✨DEUH THUT CHUAN✨ CHAPTER TWENTY FOUR

Episode kal lai dah luhna

Moderator: writers

Roses Are Rosie
Posts: 289
Joined: February 23rd, 2020, 2:20 pm

✨DEUH THUT CHUAN✨ CHAPTER TWENTY FOUR

Unread post by Roses Are Rosie » December 2nd, 2021, 1:13 am

✨ DEUH THUT CHUAN ✨


CHAPTER TWENTY FOUR


--------------------------------




"Enge a an i tih" zothana'n a tih chuan thaw hakin "a nuam khawp mai, a view a tha bawk sia, hah a ti dam sawng sawng alawm" nuisang chuan ka ti a..



"Nuam i tih chu a lawmawm e, chuan enge i ngainat zawng, ka tih awmzia chu, eitur ah te hian duh lo emaw, han ei thei lo ang chi hi i nei em?" A tih chuan " umm..Arsa hi ka ngaina a, mahse ka taksa hian a haw tlat a, ka bawl chhuak vek zel a, chumi tih loh ah chuan engmah insawisel em em na ka nei lo" ka wine lem sak pah chuan ka ti a


"Kan in ang chiah anihchu, keipawh arsa hi ka allergy tlat a, mahse a chang chuan ka eilui ve tho thin bawk" nui suk hian a ti a..lo bu zauhin "anih, ngaihzawng lam te hi" ka tih chuan a wine in hakin a la khuh ri bawr bawr zui, "i tha em" tih leh tissue paper in a in hru nghal vat a..


"Aa..i zawhna vang kha ani lo ania" a tih chuan ka nui suk, ka zawhna vanga khuh bawrh bawrh ani chiang lutuk..


"Awle..i sawi duh lo pawn ka ti lui chuang lo che" ka tih chuan "nilo..chutiang lam anilo, ka lo inrinlawk loh vang anih kha, ngaihzawng sawi tham em em chu ka la nei lo, highschool kal lai vel chuan ka nei ve nual thin na in, tun hnu ah erawh Ka hna lamah rilru pek ka duh avang hian kawppui lam pawh ka ngaihsak em em lo, Lalchhanchhuaha khan nupui ka nei dawn, lo kal ve rawh, a rawn tih khan Paris ah hna thil vanga ka zin lai ania, rawn haw vang vangin hei tunah chuan nang leh kei dawhkan pakhat ah kan thut tak hi" kiai suk chuan a ti a, a hmel chu ka hrethiam chiah lo, a thinrim hmel ti dwn ila, a ni chiah bawk silo, mahse hlim hmel zet chuan a sawi chuang bawk silo..


A dinhmun ah hian ding ve ila chuan lawm takah lo dawnsawn chu har ka ti ve tho ang, hmeichhia phei chu kan rilru hi a no in, kan huat a ho thei si a, hmeichhe tuarchhel taktak ka lo hriat ve thin te pawh hi, Hmangaihna leh chhungkua ah chuan an no ve thin tho, a tir kha chuan Zothana hi ka lo dem ve viau thin a, tunah erawh a puitling ka tiin, ka ngaisang ru deuh reuh tawh..mahse a hriat ah erawh ka sawi lang kher lo ang...




Engemaw sawiin kan titi chiam a, a changin pum dawm meuh in ka nui bawk, Zothan ka hriat thin kha a ni ta lo emaw tih mai tur ani, fiamthu a thiamin, tawngkam bungrua a nei tha bawk si, sumdawng mi tih takah sawi tur a hria in,. Atiti ngaihthlak pawh a ninawm lo, chutia hlim takah kan nui dun vur vur lai chuan kan piah lawkah thute chu an awrawl a ring tha khawp mai


Hriat loh der tum engangmah ila, a hriat loh thei lo


Zothana zawkin "Buaina engmah thleng lo hram se aw, zanin chuah chu" a rawn ti lang lang, lo hnem nghal vatin "engmah buaina a thleng lo ang, nupa in hnial satliah ve maimai an niang, ngaihtuah suh" ti mahila, keimah zawk in ka en leh zeuh thin


Lawk in,.saw nu saw, khawiah emaw chuan ka hmu tawh than ani, a changin an thinrim emaw tih tur khawpin an awrawl a ring a, a changin a nui leh vur vur bawk sia, ka hrethiam lo kher mai


Ka en reng lai chuan rawn hawiin a rawn nui a, "aw..ka hre chhuak e..vawiin ah ka kawr lei tur min chhuhpui tlattu kha ani chiang lutuk, a thawmhnaw rawn hak atang swn lo hriat vat tur hi ania" vawiin thilthleng ka ngaihtuah let in ka thin a ti rim thar leh hnuhnawh..



