YOU'RE MINE ALWAYS - 20 BY NUNUI HNIALUM

Episode kal lai dah luhna

Moderator: writers

Nunui Hnialum
Posts: 115
Joined: June 13th, 2021, 9:07 pm

YOU'RE MINE ALWAYS - 20 BY NUNUI HNIALUM

Unread post by Nunui Hnialum » January 26th, 2022, 10:03 pm

Chapter - 20



Tlai dar 6:00pm veleh ka nu in "chaw kan ei dawn lo chhuk rawh," tiin inhnuai aṭang in min áu lâwng lâwng. Ka chhãng hranlo, ka dul chu ka zút a, he naute hi engtin nge ka tih ang, ka ti tla mai dawn em ni ang? Apa in nise thlathar ah nupui anei dawn a, keilah fa enkawl tur in cháwm hlawm mai ka la nisi.





Tunah rih chuan thup thei mah ila, raipuar na ná nà a thupreng theih dawn siloh, ka nuṭa te hmai ka en ngam dawn em ni? Ka zirna ka chhunzawm theihloh chhan lah ka hrechiang tulh tulh si, tukhaw hriatloh in emaw sex kan hman tih laiin ka chhungte beng kár lovah athleng si.





Ka khum ah ṭhu in mainitchhîng in ka huntawn chu ka chhút lét neuh neuh a, a englai ah khàn nge tihsual ka neih a heti tak maia ka chan achhiat ták mai ni. A hmasa ber in Duatkima hnen aṭang in tenawm taka bum ka ni a, chumi hnu lawk ah ka ṭhian, ka unaunu ang maia ka en Biaknungi lak aṭang in ani leh a, anni pahnih phei chu sawichhuah zen chi pawh annilo, mithi tawh, anthih dàn lah thindàn pangngai anilo lehnghàl.





Duatkima lak ata bumnawn nih hlauvin Jefferey-a ka pana; mahse, enge ka hlawhchhuah chuan, a tír phat aṭanga tún thleng in bumnawn lehna bâk hlawhchhuah ka neilo.




Ka chhungten thil awmdan an hriat hun chu ka tan thihni ani hawt, Lucy'n nise midang bula asawinuam tih zâwngtak ani dawn vei nen, thuchiang an hriat hma hian hruihrual in ka in áwkhlum ve mai dawn em ni ang? Nge chemte in ka bàn ka zai zawk ang?




Roomkawngka rawn in nam hawng rawp in U Vala alo lút a, "chaw lo ei rawh, mikhual kannei tawmbo hmak suh, i U lo chétpui ve rawh," tiin min en khui khúi a, a chhuak lehnghàl vat, ka mittui rawn hnàm ṭiam ṭiam chu duhlo in ka mit ka khap sak sak.





U Vala hi chu upa ber tih takah ka séntet aṭanga min duat a, min cháwi tleitu ber ani a, heti tak maia ka laka rilru sehhel apu hi na ka ti. Ka thiltihsual ka hria, a vuaklét pawh ka tuar mek zel anihhi; mahse, kan laka a in la hrang ta lutuk hi pawmzam harsa ka ti. A hmangaihna dawng ngailo ni ila na ka ti kher lovang, min duat a hmangaihna tinreng a min hmangaihtu ani si.




Engpawh nise a nupui in thu diklo afah nita ber in ka hria, a nupui neih aṭang in a inla hrang nghal hmak bawk a, a ṭha vek e, dáwt hmanga thu diklo a fah anih ngat chuan lan chhuah ni ala nei em em ang; mahse, he khawvel thudik aia dáwt a dinchanna khawvel ah hian ka in hamtâng zo meuh angem le.





Khawilam mikhual tak chu nimaw, ka rilru leh taksa a chauh tehlul nen, ka ṭhutna aṭang in dìmte in ka thova ka mittui ka hruhul sawk sawk a, in hnuailam ah ka pén thla chhat chhat.



Choka ah ka nu leh Lucy'n chaw ei anlo siam mék, 'mikhual kannei,' kha ati sia, a mikhual ber a pawh chu ka va hmu silo ve. Ngãwireng in ka chétpui ve mawp mawp a, zo cooker lianpui a chawhmeh chu suah tumin ka hawng a ka uak chhuak ṭhawt lo chauh. Ka chhungte hriat hlau lutuk in ka ka hupbet vata,ka pum aṭang in min pump leh tawh, Vawksa tháng rim chuan mi ngei lutuk, ka raino vãng tihlah ka hai silo.




Ka hnunglam pawh hawi ngamlo in ka ka hupbet reng chung in ka ip ngar ngar a, ka uak chhuar tuarh ang tih ka va hlautak. Ka uak mai loh nan tui Bottle ka hnaihber chu la in ka in khawlh a, ka khuh nghal khak khak bawk.




