Because of Accident Chapter-7 by MrsBabe Khawlhring

Episode kal lai dah luhna

Moderator: writers

Mrsbabe Khawlhring
Posts: 133
Joined: November 26th, 2021, 11:05 pm

Because of Accident Chapter-7 by MrsBabe Khawlhring

Unread post by Mrsbabe Khawlhring » December 2nd, 2021, 9:57 pm

*Because of Accident*





Chapter-7🤍





by_MrsBabe Khawlhring🧚‍♀️







Lalchhanchhuahi Pov.






Ka ṭap zan khua a ni ringawt,zingah lah chuan ka harh hma em em leh zuia,dar5:30am chauh alo la ni a,darthlalanga ka in en chu,keimah ka nilo emaw ka inti hial tiangte chuan engtin nge ka chhuah ngam ang






Ka tho chhuaka,tukverh bulah chuan hawng chuangloin ka ding renga,ka rilruah Jeremy bawk alo langa,nimin khan ka ngaihtuah teh lul nen mahse vawikhat mah kava call lo tih ka hrechhuak zawka







Khuma ka phone lo let reng chu ka la kang nghal zata,ka call ang nge call lo ang tih ka ngaihtuah leh rih,nizan lama ka thlalak hmuh kha chu eng pawh lo nise,ama hnen aṭanga a insawifiahna nge ka thinlung hian hriat a duh tlat,thil enge mawni vang pawh alo nitheia tihte chuan Jeremy rin ka duh em avang chuan ka rilruin ka inhnem leh rih








Ka call ta nge nge a,vawikhat a ring kuit ṭhaka,ka call nawn leh nghal vata,lehlam aṭang chuan hmeichhe aw tliang nalh zaih ka hriat hnu ngei nitawh chuan"Hello"a rawn ti a,amak ka tih em vang chuan ka chhang lawk theilo







"Khawnge Jeremy"lawi rât zawitê ahriat tham chang chang tur hian ka ti a,"Nizan lam kan hun hman dun vel vangin a chaua a bathroom-ah alut deuh chiah"intih theih hmel fê hian a ti a,ka thinlung chu vih sawk ang maiin a nâ vawng vawng mai ka mittui pawh alo parawl leh nghal ringawt tawh,duhlo zetin ka tuai puata,phone pawh chu kanin biakna dah chuanglo chuan ka switch off hnan hmiaha,khumah ka vawm thla tawp bawk







Lawmi'n minlo chhan danah nimin chuan an inhmu ngeia,zankhuain an awm dun bawk tihna a ni,Jeremy Laldinpui bum hmang pa,ka ring leh tawh ngailo ang che,,,,tinge min hmangaih thu pawh min hrilh lotu min duh thu tak ngial pawh min hrilh lotu,ka bialpa pawh ni hauhlo vang hian ka lo nat ve em em mai le,a duh duh hmeichhia a hmu thei alawm,mahse ka nã tatzet







Nizan ṭang tawhin ka ṭap nasa bawknem ka lu te nå vek tawh,khumah chuan ka mu leha,puan sin ṭha sawk sawkin ka mit ka chhing vang vang bawk






Ka harh leh chuan minlo sawitu an awm vang a ni,tudang niloin ka vahpa Mathew alo ni a,"Nini chaw kan ei tawh dawn Anuin college i tlai ang ati"alo ti niah niah a,ka mit bui nasa lutuk chu men pawh ka meng ṭha theilo







Ka ṭhu chhuak chiah chu Mathew chuan phawk fê hian min melha,ka hmel chu adang ati ve deuh nge,mak tih hmel deuha min en vung vung hnuah engmah sawiloin a tlan chhuak daiha






Inhnuai lamah a chhuk a ni ngei ang,step-a a tlan thlak pah chuan"Anuuu,nini mitah khuaiin a zûk ania"a ti chhuk lang lang chu ka hrethei







Chumi hnu reilo têah U Amy ho chuan an nufa thum chuan anrawn tlan chho nghala,U Amy chuan achhan minlo zawt vata,"Nizanah ka hnar ping lutuk kha ka mittui tla renga chuvang aniang"ka tita ringawta hetia ka awm chhan dik tak tehi chu ka hrilh ngam teuhlo mai









