REWRITE THE STAR (BYG S-2) - 26 By Bearr Chhakchhuak (Dreamer)

Episode kal lai dah luhna

Moderator: writers

Bearr
Posts: 421
Joined: July 5th, 2019, 4:57 pm

REWRITE THE STAR (BYG S-2) - 26 By Bearr Chhakchhuak (Dreamer)

Unread post by Bearr » January 20th, 2022, 11:47 pm

⭐CHAPTER-26



"Ka.. engtin nge chutiang chung chuan... "




"Hetah hian enge i tih a? " Johan-a a lo kir leh! Pi Zoi chu a thawng lutuk nge a ngawi tawp a keipawh in tun lawk a kan thil in hrilh te kha a rawn hriat hman hlau in ka tang ru nghal teuh






"Aaahhh, ih min lo tlawh a" Pangngai thei tur ber chuan ka ti ve a,Johan-a hmel ka hmuh tak ah chuan ka lung chhe thar em em a kan thil lo tawn tawh a in an ti tih vang hian a natural tur zia te a zah dan tur te ka ngaihtuah thiam vek a chu chuan atan ka lung a ti chhia ani






"Tlawh maw? A va mak ve bak ah Puia tinge I chhuahsan a? " tiin Pi Zoi zawk chu a en a, ani pawh hetah a lo let leh a a nau te awm na pawh a va thleng hman dawn ami? a damdawi tur kha a lak sak ani si a pe lo a helai la awm thu a awm lo mahse, rei pawh rial lo in hetah a lo let a va thlen na hman kha awm in ka hrelo







"Nula ka nei a lawm,rawn haw hma i tum em? " Pi Zoi zawh na chu nuihzat tur a awm loh tehlul nen huat thla la zet hian a nuih liam a chhan pawh a chhang lo "Arin ka haw San ang che, I nu kha min lo hrilh sak mai dawn nia ka haw tih" Ka bura nghat a a ni a kal zui nghal






"Ka pa'n a rawn tir ami a?" Pi Zoi en zui vawng vawng pah hian ati a a kekawr ip te a zen tat bawk, ka chhan lawk loh vangin mit ko lehlam san uk chuan ka lam a rawn hawi leh zui a "I mittui a va tling nasa ve a I tap dawn a law? Enge a rawn sawi a min hrilh teh..? " Chang fak hian ati a a hmel ah chuan tap tur ang a min ngaih vang a mangan na ka hmu thei







"Min hrilh duh loh chuan ka zui anga ka zawt mai ang.. Ka nu pawh nilo england in nge ka mimal thil ah alo in rawlh ve! " tih leh in her a rual a chak deuhin a lam ah ka tlan ve nghal, a ban ah chuan ka vuan bet a kal lo tur a tiin lu ka thing vak vak "min chhang duh silo a enge awmzia? Ka zaidam lutuk lo ania chhan na tha deuh min pe nghak thin teh!! " a to vawt raih







"Engmah anilo, kan pahnih a kan la in kawp leh kawp loh min zawt a chuan aw tiin ka lo chhang a, a lawm zia min hrilh, tak tak i pa ang lo in Pi Zoi chuan kan pahnih inkawp hi a duh, a hma pawh in then lo tur che hian min ti tawh asin, Johan.. ih Pi Zoi hian nu in a fa a hmangaih ang tak hian a hmangaih che ni in ka hria " tih chuan awih loh hmel lutuk hian a nui hawk







"Min hmangaih a maw? ani khan min hmangaih ang maw a teuhlo min hmangaih ni se Nu ang takin ka lam a tang ang, mahse chutiang chu ati ngailo ka tet lai atangin kan in ah a rawn lut tawh vawikhat te pawh ka tan hian a ding ngailo...." thinrim ha seh chilh zet hian ati hlawk hlawk






"He khawvel a mi nung damlai zing a min hmangaih tu awmchhun chu nang leh ka unau te chauh, a bak chuan a der te in min hmangaih a thenkhat in min haw ngawih ngawih bawk....a na asin! chhungte tam tak nei chung a hmangaih tu mumal neih miahloh te hi...thenkhat in ka nun min tih chhiat...."






