YOU'RE MINE ALWAYS - 17 BY NUNUI HNIALUM

Episode kal lai dah luhna

Moderator: writers

Nunui Hnialum
Posts: 115
Joined: June 13th, 2021, 9:07 pm

YOU'RE MINE ALWAYS - 17 BY NUNUI HNIALUM

Unread post by Nunui Hnialum » January 21st, 2022, 9:22 pm

Chapter - 17



Thaw hráwk hráwk a ka bul arawn mut thlák dawt ah chuan duhthusam ram nuamtak chawlhbúk vanram kan fang zota tih ka hria.




Thaw ham ham in a bul chét ah amah si chét in min pawmbet a, tunlawk a kan chétna avanga ka bek leh ka nghawng thlan huhdap chu arawn fáwp dun dun a, ka taksa pum hi abanchuap ani ber, kan thlan a chhuak nasa dùn si.




Ka hmui ah rawn fawp vang vang in "ka tina viau che em, ka theih ang táwk chuan ka dìm che chuan ka hria," tiin anui suk a, ka va hmu hmelṭha tak. "Ka mut a chhuak," ka tisep a ka hàm zui bài bài bawk "i mutthilh hma in insilfai lawk ang, zun bawk la, chuan i muhil dawnnia," tiin min kuahtho a, mi mah mutchhuah tawh tehreng nen.




Ka tùm bãr chu nui kur kur in "i tana ṭhavek tur ania ka sawi," a ti leh sup. "A vawt e, bakah ka mut achhuak sia," ka ti niah niah a, a nuisuk a ka thil sawi ve avang chuan min pawmbeh a ṭhulh chuang dérlo. Ka thusawi angai pawimawh duhlo lutuk chu ka ke leng vak vak in tàlchhuah ka tum fan a, min pawm nghet sauh.




Chutia ka ke ka leng bat bat chu adar ah min pu láwp a ka mawngtam arawn beng thlawp anih chu! Ka che ka tawp chat, "enge khatia ka mawng i ben kher," ti páng pâng i a hnungzáng ah ka beng ri ve thlawp, ka thin chhiatzia hi ala hre chianglo anihhi.



"Bawihte, thinrim ngawt lo teh, i tana ṭha tur ani ka tih chuan áwih mai la," ti in min dahthla a, min kuah nghal hlùn bawk, ka kuah lét lova, min kuah ang ang chuan ka awm ve tawp.




Vawt tiin ka bawl er er lo chauh, min kuahna ṭanga tàlpít in bathroom lam chu ka pan a, 'tun ang zing dar 4:00am dawna in silfai, nipui lai pawh nilo thlasik lai lehnghàl enge ka tan aṭhatna ka hre ve love,' ka ti phei niah niah a, hnunglam ah anui hawk ri ka hria.




Bathtub ah tuilum herhhaw in ka lút tharh a, ka mit ka chhíng chial bawk, ka sam ah duat taka lo chùl in ka hmui ah afawp pah zoh a "taksa in apaihchhuah loh bawlhhlawh tisa a chambáng awm ho hi sex hman zawha hmeichhia in zun hian tamtak paihchhuah in a awm ṭhìn alawm," tisup in anui nghawr dawt a.




Tub ah lo lut in a malpui seithlurh kar ah min chepbet bawk. "Umm, PhD val nge nge i chhawrnahawm dawn e," hàm bái bái chunga ka tih chuan ka lu ah eng emaw hian minlo tuk karh. Kan nui dùn hak hak, a thusawi áwih in ka zung ngei a sex kan hman vangnge ka zun meuh chuan a thíp hlar.



A àwm hlai hlup ngheng ar ar in ka kuah chial a, ka tukhum leh ka beksam tuai hoh hoh in "i sam hi i zuahsei leh angem?" A ti thàwp sup a, ka en zui há. "I duh angem?" Ka tilét sap a, bu nghut in "i duh dàn dàn animai," ati sup.



"Le, mut ahun tawh e, a tlai tawh lutuk," a tisup a, a mutdàn siamrem in kan mu ṭha a ka muttui phian. Ka phone nghawr dar dar vâng in ka muttui lai ka harh zawk a, ka mutna bul ka dap rak rak ka pick up hma in ala táwp daih zui. Jeffa mutna lam ka dap leh a alo awm miahlo.