Awihlo hmel fê hian min ena,ni e an aaih reng nang tunge hnar pin vanga mittui tlak vangin mit bui vek thei reng ang,min en deuh reng hnuah"Tinge damdawi te minlo dil mai loh i hritlang dawn a nih chu,mass ahnai tawha hritlang lak nat hun lai tak ania,i khuate sik em?"tiin ka chal chu alo dek vat bawk







Keimah kalo sa ver reuh bawk nen"Khawsik chu awm deuh nihhi,damdawi ka zuk la ange"a ti zo deuh chiah chu,u Mama lo lutve chiah bawk"Tinge?duati chu a hmel ber bur chu"tiin annu chu a zawta







"A hritlang tur inṭham chho vel ala na ve deuh mai mai nihhi"tiin ṭha deuh chuan ahrilha,u mama pawh chu a bu nghuta,ngaihtuah hmel zet hian min en







"Mathew,Mathias nangni pawh chhuk ru ninî adam ṭha silo,in inhlei si a ning ang che u"tiin naupang pahnih chu a hrilh nghal zat bawka,an pafa ho chuan inhnuai lamah chuan anin zui chhuka,u Amy erawh ala awm







Zawhna mitmeng zet hian minlo ena,mahse engmah min zawt lo hlauh,in hnuai lamah chuan achhuk thlaa,reilotêah lo chho lehin tuilum ip leh damdawi arawn keng bawka






Ka khum bul dawhkana tui bottle ka inchhawp chu la kang zatin no ah athli chhuaka,damdawi nen chuan minlo pe a,lo ban nghal vatin ka ei nghala,dik tak chuan khaw sik ser ser angin ka awm a,avawt ka ti reuh riau ṭah nasat lutuk hian nghawmg anei tih ka pian ahnu lamah a vawikhat nan ka hrechiang ta a ni ber e









Tuilum ip chu ka pawm turin min rawn pe bawk"Duati"tiin lainat hmel zet hian min melha,kalo enve vat bawk,"Thil enge maw min hrilh duh inei em?"a tih chuan ka lu kalo thing vata"i chiang maw"a tih leh chuan







"Engmah sawi duh ka neilo i rilru tihah duh suh ka hritlan vang a ni tak tak alawm"ka tih chuan a awih pawh ka ring chuanglo,"Anih leh ka ring ang che,mahse enge maw min hrilh duh ineih chuan ka ngaihthlak sak thei reng che ania aw"a ti leh a,hetiang khawpa monu fel kannei hi kan vanneih zia ka hriat belh leh








Ka bu nghuta,kal mai atum chu ka kuah leh rih,minrawn kuah let ve vat bawka,"Ka thaw ṭha theilo nia khaw maw"a tih chuan ka lo kuah nghet lutuk tih ka hrechiah"I u mama atlai palh ang chaw ei ka zu siam nge,i eichak vak loh pawn tlem tal lo eive tumla,irawn chhuk peihloh pawn kalo pe chho ang che"a tih chuan ka lu kalo thing nar nara,mila tilui tlat zui








'Nakinah ka ei mai ang'ka tih hnuah chuan a rilru nuam ta deuh aniang achhuk ta hrama,tunah tak hi chuan engmah ka ei chak miaulo a,ka tan mah nise ei luih pawh ka peihlo







College pawh chu ka kallo a,ka mureng,U Amy chuan bakery lam pawh ka damṭhat loh avang chuan kalloh mai a tuma,mahse ngaihtuah awm ka nih loh thu leh kal tura ka tih tlat avangin rilru nghet lo deuh chuan akal ta hrama,'kalo haw harlo ang,i nawm loh viau chuan minlo call mairawh aw'tiin a kal dawn thleng pawh chuan min chah mawlh mawlh










Bakery lamah anbuai ve thei sia,Krismass hnai tawh bawk nen an dawr alun ve si a,keia ṭah nasat lutuk vanga damlo mai mai vangin hna aṭhulh ka phal miau lo








