Joshua Lalhruaitluanga Chapter - 23

Episode kal lai dah luhna

Moderator: writers

nunpuii ralte
Posts: 27
Joined: October 2nd, 2021, 2:18 pm

Joshua Lalhruaitluanga Chapter - 23

Unread post by nunpuii ralte » December 1st, 2021, 10:41 pm

Joshua Lalhruaitluanga by Nunpuii Ralte










Chapter - 23


















Thlawhna a kan luh chuan warshroom lam ka pan nghal a, ka tap lai an hmuh reng ka duhlo a ni. Toilet chhung ka luh chuan inhupin ka tap ta ringawt a, ka tawpsan a min tawpsan a tum ve nghal a, kei chuan na taka min siam chungpawn a hmel hmuh chakin ka awm reng tho a, ka la thlahlel reng tho a. A thusawi leh awmdan zawng zawngte kha dawt leh lemchan vek em mi niang. Minlo hmangaih ve miahlo zawk em ni.







Toilet a awm reng thei ka nih loh avangin, ka mitbui chu thup tumin inhupin ka chhuak a, ka thutna a ka thut chuan ka hmai khuhin mutthilh ka tum ta zawk a. Hetiang thil hi ka tawng ang tih rin ngaihna ka hrelo hrim hrim.







Lengpui Airport ah chuan Apa leh Mamin minlo hmuak a, Mami hnenah engkim ka hrilh tawh avangin, min ngaihtuah a ni ngei ang. Ka bungrua vel chu motorah hlangin kan haw ta a, apa awmlai chuan hlim awm taka awm ka tum lui hram hram a, an fanu chak tak thin kha, ka chaklo lai min hmuh ka duhlo a ni.






Ka naute pahnih thil min chah te chu ka pek chuan , an lawm khawpmai Nunui phei chu a khi deuh reng tawh mai. Ka chauh thu sawiin roomah Mami nen kan chhuk a, ka bungrua vel chu dahin kawngkhar ka kalh a. Mami chu ka kuah nghal thlawp a, engmah pawh sawilo in ka tap ta zawk a. Ni e min ngaihtuahtu angchhung a awm chuan rilru te hi a no duh a lawm, ka tap reng pawh a ni maithei mahse ka tawrh hi a na ve em a, tah reng mai loh chu inbunruah dan vak a awm silo a ni.







“ Hma in inkar titawp ringawtlo in, thu dik zawng chhuak zawk la. Joshua-a sawi ang chuan Tetei. chu i ring zawk a mi." a ti a, “ ringlo e" ka tih chuan “ A nih chuan tinge Tetei thusawi vang mai mai a, inthen i tum a, Na taka i insiam. Thudik a nih leh nih loh i fiah hmasa bawk silo, ka tan lohna lam che nilo in, dawt a lo nih khan Joshua-a tan a nat ve tur ziai mai chu." a tih chuan a dik ve tho in ka hria, ka thinrim leh rilru nat luatah rilru fim ka pu theilo a. Thutawp ka siam nghal ringawt bawk a nih kha. “ Mahse inthen ka rawt khan min hnialmiahlo, tun thlengin min biak a tumlo bawk." ka ti a, khami hnu khan min hmuh emaw min rawn biak a tum tawh miahlo hrim hrim. “ Engkimah i block vek a, i hmu duh bawk silo a nih kha." a tih chuan Mamichu gah pawh hian ka lungawilo dawn dawnin ka hria. “ i tan zawk a nih kha" ka ti ta hmuk a, Mami chuan min kuah vatin “ tanlo e , thudik ka sawi a nih kha. I nat hi ka phal reng reng hleinem" a tih chuan ka kuah let vat a.








“ Inthen ka duh lai khan min hnial miahlo a, khatah khan aman inthen lo duhlo ve se tha tur a nia. Mahsemin hnial miahlo khan Tetei thusawi zawng zawng khaa nemnghet vekin ka hria." ka ti a, Mami pawn tih ngaihna vak a hrelo a niang, ka hnung chu a beng thek thek a.







