SUANGTUAHNA

Episode kal lai dah luhna

Moderator: writers

Rebec Felix
Posts: 55
Joined: December 16th, 2021, 5:11 pm

SUANGTUAHNA

Unread post by Rebec Felix » January 22nd, 2022, 8:12 pm

Chapter -11




"Ka sawi chu I hre lo mi " a hmai tuai thuak chung in a rawn ti țhat a .A lam hawi riai riai chung in "I rui nih kha " ka tih chuan rui tih duh lo lutuk in a hmui a pet sawi kual vak a , palian pui e tih loh chuan a hmui a pet sawi kual vel chu a zurui meng phi set set nen chuan a cute reuh lutuk tlat .Ka thil ngaihtuah avang chuan ka lo nui deuh a ni ngei ang ."Enge I nuih "a rawn ti leh nghut a.
" Ka nui lo , ă ih ka nui mai mai "ka ti bah deuh nawk nawk a .


" Ka ruih a reh hun ah ka thusawi te hi ka hriat tawh loh I ring ni maw " a rawn tih rual chuan lu ka lo bu deuh nghut nghut a , rawn rum chhuak hawk in , za lo tih hriat fahran hian a nui suk a , a ruih a reh huna a thusawi a theihnghilh tak tak chuan ka tan a fair dawn lo lutuk , chubakah hmeichhia ka nihna ang in , zurui in bem thluk tir mai mai ka tumlo ,a duh leh a ruih loh hunah min hrilh rawh se , a ngam lo a nihleh , kan nih nih kan ni tawh a nga nimai .




Țawng zawm mai loh chuan a ngawi vung vung a chutah "lut rawh , a tlai tawh " a rawn tih nghet leh charh chuan a thusawi in perhsan lutuk vang in a hmel ka en nghal ha a , min hre ngai lo ang mai chuan , dawr bul a light an chhit eng lam chu a en daih a .Eng e maw tih tal ah min duh thu te a sawi nawn leh a min duh chhan te a sawi ka lo ring deuh te kha nia , haa ka ngaihtuahna atthlak zet chu le , eng mah sawi lo chuan ka luhsan nghal hmak a .





Ka thin lah chu a la rim țun lehta nghal , zan reitawh tak, mut hun tawh a a min rawn ko chhuak a ,thupawimawh sawi tur nei leh hawt si lo chuta karah zu a la rui zui lehta nghal .Kei pawh hi engvang a lo va chhuak reng reng nge maw ka nih le ,chhuak duhlo in lo mu daih i la ka hlawk pui daih zawk ang ,mahse a thu lo hnial ve tlat te hi ka hreh lutuk hi a buaithlak a ni .



Sikul kal tur a ka insiam mawlh mawlh laite chuan ka phone chu ka khawih leh zawk țhin , nizan a thil sawi te kha a rawn bawh zui ka ring a nia , mahse ,chutiang lam kaihhnawih a awm lo hrim hrim ,a rui a reh tawh a a hre chhunzawm tawh lo a ni ngei ang ...



"Rawn haw tlang nghal rawh aw , I u dawr lamah kal ka duh a , ban veleh rawn haw la " ka chhuah dawn chuan ka nu'n a lo ti a, Ka u dawr hi kan veng ațang a a hlat avang hian , a dawr hnuai ah a rawn haw peihlo hian a riak mai zel a.


"Umm ka lo haw ang " ka ti let vat a .



" Lei tur list kan siam kha chu in rawn lei kim viau mai "kan thil lei ho thlek vung vung pah chuan Rinsanga (principal) chuan a rawn ti var var a .Kei erawh in nimin a ka chet dan te ka ngaihtuah let daih , tun thleng pawh hian ka la zak .Thil lei ho en pah in ka ner sawk a , ka ner sawk chu Dana chuan a lo hmu hman a niang , a rawn nui hawk hawk a , kan en deuh haw hlawm mai , nimin thil thleng a ngaihtuah tih hriat reng reng .


Nuih insum deuh hian " nimin chu "a sawi zawm hma hma chuan " hei ,sawi suh "ka lo ti nghal pang pang a , midang ho chuan kan pahnih in min entawn zak zak mai , rum tawk te chuan ka va melh ta tawp țhin a ,a ni lah chu nghal fahran hian a lo kiai suk suk a. Midang ho lah chuan sawi tur in an tur chhen lehta nghal .A sawi ang tih ka hlau lutuk chu


" Class i neih kha va kal rawh " ka ti sawk sawk a , țha deuh chuan a kal ve mai a , ka thawhuai thung , class ka neih ve tho avang chuan keipawh class la tur chuan ka kal ve nghal a .