U Amy hian U Mama nen anin neih hma daih,anin ngaihzawn laivel aṭang tawhin min ngaihsakin min duat thei em em a,ka hming hian vawi khat pawh minla koh lo,tunah kum6 lai anlo innei ve taa,Chhani tih tak ngial pawn min koh laihi kala hrelo (Duati) tih hlirin min koh ṭhin,chuta ṭang ringawt pawh chuan min duat ziahi ka hre ṭhin,ṭawngkam ringawtin min hmangaih lo a a thinlung zawng zawngin min hmangaih tih ka hriaa a cheziain a lan tir bawk,unau pianpui laizawn aneiloa,keipawn ka neilo bawk nen kanin kawnngeih em em chhan pakhat a ni










Ka phone chu ka switch on a,Jeremy bawk rilruah alo lang leha,a missed call emaw message alo awm thut takin ka la tifan,mahse alo awm leh chuanglo,U Mama'n ka damloh thu ka nu te alo hrilh nge ni,phone charge tura thawh ka tum chiah chu minlo call a,rei fê kanin biaa,in enkawl ṭha turin min hrilh nasa hlê bawk








Ka nu te ka bia chu nawmsam vakloh nen ka lung telam chu alenga,kan khaw lamah haw a,ka nu malchungah ngei mai hahdam taka mut vang vang ka chak takzet,tukverh bulah chuan ka ding renga,thli lo thaw techuan ka lung anti leng zuala,ka hawl vela ka hmuh theih chin inlian pui pui lah chu an chei fura,Mass tree an hung deuh thluah tawh bawk,boruak hi a Krismass ngawih ngawih tawh,ka mit ka chhin lahin Jeremy bawk alo lang leh a






Jeremy Laldinpuia Pov.




Ka kawra Lawmi'n coffe min tih buakna chu phelhin ka nuai deuh hrep hrep a,henu hi enge maw ahriatni 'che fimkhurlo lutuk'ti chuan ka phun sep








Thunderi ngawt ka rilru ah a awm a,nimin nilengin kan inbe loa,minlo biak pawh a tum nasa tawh viauin ka ring mahse phone lah Lawmi'n a kawl daiha,Thunderi lah a thinchhe ve tiktek reuhsia alo thinrim leh hlé tawh maithei a ni,inthlem leh fê kan ngaih ka ring ka ngaihtuahna vang chuan ka nui suk







Kanin ngaizawng lo a,mahse inngaizawng ang chiah chuan kan awm ṭhin,achang chuan min duhna ati lang ve ṭhin tih ka hria,keipawhin ka duhna ka tilang ve nasa hlê bawk,ka sawi chhuak lo mai chauh a ni,ka awmdan leh a laka ka rilru phut hmang aṭang hi chuan ka duh tih chu ka chiang a mahse ka hmangaih em tih erawh kala hrelo








Achang chuan ka duh thu hi hrilh tawp mai ka duh ṭhin,min duhna ati lang ve ṭhin thoa ka rilru put ang bawk a put pawh ka ring ṭhin mahse hmangaih hmasak phawt ka duh







Nimin khan ka walk hawlam kha mak deuh maiin damdawiin lam aṭangin minlo phone a






FLASHBACK


Lawmi nikhaw hreloa a awm thu min rawn hrilha,mak ka ti hlê bawk "Ngati teh thut nge"ka tih chuan"Phone a sawi chi a ni loa,damdawiinah rawn kalla hmaichhanah kan sawi dawnnia"minlo call tupa in a tih chuan,"Midang amah awmpui tutur an awmlo ami"tiin ka lo zawta








"Aw,awmlo amah pawh aharh deuh chiaha,a sawidanin achhungte hnaivai hetah amah buaipui theitu tutur nangmah tih loh tumah an awmlo a ni awm e"a tih chuan







Ka ngaihtuaha,Lawmi chhungte chu hetah an awm lo tak ,Lawmi hi apa a thi tawha,anuin pasal dang neiin fa anei leh daih tawh bawk,anu bulah awm loin api leh pu(Anu nu leh pa) te bulah a awm a,mahse college Aizawlah alo kal hnuin Hostel-ah hlir a awm ṭhina,an khua(api leh pu te) chu Champhai daih ani tih ka hre chhuaka,inlam ka pan nghal vata,engmah sawi set setlo chuan insiam sawk sawkin chaw pawh ei lo chuan damdawiin lam pan chuan kain khalh chhuak nghal a









