THE CONDITIONALLY Chpater-12 by MrsBabe Khawlhring

Episode kal lai dah luhna

Moderator: writers

Mrsbabe Khawlhring
Posts: 133
Joined: November 26th, 2021, 11:05 pm

THE CONDITIONALLY Chpater-12 by MrsBabe Khawlhring

Unread post by Mrsbabe Khawlhring » January 21st, 2022, 10:52 am

*THE CONDITIONALLY*



Chapter-12




by_MrsBabe Khawlhring





Oscar Elizondo Pov.




Ka harh chuan ka mutna chu alo ruak huai tawha,Norma chu alo awm tawh miahlo,tho nghal vatin inchhung zawng zawngah chuan ka zawngkuala hmuh tur alo awm tawhlo




Min kalsan ta tak tak a ni ngei ang,ni e atawpnan tiin ka bulah awm turin ka ngena,a awm ngeia mahse tunah chuan min kalsan tawh.




A telloin engtin nge ka awm theih ang?min kalsan tumin kalbo ta tak takse engtinnge ka awm ang,ka ngaihtuah zawng ringawt pawn harsa ka ti takzet.




Khumah chuan ka ṭhu thlaa,betsheet vara thisen val kalh ka hmuh chuan ka kiai suk.




Atan mipa hmasa ber ka ni kha ka lawma,atir khan mak tihnain ka khat bawk,mahse a ni ngei si,ka hmangaih zual phah sauh bawk.





Mahse tunah chuan awmzia a awm tawhlo,lo let leh tawh ngailo turin min kalsan tak tak tawh.




Chupawh ka tihsual vang vek a ni,thiamthu sawina tur ka neilo,engkim kha keimah vang liau liau a ni.




Mahse Norma hi ka kaltir thei ngawt lo ang,ka hmai tuai puatin ka thoa,ka phone ban vutin Norma chu ka call a,mahse a phone a in off daih




In ha va vatin,an inlam panin ka inkhalh chhuak nghala.




Zah pawh dawn lovin an inchhungah chuan ka luta,pu Simon a awmlo a ni ngei ang,awmse chu an inchhunga ka luh hi aphal hauhlo ang.





Awmpuiho bula Norma awmna ka zawh chuan,"Miss Norma chu akal tawh"anrawn tisepa,"Khawiah nge akal,khawnge akal"ka tivin hlura




Pakhat chuan ṭi dek hian,"Miss Norma chu alo haw hnu khan a in siam a,tunah Pu Simona'n airport lamah athlah mek"arawn ti sepa,pakhat chuan alo khap vat




"Khawi airport-ah nge"ka ti chang runa an ngawi rengṭ"Khawi akrport-ah nge ka tih chu"ka ti leh hrawka,"Pu Oscar chu chu kan hrilh theilo ang che"pakhat chuan arawn tisepa,ka thinrim phut chuan inchhung bungrua ka hmuh ang ang chu ka paih darha





Awmpuiho chu an rak ṭhat,security pahnih hian minlo dangin pawnah min hruai chhuaka,ka talchhuak nghal phat.




Norma chuan min kalsan tak tak amaw,engtinnge a telloa awm turin min kalbo san theih.




Ka thinrim lutuk chu ka thawchhuak ham ham,gate aṭang chuan pu Simon-a motor rawn tlan lut mek chu thinrim zet hian ka thlir renga




Motor aṭanga pu Simon rawn chhuak chiah chu kava pan vat,min hmu chiah chu,"Nang,nang mi tenawm hian ka inah enge irawn tih"thinrim awka vin zet hian arawn ti thawp sapa






"Khawnge Norma"ka tih chuan anui ro hak,"Ka fanu hming kha lam hlek suh"arawn ti chang faka,"Khawnge Norma ka tih chu"ka tivin ve hrawka





"A kal tawh,ka fanu chu akal tawh nang mi tenawn vang hian kan ram chhuahsanin hmun hla tak apan tawh"arawn ti ram hmaka,"Khawiah nge,khawi ramah nge a kal"ngenngawl zeta ka tih chuan.





"Ka fanu hian nang mitenawm ahmangaih thu che hi ṭap chungin min hrilh asin"a chawl data,"A thinlung nà thawi dam turin ka fanu chuan hun a mamawh tihbuau tum hauh suh ang che"thinrim tih hriat tak hian khauh zetin arawn ti a





Ka ngawi reng,"Na taka ka fanu thinlung itihnat sak hnuah hlim takin i awm reng bik miahlo ang"arawn ti leh sapa,"Norma chuan theihnghilh tum chein a bei dawna,nang pawhin theihnghilh ang che"a ti leha.




