CALL GIRL Chap-1

Episode kal lai dah luhna

Moderator: writers

Tomtomputara
Posts: 159
Joined: December 3rd, 2021, 1:17 am

CALL GIRL Chap-1

Unread post by Tomtomputara » December 3rd, 2021, 1:21 am

CALL GIRL
Chapter - 1

By : Tom Tom Putar-a






Min nam ṭhut hnawk pahin a kekawr zipper chu a pawt tawlh thla nghal a. A kawnghren chu phelh pahin min en reng a, a chil a lem khawlh a. Ka thaw dêp dêp a, min rawn nem mut pahin ka mal chungah chuan a rawn fu nghal vûng roh a. A nui vur vur a, a chilthli te a ti tla hial nia...pa upa ve lam tawh, ka pa rual vel tur anih pawh ka ring. A râwp hle tih pawh min hrilh kher ka ngai lo. Helai hmunah hian ka vawikhat tei luhna anih avangin ka tiril a khûr ru der der a. Ka hlau rilru takzet.





A rawn bawk a, ka hnute chu a kut pahnihin duhthawh zetin a ṭhâm nghal tawn tawn a. Min rawn fawp zui leh nghal a. Karei...ka ten lutuk. Room ênglo riai ruai karah pawh pa in enkawl uluk lem lo anih ka ring...kuhva heh ve tak tih pawh ka hre thei nghal... Helai hmun ka zuanluh hma hian min sawm fo ṭhintu, harsatna hrang hrangah pawh ka nu ang hiala ka en leh ka pawhbuai Nu Marami hnenah engkim ka sawi vek a. Helai hmun hi a ta a ni tih pawh ka hre zui thuai a. Ka duh lova, ka hnial fova, min nawrluih erawh a tum ngai bik lo. Mahse, ka harsat apiangin min ṭanpui a inpeih reng a. Pawisa min hmantir a, ka theih ang anga ka rulh ve leh zel avangin a ui ngai hauh lo. Mahse, ka nunah harsatna a thlen belh zel a. Tunah chuan ka tana khirh leh harsa em em khawp Nu Marami pawisa chu ka ba ta... Engmah a sawi ngai lova, min dil ngai hek lo.





Mahse, ni 3 kal ta aṭang khan min dil sek a. Min nawr lui ta sek a, helai hmunah hian lut turin min sawm ngai tawh lova. Mahse, a pawisa ka hmansak chu nidang anga Rs.100, Rs.200, Rs.500 tih vel mai ani lova. A tam tham avangin min dil sek pawh chu ka hrethiam ve tho, a dinhmun aṭang chuan min dil fo chu ka dem hran miah lo. A tawp a tawpah chuan pawisa hmuhna dang ka nei ta silo. A pawisa ka rulh theih nan a hnena ka luh hi a ngai ta!





Inremna engkim kan siamfel thlap a. Min dawrtute hnen aṭanga pawisa ka hmuh aṭangin hmun thum a ṭhena hmun khat ka chang anga, ani in hmun hnih dang a chang thung anga, chumi chu ka ba ah a cut-zel thung ang. Chubakah, kum upa lam ka duh lova. 'Kum naupang lam leh hmelṭha, fresh ving veng an ni tur a ni' ka ti ve tlat...a chhan pawh tunah kum 20 na ka hmang ve ṭan chauh a ni a. Ka pahrawnin min mut luihpui bak kha Sex ka la hmang leh lova. Ka hlau ngawih ngawih bawk. Zanin ami pawh hi kan inremna ah a diklo nghal. Engtinnge chu pa chu ka hnar ang? Engtinnge ka pumpelh ang? Ka tiril hlauhna in min man a, ka khûr dar dar a.





Min fawp nawk nawk a, engtinmah ka chhâng let lova. Min dah ang ang chuan ka awm tawp a. Ani erawh a phûr em em tawh a, ka hnute chu a fawp leh dawk dawk a, a thaw huam huam a. Ka malpui a zut kual pah dun dun bawk a. A chilthli a far uai duah duah bawk a...ka va ten tak.





