A MAN WITH THREE CHILDREN Chapter-11 by MrsBabe Khawlhring

Episode kal lai dah luhna

Moderator: writers

Mrsbabe Khawlhring
Posts: 133
Joined: November 26th, 2021, 11:05 pm

A MAN WITH THREE CHILDREN Chapter-11 by MrsBabe Khawlhring

Unread post by Mrsbabe Khawlhring » January 21st, 2022, 9:50 pm

*A MAN WITH THREE CHILDREN*





Chapter-11👶👧👧




by_MrsBabe Khawlhring





Lalrinawmi(Rinrini)Pov.




"Hey,miss ka tih dan hi dik em"tiin Ivy chuan a cookies a tih bial mek chu ka hmazawnah arawn leka,a bianga piai sak zeuh pahin,"I van thiam em em ve"ka tih chuan nui seih pahin a tihzawm leha





Vivienne pawh chu kan thil siamna bulah chuan lo ṭhu vein kan cookies siamnaa peanuts kan telh bang hochu a ei a,a zai rat rata,achangin mizoṭawngin eng emawni hi arawn sawive leh ṭhina,hma asawn nasa reuh em em a,pai deuh chuan a duh duh chu asawive thei tawh.





Pi Emma pawhin sofa room lamah Louis a awmpuia,achangin arawn phei pui veleh zeuh ṭhin.





Vawiin chu college kan bang hma em em a,scooty aṭanga ka chhuk chiah kha Ivy school bang hi motor aṭang arawn chhuk ve chiaha,minrawn hmuh khan minlo pan vata





An inah min hruai phei ta ringawt kha ania,anchhuak khat ve sia tiin kan inlama hruai phei pi Emma ka dil khan pu Harry dil phawt turin minti a,ka call a mahse a tlang thei bawk siloa,message ka hnutchhiah ta ringawta,a en em ang chu maw.




Ivy te unau lah chuan kan inlama rawn len phei chu anphur khawp maia,pi Emma pawh Louis nen an rawn pheive tawp.




Pu Harry hian afate hi a chhuahpui khat ve em a,Ivy hichu loh theih lohin school kal angaih avang hian achhuak a ni maia.




Vivienne erawh chu inah a awm chawta,lenchhuah nuam tirual anni ve bawk nen,chhuah anchak lutuk pawhhi ka dem hranlo,pi Emma chen chen hian.




Kan inah tumah an awmloa,U Mami hna akala,ka nu zing aṭangin Clinic lamah akal bawka,U Puii pawh vawiin chu phur deuhin dawr nghak turin akalve ngei kha nia,tunlai chu kal rawh tih pawh angailo,amah hian aphur ve em em ṭhin,amizia hi adang takzet...





Pu Harry chuan min hauh loh hram ka beisei,amah rawn hmasa loa a fate thil tih pui hi a duhlo theisia,a thinrim hmaisa tuar hi hlauhawm thei bawksi,ka tiril thleng hian akhur ṭhin





A thinrim loh pawn ka hlauh tawh nen athinrim phei hichuan intihbo daih theih tehi ka chak rum rum ṭhin.




Chutia ka inngaihtuah rauh rauh lai chuan,Vivienne minlo biakna vang chuah ka harh chhuak thut,"Aw Vivi enge min bia mi?"ka ti heua





"Aw nichin aṭang tawhin doorbell a rì char chara ka au che i hreloa"a tih chuan ka nuisuka,Ivy pawn a cookies siam ve ngei chu alo tibial zo tawha,Oven-a dah luh mai theih tawh turin alo rem thlap tawh




Tho vatin kawngkhar lam chu ka pana,doorbell lah chu alo hmetnawn chhen lehnghala,chhun lai laiah tu tak ni ang maw?ka hawng chiah chu pu Harry hi rum ul hian alo ding anih chu.




Ka phu chiang lutuk leh mak kati lutuk chu,"Eheee"ka ti hluaia,"Ka fate i hruai em ni"arawn ti thum bula,a thinrim hmel hle bawk,chhan pawh chhang ngamlo chuan ka bu nghut ringawta,a rum nghut




Min nek deuh pawp pahin inchhungah chuan arawn luta,ahnungah ka zuive vat,Ivy leh Vivienne choka lama lo ṭhu reng ahmuh chuan pu Harry chuan ding chung hian a enreng hlawma.




