LEON MALSAWMZUALA

Episode kal lai dah luhna

Moderator: writers

Remi Chhangtee
Posts: 19
Joined: January 25th, 2022, 6:47 pm

LEON MALSAWMZUALA

Unread post by Remi Chhangtee » January 27th, 2022, 10:14 pm

Leon POV

"Mama chu ilo haw tawh a?Nuam bawk maw?" Room ah tlang ta mai lo chuan couch a Kapa bulah chuan ka va ṭhu ve a.

"Nuam a nimai,in rawn haw na rei tawh em?"

"La rei lo,inkhawm banah khan I nu Siampuii damlo kan va kan nghal a"

"Nang pawh naktuk lamah va kan ang che,I chanchin min zawt nasa nia"Choka lam aṭang Kanu chu thei eitur nen a rawn phei a.

"Ka lo tum ang"Room panin step ah chuan ka chho nghal a.

"Thei hi ei leh ta che,tinge I thawh daih?"

"Ka duh tawh lo,muttui u"Room ka luh hnu chuan ṭhu khawmuang tawh lovin ka inthlak vat² a,intifai turin bathroom lam ka pan lehnghal a.


Phone a Rinhlui thlalak chu ka en a,tunah hian la dam se chuan kan inbe vel tur a nia,Rinhlui hi ka tleirawl chhuah aṭanga ka duh ṭhin a nia,nula fel leh hawihhawm em² mai,kohhran lamah pawh duai lo tak a ni.Kum 3 kan inzui tawh hnuin kum 2018 kum tawp lamah khan septicemia natna avangin a boral tawh a mahse ka thinlung hian theihnghilh ni reng a nei lo. Vawiin thleng hian pawm thiam har ka ti a,a tirh te kha chuan â tur ang hial khan ka awm a,ka inkhelh lo en a,ka goal khung apiang atan hlan a a lam ka hawi kher zelte kha tunah chuan a awm tawh lo. Min tihhlim a thiam em² a,ho te² sawiin kan hlim a,kan inkar kha tumah in min chim buai lo mahse thihna chuan tumah a thlei lohna tichiang turin ka hmangaih em² chu min laksak ta mai sia,mipa tawrh atan pawh hian nâ ka ti ṭhin.

Nichin a Kanu'n kan tura min hrilh nu Siampuii kha Rinhlui nu a nia,kan chhungte ve² hian kan inkar an hriat miau vangin kan inpawh tawn a,Rinhlui nau te phei chuan min u en tak² mai a ni.


*Lalrinhlu vanram chu eng nge a an?A nuam em?Mizoram lamah ka lo haw sin,awm ve la chuan a kim chiah tur. Khata mipa awm ve te tan khan i thusawi ho zette kha sawi ve vak suh aw,ka thik a nia. Ka tan hian rawn piang nawn leh la ni tur,ka ngai che,ka ngai lutuk che...I bialpa Malsawmzuala hian ka ngai che*

Amah hriatrengna atan tiin phone note ah hian ka be ṭhin a,min chhan te hi ka ring ṭhin mahse chu² thil atthlak mai a ni si. Hetia ka biak hi chuan min kalsan hunlai ang khan ka nâ a,biak loh mai ka tum ut² nangin ka ngaih em avang hian ka be leh ṭhin a,mipa nih vanga ṭah insum reng thu awm lo tiin a chang chuan ka mittui te tla leh ringawt ṭhin a,min va han tina tehreng em.


---------

Ka insawizawi zawh hnu chuan ka inbual a,ka inbual zo ka chhuak chiah ka phone pawh ri ral² mai.

'Aw hello'
'Siau vawiin lam tihtur I nei em?'
'Tihtur ti lemah nileng chu ni lovang,tinge?'
'Motor sil ila ka ti deuh mawle'
'Ka rawn hrilh leh ang che,hei zing chaw pawh ka la ei lo..I ei tawh bik ami?'
'Ei dawn chiah...a nih dal hawp tui'
'Baih uih hawp tui'

Kan inthlah ṭhin dan hi ṭhing viau mahse kan hlimpui em² mai sia, thil ho te² a lawmthei nih hi lawm hlu ti rawh u?


Chaw ei kham chuan Nu Siampuii te in lam panin ka inkhalh chhuak a,thil ken vel tur chu Kanu'n inah a pack thlap tawh vangin ka lei buai lo ta law². Inchhung ka lut chiah couch a mu nu Siampuii chu a ṭap ta mai.