Class la zo ka let chu eng an hria nge maw ni , Min lo nuih tet tet hlawm a , mahse Feli thu rawn sawi avang chuan a chhan ka hrethiam nghal
"Nimin chu " ti hak in a nui zui leh hak hak a , hepa hian a lo hrilha ni maw , Dana chu rum tawk in ka va melh a , hre lo der in hmun dang a hawi kual vut vut leh ta nghal , mipa si țawngthei reuh lutuk .Sikul a awm chhung chu min fiam char char , a chang in "nimin chu va che țhing awm ve " an tih loh leh "I zak em " an ti thul , a hnu ah phei chuan fiamthu ah ka lak pui vel ta mai mai ni .



"Thlah in ngai em " gate bul a Feli nen kan kal lai chuan car chhung ațang chuan Dana chuan a rawn ti lauh lauh a , Rinsanga'n a khalh thung .
"Kan haw na tur lam a in ang lo emai " kan lo tih chuan "in in lam ah kan kal dawn lawm , chhungte kan tlawh lawk dawn " a lo ti leh a .Chu ti te chu ke a kal hah ngailo a a thlawna chuan theih te chu chuan pawh a pawi lo tawp ang chu .



A hnung lam kawng khar ka hawngtur chiah chu kan bul mai a bike lo ding ri a awm avang chuan hawng mai lo in bike lam chu ka melh vang vang a , a bike ațang rawn chhukin a Helmet chu a la thla a , Rochanhlua lo ni , enge a rawn tih dawn ni mi rawn ding hnaih pah chuan .
"Ngati nge phone i lak theih miah lo a " a rawn tih sup chuan ka phone silent ah ka dah tih ka hrechhuak chawpchilh nghal ,a ni pawh hi zingkara a phone ka chan ruk deuh lai zawng a min be duh tawp silo in a reh hmak a ,duh duh hunah rawn in
țhawng thut thut zel mai .



"Ka silent a " ka tih sup chuan a hmui a pet sawi zeuh a "eng nge I lo tih dawn a , I nau I lo hruai dawn mi" ka tih zawm leh zat chuan rum nghut in min melh kur a ."Ka nau hruai tur ni lo in , nangmah ka rawn hruai dawn che "car lam thlek vut pah chuan a rawn ti a ,Ka bul a ding Feli chu a lo mengphar kual nasa lutuk , chuti bawkin Dana pawh , a ni phei chu dawr ah a hmuh tawh vang te pawh a niang , chubakah nimin te kha chuan inhre ngai lo ang in kan awm hmiah sia mak ti awm reng pawh a ni .

" Ih hei tah hian chuan phei ka lo tum a , a remchang bawk sia , "inthlahrung dak chuan ka ti a , lu rawn thing nghut pah in " rawn thlah tur che in ka rawn kal "a tih nghut pah chuan ka mit ah tak min melh ran a , a thusawi ah chuan a ding nghet tih hriat ngawih ngawih in kutkuangkuah at in a ding luah a .



Car lam ah chuan kun hniam deuh in " lo hawsan mai ru , ka rawn thlah mai ang "a ti leh nghal tawng a , ka lo ner khum nawng a hmuh chuan mithmul rawn ti kang euh hian enge a rawn ti sup a , lu ka lo thing nar nar a .Rinsanga chuan mi rawn melh zawk hian " eng tin nge "ti in mi rawn zawt a , lo va kal mai ru ka ti ta tawp a , Feli pawh chuan min nuih tut tut chung in a chuang ve nghal a .




" Min lo hruai kher pawh ngai lo "an tlan chhuah ve leh ka ti nghal hlar a .Eng ah mah ngailo tih hriat zet hian a nui mai mai leh ta nghal , a awm dan te hlei hlei hian min ti thin rim , " nui vur vur suh "ka ti leh hlak a , la nui reng chung chuan ka sam rawn tuai puat in " I thinchhe ve hlar hlar sia "a tih leh chuan hmui ti pawrh tar in hmun dang ka hawisan daih a .
Rawn kun hniam in ka bengbulah " i hmui kha ti pawrh vak vak suh , ka seh sak mai ang che "a rawn ti sa sa a , zaklo ti lutukin ka melh rawm rawm ringawt .