Ivy leh Vivienne chuan anpa anhmu chu mak ti awm pawn anlanglo,anlo nuih vara,"Daddy engtinnge hetah kan awm tih ihriata"Vivienne chuan ati var reuha




Pu Harry chu angawi reng,ka lama loin her pahin,"Khawnge Louis"arawn ti thawp supa




Ka chhang dawn chiah tihah pi Emma chu Louis paw chung chuan anrawn pheia,pu Harry aw anhria ni awm tak a ni.




Pu Harry chuan Louis chu ava pawm vata,a chetdan velhi enge maw ahriatni,Vivienne pawh chu aṭhulai hle hle chu ava pawm leha




A chetdan vel mak kati lutuk chu ka en tawp ringawt,pi Emma pawn mak ati deuh nge a enve vang vang tho,"Princess"tih pahin Ivy chu abiaa,apa chu alo en vat.




"I ṭhutna ṭang khan chhuk rawh le,kan haw phei ang"ati supa,"Daddy miss hian cookies min siamsak dawn asin"Vivienne chuan apa en pah chuan ati sepa




"Nia pu Harry haw pui rihlo la"ka tihve sep chuan min melhrum lutuk chu ka kun ta daih




Ivy chu thuawih deuh chuan aṭhutna aṭang chuan achhuk ve maia,apa dinna lam apan vat.




Pi Emma pawh chu Louis thil anrawn ken vel chu akhawm sawk sawka,pu Harry chu Vivienne leh Louis pawm chung chuan achhuak ta daiha,Ivy chuan minlo en zeuha,ṭhu hniamin"Haw phawt mairu aw,zanah cookies chu ka rawn keng dawnnia"ka tih chuan




A rawn nuiluia,apa thu ahnial ngam bik silo ka khawngaih reuh takzet,phurlo zet chuan a chhuakve a,pi Emma chuan akutah alo kai vat,"Pi Emma pu Harry kha athinrim aniang a"ka ti sar sara,"Thinrim lo ang,kalo hrilhfiah dawnnia"arawn ti sepa





Ivy nen chuan anchhuak venghala pawn thleng chuan ka zuichhuak ve a,pu Harry chuan Vivienne leh Louis pawm chunga gate chhunga an lut dawn chiah chu ka hmu hman





A fate kan inah ka hruai ringawt chu ka rin ang ngeiin athinrim leh ta e,zanin chu kava han huphurh tak em!damlo daih thei ila aw.




Min melh dante reng reng kha engtin tak min hau leh ang maw...Mahse kava call ve ngei chiang alawm text pawn ka hrilh bawka,insawifiahna tur chu ka neive ngei alawm




Pi Emma pawn min hriatpui tho a,ka insawifel pui thei em ang chu,mahse ahmaa ka din tawh chuan ka zam ṭhin lutuk hi ka sawitum reng pawh ka sawi theilo ṭhin,enge a chhan pawh ka hrelo amah hi ami uap ana churh churh em a ni.




Rilru nuam lo deuh chung chuan in lamah chuan ka chho a,min hauh hunah ka buk leh nghut nghut lohna turin tun aṭangin keimah leh keimah chu ka infuih pah mawlh mawlh.




Naupangho thil ṭhalo ka tihpuia ka zirtir pawh ni hleilo enge arawn hruai haw daih hlawm kherni,chu mawlh chu ka hrethiam theilo




Nuam antih ve tehlul nen aw,,,,pa khirh leh rorum deuh annei hichu ka khawngaih reuh hlawm takzet,pu Harry hichu hriatthiam ahar ṭhin a ni




A fate a ngaihtuah lutuk leh ahmangaih lutuk vang hian niberin ka hria,kan ina rawn kal pawh chu enge aphalloh viau ni.




In chhunga ka luh hnu chuan,Ivy nena kan cookies siam chu oven-ah ka dah lut nghala,an tello chuan ka ei duh biklo,huphurh hle mah ila zana ka kal hunah ka keng mai aniang chu...




Jerry Zodika Sailo Pov.




Ka nu Restaurant-a ka in eipuar zo Agency lam pana ka inkhalh chhuak leh chiah chu bus stop-a Rinrini u ang deuh a bag hai rawk rawk paha lo ding reng ka hmuh chuan motor chu ka ti ding vata.





