July Girl Episode 19 (Last Episode)

Episode kal lai dah luhna

Moderator: writers

Zautea Chhakchhuak
Posts: 24
Joined: March 3rd, 2017, 4:33 pm

July Girl Episode 19 (Last Episode)

Unread post by Zautea Chhakchhuak » March 28th, 2017, 10:24 pm

July Girl Episode 19

Vawi khat kal na a ni bawk a, kawng lak ah pawh buaina ka tawk zeuh zeuh a. Vanphai khua chu rin ai in a lo hla a, a chang chuan bike leng țawk ang tak tak hi ani. Thawhțan zing a, kal chhuak kha Thawhleh Zan ah ka thleng hram a, a mi cheng te pawh kan țawng hman a lo in ang chiah loh nen rin ai in, thil tih a awlsam lo in, a buaithlak zek a. An țawng hman ka lo thiam lo nen an ni lah kan țawng in eng emaw an sawi thei țawng țawng a. An khua Lal Pa an ti mai a, chu mi te in ah chuan ka iptepui te kan bang ve a, rin ai in mikhual an dawng sawng țhang bwk a. An fel in thlen in pa chu țhian ber ah ka nei nghal chawt a, a ni hnen a țang chuan thil tam tak ka hriat belh a, kan țawng pawh a thiam lutuk lo ha chu Vanphai khua ah chuan a ni ai a, thiam chu an awm kher bik lo mai thei ani. A ni hnen a țang chuan An khua Dawithiam Pu Gina awm na te ka hriat phah in, a chanchin dawi lam pang a tih ngai tawh lo thu te min hrilh a. Mahse ka kal chhan ber a nih a vang in, ka thleng tlai viau na chu ka in bual zo a, Pu Gina te in lam pan chuan thleninpa nen chuan kan in zui chhuak a...


In chhung ah chuan Putar khabe hmul sei em em mai hi tapchhak ah lo țhu rut a, kawlfen feng in a lo țhu dawrh suah a. A Khabe hmul a sei tawh nak lai in, a sam chu a la zuah leh ta nghal a, vawikhat hmuh na nen a rapawm lek lek zawk ani. An tapchhak ah chuan țhut hmun kan rem a, thleninpa chuan hmuh ka ngaih thu leh ka mamawh thu te chu an hrilh a. A thusawi te chuan a bengkhawn em em lo a, kan kal lam a, ka hmuh duh na chhan leh Manga leh Tlantei Pa awm dan te ka hrilh vek kha nia, ka thusawi zawng zawng an hrilh hnu ah chuan a awmdan a țang chuan min bengkhawn hle ta ani tih a hriat theih a. Eng emaw te an sawi zawh hnu ah chuan amah choh in alo awm lo tawp mai a, Patling pakhat hmel berh tak leh a rim a țang reng pawn inbual khat ve tak chu ani ngei ang. A rim te chu a chhia in a kiang a, awm ngai lo tan chuan tenawm tak hi ani. A awm dan leh hawiher a țang chuan mi pangngai a pha zan lo a ni tih a hriat theih a. Ka kiang ah chuan a rawn țhu a, a hawi leh vual vual țhin; chiang deuh deuh hian min melh a. A chang leh kut a beng leh nghek țhin bawk a! A awm dan leh chet dan a țang chuan țhian a a mamawh lo in, a ma tawk ah a hlim tawk hle a ni tih a hriat. Thleninpa chuan theihtawp chhuah in Pu Gina chu an sawi pui țhin viau na chu 'Hetiang lam pang reng reng hi engmah ka ti tawh dawn lo' a ti bur mai si a. A mamawh tu zawk nih a, kan mamawh ber in a chu tiang a a tih tlat si ah chuan tih theih vak kan nei si lo.. thlen zan ah chuan beidawng in chu in chu kan haw san ta nge nge a... Thawlehni zawng chuan biak tum ang eng mah ila tih ngaihna thlawt a awm si lo a, Chu Ni chu beidawng tak in ka hmang rak der a! Nilai ni chu beiseina sang tak nen Pu Gina hmuh dan hram ka ngaihtuah a.



