MIRACLE LOVE CHAPTER - 12 by Amy Cck

Episode kal lai dah luhna

Moderator: writers

Amy
Posts: 432
Joined: May 15th, 2019, 8:49 pm

MIRACLE LOVE CHAPTER - 12 by Amy Cck

Unread post by Amy » January 27th, 2022, 1:02 am

Miracle Love 💕 by Amy Cck



Chapter - 12



Kum hlui kan thlah liam a, kum thar kan chuangkai chho a. Puipuia nen pawh kan la in be reng a. Zorema te inah a rawn kal chang hian rawn luh kawi zeuh a ching a. Rin ai tak chuan kan in nel zui ta phian a.



Kum hlui thlah zan Zorema te inah kan hmang ho a. Ka hriat miah loh in Didiki leh Opi Zoreman a lo sawm ve ngei a. A chhan pawh a cousin te ho hlir an ni sia nuam ka tih loh a hlau vangin. Mihrang chu kan thian ho leh Zorina kan ni mai a. A hnu a Zorina sawi ka hriat leh chu an thiante nen hman tum an nia mahse u Duatin min sawm ve tak si ah chuan chhuah bo a duh bik lo a lo ni awm a. Sawi lang chiah lo mah i la ka rilru chu a hlim ve veng veng mai. Min la ngai pawimawh zawk niin min in hriat tir tlat a.




Ka phone a message ka dawn rual chuan in siam mawlh mawlh in ka en a. Puipuian a lo chhuah chiah thu min lo hrilh chu niin. Kei pawh chuan ka hman tawh thu chuan ka chhang ve mai a. Vawin ah Puipuia nen chhuah dun kan tum a. A chhan pawh vawin January ni 4 hi Zorema pian ni a nia. Puipuian ti I la a cousin unau ho leh u Duati ten surprise party siam sak an tum a. Zaninah naktuk hi Puipuia kal leh ni tur a nih leh tawh vang in thlahna hun hman an tum a, chu mi chu reng changah la in Zorema bday lawm sak an tum a. U Duati leh Puipuian min hrilh ve bawk nen ka phur viau mai.



Zan lam a mi tur bday cake an order tawh chu Puipuian lam pui tur in min sawm a. Tih tur em em ka nei lo bawk nen ka hnial hran lo. Tlaiah a mah thlah nan chaw an ei khawm dawn a, min sawm ve bawk nen tlang nghal ka tum bawk a. U Duati leh midang ho in in lam an lo ti fel thung a.



Kan in kawt a rawn thlen chuan kei pawh ka chhuak ve vat a. Kawt a bike nen a lo ding vang chu nui sangin ka pan phei a. Kan in hmuh tirh a ka chet chhiat ngaihtuah in kan in kawm zui thei ta phian hi a ma fel vang leh zir vang a ni tih ka hai lo chiang viau.




" Zorema I be tawh em? " Bike a kan tlan chhuah hnu chuan rawn thle buk in a ti a. Lu ka lo ting vat. Nui deuh chung chuan " Nang I be tawh em? " Ka ti let vat a lu a buk nghut chu ka ner sak.



" A va fair lo ve. " Ka ti chuan a nui nghawr dawt. " Ka rawn chhuah dawn khan min rawn bia a, zanin a mamawh tur vel lak an tum thu min rawn hrilh a, a bday te a ni ve a lo wish lo chu a mawi si lo a. " A ti leh mai a. " Kei chu ka chungah a lawm miah lo ang, kum dangah chuan ka wish hmasa ber a, thil pek pawh ka pe hmasa ber thin a. Tun tum chu ka reh hmak sia, zingah pawh min be miah lo. A thinrim a ni mai thei. " Ka ti zui niah niah a. Ka rilruah hian ka in thiam lo em em ringawt leh nghal.



" Zanah I hrilhfiah a nga a lawm leh vur vur viau ang. " A rawn ti a ka nui hak a. Cake lam hma in Puipuian a mamawh thil vel lei kawi a duh vang in lei hmasak a, haw lam a cake chu lam kan tum a. Bazar velah kal kual in kan ti ti mawlh mawlh a. A awmna lamah chhuah vah a buaithlak a tih vang in rin ai kan kual nasa viau leh nghal.



Neuh neuh thil kan tih chhungin chaw hma kan hmang zo a. A mamawh zual pui kan lei zawh hnu in dawr a thil ei a chawlh a cake lam a haw kan kan tum zui ta bawk a. Roa te dawr kha kan hnaih bawk nen tah chuan kan lut ve mai a. Kan in khai bawr ve tun bawk nen haw vat vat a chakawm tak zet.




" Hei chu thlarau i ni chuan ka hre si lo a. Ka hmu che chu tlem chuan min thawng ve deuh . " Rawn ti tu ka en chuan Lawmkima lek lo ni in. A thian ti i la hmeichhia a kal pui ve ngei a, a bialnu nge maw ni a chhe lo zek a.