"Mambawih hei Zuala a lo kal asin,ka fanu lo chhawn ta che" a nu thusawi chuan min va tina tehreng em,an monu chuan ṭhu turin min hrilh thuai a,nu Siampuii pawh ṭap rei lovin a bang vat bawk.


"Nu Siampui I zia deuh tawh em?"

"Aw hei Pathian zarah hma ka sawn zel e,nichin kha chu min hrethiam mai rawh aw..nang ka hmu phat che hi chuan Mambawih hi ka hrechhuak zel a"

"A ho lutuk,pa Tlana hi a office ami?"

"Aw ani pawh nichin lawk khan a chhuak a,la ṭhu rawh aw thingpuite kan in dawn nia"

Phai lama kan awm dan chanchin te chu min zawt luam a,a nau te pawh an nu ka kan chu an lawm thiam khawp mai. Thingpui te ka in zawh chuan haw turin ka insiam a,nu Siampuii chuan la leng leh turin min sawm lawm² bawk. A naute'n pawn thleng min thlah a,an fel reuh khawp mai.


'Lalrin motor chu I sil tawh em?'
'La sil lo,ka nghak deuh che'
'Khawi ah nge kan sil ang'
'Kan in lamah lo phei phawt la,ngaituah chawp angai'
'I va nawi reuh e,ngaituah diam tawh dawn maw tia'
'Dawn maw i tih vang a nih chu,ka la ngaituah lo,lo phei rawh'

Motor sil tur chuan ka thawmhnaw te ka thlak thuai a,Kanu ka hrilh hnu chuan ka inkhalh chhuak leh ta a.

"Kawtah hian kan sil mai dawn maw ni?Tui kan ngah tho a" Vest leh shorts nen lo ding teu mai.

"In ngah tih chu I chiang maw?"

"Eng nge mi rin lo viau?Ngah ka tih mawlh² chu"

"Sil ila nih chuan" Pawn sil hma tiin a chhung chu ka tifai hmasa a,Lalrina chu zai char² mai a ni.


"Tlai lamah chuan han khelh leh ila?"

"I peih te chuan khelh ang chu"

"Min rawn sawm ve hun"

"Takin vawiin chu chicks phur nghal thei turin bike keng ila"

"Idea ṭhing e...nge maw chicks ila tih ziah le kawplai neih reng a"

"Tunlai ah mi 10 kawp pawh mi rinawm...dah mai a"

"Chutiang ka pawm ve lo"

Motor sil zawh chuan ka haw a,tlai lamah inkhelh leh kan ngaih vangin ka insiam sawk² a,bag ah mamawh khung zung² in inhnuai lam chu ka pan nghal a,Lalrina pawh lo thleng nghal der. Bike la chhuakin futsal ground lam pan chuan kan inkhalh chhuak ṭhian dun nghal a.


Rinkimi POV
"Kimi chawhhmeh bazar turin chhuak ila?"

"Chhuah pawh ka tum lem lo sin"

"I insawizawi dawn tho a,kein chhuak harh ila,I nu lo haw hmain"

"Ka han insiam ve zuai nge" Ka thil tih lai chu dah fel sawk² in ka insiam nghal a. Ka insiam zawh chuan u Ramtei ka zuk fin ve nghal a. Chawhmeh bazar tura chhuak kan nih miau vangin hmun dangah peng lovin kan tlang nghal a,nu upa tak² te chuan mipui bazar te chu hip ngei tumin an auh lawm² a,u Rami paw'n chawhmeh chu a en phei zel a,dawr ngei tura min kohna awte chu haider a har ngei mai.

Nu 1 chawhmeh ṭhutpui,upa ve tawh tak hi ka hmu a,a zawrh zingah phei chuan leitur vak pawh a awm lo.

"Kapi helai runhmui hi engzat nge?"Midang chu nih se ka zawt kherin ka ring lo,hmun dang ka pan daih ka ring mahse mak tak maiin Kapi hi ka khawngaih tlat a,fate a neih ve awm sia,anni ang kum hi chu fate thlazar hnuaia nuamsa taka awm tur an ni tawh laia helai hmunah a ṭhu mai chu a khawngaihthlak ka ti a ni.

"20 a nih kha Mami,la rawh Mami ka lo tlawm dawn che nia"A awte chu hna hah taka kan thawh hnua engmah ei lova kan ṭawng ri ve che² hi ka tehkhin ber.