Beidawng a, kut beng a hawng leh chi zia zang lah chu ka ni der si lo a, beidawng a ka let leh a nih vaih chuan ka chan chuan maian chan pawh a tluk lo ang. Ka hmangaih tlantei thlan ah ka kal lo a nih vek pawn, a hmangaih kumtluang a tan a pasal a neih tur chu ka thlir ta ve ang! Chu thil chu thih ka hlauh tluk zet hian ka hlau em em bawk ani. Nilai ni leng in Pu Gina biak a, titi pui dan chu ka ngaihtuah a. Lung bang sut tlang tum ang vel zet hian a harsa ani. A mamawh tu zawk ka nih miau a vang in, beiseina sang tak nen ka nghak a. An kawt a, tlangval beidawng miah lo a țhu reng chu ka mamawhna a sang viau a ti niang. A tawp a tawp ah chuan ka tan hun a in siam ta nge nge a, ka be thei a nih tih lan tir nan chu putar khabe hmul sei em em chuan min hui ta zeuh a, ka lut mai lo! A chhan chu țawng ka thiam lo nen kawng ro a sut vak dawn loh zia ka hre chiang em ani. Ka tho vat a ka thleninpa ko tur chuan ka tlan ta nal nal a..

Chhuatlai ah chuan bawhkhawkherh in kan țhu hlawm far a, an khua in tin chuan chhuat an ti fai bawk a, chapal pheikhawk bun tlang chu thil tih chi a ni lo in, chu in ah pawh chuan kehlap in kan awm far hlawm a, kan țhu kual laih a. Eng emaw in thawina kulmuk tak khawih tur leh in thawi tur hi kana ang ber awm e. Dawi lam pang a tih tawh lo chhan te chu a sawi a ni ang chu.. Engmah lah chu ka hrethiam ve lem lo a, an ngawi leh vn te ka hmuh chuan chu putar chu a duh loh zawng leh theihnghilh tawh tur thil tam tak ka hriat chhuah thar tir leh a ni ber in ka hria.. Rei tawk fang a sawi a; a awmpui pa mi pangngai pha zan lo chu ka bul ah chuan a rawn țhut tir a, eng emaw hi a sawi a. A thusawi leh awmdan a țang chuan eng emaw chanvo mawhphurhna ka ko ah a nghat ni ber in ka hria; ka lu chu ka lo bu ve nghat a.. A Thusawi leh min hrilh zawng zawng te ka hriathiam lo a, ka thlen in pa chuan min hrilhfiah leh chhawng a, tun ah zet zawng vanneihna hi ka ta bik ni awm a, mawi a ni ta..

Thlen in pa chuan tiang hian min hrilh chhawng a; ngun tak in ka lo ngaithla a. Kan țawng a nal lutuk loh a vang in, ti hian keiman kan sawi chhawng mai a nge...

'Tun hma chuan dawi lam ah chuan thiam in, an khua mai ni lo, an ram ah pawh lar pha leh mi te pan leh an harsatna leh chin fel sak tu ber a ni țhin.. Chu tiang hun lai chuan tu vak mah a kawm in, țhenrual a pawl hman vak lo ani awm a! Mahse tet te a țang a, a kawm leh a țhian thlah thei lo a nei a. Chu chu Lianmung a ni a, țhiante zing ah pawh a thlah theih tawh loh na chhan chu a nu leh pa te hi mi nikhua vak lo, a tet lai a. In țhen an ni nghe nghe a, a pa bul ah awm in, a pa pawh chuan an rawlthar tirh hian a boral san leh a. Tumah belh tur mumal vak a nei lo a ni awm e, a vanduai tawh nak lai in, a rilru chu a vanduai leh zual a,a chhan chu mi hausa leh neinung zawk te awt mi leh thik mi a ni tlat chu ani. Hausa tur a an thawhrimna te leh an beihna chu entawn lo in, chu tiang ang mi hausa te dinhmun a awm chu chak tak te in, a chak ve țhin a. A dinhmun a țang chuan a awm ve reng ani, mahse mi bum te, a ching in a hausakna tur a nih phawt chuah tih hreh engmah a nei lo ani awm e. Pu Gina chuan a țhianpa chu a thil tih te țha a tih loh thu te, chu tiang ang chuan bei in lo hausa tehreng pawh nise; hlimna leh lawmna tak tak a nih dawn loh thu te, a hrilh in a sawipui țhin tak na chu a bengkhawn duh loh in, sumzawng hmun hran hran a kal leh mi bum chu a ai nasa mah in, a kal pui zawk tho ani.


