Married to Mr. Nightmare-24

[Lal Rin Awmi KC]

Kan kut invuan reng pah chuan Rehan-a chu ka va nuih a. Kan kut chu a inhmeh hle mai. Khuanu ruat ngei pawh kan lo ni mai thei a sin chuti nilo se kan awmdun theih loh na chhan tur ka hre lo.

"A..Myra" a aw tang chuan a sawi hreh deuh tih a hriat. A lam chu hawiin ka mitko ka san a mahse engmah sawi lo chuan min en char char ringawt a. Min en char char vang chuan min ti hlauthawng zawk, kan kut invuan chu ka en ringawt a.

"Thil ka dil thei che a ngem?" a aw thutak deuh chuan min zawt a, amah chu ka en a. Ka lu chu ka bu a, a thil min dil tur chu ka lo ngaihtuah a.

Infawh maw? Ani maithei a ni.

Ka lai lutuk chu ka nuih ringawt a. A hnuah chuan min pawt a, a malchungah chuan min thuttir a, thawk a la huai a. Ka thinphu chu a rawn rang nghal telh telh a. A vawikhatna chu nilo mah se min khawih apiang hian engtin emaw ni hian ka mur chuai zel.

"Vawiin ni hi min pe rawh" ka nghawng a a hmai phum pah chuan a ti a. A thaw lum ham ham chu ka hre thei , min ti danglam nghal vek.

"Vawiin hun hman dan tur i ruahman lawk vek tih ka hria a chuan min ring rawh tihchhiatsak che ka duh lo mahse vawiin ni hi khawngaihin min pe rawh. Vawiin hi nangmah nen ka duh ang thlap a hman ka duh a ni" a aw thum zet chuan a rawn ti a.

Ka lo ner deuh a. Vawiin a ni sarihna hi ka ruahman nasat tehreng nen ama tan a duh amaw? Ka hmui chu ka seh a, kan inkaihna chu ka thlah a.

"Mahse Rehan..." zawi deuhin ka ti a ka mit ka chhing a. Engmah a sawi lo a ka kawngah chuan min rawn kuah ringawt a, a ha chuan na si lo in ka nghawng chu a rawn seh deuh a. Ka in humruh a, min tihbuai nan a ti a ni tih ka hre thei mai, ka remtih theih nan.

"Khawngaihin..." ka aw te chu a khur deuh a.

"Kan sawifel thei alawm" a rawn ti a, chutih lai chuan a kut chuan ka nghawng hnuai vel chu a rawn zut a.

"Aih" ka chhang a, min khawihna vang chuan ka dang vek tawh.

"Vawiin ni hi min pe la chuan ka nun pum a nitin hi ka pe ang che, tichuan a tha em?"

A ti tak tak lo tiraw?

"Tak tak maw?" amah va en pah chuan ka ti a. A mitmeng chu a hahdam a, a thusawi chu a ti tak tak tih ka hmu thei a. A hmel chu hlimna in a khat a. Chu chuan a tih hlim chuan pawi ka ti lo e. A tawpah chuan ka thil tih ho hi i hlimna atan vek a lawm.

A lu chu a rawn bu a, a nui sang a.

"Awle, a nihchuan" ka ti a, a hnar ah chuan ka chuk a. Hlim deuh chuan a rawn nui a, min pawm kang a.

"Min dah thla rawh, ka kal thei alawm" ka mit chhing pah chuan ka ti a, nuih chu ka insum a.

Car lam chu min pan pui a, a rawn faifuk vak a. Mak ti deuh chuan ka en a, a hmel hahdam leh lungkham nei lo chu ka en a. A nui reng bawk a.

Khawiah nge min hruai dawn le?

A car kan thleng chuan a hma thutnaah chuan muangchangin min dah a, a khalh chhuak a.

"Khawnge kan kal dawn?" ka zawt a.

"I hre mai ang" then sawng chung chuan a ti a, hma lam chu a en char char a. Thawk ka la a, kan kalna hmun tur chu a sawi dawn lo tih ka chiang.

Mi thil tih hriat chak dan a thiam hle mai.

Minute 20 velah chuan car chu a ti ding a, chhuak turin min kawhhmuh a. Ka chhuak a, kan awmna hmun chu ka en kual a.

"Kan thleng e, thil engkim intanna chu" ka kut rawn vuan pah chuan a ti a. Hotel lian deuhah chhungah chuan kan lut a, Rehan-a hlawhtlinna party kan neihna hmun kha ani tih ka hrechhuak a, ke na chunga ka kalna kha.