" I lo haw tih pawh min hrilh ve lo a. Mi hi chu I ngai pawimawh lo ve ngawt mai. " A tih leh chuan ka nui tawk tak. A nuam lo ve reng mai, kan in be ve zeuh zeuh a ka haw tih ka la hrilh miah lo a, zin char charah min la ngai a nih ka ring.



" Nia... In hrilhna hun pawh a la awm lo a nih hi. Enge hetah te in tih a? " mawi hnaiah chuan ka ti let ve a. Min melh run run danah chuan in hrilhna hun a awm lo ka ti kha a pawm vak lo a ni mahna.



" Hei kan chhuak ve lawk a nih hi. " Tiin Puipuia nen chuan min melh dun a. A bul a hmeichhia in a rawn hrilh ruk sep takah chuan min melh leh vut in " Kan kal phawt a nge kal na tur kan la nei sia. " A rawn ti a ka bu nghat. Enge maw a hriat ni hepa hi kan in hre tha pawh ni lo hi mi hi a be ve leh nulh zel a. Min thawng thei riau mai.



" Tunge a? I thian te an ni chiah chuan ka hre si lo a. " Puipuian a tih chuan " Kan college a mi a nih kha. Kan in kawm nel lutuk lem lo. A bik in I unaupa Zorema nen phei chuan... " Ka tih chuan enge ka sawi awm zia tih min zawt in mit ko a rawn san uk a. Hman a Zorema leh Lawma in sual vel phone a ka hrilh a mi kha a nih thu ka sawi chuan a en zui leh hnu hnawh a.



Zoreman an in sual chhan min hrilh duh bawk si lo kha Puipuia bulah ka zuk ang chiam kha a nia hre ve tur chu a ni chiang a lawm.




" Chuan an in sual chhan chu I la hre chuang lo a mi? " A tih chuan thil ei pah chuan ka lu ka bu nghat nghat. " Zawh pawh ka zawt peih tawh lo. A tih loh hi chu a pe na ve thei sia. " Ka tih chuan a nui ve suk. U duatin min rawn bia a kan haw tep tawh thu ka sawi chuan Zorema bday cake chu Puipuia te inah keng tlang in thukru rih tur in min rawn hrilh a, hna a kal lo ni a ni bawk nen a ni pawh a rawn phei vat tur thu a sawi zawm a. Puipuia te nen veng khat ni mah I la kan in erawh chu a in hnaih lem lo viau.



Dawr kan chhuah san dawn chuan kawngka ti i la counter bulah Puipuia kan thil ei man a pe ka nghah lai in Zorema te thian ho an rawn lut thut a, kawngka bul mai a ka lo din avang chuan an ni pawh chuan min hmu rang ve ngang mai. Roa ber khan min la rawn au lung lung zui a, ka zak lek lek zawk.



" Teh hlawh che chuan.... Hei... Brotea Bday kan lawm dawn a lo tel ve la. " Tiin a sir a Zorema chu a signal zeuh a. Zorema ka en chu min lo en ve chiang viau leh nghal. Rang zet in ka hawi sawn nghal a, a bday lawm sak chu sawi loh a thu tak ngial pawn ka la wish lo a, chuvang a melh tha ngam lo ka ni mah.



" A... Ka lo tel lo mai ang. Tih tur kan la nei sia. " Ka ti let a. " Kan i tia kal pui i nei a mi? I thiante kha an nih chuan an ni pawh kan sawm nghal, in hre lo pawh kan nih tawh lo kha. " Vlan nui suk a a tih chuan ka nui lui sak ringawt.




" An ni chu ni lo e.. Midang zawk. " Ka tih lai in Puipuia a rawn chhuak ve hlawl a. " Ehee.... " Mipa ho chuan an lo la ti dual zui a. An over ve thei hlawm ngawt mai. " Enge in tih a? " Zorema pawh chuan mak tih hmel zet chuan a rawn ti ve a. Ka melh vat a Puipuia nen chuan min melh reng bawk a. Chhan ka tum lai tak in Puipuian min lo chuan khalh a.



" Naktuk ka kal tawh dawn sia mamawh min lam pui turin ka sawm a. " A lo ti var a. Zoremsanga lah chuan enge maw a hriat ni pik hmel zet hian a rawn thaw chhuak zui hawlh nia.




" Zorema bday a thian ten lawm sak kan tum a, rawn tel ve ta cheu? " Zorina pawh chuan a rawn ti ve a. Ka in ngaihbel nge ka hre bik lo min sawi chhan deuh tlat a hriatna ka nei nia.




" A chak awm viau nan tih tur kan lo nei tawh sia. Vawin bak hun ka nei tawh si lo a. " Tiin Puipuia chuan a lo hnial a. Vla bialnu kha kal a rawt takah chuan a then chu dawrah chuan an in zui lut a. Zorema leh Zorina erawh kan hmaah an la ding reng thung a.



" Tih tur kan la nei nual a kan kal a nge. Zorem tlai lam kha aw. " Tiin Zorema darah chuan a beng thuk thuk a. Min rawn melh leh takah chuan dawr atang chuan kan in zui chhuak a. Zorema mitah khan ka chungah a lawm lo tih ka hmu chiang viau a nuam lo ka ti riau leh nghal.