Kum eng emaw kal ta khan a țhianpa chuan an khua ah hia țhian sumdawn pui tur a rawn hruai lut a. Lianmunga rawn hruai chu mizo keimah hnam ang hi a ni nghe nghe a ni awm e, he mi țum hian a țhianpa chuan dawi lam a, a san zia leh a lar zia a lo hre ve a, a hma chuan a țhianpa hnen ah nasa tak in alo in zep țhin in, he mi țum a, a țhianpa in Dawithiam anih a rawn hre chhuak chu pawi a ti nghe nghe ani. Mi tu in emaw an lo hrilh a țang a, lo hre ve a nih a ring nghe nghe ani. Chuan a hlauhthawn leh beisei ruk ang ngei mai in, a țhianpa chuan a lak ah beisei leh thil tih sak tur a. Ngen leh beisei a rawn nei ta nge nge a, chu lah chu dawi lam pang a lo tih tawh chu ni tho mahse, Dawi zawng a har ber leh sut har ber chi a rawn ngen in, a rawn beisei nghal chat a. Chu chu sumdawn pui tur ang a, a rawn hruai pa leh a hmel chu in thlak tir ani. Duh loh ang in țang nasa hle mahse a ngentu lam in.. 'A rei lo ang, kum khat hnu ah ka rawn let leh a nga; he dawi pawh hi kan sut leh ang' a tih vang chuan a tih sak ta nge nge a, chuan a țhianpa chuan mizo pa hmel ang chu a pu ta a, mizo pa chuan Lianmunga hmel ang chu a pu ta thung a; Mizo pa erawh a țhianpa duh dan ang in, mi pangngai pha lo in a rilru chu an siam chhunzawm ta a, a țhianpa Lianmunga erawh mizoram ah kum khat chiah awm tur chuan a liam thla leh a, Mizo pa erawh kum khat chiah ani bawk a ti in, Pu Gina chuan a țhianpa chua a lo awm pui a. Țhiante tan chuan ti in, chu mi pangngai pha zan lo chu a lo awm pui ta char char anih chu! Kum khat a chiah ti kha tun thleng in arawn la let lo a ni awm e.'


Kan thleninpa hnen ah khan Manga chanchin te, tlantei pa chanchin te, tun hma a tlantei pa mizia te engkim ka hrilh kha a nia, thleninpa chuan ka thusawi zawng zawng te chu Pu Gina chua a hrilh vek a. Chu tia engkim an hrilh vek tak ah chuan Tlantei Pa sumdawng a, a kal chhuah te nen chuan eng emaw thil chu a in kahpukchaw ta zut a! Chu vang a, Pu Gina chuan kei ngei paungkaw thlalak ka ken chu Pu Gina chu ka hmuh a. Ngun zet leh chiang zet in chu thlalak chu a bih/en a. Chuan in chu thlalak pa ber hmel ang ngei chu! A țhianpa in a put tak chu a lo ni ngei a, chuan chu Pa hmel dik tak neitu pawh tun a, a kiang a awm mek mi pangngai pha zan lo a, an dawi tak-a hi a ni bawk. Thil awmzia chu hrilh nawn ngai lo in a chiang ta tak zet ani. Tun ah zet zawng ka hmanraw țha ber chu ka nei ta! Tuna Champhai lam a, Tlantei Pa ang a awm chu ka tan a ka hmelma; tlantei'n hun rei tak a lo rinhlelh tawh ni bawk chu Lianmunga ni in, chu chu anih na diktak ani. Tin, Tuna Dawithiam Pu Gina bul a khawsa mek mi pangngai pha zan lo chu tlantei pa diktak zawk chu ani. Pu Gina chu a dawi sut leh tur chuan tih tak zet in, kan ngen a.. Dawilam pang a tih duh miah loh chu a awmpui mi pangngai pha zan lo leh keiman a khawngaih na ka dil takzet a vang chuan, ti leh tur chuan thu a ti tlu ta nge nge a. A maherawh chu a tih ngai vak tawh loh vang leh inthawina/Dawi lam a khawih tawh ngai loh avng in, a thlak leh thei in a sut thei ang tih min tiam thei bik lo a, theihtawp chhuah sak erawh min tiam a.'