A kun deuh bawksia ka chiang chiah ngamlo,chutah thaw deuh hak paha arawn hawichhuak ka hmu chiah chu Rinrini ú ngei ani tih ka chiang ta chiah.





Horn ka pek vak chuan ahawikual thuaka,min hmulo a ni maithei,motor tinungin adinna zawnah tak chuan kava dinga,glass down-in ka dak chhuak deuha,"Ehemm"ka tih chuan,arawn hawizawka,ahawi let leh daih





Min hrelo a ni mai thei,spact ka vuah daihsia,motor aṭang chuan chhukin kava pan hnaia,kawngpui kàn tum ni awm tak hian lehlam aṭanga motor lo tlan chu athlek vung vunga




"Enge itiha?"abeng bula ka va tih sep chuan,arawn hawivat,min hmu thut chu mak ati deuh nge,a mengphawk deuh vaka,insiamṭha vatin,"Ahh,Jerry nang maw"arawn tih chuan,ka spact lak thlak pahin,ka nuisuk





"Enge itih dawna"arawn tih leh chuan,"Kan restaurant-ah thil ka eilawka"ka tih chuan abu nghat nghata,"Taka hetilai hi tiraw in council kha"ka tih chuan,"Aw ni e"alo tivata





"Thil i eitawh em"ka tih leh chuan,"Aw eitawh"alo ti sepa,"Chuan enge ila tih dawna,dar2pm chiah ala nisia inva bang hmave"ka sana bih zeuh paha ka tih thawp sup chuan




"Nia,vawiin chu ka haw hma dawn anihhi,mahse ka nau dawrah ka peng ang motor ka keng silo a"arawn ti sapa,"Tinge i ken loh"ka tih chuan,dilchhut minti deuh nge,nuisuk pahin,"A rawng hi ka hne deuh tawha,thlak turin ka dah a"felfai thlap chuan arawn ti a





"Ka lo thlah ang che"ka tih chuan,a kut vai meuhin,"Aih angailo,hnathawh turte ila nei ang"arawn tivata,"Nei tawhlo e,hawh rawn kal rawh"tileha kal mai ka tum chu,angailo tiin minla hnial ṭang ṭanga,mahse ahnuah chuan minlo zuive mai




Aluhna turin motor kawngkhar ka hawnsak lai chuan alai deuh nge mawni,asen ṭalh ṭalha,hei chu hmeichhia tupawh ka tihsak dan fo a ni,a awm dan chu a duhawm reuh takzet,a hmelṭhat mak bakah ahleitling reuh angreng si a,ahawihhawm reuh bawksi angainat awm ka tih zawng tak ani reuha.





Motor chhungah chuan lutve nghalin kan tlanchhuak nghala,"Chuan unau pathum maw innih kha"ka tih sup chuan,"Aw hmeichhia vek pathum"arawn ti vata,"Anuam em"ka tih chuan,abu nghut




"Upa ber tiraw inih"ka tih leh chuan,"Aw ni e"arawn tive leha,"Kum engzat nge iniha"ka tih chuan,angawi vung vunga,"Nang aiin ka upa"arawn ti sup reuh anih chu




Ka kiaisuk,"Awihawm loh emai"ka tih chuan,anuisuka,a hmelṭhat reuh lutuk vang nge ka hmu naupang riaua kei aiin a upat hi ka ringlo hrim hrim,"Ania lawm nang aiin ka upa vang vang,ka nau chiah nen hian in inrual"arawn tive leh sepa




"Ka kumzat i hria mi"tih pahin ka va melh zeuha,alo bu nghut,"Engtin"ka tih chuan,"Naa,i dilchhut reuh e"arawn ti ta daiha,"A nih i kumzat chu min hrilh la"ka tih veleh chuan





"Thufing pakhat chuan 'mihring chu kum60 thleng hian kan vanglai hun kan hmang ani' a ti a,keichu ka vanglai chanve ka hmang tawh"pehhel deuh chuan arawn ti duh chauha,ka hrethiam derlo,"Enge awmzia"bangbo zeta ka tih chuan,anuichiama




Ahnuah a thusawi chu ka ngaihtuah chianga,a vanglai chanve ahman tawh chuan kum30 tihna,ehe!ahmel en aiin a upa daih,"I hre tawh em"nuihza aw zeta arawn tih chuan,ka nuive suk,"Ka rin aiin i upa daih"ka ti supa





A nuilai atawp data,"Chutia mi,midang chuan ka kum ai mahin ka senior anti ṭhin asin"arawm ti hapa,"An fiam che nih chu"thutak zeta ka tih chuan alai leh tawh nge,a biang asen tai tèk mai.





