YOU BLACK MY HEART CHAPTER 28

Episode kal lai dah luhna

Moderator: writers

Zaikawii Budelh
Posts: 170
Joined: October 22nd, 2021, 7:23 am

YOU BLACK MY HEART CHAPTER 28

Unread post by Zaikawii Budelh » January 22nd, 2022, 11:02 pm

YOU BLACK MY HEART CHAPTER 28♠






BY Zaikawii Budelh 💚





LALRUATHLUI POV








Ka mit ka meng chhuak diar diar a,ka harh chian deub hnu chuan ka awmna chu Vic room a ni tih ka hre nghal a, nizan khan Emily room ah letlo in hetah hian ka mu tlang a ni ngei ang,Khumbul dawhkan a sana chu ka en a, zinglam dar 7 chiah,ka mutna bul a ka phone let ngat chu ka ban vat a Vic call emaw, message emaw tal pawh a lo thleng nge thleng lo ka en nghal zung zung a,mahse ,engmah a awm lo.Tlai a Vic hmanhmawh deuh a a chhuah atang khan kan inbe leh miah lo a,kha ti em em a hman hmawh a a chhuah chhan kha hrelo mah ila a hmel awmdan atang khan thil tha tak chu a ni dawn lo tih mi à ber pawh in an hrethiam ngei ang.Ka call a chhan loh bak ah message pawh a en lo a,a tlan chhuah lai a a hmel awmdan kha ka ngaihtuah let hian ka khur thei hial a ni,chuan ka ngaihtuah tak zet bawk,thil thalo a tawh loh hram ka beisei.




Dominic bul ah a awm tih ka hriatna pawh hian thlamuang tak in min awmtir thei chuang lo,eng thin nge eng mah sawilo a hmun dang a a riah chhuah daih thei?

"a lo haw dawn loh te chuan sawi ve tur a ni a,ka call a chhan hman loh pawh in a hman hun ah min rawn call thei reng a,eng thil emaw tal chu rawn sawi ve tur a ni a"

Tih in ka phone chu khum mawng lam ah ka vawm thla pawp a, chumi rual deuh thaw chuan ka phone a rawn ri nghal ral ral a, Vic a nih ka rin vang in khumaawnv lam ah chuan ka tawlh thla vat a,

" Ka titau rei viau ang"

Ti hlak a nuih var var pah in ka phone chu ka en a, mahse min rawn call tu ka hmuh rual chuan ka nui tawp nghal riai riai, Vic nilo in Vincent zawk,Ner nang nang chung in call chu ka chhang a, dik tak chuan Vincent hi ka be chak vak lo,



" Umm"

Ka ti deuh hmak a, ka ham lui nghal bai bai bawk,


"I la tho na nge? Ka rawn kai tho che a ni maw?"

Nuihza aw lek lek hian a rawn ti nghal lang lang a, motor horn pe ri leh thil dang thawm a awm deuh nak nak dan ah hna thawk turin a chhuak tawh a nih ka ring,

"A la hma teh reng nen zing kar kar ah eng nge?"


Zaidam vak lo hian ka lo ti a, Emily chung chang vang in Vincent lak ah hian lawmthu sawi sen loh ka ba tih ka hria a, chuvang a betha ve mai chauh ka ni,mahse a ni hian ka biak that chhan hi amah ka duh vang ah a ngai tlat a, a beisei theih tur awm ang a ka awm ngai ka hrelo a, chu mai nilo in a fal phei chuan kan la a dun lo tih theih a ni.


" Thil hrilh duh che ka nei a,Vawin i hman a ngem?"


A tih chuan,ning lutuk in khum ah chuan ka leng vak a, mahse ka insiam tha leh nghal thuai, thawk la ka la leh te te a, hriat nuam deuh tur hian,

" Vawiin chu ka hman ka ring lo,thih tur ka nei....."


Ka ti lai mek mek chuan,

" Reilo te a ni mai, Tukthuan ka la eilo a, Tukthuan eikham ah Emily thlah pah in an school ah kan inhmu dawn nia"

A ti nghal zung zung a, chhan pawh ka chhan hma in phone chu a off zui nghal daih,

"Awi! Ka va han ning chiang kuang tak!"

