ANATA NASHIDE by Brenda Chhakchhuak

Episode kal lai dah luhna

Moderator: writers

Brenda Chhakchhuak
Posts: 77
Joined: January 26th, 2022, 3:07 pm

ANATA NASHIDE by Brenda Chhakchhuak

Unread post by Brenda Chhakchhuak » January 27th, 2022, 7:46 pm

ANATA NASHIDE by Brenda Chhakchhuak


Chapter-1


Lalrohlua Pov.

Tlai kan chaw ei kham hnu chuan ka nu in min rinhlelh loh nan tiin sofa-ah chuan ka ṭhu veng veng a, "Bawiha i room ah chho la lehkha han zir tawh rawh", ka nu'n a tih takah chuan ka room lam panin ka chho nghal a.




Study table-a ka phone dah chu la kang in ka ṭhiante ka text nghal zat a. Ni e zanin hian a hma atanga ka hmelma kumhlun ni ta Remlalfaka Remtawta tia kan koh mai ṭhin nen bike racing kan nei dawn ani.





Kei hi Lalrohlua ka ni a,kum 18-na ka hmang mek bawk ,class 12 zirlai niin science subject ka la a, ka tuina ani bawk nen ka thiam ve hle.





Kan principal hi ka pa ṭhian ṭha tak anih mai piah lamah infiam mi ka lo ni ve bawk nen kan School ah na na na chuan lar ve vet vet tak ka ni.




Min ngaizawng tute pawh awm ve nawk thin mahse ka nunah hian hmeichhia lakluh ka tum tawhlo bur.






Ka room aṭang chuan thawm dim thei ang berin ka chhuak ṭhem ṭhem a,ka bike chu thawm dim taka la chhuak in a ri hriat theihloh na tur khawp a hla ka thlen hnu chuan ti nungin ka ṭhiante min lo nghahna lam chu chak zetin ka pan nghal bawk.





Ka thlen chuan kan mitlawa chuan rum zet hian min lo melh a,ani ve mai mai saw ka hlauh a ring em maw ni?





Racing chu kan ṭan dawn a kan partners turte pawh an chhelo leh hle tawh. Ka mit hi ler viau e ti loin ka hmeichhe duh leh hmangaih tak nupui atan a ka duh ngei loh chu ngaihzawn ka tum tawhlo bur thung. Achhan chu maw...
A rinna che i tih chhiat sak tawh hian in maw,
Midang rin leh ngamna tur reng a nei tawh lova,
Khuarei in a pai dam ve mahna tiin,
Beiseina nen infuih ṭang ṭang in,
Hmalam pan in ka nun ka khalh kal ve hram hram thin asin...





Intlansiak kan han ṭan a, kan hmela chuan hma hruai mahse a hnu lawkah va lehpel in ka hneh leh tho kha. Min melh no lo teh asin aww





