Because of Accident Chapter-6 by MrsBabe Khawlhring

Episode kal lai dah luhna

Moderator: writers

Mrsbabe Khawlhring
Posts: 133
Joined: November 26th, 2021, 11:05 pm

Because of Accident Chapter-6 by MrsBabe Khawlhring

Unread post by Mrsbabe Khawlhring » December 1st, 2021, 10:27 pm

*Because of Accident*





Chapter-6🤍





by_MrsBabe Khawlhring







Lalchhanchhuahi Pov.





Rei fe angawih hnu chuan min chhang dawn tawh lo emaw ka tih hnuah"Ka hmangaih tawh lo"ka mita min enkar chung chuan a ti a,ka hlim veng veng mai







"Mahse theihnghilh ahar takzet"zawi sup chiang tak si chuan ati leha,ka rilru ahnual nghal ringawt a nih chu,a hmangaih tawhlo mahse ala theihnghilh theilo tihna ania,a thinlungah hian ka leng ve thei dawnlo tihna a nih chu







Mahse 'ka hmangaih tawhlo' atih khan a thusawi kha ka ring nghal hmiah,chutia engmah sawiloa kanin melh tawn reng lai chuan current alo thim thuta,inverter on tuma ka thawh chuan ka ding ngil hmanlo,ama hnaih chêtah chuan min pawt ṭhu nghal nawka







Ka inrin hma hauhvin ka hmuiah chuan minlo fawp nghal a nih chu,min fawhna chu duhloin ka lo ṭang nasa hlê a,a awmah ka chum deuh dat dat bawk,chu chu ngaithei lovin ka kut chu achelhbet hmaka,a chak rapthlak lutuk bawksi ka ṭang thei tawh derlo







Chhang letlo chuan ka dawh mawl tawpa,ka chesawn thei miaulo,duhlo chung chunga min fawhna chu keimahah nawmna hian alo thlaka engtik laiin nge kalo chhan let hman ka hrelo,ka chhang let chiah chu a duhthawh zual sauh leh nghala,ka kut chu a thlah tawha,ka kut pahnih chuan angbawngah ka kuah nghal hmiah bawk







Ka zeilo ati deuh nge min fawp reng chung chuan a khi deuh suka,ka zak chem chem mai achhan chu tun hi ka tan chuan a vawikhatna a nimiau,kan duhthawh dun chho zela,a leia ka ka chhung alo hawl kual vel laite chuan ka taksa hi adanglam vek thei,ka theihtawpa zei chuan kalo chhanglet vezela








Current thim bawk nen tuna kan awmdan vel nen hian boruak adik chho vel vek,ka kawrawm alo zen chiah chu akut chu kalo man bet vata,kan infawhna pawh kan chawl nghal bawk,current pawh chu alo eng ve nghal bawka







Ka tho nghal daih bawk,ka sa pup pup mai,ka hmai tehi asen vekin ka ring,ani pawh chuan engmah a sawi tawh biklo va,kawngkhar chu anlo kik nghal zat bawk,kan kalh loh avangin anrawn lut nghala,U Mama leh U Amy an loni






Ka va che chhe teuh ve,Jeremy chu melh pawh ka melh ngam tawh lo hrim hrim,rei vaklo U Mama nen anin kawm hnuah a haw a






A haw tur pawh chu ka thlah lo hrim hrim 'muttui'tak ngial pawh ka tilo,U Mama leh U Amy'n kawngkhar bul thleng anva thlaha kei erawh ka ṭhutna ngaiah ka ṭhu reng,nichina kan awmdan kha ka ngaihtuaha ka zak em a ni






Common room lamah anlo phei leh chuan U Mama'n"Nangmah chauha awm i hlauh ka ring deuha lova awmpui rawh ka ti nih kha"a tih chuan ka chhang lemlo,U Amy lahin"Hrilhlo pawh nila lo len atum deuh hrim hrim ni lawmni"min fiam deuh paha a tih chuan





U Mama pawn alo thlawp vata,annupa chuan room lama anluh hnuah ka room-ah ka chho ve vata,darthlalang hmaah dingin ka in en vung vunga,nichina ka sa pup pup kha ala reh chiang lova,ka hmai pawh chu ala sen tai têk bawk








