LEON MALSAWMZUALA

Episode kal lai dah luhna

Moderator: writers

Remi Chhangtee
Posts: 19
Joined: January 25th, 2022, 6:47 pm

LEON MALSAWMZUALA

Unread post by Remi Chhangtee » January 26th, 2022, 9:44 pm

"ISL emerging player of the matches award goes to Mr. Rogen from jamshedpur FC!" Ka hun tawn te zingah chuan chhinchhiahtlak a va ni tehreng em,lawmman la tur chuan stage lam ka pan a,ka suangtuah ngai lo mipui tam takin ka tan bik liau² kut an beng ang tih ka ring ngai lo. Ka chhungte ṭawngṭaina chhanin a awm ta! Ni e kei hi Mizo Professional Footballer zinga 1 Leon Malsawmzuala,prof.Zolianmawia leh Lalthanpuii te fapa naupang zawk ka ni. Tunah hian Jamshedpur FC ah striker in ka awm mek a,ka chhungte erawh Aizawl ah an awm thung.

Voiin hi hemi club tana ka hun hnuhnung ber a ni a,a lunglen thlak khawp mai. Chumi rual erawh chuan Odisha FC lamin phur takin min lo nghak ve bawk a,kei pawh ka phur khawp mai. Champion ka nihpui theilo erawh pawi ka tiin a hrehawm takzet. Champion an hre hlur a,keini Mizo pawh kan ni tho. Tuna kan position runner up aia sangah chuan thleng ila duhthusam chu a hlawhtling ang mawle. Ṭhiante nen kan in mangṭha a,ka flat luah lam panin ka haw nghal a,trophy leh lawmpuina dang tam tak nen haw mah ila inchhung chu a reh tlawk² ṭhin,midang angin haw huna min lo lawmtu tur pawh ka neilo,keimah leh ka ui duat em² Brian chauh kan ni mai.

Ka inbual zo sana ka en chu a lo tlai tawh khawp mai,pi Roni pawn eitur peih sa diamin a haw a,ani hian laundry,eitur leh in tihfai min tihsak ziah ṭhin,a felin a rinawm hle bawk.

*Ka fapa,I chhungte hian kan lawmpui lutuk che nia aw...ka chhuang lutuk che Bawihte* Kanu tluka ka ngaih hi an awm lo,midang angin kawppui ngaih tur ka nei ve lo tlat.

*Nu 'Bawihte' tih chu hmang tawhlo la,a zahthlak tlangval ka nih tawh hi*

*Ka naute kha ila ni tho²...rawn haw te i tum lo em ni?*

*Kar leh monday ah aw Nu..Kapa leh ka u te eng nge an tih?*

*I pa chu a lehkha chhiarna room ah a awm a,Mapuia hi hna ah a buai deuh a nih ka ring a lo la haw lo*

*A nih Nu ka dah phawt mai ang aw muttui* Kanu nen kan inbiakna kan tihtawp hnu chuan whatsapp ah ka lut a,ka insawn hi ṭhianpa Rina lawmah a tla in ka hria. Ani pawh hi Odisha FC tan a khelh mek a ni.

*Siau-a engtik nge Mumbai ah chuan I kal dawn?*
*Ka la hrelo,Aizawl ah ka haw phawt ang chu thla 1 chawlh a ni tho lawm..nang khawi ah nge I awm?*
*Aizawl ah..lo haw la kan kal rual dawn nia*
*Chhelo deuh ho an tam a nia,lo haw vat rawh* Mipa ni ta fam chu hmeichhia a lo ngaituah thei a nih hi.


Zorinkimi POV
*Nu tunkar shooting neih zawh ah ka lo haw ang aw,kei pawn ka ngai lutuk che nia..lo in enkawl ṭha la aw*

Ka vannei ka ti dawn nge vanduai ka inti zawk dawn? Fanu mal ka ni a,kum 11 ka nihin Kanu leh Pa an inṭhen a chu pawh Kapa lerh lutuk vangin. Zilhhauhtu ṭha pawh ka nei lova,Kanu bulah ka awm ṭhin a,Kapa chu hmeichhe dang sum duh zet nen an innei a. Kanu chu Aizawl ah hotel changtlung tak dinin a hlawhtling em² a,Kapa chu 1st class contractor a ni.