" Lo kal la. " Bike a thu in Puipuia chuan a ti sup a ka thaw hak thung. " Kei chu nuam pawh ka ti lo. " Ka ti halh a min nuih mai mai zui a. Ka thianpa ka lakah a lawm lo tih hre reng chungin engtin nge nuam ka ti ang ni. Ka ti dik lo tih ka hre kur mai sia.



" A thinrim rei lo ang, lo kal rawh le. " A tih leh takah chuan bike a lawn ka tum chu hnung lam atang in min rawn pawt thla ka ti dawn nge pawt sawn ka ti zawk dawn, ka sirah chuan Zorema a lo ding fel der tawh.




" Ka rual in a rawn haw dawn. " Ti hmuk in Puipuia chu a melh run a. A lawm loh zia chu a awah pawh ka hre thei. " I thiante nen i la awm kha, bakah kan inah kan tlang dawn tho a, I hman hunah rawn kal zawk mai rawh. " Puipuia chuan a ti let a. Zoremsanga lah chuan khi suk in ka banrek chu a vuan nghet sauh a.



" Ka rual in a rawn kal mai ang. " A la ti hram a. A awm dan chu ka hrethiam chiah lo mahse ka rin dan chuan Puipuia hi a thik deuh in ka hre ber. A mah aiin ka ngaihsak emaw a ti niin ka hria.


" I thianten an nghah che kha. Ka lo va kal hmasa ang. Tlaiah kan in hmu dawn nia hma deuhah lo haw la. Ei rawng bawl pui ve te ka duh a. " Tiin Zorema min vawnna chu ka phelh a. A mit meng a a hrilhhai zia pawh chu ka hmu reng a. Puipuia hnungah chuan ka lawn vat a kan tlan chhuah thleng pawh chuan min la thlir reng tih ka hria.



Cake lam kawiin kan haw tlang a. Puipuia te inah chuan an lo awm ve nual tawh a. An cousin thenkhat hi chu ka hre ve nual tawh a. Puipuia hi ka lo la hre ngai miah lo zawk a, tunhnu hian mak ka ti. Mahse hmun dangah thil zir a a awm char char vang in a vang ve em bawk a. U Duati te pawh an lo thleng a. Nu Ruati nen lo kalin pa Lsa leh u Lka erawh hna tul an neih vangin an lo lang thei dawn lo thung a.




Puipuia thlah nan a pa in hun serh a hmang a. Chaw kan ei dawn pawh chuan Zoremsanga hmel reng a la rawn lang lo a. Kei mai ni lo in a unaute ho pawh chuan an che zia leh mit meiin an zawng ruai tawh hlawm mai. A chhan chu zanin hian surprise kha kan tum sia , an lo in buatsaih vek tawh nen a lo kal loh mawlh kha kan hlau tawh.



Puipuia thlahna hun kan hmang zo a, thenkhat phei chu an haw tawh. Zan pawh a tlai ang reng viau tawh a kan mi nghah ber lah chuan rawn lan tih a nei thei ta si lo chu kan thu ngui bam tawh mai.



" I ning tawh em? " Corridor a ka awm lai chuan hnung lam atangin Puipuia chuan a rawn ti a nui lui sak in lu ka thing ringawt. Ka sirah chuan rawn dingin a thaw chhuak suai suai a " Ka call mai dawn, a theihnghilh a niang. " Ka tih chuan min hnial ta bik lo. Ka phone chu la in ma call ta vat a. Loudspeaker a ka dah zui nghal vang chuan a in ring rawl rawl chu Puipuia nen chuan kan ngaithla a, a la dawn lo emaw ka tih hnu chuan a rawn la ve hram.



" Kawnge I awm? " Ka ti nghal tawl chu Puipuian min lo nuih suk mai. " Zorema chu bathroomah a lut a. " Rawn ti tu chu hmeichhe aw a ni daih leh nghal. Puipuia nen chuan kan in melh nghal vat a. Chuan aw nei tu hi Esi kha a ni tih ka chiang viau mai.



" A nih chu.... A lo haw tep em tih kan hre duh a. " Tha tak chuan ka ti ve mai a. " A la rawn haw hmel chiah lo, kan thian ho in kan la awm a. A rawn haw lo zawk mai thei. " A rawn ti let a. Sawi mai tur ka van riau leh nghal. " A nih chu... " Ka ti halh a. A reh vang vang a vang chuan dah mai ka tum chu " Zonuni ti raw. " A rawn ti leh ang lawi a, aw ka lo pawh leh vat a.




" Zorema hi.... " Ti in a ngawi leh daih a. " Ti nge Zorema chu? " Tiin Puipuia chu ka melh a, a ni pawh chuan a lo la ngaithla ve reng bawk a. " Zorema hi ka duh lutuk a. " A rawn tih chuan min ti ham haih ang reng. " Tinge kei min hrilh a? " Nui deuh chung chuan ka ti let a, In hre tha tak kan ni lem lo a, chutiang min hrilh daih chu mak ka ti a ni ber.



