✨DEUH THUT CHUAN✨ CHAPTER TWENTY

Episode kal lai dah luhna

Moderator: writers

Roses Are Rosie
Posts: 289
Joined: February 23rd, 2020, 2:20 pm

✨DEUH THUT CHUAN✨ CHAPTER TWENTY

Unread post by Roses Are Rosie » November 26th, 2021, 8:51 pm

✨ DEUH THUT CHUAN ✨




CHAPTER TWENTY


-----------------------------
4f8488aca0f679e3cad691981c2d3b4f.jpg


"Judith..enteh tunge lo kal hi" Zothana au ri ka hriat rual rualin choka atang ka tlanchhuak nghal


"Ka nu, ka pa in lo thleng der tawh elaw" nuisang chuan ka kuah a, monu fel ber awmzia zangin ka lo lawm a..an hlim hmel kher mai...


"In awm lo chu in a reh tha khawp mai, Aizawl lamah lo haw leh tawh zawk ula tha ang" ka pa in a tih chuan zothana lam ka melh vat..


"Aaa..ka pa tunah rih chuan hna laklawh a tam lutuk a, remchang hmasa berah kan rawn tlawh zawk ang che u" nui sang chuan a ti a, hlim hmel zetin ka lo bu euh euh thung..


"Ka nu, ka pa, in chau awm si a, lo han chawl hahdam ula, zanriah kan kil vat dawn nia, Ben an room tur han kawhhmuh ta che" nui sang chuan ka ti a, ka ning takzet, nuih der ngai reng mai


"Lutuk tlat..ka pa inchung lamah chho ila, in bungrua vel kha chu ka rawn khai chho mai ang, khawiah nge ka U te nupa te pawh chu an rawn kal ve dawn emaw ka tia"


"Hospital lamah an kawi lawk anih kha, an rawn thleng har lo ang" ka pa in a tih chuan Zothana chu bu zauh in, inchunglam pan in an inzui chho nghal.. engtia rei nge cham an tum hlawm ang le aw, engtia rei nge ka inthup reng thei ang, aaa..engvanga he apron senno ber kher hi awrh nge ka nih hrep chu le, he fianpui lah hi" phun bul bul chungin choka lamah ka phei nghal, monu nih ai chuan indona hmunah bomb kamtu nih pawh ka la thlang tho tho, ka tlin lo



"Hey..duhtak, enge i siam a, a va rimtui ve" Choka ah rawn lutin ka thilsiam a rawn tem nghal..


"Bawngsa anih hi, zanriah tur" ka fianken chuan ka chawk nawk nawk a, ka thinrim tep tawh in ka hria


"Silai keng lova, fian i keng ta mai hi, awih a har kher mai, i siamtui phian bawk sia" nui vur vur chuan a ti a, melh nghal hrawk in "ngawi rawh" ka tih chuan a nuih a zat hmel kher mai


"Ka U te chhungkua pawh an rawn thleng tawh e" a tih chuan "aw..a that chu, chamrei an tum hlawm em lo ang chu maw" ka tih chuan "hre bik nang, karkhat tal chu an awm ka ring" ka banah rawn ben thek thek pah chuan a ti a...




Zanriah kan kil lai chuan door bell a rawn ri a, Zothana chu tho nghal vatin ka en reng a, mi pangai anga khawsak chu ka duh, kawngkhar rawn rik hlekah hlauthawng leh in ring rengah awm chu a hahthlak, ka sim hleithei bawk silo..


Zothana rual chuan A thiante pahnih Henry leh Rinpuia te ka hmuh chuan ding nghal vatin ka lo chibai nghal...


"In chhungkua hun pawimawh ah zanriah kil turah min sawm avangin kan lawm e" Henry in a tih chuan nui sang in "in lo tel thei a, kan lawm lutuk, lo kil ve nghal ru, plate ka rawn lak ang che u" tih leh zothan chu signal zeuhin choka lamah ka phei nghal


"Khawiah tangin nge i thiante pahnih saw an rawn tel ve leh a" nin hmel zetah ka tih chuan "enge, ka thiante an nia lawm, bakah kumtin kan tih thin ania, kan chhungkua dan leh hrai hi i zirchian deuh chu a ngai dawn anih hi" thutak hmel zet chuan a ti a, ka thaw chhuak halh halh thung..