Zualtei pawn kan chsnchin a hriat chuan Mamisawi ang tho kha a sawi a. Mahse engmah a sawt tawh dawn chuanglo engkim a tawp vek tawh.










Joshua Lalhruaitluanga POV











Engthil mah hi ka hrethiamlo a ni. A thinrim em em chhan hi kei leh Tetei inkarah awm a awm angin a ngai tih a hriat a. Mahse min phatsan tih vel a sawi hi ka hrethiam lo a ni.
Inthen a tih pawh khan min ringchhe lutuk leh inthen a awlsam lutuk khan minti thinrim a, ka lo pawm ve maia nih kha.








In a ka letleh chuan Tetei roomah ka lut nghal a, Zu a lo in leh nghal nia mawle. A zunochuben thlak sak pawpin ka pawt tho nawk a, “ Eng dawt nge Ka hmangaihi bulah khan i sawi, sawi nghal rawh" ka ti vin thawt a. A ni lah chu a la nui ang thaw a, ka biang leh ban vel chu a zut kual riak riakreng a. Nemsawn dawrhin “sawi rawh enge i sawi" ka tih leh chuan a rawn tho chhuak a, zu chu in leh in “ Kan pahnih a nuam kan chen thin thu ka sawi a, a mah aia ka nalh zawk thu te, enga tan mah i tih loh thu te leh. Sex kan hman thin thu ka sawi a, a lo awih khawpmai" a tih chuan nuihsawh zetin a nui har har a. Ka thian angin ka ngai a, tanpuia ngaih apiangin ka pui zel a. Mahse buaina mai a nih hi.








“ Engvangin nge dawt i sawi, Lalhmangaihzuali lo chu tumah duh ka neilo, tu hmeichhia mah ka hmangaihlo bawk Bawihi tih loh chu.Hre reng rawh Ka hmangaihi rilru i loti. na leh a nih chuan thian pawh kan ni tawhlo ang " ka ti chang fak fak a, mahse enga tan mah a ngaih loh hmel. Min pan hnai leh in “ Imm thian ni tawhlo ang" tih pahin min rawn kiss tawn tawn a, a h*ute chu min khawihtir bawk a. Mahse ka nem thlu hnawk a, tenawm leh lutuk mai. Ka lakah hetiang rilru hi a pu ang tih ngaihna ka lo hre ngailo hrim hrim. Kei chuan. ka nau leh thian ang chiahin ka en. “ Ka in atang hian chhuak nghal vang vang ang che" tih pahin a zu bur chu ka chhir nawk a, ka chhuahsan nal nal a.








Ka Hmangaihi lah chuan inthen a duh tlat bawk si, min hmu duh bawk silo min block vek bawk si. Engtin tehhrep nge ka tih dawn ni , khanu phiangsen vang khan Bawihi a na a, keipawh ka na ve tho.Min ringlo lutuk ber khan min ti na a ni. Min ring tlat turin ka ti a, mahse min ringmiahlo kei chuan ka ring em em reng a, mahse a nichuan min rinna a tlachham lutuk ringawt. Ka room bang chu ka hnek pawp pawp a, min ring tur ania sin le.







Naktuk hian Mizoramah an let leh tawh dawn bawk si, tunah lah min then ringawt bawk si. Thudik hi engtin nge ka hrilh tak ang. Ka hmangaih zia hi vawi engzat ngeka sawi nawn la ngai dawn le. Ka hmangaih takzeta sin vawikhat chiah mi hi a hmangaih theihin ka ngai a, vawikhat chiah leh pakhat chiah ka hmangaih reng bawk a. Ka hmangaihna chu Ka Hmangaihi ta vek a ni.







A tukah chuan Airport ah vawikhat tal insawifiah leh tum in ka kala, mahse ka thil ve hmuh avang chuan in sawifiah tul ka tilehta loa. Kha an Sir a tih ve ziahpa khan a lo kuah a, Johnny hian a ngaizawng tih ka hria,mahse Bawihi hi chuan chutiang rilru a pu ve lo tih ka ring thlap bawk. Mahse va kal pawh ni ila min be duhdawn chuanglo a, kha pa hma ah khan ka tlawm mai mai. A luhlul zia ka hrechiang a, tlem a a rilru a fim deuh hunah chiah biak a tharih zawk a ni.