Tih vak pah in khum ah chuan ka tal chiam a,mahnilo mah a lungawi loh sa tawh teh reng nen, Remruatfela lah hi a reh tlawk tlawk bawk si. ' ka tha e' tal te rawn ti se ka zia deuh ni mai tur.


" Ka hmuh hun che chu aw I chak lo viau ang"

Ti leh vak pah in khum atang chuan ka tho chhuak a, ka pum a rawn ri nghal rawk rawk, nizan ah Vic ka nghah vang in chaw pawh ka eilo a, Thil ei pawh ka chak hreplo e .Emily room ah lutin ka phone ka charge a, thawm dim thei ang ber a inphih faiin inhnuai lam ah ka chhuk thla a, Nu Mapuii pawh tukin chu a tho hma vak lo a nih ka ring a chaw chhum pawh a la hmin lo. Fridge hawng in eitur ka zawng kual dun dun a, Fridger a Ice cream chu ka la chhuak tharh a, ka hawp na tur fian ka zawn mek lai chuan


" Kha kha I ei dawn mi? Thlasik lai in tunge vur ei ngai? I ti awm ang lo e mai,I hritlang mai a nga sin"

Nu Mapuiin a lo ti nghal hlak a,kei erawh ka lo nui ringawt a,ei a phallo tak tak ang tih ka hlau nghal hle ringawt.Nu Mapuii hi chuan sawi hreh leh tih hreh hi a nei ve vak lo a,phallo bur se chuan ka ei lui ngam kherin ka ring lo, Ai a upa a nih vang leh Nu Mapuii a nih vang hrim hrim hian.


" Ei tam suh aw, naupai lai chuan ei leh in te hi uluk tur a ni a,I dam loh chuan naute khan a tuar tel ve zel toh hriat tur"

A tih tak ah chuan ka nui nghal var var a, khua a la lum lutuk loh vang in Ice cream ei nan chuan a vawt mah mah tep a ni, vawin tak phei chu khua a dur em em mai leh nghal a.Sitting room ah phei in heater ka ti nung leh te te a, sofa a puan nuam chuan ka intuam hlun bawk.Tv on in Ka ice cream chu ka mal chung ah ka nghat a, a bur a lian bawk a ka mal pawh a hit nghal vung vung thei, ka phian tereuh te ken chuan a theih ang a lian ka suak chhuak a, ka ka chhung a ka dah luh rual chuan


" A va han tui chiang!"

Ka ti chhuak halh a,


" Hlute, ei teuh suh aw, I hritlan palh hlauh chuan Vicpuia a buai leh dawn teh mai a nia,a ngaihtuah thei roupui che si a, min hauh hrep phah hlauh ange!"

A tih chuan ka lo ner nang nang a,

" A ho e mai, ka chhan ang che"

Ka tih chuan Nu Mapuii chu a nui ri nghal har har a,Ka ice cream chu ka hawp mawlh mawlh a,Emily pawh rawn tho chhuak in ka thuna bul ah ka puan sin chu sin ve in a mu ve leh ran tawh,ka thil ei lai chu vawi hnih vel a hawp ve a , mahse a ei tha ve peih vak lo, a vawt em bawk a ni.Vic ka call tlang theih miau loh vang ka call a,Vic chu ka call buai peih tawhlo, ka message leh moss call zawng zawng kha a hmu tawh ngei ang a,chuti chung pawh a mn rawn la call miah lo hi mak ka ti tawp theilo.




In lam a hman tur atan a phone an dah chu a rawn ri ral ral a,Ka chhan rual rual chuan


" Min ngai tawh a ni maw?"


Ngaihawmin a rawn ti lang la a,


" Ngai teuhlo mai"

Ka lo tih hlar chuan a nui nghal hak hak.

" I phone I chhang theilo a, hetah hian ka lo call tawp che"

A tih chuan ka charge tih ka hrechhuak chiah.