Kawngah chuan Lawmi ngawt chu ka rilruah a awm.Ni e,ka hmangaih tawh lo ngei alawm,theihnghilh pawh ka tum mek bawk,achhan chu ka nunah hmeichhe dang an awm tawha,a ni nen chuan lain ngaizawng lo mah ila,ka taah la siam nge ka tum ,chu chu Thunder-i a ni.Thunder-i ka tawn aṭang hian Lawmi theihnghilh daih chang ka ngaha,,, sap thu fingin"FIRST LOVE CAN NEVER DIE"an ti a,Lawmi hi ka hmangaih hmasa ber angin ka ngai ṭhin ,mahse Thunder-i rawn lan aṭang chuan kalo hmangaih ṭhin reng em tih ka hrethiamlo,hetia ka theihnghilh theih mai danah kalo hmangaih tak tak loh vang a ni thei mai angem?






Thunder-i lo lan aṭang hian ka danglam nasa tak zet,ahma khan Lawmi hi ka hmangaih hlê ṭhin tih chu ka phalo,mahse Thunder-i hian chu ka ngaihdan chu athlak nimaiin ka hria,abulah chuan ka hlima awm reng mai ka chak ṭhin







Mahse ka thinlung erawhin a zawng zawngin Lawmi hi a theihnghilh thei biklo,ka hmangaih hmasa ber anga kalo ngaih tawh ṭhin leh rei tak ka loin zui pui tawh kha a ni miau a,tunah pawhhian ka ngaihtuah tak zet a ni






Damdawiin kava thlen chuan Lawmi ward awmna chu duty hnenah ka zawt vata,cabin-ah anlo dah a ni awm e,an sawina cabin number chu ka zawnga,ka hmu mai lo lehnghal





Ka kal kual hrep hnuah chuan,ka hmu ta hrama,ka lut nghal vat bawk,Lawmi chu dâng bam mai hian khumah chuan alo muhila,ahmel nung sarh ṭhinte,ahmui hnawih sen chawp ni hauh lova senno chêk pawh abo vek,a bulah chuan Nurse leh doctor upa ve lam tawh hi anlo awm bawka,a harh tawh anti sia,tinge ala mutthilh ni





Ka thawm anhria chu doctor leh Nurse chu anlo lehhawi vata,Doctor zawk chuan"Nangmah hi em ni,nichina ka biak kha"atih chuan kalo bu nghut a






"I rawn thlen hma deuh khan ataksa achau si a,amuhil theilo bawk sia mutthilhna damdawi kan pe a,amuhil deuh chiah a nihhi"a tih chuan Lawmi chu ka melh vata,a thaw ri sek sek bawk











"Tunah chuan angaihtuah awm tawh loha,ka cabin-ah inhmu lawk ang hmiang"tih pahin achhuak nghala,ahnungah chuan ka zuive vat bawk







A cabin kan thlen hnu chuan ahma zawnah tak chuan ka ṭhua"Damlo hi anlo hruai lai khan alo OD(over dose) a,lo thlen har pui deuh pheise chuan kanin chhan hman kher lo ang"a tih chuan mak tih lutuk avang ka ṭhutna ṭang chuan ka tho vut,engtinnge hetiang thil Lawmi hian a tih theih








Doctor bawk chuan"Amah hian rilru natna nasa tak aneih vang pawh a nive pakhata,tunah hichuan dimdawi tak leh amah hrethiam em em tu tur amamawh a ni"a ti leh a,ka ṭhu ṭhave leh vata






"Chuan enge ti tura min duh"ka tih chuan"Jeremy ini tiraw?"ati daiha,"Aw ni e,tinge"ka tih chuan"Damlo khan a ṭawngvai lai khan ihming hi a lam a lama,atan i pawimawh viau aniang"Ka mitah tak en chunga a tih chuan chhang loin a thusawi chu ka ngaihtuah zui vung vunga






"Min chhan theih loh dan aṭang khan itan pawh apawimawh viau aniang maw"a ti leh sup,chutah pawh chuan kala chhang chuanglo"Enteh damlo hian amah hmangaihtu amamawh tak zet a ni,tuna athil tihhi abansan theihnan i puih angai a ni,ataksa aṭanga kan hmuh dan chuan damdawi atih ṭanna hi ala reiloa,a sim dawn pawn hun rei angai miahlo ang,mahse nang chauh hian chu chu iti theiin ka hria a ni"a ti leh chiah chu ka ngaihtuahna abuai map