A ngai te bawk in hunthar hma chhawn nan Ni thar chu a rawn in her chhuak leh muai muai a; Hun kal ta ten nunhlui an chan nan leh khuarei an chan na mai tur chu ani. Nidang ai a, a mawina leh duhawmna bik chu awm lo na chung in, ka tan chuan a danglam in, a mawi em em ani. Ni thar hun thar rawn her chhuak chu rei tak ka lo nghah hlelh leh beiseina sang tak nen a, ka lo nghah leh ka lo thlir țhin chu! Chu Ni ngei chu a ni si a; ka tan chuan a hlu in, a amawi lo thei lo, Pu Gina'n a dawi a sut thei hloh a nih phei chuan ka tan chuan chu lo liam a, lawmna leh hlimna tur chu a awm bik lo ang. Tlantei tan hlei hlei a, a lawmawm dan tur leh hlimawm dan tur chu ka ngaihtuah a, lawmpui a vang in, chu ni thar ka lawm em em chuan ka biang ah mittui min luan tir phah a! Tlantei Nu in kan ngaihdamna a dil tur leh a in chhir tur ka ngaihtuah sak phei chuan? ka khawngaih hnuh hnawh a! An chhia leh hmusit tak a, min țawngkhum țhin tu ngei in, ka ngaidamna a dil dawn chu ani si a! Champhai thlen hlan bak ka ngaihtuah lo a, kan in hmangaihna ti khawlo a, ti chhe khawbaw lek lek tu te hmaithing hawng chu hlih sak in a awm dawn si a!

Champhai lam pan tur in, kan in buatsaih a, tlantei pa chu ka pa ang hial in ka en in ka sawngbawl țan der a. Ka bual a, rimtui ka neih ang ang te chu ka chulh a, a hmel dik tak leh nihna dik tak a neih hun tur mawlh ka ngaihtuah sak a, a lawm ve bawk a niang; a kut te chu chung lam ah a phar leh vak țhin! A khat tawk in, kut te chu a beng leh nghek țhin! Kan thlenpa chu lawmthu ka thiam ang tawk in, ka hrilh mawlh mawlh a. Chaw kan ei a, chaw ei kham lam ah chuan champhai lam pang pan tur chuan kut vai lauh lauh chung chuan, Vanphai khua kan chhuah san a...

Ka miphurh lah chu a au leh ruah ruah țhin; eng vang a hlim nge a nih ka hre lo , kei a phur tu lah chu ka hlim ve em em bawk a, chu a nun hlimpui em em manganna leh rilru hah na nei ve lo awm tak; nun chu ka awt ru ang reng zawk. Ka hlim ngang a niang. Ka hriat loh lai in, ka lo nui leh vur vur țhin, a lo chet ve sek vang erawh in, tlan chu a sawt lo in, rilru hmanhmawh nen chuan a in mil lutuk fahran lo. Hauh leh hrilh in awmzia a nei vak lo a, a zun chhuak vang ni miah lo a, ding tur a min ti reng țhin erwh a ruk tak chuan aninawm duh deuh. Kawng lak ah sawi tawh ang khan kan tlan chak thei lo nen, Vanphai leh Zokhawthar in kar khaw pakhat ah chuan kan riak ta nge nge a, hmel hriat leh pan mai tur kan hriat loh a vang in, an khawtlang hruaitu te kan pan leh tawp a! Rin ai in thlen in kan nei fuh leh zek a , ka mi phurh ka pa ni mai tur chu a bo leh ka hloh ka hlau em em ringawt a! A kal na piang ah ka zui chawt a, a awmna piang ah ka awm tawp a, ka pa lak a ka tih ngai tawh miah loh a kiang ah hial mutpui in, a mut thilh hun thleng ka nghak a..