" Ka nu ka call tlang theilo a"

" A phone a chhia a "

Ka lo ti vat a,

" In inneih hma chu Lunglei ah zankhat riak in kan va ka lawk dawn mi, ka nu ka hmu chak lutuk tawh"


A tih chuan ka lo phur nang mai,


" Kan va thawng thut dawn nia, mak a ti ngawt ang"

Ka tih leh phei chuan a phur tawh nasa, mipa aw thum bul ka hruat chuan hna ah a kal tawh a nih ring in,

" In ah I awm lo emni?"

Ka ti a, Ngaihawmi hi hmeichhe huaisen tak a ni a, mahse chu chu a mah leh a mah inven khawng ah a hmang thiam lo, a fel lutuk vang pawh hi a ni mai thei mi pawh hian kei aiin an ngeina hma zawk,

" Tumah an awmlo, Nizan ah Puia nen hna pawimawh kan thawk a, a tlai tawh sia, a riak a"


A tih chuan ka lo thawl huai thei, Rochhunga emaw a Fapa Siamkima emaw khan an lo tih thaih ang tih te chu ka hlau leh hnu hnawh.



Thil ho mai mai sawiin ka inbe reng a, kan inbiak zawh meuh chuan ka ice cream kha ka lo eizo vek tawh! Nu Mapuiin chaw ei a siam fel leh vek tawh a, ka thil ei nen chaw ei ka chak lo tak zet, tam dawm ah tlem ka ei ve a, Nu Mapuii pawh in a ei tam vak bik lo.Chaw ei lai chuan ka chhuah lawk tur thu leh Emily ka thlah kawi nghal tur thu ka sawi a, Emily pawh ka rin ai daih in a lo phur,Kan ei kham hun ah Emily Insiam turin ka hrilh a, keipawh thleng te tifel zung zung in Insiam turin ka chho ve a, ka phone charge ka en chuan Ngaihawmi miss call pathum vel a lo awm a, Vic miss call pawh pakhat a awm , hepa hi eng thil nge maw a hriat le?Call let duh lo in ka insiam san daih.



" A u hi a lo van haw har tak"


Emily chuan a ti halh a,


" Hna ah an laklawh deuh hlek a chu vang mai mai a lawm"

Tih pah in nghawngawrh phiar lum ka awrh tir awrh tir nghal zat a,

" I inhmeh lutuk"


ka tih chuan a lo nui var var a.Emily te School kan thlen meuh chuan a tlai ve ruih tawh a, taxi fare te pe sawk sawk in School chhung ah kan inzui lut a,ka rin aiin naupang an ngah daih,Emily pawh a thian te niawm tak in an lo au lang lang reng a, nuam a ti tih a hmel ah a lang reng, an class room kan luh hma hret chuan mipa naupang pakhat Emily ai a upa hret tur awm ang hi an class atang chuan a rawn chhuak hlawl a,Emily a hmuh rual rual chuan


" E he he nula hi class 3 chauh a ni maw le"

A ti nghal lauh a, Class room a mi te ho chu an lo nui dam dam

" Nangpawh tlangval tawh si pawl 4 chauh I la nih ve tho kha"

Emilyin a lo ti let kha kh a,class room a hmeichhe naupang thu pahnih te hian,.

" A dik chiah,Emily kha khatin ti ziah suh"

An rawn ti lang lang a, kei erawh min la hmu velo a nih ka ring,

" Kei te chu ka thiam thei lutuk a, pawl ka sawn an phallo mai mai a lawm nang ni te chu thiam lih vanga ni a"

A la ti zat zat a, a thau reuh sia,a hmeltha reuh bawk nan a duhawm reuh tak tak,chutah min en in,


" Miss thar tur a mi hei hi, Emily?"


Emily en leh pah hian a ti a,Emily lah chuan


" Nilo nilo,,mawl a, ,,,, ka nu a nih hi"

A ti hlar a,ka lam rawn hawiin a mit min siai zeuh a, ka lo nui chhuak hawk,

" I nu a ni awmlo e mai, a hmeltha lutuk, nang chu I hmelchhia, I nu a nih ka ring lo"


A la ti hawm hawm,


" Princess?"

