rei leh dawn tih ka hria... Tunlai tlangval tleirawl ang mai te hian a khawsa a, a inhmeh lo thin





"Nangchu bialpa i nei ṭha bik e, a ngaihsak che in a duh zia che a tilang em em a nuam ngawt ang. Amah lah hausa bawk si i vannei ngawt mai" a ti ta duah a, ka hlim ru ham ham khawp mai.





"Nia tiraw, vânnei deuh mai hi ka nia mahse ka phu ve tho i ti em"




"Lutuk in in phu hliah hliah, inhmeh tak in ni in hmelṭha dun si. Khuanu samsuih in nih ka ring tlat" an ti deuh duah a




Kan ti ti nek nek a a lo rei ve tawh. Ka nu kan va en nge tiin ka thawh san a a ni pawh eirawngbawl vel a ṭan ta nghal a





Ka nu chu a tho nuam deuh mahse a la nih bur vangin la mu leh rih tûr chuan ka ti a.. min hnial lem lo, damloh tawp ah lo chuan mu mai mai ngai lo a ni a a na ve viau a nih ka ring.




Ka pa awmna chu ka hre bik lo aw, ka ngaihsak lo tlat a ni. Sual pawh min ti maithei e mahse ka pa lakah hi chuan fel ka tum ngailo.





Room ah kal in kan intifai a, ka kawr leithar chu ka la chhuak a ka duhtaka ka lei nia ka ha phur tawh khawp mai.




Thilthar deuh hlir in ka inthuam a, chhelo pawh ka in ti ve hliah hliah e ka Price Charming chu lo buai leh nak nak mai rawh se, chhiatloh lutuk hi a phal lo a mipa dangin an melh duh lutuk ang che ti deuh tlat zêl mahse tunge ṭhing deuha college te kal duh bik ang ni....





Dar 9 ah chuan in ṭangin ka chhuak a, Pa Hlima pawh awmlo taxi ka la ta ringawt, Zeli pawh ka sâwm ta lo ani chungchang hi chu sawi tam vak tur pawh awmlo a pangngai ni mai mahse Ahmaa ka sawi pa kha chu a duh ve deuh chuan ka hria.





Remremi chuan min lo nghak ve khiah mai. A ṭhutna ṭang chuan ban rawn vai lauh lauh a




"Vawiin chu ka kal khalh ve khiah che u" a lo ti nghal var var a




Kan ti ti ho nghal bawrh bawrh a





Class lâk a hun a Zeli nen chuan ka inṭhen leh thawk tawh. First class chu hmasa ber na te ni bawk a tiin Kan han ngaithla lo leh phawt chu nia. Kan thil sawi hmabak kan sawi miah miah




Class kan neih loh vangin library a kal kan rilrûk a.





"Remrem lo va kal hmasa rawh, tui vawt in khawlh khawlh ka chak lutuk ka va lei lawk" tiin library bul hnaih a canteen ah chuan ka lut a, bottle khat leiin ka chhuak leh nghal




Ka in nghal khawlh khawlh a, ka kal pah a Ka rinloh deuhin hmeichhe pakhat ka la su zui, pawi lutuk




Ka tui chuan a la buak deuh zui a, ka va che chhe nghal ve mawle ka ti rilru neuh neuh a





"Ka tihpalh lutuk, ka lo en lo a. Keimah vangin i huh phah bawk sia ka tihpalh takzet" ka ti nghal mawlh mawlh a




Min rawn nuih sen sen a, a hmelṭha takzet a inchei danah chuan zirlai a ang chiah lo ka ti. A chhelo viau bawk a thuam inbel ṭangin a hausa tih ka hre thei nghal




"A ho lutuk, kawng ka lo en lo zawk nih kha. I thiamloh ni hleinem" a ti a, hmelṭha bawk fel bawk a ni maw ka ti rilru.




"Mahse keimah vangin i huh phah vek sia, a nuam lo khawp mai" ka ti leh a




"A ho lutuk ka tih chu tui mai mai nia a ro leh mai dawn lawm." A ti leh zung zung a




"Eheee Miss NuNui chu hetah i lo awm ni maw" rawn ti tu lam chu kan hawi rual a, Principal a ni chuan Miss a ti tlat in ka hria. Lalpa leh Miss thar tur ni ngei ang ka va chechhe zual em.