"Aw a tawk engmah sawi tawh suh, i sawi belh chuan i na zel dawn ania engmah sawi tawh suh Johan a tawk tawh, taang tawh suh...." La sawi belh zel a tum chu ka vin vak vak ringawt, a rilru nay lai a engkim a sawichhuah ngawt chuan nakin ah a in chhir dawn, chu chu thleng lo sela ka duh






"Engtik lai pawhin ka nâ a lawm, ka naupan lai atangin nâ ka tuar tawh mahse, engtik ah mah heng nâ te hian mihring tuarchhel tak ah min chhuah thei ngai dawn lo anihi hi.. !!" a kun tlat na in a nui chhuak hawk thung, a nuih zat vang ani hauhlo a rilru nat em vang zawk ani






"Ka lo kuah ang che aw...i zia awm phah takin.. " Ka tih chuan aw tih nan a lu a ti che zauh zauh a,a hahdam ve theih nan tiin ka kuah ta a a thaw zui nghal hawk, a hnung ah chuan ka chul sak loh leh a ka beng thek thek a a khat tawk hian a thaw leh hawk thin






"Nichin kha, ka tihpalh Reubena ka ngaihtuah lutuk tawh a chuvang ania ka vin che... Ka tihpalh " a ti a engmah a pawi loh thu in ka lo chhang ve nghal " I nu in min thlir reng a kawngkhar a khar leh chiah " a ti a, ka che hrut chu a mah zawk in min kuah bet ve nghal






"Ka thlah dawn lo che, min tih der em tih ma en dawn mawle" fiamthu takin ka tih chuan a nui chhuak hawk, a hahdam ta aniang a awm sawn a ka mit ah tak chuan min en vang vang a "lo riah min dil miah suh ka phal dawn lo nasa ania" Fiamthu bawk chuan ka ti leh, hetia ka tih loh chuan kan boruak a rit lutuk a a hreawm






"Ka sim hmak tawh khum hnuai a luh te a ngai leh anga.. " a ti ve a,a lang chuan nui mahila a thil lo tawn ve tawh te ka hriat reng tawh avangin ka chhung ril ah chuan ka nui theilo, ka tah hi a chhuak et et zawk






"Ilo lut dawn nge i haw leh mai dawn? " Ka tih chuan in ngaihtuah neuh neuh hmel hi a puri nghal zat a






"Reubena'n min mamawh ka ring ve deuh a kei misual riang vai hi... " atih chuan ka nui hak, mi chak tak ni in ka hria keichuan a thil lo tawn tawh te ngaihtuah phei chuan..kan thil tawn tawh in in an na lai a nei zut a ani erawh mi tuarchhel tak ani keichuan a tih ang hi ka thei ve lo, ka hun kal tawh duhawm lo tak vang a ka nat chuan ka tap a ani chu in tih thawven luih a la tum tang tang zawk







"Nia nang misual riangvai Angel hi an mamawh mai thei che ani, kal rawh chuan i rui duh anih pawhin i room ah rui rawh aw achhan chu vawiin khan i hreawm ru tih ka hria a, i taksa in a tawrh loh nan ilo rui leh anih pawhin tlem te ti la chupawh i room ah nise, pawn lam ab chuan engpawh hawk thei ve tho i nia ka ngaihtuah che ania... " nui chungin a bu nghat a kal a tum chuan a kut ah ka chelh tha leh






"I bul ah ka awm reng ania, eng thil pawh in ti na che sela ka thiam leh theih ang tawk in ka tih dam sak zel ang che... " a hmel ah chuan hriatthiam loh na a lang a mahse a bu nghat tho, a nau te awm na lam pan in a chhuak a keipawh ka lut ve nghal






"Johan-a hi i duh viau tawh a ni maw?" Room a ka lut tur chiah chu a lo ti a, ka ding dat a ka nu lam hawi pah chuan ka bu nghat "a tha a lawm, i siamthat theih phei chuan a lawm awm ngawt ang, anu pawh kha a beidawn hmel em mai" a ti dam dap a, ka pa'n min pawm sak lo mahsela ka nu tal ka lam ah a tang a tlem chuan ka hahdam deuh, engtik ah emaw chuan ka pa pawh hian a la pawm ngei ka ring





"Nimin atangin min be duh lo a, love line ah ka buai ve tih ka rawn sawi mawlh mawlh kha Johan-a nen in in hau ami? " college kan thleng chiah Kimi chuan lut mai lo in min pawt ding a