"Ngatinge keimah kher,midang pawn anti thei ang"ti a ka chhan chuan"Nangmah chiah hian itheih ka ring a ni Vala,a nunna hial achan phah mai ang tih ihlau lo em ni?"a aw pawh chu hriat anuam vak tawhlo







Theihnghilh ka tum meka,ka theihnghilh ṭan mek bawk abul hnaia ka awm chuan Thunder-in engtinnge angaih ang,ka hmuh tawh loh tur thu chiang takin ka hrilh bawksi a,ka ngaihtuahna a buai tak zet Lawmi lahin a nunna lak hial pawh pawi a tilo bawk nen









Engmah sawi tawhlo chuan tho vutin kawngkhar lam ka pana,"I loin ngaihtuah dawnnia"tiin ka hnunglamah minlo chah lawm lawm bawk,hawi let tawh loin ka kal tlang








Cabin-ah chuan ka luta,alo la muhil reng,khum bula ṭhutthlengah chuan ka ṭhu thlaa,akutah chuan ka vuana,a rawn che hrut alo meng riai riai nghala,min hmu chiah chu lehlam ahawi daih






"Engvangin nge hetiangin i awm a?"ka tih chuan,ka lam alo hawi duhlo hrim hrim,"Ngatinge nangmah leh nangmah i intih nat min chhang ta che"ka tih hrawk takah min a ṭhu chhuak nghal vata,rum zet hian ka mitah tak min melh bawk








"A chhan i hre duh a maw,a chhan chu i hre duh tak tak ang maw"thinrim insum tih hriat zet chuan ati a,"Aw ka hre duh,min hrilh reng ta che"nichin aia hriat nuam deuh tur chuan ka ti a






"Nangmah vang a ni Laldinpui,engkim hi nangmah vak vek"tiin chhuak zet hian a ṭapa,"I mittui kha ti tla hlek suk hetianga awm tur hian ka ti che a mi"ka tih chuan a mittui chu ahru tawka








"Engtin nge awmse min tiha,kalo hmuh che iphal bawk silo ka ngai che a,ka thlahlel bawk che ka kiangah i awmlo a thil dangah inhnemna tur ka zawngta chu a pawi viau em ni"thinrim ṭap tuau aw chuan a ti a








"Ngatinge nangmah hmangaih tawhlotu vanga i intih nat duh,keichu min theihnghilh tawh rawh keimah vang phei chuan i mittui ti tla duh tawh suh ka thinlung hi ita a ni tawh lo"damthlup chuan ka ti a,ka rilru tak tak a ni ka sawi







"Khanu vang kha a ni tiraw,sawi rawh khanu kha a ni tiraw"ring lutuk tak chuan a ti chel chula,a mittui aluang leh nasa tawh bawk,a venflon techu a phawi vek a khum aṭang chuan achhuk thut chu ataksa a chaklo bawk nen a ṭhu thla hnawka kava pan vata,va khawih ka tum chu








"Min khawih suh,kalbo rawh min kalsan rawh,i hmangaih bulah chuan va kal ta che"tiin minlo namsawna,ka kuah lui tho a,a tir chuan atal nasa hlê a ahnuah chuan a inthlah dul deuh taa,ka awmah chum dat dat pahhian"Misualpa,ngatinge hetia min tih,engtin nge min hmangaih tawhlo tih chu i sawi theih"zawi raih hian a ti a,ala ṭap reng bawk







Reife hnuah chuan ka awmah bei chungin a aṭap muhil a,pawm kangin khumah chuan ka muttira,puan ka sin ṭhat tir bawka,thaw hawk chungin nichina ka ṭhut naah chuan ka ṭhu thla leha,ka mit ka chhing vang vanga







Thunder-i abiangsum lang kalh chunga anuilai chu ka mitthlaah chuan alo langa,vawiinah ka la be miahlo tih ka hrechhuak zawka,biak tuma tukverh lam pan ka tum chu Lawmi chu alo harha ka kutah min chelh bet tlata,Thunder-i ka biak theihloh phah







