DEAR AMIR HASSIN CHAPTER - 1 (ZAWMNA)BY MAWITEI BAWITLUNG

Episode kal lai dah luhna

Moderator: writers

mawitei bawihtlung
Posts: 754
Joined: November 18th, 2020, 12:53 pm

DEAR AMIR HASSIN CHAPTER - 1 (ZAWMNA)BY MAWITEI BAWITLUNG

Unread post by mawitei bawihtlung » January 27th, 2022, 9:52 pm

DEAR AMIR HASSIN




A hnuaiah ka zawm e


CHAPTER 1





Prologue

Kan thawhna hospital a damlo an rawn zawn luhchu ka lo buaipui vat a ,a hmai erawh a hliam lutuk lo a ,a mithmul buktha tak leh a hmeltha langsar lutuk Chu a lang chiang hle bawk ,ka kun hniama a lungphu zawna ka kut dah ka tum chu ka kut a rawn man thut a vang chuan ka phu zawk a ,a rawn mengchhuak ruai ruaia ,“ Enge tih i tum " a English awphawi nalh zet chuh! “ Enkawl che ka tum mai a ni " ka tihchuan a awm tha leh a “ Rayiys" an rawn tihchuan ka en vat a ,Arabic maw?ka enkawl pa pawh chuan an tawng ngei chuana chhang let a ,chung ho lah chuan a thu an awih hmel hle lehnghal “ Min buaipui dawn emaw ka tia" rawn tihmuk tu a vang chuan harh zawkin a hliam chu ka hru fai a ,ka thui nghal mawlh mawlh .

Nurse min puitu ho pawh chuan an hlauh hmel hle ,kan hotu ber a rawn thlen takah chuan ka thaw huai mai ,a mah chuan a be zung zung a ,a biakpa erawhin keimah hlir min en ngar a ,ka zam lek lek mai ,Italy a hnathawk ka ni a ,mahse an tawng erawh thiam tur chuan hun a duh hle ang,tuna an tawng hman erawh ig velah ka lo hmu fo tawh a ,thiamlo mahila ka hre thei “ Henu hi khawi a mi nge " tiin keimah Chu min kawk vah a ,ka en nghal vat kan hotupa chuan hnamdang ka nih Thu vel Chu a hrilh a ,enge tih a tum ang le ,a room a tanga kan chhuah hnu chuan “ Dubai lalfapa upa ber a nihkha ,zahlo takin i bia em ni?" A tihchuan ka mengkawk a ,an chanchin chu ka hre lutuk tlat ,an hausak zia nen lam .

“ Be lo tinge " ka tihchuan “ I chanchin min zawt a " a rawn ti a,ka hlauthawng nghal ringawt ,engtin nge ka hriatloh theih,Heng lai ram a mi ka nive lo a ,tang dawn ila a hrehawm tur zia ka hria .

--------

“ Eng maw? Amir an tual a that thin maw ?" Ka thiannu thusawi chuan min thawng takzet ,engtin nge anih theih “ Em i kal hnu a tang khan ka u hian ngaia awh leh tawh ngailo,a a vek nimaiin ka hria " ka thiannu thusawi chuan min Tina a ni,ka Amir te kha Chu a fel thin em kha.

MIPA PIC KA DUHZAWNG KA HMU SILO A ,MIN LO HRETHIAM MAI RU AW 🤭TUN TUM CHU HNAMDANG VAL TAWNAH I HAN TITEH ANG



TAN ANG LE







Emily lo kal vat rawh " an rawn tihleh a vang chuan ka doctor pui ho chu ka pan a “ Mr.Hassin an a hmu duh che " an tih phei chuan ka lung a phu dup dup tawh ,engtin nge min tih ang tih ringawt Chu ka rilru ah a awm bawk ,a mitmeng dum tak ngaka min melh phei kha chuan ka zam chhe der leh nghal a ,muangchangin a awmna room lam chu ka pan a ,lalfapa a nimiau a vengtu pawh a ngahin ngaihven tu pawh a ngah a ,reporter ho lah chu ka thawhna damdawiin kawtah an awm thup bawk .










Guard palian pui pui pali lai lo ding lam pan chuan ka kal zel a ,ka khur der der bawk ,Mr Hassin hian eng emaw a min ti a nih vaih chuan kan ram chu ka hmu leh tawh ngailo ang ,Guard hnu hnung ber te chuan min lo dang a “ Enge i tih dawn " an rawn tihchuan ka thaw hak ,ka thawmhnaw hak a tang hian an hre ve lo emaw ni?mawl lutuk mai “ Mr Hassin an min hmu duh a ,khawngaihin a mah chu zu hrilh ta che u ,in awih loh leh " tiin ka ding a ,an ngawih vang vang hnu ah min hawn hram .