Chhana'n chuan thil awmdan vel chu min rawn zawt a, Tetein dawt a lo hrilh thu te ka hrilh a. A ni pawh chu a thinrim ve hmel khawpmai, ni e Bawihi te nen hi chuan hman atang thiantha tak an ni tawh a, a ngaihtuah ve reng ang chu. Tetein Mami nen a lo tibuai ve thin tho a nih hmel. Tetei hi ka rin a lo anglo khawpmai, ka laka a chet duh dan te kha awm anglo lutuk.







“ Bawihi chu ka lp be lawk " ka ti ta thlawt a, ka ngai a ni. A ni pawn min ngaih ve tho ka ring. Min la hmangaih tlat a lawm a hmel ah khan natna hmu mah ila min la hmangaih tih ka hria. “ min biak duhlo dawn sa a, keimah ka nih thu hrilh suh aw" ka ti leh a, a tlawm thlak hle in ka hria a , mahse tlawm zawk kan awmloh chuan buaina a fel theilo thin. Hmangaihna chu a chapo tur a nilo.









“ hello" a aw mawi zet mai chuan a rawn ti a, kan pahnih a kan awmdun chang a, a tawng siam siam thin te leh a pangchang thin em em mai te kha ka ngai a ni. “ Bawihi " ka tih chuan a reh ta vang vang a, a luhlul ve em a mon be duh dawnlo chiang sa. “ Bawihi inbe lawk ang" ka tih chuan “ sawi tur ka nei ve lo" a rawn ti hmuk a, a thinrim changa a hmel awmdan ka mitthla ah a rawn lang uarh uarh a. “ Bawihi khanu khan dawt vek a nih kha a sawi, khanu nen khan vawikhatmah sex kan la hmang dunlo. Chubakah ka phatsan lo hrim hrim che a, dawt ka hrilh ngailo che. Awmna tur a neihloh changin Nute-i dilin kan inah a rawn riak ve zeuh zel. Chubak engmah a awmlo. Hei bak chu sawi tur ka neilo minla ringlo talh a nih chuan le tih ngaihna dang ka hre tawh lo. Min rin leh rin loh kha chu i thu thu a ni e." Tiin phone chu ka dah a, inngaihtuah se ka duh a ni. Khatiangbak kha sawifiahna tur dang a awm chuanglo, min rin leh rin loh a ni tawh mai. Min ring theilo a nih chuan keipawn ka tibuai tawh biklo ang.








Ka thianten leng chhuak tur a min sawm chuan ka h ial ta biklo a, in tih thawven nan tiin chhuah ve chu ka rem ti a. Ka rilru a van tibuai hneh ve tak aw, a lungawiloh leh min biak loh hlek chuan ka buai em em zel a. Tunah inthen a duh phei chuan buai tak hi ka ni. Night clubah kan kal a, beer chu ka in ve a ka thinrim chuan zu chu kan tlak ve pawp a. Zu hi ka intheilo nilo in ka induhlo thin a, ka hmangaih berin a phallo bawk a. Mahse tunah chuan min dang thintu khan min kalsan a, engtin nge a theih zawk.







Ka thei ve lo kei chuan inthen ka duhlo. A tello a nun hman ka duhlo, ka hlimna a ni a sin. Ka phone chu phawrh chhuakin Bawihi chu ka phone leh chhin a, minlo block tawh biklo a khisuk ching chuan ka phone chu ka ngaithla vang vang a. A la duhlo, ka ti nawn leh ngat ngat a, a vawi 5 na ah a la ve ta hram a. “ Bawihi" ka tih pawh chuan a la ngawi tlat a, “ Bawihi tawng ve la" ka ti leh a,
“ Enge zan a rei tawh si, sawi vat rawh" a rawn ti vin hlar a, a thin te hi a chhe ve hlar hlar si a. Mahse a thinrim hian a biang hi a sen tek zel a, hei tak hian a ti hmeltha thin.
“ Ka ngai che"
“ i sawi ka hre theilo. a bengchheng ka dah nia"
“ Lawk kan chhuak lawk a nge" tiin club chu ka chhuahsan a.
“ Ka ngai che" ka ti tha leh thina, ni e ka ngai takzet a lawm khanghun reilo te ah khan hlimna nasa tak min rawn pe a, keichuan na takin ka haw tir leh thung lawi si.








