MY GIRLFRIEND IS STORY ADDICTED CHAPTER 14

Episode kal lai dah luhna

Moderator: writers

Zaikawii Budelh
Posts: 170
Joined: October 22nd, 2021, 7:23 am

MY GIRLFRIEND IS STORY ADDICTED CHAPTER 14

Unread post by Zaikawii Budelh » November 26th, 2021, 8:40 pm

MY GIRLFRIEND IS STORY ADDICTED



BY Zaikawii Budelh đź’š




Chapter 14








An inbe mang lo a, mahse an awm dan ah an inngai hle tih ka hre thei tho, Chula a rawn let leh har lo a, U Dala leh U Hlutea an la awm a, kei ni erawh in kan haw san thung,ka inluah kan luh dawn in Chula chuan min ti ding a,


" Hrilh I tumlo em ni?"

A lo ti nghut,ka lu ka thing ringawt a alo rum nghut,

" Hrilh a tha ka ti, I theih loh chuan ka lo hrilh ang"


" A tullo"


Ka lo ti mai a, hahthlak min tih hmel tak zet tawh,


" I fa a nilo tih tal hi hrilh rawh"

A rawn ti leh tuarh a,ka lo nui hawk,

" Lo buai vak suh"


" Lalnunhlim, thenna thu tal hrilh rawh"



A rawn ti leh hrawk a, sawi tur hrelo in ka ding ngawi reng, ti hian min hua se a tha zawk, ka hnen a let duh tawh lo khawp in min hua se, a hlim thei zawk in ka ring,


" I hmangaih kha"

A rawn ti leh sup a,Vanrammawite thian ho hian min ti danglam zo vek tawh a nih ber hi, ka thian pa pawh in hmangaihna a sawi lan ve tak hi.


" Tian a tha zawk"


Ka lo ti liam mai a, a kut a phar uai a, a phone a rawn rik tak ah chuan thaw hawk pah in a chhang ve mai a, a biak dan ah a Bialnu a ni tih ka hria.Inchhung ah Kima leh Sena an lo thu khur a, an lo in video call anih hmel, an ri chul a, an ni pahnih hi chu an tawng tam lo a, an nuih vak awm pawh ka hrelo kha a nia,tu tak an bia chu ni maw an nui an nui mai.


" Mawihawiha kha block daih rawh"



" Lalpian min han block vaih teh!"