"Enge maw ka tih tak ni"tiin ka phun chhuak sep,kan thil tih kha ka ngaihtuah let leha,in ngaizawng pawh kanni siloa,hmeichhe sihnip tak ang leh zaktheilo tak angin min ngai ngei ang,ka ngaihtuah thui zela ka zak tial tial bawk,ni e zanin khan kan pahnih inkarah khan in hip tawnna nasa tak a awm tih chu keimah chauh niloin Jeremy pawh khan a hre ngei ang









Min duh thu asawiloa,keipawhin ka duhthu ka sawi heklo,mahse zanin khan inngaizawng te chiah ina antih ṭhin emaw ka tih infawh kha kan ti miau,ka rilru abuai takzeta,min duh ve deuh nge ni anga min fiamkual mai mai nizawk ang tih hlir chuan ka rilru akap








Chutia keimah leh keimah ka rilrua ka inhauh mawlh mawlh lai chuan ka phone alo ri a,Jeremy anih beisei zetin ka ban nghal vat,mahse amah a lo nilo,Kimi zawk alo ni







Hello ka tih hma hauhin amah zawk chuan"Hello"alo ti a,ka chhan mai loh vang nge"i rawn call na kha ka hmu chiaha enge nitaa"alo tih chuan ka thin ati rim ringawt,ka mamawh laiin la thei der silo







Phone kha lo la theiin lo kalse chu khatiang khan Jeremy nen khan kan awm miahlo ang,mahse Kimi ka thiamloh ringawt theilo keipawh khan hnar miah lovin kalo chhanglet ve tho anihkha,achhan erawh a fawh kha nuam ka ti miau ka mipa duh hmasak berin min fawpa ka chhang letlo phal dawn em ni?






"Engmah angai leh tawhlo mai"ka tih chuan"Awi apawimawh emaw ka tia i rawn call na ka hmuh vel leh ka rawn call back che ania" ati leha"Enge i tih reng renga phone la hmanlo khawpin"ka tih chuan"Huma alo lenga,angam pawh ka ringlo ania,amah chauhin alo kal lehnghal"hlim zet hian a ti a








"Chu nuam ilo tiviau ani maw?"ti a ka fiam zeuh chuan"Sawi teh suh nuam tak a ni dream come true hi a ni ringawt"nui pah hian arawn tia a,ka chhan leh hmain"A haw deuh chiaha,phone khawih kha aphallo tlata room-ah ka charge daiha,chuvang lawm ilo phone pawn ka hriat loh"a tih zawm zat






A aw rî aṭang chuan a hlim hlê tih ka hre thei"Innih hma hmain ava ham strick ṭan ve"ka tih chuan za zet hian anuia"A hrim hrimin tinge alo lenve tehmiala"ka tih leh chuan





"Tlaiah khan ka titau der vela,a rilru nuamlo lutuk kha alo kal tawp a"alo ti a,"Ni tawh mai ru"ka tih chuan"Min duh thu ala sawi siloa,hmeichhia zawkin han hrilh hmasak chu amawilo vedeuh ka tia, a awmdan leh ache zia aṭang chuan min duhve tih chu ka hre thei, mahse a sawi hma chu ka sawi duh bik teuhlo"ati deuh duaha






Kimi thusawi chu ka ngaihtuaha,Huma nen aninkara thil thleng chiah a ni biklo,kei leh Jeremy pawh hetiang tho hian kan awmve,min duhna ati lang ṭhin Huma ang chiahin mahse a sawi chhuaklo,keipawhin ka duhve tihchu ka tilang ve tho chuan ka hria,mahse ka sawi chhuak bik heklo,kan awmdan hi hriatthiam ahar takzet








Kimi nen chuan eng eng emaw kan sawi ṭeuh hnuah kan inbiakna chu kanti tawp ta hrama,nitin kanin hmua,thil tam tak kan sawi ṭhin chungin phone-ah pawh sawitur kan hre leh ṭeuh ṭhin tho,mahse zanina Jeremy rawn len thu erawh ka hrilh duh lemloa,a chungchang erawh kan sawi tel zeuh zeuh thung







