MR.DARK BOSS CHAPTER - 7 BY MAWITEI BAWITLUNG

Episode kal lai dah luhna

Moderator: writers

mawitei bawihtlung
Posts: 753
Joined: November 18th, 2020, 12:53 pm

MR.DARK BOSS CHAPTER - 7 BY MAWITEI BAWITLUNG

Unread post by mawitei bawihtlung » November 26th, 2021, 9:09 pm

MR.DARK BOSS



CHAPTER 7







Ni a liam ve zela. ,Josh pawh a sawi angin ka bulah a awm tam hle a ,min hau tawh ngai hek lo ,mahse kei erawhin pawm mai har ka ti thung,Davida a rawn leng ziah a ,chuan Ruata pawh Ruata rawn kal chang chuan Josh thinrim hmel ka hmu ziah lehnghal ,tinge hetianga a awm ni ,hmeichhe dang an awm teuh tho si a ,kei kher nilo hian .







Vawiin erawh office a kal a ,chhun ah pawh a rawn haw lo ,mak tak in a awm lo chu a reh ngawih ngawih hian ka hria ,kawngka a rawn ri a,ka hawn rualin Ruata bawk a rawn lang a “ Enge I rawn tihdawn " ka ti ha a ,chhunah te chuan doctor ania hna a thawh ka rin nen ,min en in “ Ka rawn leng ve em em a ,khang inzawh chi a nihloh kha " a rawn ti a ,kawng chu ka kian nghal vat







Inchhung lamah kan inzui lut a ,thian angin in eng tawh ang timah ila ,a bula ka awm hian hlauhthawnna ka nei tlat thin hi ka hrethiam lo ,thutthlengah chuan kan thu a ,tv lam ka en ngar “ Zonun thian anga en che ka tum a ,mahse a har ka ti takzet vawikhat chiah chance chu min pe leh la " a tihchuan ka en vat a “ U Ruat ka sawi vek tawh kha ,a theihloh " tiin ka thu tha a ,a thaw hawk a “ A nihchuan ka ta a ka siam mai che angai a nih chu" tihpah chuan min man bet thut a .









Min delh tlu nghal bawk a ,ka tal nghal vak mahse mipa tha chu hneh theih a nibawk silo,hmanrua ka zawnga a vang bawk si “ Nang hian min pawm thei tawh lo a tiraw ,mahse ka fa i pai chuan duhlo mahla min nei tho ang " tihpah chuan ka thawmhnaw chu phelh a tum a ,ka tal ve zel ka hlauthawng takzet bawk .








“ Min thlah rawh ,I zak lo lutuk ka ngaihdam hnu ah che pawh hetiang hian min ti duh a maw ,ka nei ngai chuang lo ang che " tihpahin a kut chu ka seh vak a ,min thlah rualin ka nam sawn lawp a ,ka tlanchhe nghal vat pawn lam ka pan tur chu min rawn man bet leh a ,chhuatah chuan kan inchai ngat ngat ,ka tha chuan zawi zawi in min kalsan tawh bawk si,ka chau tawh takzet .







“Josh min pui rawh " tiin beiseina chau zet nen chuan ka au chhuak a ,ka mit ka chhinga ka mittui a luang ngiai ngiai ,ka thianghlimna chu hlauhthawn awmah a awm mek a ni si a ,ka thawmhnaw chu inti thei zet hian a phelh a ,ka tal leh vak a ka tha tawp meuh meuh ka chhuah tawh ,ka hmaiah chuan a rawn hnek a ,ka lu a hai nghal chhawlh,ka tal thei tawh lo ,rilru na zetin min tih ang ang chuan ka awm a .