Tui tak in, a muhil ta maw tih ah chuan mut thilh zai ka rel ve a, pathian hnen ah lawmthu sawi ia ang mai a ni asin, a lawm a ho in, a thil duh pawh a ho lutuk ringawt. I Pa hi duat tak leh hmangaih tak a, enkawl pui che ka in huam lutuk asin' ti in, ka phun sep a. Ka kiang a tlantei Pa tui tak a, mu hil bawrh bawrh chu a chal ah zut in..

'Ka Pa a harsa in, a hreawm ngawt ang tiraw? I chhungte chuan an lo lawm ngawt ang che.. Fanu țha tak min pek a vang in, ka lawm lutuk ania. I Fanu Naupang zawk pawh i la hmu ve awm si lo a! A ni pawh a puitling ve tawh viau asin, i hmangaihna pawh a la dawng ve miah lo ania aw.. Nangmah hmangaih em em tu che; a hmangaih em vang che a, mitdel lek lek i nupui khu hrethiam la. A thil tih te vang in ngaidam ang che' ka ti a....

A ngai te bawk in, Champhai lam pan chuan kan in phur leh ve leh a.. Nimin lam kan tlan boruak nen a danglamna ka hre lo, mahni style ngai te te in kal kawng ah hun kan hmang dun leh a, kawng zim lutuk a, kan buai nak nak te chu a tan chuan hlimawm tak hi a ni ringawt! Ka nu ve leh nge nge țhin..
Tu ah zet zawng Mizoram a lang ve ut tawh a, a hlimawm tak zet hi a ni ringawt! Naktuk mai hi tlantei te inneih ni an ruat kha a ni tawh a, engkim fel tur leh misual ten an sual man an hmu tur chu ka lawm in ka hlim tak zet a ni. Tlai dar 6:00 vel ah Țiau kan thleng thla a, kan bul lawk ah chuan Mizoram leh Myanmar inrinna Țiau Lui a luang ruah a, Lei a in dawh ruah bawk a. Kan tlan rei ngar ngar bawk a, taksa erawh a sil khawp mai; Thawk lak sek ka mamawh ve aniang, kan piah a chuan zun ram thiar tur in, ka peng ta thuai a...
Ka let leh erawh tlantei pa hmel hmuh tur reng reng a lo awm tawh lo tlat mai le! Khawi lai emaw ah a kal sawn lawk mai a nih ka ring a, ngaih țhat loh na em em pawh ka nei hran lo, ngaih țha deuh chuan ka lo nghak mai a! Vanphai khua a, kan thlen in pa in an zial Sikhaw(ng) min pai chu ka zial a, ka fawp khu talh talh a. Ka zuk zawh pawn rawn lan tih reng reng a awm si lo. Kan chanchina tlantei hrilh hmasak kan tum ngawt a! Signal lah chu a lo awm i khaw lo leh ta nghal a!

Hlauhthawnna in ka khat a, Țiau khua ah chuan kan phek zawn nghek mai a le... A van dah lah chu awm lo zawn ang vel ani, țan lak a han zawn vak dan lah chu vang ang reng bawk sia. An khawtlang hruaitute chu Information a, min puan sak tur in ka ti ta ngawt a! Mi Bo an awm thu leh lo hmu an awm chuan chu mi hnen ah chuan sawi tur tih an rawn puang dup dup a. Chaw kan ei na a rei tawh vang in, in hnawh puar tum in hotel ah chuan kan chawl ve bawk a. Rilru dang leh ngaihtuah dang ka neih vang a ni chek ang chu! A lem hian ka lem thei der lo leh nghal!
Chanchinthar lam ka beisei reng ru reng a, a reh hian a reh tlawk tlawk mai si! Beiseina sang tak leh thinphu dep dep chung in, chu zan Zirtawp zan chu ka hmag ral a, rei lo te ka chhing sak a. Ka harh meuh chuan Tlantei pasal neih ni tur chu a lo in her chhuak ùt tawh a.. 'Aww tinge? Hlimna leh lawmna hian min kian san mai zel bik le? Tlante tun ah zet zawng engmah tih theih ka nei tawh lo tak zet ani. Ka Pa tun ah hian i fapa hian a mamawh tak zet che sin! Min mamawh hun leh puih ka ngaih hun ah chuan i tan ka awm reng țhin i ti lawm ni?' ka ti niap niap a. Ka bul a Dawhkan chu ka bawh thlawrh a, ka mittui chu dan rual loh in, ka biang ah chuan an rawn luang ngiai ngiai a..

