HEROINE - 9 BY APUII TLAU

Episode kal lai dah luhna

Moderator: writers

Apuii Tlau
Posts: 210
Joined: January 30th, 2021, 2:54 pm

HEROINE - 9 BY APUII TLAU

Unread post by Apuii Tlau » January 21st, 2022, 10:56 pm

(Social media khawih miah lo mipa thlalak zawn hi chu maw hmuh har ve tak ani)


Chapter - 9


Țha zet a zuang zawk apah a vuak thlak leh rual chuan theih pa tawp a ring hian kan bul lawk a student ho chu an au ta ruai ruai a, Khuang nen an ri dur dur mai.



Kan lam rawn hawi chho in nui sak pahin ban a rawn vai zauh a, an lawm tawk a tling kher mai. Naktip chawhnu ah final an khel dawn tihna ani ta a, a tum pui tur erawh kan la hre lo.



Pawnah kan chhuah dam dam hnu chuan an midang pawh chu awm in kan ri luih luih reng a, keini erawh mi tamna lo deuh ah kan bike dahna bul lawkah kan ding ve reng.



"A bawp nalh zia kha in lo hmu em?" Rinkima chuan ati leh surh surh tawh. Dawnga'n nui chunga min rawn mit mei zeuh chuan a hawina lam chu ka en vat a, bag ak Rinsangpuii lo chhuak mek chu ka lo hmu ve vat bawk,a bulah kan Su pahnih an awm ve bawk.



A hawi kual deuh ruai a, țhenkhat in thlalak pui turin an lo sawm aniang an han sefie leh rih a, group ang zawng ten an lak pui emaw ni, chiam chiam hlawm hian.



"Rina inchawi ang hmiang" ka tih chuan min rawn melh vat a.



"Rinsangpuii saw ka phurh haw theih chuan engzat nge i bet ngam ang, 1000/- i ngam em?" tia ka melh chuan a nui tut tut a.



"Hmeichhe dang ang a nih loh kha aw, i duh tak tak chuan ka ngam khawp mai" min nuihzat ru lam maha alo tih chuan ka lo țhen ve suk a.



"I ngam nge ngam lo?" ka tih leh sup chuan "Ngam tuk e le......A hnek em loh nan che ka lo țawngțai ang" Ka ban puam a rawn hnek zeuh pah chuan ati leh a. A nui rei lo tawp ang leh!



"Saw saw saw....va kal ta che, miin an hruai khalh hma che sawn" Faka'n nui paha alo tih leh chuan ka nuih zat ru viau thung.




Zawimuang a meizial zu pah chuan ka pan phei a, pa zo lo ho an awm bawk a an thawm a țha khawp mai. An bul ka thlen phei hma chuan ka meizial chu paih in ka rap hlum zui a, Rinsangpuii hawi kual nen chuan hmeizial khu zam deuh luai hnuai ah chuan kan in melh chiang leh hle tawh.



Ka nuih suk a, tawi te hian alo nui ve a midang nen chuan thla an han la dun leh rih.



"Dinga, tih tur dang ruahman ala awm em?" tiin SU te bulah chuan ka ding ve nghal a, kan sec ami ani bawk a Dinga hi chu ka hre chiang ve bawk.



"E, helamah teh daih" tiin min lo nuih vur vur phawt a chutah "Awm tawh hran lo ang, kan player erawh țhingpui vel han in khawmuan pui ve te pawh angai ang" nui paha alo tih chuan ka lo ner ru deuh.



"Keiman ka lo inpui zawk mai ang" ka tih chuan an nui chhuak hawk hawk a. Ka fiamthu emaw ati ani chek ang chu.



"Alo char bet ve viau che elaw" alo tih leh chuan ka lo țhen suk a. "Mahse aman a duh te anih ngawt loh chuan a tih chi hran lo ang, a kawlh reuh phian ania" ring vak lo a nui hui paha a tih leh chuan ka țhen suk a.



