HLIAMTU MAH NI SE - 3 by Pek Hirha-i

Episode kal lai dah luhna

Moderator: writers

Pek Hirha-i
Posts: 69
Joined: November 23rd, 2021, 3:13 pm

HLIAMTU MAH NI SE - 3 by Pek Hirha-i

Unread post by Pek Hirha-i » January 14th, 2022, 10:51 pm

HLIAMTU MAH NI SE...
by Pek Hirha-i




Chapter - 3





Start🌹








(Ka story ziah ve te hi keima ir awm chhuak vek an ni a. Ka la naupan em avangin lo beisei sang vak lo ula, ka ṭawngkam hman dan, ka thil sawidan te pawh a naupang chhia inti maithei a, ka la naupang tlat a, mahse ka story ve te hi keima ir awm chhuak, ka ngaihtuah chhuah te vek an ni ve a nia aw. 🤧🌹)






Ka let leh chuan Zolanu chu thla ka laksak a, ka nuih char char. Ani chu thingkung ni ta se, naupang te chu a buk ang vel an ni ang. Chutiang khawp chuan an bawr nasa maw. Parbawr te pawh a ang lek lek. Ka va thawn ta a. "Eheu! Kan Zolanu chu i va buai ve, puih te i ngai em?" ka va ti a. Min rawn melh rum raps. "Ngai lo ngai lo" a ti hluk. Ka nui chhuak hawk hawk.



An haw deuh hnu ah a phone a en a. " Huizz mihring fanu hi ava chhangchiat theih ve" a ti a. " Mihring fanu i nih lohin Zâwng fanu a mi i nih dawn? " ka lo ti a. Ka nui miah lo a, hmel pangai deuhin ka en a. Min melh hlum a tum ta mai emaw tihtur khawpin min melh. " Nghal viau suh" a ti hluk a. " Ka nghal hleinem" " I ninawm ka chhang peih tawh lo che, mi hnial khan i hre si" a ti a.


"Ka hnial lo che, ka chhang che lawm"

"Vanlalpek"


" Ka hming hi nalh inti hlawm sia, ka nu leh pa te hi chuan an phuah fu ve ngawt mai" min en tlawk tlawk ringawt.



" Dakler i nih kha dakler"


" Bawrhsai a be kan hmeh a"

" Mi rapthlak nu"

" Ka rapthlak chuan nang chu Luciferi" min chhan ngaihna a hre tawh lo.


Ka nu hnathawk hian hnathawk pakhat nurse ka tihna😅 U Priscilla-i clinic a hawn tirh aṭang a thawk tawh a. Nula senior tih theih lam a ni ve tawh. A fel em em a, ka nu pawh hian a ring tawk bawk a. Chuvang in chhun thil eiturin kan chhuak dawn. 😆ka thusawi khian awmzia nei lo reng reng. Eng a pawh chu ni se thil ei phawt ang u.





"Ka ei chhuak peih lo ee,, chah mai ang u" tiin ka nu leh Thlannahawmi chu ka melh a, "pawi intih loh chuan ka duh zawk" ka nu paw'n a lo ti ve mai. Zolanu pawh chuan "nia pawi lo, mi zingah chuan duh anga puar pawn kan ei ngam lo tlat" a ti a. Ka inrin hma in ka nui chhuak hak. A sawi dik thei sia maw. Amah la hian a la thutak duh miah bawk si lo.


"Ok nih chuan Chhanchhan, lo chah mai la tiraw" a ti a. U Priscilla-i pawh a lo bu nghat.


Ṭhutna turah chuan kan ṭhu ṭhap a. Vawiin zinga kan thil tawn vel chu ka hrilh mawlh mawlh a. "Ni e, hetiang hi puih an ngai reng asin. Nurse inzir khan damlo rawn pantu te chauh chhanchhuak tura zir in ni lo a. Puih ngaite pui tur zawka zir in ni a. Khangte inpuih khan ṭanpui ngai inpui chu a ni mai. Mi pui tur te hian va kal kuala, va zawn vak vak a ngai hran lo a. Kan bul hnaiah hian puih ngai an awm reng ania" a ti a. Kan lo bu dun nghat nghat.



" Chuan engmaw inrawn kal chhan tak chu?" tiin kan pahnih chuan min en a. Kan inmelh zawk. "Ih, i bulah thawh ve kan duh a" Thlantei chuan a ti tawl mai. (Lalthlanawmi hming lem ngah dan hi 😆. Thlannahawmi, Zolanu, Awmtei, Thlantei, awi ka sawi peih tawh lo e a.) Ka nu a nui hak hak a. "Ka bula thawh induh vang ngawtin in lo kal amaw" a ti a, a nui hak hak reng bawk.