Muangchangin ka lut ,ka kut chu hmalamah ka suih tat bawk “ Mr Hassin min hmu duh em ni " tisapin ka en phei a ,a rawn hawi chhuak chiah nen chuan kan mit Chu a intawng Chiang hle ,ka sawi fiah thiamlo mahse a mitmeng Chu a mawiin a biang hmul deuh te chuan a tipa zual ,a hmui pawh chuti tho ,a mitmu rawng chu keini anglo takin a dum tak ngak a ,a huhang Chu a na riau in ka hria ,tawng mailo in min melh reng a ,a sam buk lam mah mah te nen chuan a man hi a nitawp,ka ngaihtuahna a vang chuan ka lu ka thing nghal nawk nawk .











A sual hmel ropui si,tiin keimah leh keimah chu ka inhau mawlh mawlh bawk “ Ka kut hi a na a ,rawn en rawh " a rawn tisup,a aw chu a tham deuh na in a pa ru riau lehnghal,mai mai chuan ka ngaihtuahna ka vawikhat mipa hmuhna ah lehnghal ka seng vak chu ka thinrim tun thei, a kut chu ka khawih a,a kut lum vung vung a tang chuan pangtilum a ngah dan tur ka hre nghal thei,a tuamna chu ka phelh sak a ,engtin mah a awm bawk silo “ Mr Hassin a na tak tak maw " ringhlel fe chuan ka en a .








Ner nawk in “ Na lo se ka sawi dawn a mi,pawnlam lan dan chiah enlo in chhunglam pawh en tel thin tur " a rawn tihmuk a ,a va han tawng thei tak “ Helai vel hi hmet rawh ,doctor ini lawm ni ,nge alem " nelawm loh zetin a rawn ti a ,ka phu zawk lehnghal ,a thinrim tak tak chuan ka dinhmun a chhe viau ang ,a ni ram khat Lalfapa leh kei doctor pangngai ve mai chu kan dinhmun a inthlau lutuk tlat ,a sek bawr vel Chu ka hmeh sak ,a kuta tha hrui lang te chuan tha a ngah tur zia an tilang nimaiin ka hria a ,ka kun ngar bawk , amitah ka melh ngam tawh lo hrim hrim ..








Kan hotupa a rawn lut ve a ,midang nen “ Vawiin a tang chuan min buaipui ka ngai tawhlo ang,henu tihloh chuan a thil tihsual manah he damdawiina ka awm chhung zawng min enkawl ang " a tihchuan makti lutukin ka ena ,doctor Michael te ho pawh keimah ang vekin an mengphawk ,Amir lah chuan thil dang engmah sawi tawh lo in a mu tha a ,a phone chu la in tawng maksak zet chuan a tawng leh mawlh mawlh a
,“ Emily anihchuan kan chhuak a nge ,a pawi tur leh a thinrim zawngin awm loh tum ang che ,a chhanchu kan hospital thleng hian a tichhe vek thei a nia " kan hospital neitu ngei chuan a ti a .











Ni e a tithei ngei ang,mahse engtin nge keimah chiaha ka enkawl theih ang,a nelawm loh ropui si ,a bulah chuan ka thu ngawi ngara,hospital a tang hian chhuak thei zung zung se ka chak,a tawng loh a vang chuan ka hahsam sawng sawng thei,room danga kal emaw chhuahsan emaw ka tan a remlo a ,a chhungte emaw pawh ka ni silo ,hetia min ti hi Chu ka lawm chiam lo ,Dubai lalfapa te chanchin Chu ka lo hre ve fo tawh a ,mahse hetiang tak hian an tawh khirh ang tih ka ring lo hrim hrim.











Mahse hepa chiah pawh hi a nithei bawk,ka lu chu thing nak nakin ka phone chu ka phawrha. ,ka chhungte chu ka be pah,“ I phone kha dahla ,ka eitur rawn la rawh " rawn titu a vang chuan ka thaw hak a “ Mr Hassin doctor thiam tak ka nilo a ,keiai a doctor thiam zawk in enkawl tirla a fuh zawk lo maw,keichu I hriat ang in henglai ram mi ka nilo a ,keimah ka inenkawl angaih a vang hian ka haw a hun tawh a ni" ka tihchuan tawng tumlo tih hriat zet hian a ka a chip hmak .