Kan lampana Rinsangpuii lo phei chu ka lo nuih suk a, a chauh hmel phian lehnghal. Kan bul alo thlen chuan ka kut ka lo pe vat a, awlsam zet a a rawn vawn let ve chuan ka lo nui leh suk a, Dinga mak ti phawk deuh hmel pawh hmuh hmaih chi ani lo.



"Enge in awmzia?" a rawn ti ta chat reng a. Nui mahse mak a tih hmel erawh ala cham bang reng thung, abula kan SU tho ding ve pawh chu a nui ve tho.




"Enge, kut in vawn satliah anih hi" Rinsangpuii'n alo ti leh hmak a. A tawng deuh hmak hmak țhin hi a tih țhan anih ka ring hre ngai lo tan phei chuan a thinrim emaw tih theih tur aniang.




"Khatiang satliah ani thei lo, Ramnunpui i va zahpui awm e, a țha țha hi lo thing hman ziah suh" Fiamthu a a rawn tih zawm tak hlut ah chuan kan han nui leh rih.



"Ka hruai tak tak dawn ania" ka tih țhat leh hnu chuan "Kal ru kal ru.....Min ti chep, a thingpui inna tur hi kan lo nei fai vek anga ni mai lawm" Alo ti awlsam then a. Rinsangpuii'n zawhna mitmeng a a mitko min rawn kan khum chuan ka lo nui ringawt.




"Engin nge ilo kal?" ka tih chuan "Taxi in" alo ti ve mai a.



"Ka thlah ang che,ka ang" tiin ka kai zui nghal zat a. Midang mitmei ven ngaiin ka hre miah lo bawk.
Ka țhiante dinna lam ka pan pui laia Rinkima leh Faka mit a mak tihna lo lang chhuak chu hmuhnawm tak ani. Dawnga erawh in min lo nuih vur vur tawp.



"Haw ang ule, Rina khawimaw meizial man tur chu" tiin ka va melh a. A hmel chu a nuihzatthlak zawk, min ngei hmel bawk si, ren run hian!




"Phakar pa, i chak lo ang" ti sup in pawisa chu min rawn pe a, ka lo nuih suk ringawt.



Ka helmet chu khum in ka bike ah ka lawn nghal zat a, rang zet in Rinsangpuii chu a rawn țhu kai ve zat a, min kuah dan pawh a dik leh thlap tawh. Rinkima mit va siai zeuh pah chuan ka tlan chhuak ta nghal a, a hmel kha hmu ve ula chuan in nuih aza ve tho mai thei ani.



"Tinge?" KFC kawt a ka din chuan alo ti hu a. Nui suk in "Lo awm lawk rawh" tiin a chhunglamah ka luhsan a. Mi an lo tam vak lo leh phian a, a tihzia thei fu.



KFC khaia ka let leh chuan inkuangkuah than hian min lo en a. A mitmeng a dam leh tawh vak lo. "Bur bur mai a" tia ka țawng khalh chuan a rum deuh nghat a. Engmah a sawi chuang lem lo. Kan tlan chhuah leh chuan a khat tawk in ka awm a țham leh hrawk zel a, a thinrim a hrik thlak ve dan ani chek ang chu.



An inkawt a ka din dat chuan rang zet hian a chhuk nghal a, pawh beih luih hlau ang mai.



"Lawm thei pa" a rawn ti leh nghat a. Rum zet a ka melh chuan ka rin loh deuh in alo nui sun sun a, ve ziah hian! Bike a ka phurh a lawmna aiin ka lawmna sang zawkah zu ring tlat a, indah sang ve thiam ania.



"Ka lawm theih angin awm zel ang che" ka tih chuan a ner zui nang a. " Kha " tiin KFC paper bag chu alamah ka lek phei a, min melh reng ringawt.



"Min pe maw" alo tih he haw chuan a kà atanga chhuak pawh anih duh loh hmel.Nui chungin ka lo bu nghut a, ka ban ka tih chet leh zeuh chuan alo ban ve ta mai a, mahse mak ati ve reuh emaw ni a chet zia adang ve deuh.



"Oh..Aaa....Kan lawm ve ve "  a rawn tih leh pek chuan ka lo nui ta hak a. Lawm thusawi hi chu a hreh reuh ania.