Ka hrilh duh loh chhan erawh phone-ah anih vang a ni,hrilh tho chu ka tum ka ṭhianṭha ber a ni a,ani ka hrilh lohin tunge ka hrilh chuan ang mahse min sawithui pui leh dawn lutuka phone-ah chuan ka ngaihthlak peih loh vang a ni mah zawk








Tunah pawh darkar2 chuang kanin biaa,Huma nen an chungchang hlir kan sawi,kan tihah asawi atih theih mah ang,sawi tur hi atla chham lo hrim hrim chawl miah lovin asawi zawm char char thei






Huma'n wassap-a abiak hmasak ber zan phei chuan,darkar engzat nge kanin biak pawh ka hrelo,ka lo mutthluk san daih hial anih kha,atukah minla chhuahchhal hrep zui








Khumah chuan ka muṭhaa,mit ka chhin chuan chiang zetin Jeremy ka hmu leh,ka vei tak zet a,chu chu ka ngaihtuahna leh ka rilru pawn ahria ania nge






Zingah chuan thawh ka hai chiang hlê a,nizan lam Kimi nen zanlai dar1:30 thleng kanin biak vang a ni,in hnuai lamah ka chhuk chuan U Amy chuan eirawngbawl alo paih diam tawha,zai rat rat pah hian fridge alo tifaia






Min hmuh vel leh"Duati vawiin chu class kallo mai la keipawh Bakery lamah ka kal dawnlo"a tih chuan achhan kalo zawt vat






"Nizan khan kalo hrilh theihnghilh daih che a,vawiinah i U teho Police Sports annei dawna va ṭawiawm ve ila katia,naupang honen"a ti a,Police sports anih chuan Jeremy pawh atelve dawn tihna







"Naupang ho school ankal dawn lo ami"ka tih chuan"Karleh an exam dawna,tunkar tawp anchawl dawn alawm,an class teacher adamlo sia in lamah zirtir turin chhungteho min ti a,tunkar chu bakery lam pawh Mami(U Amy cousin)kutah ka dah tawp mai ang"a ti deuh duaha








"Nia kan class neih dan tur ka en phawt anga"ka tih chuan abu nhuta,zai rat rat pahin fridge chu ati fai leh mial mial,a phur hlê tih ahriat ngawih ngawih,anpa hi a support ṭha ve ṭhin hrim hrima,kan monu anih vang pawh ni hauh lovin hemi kawngah hi chuan ka fak ve hlê







Wassap-ah ka luh chuan Jeremy message hi lo awm a,(Minlo ṭan turin lokal verawh aw)tihhi alo ni a,vawiin chungchang asawi tih ka hre nghal,chhang loin routine kan section group-ah chuan ka en a, vawiin chu full period ngawt kanlo neia,ka hnual nghal rawih,Jeremy che vel hmuh ka chak tehlul nen








A message reply tuma a chat-ah ka lut chiah chu alo online ve chiah bawka,(Kalo kalve theih pawh ka ringlo,vawiin chu full period anisia,4rdsem exam kan ṭan ṭep tawh sia"tih leh emoji lungngai laihi ka va thawna





A in deliver chiah chu blue tick pahnih hi alo awm nghala,ka hlim em em ringawt,(Avan zialo tak awmve la nuam dawnsin mawle)tih leh emoji ṭap lai hi alo adah tel bawka,a naupang chhia ka ti tak zet(Ka chak lutuk chanchin minlo hrilh ve dawnnia aw,Fighting)tihhi ka va thawn leh nghal vata,alo seen leh nghal vat bawk(love sen chauhhi alo daha)kanin biak dan chu inngaizawng tepawh kan ang alawm le,ka hlim veng veng mai









Reply tawhlo chuan room lamah intifai turin ka chhoa,ka phone alo ri ve chiah bawk,Lalfamkimi bawk chu lo niin"Vawiin class kal itum em"alo ti a,"Tum e full period nisia,tinge"ka tih chuan "Group kha i enlo ami CR-in vawiin information tur alo dah kha"a tih chuan







