You're more than enough CHAPTER - 21

[Angie Lupie]

Chapter - 21





"Ka Rai in ka hria" Kimkimi'n atih chuan phawk hra chuan ka enpah nghala.



"Tikhan min en Suh, ka hlauthawng teh mai nia, ka Rai vaih chuan kanu leh pa ten engtin nge mintih tak ang" thaw halh pah chuan ati zawi ngial a.


"I in test tawh mi? Kan exam a hnai tawh bawksi Biakdika chu lo insum ve rih mai tur hi nia" nui tet tet chuan kan ti mai chuh, min melhrum teh e.



"La test lo mahse ka inring alawm ka awm dan te leh ka period huna ka nei theilo te hi,aaaa ka buai zo vek 12 tal chu zawh hman ka duh asin le" ati leh hram.


"12 zawh hman i duh te chuan insum hram mai tur hi nia, in test phawtla a hriat mai ang" ka tih chuan test kit chu alei ngamloh thu leh leisak Turin minla ti zui.


"Bda chu leitir mai tur alawm" ka tih lah chuan keimah chiah minla hrilh thu asawi zui. Hreh tak chung chuan damdawi zawrhna dawrah chuan ka leisak a.



Vantlang inthiarna ah chuan test kit keng chuan alut ta zal zal mai. A rei ang reng mai sia school form nen kanla awm reng bawksi pawnah chuan thinphu det det in kalo nghak a, keima test tur zawk ni awm hrim in kalo hlauthawng ve em em mai lehnghal.



"Enge result chu" alo chhuah chuan ka ti nghal vat.


"Engtin nge ka tih ang" Núr nang chuan tah chhuah hmel deuhin alo tih chuan ka hrethiam nghal.


"Bda hrilh hmasa phawtla, anin chin fel dan te alo hre maithei asin, i pum a len hma ngeia inneih angai don bawksi" ka tih chuan a mittui te chu atling puau mai lehnghal.



"Ka ti tla mai dawn, ka chhungte an thinrim dawn bawksi ka hrilh lo mai ang Bda pawh" atih chuan.


"Enga! Kim ngaihtuah Chiang rawh tih tlak chu a fuh ber donlo a nia, i la inchhir ang" ka ti zui nghal vat.


"Tih dan dang ka hre biklo alawm, ka pai tlang ngam donlo 12 em poh kala zawh loh hi, kanu leh pa ten min hnawt chhuak duh zawk hial ang hria se" a mittui tla chu a hru zeuh pah.


"Kim apawi tur ang chu apawi zo vek tawh alawm, an hrethiam lutuk ang che tih ka ring tlat ani"kuah pahin ka theih ang tawkin ka hnem ve a.



"Zanin hian in hmu Ula chuan i hrilh dawnnia, a thuthlukna te hre ve phawtla tiro" ka tih chuan alo pawm ve mai, ka u in minlo zawn hma a haw ka ngaih avangin kan inlam chu ka pan nghal a.



In ka thlen chuan ka u chu thinrim hmel deuh hian thutthlengah chuan alo thu ran mai, ka haw tlai vang anih ringin "Kimkimi te inah ka pengkawi lawka" insawi fiah tum chuan ka ti zeuh chu.


"Khapa nen khan inlo che sual hman ami?" A zawhna chuan minti bangbo hle mai.


"Test kit i lei kha ka hre vek ania, Nunui damdawi leina ten alo hrilh a, zep buailo khan sawi roh" atih chuan mak ka ti khawp mai kan vengah ka lei bawk silo tinge ka leina dawrah kher chuan alo lei le, bakah ka leina ten min hrelo hrim hrim don bawk a.


"Engtin nge anlo hrilh theih, ka leina ten min hre ngai reng reng hleinem" Nunui lam chu ka melh kalh pah a.


"An hriat leh hriatloh velah khan buai angailo, a zahthlak lutuk mai kanu leh pa te pawh engtin nge ka hrilh tak ang ni" chal dawn ngul pah chuan a thaw hawlh pah a.



"I hrilh buai angai lo ang, ka railo" ka ta anihloh thu poh ka sawi peihlo Nunui zek zawk kha angei awm emai, ka u poh thil min zawt chianglo in anupui thusawi ringot a awihsaka, a inthlak Chiang tawh hlemai ka room lam panin ka chho nghal daih a thusawi leh tur poh ka ngaihthlak chhun zawm sak peih tawhloh vangin.




Thinrim tawk chuan Ateez chu ka call nghal ka khuma bawk ngul pah chuan, rei poh a in ring hma chuan alo la a.


"Hello" amu lai ka tiharh ani ngei ang.

