"Nuu" ṭah aw ṭiau in ka ti a, ka nu chuan ka hnungah min beng thek thek a. "Bawihte, tap mah ta che. Eng a ti nge i ṭah ringawt a?" tiin ka nu chuan min bia a. Ka la insut faih faih tho. "Pi, pu lo chhuk tawh ru, chaw a ei theih tawh" Teri chuan a rawn ti a, keipawh ka insiamṭha sawk sawk a.
"Nu engtin nge tah hian inawm ngawt theih a?" ka ti ta a, an in en a, an nui ringawt. "Sawi chiang teu" ka ti vak a, "kha kha tilaia mi kha zawt rawh" tih pahin ka hnunga ding Chelsy chu a kawk a. "Aaa,,, api hi sawi su ka ti mawlh mawlh sia" a ti a, kan nui dar dar mai.
Khatia Chelsy ten min surprise an tum khan UTei chu an hrilh ve a, ka nu leh pa te min biak sak a, lo kal ve turin an lo ti niawm tak a ni. Ka nu te lah chuan min lo ngai ve tawh tho sia. An lo pawm ve ta a nih chu, ka lawm lutuk ringawt. Birthday te hi lawm lo mah ila kan ṭhiante emaw kan chhungte'n min hriatpui ve reng te hian a nuam ve a. An lo hriat reng loh pawn an demawm chuang lo(h) tunlaiah chuan mihring kan buai tawh em a tinni.
Zan lam thleng chuan ka nu te chu an awm ve a, ka pi te nen pawh an inkawm thei phian ka nu hi old fashion an tih ang chi, hmanlai nun ngaina hmanlai hun hriat chak ang chi hi a nia. Incheina lamah erawh a tunlai thei viau keipawn ka nu zia chu ka la a, hmanlai nun te an hun te hi hriat ka a chak a, ngaihthlak nuam ka tih chi tak a ni.
"Bawihi ṭha takin awm la, fel takin awm tur aw,,, puih an ngaihna a piangah pui la. I nun hmang fimkhur ang che" tiin ka nu chuan an haw dawn chuan thu min chah a. Ka bu nghut mai, an tlan liam chu ka thlir zui vang vanga ka mittui tla tur chu dan hram hram ka tum a. Inchhunga ka luh vel leh Chelsy ka hmu nghal a, "Chels, vawiin avang khan ka lawm lutuk a nia aw" tiin ka kuah vawng vawng a, ani pawn min rawn kuah let vat.
9:00pm
Kawngka chu a rawn ri ṭhuai a, kan hawi dawr mai,, Timothy leh Joana chu an rawn inkuah lut a. Timothy lah chu a. ruih hmel em em khawp a Joana-i pawh chuan a dawm ding zo meuh lo a ni. Ka harh chhuak thut a, ka va dawmpui vat. A rit hrep leh nghal a. Sofa ah chuan kan nghat tawp a, hriat tham si lohin a ṭawng nuah nuah mai, U Tei te mu tawh pawh chu an rawn tho leh a, an chek tlak tlak mai. "Anna, ngati nge heti em em a a ruih a?" tiin U Muana chuan Joana-i chu zawhna a zawt a, "Nia, kha in zat tur a lo hre lo deuh a ni" a ti mai a. U Muana chuan a room lamah a dah chho a, Anna-i pawh a haw ve nghal.
Next morning
Zing ka walk chu nidang angin ka phur thlawt lo keimah chauh a ka walk vang te pawh a ni mai thei bawk a, Chelsy leh Teri chu an chauh vangin zing an tho hma peih lo a, kalpui tur ka nei si lo a. “ṭhiannu,,, i tui bottle i theihnghilh" tih ri ah chuan hnunglam ka hawi vat,,, mipa hmeltha leh chhe lo tak palian tak a ni. Ka tui bottle chu a rawn lek va va bawk a. “Oh!! ka lawm lutuk e aw." tiin ka ban nghal vat a. "I haw tawh dawn nge i tlan ṭan dawn chauh?" tiin zawhna chu min zawt nghal a, "Ka haw tawh dawn a, nang?" tiin ka lo zawt let ve nghal. "Keipawh ka haw dawn lawm" a ti a tichuan thil ho mai mai sawiin kan titi a,
"aw ka luhsan phawt mai ang che aw" tiin ka lut nghal a.
"kha vawiin zing chu i va tlan rei ve" tiin U Tei chuan min lo be nghal vat, "Nia, vawiin chu ṭhian ka chhar thar a,ka rei deuh hlek a ni" ka lo ti ve mai a. Ka room a ka inbual fai zawh chuan ka pi room ka va en chu a lo la tho lo a, tunlai phei hi chu a hma ai khan a chau zual nimai hian ka hria a, entir a ngai a ni.
Chaw ei hma chu phone khawihin ka pi room ah chuan ka awm ta reng a, chaw ei hma deuhin a rawn harh a, "Pi, nizan lam i mu ṭha lo em ni?" tiin ka lo zawt vat. "Aaaa, mu ṭha e, khua a vawt tawh a ka mu duhâm deuh mai mai mawle" a ti a, ka awih vak lo na chu engmah ka sawi zawm lem lo.