“ Min ngai ve miahlo a mi, nge ni a kha pa bulah khan i hlim lutuk zawk a min hre chang tawhlo." ka ti ve ta hmiah a, Johnny kha ka thik ve tho a lawm. A mah chiahin mi a thik biklo keipawn ka thik ve tho. “ Tu khapa, nang mah ang nitur kha chuan min ngai suh." a rawn ti hmuar hmuar a. “ Tinge in in kuah si" a chang hi chuan ka naupangchhia leh riau zel hian ka hre thin. Thiante ho chuan no khat min rawn pe lui lehhram a, ka lo hnial ve tak nangin ka lo lem ve sek tawh nen, ka hnial rei ta bik lo a. “ Zu i in a law" a rawn tih chuan runluih ka chak ta tlat a. “ Thianho in kan leng chhuak a, zu in hi a lo nuam phian" kan tih vel chuan ka nui deuh suk a, engtin nge min tih leh dawn tiin ka ngaichang ta ran a. “ Zu in te pawh i lo ching tan ta nimaw," a rawn tih chuan a lungawilo tih ka hrethei. Chhan let leh ka tum lai chuan a off ta hmak a, ka call let leh pawn switch off a in ti ta tlat a. Ka ti mah mah a mawnle aw.








In ka haw chuan Tetei chu a kawr bah pan leh chhingte ha in a rawn chhuak a. A nalh tih chu ka hai lo, mipa te duhthusam pawh a ni ve ang, mahse ka theng thawngah hian a thawk ve tlatlo a ni. Engtin nge ka inah te hian a la rawn kal ngam ni. Kan in password hi thlak ila tha ang.







Inti no leh zei zet hian min pan hnai a, “ chhuak nghal rawh kal pawh i rawn la kal ngam ka ti" ka tih pawh chuan enga tan mah a ngaih loh hmel. Hmeichhia chu nilo se kut ka thlak tawh ang mawle. Ka zu in vang nge ka lu chu a rit riau mai a, ka roomah chuan ka lut tlang nghal a. Ka kawr chu phelhin ka mu thla nghal a, ka lu hi a na lutuk ringawt. Ka hmui chu a rawn lum zui ham ham a, zei zet hian min rawn kiss a. Ka taksa a zut kual ruai reng a, ka zu in hnathawh nge ka chiangkuanglo tlat a, duhthawh zetin ka kiss let ve a, ka chungah chuan lawn kaiin a awm bawr chuan ka taksa chu a hrut kual reng a. Bawihi nen a kan hun hman dun ka mitthla ah chuan a rawn lang uarh uarh a, ka harh chhuak zawk a. Mengin Tetei chu ka theh hla nawk a, a au tuarh bawk. Ka theilo Ka Hmangaihi dawt hriat kha a takah kan chan tir palh thei a sin. “ Tihian awm suh, khanu ai khan ka nalh fe zawk. I duh ang zawng zawng ka pe thei bawk ang che" tiin a au hian a au a. “ Kut ka thlak hma che hian chhuak nghal vat rawh " tiin ka nem chhuak nawk nawk a. Bathroom ah lutin ka va inphih harh a, ka chhuah leh chuan a lo awm tawhlo a.







Khumah chuan mu in Ka Hmangaihi nen a, kan thlalak leh video vel chu ka en ka en a, a hma a ka thiante min pek um khat chu kan tlak zo leh pawp a. Ka in lehlo a nih chuan ka muhil theilo ang.