"Chuan i hming kala hre miahlo,engtinnge ka koh dawn che"ka ti leh sapa,"Lawmsangzuali ka nia,U Ls minti mai rawh"arawn tih chuan ka rum nghut,minlo envata,a mitmeng aṭang chuan enge?alo ti nimaiin ka hria





"Nula hmelṭha chu eng ang pawn kei aiin upa mahse ka u ngailo"a mah melh zeuh paha ka tih chuan,anui deuh sen sen chu,front glass aṭang chuan ka hmuthei,"Apawi itilo ang chu tiraw"ka tih leh sup chuan,"Ti hran love"alo tive maia





Kawngtluan chuan eng eng emaw sawiin kan ti ti char chara,kan ti ti tui lutuk vang nge an in chu kan thleng hma riauin ka hre lehnghala





A chhuah pah chuan,"Ka lawm lutuk ania aw,i motor khalha chuan anuam khawp mai"arawn ti luama,"Passenger phurh nuam tak ini"ka tih chuan a ha nalh zet langin anuia,kalo thlir veng veng.




"Anih chaw eitui aw ,ka lawm lutuk tak tak ania"ti a kal mai atum chu,motor aṭang chuan chhuakin,"Zanah rawn len iphal angem?"ka ti sapa,rawn hawilet vatin,"Phal lutuk e,mahse Matei,ka tih Rinrini a awm dawnlo sin"arawn tivata





"Rinrini vang ni loin nangmah vangin lawm kalo len dawn"inla zei zeta ka tih chuan anui leh ver ver,"Aw i duh chuan lo leng rawh"lai angreng tak chuan arawn ti sepa,ka nuive suk,"Lut tawh rawh"ka tih chuan akalve nghal maia,rawn hawiletin kut minlo vai leh zeuh chu ka vai letve vat




An inchhohna step athlen thleng chuan ka enzui renga,a chhan pawh ka hrelo,kan inhriatna la reilo mahse,ka ngaina reuh tlat anih chu,a ti ti siam siam laia aṭawngkà dam dap mai tekha hriatnuam ka ti a,zún anei hialin ka hria.




A tir kha chuan Rinrini hi hmelṭha reuh ka ti a,ka star ru reuh takzet kha nia,mahse a u hian min híp nà zawk tlat,Rinrini hichu ka u hian ahauh nat danah aduhve deuh tih ka hriaa,han tihluih velhi nuam kati riau bawk




Ka u runluih hichu kan tette aṭanga nuam ka tihberte zing ami ani hrim hrim,amah ala upa hran lova afate enkawl puitu tur amamawh tih pawh ka hrebawk,Rinrini laka arilru puthmang asawichhuah duh theihna tur khawpin han tihluih vel zel dan tur pawh kala ngaihtuah ang,ka ngaihtuahn vang chuan ka nuisuk





Ka u te inlam ka en chuan,vawiin chu ahaw hma si a,a awm ngei ka ring mahse zan lamah tlawh zawk ila aṭha ang.




Motor chhungah chuan lutin Agency lam ka pan leh nghala....





Lalrinawmi (Rinrini)Pov.




Oven aṭanga cookies ka lakchhuah chu a sat tawh loh avangin container-ah ka khung nghala,U Puiin ahmuh chuan ei atum lehnghal dawn sia,heichu naupangho nena kan eitur liau liau anisia




Eisuh tih chu nuam ka ti bik dawn siloa,chuvangin dahṭhat hmak angai,room lam pan tuma choka aṭanga ka chhuak chiah chu U Mami arawn haw chiaha,"U ilo va...."ka sawizo hmanlo minlo kuah chula




"Ka thaw ṭha theilo ania"khuh kharh kharh paha ka tih chuan min kuah tih chu hre chauh ni awm tak hian minthlah chauha,ka thawchhuak ham ham




Chutah min ngaihsak lemlo chuan,"Awi,mate,awi anuam lutuk"hlim zet hian ati chiama,"Vawiina ka thil tawn chu hria la min lawmpui ngawt ang"a ti leha