"Hau lo e, ka mood off thut ania engtin nge Moses-a chu i tih tak a? " ka ti a,ner nang chungin a la chhan loh thu min hrilh a "i duhlo ami? Tetea bul ah pawh khan ka lo sawi tawh hrim hrim a a hma vel in a mah duh na ang i nei ngai awm pawh in ka hre silo a" Ka tih chuan rilru hah hmel deuhin a thaw chhuak hawk a







"A mak lutuk, min duh tih a sawi khan engtin emaw ka awm anihchu maw ka zak bawk sia ka sa chhuak vek anihchu, chuan i in peih hun hun ah chhan na min pe mai dawn ania atia, ka zak tih kha a hria aniang ka ti tawp, mahse enteh ka rilru hi ka hrethiam lo!! " a mangan hmel tak tak khawp mai






"I duh vak lo ami? Hrilh tlang tawp mai rawh" Ka tih chuan hahthlak min tih hmel deuh hian min en a "i duh leh si ami? Nangmah i in hriatthiam loh chuan tih theih ka nei tlem e" Ka ti hap, ani reng bawk a a rilru pangngai tak a sawi chhuah theih a nei silo a ka tan thu han rawn ve ngaih na pawh a awm lo







"Ka duh em ka hrelo a lawm, mahse min duh tih a sawi kha in a ka ngaihtuah ngat ngat hian min ti hlim riau bawk sia, a hma zawng in thian ang in ka en khan ka in hria a min duh thu a sawi hnu ah ka danglam ve chauh a, ka hrethiam lo.. " Ati a tih ngaih na tak pawh ka hre bik lo viau ani






"Kal phawt ang, engpawh nise i rilru a la buai hmel sia a mah i duh leh duhloh ah chiang phawt la chhan na i pe chauh mai dawn nia, a zawh thin che chuan in ngaihtuah ka ngai lutuk hun tam deuh ka mamawh ti mai rawh" tiin ka kal pui a nidang ang tho in Moses-a leh Tetea chu an lo awm leh ran tawh a,Kimi chuan va pawh mai a duh ta miah lo class lam ah min kal pui nghal tawng tawng






"A mak ngawt mai mipa hi hmeichhia an bem hnu pawh hian an zak ve vak ngailo a mawn le? Moses-a kha engtin vak a awm pawh ka hrelo a rawn hawi khan " Kal pah in ati a ka hriat bik miau loh vangin engtinmah ka chhang lo






Nileng class leh a khat tawk a Moses-a phe help chu ka hna ani ringawt vawiin atan, Lalkimi ber a zak sia min tel ve zel si Moses-a leh Tetea chu kan help ngat ngat! Tetea nen chuan kan in nuih ru reng zawk kan thian bik ve ve ang chu kan zui kual hi ani ber ka phun hlak hlak reng bawk, dar 2 bawr a class kan neih laiin Johan-a'n a la rawn video call zui!! Ka thin phut hman zia kha phone vibrate ah ka dah hlauh zawk a, text in class lai lai a a rawn call chhan ka va zawh chuan kan ban hun a nghah thu leh college hnaih ah an awm reng tawh thu min hrilh!






"Khawi ah nge Johan-a te chu?? " Kan ban vel ah Kimi ka kai kual ve thung, ani erawh ka phun ang em em chuan a phun ve lo a chhan pawh Moses-a te kan tlanchhiat san pah na ani tel tho a, vawiin zet chu inkawm khawm chu sawi loh kan in biruk siak hi ani ringawt






"Eheee!!!" Kan hmuh in ang ve ve si min thawn em vang in engmah ka sawi ve thei lo, kan din na hmun ah kan in kai reng a Johan-a awmdan chu ka ngei khawp mai, hmeichhia a lo thut pui a tunge anih phei chu ka hrelo mahse a en dan te a biak a nui pah ringawt pawh sawn min ti thinur





"Arin...? " Kimi ka thlah a an lam ah ka kal nghal hlawk hlawk, hmeichhia chuan cheng 20 ni awm tak hi a pe a Johan-a pek chuan a phone a phawrh nghal zat, a hma khan a phone number ka zuar e a tih tak kha maw, hepa hi chu(h)!!!