A hmel chu a nelawm loh zual sauhin ka hria “ Ka thupek chu I zawm mai tur a ni,doctor inih chuan damlo enkawl Chu I hna a ni bawk " a rawn tihmuk a ,a hmui chu a pet kawh a ,a hmelchang tak chuan min melh reng bawk “ Mahse doctor tam tak an awm a ,engvanga min thlang kher nge inih " ka tihleh chuan dawhkan chu a chum ribur a ,ka rak that pawnlam a tang chuan a guard te chu an rawn lut a “ Rayiys eng thleng a " tiin keichu min melh a ,thil tisual tu ang maiin min in ngaihtir a ni “ Engmah a nilo chhuak tawh rawh u ,ka tha" tihmukin keichu min la melh reng tho .









“ Ka thu I awihlo a nihchuan i tan a pawi khawp ang,pawnlamah reporter an awm tih hre bawk la ,I chungchang chu chhuah an chak khawp bawk ang "a rawn ti bul hmuk a,a aw chang zet a tang chuan a thinrimzia a lang reng bawk ,he damdawiinah hian kumhnih Chu ka thawk ve tawh a ,he mihring anga hlauhawm erawh ka la tawng lo,tawng leh tawh lo in min tih ang ang chuan ka che kual ,a phone chu a rireng bawk,lalfapa a nibawk a a khat tawk a a chhungte rawn kan tu a nei a ,chung ho chuan ka awm ve reng chu min en leh reng thin.








Dar 11 ah ka haw ve thei chauh a ,ka chau takzet ,khumah chuan inthlak peih tawhlo in ka mu thlawp a , chawlh ka dil rih mai a ngai ang ,a chhan chu khapa khan min koh phar reng ka hlau ,a bula awm kha ka tih riau tawh leh nghal ,ka muhil zui bawrh bawrh ,a tuklamah pawh dar 9 velah ka tho chauh a ,hotupa call in nithum vel chawlh ka dil a ,a lo rem tihlauh bawk ,nilengin inah ka mu a ,ka chauh zualpui chu a reh huaiin ka hre bawk ,a tuklamah chuan inchhung ka tihfai laiin phone a rawn ri a .









Hotupa tih ka hriat rualin ka la nghal vat “ Emily i rawn kal vat angai a ni,Mr Hassin hi a thinrim hle bawk ,i rawn kal mai a ngai a ni" hlauhthawn hmel zetin a rawn ti a ,ka tho chhuak nghal sawk sawk ,engvang nge Mr Hassin hian a bula awm tura min duh em em ni ang,kei chuan ka hre ngai lo a ,a nipawhin min hriat ka ring chuang heklo,mahse tinge hetianga a awm tlat mai le ,ka insiam a ,damdawiin lam pan chuan hmanhmawhzetin taxi pharin ka tlantir a ,ka hlauthawng lutuk leh kan hospital in a tuar ang tih ka hlauh em a vang chuan ka inngaihtuah nasa hle bawk.












Hospital kawt ka thlen rualin chuan man pe in hmanhmawh zet chuan ka tlan lut a ,Mr Hassin awmna room ka hawng chu ka thawhpui dang te chuan hlauh hmel zetin an lo en ran hlawm a ,keipawh chu hamhaih zetin ka lut a “ Nangnu kha ka hnena tanga kalbo I tum vel a maw " a rawn tih hrawk chuan ka en a “ Mr Hassin ka tumlo,ka chauh deuh a vangin chawlh ka dil mai ani" tisap in ka en a ,ka bula rawn kalin ka hmazawnah a rawn ding thim run .










“ Ka private doctor ini anga ka chenna inah min zui haw bawk ang " a rawn tihchuan keichauh nilo in midang awm ve ho pawh chu a thawng ve tih hriat takin an rawn hawi thap a ,a then an lo phun mur mur bawk “ Engmaw i sawi ,ka theilo ang " tibah nawk in ka en let ran ,mahse a mitmeng bawk Chu ka en rei leh thei ta lo ,ka kun leh vat a “ I hlawh a letin a pung ang,ka sawi i awihloh chuan khawi damdawiinah mah i thawh theihloh nan leh ,lo chhawr lui tu che an awm a nihchuan chumi chu ka tichhe vek ang " a rawn tihrawk a ,mak tizetin ka en .










