THE CONDITIONALLY Chpater-13 by MrsBabe Khawlhring

Episode kal lai dah luhna

Moderator: writers

Mrsbabe Khawlhring
Posts: 133
Joined: November 26th, 2021, 11:05 pm

THE CONDITIONALLY Chpater-13 by MrsBabe Khawlhring

Unread post by Mrsbabe Khawlhring » January 23rd, 2022, 8:39 am

*THE CONDITIONALLY*





Chapter-13





by_MrsBabe Khawlhring



Oscar Elizondo Pov.


Bang phen aṭang chuan ka en renga,ka inhum ruh nasa hle bawk,,Marco chuan hmeichhe naupangte chu pawmin akal pui ta daiha,Norma rawn let leh chiah chu ka zawn alo thlen chuan




Akutah ka chelh vata,minlo en chho vat,a kut chu thinthlak tumin aṭang vaka,ka chelh nghet zual sauh




"Min thlah vat rawh"arawn tih chuan,ka chelh nghet zual leh sauha,"Oscar Elizondo min thlah rawh ka tih chu"arawn ti ṭeu leh hlara




Ka nuiro hak,"Ka hmingte ilo la hreve animaw"ngeiawm ang reng taka ka tih chuan,min melh deuh rawm rawma,a kut ka chelhna ka thlah thawl deuh chiah chu remchangah lain ka chelhna aṭang chuan akut chu athingthla vata




Kal mai atum chu,akutah chuan ka chelh leha,"Enge ihriata"arawn ti vin chiama,a inrin hma hauhin pawm kàng lawpin lift lam ka pan puia,min chum dat dat pahin,"Min dahthla rawh Oscar,min dahthla rawh ka tih chu"a ti vin hlura





Ngatan mah ngailo chuan ka kaltlangpui luia,lift chhungah chuan ka nghatthla ta chauha,kalchhuah mai atum chu ahnunglam aṭang chuan akawngah ka kuah bet tlata





A han tal deuh ngiala atal chhuak thei silo chu athaw deuh hak,rawnin herin,"Enge ka lakah hian i duha"ka mitah tak enchung hian arawn ti sapa




"Kha hmeichhe naupang kha tunge"ka ti chhuk runa,anui hak,"Ilo hmu ani maw"a chawl data,"Ka fanu anihkha chutah chuan enge buaina ineih"arawn ti chu,ka hmai ka tuai puat.




"Ngatinge?Ngatinge,,,engvangin nge hetiangin ka chungah itih"ka tivin hrawka,"Engmah ichungah hian ka tilo,Oscar Elizondo ka nunah hian rawn inrawlh tum tawh suh"arawn ti chang ve faka.





"Kalo nghak ang che ka tih kha,kalo nghak reng ang che ka tih kha"rilru nà zeta ka tih chuan,angawi reng,chutah,"Minlo nghak turin kati che em ni"arawn ti sepa





"Norma"ka tih veleh sup chuan,"A tawk Oscar,engmah sawi tawh suh keini chu kan kawng zawh adang tawh"arawn ti vata,ka ngawi ta vang vang





A hnuah,"Marco kha i fanu pa chu emni"harsa tizet chuan ka tichhuaka,Norma chuan minlo melh zeuhin hnuai lam a en ta daiha.





"Min ngaive tawh ngai miahlo em ni,Norma,min theihnghilh ta tak tak emnii"tih pahin ka thaw chhuak deuh ham ham,Norma chuan minlo melh chho ve renga




"Khang kum4 liamta chhung zawng khan nikhat lek pawh ngaihtuah loh laiche ka nei ngailo,zawnchhuah tum che pawn ka bei nasa mahse nang chuan chhungkua hial ilo din ta daih si a"ka sawi pah chuan ka rilru nà thup nan tiin ka nuilui hak.




Norma chuan min en renga,"Engmah i sawive dawnlo emni"ngenngawl zeta ka tih chuan,amittui far zeuh chu ahru nghal vata





"A ṭha e,i pasal leh i fanu tenen ka duhsakna sàng ber ka hlan a che u,hlim reng rawh u"harsa tizet chuan ka ti thawp supa,ka rilru tak taka ka sawi a ni hauhlo.




Ka hmangaih em em hmeichhia chuan min hmangaihve tawh loin hmangaih dang atawnga,karah fa hial annei bawka,ka hmangaih em avang hian ahlimna chu hlimpui ve theih mai ka duh,mahse aharsa ka van ti si em!




"Marco kha ka pasal anilo"arawn ti sepa,alo ṭawngve ta chiah,"Pasal tur zawk maw"ka tih thawp sup chuan,angawi leh ta daih




Norma chu ka en tlawk tlawka,ani erawhin hnuai lam amelh daiha,lift din velleh chuan rawn hawi chhuakin,"Oscar,keichu tuna ka nun danah hian ka hlim lutuk,nang pawh min theihnghilhin hlim takin awm tum rawh"arawn ti sepa,lift aṭang chuan achhuak ta daih bawk.





Ka ṭhu thla hnawka,khami ni min kalsan ni khan ka hnena rawn let leh tawhlo turin min kalsan tak tak dawn a ni tih chu hria ila,ka dang anga,ka chelh tlat tur hi nia.



Mahse a tlai tawh,ka insita ka inchhir takzet bawk...


Norma Samonte hmangaih chan natzia min hriattir tu ini...