"Ehhh ilo kal tawh maw? Ka nghak rei tawh rap che " A phone hmeichhia a ken tir hman tawh ka va chhuhsak chu mak ti leh ka va phawk vang a inthiam lo hmel pawh pu eih lo hian ati a ka ngei tak tak!





"I phone number hi i zawh leh chuan ka be tawhlo ang che, lerh lutuk mai" a phone chu a mah ka pe sawk a, Kimi lam ah ka kal leh nal nal





"Phone number a hralh thin maw? " Kimi chuan alo ti a ka thaw hawk ringawt, scooty ah a chuang a helmet a khum chiah Johan-a alo thleng phei leh hman,uang hmel pu zet hian min rawn ku ah nghal thak a ka tal nasa ngang mai





"Kal sawn rawh i rim kha... " A zu rim ka hip fuh em vangin ka ti vak, bak ah kan zirlai pui te an la awm teuh a a zahthlak hetia in kuah vei chung chung hi





"Awle mahse min tlanchhiat san lo la... " a tih chuan Kimi ka en ani chuan engtin vak ati lo, aw ka pawh tak ah chuan min thah a tlan tum a ka che chu ka ban bul ah a man chawt a alam ah min pawt hnai nghal hrawk





"A mak emai min thlah teh" Vin deuh hlek hian ka ti a, ani erawh chuan min ngai pawimawh lo khawp mai Kimi chu a en run run a





"Lo va haw rawh keiman ka thlah haw mai ang" Ati a Kimi chuan min rawn en ve thung a min thlah a tum bawk silo nen ka beidawn deuh vangin ka lo bu nghat a, a in khalh chhuak kan en liam zo chiah ka kut ah min kai tawh in min kal pui nghal dawr dawr






"Enge? In lam pan nghal char char ka duh ania aw" Ka tih chuan vei leh ding a en tawn zak zak a "hey number hralh hmang pa... " Ka tih chuan nui bawk chung hian rawn leh hawi in min en a






"Sum thawhchhuah na tha, ho te ni si anihkha min lo bia pawh ni sela enge ka be let ngai chuang hleinem... " dar san uk pah hian a ti a kut ka dawh nghal "phone maw?? " ka bu nghat, a kekawr ip te zen in a phone a phawrh a ka kut dawh lai mek ah chuan a rawn dah nghal a






"Ka check dawn nia.. " Ka tih chuan check huam hmel zet a nui pah in a ban pahnih chu a phar deuh hluai






Kal pah chuan ka check char char a, ka kal dik loh dawn deuh chuan min lo veng thin, number save si loh be tu an awm nual a a hralh na te hnen atang a massage dawng vek ni in ka hria, a chhang mang lo a a chhan ve chhun lah chu a tawngkam a duh mak thei mai mai sia! Pakhat phei chu min duh dawn chuan addict I nih angai te atia, pakhat lah chu zu heh deuh lo chu ka nih pui duhlo te ati thul, a thluak lam a chiang li emaw an ti hrim hrim ang a chhang duh dah thei em mai





"Peng lawk ila... " a ti a phone ka pek rualin kawng lun lai deuh ah chuan min phei pui a eng tih a tum chu ni maw?





"Johan I kal chak lutuk" a kal zawt zawt bik a min kalsan daih tum hi a ang ber, ka zui ve zel a bazar a chhuak leh haw tam vanglai tak ania a chep lek lek ani "Johan..?? "





Bawm dawh a zai thin pakhat bul ah hian alo ding a a be mawlh mawlh, chupa chu a ke lehlam hi a bul a ka khawngaih reuh lutuk,chupa zai na bul chiah a tlangval ding hnen ah Johan-a chu a kal leh a a chet dan vel chu hmuhnawm ka tih deuh vangin ngawi reng chuan ka lo en ve tawp, guitar chu a perh zauh a nui chungin main lo en pah bawk, a nui suk a run ah kha chuan mipa pangngai tak piah lam ang chiah in ka hmu ani, mipa ngilnei tak tupawh in an fak thin ang kha ni mai hian ka hmu






"Ka pu tan hian ka zai sak dawn a, zaithiam chu ka nilo mahse ka zai thei..... " a tih chuan a mah en a ding khawm te chu an nui dar dar a keipawh ka bang chuanglo "khawngaih in in phal ang zat zat kha helai bawm ah hian min lo dah sak ve dawn nia... " Tiin guitar chu a perh chhunzawm a, misual hi chu ani mawlh lo a hun kal tawh hian a tibuai hneh lutuk aniang