"Tlawm lo e,tihian ka lo la ang" 500 note chu ka pe a,min kirh lo tura ka hrilh chu a duh lo nasa mai. Pawisa chu min pek phet a tum a,keiin ka la duh bik lo.

"Tlawm te mai² chu ngaiah ka nei tawh,helai hmunah nitin ka ṭhu a,mi lo kalte hian tlawm lo thei lovin min siam ṭhin a,nang pawh tikhan la la,pawisa chu thil dangah I hmang dawn nia"Mizo te thil chin atan chuan a va zahthlak em,kan changkang tawh viau emaw tih lai hian harsa taka chhungkaw chawmnan ti a chawhmeh zuarte tlawm chu zu duh tho a mawle,an ṭhutna angah hian mi hriathlawh tu emaw hi ṭhu ta se tlawm chu an dil ṭal chu ka ring lo. Hmel leh pawn lam dan ringawt ah hian kan innghat a,keini ai hausa leh thil titheite chu an ke kan va silsak lo chauh a nih hi,kan awmdan leh khawsak dan chu a dang ta hawk mai. Harsa taka an thar chhuahte hi tlawm taka lei dil tawh lo ila,kan hmuhsit em² bazar a ṭhute hi hmusit thei kan nih biklohzia hre reng ila,anni tel lo chuan anthur tui hawp tur pawh hi nghei thei kan ni tih hi reng ila ka ti khawp mai.

Kapi pawh pawisa chu ka lak duh tlat lo avangin a inlak ta a,ka kut vuan meuhin lawmthu min hrilh chiam a,ringtu ṭha a ni tih hai thei a ni mawlh lo.

Kan mamawh te kan lei fel hnu chuan in lam chu kan pan a,mahni a kal chuan a hla a mahse u Rami bulah hi chuan in thlen lai reng hriat hman a ni lo.Fiamthu hi a duh em² a,a bulah hi chuan boring a awm ve lo.

"Mautuai rep hi thak deuh hian bawl hluai ila I nu chu alawm a nimai chuan kan sa ṭha a te tan chuan dal kan ngei² angai bawk a,kan ti zung² ang e"

"Ka lo pui ang che,dal kha ka lo kang ang a"

"Han inbual zawk rawh,I chauh viau te nia ka rin"

"Chau tur paw'n a hla lo e,inbual chu hmanhmawh thlak lo nakin deuh ah nimai"


"I va han fel tak em,ka nau bik² i hi chu aw...mipa chu nih ila ka bem ṭhuai ang che mawle"

"I timak e ah...I neih hma chu neih ka tum bik lo"

"Ngawi mai² teh...keite chu khulai kawn a phirte pa khu lawm ka nghah,a chhelo lutuk a I hmu te hi ka hlau"

"I chhelo tih hi chu an tawi tlangpuiin ka hria,an dul a kiar tel bawk a"

"Chutiang chhelo ka ti biklo aw,Champhai vawk a ang dawn em mai" Kan nui leh dar² a,keini'n nuam ka tih em² laiin security te 2 erawh an hawi â hu mai,inah an awm chawt a,tihtur vak nei ve hek lo.


Ka inbual zo inhnuai lama ka chhuk chuan Kanu pawh a lo haw tawh a,a chau viau ang mahse ani hi zawng kan mangan a hlau luatah hlim hmel puin,hah lo ang hian a awm tlat zel a,ka khawngaih ṭhin. Minu te chu an pasal ah an innghat a,chhungkaw chawmna sum pawh pasal te ko ah tho mahse Kanu erawh chu a hringnun ah hian hmeichhia leh mipa tih chi thliar hran a awm ve lo va,nu leh pa nih a fawm a,hna zawng² ah nu te hna hi ka chhuang ber,fak leh duat hi an va han phu chiang em.

"Nu naktuk chu au Rina te nen camping ah kal kan tum deuh a,a pawi em?" Tv en pahin kan vai chuan couch ah kan ṭhu a,u Rami leh Ravi(security 1)chu an titi bawrh² a,1 erawh cricket a entui ngang.

"Pawi nang mahse in thang rei ang em?"

"Ni 2 vel an tia,chu ai rei chu ni bik lo ang"

"Ni e ilo haw lai a ni bawk a,Lalrina a awm chuan ngaih ṭhat lohna tur a awm loh chu,Ravi te hi I hruai nghal ang em?"