"A tam viau em"ka tih chuan "nuisuk in a lu a thing mur mur a, ka ngaih a ti tha lem lo, "awle..tha lawm"tih leh plate chawiin ka chhuak nghal, an titi deuh siam siam a, sawi tur lah chu an hre hlawm em em nghal, an hlim hmel hlawmin an inpawh tlang hlawm tih a hriat..


Ngawireng chuan ka chaw ka thai kual vel mai mai a, ka rilru ah ka chhungte ngaihna a rawn zual, ka nu leh pate, ka unaute ka rilru ah a rawn awm nghal, tunah te hian enge an tih ve ang, an dam tha hlawm angem? Ka nu phei chu a hriselna a pan in, tlang hrileng a kai hma em em a, ka ngaihtuah takzet, an bulah awm a, zanriah siam sak a, nui ho diar diar te ka chak, mahse an him tlan zawk nan ka awmbo a ngai si, engtikah emaw chuan kan la awmho mahna' ka thil ngaihtuah vang nge ni, ka mittui a rawn hnam a, min hmuh hlau takin ka hru vat

Mahse ka tlai a nih hmel, Zothana lam ka va en chuan chik zet hian min lo en kar a, ka awmdan zawng zawng kha a lo hmu vek awm sia, engmah thleng lo ang maiin ka nuih a, min nuih let in a hmui phun hian "ka hmangaih che" tih leh a mit min rawn siai zeuh a, ka nui leh nghal vur vur tawh, ka tan hian a hlu takzet, ka chak lohna emaw ka lo ti a,mahse tunah chuan ka hre tawh, a bula ka awm hian ka inringtawk a, engmah hlauh ka nei lo, a chhan chu min hmangaihtu bulah ka awm miau a, engvangin nge ka hlauh teh lul ang ni, rilru hlim in min awm tir reng a, ka tan chuan chu bakah hlimna a awm lo..



"Takah Judith..kan fanu Miriami hi hmelhriat ve ta che, in² neih lai vel khan lehkhazir ah a awm bo lai ania" ka nutei chuan arawn ti a, chibai nghal vatin "Hi, miriam i hmeltha hle mai" nui sang chuan ka ti a..ani pawh nui vur vurin "ka lawm e..nangpawh i hmeltha takzet, engtin nge ka pute-a hi i duh theih zawk a" a tih chuan kan nui ho dar dar


"Maimai a..ka hmeltha alawm, nge min duh lo ang" lawmlo hmel zet hian Zothana chuan a ti a, zanin zet zawng ka theihngilh thei tawh pawn ka ring lo,a hlimawm in hriatreng tlak ani..




MORNING: 8:00AM









Tawng thawm leh au nawk nawk ri ka hriat chuan ka inperh tho nghal vat, ka lukham ah silai chu la nghalin room atang ka tlanchhuak nghal..


Inhnuai lam ka pan mek lai chuan Zothana leh Miriami an rawn in hnial chho malh malh a, ka silai ken chu thuruk nghal vatin ka khi sang nghal, night dress nen chuah ah ka ding min rawn hmuh chuan mak tih hmel deuhin min enkar dun lehnghal..


"Hi.. morning u, in muttui em" nui tlawn deuh chuan ka ti a..an in melh dun vang vang hnuah min rawn melh dun leh nghalin mak tih hmel deuhin min la thlek dun ha zui.. enge maw an hriat chu le


Zothana zawk rawn fing hlauhin ka kut hnung suih tlat chu hrethiam niawm takin a mit a kan hak a..