Ka rilru chuan Josh ka au mawlh mawlh reng,mahse a ni chu a hna ah a la awm ang tih ka hre chiang ropui si a,vawileh khatah min delhbet tu chu a rawn zang hawk a ,ka meng chhuak nghal vat ,Josh thinrim hmel chu ka hmu hmasa ber ,Remruatfela chu a thehlang dawrh a ,a pet zui chawrh bawk “ Nang hian I huang chin I pel mah mah " tihpahin a thut bet a ,a hnek nghal thuai thuai ,a thinrim lutuk chuan a that mai ang .







Ka tho chhuak a ,“ Josh duhtawk rawh " tiin a kut chu ka va khawih a “ Min lo dang suh ,ka that dawn " a tituar a ,a thinrim lutuk chu a thaw hrawk hrawk bawk ,a hnek zawm leh a ,Ruata chu a hmai a thi vek tawh ,tihngaihna hrelo in Josh chu a hmalam a tangin ka kuah a “ Duhtawk rawh ,ka him tawh hi ,keimah vanga jail I tan ka duhlo ,ka tha ka tha ania " timawlh mawlh in ka kuah bet a .








Ka mit ka chhing vang vang bawk ,Ruata hi ka ngaidam tihna a nilo a ,mahse thitur in ka duh lo ,hrehawm takin tang se ka duh zawk ,min kuah let lo a ,mahse a khawih chhunzawm tawh bik lo,reiloteah police a call a ,Ruata chu an rawn la a ,mahse damdawiinah enkawl fe chu a ngai ang,police officer pawh Khan Josh kha mak tizetin a en anih kha ,a khawih nasa bawk em ani.











Ka roomah chuan ka thu tawm tai a ,Josh lah in keimah min dem tih hriat zetin min melh duh lo a ,biakpawh min be duh lo ,chaw eikham rualin a chhuak nal nal a nihkha “ Nu ka mamawh che " tisapin ka mit ka chhing a ,darkua ah thawm ka hria a ,Josh a nih ringin biak tumin ka chhuak a ,mahse Puitei nena an rawn infawp lut bawrh bawrh ka hmuh chuan ka tawlh lut leh vat a ,ka thinzawn rawn na veng veng chu ka dawm a ..









Tinge keihian ka duh ve ta mai em ni,ka chhuak tawh lo a ,an thawm ka hre pha lo a , mahse awmdun tur angin ka ngai ve ringawt,ka tap ringawt a a sawt der bawk silo ,zingah chuan mit bui chukin ka tho a ,Puitei chu mutkawr pan zet nen hian arawn chhuk a ,intihtheih hmel fe hian min en bawk ,ka ngawi reng a ,“ Nang pawh hi chhuak vat la a tha ang " a rawn tihchuan “ Oh keimah ami min biaka " ka lo tive sak a .








“ Nihmai loh in ,I chhuak vat dawn tho a " a rawn tihchuan ka nuihsak a “ I thu a chhuak tur ka nilo e ,chuan mahni thiannu te pasal ngaizawng thei khawpa thiantha ang chi maw i nih a " ka tihchuan a huat hmel hle “ Nang fahrah " tihpaha min rawn khawih a tum chu kut chak zet hian a rawn man bet a ,a namsawn nghal hnawk “ Ka inah hian buaina siamturin ka riah tir lo che ,I haw thei tawh ang ,chuan fahrah tih tawngkam kha I ka a tanga a ri leh a nih chuan ka khawih duh mai ang che " Josh chuan a rawn tihrawk a .










Puitei chu a chhuak a ,Josh chu mak tizetin ka en a ,nizan te kha chuan a fawp ngawr ngawr sia “ Nangpawh i rawng kha bawl rawh ,khawnge hnathawk nu hi a la rawn thleng lo em ni " a tizui a ,ka lo bu zeuh a “ Ih ka be duh che ,nimin chungchang kha " ka tihchuan “ Enge I sawi duh,i mipa hmangaih ber ka hnek kha I lawm loh thu em ni" ngeiawm zet hian a rawn ti a “ Sawi mahla a sawt lo ka hnek vek tawh " tihpahin kalsawn a tum a .