Ka kekawr kilhna a phelh a, ka kap a rawn zen a, a rawn khawih chu ka phu zawk a, ka tal deuh nghat a. A ni erawhin engahmah a ngai si lo. Min khawih zui leh nghal tho va. Ka mangang takzet...ka duh lo...chutiang anga khawsa tur ka ni lo...ka hlau bawk a, engtinnge ka talchhuah san theih tak ang? Ka rilru ka thlak vek a, Nu Marami pawisa ka hmansak chu a rulh dan kawng dang a awm ka ring thar em em bawk a. Ka rilru ah ṭawngṭai duhna a rawn lang a, mahse a chham dan tur tak ngial pawh ka hre lo. 'Lalpa....min ṭanpui rawh' tih bak sawi tur ka hre miah lo.






Ka kekawr a phelh a, ka underpant a pawtthla zui nghal a. Ka awm tawp a, engtinmah chêt ka thawh lova, ka biangah mittui a luang ngiai ngiai a. Engmah min hmuhsak ve bawk silo. "Mi hur nu....ka duhtawkin ka khawih dawn che" tih pahin a thaw huam huam a. A thaw chu ring tawh tak a ni. Ka awm ngaiin ka la awm reng thung a. Muangchangin a rawn bawk a. Ka lo nam ta....mak tih hmel zetin min en kur a. "Ngawi rawh ka pu....i hmanhmawh mah mah a ni" ka ti sap a. Ka bulah chuan ka nem zangthal nghal a.





Engtinnge ka tih ang? Engtinnge ka hnar ang? Engtinnge a duh loh dan taka ka tih ang? Tlanchhuah san dawn ila...room kawngka inkalh ka hawn chhungin min man hman anga, min mutpui dawn tho in ka hre bawk si...ka man a pe tawh tlat alawm le...





Ka ngaihtuah chhuak ta.... Muangchangin ka zût kual a, a biangah te chuan ka chûl kual a. A âwmah te zût kual sak a, a si hlurh hlurh nia, tenawm hian.... A meng phal lova, a thaw leh hawk ṭhin a. "Hmeichhe naupang te....i va han zei tak"min ti vel thul. Ka va han ten tak...ka haw ngawih ngawih bawk. "Ka duat...hmanhmawh deuh teh..ka nghak rei thei tawh lo ania"tih pahin ka lu ah a rawn man a, ka sam chu a ṭham ta nawk nawk a. "Hmanhmawh suh...nuam thei ang berin ka siam ang che" tih pahin a mal te ka zutkual sak a. A meng phal hlawl lo...a thaw hulh hulh bawk a.






"Ti rawh...a tawk....a tawk tawh. Ka nghak thei tawh lo" tih pahin rawn thawh a tum ta mai. Ni lo...ni lo...ka duh lo. He tar hur-a hi ka chhuahtir ngei angai. "A mak....ngawi rawh...hmanhmawh suh" tih pahin ka nem mu leh nghal a. Thaw huam huam chung chuan a mu ve leh nghal mai bawk a. Ka duh loh ber anga ka khawsak angai dawn tih pawh ka hria.. Mahse, ka dan theih dan tur niin ka hre bawk si.





Ka in siamrem a, a malpui ka zutkual sak leh de de a. A z*** chu khûr ru der der chungin ka vuan ta chat a, a lo beisei dan tur ang ngei chuan ka tihsak zui nghal a. A ke te chu a mar âwt âwt in ka hria.. Chutah muangchangin thaw mang lo chuan ka h**** sak ta... a thaw hawk a. A taksa pum chuan a khûr hlawk hlawk ni maiin ka hre ber. A nuam a tih vanglai takin na tak maiin ka seh ta ngheng mai a. A va han ṭe ring tak em....ka bek a ri zui nghal chawrh a. Ka let phei nghal tawp a. Ka beng chu a na kiu nghal vawng vawng a. Mahse, a na ka ti phal lo...ka nui sak a.






"Nang lei nan hian sum tam tak ka sêng ral asin. Mi tenawm nu...mi hur nu..." anchhe tinreng min lawh nghal bawrh bawrh a. Min rawn pan phei a, a kal ngil ṭha thei lo. A rawn kal kûn deuh dû a. Ka sam ah ṭhamin min pawt tho lawp a, min bêng leh chawrh a. Chhuat ah chuan ka tlu thlawrh a, min chhir zui nghal chawrh chawrh a. A si hlurh hlurh bawk a. "Mi mawl nu...laktlak loh..." tih pahin a in ha ṭha mawlh mawlh a. Che tur ka awm tawh lo...ka nâk a chhir na lai chu ka dawm a, ka mu kawm ngal a. Thei leh thei lovin khuma ka thawmhnaw chu ka pawt thla a, ka inkhuh zui sat sat a. Min kalsan tumin a in siam zui nghal a. Khum bula a Bag-dah chu khai in a kal pah chuan ka lu ah a rawn chhir leh nawk a...ka hai deuh mawp in ka hria. Kawngka inkalh chu a hawng a...a chhuak zui nghal a.