" In inkarah engmah a awm lo ti raw? Ka sawi awm zia chu nang hian Zoreama hi thian lo ang deuh in i en em tih ka hre duh a? " a rawn ti ang lawl lawl a. Sawi mai tur pawh min ti hre lo. Ka bulah Puipuia a awm ve reng a, loudspeaker ka lo on ta kher kher chu ka in chhir rum rum mai.




" Chutiang engmah a awm lo? Thian chiah kan ni. " Ka ti sap a, ka awm dan chu a lai tut mai. Puipuia lo awm ve lo se chu thu hran. " A nih chu, chu chu ka hre chiang chak a, khawngaih in min lo sawi pui ve rawh a. " Tiin a rawn tawng deuh luam a. A harhfim chiah lo tih a hriat viau nan ka um.. E... Liam sak ve tho. Phone ka dah hnu chuan Puipuia chu a lo la nui suk zui a.




" Mihring hi a in an loh thei hle mai. " A tih chuan ka melh vat a. " Ka sawi chu a ni kha chu mipa pakhat a duh sawi zak hauh lo in a sawi a, nang a lo ngaithla tu zawk i send awp awp mai a. " A tih chuan ka ner nang.



" Huaina lam te hi a in ang lo ve a. Lut ang Zorema a rawn kal dawn lo tih sawi a ngai sia. A in thlahrun awm reuh e. " Ka tih chuan a nui mai a. Kan in zui lut a a unaute bulah thil awm dan a sawi takah chuan an lo hrilh mai lo chu an in chhir leh hnu hnawh a.



" A tel lo pawn cake tal kha chu kan ei thei a lawm. Zorema chu kan dah sak mai dawn nia. " Tiin an in ti phur lui a. Bday boy tel lo in cake kan zai a kan ei ta vel mai mai a. Leh lam takah chuan nuih a zal zawk hial.



Rin ai tak in kan awm rei ta phian a. Dar 11 velah Puipuian min thlah haw a, kan in kawtah chuan kan ding ran a. Naktuk chawhhnu lam a flight a nia, a peih loh hmel ve ngang mai.



" Thil sawi duh ka nei a. " Kan in kawt a ding chuan a ti sup a. Ka melh nghal vat. Ka pa in min lo call ngun tawh viau leh nghal a ka rilru chu a hman hmawh ang reng viau leh nghal.



" Ngaihzawng i nei lo ti raw? " A tih chuan mit ka khap fak fak a. Lai zet chuan a nui suk a. " Nge i lo nei reng zawk? " A tih leh chuan lu thing vat in ka neih loh thu ka sawi vat a, a la thaw huai zui a.



" Hun ka nei tam lo em a ka peh hel lo mai ang! Ka.... Ka duh lutuk che a. " A tih chuan ka melh kawk mai. Enge tunah kha a sawi kha? Min duh thu a sawi a nia, ka hriat sual zawk nge?



" I.. I fiamthu a nih chu a nuih zatthlak loh a nia. " Nui chung chuan ka ti let sap. Ka thin lah chu a phu rang dawt dawt viau leh nghal.



" Fiamthu lo e! Dik tak chuan tun a hun nei lo chung chung a ka lo haw chhan pawh hi nangmah vang a nia. Nangmah hmuh ka chak vang che leh ka belhchian chak vang che in ka lo haw a ni ber a. Chuan ka rin aia nasa in tun ni rei lo te khan ka hnaih che a, i lak a ka rilru put hmang hi hrilh che ka duh a. Chuan ka lakah hian eng rilru nge i put tih pawh ka hre ve duh bawk a. Ka rilru ang i lo pu ve a nih chuan..... " Tiin sawi zo lo in a nui suk a. Kei erawh awm mai dan tur pawh ka hre lo.



Puipuia chu ka melh tlawk tlawk a. Hmaichhan ngei a min duh thu min hrilh a, chutah ka chhanna a nghak bawk a. Ka duh lo ka tih chuan dawt ka sawi mahse ka duh em tih erawh ka chiang ngang lo. Mahse hnar erawh ka phal chiah em? Ka rilru chu a in sual buai nuai mai.



ZAWMNA 💕



In ka luh chuan ka nu leh pa pawh an lo la meng a. Tunah dar 11 a pel tawh a, hmun dang a chhuak chu ni i la min ngaihtuah leh tawh viau ang. Mahse zanin chu kan hriqt chian ngei ngei u Duati te ho nen kan ni tih an hriat vang nge zing chaw ei kham atanga chhuak ka ni tawh a phone pawn min rawn be miah lo ve teh khiah.




" In mut a chhuak tawh em? " Sitting room a lut pheiin ka ti a, TV an en na atang chuan an rawn hawi ve vat a. An mut chhuak mahse ka leng ka haw hma chu min lo nghak dawn tih lah ka chiang.