"A dik ani lawm ni?" a rawn ti leh nghat a. Ner suk in ka lo bu liam va ta mai.



"Lut rawh, keipawh ka kal dawn" ka tih zawh rual a ka lama a rawn tawlh hnai nghal hret chuan rum zet hian ka lo melh a, min run luih ve deuh emaw ni.



"I sual...." ka melh rum vang ani chek ang chu a rawn ti teh ngawt lehnghal.Ka melh run run ringawt. "Min melh nasa lutuk" ti hlak in bike a ka țhu run tawh chu min rawn pan in a ner nang a.




"Lawmthu sawina" ti sep in ka biangah a rawn fawh zeuh chuan ka meng kang deuh ak a, ka insiam țha leh vat thung. "Zanah min lo be rawh" ti sap in a inher nghat a. Biak zawm hman miah lo in an inlam a pan leh nal nal tawh.



Ka biang chu ka tawk zauh a, a ropui e, bungthar kan kai dawn a ang ve ta riau alawm.



Tlaiah chuan kan han practice leh nak nak a. Naktuk Final ani tawh bawk nen a zam awm ve deuh. Thlan a tla leh hluam tawh.




*______________*______________*_______________*



*Ka chau reuh*


*Keipawh ka rawl*


*Damdawi te ei la*


*Ka ei alawm, mahse ka chau*


*Ka kuah chak che*


*Ramnunpui, nun over nei suh* a rawn ti leh hmak tawh reuh. Biak eng emaw ve deuh hi a har reuh talh ania.



*Naktukah ka hming lamin i au angem?*


*Ka hre lo le, țan tlak khawp a țha a i khelh te chuan*


*Min țan viau dawn te chuan a khelh chhiat theih dawn ami?*



*Ninawm, hmeichhe dang i biak angin min be suh!* a rawn ti leh hmak tawh. Amah bak hetiang thu ka la hrilh tawp silo.


*Engtin nge ka biak ang che?* ka la ti hram a.



*I țawngkam aiin i thil tih ah zei la ka duh zawk, engkim i duh duh sawi la ho ka tih zawng ah ka lo sawi ve fak fak anga, țhian inkawm ang anih chu, bakah in biak thlum vak angai lo* a rawn ti ve teh duah a. A sawi a mawi lo a tam a sawi.



*Anih, ka ngai ve che a chuan engtin nge ni ta ang* ka va ti ve ta tawp a. A ruh langa sawi a duh te chuan.



*Min ngai viau mahla, ka rawl* ka nui chhawk hawk a. Henu tak hi chu!



*Ok, anih leh naktuk chu ka rual in i kal duh em?* ka va ti leh hram a.



*Duh lo mai, taxi in ka lo kal mai ang bakah field thlen hma inngai awm bik si* a rawn ti ve leh zat a. Kan boruak chu a zangkhai vei phian a, nuam pawh kan ti dun in ka hria.



*Umm, mahse ka rual in haw la* ka tih lai mek in *Thil sawi lawk zung zung zel suh, i thu miah lo ania* a rawn ti leh khauh a. A dik ve leh tho mai. Mahse ka ngei ru ve reuh, min ti zak ţep alawm.



*Goal kha* ka tih leh a. *Hard trick i siam dawn tihna em ni chu* a rawn tih chuan ka run ngei mai.



*Ka siam hun a i hmui ka fawh hunah che chuan hre rawh, ka dim dawn miah lo che ania* ka ti nghet charh a. A seen a mahse a reh rei phian tho.



*I duh leh i hawn daih dawn nia* a rawn tih leh pek chu. Ngit nget reuh hian.
*Ka mut a chhuak* a rawn tih zawm leh zat a. Vawiin lam alo chau ve bawk nen ka khawngaih ve deuh.



*Mu tawh mai rawh, i taksa hahdam tir la* ka ti ve leh a.



*Nula dang an awm chuan naktuk emaw hun dangah pawh ka ta hauh ka tina ania*  a rawn ti leh pek. A vei ve ngang zawk nge mawni.