“ Tinge i duh duh a min puh a ,min lo puih a vang khan lawm thu hrilh che ka duh mai ani" ka tihchuan a kut a vai puat a “ Ka rawn haw hlauh chu a tha a nihkha ,chuti nilo se I hmangaih em em tan khan i inphalrai ngei awmsia " a tihleh chuan ka inseh ruh vak “ I duh duh in min puh suh,ka duhloh zia I rawn hmu ve vek a nilawmni" tiin ka en let a “ I dawh hle hle tihchu hmu e ,i duh duh mipa chu I kawp thei a lawm" tihpahin a kalsawn a .







Ka enzui reng a hma te kha chuan min tibuai reng a nihkha ,zan lamah a chhuak leh tur chu ka dang vat a “ Khawiah nge I kal leh dawn " ka tihchuan “ Ka duh duh naah " a tileh hmuk a ,engah nge nimin thil thleng kha a lak kawih tlat mai le “ Keimah te in ka awm ngam hleinem " ka tihchuan nin hmel.zet hian a thaw chhuak hawk a ,ka ding lui tlat .







“ Awmsawn teh I awm ngam lohna tur a awm lo ,ka bula awm i hlau thin viau a nilawm ni,I duh miahloh bulah awm luih tum suh " tihpahin min kalpel a ,ka en zui vawng vawng ringawt,tunah hian ka duh nge duhlo ka Chiang lo,mahse a nitelin ka huatna a bo tih chu ka hria ,zan dar 10 velah chuan ka phone a rawn ri a ,ka en chuan Davida tih a rawn lang nghal .






Ka chhan rual chuan “ Josh hi I rawn hruai thei angem" a rawn ti a ,a awmna chu party tih hriat takin an bengchheng hlawm.hle “ Tinge " ka tihchuan “ Lo kal phawt rawh " tihpahin a off a ,mai mai chuan enge an hriat ni,ka phone ah chuan kalna tur a rawn thawn a ,ka kawrlum ha in pawnah ka chhuak a ,a driver chu bia in ka inhruai tir tawp a ,in pakhat zawnah chuan ka ding vang vang .








Driver chu min lo nghak tura hrilhin ka lut a ,a chhungchu a bengchheng nghal.hle,ka kal zel a ,a tawpah hmun kil deuhah ka hmu hram ,Davida ka hmu lawk lo leh nghal ,ka pan phei dawn lai tak chuan ka kutah an rawn vuan a ,Davida hmel ka hmuh chuan ka thaw huai “ I chungah ka innghat a nia ,Josh hi a rui thiam.vak lo a ,engtin emaw a lo tiche a nihpawhin tilet ve hauh suh" tiin Josh chu a en a .






A bula hmeichhe thu ka hmuh chuan Davida thusawi ngaihsak tawh lo in ka pan hmawk hmawk a,Josh hmaah chuan ka ding nghal zat ,min rawn en chho a “ Ugh enge I rawn tih Dawn " tihpahin a hmeichhe darah chuan a kuah a ,a kut chu ka lasawn nghal hmiah “ Nangnu kha kalsawn rawh min lo tibuai suh" a hmeichhia zawkin atihchuan ka nui hak a .







“ Enga I hmelkha ka siamchhiat vek I duhloh chuan kalsawn zawk rawh " ka tituar a ,a hlau bawk a niang ,a kalsawn rang hle “ Tho rawh haw ang " ka tihchuan a zu um chu a in lui leh ngat a ,ka haw lutuk chuan ka pawt tho nawk a ,a pai nawk a ,a rit ropui si ka chelh hneh lo tep a ni







“ David min rawn pui rawh " tiin ka au a ,kan pahnih chuan car thleng kan hruai phei a ,Josh lah chu a muthlu ang lawp lawp leh nghal “ Min duh lo vel amaw " a rawn tileh thin,a zu rui nawi zia ka hmuh hian nuih telam lam a za “ Hei vang hi ania ka phone che ni ,ka thianpa zurui hi chu hmeichhe lam aiin a mah hi ngaihtuah a ngai zawk ,tikhan hruai haw la.driver kha I inpuih tir mai dawn ania " a tihchuan ka thaw hak a .