"Babe zanin chauh chu..?"

"Vawi engzat nge ka duhlo thu ka sawi dawn? Midang duh² I mutpui thei ang ka nilo"

"Ve che hian hmeichhe chapo lutuk,nu leh pa enkawlna hnuai ah awmlo tih hriat reng" A biang a ri ṭhawt,ka kut pawh a thip zawk mai.

"Kanu leh pa chanchin chu I sawi phak a ni em?I zaklo hle mai,ka thawhchhuah ringin nih hi I awm,college kalin cheng 1 pawh I thawk chhuaklo,ka inṭhen tih hi lo hre rawh,chhuak nghal ang che" Room ah ka luhsan a,ani ang mipa kha eng atan mah ka tilo. Kanu leh pa chanchin a sawi khan min ti nâ a ni,inṭhen vanga ṭap vak chi ka nilo. Ka intifai a,naktuk shooting neih hmabak ka nih avangin ka mu nghal a.

Breakfast ka ei zawh chuan intifai in shooting neihna hmun ka pan nghal a,tunah hian shampoo product 1 nen kan thawk ho mek a,hemi ka zawh hi chuan chawlh hmang turin Mizoram lamah ka haw tawh ang.

Kar tawp chu kan thleng der a,airport panin security te'n min thlah a,miss title te chelh takah chuan thla lakpui duhte hi an tam ṭhin a,keimah pualin security 2 ka hire phah.

Khualzin an tlem hlauh a,a zia phian. Rei pawh nghak lovin kan thlawk chhuak nghal a,tihian Kolkata ah zan kan riak anga,a tukah Mizoram kan pan leh dawn a ni. Dar kar 4 dawn kan thlawh hnu chuan Kolkata chu kan thleng a,kan va thleng teuh tawh tak em.


Hotel hnathawkte chuan min lo lawm thiam em² a,kan room tur min kawhhmuh a,security te 2 pawh an room ah an awm tawh bawk. Ka intifai zawh chuan dinner tur an lo dah a,invitation card lo awm tel chu ka hawng nghal a. Zanin hi hotel in party an lo huaihawt chu niin,tel lo chi zia zang a ni si lo. Dinner ka ei zawh chuan hmanhmawh lem lovin balcony ah te chuan ka ṭhu leh phawt a,Kolkata khawpui eng pe tuar chu en ngawih² tham a ni.Phone khawihin Ig lamah ka duhpa ka va stalk leh a,chhelo leh lutuk mai hei lah hi.Odisha lamah a awm ta sia,Odisha fc fans ka ni leh mai dawn a ni. Hmeichhia ni siin ka duhpa vang hian football ka en duh em² a,ka security te nen a kan in anna.Fans te thla a lakpui bik a,an upload chuai² mai. A landan chuan Kolkata ah a awm ve ngei a,khawi hotel ah tak thleng ang maw.Phone aṭang security te chu ka hriattir a,dar 8 a hnaih tak vang chuan ka insiam ve ṭan a.

Hotel rooftop ah hun hman a nih dawn vangin kan pan ve nghal a,kan thleng chho chiah in tur min rawn pe nghal a,hotel director ni ta in ka hria chu pa chuan min rawn pan thuaiin ṭhutna te chu min kawhhmuh a.

A ṭhen an lam a,a ṭhen thla an la bawk a,keini erawh couch lamah titi in hun kan hmang a,hotel manager chu tho lawkin mikhual dangte chu a va be hlawm a. Kanu call ka dawn avangin ka kalsawn lawk a,ka awmna hmun te ka hrilh takah chuan nakin lama inbe turin a call chu a titawp a. Kan ṭhutna pan a ka let leh chuan ka hmu sual a nih ringin ka enchiang leh a,amah a ni ka duhpa!. Ṭhutna bul ka thlen takah chuan min lo en thuai a,eng nge a tih in hria em?Ṭhutna min kian bakah min nuih suk bik². A nuam reuh em mai he hotel hi,ka bulah a ṭhu leh ta nghal². Hindi lah chu a thiam viau lehnghal mahse hnam dang karah keini 2 chauh chu Mizo awm kan nih vangin min be leh thut ṭhin a,ka lo phu leh ṭhin a,ka va han ṭhing tak.