" U "rawn ti ri avang chuan hnunglam chu kan hawi phei dun vat a , hmanni a tiffin min pek tir kha a ni, a nih chuan nau kha a ni maw .Thaw deuh hlawk hlawk a kan bul a lo thlen rual chuan " eng nge I rawn tih "a ti nghal pang a , a u lah chuan melh lem e tihlei lo in min melh vang vang ringawt ,a chhan mailoh avang chuan " min rawn hruai dawn mi"phur takin a rawn ti leh a .
"Dawn lo " a ti bul leh hmuk a, a nau chu a tum nghal hmak reuh a .

"I nau hi thlah haw mai rawh " ka lo ti sup a ,lu thing nghut nghut pah in a nau chu a melh a "haw rawh saw , I țhian ten an nghah che saw " ti leh in a țhiante ni awm tak hmeichhe pathum awm na lam chu a thlek pah a .

"Hmm , i rual pawn ka haw peih bawk lo " a u melh rulh rulh chung in a rawn ti bai bai a, chutah ka lam rawn hawi in "ngai zawng duh miah suh , a thin chhe teh nia " nui hawk a ti in a țhiante lam ah chuan a tlan nghal daih a , a chet dan naupang chhia lutuk chu ka lo nuih pui hak thung .Ka bul a mi chu a nau en zui vang vang pah in "nghal lutuk " a rawn ti hluk a , a rukin ka lo nuih tet tet mai .



"Kal ila " a rawn tih sup takah chuan a bike ah chuang in kan tlan chhuak nghal a .
"I leng kawi lawk a hman a ngem " a rawn tih chuan ka nu in haw hma a ngaih thu a sawi kha ka hrechhuak chawp chilh leh ta nghal .
"Haw hma ka ngai a " ka tih chuan "a pawi lo , nidangah a ni mai " a rawn ti let vat a .



"Thing pui lo in la " in kawt a kan din dun chuan ka ti sep a , min chhang mailo in a in ngaihtuah vung vung a "i phal tak tak maw " ka mit a min melh kur pah chuan a ti a , ka lo țhen sak ringawt , min thingpui lo in tur in kan sawm a , i phal em intih te chu , duh leh lo in lo tawp rawh se .


'Phal lo che ila ka sawm dawn che mi , I duh leh lo in pawh a ngai lo "ka tih hlar chuan rawn nui suk suk in " ka fiam mai mai che nih kha , "a rawn ti sup a . In chhung lam ah chuan kan inzui lut a , Pi Thiangi chauh lo awm , ka nu lo la haw lo niang , min rawn hmuh chuan ,
" E ilo haw tawh ni maw ,tu nge a i bul a mi hi "a rawn ti vat a .
" Ka țhianpa nih hi , Rochanhlua "
Rochanhlua en vung vung pah hian "I hmeltha reuh hle mai , nulă te buaipui tham tak chu I nih ve dawn kha " a rawn ti leh zat a , ka bul a mi chu intithei deuh a min rawn en pah in a rawn vei nuih suk a ,ei lo lutukin ka lo ner khum nang nang a .




"I va ti lawm awm ve , nang pawh I nulat lai chuan I hmel țha tih ka hre mai , tunah reng i la hmeltha e mai " Pi Thiangi en pah in a ti let ve zat bawk a , a duh hun ah hi chuan țawngkam te pawh lo thiam hi a .
"Lo kal rawh ,he lam ah hian " ti in țhut khawm na lam chu ka pan pui a , he tia ka tih loh zawng in nileng pawn an in fak peih ang tih vel a ni .Pi Thiangi țawng duh leh fak lawm a lo ni bawk si , pakhata lah hian a lawm tawk a țawng chhuah a thiam si .



"In in chu nawm reuh hi " hawi kual thuak thuak hian a rawn ti a .
"Chu ti emaw ni " ka lo ti fan raih thung .Thil ka ngaihtuah chhuah thut rual chuan ka hma a țhu run lam chu melh in ''ih dawr kha , nilo ,nimin a ka bungraw pal darh kha ka tihpalh lutuk nia aw "ka ti ban charh a , a neitupa nia a ni bul a ngaihdam dil hi ka ba hrim hrim .

" A ho lutuk "a lo ti sam et thung a .Ka thawven phah huai erawh ka hre lem lo.Thing pui ka va siam ang aw tih leh choka lam ka pan nghal a , Pi Thiangi lah chuan mei nei deuh hian min lo la melhta nghal , ka lai țhelh a lawm maw le .Thingpui chawi a ka chhuah lai chuan phone a lo khawih a , ka ke penri hria in , min lo melh nghal vat a , min zirchian tum ni awm tak in hmun dang hawisan lo chuan min lo en ngur a .