"Nilo...!! he hla hi chu..! " hmuhnawm ti tak a ka en ve lai chuan ka beisei loh lutuk in kha hla Vanrammuana duh em em Before You Go ngei mai kha a rawn sa!!! Mahse a tawp thut a min rawn en thut chu hnuailam ka melh nghal, hla dang a sak tak ah chuan lung chhe tak si tap hreh bawk si chuan ka en a




🎶What if we rewrite the stars?
Say you were made to be mine
Nothing could keep us apart
You'd be the one I was meant to find
Its up to you and, it's up to me
No one could say what we get to be
So, why don't we rewrite the star
Say that the world can be our's 🎶


IMG_20012076.jpg
IMG_20012076.jpg (25.21 KiB) Viewed 3938 times


Keimah chauh chu min en emaw tih tur ani, a zai zo a mi te chuan pawisa an thlak sup sup a guitar chu pe let in ka bul ah chuan a rawn kal phei zel a ngawi rengin ka lo en, a thaw hawk a nui chungin a kut chu a rawn la kang a kai turin min duh tih ka hria,ka kai a kan pahnih chuan kan kal a kan in be lo char char, ka kut erawh a hum nghet khawp mai taxi lak ka rawt a ani pawhin a pawm ve mawi bawk, kan veng peng ah kan chhuk a tlang hma in in tur eng emaw ka lam kawi ve a ani chuan a piah daih ah min lo nghak






"I dam maw?" Ka chhuak fel chiah Lawma leh Remruati ka tawk nawlh! Vanrammuana boral thlan nghah ni thleng khan ka la hmu a kha bak kha chu ka la hmu leh tawhlo, zep loh chuan ka hmu hi ka lawm hran lo a hma atang tawh rengin an mahni hian min ngai na lo a buaina pawh kan neih ve zeuh tawh kha






"Dam e... In dam zawk em? " Tum loh deuh a hmu ta chuan tha deuh in ka ti let a, ka tawk dawn tih hria ila chuan ka biruk duh zawk ka ring





"Dam ani mai e, kha i va thau tan ve bialpa thar neih chu i ngeih hle mai" Lawma chuan ati kher a za lo zet in ka nui chhuak hawk





"Tikhan ti suh,bialpa thar a nei hleinem ani te chu Amon-a tan a in serh tlat tawh a lawm, tiraw Arin? Mipa dang han neih nan pawh a la hma hrim hrim keichu ni ila midang ka nei thei rih teuh lo mai, Amon te ang hmangaih na ngah lutuk phei chu an vang dawn si awm tawhlo mahse midang neih chu a har dawn lutuk ka tan chuan.. Mahse Arini ka ni silo a... "Remruati chuan alo ti ve bawk





" In la ngai reng anih hi... "Ka ti hap, ni e an la in thlak danglam hauhlo an ze tha lo zet pawh an la chhawm chho zel anih hi





" E lawk in tunge i bialpa khah? Zorina ka zawt a a sawi tak asin ka theihnghilh daih mai a? " Lawma bawk chuan ati a ka ngei tawh takzet "Remruat a bialpa thar chu addict ati mawle, la hre leh chiah mahse Zorina pawh khan a sawi fel riau a chuvang aniang ani pawh hian a lo ngaihzawn duh veleh mai ni" tiin Remruati hnen ah chuan ati a ka ngei tak tak ani






"Puitling than kin, ti hmul der dur tawh pahnih chu ngati nge naupang ang mai a in awm le? " Johan-a hnunglam ah a lo tawng ve! Lawma te chu an hawi rual thawt a Johan-a lah chuan nui si nelawm miah silo ka tih fo ang khan a lo nuih suk suk






"Kal ang.... " tiin an pahnih inkar ah kher chuan ka kal tlang a Johan-a chu a pawh hian ka pawt kal ngawng ngawng






"Vanrammuana chu engtia boral nge? " Ka pawh kal tawng tawng laiin min kuai ding thut a, a lam hawi tur in min kuai her lawp! "Min hrilh teh,chuan ila hmangaih reng ami a? "