"I hria em Jerrya'n minlo thlaha,awi a motor chhung kha vanram ang vel a ni,ka motor rawng kalo kah ṭhattir kha Pathian ruat liau liau anih ka ring"ti lehin hlim em em hian aphi chenga





Hetiang em em a u Mami hlim lutuk hi kala hmu ngailo,"Awi Lalpuii hi rawn haw vat tehse ka intihtheih khum chak tawh lutuk zaninah ala rawn leng dawn zui"a ti leha,ṭawng pawh ka ṭawng ve hmanlo




Zanin ka hun tawn tur ka ngaihtuaha ka huphurh lutuk hi U Mami hlimna hi ṭawmpui har ka titak zet,"Ava ṭha ve"nuipah chuan ka tive sepa




"Awi nuam tak a ni,kan inbual fai sersawr anga,eirawng kan bawl dawn nia aw"phur zeta ti leh pahin room-ah chuan alut ta daiha,nuam ati lutuk chu hnunglam aṭang chuan ka nuih ka nuih ta ringawt.





Nula senior ni tawh mahse ahlim tawh tak tak chuan U Puii aipawn aphur hlut ṭhin,a mood hi afuh thei em em ringawt.




Chu lohah Jerry hi a star-na reuve tawha,ka lawmpui takzet,mahse Jerry hichu a u ang a ni veloa,alerh tihhi a hawiher aṭang hian ka hrethei,U Mami hi alo fiamkual ang tihte chu ka ngaihtuaha




Ngawiteh,,,chutiang ngaihtuah tur ka nilo,in ngaizawng em pawh anla ni hleinem le...




Room-ah chuan lutin ka bag-ah chuan container chu ka khung vata,Bathroom lama u Mami zai rat rat pawh chu ka hrepha




Room aṭang chuan chhuakin,fridge aṭang chawhmeh siam tur kala chhuaka,ka nguai ruih mai zanin hi thleng theilo se awww....




Chawhmeh ka chan mawlh mawlh lai chuan U Mami chu alu tuam chung hian alo chhuaka,minlo puive nghal vat,Jerry chungchang ngawt chu sawiin amah chuan anui leh ṭhina,a sawizawng pawn alai deuh ni maiin ka hria.




A ṭawng siam siam renga,a changin ka nuihpui veleh ṭhin,mahse ka thinlung takin ka nui thei derlo zanina pu Harry ka hmachhawn huna ka dikna ka sawive dan tur ngawt chu ka ngaihtuah.




Ka nu leh U Puii lo haw hnu chuan,rei vakloah chaw kan einghala,ka rin ang ngeiin chaw eilai chuan,U Mami chuan vawiina a thil tawn chu U Puii ahrilh ta.




U Puii chu alo ner nasa ngang mai,ka nu chu anui leh huk ṭhin,"I duh leh awih suh zaninah arawn leng dawn"U Mami'n a tih chuan,"Aw kan hria ang chu"U Puiin alo ti a




"Nge min rin loh ve le"U Mami chuan a ti leh,"Rawn lengse kan hria ang chu,ka ringlo che pawh nilo"U Puii chuan a ti leha,"Hman zan pawn arawn leng alawm tiraw Mate"ti a U Mami'n minlo melh zeuh chuan,ka bu nghata,"Mate ani mi"rin loh hmel taka U Puiin a tih leh chuan,ka chhan hmain




"Rawn leng e,a u Zopuia pawh arawn leng"antui hawp pahin ka nuin alo ti a,"Awi animaw ngatinge pu Harry rawn kal hian kalo awm loh ṭhin aw"U Puii chuan ati deuh hlak hlaka




"Chutia i awm loh laia rawn kal ziah turin alo leng ziah hleinem arawn kal chhunah i awmloh vang mai mai nihchu"ka nu chuan ative leha,U Puii chu a phun bul bul.




"Jerry ihmu anga e,Pu Harry chu itheihnghilh daih mai ang"U Mami'n nui pah deuha arawn tih chuan,"Teuhlo mai pu Harry ka duh fé Jerry lerh lerh nen"U Puii chuan arawn ti hlaka





U Mami'n "ihre ngawtlo"alo tive leh,U Puii lah tlawm duh biklo Pu Harry ṭhat zawk thuin achhang char chara,U Mami pawn Jerry ṭan zawngin achhang letve char char bawk.