Ka ṭhuchhuak vut a, zing dar 7:00am alo ri và tawh. Bathroom lam ah intifaiin ka lút nghal a, darkar thum liamta mai ah ka inbual a ala reilo bawk tiin ka in silfai ringawt. Muangmar a cream ka in hnawih te te hnu ah jeffa inhnuai lama awm ring in ka chhuk ve nghal.



'I mak ka ti Ú, ka nu thichháwng in damdawiin khum ah amu a, nang in hetah hmeichhia ilo mutpui mai mai amaw? U ini a ka zah lutuk che; mahse, i ti deuh mah mah ani, areng rêng ah a hmeichhia pawh azaklo, engtin nge mipa zâwk zanriak hiala arawn pan ngam che,' ti a áng hlak hlak ri chu step ka chhuk ṭantirh aṭang in ka hrenghàl.



A ànhla aṭang chuan Jeffa farnu ani tih ahriat mai, jeffa erawh a ngáwi ngul a, ka lo kalta kher chu ka in chhir ru vawng vawng mai, chaw eikham ah anu kan zuai ila chawhnu ah haw hmak ang.




"U Lucy pasal farnu ani tiraw kha?" A ti leh sap a, amah hmulo mah ila a 'um,' nghut dàn ah tunge anih ka hailo nasa. "A chanchin àwmtur chu ka hremai U leece'n min hrilh alawm, ka mil lo sa," a ti leh hlak hlak a, Jeffreya'n engtin mah a chhanglo, a chhàndan tur ka hrechák. A farnu chu a lalhmel chutin jeffa nen kan inkar chu a awlsam dawnlo tih ka hrechiang nghàl pang. "Ka nu kalsan tawhlo ang che," ti nghut in Jeffa a ṭhutna aṭang a tho vut ri ka hriat chuan inchunglam ah arawn chho dawn tih ka ring nghal.



An thusawi hria anga awm duh lovin, kailàwna alo chho chu thkhlim hlawt ang in ka hàmlui bái bái a nuihsak in "morning jeff," ka tisap, ka áw ka ti danglam pah deuhbawk. Ka ṭawngri a hrethut chu a mitmeng adang nghàl zawk, ka thawh ala ringlo aniang; mahse, a reilo, pangngai tak in min wish lét.



Ka bul alo thlenchhoh chuan ngunthlúk zet in ka mit ah min en a, a mitmeng chu ka chhiarthiamlo, "damdawiin ah chuan engtik in nge kan chhoh ang? Chawhnu ah Aizawl lam ah lét nghàl mai ka tum deuh a," tiin ka tumsa miahloh ka hrilh.



A farnu in a engamah ahma in min millo pang a, chàmreng na chi pawh va nisuh bakah lehlam tak ah chuan innei èm kanla ni lova ka tan haw vat ahim. "Ok, i tih dan dan," tisup in Lalrindika chuan min chhãng anihchu. Min kalpél in room ah alutzui nghàl daih.



Ka rilru ah thu tamtak alo lút nghal zut zut. Ani khàn darkar 4 liamta lawk ah khawvel a hmeichhia ka nih na anga ka neih hluber ka thianghlimna min láksak a, chuan ka hmangaih che minti bawk anih kha keipawn ka ring thlap; mahse, tunah lèm hmelhriat satliah ang maia min en chu ka chhungril ana ru veng veng, chuang ka inti a, pawimawhna nei velo riak ah ka in ngai.




Ni e, a sàwm pawh ni lovin ka kalchhuak ve tháwr a, chu chu anin remchâng ah la in ka thinlung min neihsak a aduh ahmuh hnu ah bawlhhlawhbáwm ah duhloh paih in min paih leh si.



In hnuai ah a farnu vawikhatpawh ka hmel la hmulo chunga min millo tu bul ah ka chhuk dawn nge amah Rindika kiang ah ka chho ve zàwk dàwn ni ang.



Tunah hian haw ka duh khermai, haw ngawt dawn ila sumo zing chhuak an kalvek tawh àwm si, chawhnu chhuak dar 12 ami tur chauh a awm tawhdawn si, ava laklawh tak. Hetah min 'chu é kha,' vaklo tute bula awmreng hi ka peih bík therte lo.




Vawikhat pawh ka la hmuhloh a farnu bula lo va awm ve tawp pawh chu ni theiin ka hrelo, a rilru ka hrevek tawh si a, lo hrelo law law ila chuan ka pan mahna; mahse,....