"Engemaw..i phun neuh neuh chu le" Min ngaihtuah hmel taka Zothana'n a rawn tih chuan "sawlaiah thu hmeichhia saw mawle..vawiin ah ka thawmhnaw lei tur min chhuhpui tlat a, chutah karah tawngkam dawn nuam lo takin min la tawngkhum zui bawk a, ka insum thei lo tep alawm" ka tih chuan rawn nui hawkin "i lo insum theih hlauh chu ka va lawm em" min nuih sun sun pah chuan a ti a "nui suh" tum hmak chuan ka ti, ka awmdan chu naupangchhia viau mahse, nuam ka ti tlat..



"Nang aiin..he kawr hi chu ka inhmeh daih zawk ang, te min la ti zui, a tha ber awm ziazangin" ka tih leh phei chuan zothana chu a insum thei tawh lo ani ngei ang, pum dawm meuhin min nuih chiam zui..


"Nui reng suh" ka tih chuan a hmui chu hup vatin "sorry..nangmah ka nui miah lo che nia aw, khawimaw ka nupui aia tha ah lo inngai chu en ve ila" tih leh chunu lam chu a thlek nghal, rawn hawi let leh nghal vatin karei leh" tih leh a inhup nghal


"Enge..i hriat zawng ami" ka tih chuan "hre lutuk, ka celebrity ngaihsan em em anih saw..nilo, ka celebrity crush zawk mawle..thinrim suh aw, Duati, ka hmangaih zawk che nia" nui sang hian a ti a, kei erawh ka mengrum nang mai


"I crush maw" muangban raihah ka tih chuan "aw..mahse crush maimai alawm..i hre ngai lo ami" a tih chuan ka lu ka thing vat, model lam hi ka hre lo tawp chu a nilova, mahse ka hre em em chuang lo, ka ngaihsak hman lo bawk nen..


"Amak e..engtin nge American super model chhelo zet leh zei em em mai Karlie kloss hi i hriat loh theih zawk le" min dem hmel lek lek a la pu zui..

"Engtin maw" awki sang vah ah ka tih chuan inthiam lo hmel zet hian "karlie kloss, calvin klein tan 2006 khan paris fashion show ah a lo inlan tawh a, 2008 ah new york fashion show ah a lo kal tawh bawk a, vawi 31 lai runway lo zawh tawh in, tunah saint Laurent, Addidas, Victoria secret te tan advertisement tamtak a tihsak bawk alawm, henu hi chu a chhelo ve thlawt" a crush chanchin sawi chu nuam a tih hmel takzet, a hmel pawh a eng set set thei in ka hria, ka awm ve tih a hrechhuak chuah nge, min rawn melh zauhin min nui sang a, inthiamlo hmel takah min en te chuan ka thin a tirim ngawih²..


"Aw..a ngainawm hle mai, i lo duh takzet anih dawn hi, chutiang ah duh em em te chu engvangin nge i nei mai lova" lawm lo hmel zeta ka tih chuan a rawn nui tha ngam vak tawh lo, a lu thak lo pui chu hiat neuh neuhin a then sang a..

"I ngaikawi anih kha, chutiang zawngin ka sawi hleinem" min nuihtlawn deuh chuan a ti a.



"I sawi alawm..a chhelo in a zei em em thu te pawh min hrilh kha" ka tih leh phei chuan "chutiang te ka lo sawi ami, ka ti maimai anih kha" a la ti daih zui, ka no hian ka vawm kawk dawn amile..


"Engtin nge kan indate lai rengin hmeichhe dang chanchin ngaihnawm ti takah min hrilh theih zawk chu le, i hmel kha in hmu thei la ka ti ngawt mai, i hlim hmel ser ser lutuk" kiai suk ah ka tih chuan "Awiawm lo thei em mai, i thik maimai anih kha, thik duh suh, thik tlak pawh ani lo, tunah te chuan nang ka nei tawh che a, hmeichhe dang ka melh theih tawh lo hrim hrim" a mit kan hak pah chuan a ti a, a la nui vur vur zui, ka thik vangin ka thinrim nge thildang vang zawk in ka thinrim tih pawh ka hrethiam tawh love a..





