NUNHLUI

Episode kal lai dah luhna

Moderator: writers

Thangpuii
Posts: 8
Joined: January 12th, 2022, 11:56 pm

NUNHLUI

Unread post by Thangpuii » January 21st, 2022, 5:46 pm

CHAPTER_4

✍️BY:THANGPUII



Ka hawi phei nghal vat, Kirbibbeba a lo nia, mak ka ti ang reng hle, a piah deuh hlek ah chuan hmanni zan a Kirbibbeba te nen a ka scooty dah na bul a, lo awm ho leh hmeichhia an lo awm nual bawk, helai hmun ah deih deih eng e an lo tih ve????...Sofya chu ka melh kual a ka hmu mai lo, khawnge maw a lo va awm hman ni???.

Ka bul a lo thlen chuan, min hmachhawn zawng a ding in a ngawi reng, a mi uap a na ngei mai, zu rim a nam deuh halh bawk, mahse a mitmeng leh a che zia ah, zu a in tih a hriat theih loh, keipawh chu ka ding ngawi kur, tu emaw tal lokal se ka ti ngei mai, chutah, ka ban ah lo man thut in , thlang lampang deuh a , a thian te hmuh phakloh lam ah chuan min kai dawr dawr, ka.hamhaih lutuk khan engmah ka lo hrelo a, ka harh chhuah meuh chuan, kan thleng hla tawh ang reng.

Ka ban a man na chu thin thlak mai ka han tum a, a lo man nghet ngei mai ka thing thla thei lo,min lo la kal hnaih tulh tulh zui, ka hlau tawh hle, au vak tum a ka ang zuau chu, a kut a ka hmui lo hup chat in, hnai thei ang ber a min lo din chilh in, " engtin mah ka ti dawn lo che, lo inthlak danglam lo la,lo pangai reng ang che" ti in ka chal ah a fawp zeuh a, a kut chu la thla in a kal leh nghal nal nal, a chet dan teh nuaih kha.

Kha pa khan min duh em ni??? Nilo,, "Hmundik," ti ri ka hriat chu sofya a ni, ka lo awm tawh bawk si lo a, min zawng aniang, hmanhmawh ang reng tak in ka chho vat, ka han thlen chhoh chuan, nichina Kirbibbeba te thian ho pawh kha an lo la awm, Kirbibbeba pawh a lo va thu leh vang tawh, a bul ah hmeichhe pakhat a thu a , an in kiss leh thuak thuak a, a bialnu a ni ngei, ang,, a thilsawi te kha,nge awmzia, mipa awm tha duhlo tak chu a ni ngei ang.

"Eng e khutah te I lo zu tih deih a, ka zawng nasa, lutuk che" ti a sofya tawng ri ka hriat chuan ka harh zawk, engmah ni lo e , ka lo zu hawi thawveng vel mai mai, ti in chhuanlam ka siam ta ringawt a , Kirbibbeba, n min hruai ka tih chuan zawh na angah leh dawn lutuk, sawi lo law law i la a tha zawk.

( ALFRED LALRAMFELA KIRBIBBEBA)(POV)

whisky nokhat chu ka tlak pap, Ruatfela chuan a rawn thli leh, "tu nge nichin a hmeichhia kha?? Tinge I hruai hran deih a?" Ti in zawh na ngah tih hriat zet hian, madini chuan a rawn ti , ka chhang lo , min lo kuah leh thuak thuak a, Hmundiki pawh chuan , min lo en reng tih ka hmu thei.

Ni e Hmundiki hi ka duh tak zet, a mah ang chiah kha ani, zu pawh chu ka in tam lo, Ruatfela chu a tawng duh par par tawh hle, a rui ve tawh bawk nen, kan piah a thu ve mipa tleirawl pathum chu, a va cho em em ringawt, mapuii chuan a lo khap leh thin awmzia a awm chuang lo.

Tleirawl ho awm na lam chu va pan a tum leh thul, gospela chuan a lo dang leh rih thin, chutah " zawng ho mipa in ni lawm ni??? Lokal ta che u, kan lo ti dawn a mi niang" ti in Ruatfela chuan a han ti leh, mipa in ti ve tan chuan a ngeng a chhun ve ta aniang chu, an rawn pan ta mai, kan awm na zawn an rawn thlen chuan, gospela chuan, " lo hrethiam hram ru kan thianpa hi a rui sia, nang ni rui lo zawk in ni bawk a, in mi hriatthiamna ka ngen e" a lo ti sam et a.