Ka lu a rawn hai muai muai a. Ka thaw deuh hrawih hrawih a. Ka thil tih chuan ka mitthla ram rawn luah in ka uak zui tuarh tuarh a, ka chil ka chhâk ṭhawt ṭhawt a. Hla deuh hleka Nu Marami leh chu pa inhnial deuh bap bap chu ka hre thei viai viai a. Ka beng chu a la kiu vawng vawng reng nia. Theihtawpa ka ṭan hnu chuan Khumah chuan ka ṭhu kai thei hram a, mahse ka nâk na lutuk avang chuan ka ṭhu kûn leh ngawih ngawih a. Ka taksa chu a rawn na chhuak vekin ka hria. Harsa ti takin ka thawmhnaw chu ka ha ṭha zui nghal mawlh mawlh a.





Room chhunga rawn pên luh pahin, "Cindy....Engnge i hriat a? Min ti zak hle mai" min en kur a. Mitmeng thip zeta min melh kur chung chuan, "Thingtlang pa, ka hmelhriat chian anih kha. A hnathawh hlawh rawn la ania...khatiang kha tawn fuh a khât asin" thinrim aw sái hlak hlak chung chuan a ti leh nghal mawlh mawlh a. Ka chala nam sawk pahin, "Rs.50000 kan chân anih kha.." a ti zui hmuk a.




"Rs.50000 maw?" ka ti sap a.



"Aw...aw....aw" vin hlara chhânna bak ka dawng lo. "Engvanga khatianga khawsa nge i nih? I ba chu tunah min pe rawh. Pawisa pakhat pawh neilo, chapo ve khanglang leh nghal a...i zak em?" min ti zui hrep a. "I nu damloh vanga mangang takin nuaih khat ngawt min dil a... Ka khawngaih em che avangin ka pe che a. Engzatnge min rulh tawh? Engzatnge min rulh tawh? Sawi rawh" a ti leh buan buan a. Chutah zet chuan ka thin in a diar ta ngang bik lo. Khum aṭangin ka chhuk a, ka nâk na lutuk avang chuan ka ding khûr deuh hlak hlak a. "Ka hria....ka hria... Cheng sang thum bak ka la pe lo che." ka ti ve ta nghat a. Ka aw ki pawh ka ti sang lui ngat bawk a. "Nang pawh i dik bik lo. Khatiang anga kum upa dawr turin kan insiam rem lo" ka ti zui leh ngheng a.





"Anih tak chu..."tih nghut pahin min ner khum nâwng a. "Chhuak rawh...kan thawkdun thei lo anih chu" tih zawm nghat pahin kawngka inhawng lam chu a kawk vah a. Khum chunga ka bag tê chu la in ka pheikhawk chu ka bun ṭha nghal sat sat a. "Aw le...ka chhuak ang" ka ti ve ngat bawk a. Ka chhuak zui nghal a. Min rawn zui vat pahin room bawlhhlawh zet kawngkhar chu a pawt khar ṭhuai a. Ka phu deuh zawk nghe nghe. "Hre rawh....ni hnih chiah hun ka pe ang che. A kim thlap in min rawn pe ang che." a rawn ti zui bal bal a. "Ka khawngaih che anga, a pung ka siamsak lo hram ang che. Mahse, ni hnih bak erawh hun ka pe thei lovang che" a ti zui leh hmak a. Ka pe thei dawn lo tih chu a hriatchian ang bawkin ka hrechiang ve bawk.





Ka ding chat a, hnunglam hawiin a mit ah tak ka en kal a. "Ka pe ang che....ni hnih ral hma in" ka ti ve deuh ngat a. A lo nui sûng hmel chu ka ten a, ka haw ngawih ngawih. Min tham loh zia chu ka hmu tel chiang hle bawk.