"Ngatinge ilo harh a mutthilh leh tum rawh hahdan i mamawh"ka tih chuan,min chelh nghet sauh,"Vawiin chiah,vawiin chiah ka bulah awm rawh khawiah mah min kalsan suh"ngen ngawl zet hian a ti a








Ka bu nghut ahmuh hnu chuan ka kut chu athlah veta chiah a,leave ka la ta ringawta,nileng chuan abulah chuan ka awma,phone ka khawihsan tak ngial pawh aphalloa,ka phone pawh chu ala daih zuia,Thunder-i biak ka duh tehlul nen minlo ngaihtuah ngawt tawh ang,mahse vawiin chiah atih vang chuan ka tuar hram hram a ni







Hun techu a kal muang ka ti em em a,Nikhat rei ber a ni ka tan chuan,tlaiah chuan Lawmi chu ka vah harh puia amahnachaklo bawk nen kuah chung chuan ka kalpui luia,aduh lo chung chaw ka ei luih tir bawk,aman duhlo mahse a taksain a mamawh miau,min hnial ngam lo chuan tlem chu a eia,chaw eikhamah nurse-in muthilh nain alo chiu leha,zing thleng chuan aharh leh tawhlo





Zingah chuan alo harh hmain tiin coffee laksak turin inhnuai lamah ka chhuka,ka let leh chuan alo tho deuh chiah nge ni alo ham bai baia,nimin ai chuan a hmel pawh hmuh anuam deuh tawh bawk








Coffee chu alamah chuan ka va leka,alo ban chu a sâ a ti deuh nge rang zetin ka kutah alo hmehbel leh nghala,kei ka loin ringlo bawk nen ka kawrah chuan a per deuh ṭeuha ala sa em em lehnghal"Shhhht"ka ti supa,"Ka tihpalh lutuk"inthlahrung takin a ti a





Coffee chu dawhkanah dahin bathroom lam ka pan nghala




END OF FLASHBACK






Bathroom ṭang ka chhuak chiah chu Lawmi chuan ka phone chu alo keng renga"Enge ilo tiha"tiin ka ban nghal vat






Min chhang duh miahlo lehnghala,ka phone chu ka ena,Thunder-in tun lawka alo call na missed call pakhat alo awm a,wassap-ah ka luta,a message 40 chuang alo awma mahse a message hochu nimin ami vek a ni,min ngaihtuah thu alo sawi nasa khawp mai







Ni e,nikhat tawp inbe lovin kan awm a,min ngaihtuah viau ang keipawh ka rilruah a awm char char,a college kal lam ka thlah loh mai bakah a haw lam pawh ka hruai bawk silo









Chutia phone ka en reng lai chuan hmeichhe pakhat hi a rawn luta,Lawmi chu pan nghal vat aṭhiannu ni nge tur a ni,an in biak dan ṭang chuan amah awmpui tutur a ni awm e







"I ṭhiannu alo thleng tawh bawka,ka haw dawn ania,thil enge maw thleng a awm chuan minlo call dawn nia"ka tih chuan Lawmi chuan min chhang lova,a ṭhiannu zawk chuan"Nia i chau viau ang,kan mamawh che chuan kanlo call mai ang che"zang vah hian a ti a,ka bu nghut







Ka kal dawnah chuan,"Lo inti chak ang che,chuan thleng nawn tawh suh se"Lawmi bulah chuan kati supa,min chhan hmain ka chhuak daih








Damdawiin kawt ka thleng chu ka zi mar vel a,nikhat tawp damṭha renga damdawiina hun hman chu ka chauve deuh






Bolero bul ka thlen chuan Thunder-i ka call nghala,vawithum ngawt ka call hnuah pawh ala thei derlo,ngatinge mawni







Darzat ka en chuan Dar10 lai alo ni tawha,ka hrechhuak thut tunah chuan class an kal mek a ni ngei ang ,ka rilrua ti pah mawlh mawlh chuan in lam pan chuan kain khalh chhuaka,Thunder-i chu an college ban hunah kava lam mai aniang chu,ka hmu chak tawh tak zet bawk








A rim nu hnâpte,a nui mawi takte kha nikhat lek ka hmuloa ka ngai tak zet tawh





In ka thlenga,ka pa chu hna alo kal daih tawha,ka nu chuan Lawmi chungchang chu min zawt luama,nakinah ala kanve tur thu sawi bawk