Ka nu chuan aning deuh nge,a chawthleng chawi vutin atho a,"Ngawi mai mai rawh u,nula pum pa mipa vanga inhnial vak vak inti awm anglo lutuk miten anhre reu reu ange,chaw kha ei vat ula nimai"ti hlak pahin,tab lam apan ta daiha




U Mami leh U Puii inhnial chu an tawp chiang teh asin,kei kalo nui tut tut




Chaw eikham chuan U Mami'n engmah tih angailo atih tlat avangin,U Puii nen chuan an sengfela,an seng pah chuan pu Harry leh Jerry chungchang bawk chuan an inhnial leh zeuh ṭhin...Buaithlak hian




Ka nu thingpui sen hàng pek pahin room lamah ka lut nghala,darthlalang hmaah ṭhuin pu Harry bula ka awmdan tur velte chu ka zirchhin vela,ngatinge maw ka huphurh em em maile,mahse ka kal tho chu angaisia.




Hreh zet chuan in aṭang chuan chhuakin pu Harry te inlam chu ka pana,ka thlen dawn hnaih phei chuan vawt timiah siloin ka thà te akhur




Security ten gate minlo hawn chuan ka nuilui sànga,kawngkhar bulah chuan ka ding ta van mai,doorbell chu ka hmet zeuha,pi Emma niloin an nula awmpui pakhat chuan minlo hawnsaka




Ka lut nghal vat,zan dang anglo takin inchhung chu areh ṭhiapa,zan dangah techuan naupangho sofa room-ah anlo awm reng tawh ṭhin kha nia,ka hawikuala pi Emma pawh hmuh tur alo awmlo




"Khawnge an awm veka"tiin nula chu ka zawta,"Pu Zopuia techu apa te inlamah zanriah eiin ankala"arawn ti sapa,"Pi Emma pawh maw"ka tih chuan,"Aw"arawn tivata





"Anih anrawn let har dawn em?"ka tih leh chuan,"A sawi miahlo a"arawn ti hapa,ka thaw huai thei,tunah dar6:30pm apel tawha,pu Harry hi hun vawngdik lutuk mi ania,tunthlenga anla rawn haw loh chuan zanin chu ka chawl thei tihna ani ngei ang.





Min hauhna tur hun ahla deuh dawn tihna ani mai,ka hlim lutuk hi sawi ngaihna ka hrelo,ka bag aṭang chuan container chu la chhuakin nula chu ka pe a,"Heihi Ivy leh Vivienne te eitur ania ilo dahṭhat sak dawnnia"ka ti sepa,alo bu nghata




"Pu Harry chuan lo nghak turin min ti em?"ka tih chuan,"Aih chutiang engmah asawi miahlo"arawn tih chuan kuah tawp mai ka duh





"Anih chuan maw,pu Harry-te rawn haw hunah chuan kalo kal thu hi ihrilhve hrim hrim dawnnia aw,inlo haw har lutuka ahaw ta nih kha lo timai rawh aw"ti lehin min chhanna pawh nghak tawhlo chuan hmanhmawh deuh chuan in aṭang chuan ka chhuak nghala





Chuta ka thil hmuh avang chuan ka hlimna zawng zawngte kha anthlawkbo vek,pu Harry bolero chu gate aṭang chuan arawn tlan lut mek a nihchu,,,eng ang pawn hreh mah ila min hau ngei dawn e.




Chesawn tawhlo chuan kawngkhar bulah chuan dingin ka en tawp ringawt.




Pu Harry chu motor aṭang chuan amah chauhin arawn chhuaka,zanin chu coat suit ha loin casual deuhin a inchei ve ngei,Cargo dum ahaa,Jacket dum ha bawkin ahnuaiah shirt var nghawng V ahaa,alang pa takzet




Enge maw kalo ngaihtuah leh tak ni,naupangho khawnge an awm daih le,pakhat tal chu rawn pawm lut tur ani sia,ka thlek deuh vung vunga,driver chuan motor chu garage lamah atlan luhpui ta daih




"Enge i en reng"rawn ti thum dut tu chu ka en vat,engtik laiin nge ka awmna alo thlen hman ka hrelo reng reng,"Ihhh,,,naupangho hi khawnge.."ka tih bah naka,"An rawn haw dawnlo zanin chu apu te inlamah pi Emma hoin anriak ang"ṭha deuh chuan alo tive maia,ka rin aiin aṭawngkam hriat anuam





"A nih chuan ka haw thei tihna tiraw"ti sepa hmanhmawh taka kalmai ka tum chu ka kutah alo vuana,ka kut chu a ṭek chhawkin ka hria,"Thil sawidun lawk tur kannei"arawn ti thawp sapa,ka mit ka chhing sawk,a thleng ngei dawn e.