Dìmte in ka nu'n ka hnung alo beng dat dat a, "fimkhur deuh ta che," tih chiah asawi "nu," tiin kuah tumin ka inher a pàwnlam aṭang thàwm arawn awm avang in ka ṭhulhleh ta záwk.




"Kanlo thleng," tihleh kawngka hawn an rual nghàl zat. "Ohh Jenn, inlo thleng tluang maw? Lo lut r'u," tiin Lucy'n abe ngal bawrh bawrh a, 'Jenn,' tia a kohnu chu ka en chianga ang tih deuh ka nei; mahse, tunge a anber ka sawifak theilo. Nge amah hi hmuhtawhna ka nei zawk aw.



"Lo lut rawh u, i chau em chaw ei pawh kan siamṭan dawn chiah e," ka nu in alo ti ve vat, "in hmanhmawh àwm sia kan einghal mawp mawp mai dawn em ni?" Ka nu bawk in ati leh a, chaw ei dawhkan ka kìl ṭhap.



"Vawiin chuan mo thuam em ni in en? In duhthusan in hmuthei hlawm em?" Tiin Lucy chuan Jenn atihnu leh a ṭhiannu chu a en a, "monu ber khi a duh khirh angreng, a duhzawng bridal showroom ah pawh ahmu zolo, a ṭhuitir chúk chúk," Jenn chuan a tisap a, a chaw eilai ah abur ngar a, a ṭawngpawn a thil ei a ṭhulh phah chuanglo, ka chawka a tuilo bawk nen ka lo en leh vung vung zel.




Ehe! Inneihna a awm dáwn elo? Tiin ka phúr hluai a, ka ṭawng ring deuh nge Jenn leh a ṭhiannu pawh chawbar ṭhulh meuh in anlo hawi. 'Jeffreya'n nupui anei dawn alawm i la hre nange, chuan Jenny hi jeffrey-a farnu ani nghe nghe a chhang chiah," Lucy'n alo ti vat a, anuizui hak bawk.



Jenny chuan min thlék ha a, a hmuhtum ang ka nilo ati deuh ani mahna, a nu damdawiin awm laiin an in ah a u ka va riahchilh kha ani si a, ka hmel pawh la hmu eihlo khàn min sawisa chiam a, tunah ka hmel a hmuta a, min en duh phian lawi a, a hmuntum aiin ka lo hmelṭha deuh ani mahna.




Vawiin a Lalrindika ka hmuhchhan pawh ka hreta, mothuam en in Aizawl anlo pan vang vanga, a nupui tur nen, ka hmuhtirh khan alo kalthu min hrilhlo kha mak ka ti deuh hmana; mahse, mak ka ti lehlo, ani mothuam zawng chuan engvang in kei a bialnu hlui ve mai hi min hrilh tehlul ang. Zalo deuh in ka nui ka nui, Jenny chu ka enchiang deuh a nichina 'an anei,' ka tih kha Lalrindika farnu alo nih vãnglek anihhi, enchian chuan an mit leh an hnar ngùl sangvah ah te an in ang.




Lucy leh ka chhungten Rindika nen kan chungchang anlo hre bawk nen min ringhlel ang tih hlauvin tuilo chung chung in ka ṭhu a, ka chaw ka tháilet vèl mai mai, 'an va lawmpuiawm ve,' ka ti mawihnai ta lo, ka lawmpui lo miau alawm mawle.



Ka chhungrila ka thikzia leh ka nat zia hi hriase chaw ei pawn an ko lo tawp ang. Dawhkan in a hliah chin aṭang chuan ka dul chu ka zût a, 'pa,' tia kohtur nei ve hauh lovin fa ka neidawn chu ani sia. A lo pian hun ah min dem viau angem, chutiang hun ka ngaihtuah chuan ka thaw ava piktak, unaunu in bunruahna tur ka neilo chu hrehawm ka ti thar ngawih ngawih, ka rilru hahna in sawithàwl na tur tal nei ila ka zàngkhái deuh ka ring.





Biaknungi ràla Lunglei kal pawh ka tàn tihchi ani rih silo, engtik ni ah emaw chuan jeffa nupui neihni alo thleng anga 'nupui anei ta,' tia ansawi thàwm ka hre ngam dawn em ni? A nupui tan pasal anihna anga a chanvo a pék angai anga, dìm leh duattaka hmangaihna min chenpui ang khàn anupui a chenpui ve angem? A fa ka pumchhûng ah ka paimek tihhi hriase inneih a ṭhulh duhmai angem? Ava chauhthubarawh tehrèng em.