"Eng nang eng information nge"ka ti nghal vat "Vawiin chu attendance ringawt anla dawna,class awm dawnlo chawhnu lamah college dang nen senior ho basketball ankhel dawna,chu chu i kal dawn tho chuan minlo present sak maila,chawhnu lama lo kal chauh ka tuma" atih chuan,a thu rawn sawi vang chuan ka hlim veng veng,Jeremy ka hmu thei dawn tihna






"Kim nangamah lova kal zawk maila,tihtur pawimawh deuh ka neia,minlo present sak zawk maila"ka tih chuan achhan min zawt vata,ka hrilh zung zunga,alo hrethiam khawpa"Aw ka lo vakal zawk mai ang,va ṭawiawm nge nge rawh i dear-a chu" ati leh deuh khera"Nangpawh"ka tive leha,chumi hnu chuan kanin biakna chu kanti tawp a








Phur zetin inhnuai lamah chuan ka chhuk vata U Amy bulah chuan ka kal theih tur thu ka hrilha ,a ni pawh alo phur ngang mai,Jeremy bulah erawh ka kal leh theih thut tur thu chu ka hrilh duh ta lo va,a chhan pawh hrelo se va surprise ka tum vang a ni






Chaw eikham vel leh chuan kan phur hlawm bawka,chaw pawh kan eitam hlawm lo,Mathew leh Mathias pawh chu an phur ngang mai







U Amy'n Apa(U Mama)hming chuanna jersey suit hi alo order sak ve ve a,anin hmeh khawp mai lukhum in ang chiah nen ball boot thlengin inkhel ve tur pawh nihleilo chu abun tir thlapa,inkhel ngaina mi tih tak







An têtte aṭang"Ka fapa tehi chu,India aiawhin football khel turin anla chhuak dawn"hi ati ziah ṭhina,a tuipui hlê bawk,tunah rih chuan anla naupang em a,kum10 antlin vel leh Junior Football Academy-ah dah atum thu pawh asawi ziah bawk







Kei pawh chu ka insiam ve zung zunga,U Amy'n jeans ha ve rawh aw a tih deuh tlat avangin hak nuam thei ang ber tur,mom jeans ka haa,top var ka ha bawka,achungah Kamis rawnglar ve deuh hlek ka ha bawka,converse rawngsang ka bun leh tawpa,Nike luhkhum var ka khum bawk







Sports naa kal tur ka ni a uchuak taka inchei ka duhloa,simple thei ang ber chuan ka in cheia,darthlalangah ka in en chuan nalh ka inti ve hle,in hnuai lamah ka chhuk leh chuan anloin paih diam tawha






U Amy'n minlo hmu chiah chu U Mama hming chuanna jersey hi alo lek vuta,chutiang chiah chu ani pawn alo ha bawk"Duati heihi ha ve rawh"tiin minlo pe vata






Ka pharh nghal zata"Naa ka ha velo mai ang,bawihpuia tenen inha tho lawm"ka ti a,"A nite chuan a ha duh tawp nang keimah minlo ṭan tur em em pawn alo kalve pawh anilo maithei asin"u Mama chuan awmze nei zeta U Amy melh chung chuan ati sepa,u Amy chu alo nuisuk"Chu hmelma lam kan kawl ani maw"nui pah chuan a ti sepa







Keipawh ka nuive tawp,ka ha duh teuhlo mai ka kalve chhan chu Jeremy ani miaua,U Mama pawn chu chu alo hrechiang khawp mai





U Mama Car chuan an sports neihna hmun tur Mualpui lam chu kan pana,kan thlen chuan mi pawh anlo tam tawh khawp mai,U Mama hmelhriatte chuan minlo be ve lem luam hlawma,hawikualin Jeremy hmel ka zawnga ka hmu miahlo lehnghal








Ka kal theihloh vang khan akallo ve ringawt emawni ti dawn ila akal tho chu ka ringsi,ka kal leh theih thu kha kalo hrilh mai lo ani,chutia kalo in ngaihtuah rauh rauh lai chuan ka hnung lam aṭang hnai chêtah ka beng bulah hian"Min zawng ami"Jeremy ngei mai chuan zawi sup hian alo ti a