Ka harh chuan khua a lo eng ut tawh a, ka lu han nat mai mai zia chu. Inbual harh ka tum a, khanu pawh kha a chhuak a ni ngei ang. A room hman thinah pawh a awmlo a, kan in password chu ka thlak ta nghal a. Nutei te pawh karlehah an rawn chhuk leh tawh dawn a ni. Ka inbual zawh chuan ka harh hawk a, mahse ka lu na hi a la zia theilo a ni. Class chu ka chawl ta ringawt a, ka phone rawn ri chu ka en chuan Zualtei hi a lo ni a. An inneih kha an sawn hla a, thla tharah hian an ruahman leh a nih kha maw.









“ In inkar hi siamtha vat rawh, hetiang reng chuan Hmangaihi hian a chhiat phah mai ang. Nizan pawn zanlaiah minlo kaitho a, beer in tur te min rawn dil a" a tih chuan ka inthiamlo hle a, zu ka in vang khan beer ah a lo tuan ve ngawt a nih hmel. “ A mah kha engkim tih tawp duhtu chu a lawm, kei chuan inthen ka duh hleinem. " ka ti ve ta ngat a, “thudik hriat tumin min ring ni se, a mah pawh a na lo mai tur a nia" ka ti leh a, a luhlul thin lutuk hi a buaithlak a ni. “ Nia a buaithlak e mai. Thla leh kha i la hria maw, rawn haw ngei ngei ang che" a rawn tih chuan ka haw tur thu ka hrilh a, phone chu kan dah ta a.







Ni chu a liam ve zel a, Bawihi pawn min ngai tih ka hria. Chhana'n thil awmdan bel ka hrilh ang zawng zawng chu Bawihi a lo hrilh ve a, awmzia a awm ve deuhin ka hria. Nutei thei lo vel chu kan ei a, naupangho nen chuan kan infiam a. Nutein ka phone minlo pek chuan min nuih deuh sang a, kan en ve chuan Bawihi a ni. phur deuhin roomah ka lut a, “ Aw " ka tih chuan a reh vang vang a,
“ Bawihi" kan ti tha leh a, min chhang dawnlo maw ka tih tawh hnu ah “ Min hua em" a rawn ti a, a inthiamlo a ni maithei ni. “ Engtin nge ka huat phal ang che " ka ti vat a, ka haw reng hleinem ka haw phal teuhlo. “ Chhana thil min hrilh kha thudik a nih chuan ka tihpalh, ka ring reng che a mahse" a rawn ti niah niah a naupang chhia reuh thin bawk si a. “ Awle awle, engkim a tha vek tawh tiraw kan inthen lo tiraw" nui hawk hawk pah chuan ka ti a. “ Kan inthenlo pawh ka tih loh kha kan la inthen reng" a rawn ti leh a, ka nuih a ti za zual. Awm dun theilo mah ila inthen kher kha chu hrehawm a ti ve dawn chiang a lawm. “ Kan inthenlo chu chu thu tawp" ka ti leh a, ti kha chuan ka thaw a veng ta hawk mai.







Thla thar a nih nan ni 1 chiahin min dang tawh a, Zualtei te ni 20 ah anin nei dawn a. A nih chuan ni 10 ah haw ila a tha ang, chawlh rei lutuk pawh thil tih chi a nilo.









Ka zir tur neih ang ang. chu nakin a zir ngailo turin kazir lawk ta vek a, lawyer ka ni ve thei ta tep ta a. Ti hi chuan Bawihi nen pawh kan in nei ve vat tawh ang.