Sana ka en a, Dar 7:30 am lai a ni tawh.. Dar 10:00 ah Vengsang Biak in dar chu a ri bàwng bàwng a nga; chu dar ri chuan Tlantei leh Manga inneih ni. Pumkhat a, an in siam tawh tur mipui te koh khawm nan a, an khawn rik ani ang.. Engmah thil thar leh hmasawnna a la awm chuang lo! Ka in siam a. Zawn vak ngaihna ka hrelo nen, nih nih ni tur in champhai lam a, Inneih hun nang hman tur chuan rilru ka siam fel ta zawk a! A chhan chu Tlantei'n ka chung ah rinna leh beiseina sang tak a nghat a. Tun ah hian a thi nge a dam pawh ka hre lo a tin ni. A nunna hial a lo hlut zo lo ang tih ka hlau in, a ruang ka han kil hial ang tih pawh ka hlau hlel lo e. Ka bike chu ka start a, Champhai lam pan tur chuan Țiau lei chu zawimuang hian ka zawh phei țan a...


Zokawm tlat in ka hre tlat pek a! Han tlan vawk vawk mai ka hreh ve nen, ka rin chu a dik nge dik lo tih fiah tum in, ka leh hawi thuai a. Patling pakhat hian au vak vak pha in, min lo vai lauh lauh tak tak hi a lo nia; Ka in her thut a. Chak mang khen in ka tlan let ta vak a! Mibo an hmuh thu leh ka mizawn a ni nge ni lo tih finfiah tur a, min duh thu a sawi a. Mibo awmna lam chu kan pan ta thuai a....

Ka mi zawn ka mi bo ngei chu a lo ni. Chair ah chuan a lo nui khi var var a, Nuih pui var var tur in ka thei lo! Ka lawm em a vang in ka țap hi ani ber! Ka pan hnai a, ka kuah chawt a..

Țah aw țiau hian 'Mawla...... Min va ti mangang tak e aw...' ka ti ringawt a! A ni lah chu a nui vur vur a!
A hmu tu te chuan an hmuhna te an sawi in, min hmuh sak a vang chuan an in ti thei ve deuh nge ni? Kei lah ka hmanhmawh ru bawk nen, an thusawi chu ka bengkhawn em em lem lo in sana chu ka en leh țhin...
Lawmthu ka sawi mawlh mawlh a,
Ka Bike ah chuan kan lawn dun leh ta a, 'Bo tawh reng reng suh aw.. Ka tlan vak dawn nia; In dawm nghet rawh" tih leh tlan nghek chu ka rual a...

Champhai vengsang Biak in pan chuan kan tlan chho vàwk vàwk a, biak in kawt ah chuan kan in hung chawt a, Mawitei Pa lah chuan a kut beng in a ban a vai lauh lauh a, hman a, a veng ni țhin kha tun ah chuan thil thar leh hmuhnawm a ni tawh tlat ani. 'Aahh ahhhh..... ' ti phah chuan a kut vel en tur chuan min ti a. A taksa țhenkhat te chu a danglam a ni tih chiang tak in ka hria a, Pu Gina chuan chu Dawi chu sut tum in, țan a lo la tawh ngei a nih dawn hi ka ti a. A kut ah chuan ka kai lawp a! Biak in chhung lam a, lut tur chuan bal paw the thawk chuan kan in zui lut a...

Mihring chu an lo khat tlat a, Mo thuam nen in thuam a, ding mek chu tlantei ngei a ni tih ka hre thei nghal a; 'A la dam...!! ' ka ti ringawt a..
Kan in kai phei dawr dawr a, Mipui lo awm te chuan min en duh in, ka awm dan leh khawsak dan chu mak min ti tak zet ani.. Lecturn ah chuan thusawi tur chuan ka ding hmak a! Tlantei Pa (A pa lem) leh A Nu Manga te chuan mak ti tak in min rawn en hra hlawm a. Inneihtirtu tur pawn min hà ringawt a.. Lecturn chu ka pawt hnai te te a... Ka aw chu ka thian karh a..