Ka inher nghal vat"Ilo kal dawnlo emaw katia"a tih leh chuan,ka kal eh theih thut dan vel chu ka hrilha,ka bula U Mama techhung lo la ding vereng emaw ka tihchu anlo kalsawn hman daiha,ka hawikual thuaka Jersey pawl in ang vek an chhungin anha bawka hmuh an awlsam khawp mai








An lam pan chuan Jeremy nen chuan kan kal a,U Mama chuan minlo hmuh vel leh"Enla,bawihi ka hming chuanna jersey ahak ve duhloh chhan chu i hre mai em?"tiin min fiama,ka zak tak tak a ni Jeremy awmve bawknen"Ni e,ahak duhloh chhan aṭha bawka ka hau lo mai ang"U Amy'n alo tive leh kher lehnghal,ka sen pup pup tawh mai theini








Programme chu anṭan vata,games chi hrang hrang an khela,Police lah chu an tam khawp mai,an chhungte'n anlo ṭawiawm ve ṭheuh bawk nen anuam kati ve tak zet,Jeremy lahin abialnu treat-in min treat leh tlat tawh a ,a rackshack leh a phone thlengin min kawl tir veka,item hrang hrangah achhuak deuh vek lehnghala achau viau ang








Infiamna hrang hrangah intihsiakna anneih hnuah a tawp berah chuan Football an khel dawna,U Amy chu aṭang khawp mai,en a rem theihna tur berah chuan kanin sawna Mathew leh Mathias pawn nuam anti khawp mai ankawm rual lek lek anlo tamve bawk nen.






U Mama chu lehlam pawlah captain ani a,Jeremy lehlam pawlah captain a ni bawk,U Amy lah aṭang maisia"Inpate anchak loh pawn min dem theilo ang ka dear-a ache dawnsia"a ti deuh ngei leh nghala,inpa ala ti deuh kher zui,chhang let lo chuan ka nuisuk ringawta









Inkhel an han ṭana a boring ka ti leh der tawh,U Mama telam chuan anti goal hmasaa,U Amy au ring lutuk chu ka beng akiu vek






First Half anti nge mawni ah chuan U Mama telam chu 1-0-in anchak riha,reilote an chawl zawka Jeremy leh U Mama chu kan lam pan chuan anlo kala,U Amy'n U mama tui intur alo pevata,Jeremy kalo peve vat bawk,ahah hlê tih ahriata athlan atla nasa hlê bawk nî sa in a emna tih hriat takin alang thu deuh bula,mahse chu chuan ati pa tak zet bawk







2ndHalf anṭan leh dawn chiah tih ang whistle hi mi pakhat hian field lai taka dingin ahama,inkhel tur ho chu an kal khawm leh hlawm a,U Amy chuan anpa chu afuih nasa khawp mai,Jeremy chuan kal mai loin minlo en renga"Good luck"ka tih sep chuan a nuisuka,a bu nghut bawk field lam pan chuan atlan nghala








An han ṭan leh chiah chu U Amy aṭang bawk si a,rilru pe deuh chuan kalo enve a Jeremy te an chaklo ang tih mawlh chu ka hlau,reilo têah Jeremy chuan apet goal a,engtik laiin nge kalo din hman reng ka hrelo ka au chiama kut ka beng nasa hlê bawk






Jeremy pawn minlo enin hlim hmel zet hian minlo melha,thumbs up ka pe zeuh bawk,Ka hlim lutuk chu u Amy chuan alo ngaithei lo emawni min pawt ṭhu lawpa,min melh hrep pah hian"I u telam zawk ṭan ta che"a ti deuh ngei leh nghala,a ṭang bawk si a,kan ṭan lam in anglo bawk nen,min ngei hmel khawp mai








Anin khel zela,u Mama'n apet goal ve leh u Amy au rin dan em em chu bawn tak a ni,keia au vekha chu nep tak a ni, annu fathum chuan ka lam anlo hawia,min bû khum nasa mai,ka nuih lam hi anti za







Hun tawp dawn ṭepah Jeremy telam an chak dawn lo emaw tih hnuah amah bawk chuan a pet goal leha,nichin ang chuan ka au ngam tawh derlo,ka kut tak ngial pawh ka beng ngam tawh lo,a chhan pawh ka bula nufa ṭhute hian min melh rum em atinni,mahse alanglo ruama ka hlimzia chu pui tak a ni