Car chhungah chuan thu lutin ka en a ,car tlan chhuah rualin ka kut chu a rawn la a ,a awmah chuan a hmehbel a “ I duhlo a mi " tiin a lungphu dup dup zawnah chuan a hmetbet tlat a,ka en reng ringawt “ Ka sual lutuk tih ka hria ,mahse ka duh che ka tihkha tinge min duh ve mailoh " a tisup a “ Josh " ka tihchuan ka awmah a rawn bei a “ Hei hi tih ka chak " tihpahin a bei ta reng a.






“ Miss kan thleng e " driver chuan a rawn ti a ,Josh chu namsawnin “ Chhuak ang kan thleng " ka tihchuan aduh tlat lo “ Min duh hma chu ka awm dawn " a titlat leh nghal,driver pa pawh a nui tawp a “ Sir rui ka vawikhat hmuhna " a tihchuan ka lo nuih ve mai “ Inchhungah aw hetah chuan miin min ning ang " ka tihtakah chuan abu nghut a .





A chhuak vut chu ka zui ve vat a ,ban chu lo pawmin a zut hauh hauh a “ Zonunmawi I sual emai ,min pehhel char char a ,khapa te khan lo khawih hman che sela chuan ka that duh hial ang " tihpahin a ban pawm chu a bia a ,tunah hi chuan ka nuih a za tlat ,ka nui hak hak a “ Lut ang le " ka tihchuan a ban pawm chu en in “ Min chhang miahlo " a tileh nghut a ,inchhung lam pan chuan ka kuah vat .







Khawlaia kan awm reng chuan midangin min hmu mai ang,inchhung thlen rualin a ding leh a ,engtak tileh ang maw ,min melh ang run run leh nghal ka rap riau ,enge a tihdawn ka ngai Chang reng a ,chutah ka biangah a rawn dawm ve ve a ,ka hmai chu a nawrna deuha ,ka hmui a tihpawrh chu enin a nui vur vur a ,a sawi nghal nawk nawk ka hmai vun chu an kual nauh nauh in ka hria ,chutah a mah chuan kalsawnin a ban a vai a .







Vanlalsailova sak Hmeltha tih chu changkhatna a sa a “ Mahten e ,tinkim dawna ka lenlai in,hriatloh sakhming hmeltha ka lo tawng che a ,ka vei reng thin che thinlaiah ,nang ang renga hmangaih hi ka tawng ngailo helei chinah ,I zunzamah dar tui angin ka luangral ta " tiin a pai leh khut khut zel a ,min rawn en leh vut thin,nui chungin min rawn pan a ,a tlu tur chu ka va dawm ding vat a .







Ka hmaiah bawk chuan dawmin chiang zetin a mitmeng fiah zet chuan min en a “ Khawilam lanu nge maw inih le?,tu hraileng chawi nge maw inih le ?Tiang renga ka dawnlungruk min tibuaitu ,ka tawng ngailo nang lo chu ,aw hmeltha aw hmeltha " tihpahin ka hmuiah a rawn chuk zauh a “ I ZUNLENG NGAIHRENG A NA E " tihchu thu in a sawi a,ka en reng ringawt .







“ Min hnawl " tiin ring zetin a au a ,a ngaihna hi a awm thlawt lo kuahin a room lam panin ka hruai a ,a ritin a lian ropui si ,ka chau lutuk chu a khuma ka dahthlak rualin ka muthla ve thlawp a ,min rawn kuah bet hian “ Ka duh che Nanaute ,ka duh lutuk che " tiin a mitmeng cool ruih chuan min en a ,tunah hi chuan a awmdan hian tiril a fan raih in ka hria .