Tinge tah hian min hruai le?

Zan nuam ber ka hmanna, Rehan-a leh Tara-i infawp ka hmuhna leh ka hmangaih ani tih ka hriatchhuahna hmun a ni. Helai hmun hian thil min hriat chhuah tir nasa hle mai mahse tinge tunah kher? Tinge hetah kan awm?

"Aw, sir. Engkim kan peih tawh e." receptionist in a rawn tih chuan ka harh chhuak thut a. Chu nu chuan min rawn en a min rawn nuih sang a, keipawh chuan ka nuih let ve a.

"Lo kal rawh" Rehan-a chuan a rawn ti a, amah zui pah chuan ka lu ka bu a. A hmaa kan awmna room ah khan min hruai a, mak tihna leh hriatthiam lohna chuan min bawm nghal a.

"Tunah chuan i mit chhing rawh le, Mrs. Malhotra" a ti a, hrethiam lo deuh chuan ka en a.

Mahse engmah sawi lo chuan a sawi ang chuan ka ti a, ka mit chu ka chhing a, min rawn pawm kang thut a. Kawngka inhawng ri ka hria a, room kan luh chiah chuan a lo lum deuh a. Khumah chuan min nghat a, ka bula a rawn mu ri chu ka hre bawk a.

Ka zam em em a, ka mit chu ka meng chak in ka hawi kual chak khawp mai.

"I meng thei tawh e, i lo hre chak leh tawh ngawt ang chu" a tih chuan ka nui a. Ka mit kan meng chuan in chung chu arsi lem eng thei hian a lo khat vek a. Light chu a thim vek a bati chauh a inchhi a. Ka hlim lutuk chu ka nui sang a, room chu a rimtui hle bawk a.

"Wow, Rehan" hlim leh phur deuh chuan ka ti a.

A nui ri chu ka hria a, room thimah chuan a hmel hmu thei lo mah ila a hlim tih chu ka hre thei.

"Tunah chuan mu la hahdam rawh" zawi deuh chuan a ti a, ka lu chu ka bu a, ka mu a in chunga arsi lem eng chu ka thlir a. Ka bulah chuan a rawn tawlh phei a, ka kut chu a la a, a pumah a dah a.

Ngawi reng mah ila a nuam em em tho a, a kut chuan ka kut chu a chul neuh neuh a.

"Heta ka hruai chhan che hi i ngaihtuah ngei ang tiraw?" min zawhna ah chuan ka nui a.

"Myra, hemi hmuna kan awm hnuhnun ber khan ka tana i hlutzia hi ka hrechhuak a ni. Chuan vawiin atang hian engkim tan that ka duh a ni keini pahnih tel hian." a ti a, in chung lam en reng chung chuan a thusawi chu ka ngaithla ringawt a, ani pawhin a en ve reng tih ka hre thei.

"Game i khel teh ang. Kan rilru a awm kan inzawt ve ve anga, tun ni 6 kaltaa kan thil tawn leh zirchhuah te kan hriat theih nan" a rawn ti leh a.

A thil rawn rawt chhuah vang chuan mak ka ti hle a, ka mumang ni mai hian ka hria a chhan chu hetiang hi chu mumangah chauh a thleng thin si a..
.
.
cont below

[Lal Rin Awmi KC]

"Myra, i hnen atang hian thu hian thil tih theih tam tak a nei tih ka zir chhuak a chuan a chang chuan thu thlum tak tak leh nang ang a nui mawi hian kei mangchhia ang mai hi min thlak thei a ni. Chuan kan rilru a thu awm reng te hi i inhrilh tawn ang" a rawn rawt a mahse a aw ah chuan a lungngai tih ka hre thei.

A kut chu ka vuan a, ka khawih neuh neuh a, thawk a rawn la vak a.

"I hria em Rehan, mumang leh mangchhia hi kan muthilhna peng ve ve an ni. Thil tha chu thil tha lo tel lo chuan a awm thei lo. Chutiang chiang chuan thim leh eng pawh mi pakhat atangin a chhuak thei chuan a lo lang chhuak tur chu keimahni duhthlanna a ni. Keiman ka thlak lo che, nangmah i inthlak zawk a ni. Ka thusawi in a thlak che ani lo nangman a dik ni a i rin kha iti mai a ni. Fakna zawng zawng min pe suh a chhan chu nangma thawhrah vek zawk a ni" nui chung chuan ka ti a min chhanna ka nghak a.