Ka kut chu thlahin,"Min rawn zui rawh"tiin inchhung lamah chuan alut ta daiha,zuiloh theih ni tawh heklo,ka thawbhaka,phurlo zet chuan ka zuia,inchhung ka lut chu pu Harry chu alo bo hman daih,ka hawikuala




Awmpuiho chuan ka mi zawn hria ni awm takin ,"Inchung ber kawtzawlah lo chho rawhse ati che"pakhat chuan arawn ti hapa





Ngatinge inchung kawt zawlah ber kher min hmuh duh le?min paihthlak daih tehi atum emaw nile?ka ngaihtuahna mai mai chuh,rilru nuamlo deuh chuan inchung ber kawtzawl lam pan chuan ka chhoa,an in hi chhawngthum ngawt ania,azau bawksi,bo ruihna tham a ni.




Kawtzawl ka thlen chuan step tam lutuk vangin ka hah lutuk chu ka thaw hlawp hlawp,pu Harry chu min hnungchhawn zawngin a dinga,thil engemaw in anei ni maiin ka hria,ṭi dek chuan ka pan pheia,pu Harry chuan beer can hi alo in a,ka thawm hria ni awm tak hian minlo mitsir zeuha





A ngawi reng chu remchangah la in,"Ihhh,,,pu Harry englo ania naupangho kan inah ka hruai dawn tih kha rawn hrilh che ka tuma,kalo call che khan atlang theiloa,message lah kha i seen thei bawk siloa,nangmah hriattir hmasa lo che a hruai ringawt ka nilo ania" min hauh hmain tiin ka insawithiam zawt zawta,ka thilsawi vang chuan ka thaw chhuak ham ham




Pu Harry chuan hmalam melh ngur pah hian ka thilsawi pawh min chhanglo chuan angawi renga,min chhan beisei zet chuan ka enrenga,min chhang dawn lo emaw ka tih tawh hnuah,"Ka hria e"arawn tibul hmaka




"Engmaw ihriat"ka tih leh dek dek chuan,"I thusawi kha mawle,chuan pi Emma pawn min hrilh bawk"minlo melh zeuh pah chuan arawn ti thawp supa,ka thaw huai thei,"Chuan min hau dawnlo mi"ka tih leh chuan




"Hau dawn lo,,,maithei"ngeiawm angreng tak chuan alo ti a,ka down leh vek,"Lungngai suh ka hau dawnlo che mahse nidangah chuan phalna ka pek hma che chu hruai hlawm ngawt tawh suh ang che"khauh angreng taka arawn tih chuan pu Harry a nilo emaw ka tihial





Min hauh hrep ka rin nen zanin hi a thil in vang nge afel lutuk hi mak ka ti,a tho á ti dawn ila,ani thei ngawt silo,ka nuisuka,"I zawm dawn na nge"arawn tih leh chuan,"Zawm dawn e"nui var pah chuan ka tivat.





Zanin a fel lutuk hi ka hmu ṭha zual sauhin ka hria,ṭhutna awmna lam pan chuan akal ta daiha,ka zuive vat,pu Harry chu aṭhu thla nghala,ka ding reng chu,ṭhu verawh ti ni awm tak hian minlo melh zeuhin ṭhutthleng chu amelh leha




Ka ṭhuthla ve nghal vat,beer can chu ka hmaah rawn lekin,"I duh ve em"arawn ti supa,"Aih ka in ngailo"tiin ka chhang vat,bu nghatin alasawn leh vata





Zanin hi Pu Harry nena in closed taka kanin biakna hmasa ber a ni.Amah lahhi ka hmu ṭha em em zuia




"Strawberry i ngaina em"arawn tih thawp sup chuan amah chu ka en vata,minlo enve reng bawk,kan mit a intawng fuh lutuk chuan minti lai takzet.Ala hawisawn duh miahlo zui,keimah zawk chuan ka mit chu kala sawn vata