*Ka hria lawm, Kan inan na! Muttui mai aw* tiin ka reply a, a seen a *Muttui* tih bak alo thleng tawh lem lo.



*__________________*____________________*

Tlai lem lo takah ka țhiante pawh kan inah an rawn kim ta țhap a, Ka pa pawn vawiin chu min rawn en pui dawn a, ka phur zual phah kher mai.
"Taka Ruatpuia kha i lo zawt ta em? Chhaneki kha alo be ve tak tak ami?" Faka'n nui hui paha Dawnga a melh chuan Dawnga chu alo ner sawk a.



"Teuh lo, amah khan ava be buai reng zawk anih kha, Rinpuia'n ngaihzawng ka nei a tih pawn a ngaihpawimawh loh thu vel a lo va fah alawm min chhiar tir a" Ei lo zet hian Dawnga chuan alo ti hmuk hmuk a.



"Khanu kha hnaih vak chi loh anih dawn kha, engtin nge Thantluangi te nen pawh an inkawm theih ni?" Rinkima chuan ako ti ve nghut nghut a. Kan chhan hma hma chuan " a hrim hrim in nge nimin kha i kaih kher a?" a rawn tih zawm zat a.Hepa tak hi chu aw.



"I la khawih ve awm der silo a?" ka lo tih chuan min rawn kuai kun nghal bawrh bawrh a, hah hnapa kan han infiam ho leh hrep chu.



Chhani'n a sawi pa Ruatpuia kha Dawnga first cousin niin bialnu nghet nei lai ani bawk, kan chhuak ho ve zeuh zeuh a, a bialnu a duh zia kan hriat avang pakhatin Chhani'n khatia a sawi pawh a mak ti ve deuh kan ni a, kan awih lo mah kha ania, alo dik reng bawk.



Field chu kan thleng hma khawp mai, kan taksa kan sawi zawi hmasa te te a, taksa a lum hnu ah chuan chet pawh anuam phat tawh mai. Mipui an rawn lut ve ta duah duah a, Aizawl khaw chhunga college pahnih in final khel tur kan ni bawk a , entu pawh hundang zawng let in kan pung a, kan ri mur mur mai ani.



Ka hawikual fe hnu ah Rinsangpuii ei tur kenga mual sir a țhiante niawm tak nen a an țhu ho chu ka han hmu ta a, alo hawi loh lai ani bawk nen min hmu ve kher lo mai thei ani.



Game țan tur a mual chhunga kan pen lut chiah chu thawm chu țha hum hum tak ani ringawt, Kan college lam ho țhutna ka han hawi chhoh chuan tih tak zet hian kan colllege a kal ve kan principal fapa chuan khuangpui lian zet chu alo vaw dum dum a, khuangte ri pawh a awm nawk mai,lehlam pawl ho pawh. Mahni college hming lam chuan an in au ring chhawk ani mai e.



Inkhel chu țan chiah atangin boruak a ţang at mai. Ball chang tam tum a nawrna a tam a, boruak in a zir nge kan che sual deuh nuai ni maiin ka hria, First half chu zep loh chuan kan bet rawk rawk ani ber e. Goal lah kan chhuah teuh thei keeper vanneih țum ani nge kan la him hram hram ani ringawt.



First half kan zo a, dressing room a kan chawlh laiin coach in min zilh zui malh malh a, kan defence ho line a siam rem zeuh chu kan țhatpui ngei ka bei sei.



Second half khel leh tura mual kan luh chuan lehlam thawm chu a ring ta zawk mah mai. A awm lo hran lo e, First half lamah min nawr tawm hneh em a.Rinsangpuii țhutna lam ka han hawi leh chuan sang zet hian a ban min lo vai khum ve ngei a, nuih ati zà reuh.



Game kan țana Hlimawma nen mid a awm kan ni bawk a kan țang bawk a ball kan khawih tam ta khawp mai, rei lo te ah game kan thunun ti tih theih phah ta hial reng a, Hlimawma'n left back Thanpuia hnena ball a pek chu chak zet hian arawn tlan chhoh pui a, passing an neih leh zawk hnu ah goal line a a rawn cross phei chu head tum in kan zuang suau a, ka lu ah ball a rawn tlak dawt hnu lawka mipui au in a zui nghal chuan goal lam ka en vat a alo goal chu niin......Kan college ho hma ah chuan goal kan va celebrate leh rih!