Ka chil ka lem khawlh a ,ka kut bawk chu la in a awma hmeh bel pah hian hehla hi a rawn sa a ,a aw chu a mawiin a inhmeh hle bawk ,chuan a zaithiam takzet bawk





TAKE ME TO YOUR HEART ,
TAKE ME TO YOUR SOUL
GIVE ME YOUR HAND BEFORE
IM OLD ,SHOW ME WHAT LOVE IS
HAVEN'T GOT A GLUE ,SHOW ME THAT WONDERS CAN BE TRUE ,THEY SAY NOTHING LAST FOREVER ,YOUR ONLY HERE TODAY ,
LOVE IS NOW OR NEVER ,BRING ME FAR AWAY.





TAKE ME TO YOUR HEART ,
TAKE ME TO YOUR SOUL;
GIVE ME YOUR HAND AND
HOLE ME ,SHOW ME WHAT
LOVE IS BE MY GUIDING STAR
ITS EASY,TAKE ME TO YOUR
HEART .

Ka en reng,a rilru zawng zawng a pe in ka hria ,ka nui hak a ,a aw nen a hlasak chu a inhmeh takzet “ Josh " ka tihchuan ka chungah a rawn lawn kai a ,min en ta reng ruimahse a mitmeng chu ala fiah kak a ,ka lai leh nghal.der ,rawn kun hniamin ka hmuiah chuan a fawp a .









Ka lo awm khawng awt ringawt ,mahse ka hniallo ,a che zui sut sut a ,ka nghawnga hmai phumin a muhil zui tih hriat tak hian a thaw sak sak ri ka hre nghal zat a ,dimte in ka namsawn a ,a sir zawng chuan mu ve in a hmelchu ka en ta reng ,a khabe ruh invuah fuh zet chu ka chul a (Kevin lutolf suangtuah tawp ru 🤣)a sam thur deuh bam chu ka chul sak bawk a ,a lungphu ri chu ka ngaithla ta reng .









A rawn che hrut a ,a ban chuan min kuah bet nghal hlun a ,a ke chuan min khan bet nghal zat a ,ka che tawh bik lo ,ka ham bai bai a ,“ Muttui " tihsap pahin puan chu ka sin tha a ,ka muhil zui ve nghal zat ,che hrut awmah chuan ka mengchhuak riai riai a ,a biang dawm meuh a min lo en tu a vang chuan ka mit ka chhing leh nghal vat a ,lehlam ka hawi zat bawk ,a bulah ka mu ve ngawt sia eng emaw ngaihtuahna tha lo a neih vaih chuan .








Khum che dawtah chuan a nui tih ka hre thei ,thawh tumin ka che chu a lo hria nge ka kawngah rawn manin a chungah min hlang kai nghal nawlh a ,ka chil ka lem dawk ,min en reng a ,nizana a rui mitmeng kha bo in tak ngurin a mitmeng rum lampang chuan min melh reng leh ta nghala ,“ Khawi ka chhuk dawn " ka tihchuan a tawng lo a ,min thlah hek lo “ Josh " ka tihchuan min lehthal in chunglam a tang chuan min thlir vung vung a.









A nui nghal suk “ Biang note " a rawn tihchuan ka ner vak a “ Rui nawi zaithiampa " ka tive zat chu a rawn nui hawk a ,ka hmui bula a rawn kun chuan a zu in rim la nam chu ka nernawnga “ Va intifai rawh I rimchhia ,khawi rawngbawl ka zu pui dawn" tiin ka namsawn a ,tho chhuakin ka tlan nghal nal nal ,ka duh lo che ka ti ve pang panga ,a bulah ka mu kur sia tikha chuan a huangtau sawt ang chu ,inhnuaiah chuan thaw hlawp hlawpin ka ding a









Rawngbawltunu pi Kimi chuan min lo nuihin “ Zing zingah i va hah awm ve " tihpahin thingpui thlum chu min lo pe a ,lawmthu hrilh pahin chairah chuan ka thu a ,ka in nghal hlak hlak “ Nu Kim min lo thlit sak ve nghal mai ta che " tih rawn ri ah chuan ka thil ken chu chhem hmasa lo in ka inpawp a ,asa lutuk chu ka phuhchhuak a ,ka mittui a tling nghal pam “ Awi Bawihi tinge chhem hmasa lo a I in,khawi maw a kang hman em tui vawt hi in vat rawh " tihpahin nu kimi chuan min rawn pe nghal a .