"Innei mai ta che u,in inhmeh em² mai lehnghal" Manager lah hi timak sia. Leon lah chu ṭawng tlem an tih kha tichiang leh zual turin a nui liam mai a,a zahthlak lek².


"Tunlai hetah shooting I nei ami?"

"Aih nei lo ve,haw ka tum a Aizawl lamah,zan kan riak a"

"Kan va inang ve"A nui suk mawle.

"Nia ilo awm ve hlauh a hei a zia khawp mai"

"Miss India ka hmu hlawl che sia,thla la ve ila?I duh em?" Ka â dawn,min dil vel mawle,ka va han duh chiang em.

"A..aw..aw tehreng mai" ka dang a awk,ṭhingi leh! A sang mai sia,ft 6 chu a pelh chiang viau ang. Lawmthu te min hrilh leh thlap a,a va nuam ṭhin em. Dar 10 rik takah chuan room lam kan pan a,zanin chu mut a va tui dawn em,Kolkata hi lo nuam em mai.


Zing ka tho chu ka nuam lo deuh a mahse nizan ka thil tawnin a zir em a,ka zia leh mai.Breakfast ei zawh chuan airport kan pan a,aw khawvel hian ani saw ka duh tih a hria a ni ngei ang le. Chhelo em² mai hian a trolley bulah a lo ding a,mask vuah mahse ka hai mawlh lo. Va biak leh chu over nih ka hlauh deuh avangin ka be lo ringawt a,be chak em² mahse biak tur hre si lo khan ka awm a. Dar kar 1 kan thlawh hnuin Lengpui airport ngei mai ah chuan ka ṭum ta a,Mizoram boruak chu a va dangdai si em.

"Bawihte" Khawvel a ka neih chhun Kanu chu nghet deuh chuan ka kuah a,min duat em² tu pasal reng neih tum lo,ka naupan lai aṭanga kan bula cheng tawh u Ramtei pawh min lo nuih vur² mai.

"Pasal tur chu I hmu tawh em?" Ka fiam ziah avang hian a haw lem lo,huat a hnekin a lo chhunzawm zawk ṭhin.

"Oii min duh lo" A nui ring mai sia maw,Aizawl panin kan tlan leh a,mahni in ngei mai han rah hi chuan nun hi a hahdam vawng² mai. Kanu chuan min la naupangchhe treat a,tunah pawh WELCOME HOME PRINCESS tih lianpuiin a lo tar tir a,eitur te an lo order bawk.Security te paw'n nuam an ti tlang a,u Ramtei nen an innel leh nghal mai. Hetah chuan anni pawh an hahdam sawt anga,keipawh ka zalen ve deuh ang. Bungrua te ka rem fel hnu chuan fai ser sawr in ka inbual a,rei lovah mutchhuak in min zem nghal.


"Nu vawiin chu hotel ah ka rawn kal ve dawn" A green tea in lai dahin min rawn en vat a.

"I peih te chuan a lawmawm lutuk alawm"
Room ah ka chho a,closet ami thawmhnaw chu ka enkual dan² a. Ka insiam zawh chuan jacket leh bag nen ka chhuak a.

"Ram kan kal dawn aw,kan lo haw leh vat ang" Zarkawt kan thleng a,dawr ah Ice cream Kanu duh ber lei turin ka lut a.

"Miss chu I bazar elo?"Ka duhpa bawk chu chhuak tih lahin a inchei dan a ho lam tho sia.

"Kanu hna ah ka rawn zui a,helai hnai ah hian in cheng nimaw?"

"Aw kan veng a nih hi"


"Ka luhsan dawn che asin,hetah hian a nia"

"Oh kan lo va inhnaih ve,nakinah kan inhmu leh dawn nia aw nih chuan" A fel reuh kha mawle.

"Hey tunge lo kal hi Bawihte" U Fela Kanu staff fel em² mai leh hna tlin tak mai a ni a,Manager a ni bawk mahse bialnu tur ni lovin bialpa a duh tlat.

