YOU BLACK MY HEART CHAPTER 14

Episode kal lai dah luhna

Moderator: writers

Zaikawii Budelh
Posts: 170
Joined: October 22nd, 2021, 7:23 am

YOU BLACK MY HEART CHAPTER 14

Unread post by Zaikawii Budelh » December 1st, 2021, 8:14 pm

YOU BLACK MY HEART 🖤




BY Zaikawii Budelh 💚






CHAPTER 14







A kal dawn te kha chuan min ngai ber ang khan a awm a, min kal san a hreh hmel tak zet a nih kha, tun a ka thil hmuh kha enge ni ngai? Ka tha a khur dur dur a, ka awm zawn a rawn tawt up up bawk, ka thaw tha theilo , hlauhna leh thinrimna nasa lutukin min rawn tuam hlup hlup a ni ber,inbeng daih tum tak in thawk ka la suai suai a, kut khur dar dar chung in ka phone chu ka ban a, ka lo hmusual pawh a ni thei a sin,Vic lo mipa dang pawh a lo ni thei a, beiseina sang tak nen ka phone a thla lak chu ka bih nawn leh a.






Chiang zawk a ka en leh ngial pawh in Vic ngei a ni, mahse hmeichhia chu Ruati a ni Miah lo, engtin nge Ruati lo pawh kawp lai te chua nei teuh dawn tih ngaihtuah lawk nachang ka hriat loh zawk?hmeichhia chu ka hmuh hnu ni thal in ka hria a, hmuh tawhna chu ka nei ngei a ni, mahse ka hrechhuah thei mai lo,Victora thu sawi zawng zawng awlsam tak in ka lo awih duan duan a,ka zahawmna neih chhun ka hlan tawh bawk, huh, tun ah chuan a duh ber a hmu tawh a lawm min ngai nep hle bawk in ka ring, kei lah chuan a lak ah ka duhna ka lo ti lang ve mai bawk a, hrep tak hian,eng vang a hetiang a khawsa thei nge maw ka nih le?







Ka tah a chhuak tet tet a, mahse ka tap chhuak thei der bawk silo a,eng tia awm tur nge tih ka ngaih tuah thiam lo a, eng tin nge ka tih dawn tih lah ka hre hek lo, ka va calk anga ka va zawt chiang dawn em ni? chu chu a tih chi maithei mahse a lo pha ngei ngei dawn tih a chiang a, nge tunah ta hian hmeichhe hran hlak nen nuam a tawl zawk ang tih lah ka hre der silo.