"Ṭul ka ti vak lo,in bulah hian lo awm mai rawh se"

-------
Kim I hman tawh em?" U Rina aw a ni.

"Aw hman motor ka keng ve ngem?"

"Angailo a buaithlak mai²"

"Nih chuan Nu kan kal a nia"

"Buaina siam loh tur aw fimkhur bawk ula"
Motor 3 kan keng a,u Rina khalh ah ka chuang a,4 chauh kan ni lehnghal.

"Rinkimi chu ilo haw tih pawh kan hre lo va, rawn rim che kan tum tehreng nen"

"U Ben nangmah chauhin I hre lo"

"Siau a chuan a rim daih tawh sin Ben" u Rina pawh hi ngawi mai² se ṭha tur.

"Thawt² mai a,kan va tluk lo chiang ve"

"A duhna ah chuan ninja hi ni mai hepa hi chu,takin Nunmawii te ho mi a phurh?"

"Umm Nunmawii kha chu ka hmu ngei a"
Tunge Nunmawii chu ni ang le?A bialnu te hi lo nireng mai ang a,a nih vaih chuan kei mihring fanu hi ka van chawh dawn em. Kawppui te nen ramhnuai a camp chu a nuam dawn mai sia,a bialnu a lo nih tak² phei chuan ka tan hian a van hrehawm dawn tak em.

"Hetah hian in eipuar ila kan ti deuh a,thlen hnua bawl leh vel kha kan peih ka ring chiah lo"Khualzin te chawlhna ṭhin a nih ngei ka ring,in lian vak lo leh hmawmsawm dawr chauh a awm.

"Nia..a pawi miah lo,kan la tlan thui dawn bawk a"

Motor aṭang chhuk sap² in inchhungah chuan kan lut a,U Rema nupui Afaktei an tih pawh a fel phian a,ani lo kal chu ka lawm kher mai,Brenda chu awm ve bawk mahse a ṭhiannu Nunmawii a awm ve miau sia.U Rina te ṭhianah ka tel ngai lo vang hian ka inthlahrung ve deuh a,ka duhpa awm lehzel bawk nen.

Chaw kan eikham chuan khawmuang tawh lovin kan inkhalh chhuak leh ta a,kan hmaah Leon a te an tlan a,kan hnungah midangin min rawn zui ve bawk. U Rina leh U Bena a khat tawkin an inbia a,Brenda leh kei chu awm ve lo ang hmak kan ni.Ṭawng tlem ve² chu inbiak a lo harsa a nih hi,mipa nen chuan sawi chak zawng inang ve hek lo. Dar kar 1 dawn kan tlan hnuah camp na hmun tur kan thleng a,tent leh thil dang mamawh tur vel pawh kan tifel a,a hmun pawh a nuam khawp mai.

"Hey ilo kal ve a?"Nichin paw'n min hmu reng sia.

"Umm pawi lovang chu maw"

"Pawilo e,tihian kan kim leh ta chiah alawm"A sawi awmzia ka man lo kher mai. Leon chu ṭawng tlem tih takah a ngawi rengin tent te chu a pharh a,mei kan tuahna hmun aṭang chuan a ruk thei ang berin ka thlir a,ka duh thlawt alawm. Chutia ka en reng lai chuan a bula Nunmawii chu min rawn hmu ta siah a,zahthlak mang e,a ngai kawi em lovang chu maw. Zanriah kan ei tawh miau vang chuan kan awl tlang a,an sawi danin thlang deuh ah lui lian vaklo a awm a,tui zuk cheng tur chuan a tlai deuh tawh vangin mei chu kan ai ta reng a,a ṭhen phone an khawih a,Leon pawh tent lamah awmin phone ah thil a type char² bawk. Khua a thim meuh chuan rannung hram ri hriat tur a tam ngei mai,rul leh maimawm an lo kal ang tih ka hlau kher mai. Va mut dawn lahin mutna hmun tur min la hrilh ve si lo a,Afaktei chu awm ve mahse U Rema nen eng emaw sawiin an nui dun hak² a,anni 2 pawh hi an inneihna a la rei lo. Mipa dang awmte chu an hming pawh ka hrechiang hlawm lo.

'Aw Nu'Hmun dangah ka kalsawn a.
'Thleng tluang a nimai,in ei tawh em?'Kanu aw ka hre chiah chu in ka ngai vawng² mai,hetah chuan mutna tur pawh ka la nei ve si lo. Kanu nen kan inbiakna kan tihtawp hnu chuan midangho chu ka va pawh leh a,Leon erawh tent ah a la tawm reng.

