YOU BLACK MY HEART CHAPTER 30★

Episode kal lai dah luhna

Moderator: writers

Zaikawii Budelh
Posts: 170
Joined: October 22nd, 2021, 7:23 am

YOU BLACK MY HEART CHAPTER 30★

Unread post by Zaikawii Budelh » January 26th, 2022, 10:54 pm

YOU BLACK MY HEART 🖤




BY Zaikawii Budelh 💚




Chapter 30









RUATI POV



" Dominic"


ka ti sap a,min fawhna chu chawl a dat a, thaw hlah hlah chung in ka mit ah tak min en a,hlimthla mai mai si hetiang ang em em a a tak a ang hi ka awih theilo.A taksa si chet in min pawt hnai a,engmah kawr kan hak tawh miau loh vang in ka awm bawr khuh tu awm tallo chu a awm ah chuan ka bawh bet vek.Thawk la halh hlah chung in kan chal leh kan chal a insik tir a, a kut pakhat zawk chu ka hnung zang ah a vak kual ruai thung."Dom ih.." ka tih leh sap chuan duh thaw fahran hian ka hmui ah a rawn fawp leh ngawng ngawng a,Ka thluak chu a buai nuaih hi a ni tawp, mipa tam tak ka fawp tawh a, mahse hetiang a tui hi ka la fawh awm pawh ka hrelo.





Rum hawk in khum ah chuan min bawh thlu a,ka mut rual chuan ka pum a rawn let nghal but.Rang lutuk a ka ka hup in Dominoc chu ka nem sawn a, toilet niawm a ka hriat na lai chu ka pan nghal rawk rawk a, kawngkhar ka luh rual in ka uak nghal tuarh a, ka lu lah chu hai na men lo hian a la hai zui a, tun a ka awm dan hi a hrehawm tak zet." I tha em?" Ti sup in Dominic pawh rawn lut ve nghal a,ka hnung zang ah a rawn ben dat dat pah hian"Tinge maw heti vak vak a I in ziah le?" A ti deuh hluk.Ka sam hnawk niaih a hui kian lai vel chuan a hmel chu ka hmu phe ruai a,ka lu a rawn hai tak muai muai ah chuan a thim nghal mup a," Ruati!" Dominic tiri chu ka ral hriat ruai ruai.





Ka dang ro huam huam vang chuan thei leh theilo in ka meng chhuak diar diar a,khum atang a chhuk thla in tui ka zawng nghal ruai.Pindan atang a chhuak in choka lam ah ka kal nghal a , choka ka luh rual chuan fridge ka hawng nghal rawk rawk a, tui bottle lian ber chu lachhuak in ka in nghal khawlh khawlh a, ka intam pauh leh ka tui in chu a hal ting mai hian ka hria.ka lu lah chu a na bur leh nghal a, Thaw chham lek lek a ka in hnu ah bottle chu la thla in ka thaw chhuak halh hlah a, pentawng hi chu thil nuam tak a nilo ve chiang a lawm.




"Muang chang khan in rawh, tuman kan in khalh lo ang che!"


Rawn ti tu aw ka hriat chuan ka tui in lai chu ka phuh chhuak nghal thawt!Dominoc towel chauh veng chung a lo ding reng ka hmuh chuan phawk fe hian ka en a, eng tin nge Dominoc hi hetah a awm theih?Awi! Ka duh theilo! Nizan a mi kha Dominoc tak tak tihna maw?mahse eng tin? Ti ge ka ruih nawi a piang hian hepa hian min buaipui ziah le?Dominic chuan ka chhip atang a ka ke thlwng chuan a en thla dan dan a,ka thawmhnaw hak ka hmuh ve rual chuan ka ip deuh zawk thei, pentie leh T-shirt chhing fahran hi ka ha a,khawi atang in nge hetiang kawr themlem lutuk hi a neih zawk?A.... ka ngaihtuah buai peih lo, hmeichhe hran hran a hruai haw thin a, chung ho ta pawh chu a ni mahna.



Hreptak hian! anih chuan Hepa hian ka kawr a thlak tihna maw?


" Kha tin In siam chhe vak vak suh hotel ah khan inthlak na a awm silo a ka inah ka hruai haw che a nih kha"

a rawn tih leh chuan ka hawi kual vut a, ka awmna hi Dom in a ni tih ka hre chiah! Ka mak ti hmel leh zak hmel chu thup hram hram ka tum a, mahse a har lam hret chu a ni.Nimin ah kha tiang khawp khan a thinrim a, mahse tun a a hmel ah hi chuan thinrim hmel aiin nuih za hmel a lang tam zawk.Nizan a a hmel nen kha chuan inthlau tak a ni tawp mai.