" I mit kha a tla nge "thingpui pek pah a ka tih chuan a nui hawk a ,keipawh ka nui ve sei mai , a hma ang em em khan a bul a ka awm in ka zam chhe lutuk ngai tawh lo , tunah pawh ka fiam zuk zuk ngam tawh reng a ni .


" Nizan kha "a rawn tih rual chuan ka thingpui in chu ka phuh teuh kher mai , ka khuh deuh vak vak a , ka mittui a tling pam in nia ka rin ni , ka khuh vak vak tawh hi chuan mittui hian min rawn țawiawm vat zel .Nuih suk suk hian " nizan sawi ringawt pawn i che buai nia "chek tlak chung a a rawn tih chuan hnuai lam melh in za lo lutukin ka nui lui suk a .A hriat tawh lo te kha ka lo ring a , mahse a theihnghilh tawh ang tih ka hlau ru kar thung .


" Ka duh che Carol , ka ruih tawh lo vang mai a ka duh na che hi reh thei a ni lo ,ka ruih lai kha chuan min ring zo vak lo in ka hria , ka harhfim kar tawh nia aw "a tawp lam chu a nui suk a ,min melh kar bawk ,chhan mai ngaihna ka hrelo lutuk chu ka nghawng ka tuai ka tuai a amah pawh ka en țha ngam mang lo .Ka awmdan nau pangchhia lutuk chu a nui hawk hawk a ,nghal fahran a min melh pah chuan
" Ka Carol i lai ni maw "a rawn tih chuan lu ka lo thing nar nar a ," ka bialnu ni rawh "a rawn tih zawm leh charh a .A hmel kan en chu a lo thutak leh run tawh a , inringtawk hliah hliah hmel a pu in ,a thusawi chu hnial a duhlo tih hriat lutukin min melh a.Tunah hi chuan mipa thinchhe lutuk hmel bak ka hmu leh tawh lo .Bialpa ka neih ve pawn phone ah min duh thu an sawi mai a , hmai chhan ah han inhrilh tlawg hi chu a lawm awm rual in ,zam chhiat a awl duh ngei mai .


A zawhna chhan hun nghak in min melh kur a, ka rilru sawi ve hun tak a ni in ka hre ta, tun a ka hnar chuan kumkhuain rilru khingbai takin ka awm reng tawh a nga , ka duh thu sawi ve mai chu a țha ta ber ang , ani ka lo ngaihzawng a ka lo na ta viau a nih le , ka duhthlan na avang a na ka ni dawn a ,tawrh dam dan ka zawng ve tawh mai aniang chu .



Amah en let ve pah chuan ka bu deuh nghat a , lawm tih hriat lutuk hian a rawn nui hawk a ,
" Ka bialnu i ni ta "a rawn tih chhuak leh hawk a , a mitmeng te pawh a nung sar sar mai .
" Mahse ,i nau khan thin chhia a ti mai che sia "ka tih fiam chuan a rawn phun hluk a .
" Mipa te chu thinchhiat hlur mai tur " a rawn tih leh nghut chuan ,a rukin ka lo nui kar kar a .


Haw a duh tawh avang chuan kawt thleng ka va thlah a , bike a lawn pah chuan "bialnu ka neih lawm nan pawh eng mah ka ti lo nia " a rawn tih suk chuan "kal mai teh 'ka lo ti hlar thung . Rawn nui chhuak hawk hawk chung hian " nakinah ni mai "ka hmui rawn melh ngur chung a rawn tih chuan ka lo meng kual ralh a , ka sam rawn tuai thuak in zan ah min biak tur thu sawi in a tlan ta nghal a .



In chhung ka luh rual rual in " in va in thlah rei deuh ve "Pi Thiangi chuan min lo nuih var var chung hian a rawn ti a , " awi awm loh e "ka ti hluai a, ka aw ki ka lo ti sang deuh niang " dawt I sawi dawn hi chuan i aw ki i sang ziah "intihre fe a a rawn tih leh chuan lu thing nghut in chhang zawm duhlo in room lam ah ka lut a , a nui zui awr awr pawh ka la hre pha .