Lalhmangaihzuali POV











“ in insawi rem thei ta maw" Zualtei chuan a ti a, ka nuih ta ringawt a a hrethiam a ni ngei ang. Ni e lalchhana thil min hrilh min hrilh hnu kha ka inngaihtuah nasa hle a, Joshua-a pawn min ring rawh a ti nih kha. Min phatsanin min kalsan duh ni se, min rawn be tawhlo in a reh vang vang ang. Mahse engti kawng pawhin min rawn biak pawh dan ringawt a zawng a nih kha. Zu a in tih ka hriat phei kha chuan ka rilru a na lutuk a, zanlaiah Zualtei Beer ka va dil ve ringawt a nih kha. Ka thinlung kha na hle mah se Joshua-a hi ka hmangaih tlat a, hmangaihna chuan ngaihdam theihna te hi a ngah a nia nge. Chubakah Tetei khan dawt a lo sawi tak tak thei bawk a. Ka chapo na zawng zawng dahtha in Joshua-a kha ka zu bia nih kha.









Mo thianah ka tang dawn a, Mami'n “ nangni chu tette atanga in kawm tawh in ni a, tunah thiantha tak ni ho mah ila, nangni pahnih chu in hnaih pawh in inhnaih zawk a. Chubakah A chei tu tur cheu ka ni si a, Hmangaihi tang zawk rawh se " a tih tlat avangin keimah ka tang dawn a ni. An inbuatsaih nasa hle a, dan1 na a nih avangin tihpui pawh an tum hle a, an nei te taw bawk a, an ti pui viau ang chu le.







“ Engtikah nge i rawn chhoh ang"
“ ni 10 ah khian ka rawn chho ang. Enge ka lo hawn ang che" Joshua-a'n a tih chuan ka nui ver ver a. “ Nangmah kha ka duh ber" ka ti a, ka thusawi vang chuan kan lai ngawt pek a.
“ Ka zirlai ka chhuah hunah hna ka zawng nghal a nga, kan in nei ve nghal ang" a tih chuan sawi buai vaklo in ka aw ve mai a. Tunah chuan han sawi duah hun pawh a ni chiahlo a ni.










“ Sir hian a ngaizawng chiang lutuk che" Remremin a tih chuan min ngaihzawn loh tur zia ka hrilh ta chiam a, mahse keipawn a chang hi chuan min duh deuh a mawnle, tih rum rum chang ka nei ve thin. Ka tan a fel em em reng a, puih ka ngaih apiangin minlo pui thei zel a, a chungah ka lawm takzet ani.








Dawr atanga ka haw chuan a tlai viau tawh a, a hlat vak tawhloh avangin ke in ka haw ta mai a. Khua lah a thim dawn thet thet tawh a, ka inkhai rit bawk si. Ka hnung chu a za mer mer a, ka hnungah mi kal an awm a nih ringin ka hawi let leh thin a, tumah ka hmu mai bawk silo. Ka hawi kual na lamah ka tlu sual palh a, ka thil khai vel chu ka chhar mawlh mawlh a, ka tlai tawh teh reng nen aw.








Ka chhar lai chuan kahnunga minlokhawih avang chuan ka phu dawrh a, ka lo hlauh rilruk tehreng ne. Kan en chuan Muana ( Bahra-a) lek chu lo niin. “ enge i tih a" a rawn tih chuan ka thaw suai suai a. “ minti hlau hman a lawm" tiin ka chhar leh mawlh mawlh a. Zu rim a nam huam huam mai.
Muana chu ka en leh a, a mit a sen deuh ram a minlo nuih suk thung a. “ zu te i in a law" ka tih chuan min chhang duh miahlo a. He lamah in a luah ve a, mahse a veng awmna asawi duh tlat bawk silo. Nakinah i rawn kal hunah i hre mai ang a ti tlat bawk si a. Buaithlak thin a nia aw.







Kan kal dun lai chuan “ Ni ve tawh mai ila" a rawn ti ta ringawt a. “ Mawl viau suh," ka ti ta ringawt a, ti awm anglo leh lutuk mai. “ Ka fiamthu lo nia, ka duhna che a rei tawh lutuk. Kan tetlai atang tawhin ka duh tawh che" a rawn ti tha leh a, chhan dan tur pawh ka hrelo e a. “ Bialnu i neih ve reng kha" ka ti ta ringawt a. “ Ka bialnu te tak tak pawh an nilo " a tih chuan ka nuih ta ringawt a.