Ka tho chhuak hluai a, mut chu khawi lam ah hi a ni ringawt, ka thinrim a, ka zak bawk,mahse chung zawng zawng ai a tawrh har zawk chu ka na a ni, Ka na ta zet, hlutna nei tawhlo hial ah ka in ngai.Ka phone chu a rawn ri nghal zat a,Victora hming ka hmuh rual chuan ka thaw hawk, Chhang lo in ka ring tir char char a, off pawh ka tum lo, Silent mode ah dah in sofa chung ah chuan ka theh tlha nghal daih.



~~~~~~~~~~



Nizan lam ah ka mut that loh vang nge ka lu a na bur a Nu Mapuiin min biak pawh in ka chhang tha peih der lo,Victor ngawt ka ngaih tuah a, hetianga min ti leh mai mai tur si chuan tinge hetiang thleng thleng a kal le? Inneih hial te kha a sawi kai a nia,nawm chhenna tur a duh te chuan kei ai a nalh tak tak an tam dawn teh reng nen, nizan zan khua deuh thaw in ka in ngaihtuah a, tun atang chuan Vic hi a duh dan ang ang in ka awm tir tawh lo tawp ang, chuan a lo hawn hun ah kan inkar tih tawp ka duh bawk, ka hlawh min pek pawh kha ka la hmang mang lo a, thla li hlawh vel chauh ka la hmang, thla hnih vel ka awm leh chuan ka rul fel ang tihna a ni dawn a, advance a ka lak pawh kha ka pelet leh vek ang, tiang a awm ai chuan ka nun hmasa a let leh ka duh zawk .


" Tuk in ah I thawh hma khan Emily hnar a rawn thi leh a"


A tih chuan ka ngaihtuahna atang ka harh zawk, Nu Mapuii lam chu ka hawi thuai a,


" In entir mai hi a tha in I hre velo maw?"


Ka tih chuan a lu a bu nghut nghut a,

" A hma khan Doctor khan Bawk a awm thu a sawi a, mahse a pawi thui loh tur thi a sawi Vicpuia khan zai a rem ti tlat lo a, Emily buai hlen a hlauh vang anih ka ring?"



A tih chuan ka thaw nghal hawk,



" Vic hi kan hrilh ve mai dawn em ni?"


Ka tih chuan angawi vang vang a,


" La ngaichang leh deuh phawt ila a tha ka ti deuh , a lo haw har tawh dawn chuang lo a, lo va biak chuan a hna te thawk zo lo khan a rawn haw leh emaw kha a nia nga"


A tih tak ah chuan ka bu ve ta nghauh nghauh a, Emily pawh a rawn tho chhuak ve a, a harh tha zan lo khawp mai, min kuah chawt reng a, a nuam sam vak lo bawk nen han vah kual pui chiam chi a ni silo a, a ni leh nilo ang a a nguai lutuk chu ka khawingaih reuh tak tak a ni.



" Princess na I nei em?"


Ka tih chuan a lu a khawih a, min kuah leh salh pah in ka dul ah hmai a phum a, duat deuh in a lu ah ka lo chul sak hliau hliau a.Sofa ah kan pahnih in kan mu a, ber thla kan chuan kai tawh vang in a vawt ve viau tawh mai.Chhun lam ah Emily khua a sik deuh ser ser a,a hnar vawikhat a thi leh bawk.




Ka phone pawh ka en leh ta miah lo a, a battery a lo low thim hmak a, kan mutna bul a plug ah chuan ka charge a, ka on chiah chuan Victora miss call leh message a tam ngang mai,moss call zahnih(200) chuang leh message tamtham lutuk a awm bawk a, whatapp mai nilo Sms ah pawh a tam ngang mai ,Dominic miss call 12 vel a awm bawk.


Sms zawk chu ka hawng a, whatapp ah erawh ka lut duh rihlo,


' peach engvang in nge ka call I chhan lo'?


' Thil diklo thleng a awm em ni?'

' Emily a tha em?'

' I nuam lo em ni'

' ka ngai lutuk che'

' Lalruathlu'

Tih te a ni deuh nawk hlawm a, a va han hman mai mai tak, nizan lam ah chuan hmeichhia a awmpui hman lo tawp ang,hetiang zah em em message leh Call tur chuan zankhua a hman a ngai ngei ang,Whatapp lam ah ka lut leh a, Victor message chu ka en ringawt a, ka chhang let lo, min tih dan ngaihtuah chuan hetiang mai mai te chu a ho tham em mai.