"Norma chu arawn let leh hun chuan nang ang mipa tenawm a thinlung nà taka siam saktu che hi a theihnghilh tawh ang che,hmeichhe chak tak niin arawn let ngei ang"ti leh sapin inchhung lamah alut ta daiha,ka thlir zui vawng vawng ringawt.





Leiah chuan ka ṭhinṭhi thla hnawka,ka tawt up up mai,Norma ka hmangaih min kalbo san tak tak amaw?



I lo let leh hun kalo nghak reng ang che,min theihnghilh bik miah suh ang che aw...


_________________
4years later



Ka bula ruak veka hmeichhe mu chuan,"Babe round khat chu min zawhpui leh la"min mamawh tih hriat zetin aw tham chiala rawn ti pahin min rawn zutkual a,ka rum nghut





Tho chhuak vut pahin,"In ha la, haw rawh"ka ti thawp sapa,a phun der hlak hlak,"I duh ihmuh tawh vang maiin min hnar daih zela"lungawilo angreng tak chuan arawn ti sepa




Ka ngawi reng,"Min ngaihtuah ve ngailo reng reng"arawn tih leh chuan ngai pawimawhlo zetin bathroom lamah ka luhsan ta daiha




Tuna mikha Roseleen a ni a,ka mamawh ka phuhrukna ṭhin a ni,amah hi chuan abialpa angin min ngai tak naa,ka tan chuan ka mamawh min petu hmeichhia ve mai a ni.




Hmeichhe zei tak a ni a,ka duhdan a hre em em a minti lawm thiam hlé ṭhin bawk,mahse alakah engmah feelings ka neilo thung.




Kum4 meuh liam tawh mahse kha hmeichhia min kalsantu,reiloté chhung ka nupui ni a,hmangaihna min tem tirtu Norma chiah khan ka thinlung hi ala luah tlat a




A kalbo hnu khan a awmna hriat tumin mi tamtak chhui turin ka ruaia,mahse engmah hriattur a awmlo,pu Simon lah chuan engmah min hrilh duh ngailo bawk.





Kan Company inzawmna kan chhutchah hnu phei chuan pu Simon chuan hmelhriat ang pawn min ngai tawhlo a ni ber




Kum4 chhung zawng khan Norma chuan enge atih anga?a dam ṭha angem?min theihnghilhin nun thar anei tawh bik angem?tihte ka ngaihtuah ṭhina




Hmeichhia ka hriat tawh azawnga,rilru paukhauh leh hmeichhe inring tawk ber a ni a,a ni chu ka tello pawn nun thar nen hlim takin a awm tawh ngei ka ring.




Mahse ka rinna hi diklo se ka ti,min la hmangaih verengin alo let leh hunah pawh min rawn pan lehse ka thinlung chuan a titak zet.




Kei amah hmangaih em em tu,lo nghak rengtu hian atello chuan hmalam pan harsa ka la tirenga,lo let lehse bul ṭan ṭha leh ila ka tireng thung.





Ka ngaihtuahna akal bing vang vang chang chuan ka thin arim thar leh ṭhina,ka thil tihah khan ka inchhir leh ṭhin.




Nawmna ka zawnga,ka hmu ngailo,zu ka in a,nasa takin ka taksain a zawh loh tur thleng thlengin in chang ka ngaha,hmeichhe lamah ka tlan nasa hle bawk




Ka ruih lai chuan ka kim ngawih ngawihin ka inhre ṭhin,mahse ka ruih areh hnu chuan angaité bawkin Norma ka ngaihna leh ka khawharna tekha arawn let leh ṭhin.




Kum tam liam tawh mahse ka thinlungah chuan nitinin Norma kha athar zela,anuihmel mawi takte kha ka mitthlaah hian ala cham reng.




Ka ngaihdam dilna hi apawm duh anih ngai chuan,engtik laipawn ngaihdam dil turin ka inpeih reng bawk.




Norma kalbo hnu aṭang khan ka nu leh pa bulah pawh awm lovin keima in bikah hian ka khawsa zui char chara




Company lamah pawh ka lang khat viau bawk,khami ni Norma min kalsan ni khan amah chauh ka hloh lova,ka nun engkim ka hloh vek a ni mah zawk




A hmaa Oscar Elizondo mipa inringtawk tak leh Chapo arh reng mai ṭhin,hmangaihna awmzia pawh hrelo khan hmangaih ka tawnga,mahse chu ka hmangaih chuan min kalsan leh si a




Chu pawh ka thil tihsual vang liau liauin,ka inthiam loha ka thil tihsual kha siamṭha leh thei ila kala tireng....