Hello.. Benjamin.. nangmah i nih ka ring reng a, a hma ang bawkin i lo la chhelo reng anih hi" Karlie kloss, Zothansanga crush ngei mai chuan English aw phawi nalh zet mai hian a rawn ti a..mak ka tih luatah ka mitmu hi a thlawk chhuak thei dawn in ka hria, an pahnih chuan ka entawn chhen a, zothana erawh inthiam chiah lo hmel a pu, a crush lah a be chhe ngam chiah bawk silo, ka phalna rawn dil niawm takin min la nui zeuh zui, an pahnih hian ka khawng hrep anga, ka kal nal nal daih dawn mawni!..



"Hi..inhmuh loh chhung a va rei ve" zothana'n a tih chuan inkuangkuah thanin ka lo en..


An pahnih chuan ka awm ve tih pawh hrelo khawpin an titi a, a changin Zothan an min rawn melh leh zeuh thin, an thusawi dun dan atang chuan reitak lo inhre tawh, engemaw tuantul vanga inthen, inhmu leh te pawh an ang alawm..

A khat tawk chuan ka khuh ri ker ker a, min rawn melh leh zauhin an hawisawn lehnghal, ka zaidamna hian a tlin tawh nang lo..


"Hey..nangnu hi kalpui i nei lo ami, hetia ka kawppui i rawn biak chiam chiam a, ka awm ve reng hi mi hmu na nge" vin zetah ka tih chuan an pahnih chuan min rawn en ha


Karlie zawk chuan "ohh..ehe..ka hria che, vawiin ah ka kawr lak tur min chhuhpui tu kha i ni maw" min ngei hmel zetah a rawn tih chuan "ka ta tur min chhuhpui zawk anih kha, i inhmeh lo rapthlak zia hi" ngeiawm zetah ka tih chuan a thin a rim hmel kher mai, thaw hakin "engmaw i sawi a, ka inhmeh lo amaw, Ben, ka inhmeh lo ami, kawrsen ka hak hian i sexy min ti thin kha, chuvang ania, a sen kher ka lei thin ni" Zothana hnaih thei ang ber chuan a awm a, a inla no kual vel emaw ni, a sam ah hian ka tham hnek anga, ka sawk hrep zawk dawn emawni chu aw..


"Lawk in, ka tana special deuh i tih kha, Benjamin hi maw" mak tih hmel takah ka tih chuan "tu dang nge ni se i tih a, India mipa te hi ka duhzawng tak an nia, an cool a, an pa a, an rinawm bawk" a tih chuan ka nui chhuak hak, zothana erawh kan thusawi vang nge..alo ner sawk duh chuah..


"Awle..vawi thum ka chhiar hma in, kalsawn ang che anih loh chuan ani mai" ka thinrim inben daih tumin thawk ka la zeuh a.. Zothana erawh in rawn hrethiam vatin "karlie..a sawi ang khan i partner bulah kal tawh la tha ang, nakinah hun remchang a awm chuan kan la inkawm leh zawk dawn nia" damdiai ah a tih te chuan ka alh pup pup theiin ka hria..



"Special a, cool maw, uak" ka thinrim lutuk hi ka so bawrh bawrh thei dawn in ka hria..



"I tha maw..i va nawmsam lo hmel ve" min ngaihtuah hmel zet hian a ti a..


"I lo ler kual nasa thei awm hle mai, Foreign model taknghial pawn cool a ti che nia, midang ka hmelhriat tur angte an la awm em" hawikual pah chuan ka ti a..ani erawh a nui suk duh chuah, engah khan nge nuihzathlak ka hre ve miah lo


"Engvangin nge i nuih a" thinrim zetah ka tih chuan "i duhawm em a, ka lakah feeling i neih tih hriat chu a nuam kher mai, ka hlim veng veng mai" anui hmel mawi ka tih thin deuh ang khan a rawn la nui zui, ka awmdan chu ka sawifiah thiam lo, thinrim, thinrim chiah silo ang hian ka awm a, ka thinzawn hi a rawn phu rang sauh in ka hria, ka bengte hi a rawn sa pup pup in ka hre lehnghal, zanin ka awmdan hi ka inhrethiam nei nuai tawh lo..amah pawh en lem lovin "teuh lo, chutiag ka nei love a" aw lawi rat chuan ka ti a..a nuih a zat hmel sauh lehnghal..




"Hey.. Ben" ka hlim ve dawn chiah a, he model hi a rawn inlan leh tawh, kalpui te a nei ve awm tho sia, engemaw an rawn tih chhen chu le..