Pi Thiangi eirawngbawl haw hnu chuan ka nu leh pa chu an rawn lut rual hlawl a , engtia lo haw rual nge an nih ka zawh chuan ," i nu hian min rawn lam phei a "ka pa chuan a rawn ti a .Ka nu chu melh pah in
" U Nunhlimi chu rawn haw ve dawn lo mi "ti in ka zawt a .

"Haw hman hrihlo , hna a ngah deuh a niang , kartawp lamah chauh a lo phei ang , mahni a awm hi nuam a ti lutuk tawh a ni " a rawn ti hlak a .



Zan ah chuan min lo call ta ngei a , nidang a in biak ang ngawt kha a ni tawh lo , tunah chuan inngaizawng ang a inbia kha kan ni tawh tlat ,a boruak pawh a dang zar mai .

"Ka bialnu lem kha a tak i lo ni mai chu a ni sia " phone ațang a chuan a rawn ti dut a ,a nui zui hawk a keipawh ka lo nui ve hak mai .A bialnu ti a min inhmelhriat tir lai chu ka lo ngaihtuah thleng pha nghal .Thil ho te te sawiin kan in be reng a , darkar khat vel kan in biak hnu chuan kan dah ta hram a .



"Nang hi in ni maw , awi ka awilo " class kan neih loh avang in office ah kan awm a ,Rochanhlua nen kan inngaihzawn thu ka hrilh a awilo lutuk hmel mawlh hi .

"Eng vang in nge i awilo " ka ti let hmuk a , min nuih sawng pah hian " engtin nge a duh theih reng reng che ni " ka hmel thlek kual vel pah a ,a tih chuan rum mangkheng in ka melh a , nghal reuh lutuk mai .

"Kal teh , i chhe fe " ka ti khar khar a ,rawn nui chhuak hawk hawk in "ka fiam che nih kha " a rawn ti a , a la nui zui ang hawr hawr a .Ka phone rawn ri avang chuan a nui zui tawh em bik lo ka lak rual chuan
"In bang hma dawn em " a rawn ti nghal sup a , kan bang hma tur thu in ka lo chhang let ve vat bawk ,
"Ka lo nghak ang che ,chuan khawi ah nge maw ni ka hruai lawk duh che a" a rawn ti leh nghal thawr a .
"Khawi ah maw min hruai dawn "

"Ka hruai hunah che i hre mai ang " a rawn tih vang chuan ka lo hmm vak a .
"Ka Carol engtik hun vel ah maw , ka lo hruai ang che " a lo tih chuan a rukin ka nui zui vur vur a ,Ka Carol min tih hian ka sipisial bik in ka inhre hial in , ka hming hi mawi ka tih phah sawt bawk ."Dar 1 vel ah ni mai " ti in phone chu kan dah a .



Ka bul a min lo en kur tu chu ka nuih sang a , "a zei viau lo maw " chu mi leh bawk chu , e nge a hriat ni he nu hi , "e nge chu chu min zawh ziah " ka tih chuan rawn nui vur vur hian "mipa zei deuh chu an hlauh awm " a rawn ti leh phawng a .

"Ngaihtuah thui lutuk duh suh " ka lo ti liam puat thung , ner sak hian "I awilo mi , ka thawnthu chhiar ah pawh " a sawi zawh hma hma chuan "thawnthu thawnthu ,ti reng mai " ka lo tih hluk chuan a nui ver ver a .Class a neih dawn avang chuan sawi zawm lo in class lam pan chuan a kal nghal a .



Ka phone message rawn ri leh avang chuan phone chu ka en a , e nge awm zia mipa wheelchair a țhu hnunglam a țang lak hi nia , a hnuai ah chuan .



* Tiang ang a awm i duh ve a nih loh chuan Rochanhlua kha kalsan rawh , i rin ang kha a ni lo *tih hi a rawn thawn tel bawk a .

A ngaihna hrelo zet chuan phone chu ka bih ngur a.Hlimpuii a nih ka ring deuh a mahse a WhatsApp dp ah chuan mipa mask vuah hi ahmang a , a ngaihna hrelo zet chuan ka thlek nawn leh vut țhin.

*Tu nge i nih *tih chu ka thawn let a , mahse a seen a chhanna awm lo . Mi hawklak in min bawl kual an tum a niang ti in ngaih țha deuh chuan ka awm zui leh mai a .




#Rawn thawn tu hi tu nge a nih inring , engvanga lo thawn nge niang ???#


#Ka thawthu ziah ngaihnawm in tih chuan likes leh comment , ads click nen min lo tih sak hram dawn nia 🥰🥰🥰)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)