Mawihawiha te thian ho nen ber kher maw an lo nuih dar dar a, an sawi ho awm e mai.


~~~~~~~~~~~~~~~



Ka rin ai in thil a kal tluang a, mahse ka awm leh zel dan tur erawh ka hrelo,Vanrammawii a vang em em a,Collage vel a min hmuh pawh in min be ngai mang lo, min hmulo der hiah, inthen na thu pawh awmlo in kan intha then tawp ang a nia, zantin an in kawt ah ka ding reng thin a, ka phone ang nge ka phone lo ang tih ka ngaih tuah thin, min be duh tawh lo hi ka thiam loh a ni a, min be duhlo eng ang mahse ka ngaih ah chuan ka bial nu a la ni reng tho.





Hruaizela nen khan an inzui ngawrh em em tih Chula hnen atang ka hria a, Thafamkimin min len chilh reng bawk nen kei pawh ka chhuak khat viau,mi tam zawk chuan ka fa a maw a ti vek a, aw emaw aih in emaw ka chhang ngailo,a naute pa lah a sawi duh mang bawk silo a,a luhlul zia hre tu te zing a mi ka nih vang in ka zawt duh lo a, mahse a nau paina pa hi ka la hre chhuak khawp ang.





U Dala leh U Hlutea(Vanrammawii U)te inkar kan ti fel tawh a, U Daia pawh a hma ai khan a hlim leh zual tih a thaw ven dan ah a lang reng, Zuali a rim reng a, U Hlutea pawh an veng lam ah a tam deuh tawh tih ka hria, U Tluangi chhungte pawh in an duhlo hran tawhlo a, mahse, U Tluangi hian enge maw a hriat dawn ni?' aw' a pawh duh der lo.



" Rawng minlo bawl kep rawh chaw ka rawn ei dawn"


Thafamkimi message chu ka chhiar a,

' umm'

Tih tawp in ka chhang let, ka fa nilo mahse naupai lai chuan indim an ngai tih ka hria a, chuvang in ka nawr vak duh lo, mahse a beisei theih tur ang in ka awm ngailo thung,ka phone a rawn ri a, ka en chuan U Dala a lo ni a, ka chhang nghal vat,


" Sawi la"


Ka lo ti thawr a ,dik tak chuan tun lai chu ka mood a fuh hlei theilo a ni ber mai,

" Zanin ah Nula rim a ngai"

" Tu?"

Ka lo ti haw a,

" Tluangi"

A tih chuan ka lo nui hawk a, a ni chu a lo rum deuh nghut thung,

" Nuih na chi a nilo a nia, Vanlalhlua zeiloh zia hria la I rilru a hah ve tho ang"


A ti bui bui a, an inkar a that tak hnu atang khan an inkawp chawt a, sawi an kai deuh hluai nangin an sawi rei peih tak tak lo,



" A lerh viau a ni lawm ni?"


" Duh ber te bul ah chuan a zei tak tak theih loh, inla pa deuh in kan tit duk lih leh kan tang teuh zel"


A tih hluk hnu ah,


" Chaw eikham ah rawn phei ang che"


Tih nghut pah in phone a off zui nghal hmiah a, ' aih' tih na chu a ni tawh heklo.Phur vak lo in rawng ka bawl a, Thafamkimi a rawn in khai bawr luk a,


" Chaw hmeh i neilo thei sia, ka rawn lei teuh "


A ti nghal luam a, ka lo ban pui nghal sawk sawk.



" Naktuk chu In check up ni a ni leh tawh a nia aw, min kal pui ang tiraw?"


A ti nghal zat a, ka lu ka lo bu nghat ringawt, a ni thung chu a lo chek hlak a,


"Hruaitean Vanrammawii nen an nih thu min hrilh a"



" Maw?"


Ka lo thawt,

" Au vak a ngai kher lo a nia"


A rawn ti dam thluam a,

" I chhungte pawh in naute pian hma a innei mai tur in min tih kha"


Ka awm a akut rawn nghah pah hian ati a, a meng phi deuh chiai ah chuan a duh ka hre thiam,


" Ka fa anilo a ka neih nachhan tur che ka hrelo"


" I intiam kha"

" A pa ka ni ang mahse, ka nei ang che ka tih lai awm ka hrelo, chuan ka chhungte hmanga hma lak tum bawk suh chu chu I hria em?"

Ka ti nghal hrawk a,a lo nui hawk,

" I duh e maw duh lo e maw min la nei tho ang, Vanrammawii vang anih phei chuan Lalhruaizela nen an kal thui tawh lutuk tlat, Let leh tumna rilru te kha I lo pu a nge, midang a hmuhnran dan ah hian a lo duh ve vak lo che a ni tih hrethiam rawh"


A lo ti ve hlar a, ka beng chak tak zet mahse, ka tilo ang,ka inbeng dai vat anih loh chuan ka sawi sa hrep duh mai ang.Ka Chahbi leh Helmet ka la a kawng khar lam ka pan nghal daih


" Kei ai a hmangaih tu che hi I hmu zo dawn lo tih ka sawi khan awi mai ta che, tinge kha nu hlir kha I ngaihtuah reng?"


A rawn ti leh tuarh a,ka chhang lo,

" Lalnunhlim!"


A rawn ti leh pawh chuan ka chhanglo a, ka in khalh chhuak nghal vut!U Tluangi dawr ah ka tlang nghal a, U Dala leh U Hlutea an lo thu ran tawh, an va han hma lulai tak !


Inthla hrun hmel.deuh in dawr chhung ah an lo thu ve kuk a, an pa lian dun ve ang reng bawk sia, ka luh ve leh phei chuan a khat mup mai.



"Daia chu hmuh I va khat ve"

Ka luh rual chuan a lo ti luam a, ka lo nui ringawt,min be nghal luam a, a tawng dan ah Vanrami nen kan inkar hriat a nei ve deuh tih a hriat mai.

