A Tawk Ta - 8

Episode kal lai dah luhna

Moderator: writers

Pek Hirha-i
Posts: 69
Joined: November 23rd, 2021, 3:13 pm

A Tawk Ta - 8

Unread post by Pek Hirha-i » December 2nd, 2021, 3:55 pm

A Tawk Ta - 8


Chapter - 8


Inchhung ka luh chuan U Tei'n min lo be vat "Fiona, lo kal lawk teh hetah hian,, hei hi lo ei ve rawh" a rawn ti a,, an bul ka va phei chuan rasmalai (a dik em ka hre chiah lo) hi an lo ei chu niin tui ka tih zawng tak ania ka ei ve nghal. Doctor ka zir lai khan ka ei nasa thei lutuk a tui ka tih chi tak a ni.

"Khawnge Tim-a kha nichin khan i hnung lawkah a rawn chhuakin ka hria" Mawizuala Timothy ṭhian pa chuan arawn ti a. "Aww,, pawnah khan a awm ang" ka ti ve mai bawk. Ka mut lah chu a chhuak em em leh nghal a. Ka ṭhu ve reng a, min rawn sawi dawt dawt tu vang chuan ka harh hlawl "Fiona in room lamah han mu rawh i chau lutuk a nih kha" Puipuii Timothy cousin chuan a rawn ti a, keipawh ka bu nghat a "min hrethiam mai ru ka mut a chhuak lutuk" tiin room lamah ka chho nghal. Khumah chuan ka mu a, ka lu leh lukham a insik rual khan ka muhil nghal a nih ka ring.


Ka biang chu kut lum thar tharin a rawn khawih vang chuan ka meng deuh kawk a, ka hma ah tak Timothy chu a lo ṭhu chu niin, khumah chuan a kut a dah a min lo la thlir vung vung zui. "Eng nge i hriat a?" ka ti a, a nui suk. "Chaw a ei theih tawh a ka rawn kai tho dawn che" a tih chuan ka ṭhu chhuak hlawl "Chaw ei a hun tawh amaw? Dar engzat nge ka van mu rei awm ve" tih pahin ka slipper chu ka bun a, bathroom ah ka lut nghal rawk rawk.


Ka chhuk chuan chaw ei an lo siam mek a, ka va siampui ve nghal, ka inthiam chiah lo. "Aww,, Fiona-i chu i lo chhuk duh a nih kha,, i chauh dawn teh lul nen" U Tei chuan a rawn ti a. " Aaaa,,,, chau lo ee" tih chiah ka sawi. Vawiin tlai chu chaw ei tur an awm dawn lo nimaw.. ka ngaihtuahna chuan ka sawi zo hman lo Puipuii leh Timothy-a ṭhiante ho an rawn lut nghal. Joana-i pawh infeng chhin tawkin a rawn lut leh tawh.

"Heyy bro, zanin chu kan disco dawn em?" Sanga chuan a ti a. " Zanin chu ka hman lo" Timothy chuan ka hnung lawk aṭang a rawn ti a, ka phu dawrh mai. Thla chu nei ila ka thlawk hla ngawt ang. "Huiham,,, nupui nei ho tak hi chu(h) in heti tlat zel" Sanga chuan a la ti bui bui a,,, an nuih hak mai. "Awwww, innei thar hlim te kan ni ve a, ka nupui hi hun hmanpui te pawh ka duh lawm" a tih zawh rualin a lu buk zet ah chuan ka kek a,, " Aihah" a rawn ti ṭhawt. A ṭawngthei a nia. Mipa ve si hi, mipe a nih te ka ring hial tawh.


" Ehhh," Sanga bawk chuan a rawn ti leh a. An ṭhian ho din ṭhap na lam ka hawi chuan Joana-i chuan min melh no fahran lo khawp mai. Timothy chuan ka kawngah a rawn la kuah zui,,, "In insum ve thei lo mi?? in over lutukk,,," Chelsy chuan a rawn ti a. " Uii nang hi eng nge maw i hriat a vawiin nileng a i pate a te nupa chu over i tih chhen le" Puipuii chuan a rawn ti a. " Uuuiiii an over zia chu teh. Ka sawi seng lo" " Dawheh eee,, chutiang khawp khawpin kan awm lo" ka ti a, " Chuu inawm tho lawm" tihpahin a mit ko min lo san ak a.


" Lawmsangzel" tihpahin ka um a, ani lah chu inring sa ang hrimin an tlan chak em em khawp a(h). "Nangni 2 kha chaw rawn ei ru, in in um zankhua peih anih loh chuan" ka nu chuan a rawn ti lang lang a. Keini pawh kan phei ve leh mai.