Ka aw thian kharh kharh in Dom lam chu ka hawi a,ka awmdan lai lutuk chu tih lan loh hram tum in, zam loh hmel farhran hian


" I lo awm hlauh chu a tihzia ang reng, mahse zan dangah, ka rui min hmu leh a nih pawh in min buaipui duh tawh suh, kei ang hmeichhia hi chu keimah in ka inbuaipui thei"

a mit a en kar pah in ka ti deuh kher a,dik tak chuan nizan a min tawng khum dan kha na kati a, ka pian a hnu lam ah khatiang khan tuman min la tawngkhum ngailo bawk.Ka chapo na hian hlat turin min ti a, insawifiah hi ka thiam zawng a nih ve tlat loh bak ah kalsan tur a min ti tu a ni a,Insawifiah turin a tan tumah ka nilo bawk.Bakah khawvel ah hian Dominic lo hi mipa dang an tam lutuk.Vic pawh ka bansan thei a nih chuan Dominic te mai mai chu ka bansan thei lutuk ang.




Engmah a sawi lo a, keipawh in tawng belh ka tum tawh lo,tui Bottle chu dawhkan a dah in choka atang chuan ka chhuak zui nghal a.Dominic chuan min en zui reng tih ka hrethei,engah mah ngailo niawm tak in pindan chhung ah chuan ka luh san leh daih a, chhuat a ka pheikhawk awm nuaih chu ka chhar nghal vat a.Ka thinlung hi ka sawi thiam siloh hian a tawt up up.Pindan chhuahsan ka tum zet tawh a, mahse hetiang thuam hnaw nen hichuan khawi ah mah ka kal theilo tawp ang.Dominic thuamhnaw bawm lam chu pan in ka hawng nghal zat a.Thawmhnaw lo inkhai dul chu hai kual thuak thuak in kekawrbul te ber nia ka hriat pakhat hi ka la chhuak a, t-shirt var lian tha hnek nawk tak ka lachhuak bawk.Ka kawr hak lai chu phleh sawk sawk in chhuat ah chuan ka theh thla nghal a, a hmeichhe mutpui thin kawr min haktir a ni a


" Tenawm lutuk"!

ti hlak in chhuat a t-shirt chu ka melh nghek.



Inha sawk sawk in pindan chu ka chhuah san a, sofa chung a ka bag chu ka la nghal a, Dominic pawh en tawh chuang lo chuan kawngkhar lam ka pan nghal zat.Kawngkhar ka hawng chiah tih ah chuan na lutuk in a rawn in nem khar nghal bur a, ka phu zawk! A kut pahnih in kawngkhar chu a nem bet a, kei erawh a kut pahnih inkar ah ka ding thung,I humruh sauh pah a hawi let in

"Enge I duh?"

a mit ah tak en pah in ka ti a,

"Sawitur ka nei!"

a ti sup.Ka lo nui ro hak a, ngeiawm rawng kai lek lek hian


" Nizan khan I sawi kim thawkhat viau lo em ni?Eng chu nge sawi leh chuan tur la awm a?Ka thu sawi tur I ngaithla duh lo a, I thusawi tur hi ka ngaihthlak nachhan tur ka hre biklo"

ka tih chuan

" A tha I duh tawk in min hau rawh!"

a lo ti leh daih ang lawi a,Ka dawh theihna in a tlin leh pek lo, a awm ah ka nam sawk a, mahse a che eihlo!

" Hmela,kal teh ka haw duh!"

Ti vak in a awmah bawk chuan ka nam leh pawp!





Ka biang a rawn lum pap a ,ka mittui rawn luang ngiai ngiai chu duhlo lutuk in ka hru tawk a, ka in hnit nghal hraih a,

"Hey!"
Dam thlup a tih pah in ka biang a rawn dawm a,ka mittui chu dan sen loh khawp in a rawn luang nghal zung zung.

"Engtinge kha tiang a sual tur khan min rin theih zawk?"

ka ti chhuak tiau a,ka biang tawn tawn a dawm in ka biang, ka tahna vang a huh hliam mai chu a kutzungpuiin a nul hauh hauh a.