"Min thlah teh,min thah I tum em ni u Fel?"Min thlah a.

" Oii Mate ka ngaihzia che hi I hria em?"

"Kei zawk hian alawm ngai che,dinner ei turin kan chhuak dun dawn nia aw?"

"Chhuak chiang e, shooting chu eng nge a an?"

"A zia ang reng...Office ah chho ve ila?"

"Nakinah ka hman hunah ka rawn chho zawk ang tunah chuan mikhual lutchhuak an tam rih lutuk,ka buai"

Kanu office ah ka chho a,ani lah meeting turin a chhuak leh daih bawk sia,balcony ah chhuakin ka hawi vel mai² a,u Rina(Kanu lam atanga ka cousin) ka hmu hlawl mai.

"U Rin"

"Oh Andrea chu ilo leng ami?" Kanu building a san zawk miau avangin ṭawng rin angai khawp mai.

"Aw nang eng nge i tih?"

"Hei Leon a ka lo rim a" Thu tak² hi a sawi ngailo,a bula Leon ding chu a kuah nghal a,footballer tih takah ball an in pass leh ta char² e,an che vel chu ka thlir a,ball khawih an hnehsawh khawp mai. An in aṭang hian mi naran chu an nilo khawp ang le.

Leon POV
"Nu Pi Muanpuii te hi khawi vengah nge an awm?"

"Aw Mission veng ah...tinge chu² kum hei leh chen a liam hnuah min zawh a?"

"Vawiin ah a fanu kha ka hmu hlawl a chuvang chu mawle,ka va insiam lawk ang e" Zanin hian Miss Mizoram grand finale hun hman a ni dawn a,kal ve tura sawmna ka dawng hlawl a,zahthlak lek² alawm mawle. Tuxedo navy blue ka ha a,smart shoe varnish colour nen,jersey nen hlir awm hnu a smart deuh a ka inthuam ta mai chu a zamawm deuh a ni. Rina nen Vanapa hall panin kan tlan a,pawnah mi an lo tam khawp mai. Usher in a ṭhutna tur min kawhhmuh ah chuan kan thu a,tlar hmasa ber maw ni?😂Mizoram pawh kan sang chho zel a,events a awm reng² in stage emaw mipui hrim² changkang takin kan lang thei a amaherawhchu pawn lam ai chuan chhunglam hi a pawimawh tlat sia le.

"Footballer bulah maw ni dawn?"Rinkimi lo ni reng a,a ha vâr sar langin nelawm thei ang berin a nui bawk a,Rina chu nau a nei chhelo khawp mai.

"Khai a...Miss India bulah nih hi kan ṭhut dawn Leon"Gown sen duk a ha a,chhelo a ni tawp.

" He lai thu ho hi kan kawm teh ang,an mawi hlawm mai sia...Rinkim zanin boruak chu eng nge a ân?Nangmahni hunlai kha i hrechhuak hial lo maw?"

"Hrechhuak chiang e,a ngaihawm khawp mai.Zanin pawh hi a nuam bakah boruak pawh a sang" Chhang tawi fel at mai a ni.

"A nih Leon,ISL emerging player of the match title chu I nei ta ran mai a,a nuam I ti em?Engti ang chiahin nge I awm?"

"E nuam khawp mai,Pathian leh Mizo mipui te zar vek a ni,ka lawm khawp mai" Fuihna hrang² te,zai leh lam hmangten kan mit leh beng kan titlai a,a nuam khawp mai. Miss contest pawh an ṭha a,chung zawng aia ṭha chu Miss Mizoram crown khum tirtu hi a ni. Miss India title chelh pha ngat a nia,a awm tho mai. Photo boot ah thla te kan la ho a,a hlimawm phian.

"Rinkimbkhawi ah nge I driver?" Ṭhianpa Rina pawh hi u nih tlin tak chu a ni.

"Ka hrelo,U Rin phone ka lo hmang ka phone battery a thi" A u hi chuan ngaih khatah angai tawh a nih dawn hi,phone a hmang a,a nu a bia ni awm tak a ni. A nu leh pa chanchin hi Rina khan min hrilh tawh miau vangin ka hre ve tlat.