An kal leh mai bawk a,'"Ruatfel i ruih hian I tawngkam hi fimkhur thin rawh" ti in gospela chuan , a zilh liam a, a sawt lem ngai chuang lo, a lo tlai ve ta bawk nen haw mai kan tum tawh, in ka thlen chuan, ka pa a awm lo, ka room ah ka lut a , ka mu tawp, vawiin a Hmundiki ka hmu thut kha mak ka ti angreng hle, rei lo te ah , ka farnu ,a lo lut, ''û" enge ni ta mate ," I tha em" a rawn ti ,tha e, "an in ang viau em ni?? I hrilh tawh em??" Hmundiki chanchin a sawi tih ka hrethiam mai.

In ang engkim ah, an mizia te thleng in, jessica kha ka theihnghilh theih chu ka ring lo, duh pawh ka neih leh tawh ka ring lo, mahse Hmundiki ah hian jessica kha ka hmu thin, hmangaih loh hi a har ka ti, ni e kum hial liam tawh mahse , ka la hre reng, a mah kha a in kil tawih phah hle a nih kha, min phatsan ang ah ka ngai a, min biak ngai tawh loh avang te khan, mahse a damlo tih ka hriat meuh chuan, a lo tlai ta si anih kha, a lak a khan ngaihdam tak ngial pawh ka dil hman lo, mi a ang mai in ka awm a, mahse a ni erawh chuan kumkhua atan min kalsan ta si, mite chuan hnamdang vai mai mai pawh ti se ka tan chuan, ka hmangaih ka engkim kha ani thin a sin.

"Mahse Hmundiki hian a duh thei dawn che em ni??" Ka nau bawk a ni,, Ka hrelo , ni e Hmundiki ka hmuh tirh phat atang khan, ka duh jessica min hriatchhuah tir thin, kha mi ni zan a , mipa pathum in an tibuai ka hmuh pawh khan, insum zo lo in a hma ah ka va ding a, a haw pawh khan an in thleng ka zui ru a nih kha, vawiin pawh khan chutiang tho chu, min duh leh duh loh erawh hun in a la hril ang chu, ka inrin hma hauh in ka hmangaih ta sia.

(LALHMUNDIKI)(POV)

Sofya nen chuan kan haw tlai ngang mai, a bialpa te in ah min kalpui leh kha ania, a tuk ah hna a kal tur a ka sawm tur thu hrilh in, ka kalsan leh ta a, in ka thlen chuan, a tlai tawh bawk a , ka chhungten chaw an lo ei dawn mek, " e mate i lo haw tawh a nimaw , hei chaw lo ei san che kan lo tum a, lo ei ve nghal rawh" ti in ka pa chuan min lo au thuai a, inbual phawt chu duh hle mah ila , ka va kil ve nghal mai, ka ril atam vak lo bawk nen chaw tih tham pawh ka ei lo.

Ka room ah chho in , ka inbual a inthlak leh te te in, cream vel te chu ka in hnawih a, ka phone chu la in whatapp ah ka lut leh, number hriatloh atang khan, "in thleng tawh em " tih hi a lo awm leh, ka nui sak, Kirbibbeba ti in ka save nghal, thleng tawh e ti in, ka chhang, engvang in nge ka reply ringawt , ka massage thawn chu a lo seen lo bawk a, ka delete leh nghal.

Kirbibbeba hnen atang chuan massage ka dawng nghal vat, hawn loh ka tum zat na a , ka hawng leh ta tho, "ti nge I va delete rang ve" tih zawng hi a ni, status , ka en kual dan dan, a hmasa ber ah chuan, Kirbibbeba status a lo awm, ka en chu,h "KA IN RIN HMA IN KA HMANGAIH CHE, LO DANGLAM SUH" tih hi a lo nia , keimah min tih chhan a mawn le, ni lo bialnu a neih kha, ti nge hepa hi.