Hmanhmawh takin chu hmun ṭawp leh tenawm tak chu ka chhuahsan zui nghal a. Step chho leh thim rip rep ah chuan ka chho zui nghal a. Ka taksa chu na lo lai a awm pawhin ka hre lo...ka pên zawng chuan ka nâk chu a na hit ngawr ngawr a. Mahse, chulai hmun chu ka tawpna atan ka in phal bik lo. Ka chakna zawng zawng sawmkhawm in ka pên lui chhat chhat a. Zanlai a pel tawh tih takah a reh deuh ruih a. Ka chhak lawka mihring lo ṭhu ṭhap chu fiahlo riai in ka han hmu thei. Ka kal tlang lui ang nge ka lêt mai dawn? Mipa an ni ngei in ka hria a, ka tiril a khûr nghal zawih zawih thei. Mahse, lêt thla mahila khawiahnge ka kal chuan ang? Duhthlan tur ka nei lo, ka kal chho leh chhat chhat a. Ka thâwk a rawn sak deuh ṭalh ṭhin bawk a. Ka nâk chu ka dawm pah reng bawk a, ka lu a hai chiai chiai bawk.





Ganja-rim leh zu rim inpawlh chuan ka luak a tichhuak nghal em em bawk a. An rui hle tih hriat takin an ṭawng a bah deuh nak a, an lo inhnial deuh bap bap bawk a. Muangchangin ka pên chho zel a. Min lo en ṭhap tih pawh ka hria. Ngawi rengin an ṭhutna sira kalna awl zim te chu ka chuh nghal a. Ka kal pel ta...engtinmah min lo ti lo chu ka thaw huai a. Mahse, pakhat chuan rui ṭawng bah nakin, "KS anih kha..." a tih zauh chu ka hria a. Ka sa deuh phat a, din a zuk chhân deuh hrep chu ka duh viau a. Mahse, ngawih hun ani tih ka tun dinhmunah chuan ka hrechiang viau. Engmah a ṭhiante chuan an sawi zui chu ka hre fuh mumal thei lova. An nui huk huk a, "Ka duh teuh lo..a hlauhawm tawh ang" tih ri erawh ka bengah a chiang em em thung a. A ri nawn tluk tluk hial a. Ka mittui a rawn luang ngiai ngiai a. "I ni lo...KS i ni lo...i bawlhhlawh lo" keimah leh keimah chu ka inhrilh mawlh mawlh a.





Kawngpui ka chhuak chho a, ka thaw huai thei hial. Motor an tlan pheuh pheuh chauh tawh a. Taxi rawn tlan pawh ka hmu ve reng. Mahse, pawisa ka nei lo. Rs 100 chu ka bag- chhungah khâwr takin kil khatah a tawm ve rân tih erawh ka hai lo. Mahse, ka haw na tur hlat zawng ka hria a. Ka pawisa neihin a daih lo tih ka hrechiang takzet.





Muangchangin kawngsir ah chuan ka kal chhat chhat a. Ka bul lawka Car rawn tlanmuang dat chu ka mitsir in ka hmu nghal vat a. Mahse, en pawh ka en lo...ka kal ngai chuan ka kal zui zel a. Ka sir lawkah chuan muangchangin a tawlh ve zel a. "I hman em?" min rawn titu chu ka melh zauh a. Ka lu ka thin khum na na a. Engmah dang sawi lo chuan min tlansan zui leh nghal a. Ka thaw deuh huai nghe nghe.





Ka hma lawka kawngsira Car lo ding lam chu ka pan phei zel a. Ka ding chat a, Car side glass chu ka kuai riai riai a. A bul lawka Dawr pawnlam light êng ring chuan ka inbih ta... Karei...ka biang leh ka mit dinglam bul chu a lo duk kual ruih a, ka hnar ngul lai tak chu a khem tet bawk a..a lo la thi ser ser a, a hmaa ka thlan amaw ka tih kha a lo ni miahlo tih hriat takin ka kut ka lek kâng a, ka hmu chiang chiah chu thi a lo kai sen nuau mai a. Ka phu deuh zawk nghe nghe. Mahse, intihfaina ka nei silo. Ner deuh nâng nâng chuan ka kalsawn zui leh nghal a.





Engtinnge ka tih ang? Khawiah nge ka kal ang? Kan In ah haw ta ila zanrei a ni tawh a, ka pahrawn chuan eng angin nge min lo tih ang? Vuak ka tuar nasa dawn tih pawh ka hrereng. Ka beisei loh deuhin ka nu nau neihchhun, ka putea a rawn lang nghal zawk a. Ka putea te In chu pan ve ta tawp mai ila min lo pawm duh angem? Ka nu damloh chhung zawng pawhin vawikhat chiah a rawn lang a, pawisa phei chu kan ban thei ngailo hrim hrim kha ania. Tun a taka min hmangaih a, min lainat ngawt nachhan tur ka hre bawk silo. Mahse, engtinnge ka awm dawn? Khawlaiah ka riak ngawt dawn em ni?