Chaw eilo chuan ka mu ta daiha,reilotê chauh emaw ka mut ka tih laiin dar2pm ngawt alo ri tawha,Thunder-i te an bang ṭep tawh lehnghal,hmanhmawh zetin intifai turin ka thochhuak nghala,ka intih fai zawh hnuah an college lam pan chuan ka inkhalh chhuak leh nghala







Ka thleng chiah chu anlo la banglo a,Motor aṭanga chhuakin kawngkhar ngheng chuan ka dinga,reilotêah anlo chhuak sup sup a,mahse Thunder-i hmel reng reng ka hmulo,a hnu fê ah aṭhiannu Kimi leh mipa pakhat hi anlo inzui chhuaka,anhnungah Thunder-i alo chhuah ve takin tiin kalo thlir renga








Kimi chuan minlo hnu nghal zata,kalo nuih suk ,mahse min nuih let velo thung,nidangah min nuihtlawn nasat ṭhin nen,rang zet hian ka lam alo pana,a kalpui pa lah chuan a hnungah alo um deuh ti tih,ka zawn alo thleng chiah chu"Khawnge i ṭhiannu"tiin ka zawta,"Hmela minlo zui rawh"chang zeta tiin ka kutah chuan min chelh a,ate reuh bawk si,ahmelah athinrim hmelsia enge mawni tak athleng ani ngei ang







Abula lo kalve reng mipa chuan,alo auh pawh chuan chhang loin ka kuta chelh reng chuan a kut avai ringawta,chupa lah chu alungawi hmel teh chiam lo






Hmun reh lai kan thlen hnu chuan ka kut chu a thingthla vaka"Ngatinge tiang hian Chhani chungah itih"a tih chuan ka hrethiam lo hlê "Enge ka tiha"ka tih chuan






"Khatin hrelo der vel suh,tenawm lutuk mai"tiin aphone la chhuakin ka hmaah arawn lek vû a,Lawmi nimina ka tai harhpui lai thlalak alo ni"Engtinnge i neiha"ka tih chuan






"Chutiang apawimawhlo,hre rawh ka ṭhiannu hi nanga infiam kualpui mai mai tur a nilo"chiang fek fawk hian a ti a,"Ka fiamkual ngailo hrim hrim"ka ti ve sak,ka fiamkual nfai renglo







"Hei bak baka fiamkual,zak theilo lutuk hetianga ka ṭhiannu ti na tur hian ilakah engthil sual nge atiha"a ti leh sep,chhan tuma ka ká ka ang zuau chu






Nizana Chhani'n Lawmi nena kan thlalak ahmuha arilru nat ziate,a ṭah nasat lutuk vanga adam loh phah thute,class hial aṭhulh thute,a rilru nat dante chu asawi piap piap a,in thiam loh tak chung chuan ka ngaithlaa






Ka tawp up up mai,"Ka sawifiah thei,engkim ka sawifiah thei"ka tih chuan"Chhani chu anâ tawk tawh tihnat belh tawh suh,amah duh velotu vanga a ṭah leh ka phal tawh lo"a tih chuan Thunder-i hian minlo duhve tho tih ka hre chiah







"I bialnu treat-in i treat a,kha vang khan a duh phah hial che ,duh hmel tho siin i awma,mahse i duhthu i sawi hauhlo,ngatinge Vanlalhuma nen hian tiang hian in awm ve ve le?in in thurual ami a"a tawp lam pheichu a zuihral lo chauh"Beiseina i siamsaka,mahse a beisei angin i awm veleh silo"a ti leh sepa,amittui atling pam tawh




A ṭhiannu chu ahmangaih ve viau ania nge,nizan lama thil thleng zawng zawng ka hriat hnu chuan Thunder-i te inlam chu ka pan nghala,ka rilru a hah takzet,ka insawifiahna angaithla duh angem?minlo la ring duh angem?