"Nunui nen hian in inngaizawng tawh thin ami?" Ka peh hel kual duai peihlo ka rilru a awm chu ka sawi chhuak tawp.


"Maw aa aih" ati ban charh mai, khum chu a ri nghal dawt bawka a inperhtho nghal aniang khanu hming ka lam chiah chu.


"Ka ngei lutuk henu hi nilo lo in ka u bulah ten minlo hek a" ka tawng zawilo fahran mai a beng chu akiau ve Chiang ang chu aww.


"Tinge engtin maw ati che mi" a ti thum dup lungawihlohna nei a ang.


"Ka sawi zawh chiah kha ka u bulah i fa ka pai ang ten alo sawia, test kit ka leina dawrah chiah thil alo lei vea mahse ka leina te khan min hre ngai awm tawp silo" ka ti deuh nang nang a.


"Eng test kit maw" alo la ti haw zui a hre thiam har ve sia.


"Rai leh railoh rest na mawle" ka tih chuan "nga tan nge i tih nang hi mipa" a sawi zawh hma chuan kalo dang nghal vat, a ngaihtuahna chu ka hre thiam nghal mai.


"I ngaihdan kha a tuiek lutuk, midang ta tur alawm ka lei, a hrim hrim in tinge i va mu lai ve" ka ti nghal zat.


"Ka in hlawh a ka chau deuh mawle" atih chuan ka khawngaih reuh khop mai.


"Pawisa chu pawimawh tho mahse, hriselna tello chuan engmah lo mai ani, chuvangin i hriselna kha ngai pawimawh hmasa thin rawh aw" chaw te hi athlah fo thin hial ani ka rin.




"Tu tan nge i leisak reng renga" alo tih chuan ka hrilh dawn nge dawnlo tih ah chuan ka buai leh tlat, mahse ka hrilh hi atha in ka hria a thianpa ania alo hmin thei mahna ti rilru in ka hrilh ta vek a.



"Kalo bia ang Bda chu alawm viau zawk maithei ani, fa mal ani vea fa neih achak thin thu asawi thin tak alawm" atih chuan ka thaw deuh huai mai.







Kimkimi pawh anu leh pa te ahrilh chuan an thinrim viau dawn emaw tihin, tih ngaihna vak a awm tawhloh vangin a pawm ve thei mai a, Bda chhungte chuan palai te Turin an insawi rem theia aranglama inneihna buatsaih vat chu anduh avangin tun thla tawp hian innei Turin an insawi rema, kapa pawh ala ngai thu ka u chuan a sawia zual lam apan aiin ka lawm zawk ani hma sawn lo mahse, tunkar tawpa an rawn haw tur thu asawi bawk a.




Ateez nen pawh kan inhmu khat viau mai tunlai chu Nunui vang vek ani, a che spy thei lutuka ka u hnenah lah min hek pah reng bawksi inhmuh poh angam awmloh phah vek. Hriati lah kan be tlang thei ngailo a phone switch off a inti reng mai a.



Kimkimi pawh school arawn kal tawhlo keimah chiahin kani, ka phurlo thei khawp mai ka school kal tur poh Ateez lah college kal pahin a inhlawh ve reng thin bawksi a haw meuh chuan a chauh thin vangin kan inbe thei meuh tawh ngailo.




Dawr ka kal haw Remsanga te inkawt ka thleng chu, u Muantea hian minlo ko a.


"I lo in ngaihtuah thei ta em" a tih chuan mahni lo maha rilru hah sa tawh naklaia kalo ti rilru a.


"U Muante ka theih ka ringlo ani, bialpa nghet neilai kani sia mahse Remsanga chu ka theih ang tawp chuan ka buaipui ang mahse Ngaihzawng tur ang atan chuan ka theilo ani" Alu chu a bu keuh a.


"Nia ka hrethiam reng, mahse Remsanga hi tunlai phei chu a na alo chhuak renga hun tam aneih pawh hi ka ring tawhlo ani, ka ngaihtuah em ani alo nghak ve reng che bawksi i khawngaih theih hram chuan lo in ngaihtuah leh hram mai rawh" ti pahin hate chu a hawnga.



Keipawh chu ka kal ve nghal mai, ka phone a Rik avang chuan ka ding chawt, minlo call tu hming ka hmuh chuan.


"Tinge i call tlang theih ngaihloh minti mangang hman alawm" ka ti nghal mahse min chhang tu chu mipa aw daih ani.


"Hriati thiannu Zonuni i ni em aw" alo tih chuan aw ni e tiin ka chhang nghal a, a chungah thil thalo athleng anih Rinna ka nei nghal.


"In thiannu hi damdawiin ah a awm meka hei a thalo khawp mai" atih chuan ka Phu zawk ni ber hian ka hria.



***************************************