Ka putea te In pan phawt mai ila, ka pahrawn min sawisakna angin sawi ila, min khawngaih mahna! Muangchangin ka putea te In lam pan chuan ka kal leh ta zel a. Intlawhpawh lo tak kan nih avangin ka têt deuh laia ka nu in min luhpui zawk bak kha ka hriatchian theih hnu ah ka la kal silo. Ka la hre thei turah chuan ka ngai ngawt bawk a. Anmahni In ve ngei anih avangin an awmna an sawn erawh ka ring lova, ka mitthla lâwk anga thil a kal anih chuan ka hmuh mai chu ka ring viau bawk.





Ka ding a, ka hawi vang vang a. Ka mitthla ah chuan Concrete Building lian pui bulah chhuk thlakna a awm a, chumi step sir lehlam chiahah chuan Assam type, In chhawng lian vaklo a ding a, step chhuk ṭanna sirah chuan Barrel sen a awm...ka mitthla ah a lang uarh uarh a. Mahse, chulai hmun ni ngeia ka hriatah chuan In lian pui pui a lo ding khup mai si. Muangchangin ka pan chhet chhet a, Ui bauh ṭhawt ṭhawt avang chuan ka ding dat a, ka hawi chho chu Ui lian zet hian In chung zâwl aṭang chuan min lo chhuk en ngur a, min la tihṭhaih zawm reng bawk a. A neitupa aw a hriat hnu chuan min en rûn chungin min la ngur khum chhur chhur a. Muangchangin ka kalsan hret hret a.





Step chhuk chu ka en vang vang a. A ni ngei chuan ka hre si. Ka chhuk thla ta nge nge a. Ding lamah kawng tereuh te a awm kha maw...ti rilru chung chuan ka panthla zel a. A lo la awm ngei zel e. Mahse, Cement chhûn mam vek a lo ni tawh thung a. Ka kal phei chhat chhat a, In pali na ah chuan ka naupan lai mitthla luahtu In ngei chu a lo ding ve reng. Mahse, khang hunlai ang erawh a ni tawh lo. A ruangâm chu la dik vek mah se alo inthlak danglam ve hret tih chu ka hmuhmaih lo thung. Ka pan phei zel a, chu In zawnah chuan ka ding ta rân a.





'VANLALLIANA' tih chu ka putea ngei kha a ni. 'MALIAN' tiin an ko ṭhin. Ka nu erawh kha chuan 'Bawiha' tiin a ko ṭhin thung tih te chu keimah leh keimah ka inhrilh nawn mawlh mawlh a.





Thir Gate-tê chu ka hawng a, ka lût phei zui nghal a. Tîm dai chungin kawngka chu ka kik karh karh a. Ka nghah leh deuh vang vang hnu chuan pindan chhungril lam aṭanga ke pen thawm ri tlat tlat ka hre ta...ngawi rengin ka ngaithla rân a. "Tunge? Engnge ni?" rawn titu aw chu ka hai lo nasa mai. Ka ṭah a chhuak ta tlat pek a, ka in pet fan fan a. "Tunge?" a rawn tih nawn lai tak chuan, "Pute...keimah Cindy Zonunsangi" ka ti thei hrâm a. Kawngka chu a rawn inhawng ri rak rak a. Ka putea ngei mai nen chuan kan in en ta rân mai a. Kekawrte nen chauh a ding rân mai a, a hmelah chuan zawhna tam tak ka hmu thei. "Pute...." tih pahin ka kuah thlawp a. Ka insût hlawp hlawp a. Midang tih harh hlau zetin ka inhru leh mawlh mawlh a. Putea lah chuan a ngaihna hrelo zetin min lo kuah ve ringawt bawk a.





"Khawinge.... lut ila i ṭhu phawt teh. Engnge thil awmzia?" a tih lai mek chuan pindan aṭang chuan putea nupui chu mitmeng phelh phung hian a rawn chhuak ve luai luai a, ka lo melh zawk tih loh chu chhuat chu ka bih zui ngar a. Putea chu engmah dang sawi lo chuan room lamah chuan a lut zui nghal a. A thawmhnaw hâk ṭhat mawlh mawlh pahin a rawn chhuak leh a. Sitting room thim deuh ruih chu a rawn ti eng zui nghal a. A nupui Pitei erawh chuan tûm deuh bûr chungin min lo la en reng tih chu ka hrechiang hle bawk, ka han melh zawk alawm.