"I tha takzet Myra, nang ang mi tha lutuk hi ka pawm theih, ka fawh theih leh ka ta vek ini hi ka lawm lutuk" a rawn tih chuan awmdan tur pawh ka thiam lo ka sa chhuak vekin ka hria.

"Chuan mangchhia tiin in ko tawh suh ang che a chhan chu ka tan hian mumang tha tak i ni" zawi te in nui chung in ka ti a. A rawn nui suk ri chu ka bengah a ri ring hle.

"Awle tunah chuan ka zawhna hmasa ber chu ka fawh che hian engtin nge i awm thin?" min zawhna vang chuan ka ang phuau a. Rehan-a fiamthu duh deuh kha a lo let leh tawh tih ka hre thei mai a. A zawhna chu pehhel lo in thudik hrilh ka tum a.

"Nawmna sang tak ang mai a ni. Ka taksa zawng zawng hi a tek chhuak vekin ka hria chuan i fawh leh kha ka chak ber"

Engmah chu a sawi lo a mahse a thaw huai tih chu ka hre thei.

"Tinge ka taksa hian i khawih a chak em em?" tum loh deuhin ka sawi chhuak a, ka zak lutuk chu ka hmai chu ka hup nghal a.

Chutiang zawhna atthlak leh zahthlak lutuk chu engtin nge ka zawh theih?

"Mrs. Malhotra chung te chu a awlsam lutuk. A hming chu tisa chakna an ti thin" a aw thum deuh chuan min rawn chhang a, ka meng phawk vak a. Min vawnna tang chuan ka kut chu ka la daih a, ka zak lutuk ringawt.

A ni thei lo. Rehan-a chu a dik lo a ni.

"Awm hahdam rawh. Eng vak mah a ni hleinem i pasal hi hnar tur chuan a chhelo em alawm tiraw?" ka kut chu ala leh a, a vuan a.

Ka zak lutuk chu ka sen vekin ka hria, ka ka chhung chu ka seh a mahse thil ka ngaihtuah chhuak a, ka nui a.

"Tisa chakna ni lo mahse thil thianghlim tak a ni" ka tih chuan a rawn nui chhuak hak a.

"Awle, awle. I sawi ang chuan le" nui pah chuan a ti a, a rawn awm hnai a ka chalah a rawn fawp a.

"Glass keh them a ka nem che kha i ngaihtuahna ah enge awm? Huatna nge thinrimna?" a aw chu a zuai raih a.

Min zawhna vang chuan ka ka awm khawng nghal vat a mahse a hnuah chuan min vawnna chu ka vuan nghet a, arsi eng chu ka en a.

"Thinrimna emaw huatna a ni lo. A vawikhatna atan enkawl i harsa dawn a nih hi ka ti a mahse khang kha i che zia ringawt a ni a chuan i chetzia avangin ka endik thei ringawt lo che" ka rilru tak tak chuan ka ti a.

"I ti dik a ni meialh chuan meialh chu a ti mit thei lo. Hetiang anga zaidam leh ngilnei chu ni lo la tunah pawh hian ka bul chiahah pawh hian i mu nang" ka nui a.

Chutih lai chuan a nunhlui zawh chu ka rilruk a. Enge thleng ang le?
Nilo. Ka thei lo a ni. Risk dang ka la thei tawh lo. Lo thinrim leh ta se engtin nge niang? Nilo.

"Min hmuh hmasak ber khan enge i ngaihtuah?"

"Thinrim lo la mahse sum duh deuh emaw ka ti che a. Ka ngaihtuahna chu a mawl tih chu ka hria mahse ka..."

Ka lo nui a.

"A pawi hleinem Rehan, ngatan mah ka ti lo. Khatih lai kha chuan min la hre lo alawm" nem deuhin ka ti a.

"Mahse chutih rual chuan ka nalh ka lo ti lutuk a" zawi deuh chuan a rawn ti a mahse ka hre chiang hle a, ka sa vekin ka hria.

"Tunah chuan duhtawk ila. Khang ni 6 chhung khan ka awmdan kan hrilh ang che"a rawn ti a, keichu a thusawi ngaithla turin ka lo thu reng a.

Khang ni 6 chhunga a awm dan kha ka hriat chak ber a ni.