" Tu nge rawh thlah che? Zorema te rual in a mi i rawn let? " Ka nu chuan a lo ti var a. Sofa pakhatah chuan thu thla in lu ka thing vat. Zoremsanga hming ka hriat chuan ka thaw hak. Hepa hi a haw ve tawh a ngem?




" Puipuian min rawn thlah a. " Ka ti ve mai a. " A nih chu rawn luh kawi ve tur a nia. Naktuk kal te a tum sia mangtha ve pawh a that nen. " Ka nu chuan a ti leh vat a. " A tlai tawh em a, a let leh nghal a nih kha. Ka va thlah kep vek cheu a lawm. " Nui chung a ka tih chuan an ni pawh chu an nui ve mai a. Kan thlah dan vel chu kan sawi zui luam a.



" Ka chho dawn a sin. Nang ni pawh mu tawh ru apa phei chu kha i mit i meng thei tawh lo a nih kha. " Fiamthu deuh a tiin ka ding hliai a. An mut ve nghal dawn thu an sawi a kei pawh inchungah ka chho zui nghal a. Ka roomah lut in light pawh ti eng lem lo chuan khumah ka thu thla hnak a. Tukverh lam chu hawi pheiin Zoremsanga room zawn la thin rap chu melh vang vang in thawk ka la leh hap a.



" Ka in chhir lo ang. " Tiin ka phun zui sap. Tlai tawh viau mahse vawin lam ka chhuak bawk nen mut hma inbual zuai tum in bathroom lam chu ka pan a. Shower hnuaiah ding i tui lum chuan ka in phuh tir sar sar a. Bathroom atanga ka chhuak chu ka khum a ruang am lian zet lo mu ka hmu thut a, phu chiam in bathroom kawngka ka la nem ri ruk zui. La mu reng chung a a lu chiah a rawn hawi chuan ka thaw huai thung a.



" Ti khan min thawng thut zel suh. " Tiin ka pan phei a. Min chhang lo chuan min en zui vung vung a. Inbual zo in towel in ka in tuam tawp sia, Zoremsanga a mu phek duai bawk nen ka thawnhnaw dahna a ka hak tur la chhuakin bathroom lamah chuan ka let leh a. Bathroom ka luh dawn chuan ka melh leh zawk a, " Ka in thlak lawk dawn a nia. " Ka hrawk thian kharh in ngawi reng a luh ai chuan ka ti ve hram.



Rang zet in ka in thlak a, ka chungah a lawm si lo a, a lo chhuah leh daih ka hlau a ni mah zawk. Ka in thlak zo a towel a ka sam hru mawlh mawlh pah chuan ka chhuak leh vat a. A awm ngai chuan a lo la awm reng a. Khumah chuan mu duaiin a ke lam chu khum mawng lamah chuan a ti uai a. Inchung lam chu a melh run bawk a. Khum mawng lamah chuan ka ding ve ran bawk a.




" Tinge I lo kal ve loh a? " Tawng a tum si lo a ka ti leh sap. An thian ho in a bday an lawm tih chu hre tho mah i la zawh ve hrim hrim ka duh.



" Tih tur dang ka nei a. " Tih chiah in min la chhang zui a. Thaw hak chuan ka melh vang vang a. Engmah ka sawi tak mai bik lo vang nge che sawn lem lo chuan min rawn melh a ka lo en let reng a ni tih a hriat chuan thaw hawk in a rawn thu chhuak vut a.



" Kan lo nghak vek che a sin. I unau te ho nen, mahse engmah sawi lo in i rawn kal lo tawp a. An hrilhhai hlawm zia kha. " Ti sap in ka melh ran a. " A nih nangin?" A tawbg dawn lo emaw ka tih hnu chuan a ti hmuk a. A awm dan erawh a danglam hran lo. Chhuat lam chu mit khap lek lo chuan a melh vung vung ringawt a.



" Min ngaihtuah ve em? " Min rawn en chho chuan a ti leh sup. A mit meng ka hmuh chian takah chuan ka thaw hak a. A thiante nen an thil tih chu a chiang leh viau mai. A bday chu an hmang nasa viau a nih hmel. A mit meng chu sen deuh rum in a dur tha viau a . Mahse a thinrim vang lam ni lo in zu emaw ruih a neih chuan tiang mit meng hi a pu thin.



" Min chhang duh lo mai rawh! " Tiin ngeiawm lam lek lek chuan a khi suk a. " Min theihnghilh thak in a bulah hun i hmang tak e. " Min bia pawh ni lo in sir lam hawi chuan a phun hluk a. Thaw hak in a sirah chuan ka thu thla a. A phian cham lawmpui na thu ka la hrilh loh vangin a lungawi lo tak zet a nih hmel.



" Tuin maw theihnghilh che? " Boruak tih zang khai tum chuan nui lui sak in ka ti a min melh rum tha viau leh nghal.



" Ti khan awm lo la, zanin khan enge kan tih i hria em? " Ka ti dek dek a ngaithla duh sng zia zangin a ding hluai chu a banah ka vuan ding chawt a. Min rawn melh chhuk rual in ka mit meiin thu leh tur chuan ka ti a, thaw chhuak hawk chuan a thu leh thuk chu ka nui sak.