Kan U te pahnih pawh an thu ve kur a, Sawitur an han hrelo dun mai mai khawp a,kuhva rah an thel ve nuap nuap ringawt mai ani, hahthlak hian U Dala pawh a inlak zei teh lul nen.


U Hlutean min rawn mit mei zeuh a, lu ka thing ka thing ringawt,ka phone message a rawn ri a, number hlang atang a lo ni,

' min bem sak rawh'

Tunge a nih zawh buai ka ngailo, Doctor lai a zir ve a, heti em em a han zeiloh theih mai chuh,ka aw ka thian kharh kharh a,

" U Tluang?"

" Um"

A lo ti mai a,Dawr a rawn kal an awm vang in kan tawp leh rih, thil an lei fel hnu ah an chhuak leh nghal mai a, a kut ben fai thuak thuak pah hian,

" Sawi la"

A rawn ti leh then a, Ka u te pa hnih chu melh khat pawh a melh lo hrim hrim,

" I hmel tha sia bialpa te hi I nei ve em?"


Ka tih chuan min melh nghal rawm a, ka lo nuih tlawn heuh heuh ringawt,

" Nei tep, thlan tur zawk ka la hrelo mai mai"

A ti deuh duah a,

" Kha pa khan a rawn be leh che em ni?"

U Hlutean a lo ti nghut,

" I hriat a tullo"

" LalRuattluang!"

A ti nghal hluk,

" Duh leh min bia ang, I thulo ber"

" Ka thu ber"

" Vanlalhlu ka duh bawk lo che"

" Min duh tih ka chiang ve e"
" I chiang lo a nih chu"
" I thinlung hi ka tan he kuhva rah ang hian sak mahse maw, a seh tu tur dik tak in a seh chuan a keh thei tho aw"


" I zak lo e"

" Senior lam ah zak chung chung in kan rawn leng tih hre rawh"

" Haw ru, rawn leng tawh suh ang che,nangni pawh Vanlalhlua tello in inlo kal anih loh chuan lo leng thaw su, thil pawh rawn lei a ngailo"


" Sawmi kha ka kut hmawr pawh in ka khawih lo"

A lo ti nghut a,U Tluangi chu a tawng duh tawh der lo,

" Kan lo leng leh tho ang"

Tih pah in a ding hluai a,

" Kal phawt ang u"

Tih pahin a chhuak nghal vut , hahthlak tak ani tawp mai,


" LalRuattluang min la duh leh tho ang, min star theih em kha aw"

A la ti lung lung zui,



" HAW RAWH"

Pakhat lah chuan a lo ti hlar a, an in lam pan chuan ke in kan in zui phei tham tham kan kal muang kher mai,

" Doctor chu I ni ve sia maw, Engtin nge heti em em hian I zeiloh theih a?"


U Dalan a ti nghal hluk hluk a,

" Doctor ka zir laiin nula rim na a thu sawi tur kan zir tello"

A lo ti deuh hmuk,

" I in lak zei zei nen"

" Dala, khatin min deuh vak suh aw, Hmeichhia ka be hmasa ngailo, min rawn be thin"

A ti leh hmuk a, ka lu thin bak tih theih ka neilo,

" Natuk zan chuan kei mah in ka leng tawh ang, ka sawi fel vek ang"

A ti bui bui a,


" Lo lut ula"

A ti nghal zat, Nula rim na ah tawng tlem ber ang in a awm a, chhuah vel ah a tawng tam ber lawi a,

" Lalhruaizel han sawi leh vaih teh"

Chu aw ka hriat rual chuan ka khawng nghal awt,

" Anih ka sawi tawhlo ang, I mawng pawh a khal "

Mipa aw in a ti nghal lang lang a,a la nui ang hawk hawk zui, Vanrammawii hmel ka hmu nghal zat a, min la hmu ve lo a nih hmel,

" U Dal I lo leng dawn mi, Zuali pawh a awm a sin"

A ti nghal zat a, a aw ah chuan vei a neih hmel vak loh, Dala lah chu a lut nghal thur lehnghal a, U Hlutea pawh a lut ve nghal mai,ka aw ka lo thian kharh a, min hmuh chuan a khawng deuh awt in ka hria,mahse a reilo, Hruaitea khan a dar ah a rawn kuah vei thuk a, ka kut ka lo hum ruh nghal vak,


" Bawihno kan kal dawn mi?"


A ti deuh kher lehngha,

" Umm, kal I la"

A lo ti ve mai a,min hrelo der chu ka ngaithei der lo,

" Tak tak, palai chu aw, sawi rem vat a tha a nia"

Hruaitea melh pah chuan a ti nghal zat a, eng palai nge maw a sawi teh hrep le?


" I chiang maw?"

" Umm"

Tih pah in a lu a bu nghauh nghauh a, hmelchhe pa kuahna chu ngaimawh ang pawh ina awm lo,kal mai an tum a,

" Vanrammawi"!

Ka lo ti nghal tuarh a,a ban ah ka pawt nghal lawp a, Hruaitea khan min lo dang ve khang lang, an inngaizawng tak tak anih vaih chuan,ka insum zolo in Hruaizelachu ka hnek nghal chawrh a, a tlu hlawm nghal nawk,

" Lalnunhlim!"


A lo ti hlar a,

" Ka hming te I la hre ve maw?"

" Enge I duh teh hrep a, I bialnu kha va duat mai mai rawh, mi tih buai kher a ngailo"

A ti leh nghal hlar a,

" Hepa hi I tan enge a nih?"

"Lo buai suh"

" I bialpa a ni tih sawi hlek suh"

Ka ti vin thawt a, a thaw ve nghal hawk, a hmai a sen hlar a, a hmui hnuai a pet nghal zeuh bawk, ka ngai tak zet he nu hi, mahse, he mihring nen hian an lo inkawp anih vaih chuan....







(End of chapter 14)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)