Kei chuan thian ang bakin ka en ve lo ani. Thian chiah nih ka duh ka kawppui tur chu kathlang fel tawh a ni. Hei haaa Joshua-a hi ka bulah awm reng thei se ka duh ber tawh a ni. Ka kiangah awm reng tawh se ka duh a ni.









Kan chaw ei lai chuan Nunui “ Tekhmuam engtik nge Ujoshua-a nen in inneih ve dawn " a ti ta mai a, a a thei mai sia maw. Tawng phawng phawng zel ringawt mai. “ An inneih ni ah, a hla kha kan sak sak a nga tiraw" Gabriel-a chuan nui put put chung hian a rawn ti ve leh a. Anu te pawh an lo nui nasa mai.








Vawiinah Joshua-a a rawn thleng a nga, kan bazar dun a nga. Enge minlo hawn ang aw, thil minlo hawn ngei ka ring tlat a ni. Mo thian a ka tan hun phei chuan in neih lam min sawipui leh char char mai ang.








Class kan chawlh avangin nilengin dawrah ka awm a, apa lah hi vawiin ber kherah dawr min nghah tir a. Joshua-a te inah ka lo awm ang ka ti sin le aw. Customer an tam phian lehnghal a, zan lamah chuan ka chau ve hnap dawn a nih hi.







Chawhnu lamah chuan hla ngaithla mai mai pahin bungrua vel ka rem fel mawlh mawlh a, kan dawr hnungah hian store room kan nei a, dawr ka kal tawh hi chuan ka rem fel ngei ngei zel. Zai rat rat pah chuan kan lam leh vel thin a, keimah chiahin ka awm tho a zah tur vak an awmlo. Ka zeilo lutuk te chu kan nui leh vak vak mai thin a.








Kut beng ri ka hriat chuan ka phu zawk a, kawngkhar lam kan en chuan Joshua-a hi a lo ding reng mai a. A lo thlen a la hun bawk silo a, engtin nge hetah a awm theih. “ i....i lo thleng tawh lo, mahse engtin...a la hun bawk silo a" ka ti nuah nuah a, min nuih sukin min pan hnai a. Ka kawngah chuan a kut a suih bet a, “surprise " a tih chuan ka nui hak hak a.
“ i va sual ve a" tih pahin a hmui ka seh sak zeuh a, a nur nang nang a. Min kiss leh nghal ringawt a, inkiss hi chu nuam avan ti ve chiang tak em aw.










Kan ban hun thleng min nghak ve char char a, bungrua chah ngai ho chu ka ngaihtuah a,a ni in a lo ziak ve zel a. Vawiin chu kan in daih zai khawpmai a tha phian e. Dawr chu kharin kan haw dun ta a, kan inah chuan a rawn peng kawi ve a. Nunui'n a ngaina bawk a a lo pan nghal vat a. A phone khawih a lo dil nghal chat a. Anu in chaw ei ve turin an sawm a, mahse nidangah zawk tiin a hnial a.








Zan lam a a rawn len tur thu sawiin a haw phei ve ta a. Pawn thleng ka va thlah chuan anu in minlo nuih vur vur a, anu leh pa te nen hian kan inpawh ve tawh em em a,








apa phei chuan fiamthu in monu interview neih tawh chuan pawh a ngaih loh hi a ti thin a, ka zak thei rap mawle.








“ Nakinah chuan nu leh pa in ni tawh dawn a,chuvang chuan tuna in nulat tlangval lai hian a tawp nan niam chen tak tak ang u aw" tiin karaoke na ah chuan kan kal a, kan han zai ta tak tak mai chu ka aw a lawi vek lawm le. Kan va han hlim tak em, hun hi a liam chak si a, kan upa chak em em si. Tunah chuan pasal nei rual kan ni ve leh ta mai a.
“ Thil sawi lawk duh ka nei a," Zualtei chuan tiin kan thianho hma ah chuan a ding chhuak a.