"A lo kal dawn em?"

"Aw kal ang,an lo va haw daih alawm"

"Hun lo lutuk,Siau Brenda-i hruai tura kal ka ngai"

"Chuan ka lo awmpui dawn tihna maw?"

"Zanin chauh khawngaih takin,mahni a kalsan a chi silo a"

"Va kal ta poh che,ka lo awmpui mai a niang chu kei mi single hian" Andrea nen eng emaw an sawi hnuah a car nen a tlan chhuak a,kei a pawh chu eng nge nghahpui ngai le va thlah ta mai ila.

"Kha I driver chu call leh la,let turin hrilh mai rawh ka thlah mai ang che"

"A ngailo,a lo thleng ṭep ang"

"Ṭep lo,call mai rawh mahni a awm I ngam ami? Helai hmunah hian"

"A nih khawi" Number a dial a,phone a hman chhungin motor ka va la chhuak a,ka keng fuh khawp mai. A luhna turin kawngkhar ka hawnsak a,a lo ṭhu lut a.

"Kan veng I hre ve ringawt ami?"Lu ka buk khum ringawt a,awihlo hmel deuhin a nui suk a,tumah ṭawng ta lem lovin Mission veng pan chuan kan tlan a.

" Saw lai gate zawn ah sawn aw"

"Ka ru daih dawn che"

"Hey! I zaklo lutuk aw,ding vat² rawh"Kan hma lawka gate lian lam,light invuah eng vek zawnah chuan ka ding a. Hlauthawng hma reuh lutuk.

" Naktuk chu kan rawn rim dawn che nia,lo chhuak suh ang che"

"I thu lo ve e"

"Ka thlah manah che eng nge min pek ang?"

"Thingpui I duh em?lo lut la"

"Ka ti mai² a nih kha,nidangah aw"

"Min thlah vangin ka lawm muttui" Kawngkhar aṭang luh dawnah min rawn en a,a la nui vur² zui.

Rinkimi POV
"Bawihte tu'n nge rawn thlah che a?"

"Nu u Rina ṭhian fel deuh mai...u Rina a hman lova,ka han inthlak nge aw" Room ah chho in darthlalang ah chuan chiang mang khengin ka in en leh phawt a,mipa hma ah ka zam ngai silo a mahse tunah lem ka beng a sa hat² mai,ka lai reuh em ni?Bathroom ah lutin ka intleuh thuak² a,night dress nen khumah mu in phone ka khawih a.U Rina hnen aṭang message ka dawn chu ka hawng a.

*Nang nu hi engtin nge ka ṭhianpa ilo tih a?Ilo chhaih vel ami?*
*Teuhlo..a thinrim ami?* Kei lah hi eng nge ani thinrim pawh chu ka lo hlau viau.
*No..I no. min dil a,hmeichhe no. min dil voi 1 na nia mak ka ti lutuk alawm mawle* Ni dawn tak Ig ah chuan message ka seen theilo bakah seng lo tak e.
*Chuan I pe mi?*
*Pe e,lo be ṭha rawh..ka hrechiang a,a fel a nia*
*Nghal che hian ka be ṭha awm lo*
*I u thu hi min hnial suh aw ṭahbelh*
*Hetia min tih aiah ka be pit ang*
*I inchhir nga nimai lawm,val luck-a nih kha aw*
*A ho muttui Brenda😌*
*Muttui Leon future gf😊*
*😡😡👊*

Tunlai ka thil tawn hian min barakhaih reng mai,ka ngaihsan em² mai chu ka hmu ziah a,thla te ka lakpui piah lamah ka no. thlengin maw,a va nuam em khawvel hi.Ka out a,eng message mah a awmlo. Thlalak ka dawn ho chu ka en kual a,min 20 a liam hnu pawn ka la dawng chuanglo mahse tinge kei hi message ka lo nghakhlelh viau, chu pawh Leon! A ni thei lo. Muthilh tumin mit ka chhing a,ka muhil thei lo.

Zing ka harh chuan phone sana chu ka en a,a hma tawh lem lo.
"U Ram khawi ah nge Kanu hi?"