“ Engvangin nge chung thil chu i tih ang,I tan tangkaina ka nei dawn lo " tiin ka en leh a ,engvanga hetianga min tinge a nih ang le ,“ Ka thu chu zawm mai rawh ,min rawn zui nghal bawk ang che ,ka sawi Chu hre reng rawh " tiin a thawmhnaw chu a ha a ,a kal chhuak chu ka en zui reng, a guard pakhat zawk chuan “ Min lo zui rawh le " tiin hma a hruai a,kei erawh ka din ngai rengin ka la ding “ Emily kal mai rawh a thin a rim chuan jail ah I tang thei tih I hriat kha " hotupa in a rawn tih leh takah chuan phur lo zetin ka zui









Engtin nge a bulah ka Chen ang,midangin lo ngai kawi ta se ? Engvangin nge Amir Hassin hian a bula awm tur a min duh ang,ka hlauthawng a ni,a sual viau angem tihte chu ka ngaihtuah pah bawk a ,mahse rilru erawh a mang duk lawk si,pawnah chuan car manto tih hriat reng reng a dum hi a lo awm a ,a bulah chuan reporter leh security guard an awm teuh bawk,muangchang chuan ka pan phei a ,ka la awih thei meuhlo,a bula ka thutthlak rualin min lo melh run a ,car chu tlanchhuak turin thu a pe nghal bawk .







“ Dubai ah vawiinah hian min zui haw nghal ang " a tihchuan men pangngai pawh nilo in ka mit hi a chhuak mai thei ani “ Maw? Mr Amir iti mah mah a ni ,engvangin nge hetianga ka chunga i tih ,i duh ang doctor ka ni heklo ang " ka tihchuan ka thusawi ngai pawimawh duhlo in a phone a khawih mawlh mawlh a “ Hamza ka nu leh pa kha bia la ,vawiina kan haw tur thu hrilh nghal ang che " a tisup a ,kei erawhin Dubai lalchhungkaw chanchin chu a rukin ka chhiara .







Lawk in! Hepa hi a upa ber a ni reng reng lo ,a naupang ber zawk a nih hi ,hmela mai mai chuh crown Prince lal thutthleng la luah tu tur (HE STORY AH HI CHUAN AMIR HI FAZZA NIHNA ANG KHA KA PE DAWN AW 🤭🤭🤭),lalpa enge ka chungah thleng ta hi ?ka mumang nihram teh se ,a chanchin ka chhiar a ,ramsa enkawl nuam a ti a ,a mizia nen a inmil hlawllo ,infiamlam a tui bawk “Lehta nghal chuan a” ,a thil phal hle “A awihawh tawh thlawt lo ",ka ner ka ner .









Amah chu ka en leh thin,a chanchin leh an hausak Dan chu pui tak a ni,Ferrari rangkachaka cheimawi vek an sawi te chuan ka lu a hai muai muai hian ka hria “ Enge min en min en a ,ka hmeltha viau a mi " a rawn tihchuan ka phu zawk a ,a va han inchhuang ber “ I tha ka tithlawt lo aw ,nangmah vang vek ka ram hnaihlamah bawk ka thlawk haw leh dawn a nih hi " tiin ka en a ,a rawn nui huk a “ I lawm zawk lo em ni,ka chanchin en en lo khan Dubai kan thlen hunah i hre mai ang " tiin hmalam chu a en leh a .










A nui hmel kha a bo leh vek tawh,ka hmai chu ka tuaipuat a “ Ka haw nghal ang ,kan rama hnathawh ka duh tawh zawk tho tho ,a hrim hrimin engtin nge ka thawmhnaw in tih dawn ka thawmhnaw tello in khawiah mah ka kal theilo " tiin ka kut ka kuangkuah a ,ka thinrim tha leh tawh “ An la mai ang,in ramah i haw bawk lo ang,haw luih i tum a nihchuan mahni thutiama dinglo tiin court ah ka khing ang che " a tihchuan ka hmui ka pet a “ Iti hauh lo ang,thiamlohna ka neilo ,ka duhlo chung min tilui zawk hi hremna an pe ngei zawk ang che .









Hey i Lalfapa nihna i chhuang em ni a ,mawh in hausak a vang hian i duh duh in min ti a nga maw ,car hi tiding rawh u ka chhuak dawn " tiin ka au tuar a ,silai a min tinin “ Hrep hian!buaina siam tum hauh suh ,ka thu chu zawm mai rawh " a rawn tihrawk a ,a inseh ruh tawlh tawlh bawk,a hmel nen athinrim chu hlauhawm tak a ni,mittui tling piauin ka en a ,ka kun nghal daih,en pawh en duh tawh lo chuan ka mit ka chhing a ,ka muhil tlang nghal daih bawk .