'He Inneihna hi bumna leh in tih derna mai a ni. Tun ah hian tih tawp nghal ani e. Heng zawng zawng thlen theih nan a, thluak leh in bumna hmangtu misual pahnih te pawh hi a na thei ang ber in, hrem an ni bawk ang.'
Coat suit nen a, in duang zah Mopa ni mai tur leh Makpa țha tak nei mai tur a, in puahchah ve mek-a te chu ka kawk va va a... Tlantei Pa(Lem) chu ka kawk a..
'Tun ah chuan i nih na tak tak ka hai chhuak in, I phu tawk hremna ka pe ang che.. Mi chhungkua bum a, Hreawm tam tak i tuar tir a, i thlen tir avang in.... Nagpawh Manga I kal thui in, I thleng thui tak meuh meuh ani.. Tun ah chuan ka lawmpui ve tawh a che.. Hman min lawmpui ang chiah khan ka lawmpui a che..

Vawin a rawn kal te u. Tiang a, ka awm avang hian min hrethiam ula, Biak in em em zah zo lo min lo ti pawh a ni thei e; Mahse vawin a rawn kal te hian he mi te pahnih nihna dik tak hriat hi in phu tak zet ani! An nihna dik tak puan chhuah na tur hmun hi min zawt ta se. Biak in lo chu ka thlang bik kher lo ang; Tun a ka kiang a ding mek hi, Monu Laltlanmawii Pa dik tak a nih hi! Kum eng emaw zat liam ta a, Vengsang Pa a Pa fel leh mi te entawn țhin, Pathian țih mi khawtlang leh kohhran tan a, țangkai em em Pa Ngei kha a ni e. He mi te Pahnih hian, An ni chhungkua hi an ti khawbo zo in, An ni vang hian hringnun hreawm tak in, an chhiar phah si a!'

Tlantei chu a awmna țang chuan ka kiang ah a rawn tlan chho a, Min rawn kuah chawt a! A Mittui a rawn tla zawih zawih a. Țah aw pur hian, 'Mawla...... Nangmah vang hian ka nunna hial ka hloh țep asin! Chuan nangmah vang tho a, ka hmel hmuh leh thei mai mai i nih hi aw...' Chu Biak in, Pathian fak a, kan kal khawm a, Pathian hnen a. Chak na kan lak thar leh na țhin ah ngei chuan ka hmangaih tlantei hnen a, Chakna ka neih leh zual nan, ka pawm nghet sauh a! Mipui te bik hauh lo ang le...
Min kuahna a duh tawk a, Tun ah zet zawng kan kiang a, lo ding ve reng pawh chuan ama nih na dik tak, a lo pu ve reng tawh a! A awmdan leh hawiher a țang chuan a rilru erawh a la pang ngai zan lo ani tih ka hria a.
A Pa dik tak a hmu leh bak a, hlimna tur chu enge awm chuang ang le...
'Ka Pa.......... Ka Pa........ A hreawm em?...... Pa...........................' Engmah a sawi thei tawh lo. A pa dik tak a hmu leh chu mak tihna leh lawmna in a khat a. A pawm vawng vawng a,.. A pa lah chuan engmah a sawi ve lem lo! Kei ngei pawh ka mit a țang chuan Pafa kum tam tak in hmu tawh lo leh in tawng tawh lo ten, Chu tiang hun an hma chhawn ka hmuh chuan ka mittui chu ka dang zo bik lo asin!

Ka kiang ah chuan in thla hrung tak in, Tlantei Nu leh Puitei chu an lo ding reng a, An hmel a țang chuan mak an ti tak zet in, ka hria. Puitei chuan a U in țap hnap a, a kuah vawng chu mak ti tak in a en reng a. A pan hnai a engmah sawi lem lo chuan A Pa dik tak chu a kut ah a dawm sak ve ringawt a......
'Rinpui... Min ngaidam rawh aw... I Ngaihdam tlak ka ni lo anih pawn, i hriatthiam na sang ber ka dil a che...'
Ka hma ah chuan a țhingțhi a, a mit a țang chuan mittui a tla zawih zawih a!
'Ka Nu ka ngaidam i ngaihna a awm reng reng hleinem.' Ka kai tho a.. Biak in chhung a mipui awm te chu ah reh țhuap a..