Chaw eikham ah chuan room ah ka lut a,,, khumah chuan mu chungin phone ka khawih mai mai. Ka number hriat loh aṭang hian message ka dawng a, ka seen peih lo. Thlalak a rawn thawn leh takah chuan ka en ve ta nge nge a. Timothy leh hmeichhe pakhat thlalak a ni, hmeichhia chu Timothy mal chungah a ṭhu a. A caption {i pasal hi a mualpho i duh loh chuan rawn kal rawh} tiin kalna hmun tur chu a hnuaiah a rawn sawi a. Kei erawh chuan Joana-i number chu thawnin {kha hei hi lo va be zawk rawh}. Ka ti a, {Ni lo e,, nangmah ngei kha rawn kal rawh} a rawn ti leh tlat ka van ning tak, mahse ka pasal a mualpho chuan keipawh ka mualpho ve tihna a ni si a, chuvang chuan ka kal tho chu a ngaih hmel.

A rawn sawina hmun chu khaw pawn daih a nih avangin a vawh ka ring a. Half neck chungah chuan hoodie ka ha leh a, boot lum ka bun leh tawp bawk a, kekawr erawh joger pants ka ha thung. Ka kalna tur pawh sawi lo chuan ka chhuak ta a. A sawina hmun ka thlen chuan bar a ni tih ka hre mai. Timothy reng reng pawh eng nge hetah a tih le!!?
Ka luh hma in message min rawn thawn tu chu ka phone a, a lo la ve mai bawk, "Khaw nge inawm a?" ka tih chuan "hetah rawn lut la, i rawn hmu mai ang" a ti a, a dah daih.

Ka va luh chuan a chhung chu rin aiin a nuam phian leh nghal. Timothy pawh chu ka va hmu nghal. Zu chu a lo birh tlut tlut chu ni in!! a hma ah chuan mipa la naupang ve deuh tur hi a lo awm bawk a. A bulah chuan ka va kal a,,, "Heyyy ,, hey,, i harh em? harh teh haw ang" tiin ka va sawi a, a rawn hawi chhuak a, min hmuh chuan a khi sak a. "Ohh!! en teh u,, ka nupui duh tak a lo kal a nih hi.." a ti a, a hma mipa tleirawl kum 19 vel chauh ala ni ang tih tur chu a bia a chu pa chuan "Ni e,, ka pu a hmelṭha khawp mai. Nangmah a rawn zawng che a nih kha" a lo ti ve a,, "tho teh, haw ang" tih pah in ka sawi leh a. Ani pawh a rawn tho ve mai bawk. Pawnah chuan kan kal a,, "khaw nge i car chahbi?"ka tih chuan a kekawr ip te a zen ruk ruk a. Min rawn pe ve mai.


"Tah hian lo awm ang che" ka ti a, ani pawh a bu nghut. A ruih chuan a naupang chhia khawp mai, a cute ngawih ngawih..


In kan thleng a, a chhuak thurh, keipawhin car chu park ṭha in ka lut ve nghal a. Khumah chuan a bawk khup zawngin a lo mu a, "Heyy i harh em?" ka tih chuan min chhang lo, kan en chian nak chuan a lo muhil bawrh bawrh tawh chu ni in!!! A va buaithlak,,, ka thaw hawk a. A pheikhawk chu ka phelh sak a, puan ka sin that tir hnu ah ka inti fai leh te te a, sofa ah chuan ka mu zui ve ta a. Ka mutthilh mai theih loh vangin ka inlet sek a, khuma Timothy-a mu chu ka en reng,, a hmelṭha in a pian pawh hi a nalh chiang alawm,,, ka pasal mah ni se ka duh ve thei tlat si lo a. Ani chuan hmeichhe hmangaih tak a nei si a.. ka lu ka thing nawk. eng nge maw ka ngaihtuah chu le,, Timothy-a hi ka duh ta tihna em ni?? A ni thei lo "Dami mu teh" ti hlakin ka in let a ka inlu khuh nghal hmak.


"Fiona bawihi kei hi misual tak angin min ngai maithei mahse ka tupa hi nang hian ti puitling la ka duh a ni." ka pi ka buaipui mawlh mawlh lai chuan a rawn ti a. "Aa,, a ho lutuk pi" ka ti a. Kha mi zan a rui ka buaipui zan aṭang khan kar khat a liam leh tawh a. Zantin tih theih deuh thaw a rawn rui haw ṭhin a, ka ngai pawimawh duh lem lo. Zanin pawh a rawn rui leh ang chu ka tih laiin ahma a min rawn message tu bawk khan min rawn be leh. {i pasal hi a mualpho i duh loh chuan rawn hruai rwh} tih leh bawk, ka van hne tak....