Ka ka chu a na vawng vawng thei ,Josh chu ka bulah rawn thu in “ Fimkhur ta che " a rawn tihluk a ,ka mittui nen ka lo en ringawt ,ka hmui chu a tuai hauh hauh a ,inbual zo chiah tih hriat lutukin a sam a tanga tui far chuan ka hmaiah a rawn far kauh a “ Ka fimkhur ve tho " tichiamin ka awmsawn a ,lehlam ka hawi nghal hmak ,phun hluk hian a awm tha a ,thingpui chu a dawt ri nghal hrawih a ,ka lo ner vak thung.









Ka ngei lutuk chuan “ Nu Kim rui thiamlo deuh enkawl hi a hahthlak em " ka tihchuan pakhata chuan min melh nghal vut a ,kei erawhin ngaipawimawh duhlo in nu Kimi nui hak chu ka en a “ Kan pa hi a hahthlak khawp mai,a ruih tawh chuan a au lung lung zel bawk sia ,a chang leh kan in a hai thul ,kan inzawng nasa thei a lawm ,mahse tunah chuan a Sim tawh a ,a lawmawm khawp mai tinge min zawh reng reng a " a rawn tihchuan nui hakin .








“Ka zawt mai mai che nizanah tu emaw rui in ban a pawm a ,a be mual mual a a bialnu a maw a ti niang " ka tihchuan nu Kimi lah in Josh a ni tih hrelo chuan “ A rui tawng ve awm hle mai,a bialnu chuan hmu se engtin tak ti ang maw ,chutia ban lo pawm tak ang hlu hlu chu " a rawn ti a ,Josh chu rawn tho vutin “ Min rawn zui rawh " tihpah chuan min kai in a kal nghal hlawk hlawk a ,a room lam min panpui tih ka hriat chuan ka tang ve tlat .








A ning nge min pu lawpin min chhoh pui a “ I duh duh in min tisuh,min thlah nghal rawh Hmangaihsang " ka tihchuan bangah min nem bet rawk a “ Min chhang rawh nang hian min duh nge duh lo " a rawn ti hluk a,ka ngawi reng chhan Dan tur ka hrelo “ Sawi vat ta che " a rawn tileh tuar a “ Ka duhlo che " ka tihchuan a nui ro hawk a ,“ A tha e ka tibuai leh tawh lo ang che ,vawiin a tangin I zalen ,I duhna hmunah I kal in engpawh I tithei tawh kal nghal rawh ,kal ka phal lai hian " a rawn ti khur khur a .











“ Josh " ka tihchuan “ He in a tang hian chhuak la ,ka hmuh phaklohah kal rawh " a rawn tileh a “ Mahse contract kha " ka tihchuan ka lu bula bang chu a rawn hnek nghal thuai a “ Kal rawh ,zalenna ka pek lai che hian kal rawh " a rawn ti a ,kal chu ka duh mahse tinge min dang tlat tu a awm ,ka duhlo ka ti a nilawmni ,mahse tinge ka kal theihloh “ Ka phal lai hian kal rawh " a rawn ti sup a ,ka inher riai riai .









Ka room thinah chuan kalin ka thawmhnaw chu ka siam sawk sawk a ,ka chhuah dawn chuan a inlian pui lam chu ka hawi leh vang vang a ,tinge ka rit luk mai le ,ka hlim.tur zawk a ni,a lak a tangin ka zalen tawh hi tihchu ka ngaihtuah a ,mahse ka hlim Kim mawlh lo.