" I tan surprise party kan lo buatsaih a. Mahse i lo kal leh si lo a. " Tiin a kal sawn hlau deuh bawk si chuan a kut tang sei thlurh karah chuan ka kut tang ti lut in ka vuan a. " U Duatin cake a order sak che Puipuia nen kan va lam bawk a. Chuan... Enge i ngaihtuah a? Ka sawi kha i lo ngaithla miah lo a mi? " A awm dan vang chuan ka ti sap.



" Ka in chhir mek a nih hi. " A tih sual chuan min ti hrilhhai zual. " Ti maw... I lo kal lo vang in maw? " Ka ti leh vat a. Thaw chhuak ham ham in min rawn en a, a nui suk ringawt nia. Mahse a nui hmelah chuan eng emaw in thup a awm tih hriatna riau ka nei thung a.



" Engkim a ni mai. Nikum chhung a ka thil tih atthlak tak vangin ka na mek. " A tih leh chuan a ngaihna hre lo zet chuan ka en a. A kut ka vawn beh chu melh vung vung in a khat tawk hian a thaw leh hawk thin a. Chu chuan min ti pik ve em em ringawt bawk a.



A ni leh ni lo ang in a mit meng a ngun ruai a. A aw chu a zuai in eng emaw tak... Ni lo... In chhirna thuk tak chu a nei tih a lang chiang viau a. Hetiang a a awm hi hmuh hreawm ka ti viau bawk.



" Engkim a tha leh vek mai ang. " Ka tih chuan nui lui sukin lu a thing ringawt a. " Ka ring chiah lo. " A tih chuan thaw ve hak in ka kut chu ka pawt let a, a biang tawn tawnah chuan dawm in a mitah tak chuan ka en a.



" Hun kal tawh chu liam tir la, Pathian in kum thar min chuan kai tir a, nun that in bul kan tan thei a. Nikum lamah chuan eng pawh lo thleng se liam tawh chu kan thlak thei lo ang chiah in inchhir in awmzia a nei dawn lo a. Tun atang hian bul i tan leh thei a lawm. Chuan i bulah ka awm reng dawn bawk a. Nangmah veng tur che in.. " A tawp lam chu fiamthu zet chuan ka nui hak a. Za lo zet chuan a khi ve suk mai.



" I pian cham ka lawmpui che! Dam leh hrisel tak a tun thleng a ka bul a i la awm vang pawn ka lawm a. Kum tam tak dam a malsawmna tam tak dawng tur che in Pathian hnehah ka dil sak ziah che a nia. " Tiin nui sang chuan a biang ka dawmna chuan ka piai zui vak a. A rawn vawn hnan ve nghal vat a.



" Khawnge ka present tur? " Ka thlah hnu chuan tiin a biang chu a tuai nuah nuah a. " Zanin khan pek che ka tum a i lo kal si lo a ka thinrim a ka paih daih. " Nui duh miah lo chuan ka ti a, min en rang ngang mai.



" Zing atang i reh hmak a. Chhunah midang i len chhuah pui vel a. Min theihnghilh emaw tiin ka lawm lo a nih kha. Engvangin nge i paih ringawt? Mi pawh i rawn be miah lo a, call tak ngial pawh in. Zantir lamah khan min rawn bia in emaw haw tur tal khan min lo phone la chuan ka rawn kal em em ang. " A tih duah chuan ka lo melh reng a. Present ka paih ka ti chu a ui viau a maw ni, a mah tawkah a tawng ve duah mai.



" Ka rawn call che a, min be duh lo in midang i lak tir vel a nih kha. " Ka ti hmak chu a ner sawk. A awi lo a maw ni, ka call a Esin a lo la reng sia.



" Dawt sawi thin suh ka tih kha. " A la rawn ti hmuk zui. Mahni lo mah a thu tak ve nak a laiin.



" A nih chuan enge min pek dawn? " A la ti hram. Naupang chhe dil tak meuh in min la dil zui a. " Tun tum chu min ngaidam mai rawh, khi i bday a pel tawh hrim hrim. " Tiin sana ka melh a, a en ve nghal vut a a ner nasa zual sauh. 12 leh a chanve a pel daih tawh bawk a. Dik tak chuan ka bag ah sawn ka thil pek tur chu a la awm reng a. Ka fiam chak hrim hrim bawk a.



" Chutiang ka pawm lo. " A ti bur a. A lan dan chu a nuihzatthlak reuh viau bawk a. " Engmah ka nei si lo a lawm. Naktukah kan kei mai dawn mi? " Ka tih chuan a tum lian viau tawh.



" Thil dang min tih sak mai rawh. " A ti hmuk chu nuih in sum zet chuan ka en a. " Enge i duh? " Melh ralh chuan ka ti a. A hmui ti sawi zeuh in eng emaw ngaihtuah hian a melh ngai a melh vung vung a. Engtak sawi ang maw tiin ka lo en ve reng bawk a. Min rawn en leh chuan a chimawm a chhuah dawn tih ka hre nghal. Rang zet chuan ka hmui ka lo hup nghal hmak a. A la nui chhuak hawk zui a.