" Ka thiam loh a ni"


" Ni e I thiam loh vek a ni, min duh tak tak silo tinge a tir ah te khan min duh deuh ang a I awm? Ka duh vel ah che engvang in nge inhualna kha I tih tawp? Chuan tun ah ka tih ni miah lo ah....chuan I lak a ka awm dan ah lem changah min chhuah a...."


" Min duh maw?"

A ti sup a,

" Aih!"

Ka lo ti hmak, a nui hawk a,ka kawng ah kuah in a mah si chet in min pawt hnai a,ka mit ah en reng chung in muang chang in min hnaih ruai ruai a, lo dan nachang pawh ka hrelo," Dom!" Ka tih leh rual chuan ka hmui ah a rawn fawp nghal vawng vawng a,ka thinrimna te kha chu khitah an thlawk bo vek tawh.Ka kekawr chhung ah zen lutin ka mawng tam a tham nghal tawk a, ka lo rum hak!Hetiang em em hian infawh hi a nuam tih ka hrelo.



Chhanlet theih miah siloh, uar fahran hian min fawp tawn tawn a.Thaw halh hlah a kan in thlah chuan a chal leh ka chal a insik tir a, ka tum loh lutuk in" Ka hmangaih che" ka ti chhuak sap.Min vawnna chu a thlah thut a, " Eng maw I sawi kha?" A ti chhuak hluk.A thinrim nge a thinrim lo a hmel ah a hriat theih lo a, mahse mak a ti tih erawh a hriat theih thung," Engmah ka sawilo" ka ti ta ringawt.



" Aih sawi I nei chiang a lawm, Ruati tun ah khan min hmangaih tih I sawi em?" Ka dar tawn tawn a rawn man pah chuan a ti chhuak leh hluai a, hreh deuh in ka lu ka bu nghat.




VICTOR REMRUALFELA POV







Ka phone leh Peach phone ka vawm chhiat miau vang in ka call tlang theilo a,Sangzualan Lunglei lam ah a awm loh thu a sawi bawk,Peach chhuak tur a ka tih atang khan kar khat a liam tawh a,kha video leh thlalak kha Vincent leh Angel te thian dun ruahmanna a ni tih an mahni ngei an inpuang tawh a,an chhung thu pawh a zang hran lo khawp mai. Rochhunga pawh a ma thangkam ah ngei tal awk in a tang tawh bawk.


Thu Dik hi chu a tir ah kalh khum a awm in,dan chep ni thin mahse , fanghmir tiat lek a zau chhuahna a awm tawhna hmun ah chuan thudik hi a put chhuak zung zung tawh thin.Kha mi ni atang khan Peach awmna chin hria kan awm tawh lo a, Lunglei lam ah tak ngial pawh a awm lo.Eng vang phiangsen in nge maw kha mi ni khan ka lo kal tir teh hrep ni?!


" Vic I awm em?" Rawn ti tu aw chu Ruati a ni.Ka chhan hma in ka room kawng khar chu a rawn hawng zui nghal a, Dominoc hmel pawh ka hmu tel nghal zat.


" Enge inrawn tih dawn?"

Ka tih deuh hmuk chuan" Emily in Nithum chhung chu engmah I eitawh loh thu min hrilh a, mam mam kan rawn hrai dawn che"

Dominic an thawveng hmel zet in a lo ti ham ham a,

" Tak tak in tlem tak ei tum rawh, I cher tehmai a ni a kha, Hlutei pawh chu lo hmu leh ta tehreng pawh ni ila kha tiang chhep chhup kha chuan a duh tawh che in ka ringlo"

Ruatin a lo ti hlak a,eitur a rawn chhawp nghal mawlh Dominic an a lo tibui chhen a, Ruati a phun hlak hlak reng.A khat tawk in Dominoc an Ruati chu a fawp leh zeuh thin a, an inkawp rem thei ta hi mak pawh ka ti hram lo.Lalruatui bo hnu atang in kei chauh nilo Emily pawh in a tuar em em a,mumal tak a thil kan ei lo na chin pawh ka hrelo.



Eng pawh lo thleng se, eng anga rei pawh thang mahse, kei chuan ka nghak ngat ngat mai ang,kum sawm a ni emaw khum sawmhnih pawh nghah ngai dawn mahse ka nghak ang.Ka naute leh nen khan ka hmangaih a, an tello chuan mihring ka chang zo dawnlo tih ka hrechiang bawk.




End of chapter 30



( Naktuk last a nih kha aw, comment vek kan tum dawn nia)



ADD CLICK KHA AW



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)