"Bawihi....hei hi ka u Tlanmawii fanu anih hi... Cindy-i" tih pahin ka hma zawn chiah a ṭhutna ah chuan a mawng a hûng nghal a. A bul chiah a ṭhut pahin Putea nupui Pi Zopari chuan, "Engnge thil awmzia? Tun ang hunah?"tih pahin Sana chu a melh zauh a. A ṭawng ki ah chuan min lo lâwm em em lo tih pawh ka hrethiam nghal vek bawk a. Kûn reng chung chuan ka han melh chho ve zauh a. Zing Dar 2:45 chiah chiah a ni. Putea bawk chuan khuh deuh kharh pah chuan, "Engnge thil awmzia? Kha....i kut te kha thisen em ni?" a tih lai chuan ka hawichhuak ve ta a. Current êng ah ka hmel a hmuchiang chu a phu deuh dâwrhin ka hria. "Engatinge i hmai te chu?"a rawn ti zui nghal vat rêng a. Rang takin min rawn ṭhutchilh nghal vat bawk a, ka thla a muang huai huai in ka hria.





"Ka pa nen kan inhnial buai deuh a..."ka ti ringawt a. A reh hian a reh zui tlawk tlawk a. Banga Sana intâr kal ri tlek tlek pawh a chiang hle. "Min hnawtchhuak a...."ka ngawi zui leh vang vang a. An ni pahnih lah engmah sawi lovin an ngawi reng bawk si. "Hmun dang kalna tur ka hre ngang lo a ni"ka ti chuai raih a.





Thâwk deuh hawk pahin ka Putea chuan, "Ummmm....engpawh nise naktukah kan la sawi zawm dawn nia.."a rawn ti sup a. Kei pawh ka thaw huai mai. "Chaw te i ei tawh em?"a rawn ti zui leh a. Tlem chu ka ei ve ngei kha...ka bu deuh nghat a. "Anih chuan va in tifai phawt mai teh"a ti leh nghal a. Amah bawk chuan min kawhhmuh nghal zung zung a. Ka pitei ve erawh chuan engmah a sawi lova, ṭhu chungin min lo en reng thung.





Ka pahrawn min hnawhchhuah ka nih miau loh avangin engmah ka nei lova. Bath room-a towel hlui lam tawh inkhai chuan ka inhru hul ta thuai thuai a. Ka chhuak leh chu min lo en dun reng ringawt a. "Mami khumah hian mu hrih mai rawh" rawn tihzui pahin min kawhhmuh zui leh nghal a. "Naktuk lamah kan sawi ṭha leh dawn nia....mu phawt ang u" a rawn tihzawm takah chuan kei pawhin room min kawhhmuh lam chu panin ka lut zui nghal a.





Mutna khum inthlep fel thlap chu ka pan nghal a. Khum ah ṭhu in ka hawikual vel a, engkim chu a in rem fel thlap vek a. 'Ka room ni tak tak se...' tih bak ka ngaihtuahna ah a awm lo. Khum ah chuan ka mu thlawp a, ka taksa in hahdam a mamawh zia chu ka hrechiang hle bawk.





A tuk lama ka chhan dan tur te ngaihtuah chuan ka mu meng kar a. Ka putea te nupa zawi sapa an inhnial deuh bap bap chu ka hre thei a. Ni e, an inhnial dawn chiang alawm. A nupui khan min lawm vak lo tih a hmelah khan a langchiang em mai. Ka hun tawn hrang hrang ka ngaihtuah kual neuh neuh a..ka nu ka ngai ngawih ngawih a. Ka mittui chu dan rual lohin a luang zawih zawih bawk a, ka ṭap ri an hriat ka hlauh avangin ka puan sin chuan ka inhup ṭang ṭang a. Mahse, chhuak em em a ṭap ka ni bawk a. A lo ri leh hrûih ṭhin. Ka nu nena kan hun hmandan te suangtuah lêt neuh neuh chung chuan ka hriat loh karin ka lo muhil ve ta nge nge a.



(to be continue..........)



(A hnuaia milem khu min lo click sak ve hram ta che...min lo chhiarsak ve avanga lawmthu sawina ni zawk daih teh se...)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)