Chika lam ah Nu Mapuii phone a rawn ri ral ral a,


" Aw hello!"

A ti ri ka hre nghal zat a,

" Aw awm e, Emily nen an mu a, nuam e,tinge a phone ah I call mai loh a, aw le kan pe ange?"


A ti nghal lang lang a, kan awmna lam pan in Nu mapuii chu a rawn pen ri nghal sat sat, phone min rawn pe pah chuan,


" Vicpuian Call I chhang theilo a tia, a be suh che a"

A rawn ti nghal sap a,

" Lo inbe ru, thil ka ti laklawh lutuk"

Tih pah in chika lam ah a phei nghal daih a, ka bia ang nge belo ang tih ka ngaihtuah rauh ruah a, umm, pum pelh reng theih a ni dawn chuang lo, ti rilru in phone chu ka beng bul ah ka ngai thla a, bul duh in,


" Umm"

Ka ti deuh hmuk,

" Peach!"

A rawn ti sup a,a aw ka hriat ringawt pawh in ka thin a phu zawih zawih thei, a aw ah pawh a chau hle tih a hruat theih a, nizan ah a mu lo tak tak a maw ni le?a hi e mai, duh leh mulo mai mai ang hmiang, a thu thu a lawm, a inti buai peih ve ngawt mai.


" I sawi tur chu sawi vat rawh"


Ka lo ti hlak a,


" Tih dik loh ka nei em ni?"


A rawn ti sup,


" I hre daih zawk ang chu, a pawimawh loh hmel e mai, ka dah mai dawn a sin"

Ka tih chuan a thaw hawk a,thil ri bur in a zui nghal zat a ka lo phu zawk,tun ah hian a hmel awm dan tur ka ngaihruat thei mai, a bul ah awm ni ngat ila chuan hlauh vang in ka khur nasa tawh viau ang,



" Lalruathlu, tha deuh in sawi rawh"


A rawn ti hrawk a, ka thin a rim ve tawh tak zet,A awki ang chiah a vin in


" I mi hur khawi nu nen chuan nuam deuh in hun hmang rawh u"


Tih leh Call chu tih tawp ka rual a, a rawn call leh dawn tih ka hriat lawk vang in ka switch off nghal hmiah.A thinrim ve ngawt na chhan tur a awm lo hrim hrim, ka mittui a rawn hnai a, Victor chu ka ngai tak zet a, a kut a min khawihna leh min fawh na te ,min tawhna engkim leh a mah hi ka ngai, mahse ka haw tho bawk si, eng ti kaqng pawh in ka hmangaih tih hi a hre tur a nilo tawp mai.'A rem chhan hun hmasaber ah he in hi ka chhuahsan nghal tur ani 'tiin rilru ka siam fel nghal hmiah bawk.



Kut lum vung vung in ka biang a rawn khawih a, a rim pa hrak mai leh a pang ti lum chuan min ur ham ham ni mai hian ka hria,

" Duh awm lutuk"

Ti hluk ri ka hre zawm nghal zat a, chu aw chu ka hriat hnu ngei a ni,


" Vic?"

Ka ti sap a,

" Umm"

A lo ti sup,

" Ka ngai lutuk che"

Ka ti sep, thaw hawk ri ka hre zui nghal zat a, hmui lum vung vung in ka hmui a rawn thaw chuan ka meng chhuak nghal hlawl, Vic chu ka nem sawn nghal dawrh a, a hmel ah chuan engmah a lang chhuak lo,eng tinge he lai ah a awm hman daih tih ka hre thiam lo a, hriat pawh ka duh heklo.



" Peach!"

A rawn ti sup a, Emily ka zawng nghal ruai a, khawnge maw a lo kal hman le?

" Dar eng zat nge ni tawh?"

" Zan dar kua"

A lo ti nghut a, min rawn khaqih a tum chuan ka lo tawlh sawn nghal dawrh a,

" Min khawih hlek suh"

Ka lo ti hlar,dawh theilo tih hriat lutuk in a thaw nghal hawk a, a sam chu chung lam ah a tuai chho nghal puat,

" Ka sawifiah vek ang"


" Insawifiah I ngai tih tal I hria a a that chu"

Ka lo hlak a, min rawn en nghal run,

" Insawi fiah ta ila min ring a ngem?"

" I insawifiah dan pawh hriat a chak awm a lawm"

" Peach"