Youtube ah bawk lut leh in, k_drama ka en vel mai mai, ka lo entui hle aniang , sana ka en chuan dar 10 a lo ri der tawh, ka ril atam bawk nen , in hnuai lam ah chhuk thla in eitur ka zu la , chhoh leh mai ka tum step a ka kal lai chuan, û Rema lo chhuk ve chiah nen kan in tawk a, eng e i tih dawn? Ka lo ti nghal vat, "ka muhil thei lo a," a lo tia.

Ka kal leh nghal mai, eitur ka ken chhoh vel te chu ei in, drama chu ka en leh char char, ka drama en chu ka lo mutthilh san ni ngei tur ani, ka harh chuan, sana ka en a ka tho hma khawp mai, dar 6 chiah alo la ni, ka eitur ken leh ka phone, khum a lo awm vel te chu ti fel leh te te in, ka in phih fai a, in hnuai lam ah , ka chhuk nghal,.

Ka chhungte chu an lo tho leh vek tawh , an tho hma thei bawk a, " e heu thilmak a thleng, kan rangkachak pawh tukin chu a tho hma ve tlat" ka û chuan nui chung in a lo ti, ka melh rum vak ringawt, a ni reng lah tak a , tuktin ka tho har ziah , tukin chu kei leh kei lo ang in ka tho hma ve tlat a lawm.


Ka nu chuan dawhkan ah chuan, thingpui leh chhang chu min lo pek pah in a lo thu ve zat, " tunlai in dawr in tluang maw?" Ka nu chuan a lo ti var a, aw tluang animai ka lo ti thuai, ka pa leh ka û chu, an in be reng bawk, kan hriat tham ni silo hian.

Ka nu chu eirawng bawl pui ve in, chaw chu kan ei hma khawp mai, ka room ah chho in ka inbual leh te te, ka insiam leh te te phawt, make up in hnawih thuak thuak in, sofya te in lam ka pan nghal, sofya chu a scooty a that tawh avang in, ka phur tawh lem lo, û Remruata chuan ," tunlai chu i lo va leng khat ve" a lo ti nghal thuai a, nia kan buai thei lutuk a , lai ti tih hian ka tia, Sofya a hman tawh bawk nen dawr lam, kan pan nghal.


Kan thlen meuh chuan , angai te bawk in Aruati'n dawr a lo hawng fel leh diam tawh, counter lam ah bawk chuan thu leh in, customer ho chu sofya , Tebawihi leh Aruati ten an buai pui pawisa vel ka lo ti fel bawk, chutiang chuan kan buai ni leng leh ani ber, eng ka hria nimaw pawn lam ka va en chu, Kirbibbeba bawk kha a lo awm leh tawh, hepa hi eng e awmzia , ka va en tih min lo hmuh chuan a hmui phun in eng emaw chu a sawi, a kal leh nghal deih .

Ka ril atam tawh ang reng hle, sana ka en chuan dar 1 alo ri tep tawh, thil chah mai ka han tum chu,kan dawr ep a, zikpuii chuan pizza hi a rawn keng a kha in thil chah a lo ti mai a, Sofya ten an chah a nih ka ring, a man pek mai ka tum chu an pe vek tawh a tia , a kal leh nghal.

Sofya te chu lo kal in, " eheu pizza I chah e law ka ril atam tawh lutuk" an lo ti chul a, "I lo va chah animaw chah ka lo tum chiah a" Tebawihi pawh chuan a lo ti thuai a, hei hi in chah ani lo maw?? Ni lo an lo ti rual thap, tu chah nge mawn le, zikpuii hian a lo dah sual a mawn le , ti in ka call a , " dah sual lo nangma , hming in mipa pakhat in a rawn order a, a man a pe sa vek " a lo ti bawk si.

Ava mak ve , kan ril atam tlang tawh bawk nen kan ei ve mai bawk a, kan eitui hlawm khawp mai, vawiin pawh nidang ai in kan in hralh kal a, kan haw tlai leh khawp mai, chhungte pawn chaw an lo ei leh mek tawh, ka va kil ve leh nghal tawp, û Rema chuan" pa, zopui ah min transfer a" ka pa en chung chuan a ti a, ka chaw ei lai ka tawp chat, û Rema tello un engtin nge ka awm ang.