Game kan ţan chho leh a, lehlam chuan min rawn nawr let tum viau mahse an che hlei thei silo an taksa a rum sawt mai chauh ani. An lamah bawk corner kan hmuh leh takah chuan kan phei dual a, Hlimawma bawkin ava pet leh. A ball rawn pet chhuah chu Rinkima chuan goal lamah a head phei pawp a, mahse pakhat chuan lo head let leh in chumi ball rawn tla chu goal kil ah kawh zeta ka pet luh leh rual chuan kan college ho thawm chu ring tawh tak ani. Goal ka celebrate zawha Rinsangpuii lam ka kawh zeuh chuan an lo hmu fuh hlawm aniang an lo au rual dual hlawm a, nui chungin aban alo vai ve zawk bawk.



Minute 15 chauh a awm tawh mahse lehlam pawl chu an rawn țang thar leh khawp a, keini lah duap duh bik silo tharum a tel deuh lek lek tawh an duh ang tawk a ball an khawih tur kan lo dang chat zel bawk nen. Ball an lak fuh ve pawh Defence lam in an lo dang hneh tawh bawk sia an meng rum ul tawh hlawm mai.



Keeper ball pek chhuah Rinkima min rawn pek chhoh chu Hlimawma pe phei in hnunglam nen kan nawr chho leh țan a, ball kal chu dan an tum ve khawp mai min nek pawh a fet deuh tlat tawh. Thanpuia ball min rawn pek chhoh goal lama ka tlan chhoh pui leh lai chuan pakhat hi a rawn in khawh ani ber ang u, ka ke a rawn tlawh nawk a ka tlu chiang ngei mai,ka bawk thlawp a ka lu ka sawh ri chawrh bawk.Ka ke rek rawn na nghal ut ut chu a tliak emaw ka ti hial, mual ah chuan ka mu tawp a ka ti che ngam miah lo bawk.



Rei lo te ah min rawn bawr nghal lai lai a, ka ke an rawn khawih chet chuan ka lo rum deuh hawk a, a na tak zet miau a. "Khel thei chi ani tawh lo ang" ti a tu ber nge pawh ka hriat loh in a sawi chuan ka țang țung a.



"Hey, Țhiana i tan liau liau hnehna kan chang ngei ang" Dawnga'n a rawn tih sup chuan maimichhing tlat chung chuan ka lo bu nghat a. Zep loh chuan hnehna chan dawn tawh a tianga mual chhuahsan hi a hrehawm tak zet.



Rei lo te ah inzawnna in min zawn chhuak ta nghal a, ka țawng tawh lo a ka tuar tawp mai ani. Ka thlan fim tla te chuan ka ke nat zia chu min hriat nawn tir leh țhin bawk.



"A ke rek hi nia, a tliak nge a ulh kan la chiang thei lo" tia a sawi chu ka hre vuai vuai a.



"Bawiha" tia ka pa in min rawn koh chuan zawi muang hian ka meng chhuak a, min lo kil bial țhup bawk. Ka pa hmelah chuan hrehawm tihna ka hmu nghal a, thei leh thei lo a ka lo nuih chuan ka darah a rawn beng dat dat a.



"Ka car ah lo zawn chho mai ula, damdawiin pan nghal ka duh ani" ka pa in a tih lai pawh chuan kan proffesor lo awm ve te chuan an lo pawm pui hle a,mi kara Rinsangpuii ding ngawi reng leh a mit menga khawngaihna ni awm tak lang chu ka han hmu zuai a, mahse ka mit a vai deuh riai tawh. Rei lo te ah engmah ka hre zui tawh lo , a thim vek a engkim chu a reh duk tawh.




*____________________*___________________*


Mutthlu chung leh bawkkkk🤣

Ads click la.....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)