"Ngaina e"ka ti sepa,chutah a jacket ipte chu zenin,Strawberry juice can chu arawn phawrh chhuaka,ka nuisuk,zanin chu che naupang chhia angreng khawp mai




"I duhlo mi"tih pahin laksawn leh mai atum chu ka ban vat,pa zet hian ala nuisuk zui,hawn nghal mai ka tum chu ka kuttin sei vang nge ka hawng thei derlo





Pu Harry chuan,"Khawimaw"tih pahin ka kut aṭang chuan arawn laa,awlsam zet chuan min hawnsaka,minlo pek leh chuan,"Ka lawm e"ka ti sepa,ka in nghal vat,min hawn saktuin azir vang nge Strawberry juice ka intawhah chuan ala tui ber hialin ka ring.




A can chu lek kàngin ka en vang vanga,"Fat(thauna)0.5% a awmsia i hlauthawng deuh a mi?"nuisuk paha pu Harry'n arawn tih chuan ka lu ka thing vat





"Aih nilo e,atui ema nidanga ka in ṭhin nen khan a in anglo em a"ka tih chuan,abu nghuta.





Beer chu alem leh khalha,a hrawkbawk che dat chu hmuhnawm tham a ni,"Vawiina ka chetdan vang khan ka tih palh"zawisi mahse chiang deuh hian arawn ti a,tunah khan ka tihpalh tih avawihnihnan pu Harry-in min hrilh anih chu.





"Aho lutuk"ka tivata,"Vawiin khan ka nupui hluiin min rawn biaa,kan fate hi awmpui aduh thu arawn sawi leha"nuiro hak pah chuan arawn ti supa





"Court lamah pawh min khin atum thu arawn sawi bawka,in a ka haw khan ka fate hmel ka hmu silo kha minlo laksak ta emaw ka ti a"arawn ti chuai raiha





"Awmpuihoin in ina anlen thu min hrilh khan engmah min hrilh lovin ihruai ringawt vang khan ka thinrima,mahse in a kan haw hnu khan pi Emma khan min hrilha,i message pawh kha ka hmu chauha,a zialo khawp mai"ka mitah tak min enchung hian damthluam hian arawn ti a





Tunah tak hian ka awmdan hi ka hrethiamlo,zan danga pu Harry bula awm hreh leh hlau em em ṭhin kha ka thla amuang em em anih chu,aṭawngkam dam lutuk leh amitmenga thinrimna a awm miahloh vang pawh ani maithei.




Beer chu lem leh khalhin ahmui chu aliak huh zeuha,a pat zia chu pui tak a ni,tumah hian hmuve lose ka tihial.




Chutah ka rinloh lutukin pu Harry chuan minlo hnaihchilh thutin ka hmuiah arawn fawp anih chu!!!!!



(END OF CHAPTER-11)
(A seilo ti chu an daw duai🤭,comments lamah lo chhiartu zawng zawngte kanin hmu leh vek dawn nia aw😘,in vaiin ka hmangaih em em che u❤️)

*INFORMATION🗣️*




*WASSAP GROUP MEMBER COMMENT COMPETITION🤍❤️💜*



*A MAN WITH THREE CHILDREN* hi ka dah hun ka thlak tawh dawna,MONDAY,WEDNESDAY LEH FRIDAY-AH chiah ka dah tawh dawna,zankhat danah zel tihna nihchu,Sunday zan hi ka awl ziah tawh dawna,mahse kartawp apiangin Wassap Group ho bikah Comment Competition kannei ziah anga,heihi Wassap group join ṭhatna a ni,chuta Group comment tam ber chuan Chapter thar zawmna dah leh turin a chanve Sunday zanah ,an group-ah chiah ka dah anga,an chhiar ziah thei bik dawn a ni💌



*(Tunṭumah chuan 4k tlin thleng comment theih aw,inhun a inṭan e🗣️,Group number zat sawi tel zel tur🤍❤️💜)*




Comment-na tur link👇💌
https://www.facebook.com/groups/9913546 ... 421157413/

Wassap Group-3(Purple Squad💜)
https://chat.whatsapp.com/Fde4FhmHuUg9m4HutU4Ay6

Pu Harry Group bik bik👇💋
https://chat.whatsapp.com/FhcOZ7FN31rFUbkriUTfH3

Ads click kha aw



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)