Zopui chu ka nû nau, nuteii te khua ani, " a va mak deuh thut ve, transfer i dil em ni? " ka nu chuan a lo ti vat," dil lo kan pû te lam atang ania, keipawn la hre lawk biklo " a lo ti vat, ka pa thung chuan " engtik ah nge i insawn dawn?" A lo ti vat ," thla leh lam ah" a lo ti, engmah ka sawi ve lo, ka mittui a tling nghal puau , û Rema a awm loh chuan , engtin nge ka awm ang??.

Chaw pawh chu , tlem te chiah ei in ka room ah ka chhoh san deih, ka room ah chuan û Rema chu lo lut in, ''mate i thinrim em ni?, a rawn ti a, tinge insawn I tum I tello in engtin nge ka awm ang? Ka lo ti , ka mittui a hnam sawk, "ka lo haw leh dawn a lawm , ka cham hlen dawn lo, nangpawh I lo zin thin ang a" a ti luam a , ka lungawi ve leh mai bawk a, min chhuahsan nghal thuai, Sofya nen chuan whatapp ah inbia in, û Rema in sawn tur vel te chu ka hrilh a, a pawi a lo ti ve hle, u Rema hi chuan Sofya nen hian min duat a, sofya pawh nau ang tak tak in a en.

Kirbibbeba hnen atang massage ka dawng, a tui bawk em?" Tih zawng hi a ni, ka bo map, pizza kha ka hrechhuak thut, i lo dah tir em ni? Tih zawng hi ka va thawn " aw" tih chauh in min chhang , i lo thawn pawh , angai lo lo thawn tawh suh , ka ti, a seen a a reply lo, chhe chianga hi .

A tuk zing a lo nih chuan a ngai te bawk in hna lam ah kan kal a,Kirbibbeba a hun ngai ah tho , dawr kawt ah ka hmu leh, a ngai ang bawk in eitur kan chah ni silo hi a lo thleng leh tawh,Kirbibbeba nen pawh chuan in be reng, chu mi kar chu kan tluan a ni deuh ber.

Zirtawpni tuk ka tho chu, ka lu a na bur mai, hna a kal loh mai ka tum, mahse Kirbibbeba ka hmu chak tho bawk sia, ni e a ni hi ka ngaina tawh tak zet, nitin a inbia a , in hmu ta na na chu , mahse ka duh chu ka ti lo.

Insiam leh zung zung in, nidang zawng ai in make up pawh ka in hnawih uar, in hnuai ka zu chhuk paw ka nu in" vawiin chu i va chhe lo ve" a lo ti reng bawk a.


Chaw pawh ei lem lo in ka in khalh chhuak, sofya chu a lo va kal tawh avang in dawr lam ka pan nghal, dawr ah chuan lut in, tihtur awm ang ang ti in counter ah chuan Sofya a thu thung.

Ka lu lo na leh et et thin chu ka hre reng, ka ril atam bawk a , ka pum a ri rawh rih reng,.

"In thiltur a lo thleng" ti ri ah chuan ka hawi zawk vawiin chu , zikpuii ni lo in, Kirbibbeba ngei in a rawn keng , ka en reng ringawt, sawi maitur pawh ka hrelo , ka lai leh ringawt tawh.

"Kirbibbeb nang hian Hmundiki hi I stat chiang lutuk" Sofya chuan a lo ti pek, Kirbibbeba pawh a nui tawp, kan ngawi deuh thap "e nang animaw kan thil eitur , min lo leisak ziah thin hi, kan va lawm thei ve, a tui thei bawk sia, a to awm sia i in seng teuh lo maw??" Ti in Aruati chuan a lo ti khaw mawi a.

A thil lo ken chu dawhkan ah chuan , dah in Kirbibbeba te nen chuan kan ei ho a, fiamthu an duh in Aruati te nen pawh an mizia a in ang bawk a, an infiam nui har har reng mai.



Thil kan ei zawh hnu chuan, Kirbibbeba pawh thu khawmuang tawh lo in a chhuak ve nghal mai.


"Kha pa kha I bialpa em ni? A fel e a chhelo si, a hausak hmelh si," Tebawihi chuan a lo ti pek, a ni tawng duh vak lem lo a ni bawk si, a sawi a nih loh hmelh ngawih ngawih, kan han nui leh dar dar a.