"I nu chu zingah khan hotel ah a chho tawh lawm a sawi danin mikhual ṭha hnem tak an thleng dawn ni awm e"

"Min kai thawh ve tur a nia" Chaw ei kan siam a,Nu Siami nen kan ei a,tihtur a vang leh dawn mang e. Thleng ka sil lui a chumi zawh ah tv ah en ber nei lovin ka hmet kual char² a,tihtur hi a awm thlawt lo.

Leon POV
"Siau kar leh monday chu ramhnuai lamah thang mai² ila,zan 1 kan riak ang a...hmeichhe ho pawh kan sawm bawk ang a" Futsal khelh kan zo haw turin kan insiam a.

"Chi dawn mi? Hmeichhe ho chu buaipui an ngai nasa awm e"

"Kha tak kha lawm,Rinkimi kan hruai bawk ang a..chance ka siam ang che Nutei hriat lovin"

"Ka lo ngaituah ang"

"Ngaituah buai angai lo,I duh tih ka hria zanin chu kan va leng dawn mi niang?"

"Min lo sawm la" In lam panin kan haw a,thlen chuan khua a thim tawh a chaw ei zawh ah ka inbual a.

"U...Rina nen kan chhuak dawn aw,Kanu leh pa chu lo hrilh mai rawh pls in"

"Okk ka lo hrilh ang" Ka u hian nupui min neih san ṭep tawh a,man vel pawh an inhlan tawh a hmabak chu Kohhran hma a inneih chauh a ni mai.

"Nghah I ngailo ve teh mial,kal ang le"

"A bulah te hian min lo sawi chhe char² nge aw? Chi dawn miahlo nia,kei pawh Brenda-i bulah chuan perfect ang chiah chein ka sawi ṭhin che kha aw"

"Teuhlo 100% ṭha vek angin" Mission veng panin kan tlan zel a,kan inhlat sia aw.

"Au Ramte Rinkimi hi a awm em?" An inchhung chu reh tak a ni,hmeichhe 1 in TV a lo en a,a nu chu a nilo tih ka hre mai.

"Oii awm e,ka han koh ang...lo ṭhu r'u" Inchung chhohna step ah chuan a chho a.

Rinkimi POV
Inhnuai panin ka chhukthla a,ṭhutthleng opp ah U Rina te 2 an lo ṭhu a..ka inha ho ropui sia,a zahthlak lek² alawm mawle.

"Rin khawi ah nge Nutei hi?" Single sofa ah chuan ka ṭhu ve a.

"Zing a chhuak a lo la haw lo,hna ah a buai lutuk a nih ka ring..eng nge in lo tih dawn?"

"Leon-a hi ka lo hruai,angai deuh che nih hi" Ka duh tih an hrechiang mai,ka van zak tak.

"Nia kan rawn rim che"

"A nih thingpui nge coffee in duh ang?"

"Coffee a nimai" Kitchen lamah coffee siam turin ka phei a,u Rami lah hi zan dang chu nih se TV a en anga,inla romantic lutuk. Coffee powder pawh chu a va zo hun lo e.

"U Rin tikhan lo ṭhu r'u aw,powder ka han lei lawk ang"

"Siau hi va inhruai tir rawh zanah chuan a him lo a nia" Hnial ta lemlo chuan dawr panin kan chhuak a,ke a kal mai anih vangin motor kan keng lova.

"Miss India meuh ka rim sia,a pawi em lovang chu maw?"

"Pawi nang...footballer meuh lo len zawk hi lawm"

"Nangni lakah chuan eng kan ni lo" Dawr kan thleng a. Powder kan lei zawh chuan kan let leh nghal mai a.

"Andrea monday chu camping na ah lo kal ve la?" Ka nuam tih zawng tak a nia mahse kalpui te zirin.

"Tu tu nge kal dawn?"

"10 vel kan niang,Brenda te ṭhian,keini,Rema leh Afaktei chuan Bena,Joseph leh Tluanga"

"Kan kal dawn nia chuan ni engzah nge?"

"Ni 2 vel lawk call ka va chhang lawk ang" Balcony lamah a chhuak a,Brenda-i bak va ni suh.

"I va ṭawng lo ve a?"

"I u chauh I be char² a nih kha"



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)