“ Kan thenawm a naupang zakzum deuh a rawn awm khan, kawm ka chak ta tlat mai a. Mahse ka nu khan ‘nakinah tunah chuan awmthar an la nia a zak ve rih a nih saw' a tih pawh khan ka duhlo a, keimah ngatin an inah khan ka va kal a. A barbie kha a lo khalh a, kei barbie ngaina ngai reng renglo khan , a in barbie na bulah chuan ka thu ve ran a. Min biak pawh a tum chuang miahlo mawle. Mahse a tawpah chuan a barbie pakhat chu min khalh tir ve a, a hma a thian pawh kawm duh ngailo, in chhinga inkhung ngawt ngawt zel, naupangin hlimna an neih ang pawh tem chhin ve ngailo khan. Hlimna nasa tak ka neih phah ta a, kha a barbie pawh kha min pe ve nghe nghe a nih kha. Zak zum tak si kha kan pahnih a kan awm chuan kan hlimin kan inkawmngeih ta em em a. Hmangaihi vang hian tetlai chanchin sawi tur tam tak ka neih phah a ni. " Zualtei chuan a ti a, kan tetlai mitthla ah a rawn lang nghal uarh uarh a, Zualtei chu ka kuah a, a ni pawh a lung a leng ve a ni tih ka hria. Pasal anei mai tawh dawn a, a hlim rual rualin a lung a leng ve ngei dawn a ni.








“ Thiantha tak tak ka chhar che u a, nangni hi ka tan chuan in hlu em em a ni. Thiantha neih nawm zia ka hriat phah a, thian hlut zia te ka hriat phah a ni." a ti leh a, ni e thian te hi an hlu a ni. Thian kawm hi a nuam a, thiantha leh fel tak an nih phei chuan hlimna nasa tak kan neih phah thin. Beer chu ka in ve a, Joshua-a pawn tun chiah a tih vangin ka in ve a. Hmeichhe ho kan zai vak vak a, kan mipa ten minlo thlir a, ni e thianho chuan engkim hi a nuamin a phur awm vek thin. Hetiang ang thiantha ka nei hi ka lawm tak zet a ni.









Ka rui reuh lutuk a, tiang hi chuan haw chi ka ni bawk silo apa in min vaw hrep a nimai. Midang ho chu an haw tawh a, Joshua-a nen tihdan tur kan zawng mek a ni. “ Kan dawr chahbi ka la ak tho a, kan dawrah kal mai ila. Apa ka hlau apa in min vaw hrep mai ang" ka tih chuan min nuih hawk hawk a, ka rui bawk nen ka tawngte chu seh chilh nawk nawkin ka hria.







Kan dawrah chuan kan lut a, Joshua-a chuan chhunglamah a kalh leh thlap a. A changin dawrah apa a riah thin avang hian khum kan dah a, a zia phian mai. Khumah chuan ka zawi lutuk chu min mut tir a, ka in tlem nen ka rui phian lehnghal. Ka bulah chuan a rawn muthla ve a, “ i biang sen tek zel hi i inhmeh " a tih chuan ka hmai chu a sa tawn tawn a.
“ Ka ngaih zia che hi i hria em" tih pahin ka biangah a chuk a, ka mut a chhuak tlat chu ka hrethiamlo a ni “ muhil suh i ruih a reh veleh kan haw nghal a ngai nia. Kan haw loh chuan i chhungte an lungawilo ang" a ti dap dap a, ka lo nuih seih seih a, min ngaihtuah lutuk leh ka tan a tha tur a duh lutuk te chuan minti lawm a ni.








Tho kangin ka kawrlum chu ka hlip a , a hmui sexy zetah chuan ka kiss a, a ni pawn min lo chhanglet vat a. Ka kawr chhung a zen luh chuan ka za nghal mer mer a. Kan thawk chu a rang dun khawpmai, ka kawr phelh ka tum a minlo dang vat a, enge maw ka hriat ni phelh ka tum ve ngawt le. Ka thil ruih vang vek kha a ni hrim hrim, keimah pawh ka in control theilo.











( ka mit hi a tha lo ve lutuk a, duh ang pawn a sei theilo minlo hrethiam dawn nia......muttui vek ule)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)