Ka room hlui pan in inchungah ka tlanchho a, ka bungrua ala awm vek bawka, he ka room hi nuam ka ti thar, a rehraih a chhun ah ka tukverh aṭang in ràl lehlam hringdup a hmuhtheih a, tlai ah ni tla tur a lang chiang em em si. Engto leh helhkam nei hauh lova hringnun ka hmanlai ka tleirawl tirh te kha kohkir theih ni se.




Ka tukverh bulah ding in ka ngawi vang vang a, ka hun liamta ah khàn la chêngthei ni ila tunhun, hunnuamlo zet hi thlenglo tur in ka bei fan fan ngei ang.



Ka ngaihtuahna ah sual tinreng alo lút zut zut, kan in aṭang hian ka tlanbo mai dawn em ni ang, tlanbo sateh mah ila kei thawhchhuah neilo chawmhlawm hian Mizoram kal pelh na khawp pawisa ka nei thei angem? nge keima nunna la in chatuan hrehhmun ka pan zawk dawn?



Ka ke akham hnu in khum ah ka ṭhu a, ka mawng akham leh ka muzàl a, ka muhil thei chuang silo balcony ah chhuak in ka han ding leh ngawt ṭhin, ka meng tlang ta zak.




A tukzing ah luna búr in ka tho a, ka lu a chhah bùr mai, "Mate, i va ṭhatloh hmèl ve i muthei nange? Nizan chu i room ah ilo riak daih a," tiin ka nu in chawhmeh chan mawlh mawlh in minlo be vat a. "Umm, avawt ka ti deuh reng a, ka taksa anuam chiahlo aniang," tiin chhuanlam ka siam zaih.



Kan in biak mawlh mawlh laiin Dinissa'n alo call a, ka pic up vat. "Mate, tunkar táwp ah ka lo chho lawk dawn aw, ka ṭhianpa nen," tiin a dah zui daih.


Chhun ah ka nu in pangpar a singsa a U Vala te nupa an chhuak daih bawk a keimah te in in h ka awm rak rak. Nizan ka mulo nen ka chau nghulh, Couch ah mu in ka maimit chhíng vang vang a, thil tamtak ka ngaihtuah in ka naupai chungchang hi Rindika laka zepreng chi niin ka hrelo, nupui chu nei dawn pawh nise a hriat ve tho angai.



Ka phone chu la in Rikdika ka call nghal a, rei pawh ariallo alo pic up vat, "ka rai," ka ti tãwng a, pehhèl vak ngaihna ka hrelo ani. A reh vung vung avang in kan 'hello,' ṭhaleh a, thawhawk ri ka hre vat.



"I nupui neih tur thu ka hriat vanga sawiri mai ka ni lo a, inneih tãwptir che lah ka tum heklo; mahse, nang apa ber in i hriat vat hi aṭha ka ti si a," ka ti hap a, ka sawizawh hma in "ka hria alawm," a lo ti vat. "Eng chu maw?" Ka ti lét vata "i raithu hi mawle, nimin tlaia i awmdan aṭang khàn ka ringhlelh na che a dik ani tih ka hria," a rawn ti sup.



Enga? Ka rai ilo ringsa reng amaw?" Ka ti hap a, a ngaihna ka hre vaklo, a ni nen hian vawikhat chiah sex kan hmang dun a ka rai aring ta nghàl ngawt chu amak deuh ka ti.




"Ṭhazual, ka tan i neih rohlu ber i thianghlimna min hlana, khami zàna ka lawmzia leh ka ngaihhlut zia che kha i hrekher lovang, khami zan la la khan i tan tiin ka in serhhrang nghal a, nanglo hmeichhia nupui atana neilo tur in; mahse, nang hian engkim iti chhe vek, nanghian i mamawh viaua i awmthei ngang lo anih chuan tinge tlang tak in min hrilh mailoh. Kan in hmuhloh kar lek chhungpawh insùm zolo in mipa dang tan i taksa i hralh a,," a ti htiam ta hrãwk mai.



"Enga? Enge i sawi chu?" Ka ti hù. "Hrelo der suh, zanvák an ti che i saruak thlalak leh mipa i nawmchenpui te chen hian ka hrevek, thlalak mai nilo in video pawn mawle," a ti ta! "Engvanga be ngailo che nge ka nih? Engvang in nge ka ngaihsak tãkloh che? A chhan chu ka lam ilo hawihun ka nghak atinni; mahse, ka nghakchhuak zo ngai dawnlo che atinni," a ti ta sup a, enge ka thuhriat lehták hi? Ka mumang em ni zawk? Ka lu ka thingnawk nawk a, ka mengzau kawk bawk, ka phone chu ka en a, lehlam aṭanga 'hello,' rawn ti tu aw aṭang chuan ka mumang anilo tih ka hre chiang.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)