A ti leh hluai,sawi tur pawh a hriat der loh hi maw,

" Tenawm lutuk!"

Tih hlak pah in ka tho chhuak nghal vut a, ka lu hai lutuk vang chuan ka thu thla leh rang ngang mai,

" Fimkhur rawh"

Tih hluk pah in min rawn dawm a,


" Min khaqih lo teh!"

Lo tih hlar pah ina kut chu ka lo vai sawn sak a,a taksa si chet a min pawt bet in a mit ah tak wn thei turin min kuai dak a,ka mittui a hmuh rual chuan a phun hluk,


" Aih, tap suh, khawngih in"


A rawn ti hrawk a,

"Min khawih tei vet suh, kha hmeichhia I khawihan kut khan min khawih miah suh, ka thianghlimna ka hlan vang che khan I duh duh hun a mutpui a duh duh hun a midang min kawp san thei tur ang a I inngaih chuan I ring sual khawp ang "

Tih hlar pah in ka tal chiam a, min kuah nghet sauh,

"Chutiang in ngai suh, khawngaihnin, Kha nu nen khan engtin mah kan awmlo, a tha em? Tunge a nih pawh ka hrelo, min ring rawh, nangmah chiah hi ka duh che, ka tan hmeichhe awm chhun I ni"

A tih lai pawh chuan ka lo la tal a,

" Tinge kei kher hetiang hian min tih,hmeichhe nalh tak tak bum kher ngailo pawh an tam nen, tinge tiang leh mai mai tur a dawt min hrilh, ? Ka haw lutuk che Ka tina lo ang che I ti a"



Ka ti tuarh a, a tawp lam phei chu ka hnuk a ulh deuh tlat lehnghal a, ka no ta riau chu ka inhaw kher mai,na deuh in a awm ah ka nem a, a lak atang a ka awm hran rual chuan ka ruak vek ni mai hian ka hria.


" Ban ka duh"


" Eng a?"


A rawn ti thawt a,


" Ka hlawh min pek lawk pawh kha ka pe let leh vek ang che, chuan Siamkima jail a I khung kha chu thil tha ti ah I inngai thei ang,..chuan"



Ka sawi zawh hma in ka dar tawn tawn ah a rawn man nghal chawt a, a la hmer na em em zui,ka mit ah tak wn kar chung chuan,


" Ka phalna tello chuan he in atang hian I chhuak ngailo ang,chuan ka nupui I ni vat dawn tih lo hria ang che "


Kha fak hian a ti a, rapthlak ti lutuk in a lo melh ve reng a, a mit te chu a sen rum mai,chhan ka tum lai tak in,

" U !"


Ti ri kan hre nghal zat a, kan awmna sir lam kan hawi phei chuan Emily a lo ding reng a, a kut ah thisen a kai nuaih a, a hnar atang in thisen a chhuak bawk,


" U..."


A sawi zawh hma in a tlu sawp nghal nawk a,


" Emily!"

Ka ti rual thawt a,rang lutuk a pan phei nghal in Victor chuan Emily chu a pawm kang nawlh a,


" Doctor call vat rawh"


A rawn ti nghal tuarh a, ka lo che ve nghal sawk sawk, Sofa ah chuan Emily chu a mut thla a,



" Princess, Emily, Emily, Bawihte min hre thei em?"


A ti nghal mawlh mawl, a hlauthawng hmel lutuk ka hmuh chuan ka lo buai ve ringawt.Doctor rawn thlen hnu ah test chi hrang hran an ti a, Victor an damdawiin ah kal a phal miau loh vang in hman rua engkim inlam ah an rawn keng nghal vek.



Emily khum a a mu bam chu ka en reng a, a la naupan teh lul nen a tuar nasa mah mah a ni, naupang fel tak ani a tiang em em a tuar tur hian eng chu nge maw a tih sual bik le?



" A pawi khawp mai, a bawk hi a lo thang hman a ni"


Doctor chuan a ti sup a,


" Tih dam dan a awm em"


A lo ti nghut,


" A bawk hi kan zai hlawh tlin chuan a na hi a reh tawh a nga, kan zai hlawhtling lo a nih erawh chuan a buai hlen tawh maithei"


A tih chuan Victor chu a thaq nghal hawk a, Doctor chu rum lutuk a melh pah hian,


" A tir ah khan a pawitham lo ang I ti ani lawm ni? Engvang in nge tun ah I thu I thlak leh si? "