Ka taksa Kang chu hre mah ila ka meng peihlo,tha lah ka nei heklo diktak chuan ka Chau a ni ,ka harh leh chuan room pakhatah hian ka lo mu a ,ka tho chhuak nghal vat ,lawkin ka awmna hi jet tih Chiang takin ka hre thei ,thawm a rawn awm a ,ka hmaah tak chuan Amir chu a rawn ding run a ,ka hawisawn leh hmak ,hlau viau mah ila ka huatna hian min tiluhlul ve tlat ,“ I ril a tam em?" A rawn tih pawh chuan chhang duhlo in ka ngawi ngar a .









Ka darah chelhin min thing nghal nawk chu ka rak that ,dawhtheihna a nei ve thlawt lo a nih hi,a chanchin ziaktu khan ziak tha leh rawh se “ Ka ril a tam lo ,chuan ka hlatah awm rawh " tihmakin ka hawisawn leh a “ Dubai kan thleng tep a ,ka chhungte hmaah I lam ka rawn hawi a piangin i lo yes tawp tawp tur ani " a tihchuan ka ner sawk “ I duh duh a min tih tur ka nilo I hria em ,ka ram in min chhan dawn tih hria la ,he ramah hian I duh duh a itih tur ka nilo " tiin a awmah chuan ka chum dawt dawt a .









Ka kutah manin hrui chuan a phuar a ,ka ka Chu a char tel bawk,ka tal chiam chiam pawhin awmzia a awm bawk silo,ka chhungte ka ngaihtuah a ,he mihringpa hian engtin nge min tihzel ang,ka let leh thei angem ? Tih ngaihtuah Chuan ka tap a ,a nilahin min ngaihsak tawh der lo in room a tang chuan a chhuak nghal hmak bawk,khumah chuan ka mu tawm reng a ,ka melh ngai ka melh reng bawk ,ka thinlungah chuan Amir hassin huatna bak a awm lo ,ka chungah engvanga hetianga awm hi nge a nih










Engvanga an ram thleng thlenga min hruai nge a nih tihchuan ka ngaihtuahna a tibuai bawk,an hnam tawng ka thiam dawn lo a ,tumah hmel hriat ka nei heklo, Italy ah erawh kha chuan Mizo tlem an awm ve tal a ,Dubai khawpuiah chuan an awm ka ring lo ,ka hma hun chu a ipik hle in ka hria ,a rawn lut leh chuan eitur a rawn keng lut a ,engmah eichakna ka neilo,ka mitte Chu a khamin ka lu ana urh bawk ,“ Ei rawh " tiin ka kut phuarna phelh chuang silo in ka hmui tuamna erawh a phelh a,ka hmaah chuan fianin a rawn dah Kang bawk .










“ Ka duhlo " zawite chuan ka tisap a ,ka nuamlo lutuk chuan ka aw a tichhuak tha theilo “ Ei vat mai rawh ,ka dawhtheih lai hian " a rawn tihrawk a ,“ Ka ei chaklo " tileh ngatin ka melh nghek a ,a dawhthei tawh lo nge a mahin a ka ah a dah a ,sa ti chu thial lawh hmawk hmawkin ka hmaiah leh khabe ah vuanin min fah a tum tih hriat takin a rawn kun a ,ka tal ve phat a ,ka inchai ngat ngat ka kut a phuar bet bawk nen a tawpah min fawp a ,ka mengkawk a thil hmuamlai chu a lei hmang chuan ka ka ah a dah a .










Ka tal nghal nawk nawk Chu a rihna a min delh betin ka Chet theihloh nan a kut chuan min chelh Tel bawk ,ka thawk a chham loh nan ka lem lo thei bawk silo ,a awmsawn rualin “ Tenawmpa " tituarin ka ke chuan ka tlawh sawk a ,a nui suk duh chauh leh nghal ka haw hluah hluah “ Hmeichhe ho chuan ka chaw fah pawh nise an duh zel a sin" a tihchuan melh nghekin “ I hmeichhe sawi zingah ka tel ve lo tihna a nihchu ,ka duhlo chung vawikhat mah min khawih lui tawh suh,jail tan I duhloh chuan .









Kalsawn rawh ka mu dawn " tiin ka mu tha a ,ka kut a tawn beh tlat a vang chuan ka tal tha thei derlo,ngawi rengin min rawn vuan a hnial leh ka tum chu “ I kut phuarna ka lo phelh ang,damdawi a awma ei ang che " tiin ka kut chu a phelh nghal mawlh mawlh a ,ngei viau mah ila ka hnial duhlo ka dawh tawp a ,damdawi leh tui min rawn chhawp chu ka ei ve mai bawk,mahse a tuilo takset doctor nimah ila ,damdawi ei hi khawvela ka thil harsat ber a ni thung.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)