A hmun ka va thlen chuan ahma ang bawk khan a lo awm leh a, zanin chu a ruih hmel vak lo a, tihdan thlak ka tum ta a. Beer hi chu ka in ve thei mai zel a, mahse rui khawpa ka in ka la hre lo. A bulah chuan ka va ṭhu a ka hmuh hmasak ber Royal stag chu kan lam ve ngawt mai nih kha!! A hma a mipa bawk kha a lo awm leh a min rawn pe nghal vat. "Eng nge tih i tum a?" Timothy chuan a rawn ti a. "Zantin i rawn in a i rawn ruih haw ṭhin hi engtiang chiah a tui nge tih ka fiah dawn maw le" tih pahin kan thawk khat piap mai nih kha!!! awi ka nu hi ni ringawt.

"min pe leh rawh" ka ti leh a min rawn pe leh vat. "In ve tawh suh," a rawn ti nghut a, ka mit ko ka san khum ak ringawt, ka in leh ngat a "Zochhamdam in tawh suh ka tih che ni lo'm ni?" a rawn ti tuar a, eng atan mah ngai lo chuan ka in leh ngat, chutah ka no ken lai chu a rawn phih thla thut a. Dawhkanah chuan a nghat chawrh. "Eng nge i hriat a? kei ka nih vangin ka in thei lo ang maw?" tihpah in ka ding ve nghal a, mahse khawvel hi an sawi nimaiin ka hria. Ka lu chu a hai lutuk ka dawm vung vung a. "Kha vang khan lawm in ve tawh suh ka tih" tih hluk pahin min pawm nawlh. Ka lu hai chu a reh deuh a, ka mut a rawn chhuak ṭan.


Car chhung a min dah luh lai te chu ka hre rei ruai chauh. Ka lo muhil a ni ngei ang, ka taksa kang nawlh ah chuan ka harh a, ka la chatthla chiah lo a ni maithei. Ka men diar diar chuan Timothy hmel chu ka hmu hmasa ber a, "Duhawm lutuk" ti sup ri ka hria a, ka bulah chuan mu an awm tih ka hria. Ka kawngah a rawn kuah a ka beng bulah a rawn thaw lum ham ham a bak engmah ka hre zui tawh lo.


Zing ka harh chu thawh mai kan tum a, ka kawngah chuan min lo kuah bet tlat chu ni in! ka rim lah chu a chhe mai sia(h) va intihfai te pawh ka duh sin le. Timothy lah hian min kuah nghet sia. Min kuahna chu phelh kan tum a, a rawn che hrut a, a ti nghet zual sauh. "che tawh suh" a rawn ti sup a "khaw maw min thlah teh intihfai ka duh" ka ti a, a che chuang eih lo. " Min thlah rawh ka ti" ka tih ṭhawt takah chuan rum nghutin min thlah a, bathroom ah ka lut nghal. Bathtub ah 🛀ka inchiah vang vang a "inchiah hlum i tum mi?" a rawn ti a, "ka lo chhuak" tih pahin ka in tleuh fai a, bathdrop ha in ka chhuak nghal.

"eng ngeee?? kha tin mi nuih sawng suh" tihpahin ka kut chu humin ka tin uaih a, a lo indang zuk "hey hey i huat thu a va chhe ve". a rawn ti a. "Aww duh leh a chhia ang" ka lo ti hlar mai. " I ninawm" ti hlukin a chhuak daih, nge ka ninawm a tih ngawt. Keipawh ka inthlak a ka chhuk nghal.


Inhnuai ka chhuk chu ka nu chuan "Kha bawihi i tho nuam maw?" tiin min lo be nghal a "Tho nuam khawp mai nang i tho nuam zawk em?" ka ti ve a " tho nuam e" a lo ti ve leh thliam bawk. " Ehee U i van inbual hma em em chhuahna tur i nei em ni?" Chelsy chuan a rawn ti a,, " nei hran lo e, zinga inbual hi a nuam a" ka lo ti mai a, Timothy pawh inbual zo hlim tih hriat deuh hian a rawn chhuk ve a. "Ehh,, nangni nupa hi eng nge inhriat a? Zing zinga in inbual kher a?" a ti zo chiah chu " Eheee!!" a ti hluai a,, kan en ṭhup a, chutah Timothy nen a min melh tawn chungin a mit ko a san ak mai. Ka hrethiam chiah lo a, mahse ka man vat sawnu saw...


(End of chapter - 8)

A thui thei lo😢



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)