Norma engtinnge i telloin hlim takin ka awm theih mai ang le!




Ding chhuakin lift aṭang chuan ka chhuak ve nghala,seminar neihna lam pawh pan tawhlo chuan,ka office lamah ka kal ta daiha...



Norma khan Marco kha a pasal anih loh thu asawi a nih kha,amitmengah khan dawtsawi hmel ka hmu siloa




Innei loin fa annei ringawt tihna a ni ngei ang,kha hmeichhe naupang tekha chu a sam kha abuang thàng reuha keimah ang chiahin,mahse ka fa han ti dawn ila Norma nen khan vawikhat chiah nupa nun kan hmang si a....



Norma Samonte Pov.




Oscar lift aṭanga alo chhuak ve chiah chu ka en zui renga,kum tam tak hnuah kanin hmu leh ta chu ani si a,ahmel tekha ala ngai renga,kuah vawng vawng ka chak takzet,ka theihnghilh tawh emaw ka tih laiin ahmel ka hmu chiah chu amaha feelings ka neih ṭhin zawng zawng kha arawn let leh vek a ni ber.





Kan mit a intawng fuh chiah kha inringtawk tak anga lan ka tuma,ka inti paukhauh luia,mahse hmangaih berte hmaah chuan thinlung tih paukhauh tlat kha thil harsa tak ani.





Oscar mitmengah khan minla duh zia leh min hmangaih zia kala hmuh khan ka lawm takzet,mahse kei erawhin ka rilru puthmang hi ka thup ṭang ṭang angai a ni.





Sara hi Oscar nena kan fanu a ni a,Oscar bulah hian afa anih thu hrilh ta ila min ring duh angem?tih mawlh hian kan rawn let leh hma aṭang tawhin min kap char char a.





Switzerland ka kal hnu thlakhat vel lekah khan nau ka pai tih ka inhriaa,chu pawh Oscar fa ngei a ni,kha zan hun kha zan khat chiah emaw ka tih laiin,khami zan khan Oscar khan damchhung daih sernung amah ka theihnghilh leh theih tawh lohna tur Sara hi minpe a ni.




Hmalam pan ka tum mek laiin,nau ka pai ta si a,a tir chuan Oscar ka huat em avang khan ka thinrima tihtlak hial ka tum,mahse ka taksaa bet tlat nunna neive tafam chu ka titla ngam thlawtlo a ni.





Ka pa ka hrilh khan ka thuthlukna chu engpawh nise min zahsak tur thuin min chhanga,ka duh anih phawt chuan Oscar pawh min hrilhsak atum bawk,mahse Oscar hrilh kha ka duhlo tlat thung.




Nau ka pai lai phei kha chuan Oscar ngaih ngawih ngawih changte,huat ngawih ngawih changte,thlakhlelh ngawih ngawih changte kha ka nei ṭhina




Ka chaklo tak zet ṭhin,mahse inti chak luiin ka fa lo piang tur tan tiin,anu hi chaklo tak kani tur anilo ka ti a




Tun dinhmun hi ka thleng ta a ni,tunah hian Sara hian kum3-na ahmangve meka,ṭawng zir ṭanve mek a ni a,pa tiha koh tur aneih loh avang hian mipa tawh phawt chu 'daddy'tiin a ako veka,kanlo let tirh phei chuan





Ka pa pawh pu ti lovin Daddy tih hlirin akoha,ka rilru hi anà vawng vawng ṭhin,kei anu thu duh lutuk vang hian ka fanu chuan pa ti a koh tur pawh anei lova,ka khawngaih takzet ṭhin.





Sara mita ka en apiang hian Oscara mitmeng ka hmu ṭhina,apa ang chiahin a sam lah abuang thànga,ango em em bawk,keichu min chhunna em em pawh anei velo.




Oscar minti ngaizual ṭhin a,kan fanu vang hian khang kum4 chhung khan vawikhat tè pawh ka theihnghilh ngailo





Han biak pawh chak thut changte ka nei ṭhina,kan fanu Sara hi hmuve tase a hlim angem?tihte ka ngaihtuah ṭhin




Sara kum2 anih lai hian Marco hi Switzerland-ah arawn kalve a,hna vangin kum1 dawn cham angaih avang khan,ka inluahna bul lawkah in aluah ve a




Arawn kal fo a,Sara lah chuan angaina em em a,daddy tiin akoh tlata,ka inthlahrungin koh lo tura ka tih pawn Marco zawk hian pawi atih loh thu asawi tlata.Marco hian Oscar nena kan fa ani tih ahre bawk





Heta kan rawn let hnu hian Marco hian inneih puiah min sawma,ka pa pawn min duh pui bawk,mahse ka chhang thei rihlo.




Ka pasal hlui leh ka fanu pa nibawk Oscar hian ka thinlung ala luah hneh em a ni.




Oscar hian Sara hi afanu tih ahriat hunah engtin tak ngai ang maw?a ring kher anfem?engmah ka hrilh loh vang hian min dem anga,min haw bawkin ka ring.



Marco neih hi pawm ta ringawt ila,Sara hian lungfin hun ala nei anga,Marco hi apa anilo tih ahria anga,apa dik tak min zawh hunah engtinnge ka chhan ang?



(END OF CHAPTER-13)
(Ads click kha aw,hmelṭhaho🤍❤️💜)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)