" Kha kha i duh loh chuan ka thil pek i dah that chu min pe vat rawh. " A la ti daih zui. " Phakar sia e. " Tih leh din ka rual a. " Engemaw i ui viau a. I first kiss pawh min pek tawh kha. " A tih rual chuan ka melh nghek. " I ruih vang a nih kha. Ka pe awkawngka lo che. I ruih a piang lah hian i bialnu neih loh hi ka tuar zuah leh nghal. " Ka ti hlak hlak a. Ka bag a present box chu la chhuak in ka vawm phei a, a lo man chat zui.



A ruih sual deuh ka ti mai, tiang hunah hian min rawn hmuh hian min kiss thut a ching a, ka ngei leu luau thei tak tak a ni. Mahse a ruih sual chiah in ni maiin ka hria, a mah lah hian a hre zawm duh lo nge tihpalh a tia a zo der zel.




" Woww.... " Tiin keychain ka siam ngei chu a khai kang va va a. Min rawn en chuan ka lo nui ve sak. " Ti bo suh ang che, kha tiang kha khawvelah pakhat chiah a awm a nia. " Ka tih chuan a keychain ken chu a melh vung vung a.



" Eng emaw lei sak che ka tum a mahse ka rilru ka thlak leh a. " Tiin a lam chu ka pan a. Keychain a hmawr a guiter lem tereuhte thing hmang a ker mawi, guiter leh sir a Z tih tereuhte a in ker chu ka en ve a.




" I ta tur liau liau in ka siam tir a, chuan a hrui hi chu ka siam liau liau a nih hi. Guiter hi chu midang ka siam tir a. I duh em? " Tiin ka melh chu nui sukin lu a bu nghut. Dik tak chuan a thil neih ka hre chiang a. Kei ni aiin an hausala daih a. Thawmhnaw emaw thil dang pawh ka lei sak theih phak aia tha vek a nei a, pek tur ka hre lo. Kum dangah chuan thil ho te te ka pe ve thin ngei a, kum in chu special ve deuh tak pek ka suh vang a ti ka nia.



A chhan pawh kan in hriat tanna leh in kawm chhoh dan kha school a ka zai dawn a guiter min perh sak ni kha a ni ve miau a. Chumi den chhen a ti ka ni bawk.



" Zaninah Hriatpuian eng emaw hrilh che a nei em? " A keychain melh vung vung chuan a ti sup a. Phawk zet a ka en chuan min rawn en ve ta chiah a. A lo hre leh vek a ni chiang mai. Ni tak... Puipuian a hrilh a nian, zep an nei lo dun e mai. Kan in biak tirh pawn ka reply that duh lo thu a lo hriat ve vek kha.



" Nei ve nel nual... Haw phei tawh rawh ka mut a chhuak. " Tiin ka tho nghal daih a. Zorema pawh nise ka zak ve deuh tho. A unaupa a ni bawk nen!



" I duh ve em? " A tih leh chuan ka ding dat a. A lam hawi a ka in her chu min lo en chiang ngang bawk.




" Kei pawh thil ka hre thar ve tho. Esi khan a duh thu che min hrilh a. I duh ve em? " Ka ti let a. Chhan harsa a tih ve tho ka rin nen " Duh lo. " A ti hmuk nia. " Chuan Hriatpuia chu I duh ve em? " A tih zawm leh zat.



" Ka hre lo. " Ka ti hap chu a thaw hawk mai. " Ngaihzawng neih hi ka la ngam chiah lo a niang. I unaupa leh thian tha tak a ni tih chu ka hre tho a. Nang pawn min duh pui tih la hria a mahse ka la in peih chiah lo a niang. " Tiin inthiam lo zet chuan ka en a. Puipuia kha chhanna ka pe thei tlat lo a, kei ngei pawn mak ka in ti.



" I duh ve kher a ngai lo. " A tih chuan ka en vat a. " Ihh... A la hma pawh a ni mai thei. Mahse channa ka pek loh vang in ka in thiam lo a. Dik tak chuan thian anga in kawm khan nuam ka ti. Tunah chuan thian chauh ni lo in min en tih ka hria a, ka be hreh vek tawh ang ka ring. " Ka ti leh niah niah a. Zoremsanga bul a nih vang in ka ngaihdan dik tak ka sawi ngam chauh a ni.



Bakah kan in biakna rei ve tawh mahse ni rei lo te chiah kan la in hmu a, in kawp nghal kha ka ngam lo ni in ka hre bawk a. Puipuia erawh lawm lo angin a lang lo a mahse nuam lo la ti daih zawk.



Rei pawh awm tawh lo chuan a haw phei a, tukverh atang a chhuak chu ka thlir reng a. Ka mut ve meuh chuan dar 2 a ri fel der tawh. Mahse ka thawl hawk thung a.