Mipa aw in a rawn tih lang lang chuan Emily chu a hawi chhuak vut a,a hma a mipa naupang chu en leh zeuh in


" A pa"

Ban vai lauh lauh pah in a ti nghal lang lang a, phawk fe a a hawina lam ka en ve chuan Vincent hmel ka hmu zui nghal zat,nui vur vur chung kan dinna lam a rawn pan a,min hmuh rual chuan wngtin emaw hian min melh a, mahse a awmzia ka hrelo, wng vang a Vincent hi hmu hne em em nge a nih hi ka hrelo a,ka rai vang ah ka puh hmiah.


" In thlenna a rei tawh em"

Kan din na a rawn tlen phei rual chuan a ti nghal a, ka lu ka lo thing ringawt,

" Kha kha I pa maw?"

Mipa naupang khan a ti hau a,Emily pawh Vincent ban a kai pah in a bu nghat nghat,mipa naupang chuan Emily leh kei min entawn zak zak a, chu mi hnu ah Vincent nen a en tawn leh a,Inang lo min tih hmel kher lehnghal,


" Dawt I sawi chiang lutuk! Emily dawt sawi I hrat viau chuan I hnar kha a lian vak mai ang"

Tih pah in a kal sawn daih a,Emily lah chuan



" Mawlmuka hi chu aw!"

A ti leh hram a, mipa naupang kha a rawn hawi let vut a, Emily lah chuan kei leh Vincent ban a ah vuan in lei chhuah vak pah in an class room ah chuan min luh pui nghal daih a.An class room awm dan leh naupang lo chiar ve nuaih nuaih te chuan kan naupan lai min hriat chhuah tir zawk a, Ngaihawmi te nen school ban vel ah kan innghak kawi thin a,hmanni lawk ang mai kha a ni.



Emily te class room kan chhuah san chiah tih ah ka phone a rawn ri a, ka bag ka dap mek lai chuan a ri chu a tawp leh daih a,


" Saw lai cafe ah sawn aw"

Vincent an a rawn tih chuan ka bu nghat a ,ka phone la chhuak in min rawn call tu ka en nghal a,number hlang a nih vang in a pawimawh chuan min rawn call nawn leh mai ang ti rilru in ka phone chu ka off leh daih a, Vic hi min rawn call leh pawh a tum miah lo a,ka lo beisei ruk ve teh reng nen message tal in a that leh that loh min hrilh se chuan ka hahdam huai tur hi a ni a.



" Vic hi I hmangaih em?"

Emily te school atang kan chhuak tawh a ,Vincent an hmun reh deuh na lai a duh vang in kan awmna hi a fian rial deuh a, a mah lah hi a thu tak hmel fu leh nghal,


" Tinge chu chu min zawh a, a hma pawh in min zawt tawh"


"Chuan min duh loh chhan a ni bawk a"


" Vincent kha lam kha chu kan sawi fel tawh kha"

Ka ti hlak a,thawk deuh hlah pah hian


" Hrilh tur che nge hrilh loh tur che ka hrethiam lo a, mahse Vic hi mi tha a nilo tih hi hria la ka duh"

A ti chuan ka lo nui hawk a,

" Chu chu Vic ka then theih nan a I hman raw pakhat tur em ni?"

" I hnen a ka inpuanna kha a tak tak ve tho a sin"

" Vic hi ka hmangaih tih I hria a lawm, chu mi hre reng chung chuan anih kha i inpuan"

Ka ti nghal hlar a,


" He mihring kiang a I awm hian ka tum tam tak ka puitlin theih loh phah a sin, chuan naute...."


A ti hap a,


" Kha I pum chhung a naute kha ka fa tur a ni a sin kha Victor phiang sen a fa nilo khan"

A tih rual chuan a biang ah ka tum lawk miah lo in ka beng sawk a, a sen nghal tawlh tawlh thei,mahse ka ngai pawimawh teuh lo,rum lutuk a melh pah hian,


" Hei hi Vic nen a kan fa a ni, nang nen a kan fa nilo in, nang nen hian engfa mah kan neilo bawk ang , kan chung chang ah hian I lo buai ve natur pakhat mah a awm lo, I buaina ah chiah khan buai la min awm tir mai mai rawh"

Ka ti vak a, ka kut ka hum ruh nghal ngawt ngawt.