"In Miss thar tur hi ka nia chuan a hi lutuk aw ka kal mai ang kan la inhmu leh dawn nia" a tia Principal din na lam chu a pan zui zat a keipawh Library lam ah ka lut ta nghal





"I va rei leh si ve" Remremi chu zawi te hian rawn phun sep a





"Nia ka chechhe leh a, Miss thar kan nei dawn sin chuan chu nen chuan kan in su lawm. A kawr ka la tihhuh sak zui, a lo fel hlauh a. A hmelṭha lutuk lehnghâl" ka ti melh melh a




"A theih veleh a la hrem hrep dâwn che niang. Miss hmelṭha neih te pawh chak awm lawm" a ti leh a




Kan in be zâwm ta lem lo.




***********





English class nih dawn chuan ka phur kher mai




"Ricky hian min zirtir dawn pawh nise lehkha zir lamah hi chuan ka phur theih hi ka ringlo" Remremi pawh chuan min tih khum thlawt mai




"Lehkha zir lamah ka phur chuang hleinem"




Kawngkhâr ṭang rawn lut a, tlar hmasa berah Tunthleng in kan la ṭhu ta reng. Kan in melh thei a keichuan nuam ka ti nasa mai




Class a lak ṭan tak tak hma in eng eng emaw an sawi leh duah phawt a, class chawh hlim dan hi chu hre ve ngawt mai.



Mahse thil mak ve deuh chu a hmêl ah a thatho vak lo in ka hria. Thilthleng a awm mawni, a rilru kam tu lam te. Ka lo thlir leh vang vang zel a diklo awm tih chu ka hre thei. A bialnu ka nia a mize in thlâk deuh tih te hi chu ka hre ve thei phian zel. A awki ṭang te pawn ka man ve tawh viau




Class banah pawh chuan a chhuak nghal vut a, diklo a awm leh awmloh whatsapp lamah ka zawt ta tawp. A class pangngai lo chu hmuhzui tur pawh awm tawh lo.





Whatsapp message lah a seen thei bawk si lo..





Kan ti nek nek a, haw pawh a lo hun ve leh ta reng mai. Mahse ka rilru hi nuam thei reng reng lo khawnge maw Lalrindika pawh hi awm le




Amah zawng chuan ka mit ka len a, mahse ka hmu mai lo.




A hnu deuhah chuan corridor ah hian ka hmu hlawl mai, ka awmna ṭang hla deuh mahse a kawr hak ṭangin amah ni tih ka hria. Tu emaw nen hian an in bia a, ka pan hnai deuh a hmeichhia nen ani tih ka hmu thei tawh.




Ka hmuh chian deuh hnu chuan chawhma lama ka sut nu ngei kha niin ka hria. Miss Nunui an ti mawni kha ni




Phone ka tum deuh a mahse thil vel a hrilhfiah a nih ka ring leh si a. Ka nghâk ve deuh tawp




"Hey Zorin enge i tih a,, khawnge Rindaka"





"Khi kan Miss thar nen khian an inkawm deuh niang ka lo nghak ve tawp mai. An in be rei tawh phian zui"





"Khawimaw" a ti hu a, an awmna lam chu ka kawk a. Mak tih hmel deuha a meng chu ka hmuh hmaih loh nasa mai. Enge maw a hmuh ni ti a ka en chu eng thil mak mah ka hmu ve lo




"Tinge a mak i va tih hmel ve" ka tih chuan ka ban ah min kai a min kalpui nghal hmawk hmawk




"Enge ni awmzia"




"Nunui khan hetah enge a rawn tih" a tih chuan mak ka ti ve ta hle mai. A hria maw




"I hria maw, kan Miss thar a niang principal koh dan ah kha chuan. Engtin nge i hriat a, tukin a ka sut nu ka tih kha a nia" ka ti ve malh malh a




"Chunu mai mai chuh enge a hriat a" a tih te chuan ka bo hu mai




"Tunge a nih a, in in hria mi" ti chuan ka zawt leh a, min chhânna chuan min ṭhawng ve takzet





"Rindaka bialnu hlui a nih kha"




___________________





***Mi thar kan nei dawn e,. A nuam ṭan viau turah ngai ang. Engtin tak Nunui hi awm ang maw a sual ang nge fel ang tih chu kan hre chhawm ve zel mai tur ah ngai ang***


🌼🌸🌸💐💐💮


Zorini Cloudy

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)