"Aw..kan mutui hlawm khawp mai, thawh i hai danah nangpawh i muttui hmel" min rawn kuah nghal thlawp lehnghal, ka hrilhai lek lek lehnghal, a tunu awm reng lai lehnghal in


"Huizzz..in nasa dun em mai a" tih leh miriami chu a tlan chho nal nal


"Min thlah teh, enge i hriat a" min kuahna tang tal phatin ka inla hrang nghal

"Mumang tha lo i mang nge..i tho a zawk, engtin nge sam thur bur chung leh silai keng chungah i rawn thawh theih zawk a" min tih chuan "enge..ka thiamlo pawh anilo, in² hnial ring em a, thiltha lo a thleng emaw ka tia lawm" ka tih chuan a thaw hrawk ringawt


"Awle..enteh, Judy..ngaiah neih chu a har mai thei a, mahse i inthunun hram hram tur ani, inah hi chuan ralthuam hrim hrim i kawlin, i che lek tur ani lo, i hrethiam em?" Ngenngawl tak chuan a rawn ti a, bu zauhin "awle..ka lo fimkhur tawh ang" inher in room lam ka pan nghal nal nal, ngaiah neih maw...shhh..ka a thei mai dawn...



"Khawiah nge in chhuah hlawm dawn a, an vai chuan kawngka bulah an lo ding thap, an palian in an nulian tlang hlawm bawk si, an hmuhnawm lek lek zawk


"Aw.. takah nizan khan ka lo hrilh theihngilh daih che a, bawihi, ka nu leh pate hi chu inchekup turin an kal dawn a, ka u te chhungkua erawh an bazar dawn, chuan keichu office ah" a kut phar uarin a khi sang a, a nui der tih ka hrereng sia, kan awmdan hi a, a dramatic tawh lutuk..


"Aw..ni maw..tluang deuhin in chhuak hlawm dawn nia, zanriah enge ka lo siam ang" ka sawi zawng ringawt pawn ka luak a chhuak..


"A ngai lo ang, zanin chu miriami birthday ania, pawn lamah kan ei chhuak vek dawn alawm, nizan ah ka hrilh mawlh mawlh che sia, i haihawt sawt mange aw, duhtak" Zothana'n a rawn tih chuan nuisang in"ohh..ni tak, min hrethiam ru, tunlai chu ka hna ka thawkrim lutuk a, ka hriatrengna te hi a tha vak tawh lo in ka hria" ka tih chuan Zothana nen chuan uar fe in kan nui dun vak vak a, kan chhungte erawh kan thusawi ah khan nuih chiam chiam na tur an hre vak lo aniang.., nuih lo aia an nui vel mai mai in ka hria..


"Kan kal ange..lo inpeih la, ka rawn hruai ang che" a tih chuan "awle..anih nihman nuam vek ule" an chhuak chu ka bye bye lawp lawp hlawm a, an tlanliam chiah ka nui tawp ve nghal..


Ka phone rawn ri chu la vatin"hello. Asha, engkim a tha maw" ka tih chuan "tha e, englo ania, kar leh ah Europe lamah ralthuam zawrh chhuahna convention an buatsaih dawn a, kal i ngai dawn a, lo inphuahchhah rawh aw" a tih chuan kawngkhar ngheng nghal awkin"ka hre lo le..Asha, Zothana chhungte an rawn zin hlawm a, engtia rei nge cham an tum lah ka hre hek lo, ka spy thil dahbo vek ka la ngai zui, i hrethiam mai em" tap aw lek lek chuan ka ti a"umm..hrethiam che, lungngai suh, kawng ka rawn dap dawn nia, enge i tih reng reng, i tha em" a rawn tih chuan "umm..tha, nupui leh monu hna ka thawk mek"ka tih chuan lehlam ami chu rawn nui hawk hawkin "anih hnathawh nuam le" phone chu dah nghalin ka thaw chhuak ham ham, kawngkhar bulah chuan thu sawp nuaiin ka chek tlawl tlawk ringawt, ka in awkhlum mai dawn mawni"



Cont

Muttui u...



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)