"Hero meilum hi lo ai ve rawh,a lum nuam a nia" Tunge ti a ka ngaituah laiin Leon-a a koh dan lek chu niin.

"A lung a leng ve deuh niang a Siau hi"Leon chuan a hriat phak kher ka ring lo,zan pawh riah hma a lo lunglen daih te chu a.

"A awmloh hnua kan kal leh hmasak berna ni sia"

"Ka lo phei nghal"An sawi leh tur hrechak taka ka beng ka chhit reng laiin an ṭawng leh tur chu a lo pawt chat daih a,ka hrechak asin mawle. U Rina zawh chi lah a ni si lo. Kan bul a lo thleng chiah Nunmawii chuan a bulah a pawt ṭhu nghal a,a banah a vuan ṭai bawk. Eng inzawmna nge an neih ang le?Nunmawii saw chuan a hauh em² lehnghal a,a awm dan saw ka mit a tikham.

"Rinkimi te nen a camping chu boruak hi a dang zar maiin ka hria,a nuam bik riau"u Rema pawh chu aw Afaktei awm ve reng a.

"Kei chu rim kher loh pawn tia kan camp dun hrim² pawh hi ka lawm"u Bena ve thung.

"Kei atan rim a chi tawh si lo va,I vannei ni mai rawh se"

"Keini'n kan changpha ve lo,ninja a che tlat"

"In van ho tak" a ṭawng ve ta hram.

"Hero chu a rem ve hlei nem,Bena vannei ni mai rawh se" An ni ti dawn lahin a ni thei chiah si lo,ka melh lai min hmu aṭang khan min run luih ve deuh chuan ka hria.

"Hmalam pan tur a ni ngai e" U Rina ve thung.

"A ho em mai,zai tawh ang u" U Bena chuan boruak chhe tur chu a lo thlak thuai a.

--------

"Rinkim lam ang u,mipa ho bula awm chu boring" U Rina lah hi romantic lo sia maw.

"Nia lam ang u" Ani pawh U Rema'n a ngaituah lo. Mipa ho awmna aṭanga hla vaklo ah hla play in kan lam a,a nuam reuh khawp mai,Nunmawii erawh a inla zak nge a lam duh ṭhak lo. Crazy dance chu thiam tak kan ni,U Rina,Tluanga leh U Bena pawn min rawn fin a,nuam piah lam a ni. U Rema'n thla lak a ṭhulh lo bawk a

"Mu tawh ang u,zan a rei tawh signal lah kan nei tawh bawk silo"

"Nia Tluanga sawi kha a dik mahse mut dan tur hi?"

"Aw Rema te nupa chu kawppui neilo awhfik in ti dawn ni maw?"

"Naute kan siam dawn kal tawh ang ka nupui" Afaki zak hmel mawlh saw,mipa ho lah an hlimpui nasa mai.

"Rinkimi nen kan lo riak dawn zawk anga?"u Rema lakah a inthlahrunawm ngei mai.

"An innei a,honeymoon hmanna hun pawh an nei hlei nem"

"In ninawm aw,va mu r'u muttui u" Tluanga leh Joseph an mu a,Leon leh U Rema,U Rina leh U Bena an riak dun bawk a,Brenda leh Mawimawii an mu dun a,kei leh Afaktei.

"U Rema bulah khan I riak mai lo va,a lungawi lo viau ang"

"Lungawi lo lovang,mahni a i mut ka phal hlei nem,a ho lutuk"

"Ilo kal lovang tih ka hlau,muttui aw"

"Muttui em² le"Ka mu meng kar a,ka mut lah a chhuak heklo. Midang chu an muhil vek tawh ang,signal kan neilo bawk nen. Mutchhuak lo na fam chu phone ah game ka khelh a,ka mut thei thlawt lo chu pawnah chhuakin mei ka va tuah ṭha leh a,ka room ka ngai ngei mai.

"Miss India chu I va mengrei ve"Ka phu nasa em² mai lehnghal.Hepa hian ka duh tih a in hrechiang alawm.

"Ka mu thei lo lawm le,nang pawh I mengrei"

"Rema hnar ring lutuk a,ka muhil thei lo lawm le"a nui suk lehnghal.

"U Rema chu a mut thei lo ka ring asin"

"Tak² ah a hnar miah lo,keimah mut thei lo zawk hi nia"

"I puh daih a,i van phakar e" ka inthup hram² angai a ni.