*

*

Class kan kal leh tan a, Terini pawh a rawn chhuk leh tawh bawk a. First semester kan result pawh chhuak in kan thian ho kan pass vek a. Subj bat kan hlau hlawm bawk nen kan lawm hlawm viau mai.



Lawma pawh college ah kan in hmu ve fo a, mahse class khat a awm lo na na na chu kan in hmu zing teh viau lo. Mahse chu chu a tha zawk Zoremsanga nen hian an in hmuh tawh chuan ui leh kel thlun pawlh ang vel an nia. Zorema tih thinrim nan a ti nge min be ve ziah a, chu chu Zorema lah hian a ngai thei tlat lo bawk nen kei thleng in kan lo buai ve vek.



Didiki lah Zorina leh hmeichhe pakhat Tebawihi an in zui ngun tan deuh a, a mood a fuh hlei thei lo a. Zorema ka zawh sak a, Zorema lah chuan Zorina ka duh ang in min ngai ti tih zui a. Ka in sawi fiah hrep phah a. An in ngaizawng lo chu a ti a mahse college ah an in phur kan hmuh tak fo vangin ngaih bel an awl viau a, Zorina lah college mister nihna a chelh bakah lehkha a thiam thei bawk nen hre lo pawh an awm mang lo. Chu tih rual in kan Zorema erawh tih ngaihna awm lo khawp in buaina a awm chuan staff room ah hmuh tur a awm ve reng bawk a. Buaina chu a chhuak zing hran lo, a chhuah chhun a a tel ve zel hian bei a ti dawng lek lek.




A ma buaina ni lem lo a thiante buaina zawkah pawh a man mawhphurhna a lak chuan professor ten an ngaithiam leh mai thin a. A thiante tawrh tur reng pawh hi a thiante hmaah a ding leh nulh zel a. U Baby-i kan college ah a thawk ve bawk nen u Babyi pawn a zil fo a. A tih sual vek a ni lo tih ka hre ve thin bawk nen kei phei chuan ka hau peih tawh lo zawk. A thiante tawrh ai a tuar fo hi a mawl vang nge a rilru that vang pawh ka hre tawh lo.


*

Ni a liam ve zel a , MZU sport kan neih zawh hmeuh chuan kar lo a second semester exam pawh kan tan leh nghal mai a. Puipuia nen pawh kan la in be reng a mahse a hma ang in ka nel bawrh bawrh thei tawh tlat lo a, kei pawh hian hreawm ka ti. Min nghah theih thu sawi mahse engtikah nge ka chhan thei ang ka la hre tlat lo a. Chu chuan hreawm min tih zual tir bawk a.



Second sem kan exam zawh in ka pa in kan chhung a chawlh lai a ka U tlawh a zin a rawt a, ka nu nen pawh kan phur viau a. U Mama lah a hna vangin a chawl thei meuh si lo a, kei mahni zawk in kan pan mai loh chuan in hmuh tih kan nei dawn in ka pan a hre ngang lo a niang.



Thla khat vel semester tan hma in kan chawl dawn a chu mi chu rem changah kan la a ni ber. Terini erawh a kal ve peih lo vangin kan hruai lo a. In ka lo nghak zawk ang a ti tlat sia kan ti lui ta bik lo. In a a mah chauh a aam tir erawh ka nu ten an ngaihtuah viau nan a man a duh tlat sia. Rilru nuam lo zet in kan zin san a.




Mumbai a ka u inluah ah kan thleng ve mai a. Kan in be fo nan hmaichhan ngei a in hmuh chu a dan a dang viau thung a. Thla khat cham tur ang a kal kan ni bawk a ka u pawn an company ah kar khat chawlh a la ve a. Chhungkua in chawlh kan hmang chu a nuam ang reng viau.



Khum a mu chung a phone ka khawih mawlh mawlh lai chuan ka u a rawn lut ve a. " College i chhuah hun chu ka bulah raan awm la, hetah tang i chhun zawm a nga. " Tiin ka sirah a rawn thu a. A khaw har vang a nih tih ka hre reng a. A hma pawn min sawm a mahse ka hnial hram kha a nia.



" Kan la ngaihtuah dawn nia, kum 2 ka la ngai a, a la rei e mai. " Ka ti ve mai a. Whatapp ah status ka en kual pah a, Terini pawh a la mu lo nge just now a rawn in ti kalh a. Mahse a status ka en chu ka thin phu chu a chawl duk mai.



" Ti nge? " Ka u in a raan tih chuan ka harh zawk a. A tawng ka lo ngaithla miah lo tih ka hre chiah. Khawlai ti i la, khaw pawn daih a ang. Video sec 20 vel lek a nia mahse ka hmuh duh chu a lang chiang viau thung a. Zorema pawh a lang ve zawk nghe nghe a. Status dang a nei leh nghal a ka en chuan bike tlan lai hnung lam atang a lak niin mahse a bike no chu a lang chiang hle thung a. Zoremsanga bike a ni tih ka chiang, chu ai mah chuan a cp ah chuan love ❤ hi a dah bawk a nih chu!



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)