Bathroom aṭanga ka chhuah hnu chuan Roseleen chu alo awm tawh lova,ka thaw huai thei,achangin mamawh viau ṭhin mah ila,nin chang ka ngah zawk mah ṭhin




Wardrobe lam panin Company lama kal turin ka insiam ve ngeia,peihlo viau mah ila kan Company-ah Seminar kan nei dawn tih ka pa in nizan khan minlo hrilha





Nakin lawka Company rochun tutur ka nih avangin ka telve ngei angai si a,ka va lan ve ngei angai dawn a ni.




Company hrang hrang neitute pawh anrawn kal ṭeuh dawn a ni awm e,chutia ka insiam lai chuan ka awmpui nula pakhat chu arawn luta




Behsheet thlak turin ka hrilh vat,ka insiam zawh hnu chuan breakfast pawh eiloin company lam ka pan nghala




Ka thlen chuan hnathawk hoin chibai minlo buk sap sapa,Seminar neihna tur room lam chu ka secretary nen chuan kan pan nghala




Lift-a kan chuan lai chuan,Company dang rawn telve turho hming chu ka secretary chuan achhiar thla diat diata,Pu Simon pawh arawn kalve dawn ani awm e.




Seminar room chhunga ka lut chiah chu midang pawh anlo thleng ṭeuh tawha,ka pa chuan minlo hui vatin,Company neitu ṭhenkhatte chu min hmel hriattir ve luama





Ka hawikuala,kawngkhar aṭanga rawn lut mekte ka hmuh chuan ka hmusual emaw ka tihial,kum tam tak kalo nghah tawh hmeichhia ngei kha a ni.





Apa banah avuan chiala,a hmel chu anung sarha,a inrintawk hmel takzet bawk,ahmelṭha takte kha danglamna pakhat mah awm lovin ala pangai reng,ka thlir ngawih ngawiha ka thil hmuh mawi tak avang hian mumamg rama awm ang mai ka ni.




Norma chuan minlo melhve zeuh chu keiin kalo thlir reng bawk nen kan mit a intawng fuh ta chiah,alo nuisuka,kei erawh mak tihnain ka khat thung,min hmu hi mak tive awm ang pawn alanglo.





Ahawisawn vata,kala en vawng vawng,kuah vawng vawng kava chak tak em,khang kum liamta zawng zawng khan a ni chuan hmalam min pansan ta a ni ngei ang.




A awmdan leh a hawi her vel aṭang sawn,min hre tawh ngailo ang mai a ni,awlsam takin min theihnghilh chu ka ring phal bik silo...




Seminar khuh hawnna chu ka pa chuan aneia,Programme vel chu anṭan nghal mawp mawpa,engmah reng ka ngaihtuah thei derlo,Norma te pafa ṭhutna lam ngawt chu ka en renga




Norma chuan phone-ah mi tu emaw biain a chhuak ta daiha,ka tho ve nghal vut enge ka hriat pawh ka hrelo,va biak pawh chakna hlirin ka khat.




A hnungah chuan ka zui zela,amah zuitu an awm niin ahria niawm tak a ni arawn hawilet zeuha,bang phenah chuan ka biru vat,chutah ka va bih dek dek chu





Hmeichhe naupang pakhat hian Norma chu,"Mommy"ti a rawn au pahin alo pana,Norma chuan alo pawm vat,ahnungah chuan Marco kha alo kala,Norma chu ahmuiah alo fawp zeuh anih chu.Mak tizetin an pathum chuan ka en reng




Marco chuan,"Inla zo dawnlo ami"tiin Norma chu azawta,"Aw arei tawh lo ang"Norma chuan ati sepa,hlim hmel em em hian an in melh tawn reng ringawt




Ka hmeichhe hmangaih em em hlim taka a awm chu rilru na zet chuan ka thlir tlawk tlawka,a hlimna hi hlimpui ve har ka va ti si em.


Ka tello pawn a ni chu hlim takin a awm thei mai chu a nia,mahse kei erawhin mi à ang maiin kum4 chhung arawn let hun ka nghak remg kha ania




Norma chuan hmeichhe naupangtè chu Marco pawm tirin,"Daddy bulah hian lo awm la,Mommy hi alet leh lawk anga,minlo nghak dawnnia aw"tih pahin ahnarah naupang chu a piai sak zeuha




Khang kum4 chhung khan kalo nghak char chara,mahse a ni chu abialpa hlui bulah letin chhungkua hial andin tawh a ni si a !!!



Min kal bosan ni khan a vawikhatnan ka thinlung kha a anà a,tunah hian amah vang bawkin a vawihnih nan ka thinlung hi ana vawng vawng mai...



(END OF CHAPTER-12)
(Ka type sa ka cut palha,abul aṭang ka type ṭha vek a ,ka tlai phah,a kalhmang pawh ka theihnghil ṭhen tawhsia abuai ta nuai mai... Ads click kha aw)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)