3 month later






College ka kal tha a ,ka nun chu angai te in a kal beuh beuh a ,Josh thawm.erawh a reh vang vang a ,engtak tive ang maw hmeichhe dang a tawng a nih ngei ka ring,hlim tur ka ni a ,mahse ka nun hi a ruak ngawih ngawih mai hian ka hria ,dawr pakhatah ka inhlawh pah a a hlawk lo na in ka nuam tih zawng tak leh a neitunu a fel bawk a ,ka la thawk reng chu a nih hi “ Naupang te " tihri ah chuan ka dawhkan hruk fai lai a tang chuan ka hawichhuak a.









Davida ka hmuh rualin ka pan vat a “ I va reh ve " ka tihchuan a nui vur vur ringawt ,mi beisei ka nei tih hriat takin a bul vel chu ka melh kual a “ Zawng zawng mahla Mizoramah a awm rih lo " a rawn tihchuan ka melh nghal vat a “ Ih englo " ka ti niah niaha sawitur erawh ka hre hlawl lo ,Mizoramah Josh a awm lo maw ?chu thu chuan ka thinlung a deng dawt “ Inchhungah I sawi zawk ang hmiang " a rawn tihchuan ka bu nghat a .








Kan thut thlak rual chuan “ A in I chhuahsan ni khan Delhi lamah a chhuk thla a ,tun thlengin a rawn la haw lo ,a chhungten an biak Dawn pawhin a la buaithu a sawi reng zel a ,heti taka ka thianpa nun I thlak danglam hi a mak khawp mai " tihpahin a kiai suk a ,sawi tur ka hre der lo,keimah vangin Mizoram a chhuahsan thu ngawt chuan ka rilru a luah a ,ka khawhar nghal rawih rawih hi ka inhrethiam lo ,Josh hi ka lo duh ve reng em ni?







Chu thu chuan ka ngaihtuahna a tibuai takzet “ Ka thiana hi hun I pe ve thei ngang lo a mi" a rawn tihleh chuan “ Engtikah nge a lo kir ang " ka tihchuan a hriatloh thu in min chhang a,ka ngawi ta reng ka luhlulna Khan ka duhna pawh min lo thup tir a ,ka mit ka chhing vang vang a ,engchena rei nge a awm ang tihchu ka ngaihtuah,Davida haw hnu pawh chuan a hma angin ka harh vang thei tawh lo .









College ka kal chu ka hmelma kum hlun te'n min lo dang leh a ,ka ning tawh takzet ka mut a fuhlo nen an hotunu ber chu ka khawih hrep a ,ka thiannu in a thiannu chu a lo khawih ve bawk,engtik laiin nge a lo thlen hman ni ,an au chula midang lah chuan min en thup bawk ,ka tho chhuak a “ Min lo tibuai tawh suh " tihpahin ka thiannu chu ka kai a ,ka kalsawn pui lai chuan “ I chaklo khawp ang ,ka duata te I ngam dawn lo " a rawn tihchuan ka nuih hak a .








“ I duh duh chu lo hruai la ,bialpa te inchhan tir chu a dawihzepthlak iti ve lo maw " tiin ka kalsawn nghal zat ,ka mood fuhloh nak a laiin .




Thla nga a Liam leh meuh chuan ka ngai tawh takzet ,khawlaiah chuan ka vakkual a ,ka haw Dawn chuan ka mi hmuh a vang chuan ka ding chawt a ,a mah a ni ka nui nghal.ver ver a ,pan ka tum chu dawr chhung a tanga hmeichhe rawn chhuakin a hnung lam a tangin a rawn kuah a ,Josh an a kut a vawn let paha a nuih ka hmuh chuan ka ding leh chawt a ,ka en ta reng .