" Umm hnathawk tur ka mamawh lai tak a ni bawk a, a lawmawm lamah ngai mai ang, in U Priscilla-i bulah hian in awm ve dawn nia" a ti a. A sawi zawh rual deuh thaw in eitur a rawn thleng a. U Priscilla-i chuan rawn keng pheiin " Vawiin chu an rawn dah tlai khawp mak. An siam zawh hlim a ni ngei ang, ala lum vat vat mai" a rawn ti nghal lang lang a. Nula senior ho bula awm hi chu a heti tlat zel. A nuam tlat.

Thil chu kan ei a, U Priscilla-i pawh chu a fel khawp mai, a nelawmin a ṭawng duh bawk sia. Kan inkawp fuh hlawm ngawt ang. Ka nu paw'n "Nangni 3 in inkawp ngat chuan in harh hlawm ngawt ang, in bengchheng awm sia, tumah pawh an lo kal duh lo mai nga" a ti a.
"Awi! tunlaiah te chuan cool deuh bula awm chu khua an ti lum, thawveng deuh bula awm hi a nuam fee zawk" Zolanu chuan a lo ti vak a. Ka nui dar dar.



Thil kan eizawh chuan kan haw nghal a. Awmtei chu an in thleng ka zu thlah a, an lo awm nuai nuai mai. Chhungkaw chaw eikhawm an nei dawn tak e. Keini pawh ka neih dawn tak kha. Ka lo theihnghilh leh pek. Buaithlak ṭhin mang e.


Kan in ka thlen chuan kawngka ka hawng a, ka lut nghal. Ka inthlak sawk sawk a. Ka inthlak zawh hnu lawkah ka putea fanu Duhsangi leh a bialpa Davida te an rawn thleng ve nghal a. "D Couple chu in rawn thleng fuh hle mai, thil min tihpui nghal teu aw" ka ti a. Duhsangi a ṭeu teh ee! " I ninawm khatin mi ko ziah suh, ani hi ka bialpa a ni tei vet lo" a ti hlak hlak a.


" Hmm..i thup duh nih kha a. Ni tei vet rawh se"

" I chhe mai nih chu a,i bialpa hmelchhiat chhiat nen" a ti a.

" Tu nge ka bialpa" nui chungin ka lo ti ve a.

" VLMS Sanga kha i bialpa khan nupui te ruk tak vel mai mai kha" a sawi zawh hma in Davidan a hmui a rawn hup sak a. Kei erawh ka ngawi ngal thung. Davida chuan min rawn melh zawk a, ka khi sak.


" A hmelchhe emai,ani ang duh ila chaw ei ka ngai tawh nang" ka ti a, ka nui uar uar bawk. A nia lawm,ka theng thawngah a thawk tawh lo. Min ti na tih chu ka zep lo, mahse ka dam vek tawh.


"lo kal teu, sa hi rawn chan teu" ka ti a. Choka lam ka pan nghal bawk. Anni pawh an lo kal ve vat bawk. "David sa hi lo chan la maw, chuan Sang a ṭul dang chu lo ti ve mai rawh aw" ka ti a. An buk nghat hnu chuan ka room lamah ka chho leh. Ka nu chu ka bia a.

" Nu, tu tu ten maw chaw chu lo ei dawn? " ka ti a.

" I pa Hriata te chhung an nia nga, chuan i pa Lala te, i Pa Puia te chhungkua an ni bawk nga. I nu Ruati te chhung, i nu Siami te chhung nen an nih chu" a rawn ti a. " An va tam dawn ve" ka lo ti sap. " Nia, Christmas velah i lo haw duh ngai bawk si lo a, an ngai ve che lawm" a lo ti mai a. Ka nui hak.




Kan inbiakna kan tih tawp hnu ah inhnuai ah ka chhuk thla a, Duhsangi leh Davida chu an lo inhnial nasa mai. Anni hi chu ui leh kêl thlun pawlh ang an ni. An hahthlak lutuk, in ngaihzawn te chu a hnai lo hi nitawp. An lam pan ka tum lai tak chuan pawnah an rawn ri nak nak a. Ka va dak chhuak chu leh! Ka chhungte chaw rawn ei tur ho chu a trip trip-in an lo kal a, naupang nawi te te an tam bawk a. An rawn bengchheng ngang mai. Eliza ka hmuh chuan ka pan vat. Ka pawm nghal a, ani pawn min lo duh ve nghal. Amak reuh mang e, min duh ka ring miah lo sin. Eliza hi Nu Ruati fapa a ni a, a fing reuh tawp a. Nurse ka training hnu a piang chauh a nih hi. A fing reuh lutuk a, nute Ruati min hrilh danin duh loh pawh a hre lutuk a ti a. Chuvang a nia min duh ka rin loh, min la hmu ngai si lo a.