Thian chauh a lawm kan nih, ka lo ti vat , an Awih lo khawp mai,ka lu a lo na leh et et tawh," u Hmundik I nuam sam lo em ni?" Aruati chuan a lo ti vat ,ka nuam sam lo mai mai maw le.

Dawr ah pawh chuan, awm rei peihlo in ka haw deih.

Ka room ah lut in , damdawi ka ei a ka mu nghal, ka harh meuh chuan khua alo thim vek tawh, in hnuai ah ka chhuk a, tumah ka hmu lo , mak ka ti ang reng hle.

Chaw chu ei in, ka room ah ka chho leh nghal, ka mu leh tawp, ka lo muhil leh hman ni ngei tur ani, ka room kawngkhar in kik ri avang chuan ka harh zawk.

Ka nu a lo nia," khu I thiante an lo leng" tu ka thian te maw, " Fela te" a tia a kal leh, sana ka en a dar 7 chiah a lo la ri. Fela hian ,hman atang min duh tawh, mihring ve tho ka nia, ten zawng ka lo nei ve bawk nen, Fela hi chu ka mipa ten zawng tak ani. Phai ah a awm char char thin, engtik in nge a lo haw le.

Phur fahran lo chuan in hnuai lam chu ka pan a, Fela chu amah in a lo thu , a bul ah chuan va thu ve in,eng eng emaw kan sawi , kan sawi a ber pawh chu ka hrelo, thingpui te lum sak in, dar 9 a rik meuh chuan a haw ve thei ta hram.


Ka room ah chho leh in, ka phone chu la in whatapp ah ka lut, massage a lo awm nual bawk, massage dang zawng chu kal pel in, Kirbibbeba massage chu ka open a, " i mu tawh em?" Tih zawng hi ani, mu lo e, ti in ka reply.

A rawn call nghal, ka thin a phu dup dup, ka la a, " pawn ah lo chhuak lawk teh" a tia a dah leh nghal, ka chhuak ve nghal mai bawk a ka chhung te an mu vek tawh.

Pawn ka thlen chuan, ka hmu mai lo, ka hawi kual thuak thuak, ka ban ah tu emaw in lo man thut in kawngpui lam min pan pui nghal, ka en chu,h Kirbibbeba a lo ni, enge ni a? Tun ang hun a min koh tak mai, ka ti a , zak lo ka in ti ang reng hle, ka bialpa ni bawk silo in tun ang zan ah , min ko a , ka zui ve mai chu ania.

A bike ah chuan chuang nghal in " lo chuang rawh a ti" engvang in nge ka lo chuan ngawt ang? Ka ti, bike atang chuan lo chhuk in, bike ah chuan min hlangkai a , kawh tawk in a khalh ta mai, ka va hlau tak, khawchhung in awm mang loh na ah chuan , bike chu ti ding in, a chhuk nghal, ka chhuk mai loh avang chuan nge min lo hlang thla leh rih.

Hnai set sawt ah min din chilh in " nang hi" a tia a sawi zawm lo, eng e? Ka lo ti, "tu nge kha pa kha" tu maw ka lo ti hi," zan in a lo leng kha?" Fela ka lo ti ve mai, enge a lo notice viau le, "ka duh che tih hi, I hrethiam miah lo em ni?, " a rawn ti ta mai , ka mang vek a sawi mai tur pawh ka hre lo.

" ka duh che, I rin phak bak aia nasa in" a rawn tih leh phei chuan , engmah sawitur ka hre tawh lo, chutah ka hmui ah, lo fawp in a zei khawp mai, ka awm mawl ve tawp, ka hamhaih lutuk a, keipawh chuan ka lo chhang let ve thuai, kan duh thawh dun na ngiang mai.

Thaw chham lek lek a , kan in fawh hnu chuan, kan duh tawk ve thei ta hram, " tun atang chuan , ka ta chauh I ni tawh, tu ma ta I ni lo, alfred Lalramfela ta chauh I ni tawh " a tih chuan , ka chhang mai lo , min lo fawp leh in, " min duh tih na ah ka ngai, u ngawih reng hian" a ti ta mai, nia , hepa hi ka duh tak zet a lawm, Ni e , kan in ngaizawng .

NI E, KEI LALHMUNDIKI HI KA SINGLE LEH TAWH LO.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)