A bialnu a ni ngei ang,ka kalsawn tur chu min rawn hmu tih ka hmu thei ,min en reng a ka inhersan a ,ka kalsan nghal nal nal ka thik,ni e ka thik lutuk ,ka mittui chu ka hru zauh zauh a ,in ka thlen chuan engmah tipeihlo in ka mu nghal daih a.




Ka nau pawh ka tlawh zeuh zeuh a ,a lian sawt hle ,college ka kal chu ka hmaah ka hmelma nu bawk chu a lo ding a ,tun tum chu mipa nen ve thung, thlahnih chhung kha chu a bo vang vang kha a nia ,tunah a mah chhan tu tur a hmu chu intih theih hmel fe hian min en a “ Khawih rawh u " an tihchuan a mipa ho chuan min man bet a ,ka thiannu rawn kal in a min chhan a tum chu a dang chuan an lo chelh bet a .









“ A chhiatloh hi hmeltha bawk si ,fianrialah awmpui a tan a va tha ve " tihpahin pakhat chuan ka biang velah chuan a rawn khawih a ,ka tal nghal vak ,mahse pahnih laiin min chelhbeh a vangin ka tal chhuak thei silo ,zirlai dang lah chuan min puih chu sawiloh nuihzat hmel takin min thlir thup a “ Min thlah rawh u " ka ti tuar a ,an la nui mai mai leh nghal .








“ Hey ka thiannu kha thlah vat rawh u ,Ramnunmawi I bialpa te tello hian min ngam lo em ni " Biaki chuan a rawn ti a ,ka thiannu hian ka college kal hmasak ber a tang Khan min la phatsan lo ,ani anga thiantha ka nei hi ka vannei takzet ,mahse keimah vangin buaina a tawk ta ziah si a ,ka inthiam.thei lo “ Khawi maw a hmui fawh chak awm.zetah hian kan fawp a nge " tihpahin pakhat chuan min hnaih zel a .










Ka lo kun ve tang tang ,min rawn hnaih zel bawk si ,vawilehkhatah min thlir thup tu te chu an au dual a ,ka hawichhuak chu Josh ka hma a lo ding leh min man bet tu te a hnek.pawp pawp chu ka hmu nghal zat a ,a thinrim hmel takzet ,ka ding ngawi reng “ Nangni ho hian Zonunmawii hi in hnaih leh tawh tur anilo ,Reynold an school nei tupa hian min rawn hmu rawh se " a ti nghal.nghut a .








Midang chu an phun nghal mur mur a ,hmeichhe ho lahin duh hmel zetin an en a “ I tha em." ti a ka hmaizawna a rawn kun hniam chuan ka lo en reng,mahse car chhung a tanga hmeichhe rawn chhuakin a “ Duat kal vat zawk ang kan tlai a nge " a rawn tihrual chuan ka hlat vata ,ka thiannu chu kai in ka kalsawn pui nghal hlawk hlawk “ zo I tha em " hah hmel zet a a rawn tihchuan ka ding a .










Kan awmna lai ka en chu kan college a tangin a hla hle tawh tih ka hre nghal “ Kha pa kha pu Josh Hmangaihsanga mihausa lutuk Indiaram a mi hausa an thlan zinga lang pha kha tiraw ,awi a van chhelo tak a pa bawk si ,in inhria a mi " a rawn ti a ,ka ngawi reng keichuan a hmeichhe hruai nena an inkar chiah kha ka ngaihtuah ,“ Zo ,ka biak che chu " a rawn tihleh chuan ka harh chhuak chauh a .








“ Ka inhlawh thina a inah Khan " tihpahin ka kalsawn pui leh a,Josh khan min duh ve tawh lo aniang,ni e a ni ang mi hausa leh hmeltha chuan keiang hmeichhia chu min duh rei tawp nang ,ka lo duh let ve chu ka inchhir hle .



(COMMENT LEH LIKE ZIRIN NAKTUK ZANAH KAN DAHIN KAN DAHLO ANG AW😄)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)