Eliza chu ka pawm a, midangin an pawm dawn pawn a duh tlat lo reuh a, cute reuh lutuk. Midang chu eirawngbawl leh thil dang tiin an buai nak nak a, ka u te pawh an lo thleng a, inthlak in an tihpui ve nghal char char. Lawmkimi pute Lala fanu chu a lo kal a. "Uii O Doro in cute dun tawp thla ka lo lak ang cheu" a ti a. A la nghal mawlh mawlh, inrinna hman pawh awm lo. Lawmkimi hi kum 18 a ni a, tunah class XII a zir ve mek a ni.


"Bialpa te i nei em?" ka ti a. "Nei lo nei lo,ka nei peih teuh lo" a lo ti maithung. " I ṭhiante'n an nei vek awmsia, a hreawm te i ti lo mi" nui chungin ka ti a. Eliza chu a muhil thung a. Ka ban a mu vek tawh. " Awi! ka ṭhiante nei ka hmuh vang hian lawm ka neih peih lo, note an nei kim ngai reng reng lo" a ti a. A nui hak hak bawk. " Ava ho e aw" ka lo ti a. Keipawh ka nui ve tho.


Chaw ei an peih tak vangin keini pawh eiturin kan tho a, Eliza chu Nu Ruati bulah ka dah a, " awi! i ti muhil thei law?! ka van lawm tak, vawiin nilengin ala muhil lo hrim hrim a" a ti a. Thla 9 a ni ve tawh a, ani pawh a birthday kan lawm ṭep tawh e.


Chaw kan ei khamah kan ṭhu khawm leh a, "keimah ber in rawn kal chhan ni mah ila inkhawm ka duh deuh sia, ka inkhawm san mai dawn cheu sin" ka ti a. " ee va inkhawm rawh, i duh phawt te chuan a ṭha lutuk alawm" an lo ti ve sap sap hlawm a. " U, ka lo inkhawm ve dawn, thawmhnaw pawh ka rawn keng vek tawh" Hlutei Nu Ruati fanu chuan a rawn ti a.


"Cial thei ve, ok insiam ila" ka ti a, ani pawh in a nu bag bula bag chu a la nalh.


Hlutei hi Nu Ruati fanu upa ber a ni a, kum 14 chiah a la ni. Mahse fanu upa ber na na na chu a puitling.


Kan insiam zawhah chuan biak in lam kan pan nghal a. Biak in kan thlen pawh chuan an lo zai ṭha tawh khawp mai. Tan a hun dawn tawh hrim hrim a. A hnung ber tlar ah chuan kan ṭhu ta a. Thusawitu thusawi pawh a ṭha. Bakah kan thusawi tu kha ṭawng mawi lo ni lo se, tleirawl sual nei ve. Drugs addict mi ten an hawisan tawh. A nun ram hi a beidawng ve ngawih ngawih a ni. Mahse a ṭhianpa thihna hmanga Pathian hmu leh a ni a. A thusawi hian thinlung a tawk bik ṭhin. Zanin a a thusawi pawh, addict a nih lai vela ṭanpui tu leh hmangaihtu. En hrang lo a, hmangaih taka kuangkuahtu a ngaih ṭhin zia te. Keini pawh chutiang ni thei tura min fuihna thu vel a sawi a. Thinlung a dek leh kher mai. A thusawi pakhat ka thinlung dek em em tu chu. "In la Kristian tamtak mahse hetiang addict te hnaih peih miah lo hi ka hmu tam hman lutuk, nu leh pa te pawn an fate pasal atan min duh lo, duh tlak kan ni lo. Mahse kha kha mihring rilru a ni. Pathian a awm ve tawh chuan addict te misual kan tih tamtak te hian hmangaihtu an mamawhzia an hmuhthian sak ṭhin" a tih chuan keimahah hian nghawng a nei nasa a. Ka thinlung a tawk em em a ni. A chhan pawh ka hre bik lo. Ka inkhawm ban hnu chuan pawnah kan ding deuh vang vang a.



Chutih lai chuan Nu Ahmai chu a lo kal a. "Awi! Pekte i lo haw tawh law! ka van lawm tak, i lo haw hun hi ka nghak char char a, kan nghakchhuak ve ta lawm" a ti a. Step lamah chuan a chho zui a. Ka en zui vung vung. Engvangin nge ka haw hun chu a lo nghah hlelh em em?





Cont...


Ka edit miah lo👀🤭



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)