A ti khur khur a, Doctor chuan a hlauh hmel tak zet,


" Pu Victor a baqk hi a than vang a nia, zai anih vat lih chuan"


"Chhuak ru"!

A rawn ti hluk a,


" Tun ah"

A tih leh chuan Nu mapuii nen kan in melh ralh a, kan chhuak nghal dual.



In hnung lam ah ka kal a, buaina tam ta lutuk chuan min thing chau vek ani ber mai, ka awm ve hian thil hi a buai zo vek a hriatna ka la nei tlat zui,sitting room a ka phone dah chu a rawn ri a, phur vak lo chuan chhang turin ka pan phei a, Dominic an min rawncall tih ka hmuh chuan ka chhang nghal vat,


" Emily chh enge a an tawh a"

A rawn ti nghal thawr a, a ngaihtuah ve tak zet anih hmel,


" A mu leh a, a that leh that loh pawh kan la hrelo"


Ka lo ti ve nghal vat a,


" Call I chhang theilo a"


A rawn tih chuan ka sawi peih loh zawng a sawi dawn tih ka hre nghal mai,

" Sawi ka peihlo a nia"


" Nizan ah a mu miah lo a ni a"


" Umm"


Ka lo ti mai a, a mut leh mut loh chu ka lo ngaih ven ve na tur a awm tawh lo,


" Thlalak rawn thawn tu che kha Jennie a nih kha"


" Maw?"


Jennie te chu Siamkimia mihur khawi nu kha ani lawm ni?mahse tinge min rawn thawn,? Lawk hmeichhia kha Jennie nen an inang lutuk, ka hriat hnu ang ka tih kha Jennie lek a lo ni maw?



" Engtin nge thlalak ka dawng tih I hriat?"


" Chu chu a pawimawhlo, Victor nen lhan nimin nileng leh zan khua in kan awm dun, thik tur I duh chuan keimah min thik thei ang"


A rawn ti hluk a,


" Thlalak ah khan a chiang reng a lawm"


" Lalruathlu! Thlalak tak leh Edit chawp hre hrang rual I nilo em ni?"


A tih chuan ka phu deuh zawk,


" Edit chawp maw?"

" Umm, Jennie pawh in a tih anih thu a sawi tawh"



" Tinge chutiang a tih a?"


Ka lo tih hliai chuan a rawn nui huk huk a,


" A Mipa kawp ve ber Jail a I khung vang a ni mah na, bak ah thlalak kha a original ah chuan nagma thlalak leh Victora thlak a awm"


A tih chuan lei ka lo chhuah vak ringawt a, ka thil sawi leh ka tih dan te ka ngaihtuah let in ka inchhir tak zet, chuan ka inthiam lo hle bawk.


" Tlangval senior khawngaih thlak kha, lo duat rawh aw "



Nuih huk huk pah a a tih hnu ah call chu a off zui nghal zat a,Victor ka awmna lam pan a rawn phei ka hmuh chuan kanpan nghal vat a, ka zawn a rawn thlen rual in ka lo kuah ngahl chawt,


" Vic, ka tih palh"


Ka tih chuan a rawn thaw hawk a, ka awm khauh tang ah chuan ka hmai ka phum nghal zat a,

" Peach!"


A rawn ti sup a, ka biang tawn tawn ah a rawn dawm ngahl zat,


" Ka tihpalh tak zet, thlalak ka hmuh khan ka ngaihtuahna a fim hlei theilo a"

Ka tih chuan a lo bu nghut a,ka chal ah a fawp nghal vawng vawng, min kuah nghal hlu hlu a,

" I lungawi loh chuan min hrilh vat tawh ang che "


A rawn tih chuan ka lu ka lo bu nghat nghat a,


" Tinge I lo kal a?"

Ka tih chuan,


" I lo chhuak ru daih ang tih ka hlau a"


A ti hluk a , ka lo nui hak,







END OF CHAPTER 13


( HEMI CHHIAR LO HI CHUAN ' TINGE ' IN TI IN TI LEH DAWN A NI A AW😂


KAR LEH ATANG KAN EXAM DAWN A, KA RAWN DAH THEI TAWH RIH DAWN LO A, EXAM ZAWH VEL AH CHHUNZAWM LEH KAN TUM DAWN NIA, MIN LO NGHAK HRAM HRAM ULA, NGAIHNAWM TAWK TURIN KA RAWN LET LEH DAWN NIA AW,)


Add click, Comment leh like kha awm.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)