" He thil I en hnu ah hian thu tawp chu I sawi chauh dawn ni a"

Tih pah in Video pakhat hi a play a,hmeichhe nui har har ri ka hre nghal,


" Vic a nuam em?"


Ti ri ka hre zawm nghal zat a, Angel aw niin ka hre bawk,hlauh thawnna in min man nghal a, ka thin a phu rang nghal dawt dawt hle, a khat tawk in a rum leh ham ham thin a,Vincent phone chu la in Video chu ka play nawn leh a, Ka thil hmuh hi ka awih theilo! Vic leh Angel maw?Vic chu sofa chung ah a mu a, Angel pawh a chung ah Saruak deuh thaw in a bawk a, an ruih hmel hle bawk,a khat tawk in hmeichhe uak tuarh tuarh ri hriat tur a awm a, mahse eng ah mah an ngaih hmel loh khawp mai,


" Vic Muhil der tlat suh"


Jennie aw ve thung a ni , Angel chuan Vic kut chu la in a awm te chu a khawih tir a,rum ham ham chung in a khel bawr chu a ti che talh talh bawk,Vic chuan a lo dang eih lo a, a awm ang ang chuan a a awm tir tawp,Angel awm bawr chu rawn tham sak tawk rual chuan pakhat nu lah chu nuam ti lutuk in a lo eu ngawng ngawng a, a lo rum ham ham bawk, a kekawr hak a phelh lai vel te chuan Vic rum ri chu ka hrethei,


" A tak a nilo"


ka khur ti tih ringawt ka bing nghal mup mup a , ka mittui erawh a hul hiarh thung,hethil hi chu edit mai mai a nilo tih ka chiang hle bawk, tawng chhuak tur ka awm lo a, ka theilo a ni mah zawk.

" A tilo ang"


Ti hap in Video chu ka play nawn leh a, ka thawk a sak in ka khur hlawk hlawk a, mittui tla zawih zawih in Video chu ka en tha leh ngat a, he mipa hi Vic a nilo maithei a sin, a mah ang deuh te pawh a lo ni thei a, ka hmu sual mai mai tepawh a ni thei a si tih beisei in Video chu ka en nawn nawn a, mahse Vic tak tak a ni,engtin nge ting hian a tih theih, ka pum ka khawih a, a nih chuan a thu min hrilh thin te kha dawt vek tihna maw? Video chu ka play nawn leh a ka mittui in ka khaw hmuh a ti phe ruai a? Aih Vic hian min hmangaih chu chu ka thinlung hian a hrethei a ni,hetiang hian a ti ngawt lo ang, min neih hial tepawh a duh a, he video a mipa hi Vic a nilo a nilo...


" Dawt vek!...hei hi Vic a nilo, Vincent hei hi Edit chawp tih sawi rawh dawt a nih hi.."


" Hlute,....!"


" Aih , a tak a nilo, Vincent hetiang hi chuan ti suh,hei hi Vic a nilo tih min hrilh rawh"


Ka tawng chhuak thei che che a, Video chu ka play nawn mawlh mawlh bawk,Vincent chu rawn kal hnaiin ka kut a phone chu a rawn hum hnan a, dam thlup hian


" I duh chuan tap rawh"

Tih pah in a awm ah min kuah bet nghak a, Insum zo lo in ka tap chhuak nghal hawk!ka mittui dan rualloh in a luang a,mahse ka harh chhuak zawk, hetiang Video mai mai vang hian ka na ang maw, Vic ka ngei atang a min bumna thu leh min hmangaih loh thu a sawi ka hria a nih chuan ka chelh reng nachhan tur ka hre biklo a, hetia a ruk a rala in ohatsan lo hian sawi fel vek ila ka duh zawk.