Misual pahnih a te pawn an nihna dik tak an hmel kha an pu leh twh a, An tan tlan chhiat ngaihna a awm tawh lo. Coat nalh tak ha ve ang mahse, an nihna dik tak an put leh tawh miau a vang in, an hmel nen chuan a in rem tawh lo tak zet ani... Kohhran lam hruaitute rem hriat tirna zar ah Police lam in, chu Biak in chu Kut kawl nen chu biak in chu an chhuah san a. Kei ni pawh tlantei te in lam pan tur chuan kan chhuak chhunzawm a. Thil thleng leh awm dan chu a mak tak zet zawng a ni e...

Tun ah zet zawng Police lam te hnen ah Voice Recorder te, Lawmkim Lehkhathawn te ka pe fel a. Manga Nau thihna ta min chhan chhuak tu pawh ka ngenna ang in, a unau pa chanchin zawng zawng chu Police a rawn hrilh ve bawk a, A sumdawnna te an chhui a. Hman a țang tawh a, hmeichhia hna țha tak thawh tur ang sawi hmuh a. To tak tak a hralh țhin a lo ni a, Hmeichhia nungchang țha tak tak leh rilru țha tak tak eng zat tak sumdawn nan lo hmang țhin tak ang maw? Mi chhungkua engzat tak lo bum tak ang maw? Hunrei tak chhung tlantei pa thawh chhuah nawm chen nan a, lo hmang tawh pawh tun ah zet zawng Hmel tar leh ro rip rep a ni tawh a.. A fa pai tu ka țhiannu Lawmkimi that tu a la ni leh ta zel a, An pahnih chuan Dam chhung Lung in tang tur a tih an ni a, 'Sual man chu thihna' la thi em lo mahse, An hringnun chu a thi tawh tak zet ani..



Ka in luah kawt ah chuan mi an ze nuk nuk a, ka nui leh țhin.. Hun harsa tak kar a, hlimna thuruk a awm kha ka ring țhin a, harsat leh beidawn chnag ber pawn ka beiseina mei chu ka chhem alh țang țang a, tun ah chuan hlimna leh lawmna te ka ta an ni ve ta!
A tuk 13/10/2015 hi kan khua a tlantei nen kan inneihni tur a ni a, mo hruai tur chu kan in ah mahni buai buai in, kan buai ve hlawm a.. Ka phone messege tone chu a rawn ri tlnag a...

'En teh... Ka zam ve deuh anih chu
...'

'Hmm... Eng maw? Ka en ngawt ang? :-)'

'Naktuk hi ka nghak hlel bawk sia, Ka mumang mai mai ani ang a tih ka hlau e...'

'Tlante kei deuh hian ka mumang mai mai a ni ang tih hi ka hlau ania aw.... Țha deuh in aw... Ka hmangaih che...'

'Kei pawn a changtupa hi ka hmangaih tak zet ani... :-* '


Panlai leh senlai nun ka lo hman ve na țhin, Sephung laih a țang a.. Internet khawvel thleng a, ka lo dai leh ka lo tawn na. Kan vangkhua ngei ah chuan Dam chhung a, ' A nuam ah emaw, a hreawm ah emaw' ti in, pumkhat ni tur in kan in tiam a. Kan inneih hriatpui tu tam tak rawn pung khawm tu te hmuh ah chuan kan inneih nemngheh nan, a kut no zet leh zum zuih nalh tak ah chuan zungbun ka bun tir a... Tlantei Pa lo lawm dan te, a nu ka lak a in thiamlo lutuk kar a, a hlim lutu te, ka nu leh ka chhungte lawm lutuk te chu ka hmuh hmaih si lo! Lawm avang in ka biang ah chuan Mittui a rawn luang leh țhin.. Min inneih tir tu phal na thlap in, Chu Biak in ah chuan tlantei hmui ah chuan uluk tak in, ka fawp a....

A tawp ta..



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)