In hauhrep in ringsa in Lalrindika room ah ka pén lút chhat chhat a, eng sawiin nge bul ka han ṭan ang? Chhanlam siamin 'hawna tur mottor remchâng ka hmu,' ti ila ka kal chhanber anu nise kala hmu silo. Huizzz....



A room chhûng ka lútfel chiah tih ah ka phone bawk arawn ri leh a ka pan vat. Ka nu call alo ni ka pick up chiah "Mate, biaktlang iva har ve? Chanchinthar kan hreve chauh a," a lo tisap a, eng chanchinthar nge niang aw ti a ka in ngaihtuah laiin, "a mak dawt dawt e, hmanni lawk ah jail ah a tânga tunah an in court hma hauh in ama nunna ngei ala leh si," alo ti niah niah.



"Nu, sawichiang teh Biaknungi chanchin em ni?" Ka ti hap, "aw, ni e nichin lawk khàn a in awkhlum tih anlo sawi a," a rawn ti! "Enga? Ava mak àwm ve han sawichiang deuhla," ka ti a, a thaw hak ri ka hria.



"I hriat ang in Duatkima nu leh pa ten Mizoram ah FIR an thehlut ṭhaleh kha ani a, amah pawh Meghalaya police ten MRP hnena hlan an tum lai ania; mahse, a damlo hlauh a, damdawiin lam ah an kalpui a rin aiin alo na riau aniang ICU ah te hial an dah a; mahse, a awmreilo darkar 2 hnu vel ah ICU a ṭang in anla chhuak a, criminal anih avang in ward pangngai ah dah lovin Cabin ama pual in an láksak a, zing ah doctor ward fang pawn ala ṭhat thu asawi; mahse, tlailama ward fang doctor ava thlen chuan bathroom ah hruihrual in alo in áwkhlum ani tih an hrechauh, an hmuh chuan amah pawh chhantlâk lo awm tawhlo ani," a rawn ti ta mai, ka ohu chiang teh e.



"Chuan engtin nge aruang?" Tiin ka zawh zawm zat a, henu hi chuan min ṭhawng dawt dawt rengmai anihhi "a chhungten anla mai aniang chu," ka nu in arawn ti sap. Ka rilru in Aizawla haw ngawt a ngaihtuah tawh, "chawhnu chhuak sumo ah lo pheivat ka tum ang," ka tisap a, phone ka dah zui daih.




Jeffrey-a nen ngawireng in damdawiin kan pana, anu chu ka hmuhtum ai daih in ana ka ti, aharh lova, oxygen bur an in chhawpreng dàn ah a ngaihtuahawm thawkhat ve hle tih ahriat.



Chawhnu chhuak hmasa ber sumo ah ka chuang vata, ka hawdawn thleng in Jeffrey-a nen kan in be mumallo, mahni aia naupang daih bum bum in ka awm chu ani si a; mahse, ka dem lovang anin Lungleia phei tur in min sawm lova ka duhthlanna ngei a zin ka ni a, ka virginity oawh ka remtihna thlap ani, ka chung ah engoawh thlengse tumah demtur an awmlo, keimah ka ni.



Ka rin ang in Lucy pawh a duai dawnlo a ang viau, a hma aṭang tawha ka mirin lohsa kha ani hrim hrim a, eng ang mizia leh nungchang la nei ang maw?



Mualṭhuam kan luhdawn hnaih ah ka phone arawn nghawr ri dat dat a, ka muhil sek hman asin, ka call dawn chu Jeffrey-a ani engtak lo sawi ang maw, ka laka a awmdan avang khàn inhlat ta riau va hriatna ka nei.



"Babes, ka nu a boral," a rawn ti tháwp sup, ka hresual emaw tiin ka zawtnawn leh ngat; mahse, anu aboral thu arawn sawi. Engtin nge ka awmdawn Aizawl ah ka hawtlang dawn nge tunah chhuk in Lunglei kaltur ka châng risk tawp dawn.



Zing thawh hlim ata tawh min ngaihsak zui duh miah lovin ka awm ang ang in min enliam a, tunah lém ngaihtuah loh theihloh in a nu chanchin dêngkhawng min rawn hrilh leh si, eng thutlukna nge ka siam ang, kalve ngawt pawh chu innei kanni silo, ka ṭhian ti dawn ila Lucy leh afarnu in ṭhian mai kanni lo tih an hrechiang si.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)