Inkhelh tawp thleng chuan tu lam pawhin goal an khung tawhloa,anin draw ta hrama,Jeremy telam zawk kha lo chak tase chu U Amy hian min biak duh tawh pawh ka ringlo






Jeremy-an Khel ṭha ber award adawnga,kanlam pana anlo kal chuan akhelh ṭhat thute chu kalo hrilh ve luama,U Amy pawhin u Mama alo fak nasa ve khawp mai





Ka rualin haw rawh atih tlat avangin a Bolero-ah chuan kan pahnihin kan haw a,U Mama techhung kan hmaah an tlan bawk,annupa hian Jeremy hi min duhpui hlê tih ka hriaa,keimah ai mahin an ring zawk bawk







"Nangmah vang a ni" atih chuan "eng maw"amah en chung chuan kalo tivata"Ka pet goal chhan kha"a tih leh chuan ka nuisuk"Goodluck irawn tih vang kha lawm dear rawn ti tel pheila chuan kan chak hrim hrim"a tih leh phei chuan ka lo lai em em ringawt







Ahnuah chuan thil dang kan sawi ta daiha,nizan lam chungchang sawi chhuah atum chu"Lawmi nen chuan inhmu ṭhin em"tiin amah melh zeuh pah chuan ka ti a







"Hmu tawh ngailo"a ti a,ka awih loh arin vang nge"Lungngai duh suh hmuh tawh ka tum hleinem"a ti leh deuh supa,"ka lungngai ringawt ami"ka tih leh chuan"i hmelah khan hmu tawhlo turin min duh tih ka hria lawm"kiai suk hian a ti leha








Ni e,a sawi dik hmu tawh lo turin ka duh,a theihnghilh theihloh thu asawia mahse ahmangaih tawh loh thu asawi tel bawk,anin hmuh reng chuan ahmangaih leh mai ang tih ka hlau a ni





Kawng tluan chuan in pawh takin kan ti ti a,a nuam kati takzet






Hun leh nîte aral vezela,karleh lawk Krismass ani der tawh,Jeremy nen lah kan inkar ala ngai reng,in ngaizawng ang deuh reuh chuan kanin treat tawn ve ve a,alo leng ziaha,college-ah pawh min thlah ziah ṭhin,mahse min duh thu ala sawiloa,keipawhin ka sawi biklo








Rilru leh tih tak zetin ka duh tawh tih ka inhriaa,ka hmangaih hialin ka hria,arilru erawh kava hriatpui kher loa,a chhan chu asawi chhuak miaulo,ka rilru puthmang ang hi puve tho se ka ti takzet






Nikhat chu ni lêngin Jeremy'n minlo be loa,kan inbe reng ṭhin sia,ka awm anuamlo,college ka kal lam pawh min thlah lo va, tlaiah minlo lam bawk heklo,nidangah chuan min thlah hmanloh chang pawn min rawn lam nge nge ṭhin,zanah pawh chuan minlo call lo a , message tak ngial pawh minlo thawn lo,ka awm anuam thei tawh thlawt lo,a chungah enge mawni tak athleng emaw ni le









U Mama hnenah,a hriat mial takin tiin ka zawt ta tawp,'vawiin hna arawn kallo a,thil pawimawh a awm avangin leave a laa'tiin min hrilha,eng thil nge leave hial alak ngai khawpa pawimawh chu ni ang,ngatinge min hrilh miah loh le









Dar11 velah pawh chuan minlo call thut takin tiin kala nghak renga,mahse minlo call lo,Kimi hnen aṭangin phone call ka dawng hlawla,kala nghal vat"Thlalak kalo thawn che kha en vat teh"tiin adah leh nghala







Rang zetin wassap-ah chuan ka lut nghala,Kimi thlalak minlo thawn chu ka en nghal vata,ka thil hmuh chuan min ṭhawng takzet







Jeremy-an Lawmi duat taka akuah lai hi a ni a,Jeremy hmel chu hai ruallohin chiang takin alanga hmeichhia chu ahmel alang chianglo mahse Lawmi ngei a ni,thlalak thar lam tih hriat takin a date leh time pawh chu vawiin ami nge a ni bawk