Chaw kan ei lai chuan ka sawi ta a, "Ka pi hi a chau zual riau in ka hria, amah khi chuan na nei lo ang chuan insawi ṭhin mah se a pum khi chu entir a ṭha ka ti khawp mai ngaih ṭhat nan tal pawh" ka ti a " Ni e, entir chu a ṭha khawp ang, naktuk ah i U Tei nen hian lo entir ula a ṭha ang" a ti a, " Chuan nizanah Tim bawiha zu i rawn rui haw a ni maw?" tiin Timothy a bia a. Ani erawh a ngawi reng a, "Umm rawn rui tawh lo turin ka hrilh che ni lo'm ni?" tiin Pa Roa chuan a melh khui a. "Nia, ka tih palh khatiang kha chuan ka rui leh tawh lo ang" a rawn ti a, a hmel chu a pha dui mai. Ka nuih a za deuh tlat pek a, mahse a ṭha ka ti daih zawk. Mahni thiam loh na ah pawh inla luhlul lui ang chi a ni lo a, a thiam loh na ah chuan ngaidam dil a hreh lo hi a ṭha ka tizawk. Mi ṭhen khat an mahni thiam lohna ah pawh ngaihdam dil duh miah lo an tam a nia. Chutiang mi a ni ve lo chu a tihzia khawp mai.
Chhunlam hi chu a reh thei ngawt mai, ka pi room ka lut chu ka pi chu a lo luak hi a lo ni a, ka pan vat, "pi nga ti nge? I eng nge na?"Ka tih chuan chau zetin a rawn hawi chhuak a, nikhaw hre lo in a awm ta mai. U Tei chu ring mangkheng in ka au a, a rawn tlan chho vat ka pi a rawn hmu chu a hamhaih deuh a, mahse a harh vat driver a ko nghal a, driver ho in damdawi in lam kan pan ta a, Damdawi in kan thlen chuan min lo buaipui thuai thuai a, an lo admit hmiah pawi ka lo ti lo nasa mai. Upa lam ho hi chuan an na te hi an sawi vat duh zel lo a, an sawi a kan hriatchhuah meuh chuan a lo tlai tawh ṭhin si a, chu ai chuan damdawi in a awm chilh a test vel pawh tih zung zung kha a ṭha zawk.
"Eng a ti nge ka nu chu a ṭha em?"tiin pa Roa leh Nu Duhi an rawn lut a, an hnungah U Muanan a rawn zui bawk. “aww,, a ṭha vek tawh e. An lo admit a chuan naktukah test vel kan ti ang a test result a zirin kan chhuak harin kan chhuak har lo ang" tiin thil awmdan ka lo hrilhfiah zung zunga, an thaw huai nimaiin ka hria.
"Zanin chu Tei hian riahpui se, Fiona nang chu lo zu haw tawh rawh i buai tawh emai" an ti a " a ngai lo keiman ka riahpui thei alawm" ka tih pawh in "ni lo e, in a awm chilh a enkawl turin kan ti che, damdawi in lehzel a i awmpui a ngai lo" an ti hmak mai bawk si ka hnial zo ta lo a. Ka haw leh ta phawt a.
In ah chuan Chelsy leh Teri te nen tui lo zetin chaw chu kan ei a, inkawm vel mood ah pawh tumah kan cheng lo Pa Roa te lo haw chuan chaw an ei a, chaw an eikhamah anni pawh an room ah an awm a. An mu nge engmah ka hre tawh lo U Muana erawh damdawi in ah a chho leh tih ka hria a, Brandon-a te hi chu an college camp lai a nia, chanchin hre mahse a nu ten rawn haw an phal loh avangin a rawn haw lo a, Timothy-a thung chu chanchin hrilh kan tum pawn a phone a chhang thei tlat lo a, message kha hu an hnutchhiah tho in ka hria.
Ka muhil siar siar tawh tihah Timothy room lam ah chuan hmeichhe nui har har thawm ka hria a, Timothy room hi ka room dawt chiah a nih vang hian thawm pawh hi a hriat ve theih deuh a, eng atan mah ngai lo chuan mut leh mai ka tum a mahse thawm ka hriat leh vang chuan ka ngaichang vang vang a. Ka insum thei tawh lo ka tho a, Timothy room kawngkhar chu ka va kik ta dawt dawt a, a rawn hawng har phian leh nghal Boxer nen chauh a rawn hawng a, a sam lah chu an thur em em mai khawp a. "Eng nge i duh?" Chhum hmuk chuan a rawn ti a. "Eng nge ka duh maw? Engtin nge hetah nuam i la chen theih zawk a,, i pi chu damdawi in khuma a mut mek laiin nangin nuam i lo chen a maw? Eng ang mipa nge i nih a i pi damdawi in khuma a awm laia nuam i lo chen theih?" Ka ti ta phiar phiar a, a meng phar awk mai mak tihna mitmeng hian min melh bawk a. " Maww!!? Ka pi damdawi inah a awm a maw?"a rawn ti nia!! ka nui hawk mahse ka nuih erawh a za miah lo, " aww awm e, hrilh che tumin kan phone nasa lutuk che mahse i phone i chhang thei lo alawm" zaidam tak chuan ka ti leh a, ka thinrim ka in bengdai deuh tawh bawk a, ka aw pawh a nem leh deuh tawh.
" Ka kal ve nghal a ngai a nih chu" tihpahin a insiam nghal a, a room a lo awm ve Joana-i chuan " babe khawnge i kal dawn?"a lo ti no ngher ngher a, ka luak a tichhuak lutuk.
" Anna ka pi bulah ka kal dawn, nangpawh ka thlah nghal ang che" a ti sawk sawk a, Joana-i pawh a inperh tho at. " Timothy a pawi loh chua kal ve ka duh a, a theih ang em?"tiin ka zawt a, a bu nghat. Ka room lamah pheiin ka insiam nghal, half neck dum leh jeans tight vak lo chu ka ha a, a chungah over coat ka ha leh tawp, pheikhawk ka bun a ka hman der. Ka sam ka kawng chen a sei chu ka thlah mawl tawp ka phone leh purse chu bag te ah ka dah a inhnuai lamah ka chhuk a pawnah chuan Timothy te chu ka lo nghak ran mai.
To be continue....
Thil thleng hi a ni deuh phut phut inti em?