Inchawi kan zawh fel hnuah in lam panin kan inkhalh chhuak lehnghal a, ka ṭhiante pawh an rui ṭha ham ham leh tawh hle, in ka thlen meuh chuan dar 2:30am alo ri der tawh. Engpawh chu nise zing thawh lam chu ka nu kutah in nghat leh phawt mai ang.



~~~~skip~~~~



Zingah chuan 'Roleng' tia au paha ka room ka nu ngei maiin a rawn kik dawt dawt vang chuan ka harh chiang teh asin. Ka nu leh ka chhungte ho hian ka hming pangngai hian min ko duh ngailo reng reng achang chuan ka thinrim ve ṭhin, awmzia erawh a neilo viau zel thung.





Ka tho a ka in siam zawh hnu chuan chaw te eiin ka bag vel ka siam sawk sawk a, School lam panin ka in khalh chhuak nghal.









School ka thlen chuan ka ṭhiante ve ber pahnih Lalchhanchhuaha leh Vanlalzuia(Chhanparlawma leh Zuibuaia tia ka koh duat) chu kan seat ah chuan an lo ṭhu leh vâng tawh an bei hma thei nia.




Ka ṭhiante pahnih in "Roleng mithar kan neih dawn kha i hre ve em?", tia min zawh chuan lu ka lo thing mai a.





Teacher lo luh hun nghak a kan ṭhut ṭhap lai chuan kawngka aṭang hian kan class teacher leh hmeichhe pakhat sam sei tak, ama tawk a sang ve tak,confi hmel zet hi alo lut tel a.




Kan teacher-in thu tura min hrilh hnu chuan khanu khan introduction te pe in 'Malsawmtluangi ka ni a, Ms minti mai dawn nia'tiin ṭhut na awl awmna lamah chuan pheiin a thu ta a.




Teacher ten class ala zung zung a ban alo hun leh reng tawh mai kan mithari pawh bike in a inkhalh haw tak kha. Hmeichhe nu zin zen ang hi a nih ka ring ta vaklo mai, ka zep lo hmelchhia tia sawi tur chu a ni lo kei ngei pawh hian hmelṭha ka ti.




Chutia ka lo in ngaihtuah veng veng lai chuan Chhanparlawma'n "Bro zanin chu a hun ngaiah a hmun ngaiah", a rawn tih sup chuan bu nghutin ka bike dahna lam chu ka pan in, ka in khalh haw ve nghal a.





In ka thlen chuan ka chhungte hna thawk an lo la haw lo ani ngei ang alo reh ṭhuap a, ka room ah chho in ka inbual zawh hnu chuan assignment awm ang ang chu ka ti nghal a.




Sual in ka chhungte thu awihlo viau ṭhin mah ila ka zirna hi chu ka hlamchhiah ngai meuhlo. Ka zir tur ang te ka zir zawh hnu chuan chaw te ei in kan spot lamah ka inkhalh chhuak lehnghal a.






Spot ka thlen chuan an lo ri leh nuai nuai tawh, zanin chu racer thar an awm nih hmel chuta karah hmeichhia lehnghal a thil tum hi a chian ngei beisei phawt ang.




Racing kan ṭan a rin ai takin tel tharnu pawh khan a thei zek mai rin loh deuhin pakhatna ala ni zui.





Lawmpuina hlan tuma a bul ka va kal hnaih lai chuan ka kut phar chhuak in 'Iti tha hle mai',tiin ka chibai a. Chuta a helmet a han phelh chiah chu...ka rei!!




Ka rinloh lutuk leh beisei loh lutuk in khanu kan class a mithar ngei mai kha alo ni. A hmel en aiin a thiam zek lehnghal a ti ṭhang tih hriat reng reng.



Malsawmtluangi Pov.


Ka ning tak tak ani! Kha mihring ṭawngtheih lutuk vang khan ka School luhna sawn ka ngaih phah a, ka thinrim zia hi ka thinrimna hian khua pawh a tidur hialin ka hria. Ka ṭhiante ho zawng zawng kalsan in tuna ka luhna ah hian ka luh a ngaih phah ania...




Kei hi Malsawmtluangi ka ni a, ka nu hi business woman niin ram hrang hrangah a zin kual deuh reng zel a,ka pa erawh doctor niin private hospital a enkawl thung.




Chhungkaw khawsa ve thei tak kan ni a, ka ni leh pa te zarah rual ka awt ngailo. Fanu mal tih takah min hau zen zen ngailo a ka fel chu ka inti lo mahse thil diklo leh mahni diklohna pawh ni lo a inpuh hi ka thil huat zawng tak ani.





Naktuk hian ka School luhna tharah ka kal ve tawh dawn a, phur lo tak ka ni achhan pawh ka ṭhiante an awm ve dawn miau lo alawm.





Khumah mu paha phone khawih in kan ṭhianhi group ah chuan ka âng nghal bawrh bawrh a min lo thlawp hlawm khawp mai an fel thei nia.





Chutia kan inbiak neuh neuh chhung chuan hun pawh alo kal duai mai dar 12 alo ri thuak tawh, phone chu dahin eng pawh chu nise naktuk hi nghak thleng phawt teh ang tiin ka muhil zui ve nghal a.


Next Morning......


Zing ka tho ka intih fai hnu chuan chaw ei turin ka chhuk a, chaw te kan ei fel hnu chuan ka room lamah chho in ka insiam zui nghal mai bawk.




Ka pa in a hna kal pahin min thlah a tum a mahse bike ka ken duh tlat vangin a remti ve mai a school thleng erawh min zui leh hram kha . Ka thleng tlai ang reng, kan Ṭekhmuama ka nghah vang vek.




Kan class room lam pana ka kal lai chuan teacher pakhat hian min lo hui in kan class room lamah min hruai a introduction te ka pek zawh chuan ṭhutna awl lo awm lam chu ka pan nghal zat bawk.




Chuta ka phei chuan maw....ka hmuh tawh a zawng a mit meng mawi leh hmeltha em em mai hian chiang fahran in min lo en nih chu!! Ka lai bawk si nuam ti bawk si ka awmdan kha keipawn mak ka ti. Lai ru takin ṭhutna ah chuan ka ṭhu thla ve vat bawk.





Ka bula ṭhu chuan min be siam siam a, a fel hmelin ka kawm duh chi tak niin ka hria, Lalbiakzuali ani. Kan ti ti chhunzawm nghal char char a an school chanchin te min hrilh ve luam bawk. Teacher te pawh an felin an thiam hmel hlawm hle mahse kan Miss Remremi (kei chuan Remleri ka ti zel dawn) chu ka mil lo nghal em em ringawt, zialo thei nia..





Class kan bang in ka thleng chiah chu khumah ka bawk hnawk thei ka chau em ani, class lah kha a boring si zan ka meng rei thei bawk nen ka mut chhuah zia kha.





Chutia ka mut laia thil ngaihtuah avang chuan tho hluai in ka phone chu ka la a,vawiin khan ka ṭhiannu khan racing a awm tur thu an sawi anih kha, racing hi nuam ka tiin inel na pawh nise hmaih nei loin ka tel ve zak zak zel.





Racing an neihna tur hmun vel ka zawh hnu chuan dinner ei turin ka chhuk a an lo siam mek. Inchhung chet hi ka ti zen zen ngailo awmpui ka nei tho bawk nen bakah fanu mal kha ka ni ve miau a, unau pahnih kanni a ka u hi zirna avangin America ah a awm daih bawk. Chaw te kan ei zawh chuan chho in ka insiam nghal a..


~~~~skip~~~~



Racing an neihna turah chuan ka awm vâng tawh mai. Mi ho lah chuan min la en duh em em zui a, eng hi nge maw an en bik ṭhin ni. Racing kan han ṭan a ka tum ang ngeiin pakhatna ka ni leh bawk.



Ka lam pana lo phei mipa sang tha zet chu ka lo en reng a, a kut lo phar paha a helmet an la thla chu maw! Kha mipa Angel thla neilo ni a ka ngaih kan class ami ka di boihtea ngei kha alo ni.




Kei mipa ngaihsak lo leh ngatan mah a ngai ngailo pawh hi ka tuiral lo chauh. A kut phar chhuak in min chibai paha lawmpuina min hlan lai khan ka ṭek chuai ni maiin ka hria....








To be continue...........



Note:
(Story ka vawikhat ziahna ania khawngaih a min lo chhiar sak zel tur leh ads te min lo click sak zel turin ka ngen a che u. Chuan he story hi ngaihnawm inlo ti ve anih chuan min lo comment sak ṭeuh dawn nia)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)