Minti nâ tak zeta,thlalak chu ka en renga ka mittui pawh a parawl vek,ṭaplo turin ka insum ṭang ṭang a ni,"Ngatinge,min bum i hlen chhuah zawh loh tur thu ngatinge min tiam"tiin thlalaka Jeremy hmel en pah chuan ka ti sepa,chhuak zetin ka ṭap bawk








"Lungngai suh Ka hmu tawhlo ang" a ti a,thil pawimawh a awm tiin atan hial leave ala leh nghala,min ti nâ vawng vawng mai






Ka phone lo ri chu ka la kanga,Kimi alo ni,ka lak hnu chuan ka ṭawng lawk theilo,ka insut rî chu ahria a ni ngei ang"Ngatinge i ṭap ami,chuan tunge thlalak ami kha"tiin min lo zawt vat,tap ṭuau chunga thil awmzia ka hrilh chuan min hnem nasa hlê a chu hlei hlei chuan ka rilru no ati chhuaka





Phone aṭang chuan Kimi chu ka ṭah khum hrepa,a ni pawh chu aloin sut ve faih faih bawk,min hnem hrep hnuah kan inbiakna chu kanti tawpa,ka ṭap nasa lutuk chu ka hnar te a ping vek hial





Kimi chuan thlalak aneih dante min hrilha,Huma ṭhianpa pakhat kan college ami ve thoin alo hmu a ni awm e,Kimi ṭhiannu ka ni tih ahriaa,chuan Jeremy chu ka bialpa emaw ati bawka,hmeichhe dangnen ahmu chu mak atih em avangin thla alo la ru chu a
lo niin






Kimi chuan"Thu awmzia hriat tumla chuan ṭha deuhin sawi dun phawt rawh u"puitling zet hian a ti a






Mahse enge sawi leh tur awm,thlalak aṭang hian emgkim a chiang alawm,ka in ngaihtuah chian chuan ngatinge kalo lak nat ve viau a,ka ṭahpui ringawt le? ka bialpa pawh ani hleinem tiin ka rilru chuan ka in hrilha







Ni e,kan in ngaizawng miau lova,ka bialpa a nilo,mahse kan induh tawn ve ve emaw ka ti ṭhin,a ni erawh chuan minlo duh tak tak lo,keiin ka lo hmangaih hman tawh si,a hmangaih hmasa ber Lawmi techu engtinnge a theihnghilh theih tehlul ang.







Ka tan pawh Jeremy hi ka hmangaih hmasa ber a nive thoa,ka theihnghilh thei bik dawn em ni,ka ngaihtuahna vang chuan ka mittui alo luang thla leh ngiai ngiai tawh,ka biang techu a thip hian a thip vek tawh bawk







Khumah chuan ka muthla hnawka
MADISON BEAR hla(RECKLESS) chu ka play a a thunawn arawn sa chiah chu tuna ka hun tawn mek nen a inmil bawk si chu a mood-ah kalo cheng lak lawh nen ka tah pui leh hrep

(🎧🎧🎧)👇
EACH DAY GOES BY,
AND EACH NIGHT I CRY
SOMEBODY SAW YOU WITH HER LAST NIGHT
YOU GAVE ME YOUR WORD'DON'T WORRY BOUT HER'
YOU MIGHT LOVE HER NOW
BUT YOU LOVE ME FIRST
SAI'D YOU NEVER HURT ME
BUT HERE YOU ARE
OH,YOU SWORE ON EVERY STAR
HOW COULD YOU BE SO RECKLESS
WITH MY HEART
💔💔💔💔💔💔



END OF CHAPTER-6

(Awi avan sei tak em,a boring viau maithei a ni,mahse hemi chapter hi ka ziah chak ber chapter ania an awmdan zawng zawng hi ka rawn ti deuh duah anihhi,zan dangah chuan a sei lutuk mah mah intih chuan kanti tawi deuh ang aw❤️)




(Ads click leh comment theihnghilh loh tur aw,comment atam chuan active tehi a nuam ve a🤭)



Active reader tur te chuan Wassap group join ṭheuh bawk ang u aw👇
https://chat.whatsapp.com/LYt8QZDSJhfIvC7ap2rMQd



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)