"I let leh ṭep tawh em?"

"Mutna lamah maw?"

"Aih phai lamah mawle"a nui vel ngei a,'I va han ṭha chiang em'tih a fawh hrep mai hi nia ka duh.

"Let vat lovang,Aizawl ah ka awm ang..ṭul dang a awm thut te nih loh chuan"

"Kan seilenna hmun hi chu tluktu hi an vang ve a ni tiraw?"

"Umm vang khawp mai" Kan meituah chu an chhem leh vak a.

"I nu hotel leh kan in inhnaih tehreng nen ka lo hre ngai lo va,hotel in nei changtlung khawp mai"

"I van tilawmawm,hotel saw chu Kanu taimak rah vek a lawm"

"I nu hi chu nu fel tak zawng a ni" Sawi tur avang mai sia,san ka en chuan dar 1 a ri vah tawh.

"A tlai tawh sia,ka mutsan dawn che sin"

"Umm muttui aw"

"Muttui le"

Leon POV
Rinkimi mut hnu lawkah keipawh mu turin mutna lam ka pan a,zan dang chu ni se ka muhil daih tawh tur,Rinhlui kal aṭanga kan vawi 1 kal lehna a nia,rei tawh mahse lung hi a leng thar leh ṭhin a ni.

Zing ka harh chu nizan mu ṭha vaklo tih takah ka lu a rit em² lehnghal a,tun ṭum zet chu ka vanduai a ni.Midang pawh an rawn tho ve sap² a,kan eitur rawngte la bawl kan ngaih avangin kan che zung² a,rin ai takin kan felfai.

Chaw ei kham chuan thlang deuh a lui lamah chhuk turin kan insiam sawk² a,kan hman tlang chu a ni der.

"Hero min lo nghak"

"Mawi min koh dan hi thlak tawh teh"

"Chu kan lak aṭang i va inla hrang tawh ve,ka unaunu kha i hmangaih ve hle maw ka tia"

"Inlak hran lam a ni lo,hetia mi awm laia min koh rengte hian a nuam lo a nia"

"Ka unaunu theihnghilh a midang seng luh I duh tawh tih ka hre mai" Duh² danin lo ngai teh se a,Rinhlui nen cousin an nia,hetia Rinhlui awm loh aṭang hian min hauh nasa a,a duh dana min kaltir hi a tum kher zel,zaklo ve ham² a nia.

Lui pan chuan kan inzui thla a,hmeichhe ho pawh rin ai takin an fitness a ṭha. Lui kan thleng ṭep ti ah tu emaw rak ta chiam mai.

"Nu ka duh lo vangvat,la vat² teh u" Lalnunmawii bawk,vangvat pawh chu awm hek lo.

"Eng vangvat mah a awm lo,hnim mai² a nih kha" midangin an lo tih pawh chuan a awih duh tlat lo.

"Kan lo kal hmasa ang chu" kan hnungavkal Afakteii chuan Lalnunmawii chu a rawn kal pelh a.

"Nipui laiin vangvat a awm ngai mi?" A hnunga kal Rinkimi thusawi vang chuan nuih ka va insum nasa si em. Ngawi vung² a,a ṭawng chhuah awm chhun lah hi nuihzatthlak ṭhin si a,dangdai ve tak zawng a ni. Keini pawh ding tawh lovin lui chu kan pan thla ve nghal a,helai lui hi sangha awm lo mahse a nuam reuh a,tui chen nan tak phei chuan a rem lehzual.Lung lian ve ang reng chung aṭang a Rinkimi'n tui a a dive ka hmu meuh chuan ṭul lo lutuk in Rinhlui ka hrechhuak leh ta. Lui kal apianga tui cheng duh kha a nia,a ngam huai ṭhin sia.

"Khi vur² lo khan lo cheng thuai rawh" ka ngaituahna aṭang ka harh chiang teh e,Lalrina pawh hi min awm tir hle² thei lo.




⚠️KAN KAL CHAK LUTUK A,KAN MUANG HRET TAWH ANG AW...ZANIN ATAN CHUAN TAH HIAN DUHTAWK ILA,DAM A KAN AWM CHUAN NAKTUK ZANAH MIN LO CHHIARSAK LEH ṬHEUH DAWN NIA😚


LIKE,COMMENT AND SHARE

ADS CLICK KHA AW



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)