Anin ka thlen chuan U Chhani ka hmua,kuva ṭhial chuap chuap pah hian Thunder-i te inlam chu a thlek vung vunga,enge maw a en reng ni







Ka aw ka thian kharha,min hmuh vel leh chuan,minlo pan nghal vat pahin Vanlalsailova hla(Hmelṭha)tih hla kha arawn sa phei deuh rat rata"Ka dawn lungruk minti buaitu ka tawng ngailo nanglo chu,aw hmelṭha aw hmelṭha"minrawn en deuh kher chung chuan alo sa pheia,hmani ang em chuan a ha pawh a sen tawhlo







Ka bul alo thlen chuan"Ka bialpa chu enge ilo tih dawna" alo la tizui,ka melh deuh reng vang chuan alai leh si nge ahmui ahan hup leh rih







"Ka bialnu ka lo hmu dawna"ka tih chuan aphun deuh bul bula"Enteh aw hmelṭha,Chhani vetho ka nia minduh zawk mailo mi a"alo tileht






Tuna ka mood nen chuan a thu rawn sawi hian ka nuih pawh ati zalo,chhang lo chuan Thunder-i te inlam chu ka pan ta daiha,ka hnungah chuan minlo zui ve zel leh nghal,"Enge ilo tihve dawn"ka tih chuan kuva ṭhial chuap chuap chung hian







"Methew khan Nini chu amitah khuaiin azuka adamlo atia ka hmu ve chak a,an in hi tala in ankalh silova,ka kik a,mahse tumsn min rawn chhanglo a,thawm a awm bawk silo nen, nichin khan ka ngaithla renga"thu tak zet chuan a ti a,a mitah khuaiin a zuk atih mawlh chu ka ngaihtuaha alo ṭap nasa viau emaw ni le








Kawngkhar chu ka kika,aloin hawng lawk lo ahnu fê ah Thunder-i ngei chuan alo hawnga ahmel ka hmu chu,keimah vang ani tih ka hria,alo bui chupa ahmui pawh alo ro rap,a biang techu mittui tlak nasat lutuk vanga sen vek ang khan a awm,rilru nat hmel zet hian min en kara






Ka bula ding vereng U Chhani lah chu za zet hian anuia"Awi my name khuaiin azuk tak tak che elaw,ka sawi darh dawn"tiin chak zet chuan atlan nal nal,ka va lehhawi zet chuan apil hman tawh








"Thunder"ka ti sup a,min chhang mailo"Ka sawifiah thei"ka ti leh zat







"Eng dawt nge min hrilh leh dawn"tiin alut daiha,ka umzui vat akutah chuan ka chelha,"Min ring turin ka tilo che mahse ka thusawi hi ngaithla phawtla"ngen ngawl zeta ka tih chuan






"I dawtsawi ngaithla turin chakna ka nei rihlo"zawi sep amitmenga natna langchhuak nen chuan ati a





Room lama chhoh mai atum chu"Thunder,ka duh che"ka ti a,a ding nghal chut,remchangah lain va pan vatin ahnunglam aṭang chuan ka kuah a






"Tunah hian ka rilru tak tak ka sawi,he thil sawi tur hian ka tlai deuh tih chu ka hria,mahse ka thinlung zawng zawngin ka duh takzet che ,minlo la pawm thei angem?"a beng bulah chuan ka ti sep






A ngawi renga,kala kuah bet reng bawk,hmeichhe rilru chu vawikhat alet tawh chuan a inlam let tawh ngai lo an tih kha,a dik em ni ang?Thunder-i hian min inlam let santa tihna em ni






END OF CHAPTER-7




(KA STORY HMASA BER LEH KA ZIAH HMASA BER ANIA,ṬAWNGKAM KA HMAN DIKLOH LAITE,PHONE A KA TYPE AVANG HIAN SPELLING MISTAKE HI CHECK LEH VEK ṬHIN MAH ILA HMUH HMAIH HI LO AWMVE LEH ṬHINA CHHIAR DAN INLO THIAM ṬHIN MAI DAWN NIA AW😇)




(Avan sei tak em🤭ads click leh ṭheuh ila comment leh ṭheuh bawk ang aw,duh aiin comment atlem ṭhina,ka regu reng induh chuan comment lam kha lo regu ve ru🤧💔)




(Next chapter-ah kanin ngaihzawn tir tawh dawn nge dawn lo tihte kha inlo sawi dawnnia aw🙈❤️in vaiin muah fû)






Active reader chuan wassap qrouo join ṭheuh ang u aw👇

https://chat.whatsapp.com/LYt8QZDSJhfIvC7ap2rMQd



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)