Vincent min kuahna atang a tal chhuak in ka mittui ka hru nghal mawlh mawlh a, ka sam tuai mam leh thuak in min en reng tu Vincent chu ka melh let a,


" Min tlah haw thei a ngem"

Ka ti chhuak hlah a,ka awm dan chu mak a ti tih a hriat mai, mahse sawifiah na hman a awm lo, Vic hnen atang ngeiin thudik hriat ka duh,


" Hman hmawh deuh a haw ka duh"

Ka tih leh chuan

" I tha chiah maw?"

A ti ban duh charh a,

" Umm, hman hmawh ang"

Tih leh pah in a car lam chu ka pan nghal a,a rawn hawn rual in ka lut nghal tharh a, mak min ti tih ka hre reng a tun a ka awm dan hi kipawh hian ka hrethiam chiah biklo.In ka thlen meuh chuan chaw hnu lam a lo ni der tawh a, Vincent pawh be tawh lem lo in car atang chuan ka chhuak a,


" Zan ah ka lo bia ang che"

A rawn tih lang lang chuan hawi let lo in ka bu nghat nghat a, inchhung ka luh rual in a tlanchhuak ri ka hre nghal,Nu Mapuiin min lo be nghal mawlh mawlh a, mahse a thusawi hriat ka neilo thung,inchung lam ah ka chho a, pindan ka luh rual chuan kawng khar ngheng in ka ding reng a, Vic hian min hmangaih tak tak em tih ka chiang thei tlat lo hi min tina ber tu a ni,


" Eng tin nge hetiang hian min tih theih?"


Ti a tap chhuak hawk in ka hmai ka hup nghal tawk a, ka mittui tla pawh hruk buai ka tum lo.Khum ah ka mu meng kar a, nu Mapuiin a khat tawkin min rawn au leh zeuh thina, a ni pawh ka chhang bua peih lo, ti hian ngawi reng hian ka kal bo daih dawn nge, Vic min bumna thu hi ka ngaithla ve hrim hrim ang?hrep hian, ka thiang tak a awlsam khan ka thianghlina ka hlan a, ka hmangaih thu ka hrilh bawk a, bum mai mai tawk lek a ka khawsak vang a nih phiangsen hi.



Ka phone a rawn nghawr dar dar a,peih leh peih lo in ka phone chu ka en a, Vic hming ka hmuh rual chuan ka ghu chhuak nghal hluai , ka chbang ang nge chhanglo ang tih ka ngaituah chhung in call pawh a tawp hman, a rawn ri nawn leh ngat a,mahse chhang lo in Vic hming chh ka en tlawk tlawk ringawt a,ka huat tluk zet in ka hmangaih tho si,ka phone chu off chuang lo in khum bul dawhkan ah chuan ka dah a, a ri chu ka ngaithla reng, a tawp a a ri leh thin a, a call chhan loh in a thinrim thei hle a, ka call ve chu eng ah mah a ngailo a, chuan ka call a chhan loh chhan pawh kha mi hur pahnih nen a nuam an lo chen vang mai mai lehnghal in,hman hmawh deuh a a chhuah chhan te kha thil pawimawh tak pawh va ni suh.





Ka mit ka chhing vang vang a, room kawng khar rawn intheh hawng bur ah chuan ka meng chhuak hlawl a,kawng khar lam ka hawi chuan Vic hmel ka hmu nghal zat a, a meng sen rum a, a thinrim hmel hle bawk,a kut a phone a hum ran bawk ,ka mutna lam pan in a rawn pen phei pawk pawk a, eng dang mah ka sawi hma in khum atang chuan min pawt tho nghal lawp, ka hma a phone rawn lek pah hian


" Hei hi enge awmzia?"


A ti chang fak a, a phone ka en chuan Vincent an min kuah lai a ni a, kei erawh chuan a awm ah hmai ka phum thung,


" I hmuh ang kha ani mai sawi fiah vak tur a awmlo"


Ka ti liam puat a, kei hi thinrim zawk tur chu ka ni, a ni hi nilo in,a rawn thinrim ngawt nachhan tur lah ka hre hek lo,


"Engvang in nge a kuah che nilo,,,,, eng vang in nge I in kuah tir, kei hi ka hming chhiat mek vang in mihausa dang kawp kual tur I zawng tihna emni?"