"Johan!! thil hi hrilh vek che ka duh mahse a... " Ka ti hman chiah a phone a rawn ri a, a phawrh a off mai a tum chu caller ID a en hmasa phawt a off ta lo chuan a chhang rih






"Puia, enge ngati nge i tah? " a meng a buai nghal nak, reilote a ngaithla a phone a dah zui leh a keimah chu meng chi ai tak chuan min en a "nangmah in i haw ngam tawh angem? thlah thlen che ka duh a mahse in ah Puia ka ngaihven a ngai thut a? " a ti a






"Lo kal ve turin min duh em? " Ka ti ve tawp, an chhungkaw thil anih hmel viau na in enge ka sawichhuah ngawt chhan kha ka hre lo, bak ah a tlai tawh a kal kawi leh chu ka pa a lungawi vak lo mai thei






"Aw... " Tih tawp in min chhang a taxi a phar nghal, kal pui a duh tak miau si ah chuan ka pa hauh huam in ka zui ve a, kan thlen hma chuan pawn a lo awm turin min ti thung a aw ka lo pawh ve vat, an chhungkaw thil a ka tel em em chu tha atilo ani mahna






Kan thleng a chuan man pek ka tum chuan "kan nula a lo kal dawn pe suh atia" A mah chu a lut nghal min nghak hran tawhlo,ka chhuk a an compound chin si ah chuan ka ding ve reng, an nula a lo chhuak a driver pawisa a pe a,a hmel ah chuan thil tha lo tak tawng ang mai ani a lut lehnghal a kawngkhar in hawn lai chu hla deuh tak thinrim ang bawrh bawrh ni awm tak thawm hi ka hre zuai Johan-a aw a ang hle bawk, thawm chu a ring in a rawn hnai tial tial a Johan-a aw ngei ani mipa aw a awm bawk a pa anih ka ring ve hmiah






"Ti na fo tur si chuan engvang in nge i neih? Tlangval i ni tawhlo tih hre ta che!!" a vin lutuk a ngaihthlak pawh a hreawm zawk, an kawngkhar pui chu hnaih pawh ka va hnaih ngam lo hrim hrim, pawn a awm zawk pawh in hreawm ka ti en em ringawt a a chhung ah phei chuan awm ila ka tap vak duh tawh in ka ring, reitawk fan an in hau a an kalsawn leh thin nge an tawng a hla leh thut a, an sawi a hriat theih mang loh






An kawngkhar chu a in hawng a ka lo hawi ve vat, Pi Zoi tap chung hian a rawn chhuak a min hmuh chuan a ding chawt, kei lah chuan lo tih ngaih na ka hre silo enge an buaina tak pawh ka hre lo a ka lo en mawl tawp, a hnung ah chuan Johan-a chak deuh a lo kal in Pi Zoi fa bik Puia chu a rawn kai chhuak bawk, a upa zawk tih kha an sawi tawh a mahse a mi pangngai phak chiah loh na te leh Johan-a'n a duat vang te hian a naupang zawk a ang ka ti






"Chhuak suh,tuar leh hram rawh" Pi Zoi tap in hru mawlh mawlh chu a bia a, Puia chu a ban pakhat in a kuah tlat bawk, u zawk chan chang hi a ang ber "Ka pa zia chu ilo luh dawn pawh in i hre sa vek a i tawrh theih i rin vang in anihkha ilo luh, Puia vang tal pawh in awm leh rawh... Puia'n enkawl na tha a dawn theih na chu ka pa pawisa ania chhuak la enkawl na tur i nei mang dawn lo, Puia hi ngaihtuah rawh"







"Ka tawrh chhuah theih ka in beisei vang a lawm, mahse ka theilo, kan in neih lai atang a tun thleng hian hmeichhia vawi engzat nge min kawp san tawh!! a na ka ti lutuk ka tuar thei tawhlo, Puia chu hetah awm a phal a lawm, awm sela kei chu ka chhuak ang i oa hian min ti na hnem lutuk tawh" ti a kal a tum chu Johan-a a che hrut a Pi Zoi hma ah chuan a thingthi ta mai!






"Ka pa ai awh in ngaihdam ka dil e,chhuak suh keiman ka venghim tlat tawh ang che, chhuak suh khawngaih in... Nu " Johan-a'n Nu ati!! A ko ngailo emaw ka ti asin a hua emaw ka tia?



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)