"Enge ni..i hmuh ang hian ka nupui nen kan indate mek a, hnalam thil anih chuan office ah rawn leng zawk ta che" hawiawm takah Zothanan a tih chuan ka lo hawihai lek lek, nichin mai kha chuan an induh emaw tih tur khawp khan an inbe sia, tunah erawh hmelhriat satliah an ang ka ti leh tawh, keimah hi ka dik zan lo nge, Zothana zawk hi, ngawireng in ka enkar dun ringawt


"Nilo..tunah kan inbiak angai tlat" karlie in a tih chuan "ka hman rih lo, min rawn ti buai rih suh khawngaihin" zawisap hian a ti a, chutah karlie zawk chuan a bag atang silai rawn phawrhin zothana a tin nghal, phawk lutukin kan inmelh ha, silai a nei ang tih rin ngaihna kan hre lo ve ve anih hmel..



Ka che tur chu rawn hria niawm takin "che suh, thiani, awmzia a awm lo ang, hual beh vek in ni tawh" a tih chuan ka hawikual nghal vat.., a sawi ang ngeiin he hmunah lo thu ve thenkhat ho kha misual lo ni in..mahse engvanga ramdang mi daihin min man an tum angle..Enge thilawmzia ni ang aw



"Karlie..engthil nge i tih a, silai lem lem anih loh kha aw..dah thla vat rawh" zothana"n a tih chuan nui var var in "ni e..a tak ngei anih hi, ka rilru i ti na kher mai, kei min kalsan in hmeichhe dang maw.." a rilru a nat hmel kher mai


"Engthu nge maw i sawi le..kan inkar ah engmah a awm ngai lo" a tih chuan "nia..a dik, engmah a awm lo, mahse chu chu ka man chhan che anilo..khawngaihin ka chips i kawl kha min pelet dawn ami niang" atih chuan "eng chips maw" rangzet in ka lo ti nghal

"Lo inrawlh suh" a silai ah min rawn tin nghalin a kut zaizirin ngawi turin min ti a


"Eng chips maw..chutiang ka kawl lo" Zothana'n a tih chuan " a harsa zawng pawh ah indawp ka thiam tho ania aw" zothana bengbul set ah chuan a ti sa sa a,..


"Engpawh ti rawh, ka hlau lo che" kiai suk chuan a ti a, chutah ka lam rawn hawi vatin "Duati..i thil i rawn pai tiraw" a tih chuan ka hrethiam nghal mai, silai a sawina a ni ngei ang..


"Pai lo tlat" thensuk ah ka tih chuan "i pai lo maw..engvangin nge i rawn pai lova, i pai reng thin sia" hmela hi, a mah thusawi ngei pawh a theihngilh leh tawh ani maw..


"Silai leh spy rilru rawn pai suh i tih anih kha" tawng ring tha ngam chiah silo, a hriat loh hlau tho si chuan ka ti a, tun ang hunah inhnial chu a nuam lem lo khawp mai


"Chuti maw..thu i awi khawp mai, a tha lutuk" thensuk ah a tih chuan ka melhrum nghal vat


"Enge..in sawi dun bik a, ka hre ve duh tho ania" karlie in a tih chuan "engthil nge i zawn chu ka hre lo na in, i zawnna hmun erawh a dik lo niin ka hria" ka tih chuan "teuh lo, ka zawnna hmun hi a dik, chuan min pe ngei dawn bawk, ni lawm ni, Ben" tihpah in a kut tangin zothana hmai a rin thla, a ruk chuan fork chu hum bo zeuhin, chet inring takin ka awm nghal..


"Tu tana thawk nge i nih a?? Tu chiah nge maw i nih chu le" ka tih chuan rawn then sukin "a thil duh neih ngei ngei thin mi mawle..ka kawng dal ngam an awm chuan hetiang hi ani mai" tih leh mipui zingah thu ve pakhat chu pawt tho zawkin a chemte pai chu phawrhin a vit hlum nghal a, mipui tre ri leh thlaphang au rawl chu ringtha tak ani


Kei leh Zothana chu hlauhna ai mahin, mak tihna in kan khat in ka hria, keiphei chu spy e ti lovin ka hrilhai lutuk, mipui tlanchhuak thawm a reh zo chiah tihah karlie chu rawn nui ri hawk hawkin " anuam ka va ti tak..zawhna dang chhan ngai te a la awm em? Ka chhang reng thei ania" a kut ben kar kar pah chuan a ti a, Zothana thinrim hmel mawlh chu ni, tianga a thinrim hmel hlauhawm hi ka la hmu ngai lo...


Cont


Ka mit bawk hi ani..entir thuai thuai ka ngai..tiangchuan rei ka inziak thei dawn in ka hre lo🥺


Muttui chhiar nuam leh vek ule....💜 Ka birthday pawh ka enjoy hman lo😤hmm😒😒



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)