" A nih chuan he video hi sawifiah ve phiangsen ta che"

Tih pah in ka phone chu ka phawrh ve nghal a,ka phone chu la in a vawm darh nghal vek a, hetiang mihring hi an awm thei ngai dawn em maw ni le,

" Eng thil nge maw I tih le?"


" Khapa phiang seng nen khan chhun en lai in engvang phiangsen a inkuah nge in nih, I duh khawp ka pelo phiangsen che emi ?"


A ti chhuak hrawk a, a hmai a ka ben lai awm reng ka hrelo,mahse ka ti hman tho,Ka ban rek ah a rawn man chawt a, min melh nghal run bawk ka hlauh na leh natna ka hmangaihna te kha tun ah tak hi chuan thinrimna in a tlhak a, eng pawh ka huam a ni tawp mai,


" I sawi dik chiah! Kei hian ka hne tawh che pawh a ni mahna"


" LALRUATHLU!"


" Khatin min vin vak vak kher suh, ni e, tun ah hian sawi fel ang, kan inneih hma hauh atang in I rinawm loh a, kei ka rinawm lo bawk a, ti hian kan inrul tawk chiah,inneih buai a ngai lo...ti hian ka kal bo nghal mai ang"


Ka tih chuan a phone chu a vawm darh nghal chuaih a, ka khabe ah a rawn dawm nghal chat,

" Eng maw I sawi kha, ka rinawm lo a maw?"

A ti khur khur a, a hmel ah pawh awih lohna leh inrintawkna ka hmu thei, tun a a awm dan ah hi chuan nizan lam khan a rui chhe hle tih ka ring nghal hmiah, ti suallo te pawh a ang dawn a lawm mawle,


" A tir ah khan Angel I hmangaih thu sawi nghal nila kei hian heti em em a thui hi kal ka duh biklo"

" Eng thil nge maw I sawi le?"

" Inneih ka duh lo"

" Chu kher chu a thleng ngailo ang"

" Vic hmangaihdang ka nei"


Ka ti chhuak phawng a,A hmel ah chuan natna, thinrimna leh awihtheihlohna ka hmu thei a, mahse he mihring hian min bum nawn tawhlo ang, ka kalsan hmasa anih chuan ka zahawmna then khat tal ka la hum thei Tal dawn a,min ngai nep lutuk thei biklo bawk angnga,


" Chu chu ka awih I ring em ni?"

A ti chhur chhur a,

"Awih a harsa deuh maithei, Vic keihian kan inkar lem lutuk hi tih tawp kha duh,hmangaih miahloh hmangaih ang a awm tlat hi a hrehawm I ti velo em ni?"

" Vincent phiangsen a vang kha a ni em ni?"



A ti chhuak sup a, kei erawh in ka kut ka hum ruh ngawt ngawt,hetia ka tih loh chuan Vic ho ka kalsan theih ka ringlo, thawk la halh in


" Awih chu a har maithei a, inneih ka duh lawk loh chhan kha hei vang hi a ni a, mahse ka lo rai hman si a naute pawh hi i fa a nilo maithei....."




Ka tih chuan a mitmeng chu a danglam nghal vek.






VICTOR REMRUALFELA POV






"Chhuak rawh"



Ka tih chuan a phu deuh zawk a, a thusawi leh tur hi ka ngaithla duh lo, kal sawn mailo a a la din reng vang chuan,


" Chhuak rawh"!



Ka ti leh thawt a, inngaihtuah nawn eih lo in room atang chuan a chhuak nghal a,ka thinlung in dang turin min ti a, mahse ka thluak erawh chuan kal tir turin min ti thung.



( End of chapter 28)



( Insawifiah lah hi ka thiam lo sia e, Vawiin ah ka type belh a nga ka rawn dah ang k tih nak laiin kan picnic leh daih sia, a tawp tep tawh tho a, ngil nei leh dawh thei tak a min lo nghak tu te chung ah ka lawm em em e)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)