MUANZUALA--10

Episode kal lai dah luhna

Moderator: writers

Ramdinsangi Ralte
Posts: 158
Joined: December 2nd, 2018, 4:10 pm

MUANZUALA--10

Unread post by Ramdinsangi Ralte » May 19th, 2022, 8:58 pm

In chhung ka pen luh rual chuan "U, zanin chu ruahin sur nasat atum aniang, kawlkil lamah khawdur arawn in lumlet tup tup a, ruah asur pawh hian thli hi chu tel lo hramse ka duh e, kanin hi atar ve tawh sia ngaih hi atha thei thlawt lo" ka ti lut lawng lawng a.







"Tunlai chu ruah thimpui haw hun lai ania, kei nin kan duh kan maka sik leh sa hunbi te hi kan tihdanglam theih nimiau hek lo le, mate tukverh vel te kha inkalh thalo te alo awm palh ange han enkual teh" mami pawh chuan alo ti ve vat a. Ka u hmelah chuan engmah chi aina pawh ka hmu ve lo a, a sawi ang chuan tukverh vel chu ka enkual zung zung a, engmah kalh that ngai a awm lemlo bawk a, choka lamah chuan thleng sil turin ka phei zui nghal mai a.







Thleng ka sil chhung chuan mami chuan thingpui a lo chhuang ve rak rak a. "Mate tunlai hi joshua hi avan reh em em in inhau em ni? Arawn tih chuan ka thil tih lai chu ka chawl dat a. "Nia tiraw, tunlai chu hnalam ah abuai viau ani awm e, zanlam ah in lama khawihzui ngai hna anei ani awm a, kar leh lamah chuan ninawm khawpin arawn lawr leh zut mai ang" nui vur vur chung chuan ka lo ti ve hliai a.








"Z-a pawh hi areh zui ta hmak a, joshua nen khan an inmil vak silo a, thawk leh khat ah anreh dun daih sia, ka hriat loh hian buaina te hi anlo nei ani mai lo maw te ka lo ti rilru mai mai a" arawn tih leh chuan thil ka hrechhuak zawk a.







Muanzuala'n an inthen chhan dik tak zawt tura min tih kha, tun hi zawhna hun remchang tak anih ka ring a. Ka thlengsil ka remfel zawh chuan ka kut chu ka hruhul thuak thuak a, chaw ei dawhkan a kiu nghat chunga mami thingpui hang inna bulah chuan ka va dinchilh sauh sauh a.








"U, thil zawh tur che ka nei a, tun tum chu thu zep neih a theih tawh loh ang" ka ti nghal thawr a.
Mak tih hmel fe chuan mami chuan minlo en nghal haw a. "A van mak thin teh tawp ve aw, enge ilakah hian zep tur ka neih a? Engthu nge min zawh tur ineih chu han sawi la?" Pangai tak chuan alo ti ve mai bawk a.








"Englo ania, hmanzan khan muanzuala nen kan inhau deuh a, in nupa inthen chhan ah hian thiamlohna ka nei lo atia, chubak ah i u kha ka then lo a, amah zawkin min then ati bawk a, in inthen chhan thu dik tak chu nangmah hi zawt tur che in min hrilh bawk a, enge thu dik chu ka hre ve duh ani, ka lakah hian engmah i zep angai lo, idik lohna pawh nise kei hian akip akawiin ilam ka tang dawn tih hretel bawk la" ka tih chuan chawp leh chilhin mami mitmeng chu abuai deuh naka.







"Mate, z-a chuan chutiang chuan ihnenah asawi tak tak amaw? Kan nupa inthen chhante chu thildang ani hleinem, z-a te chhungkaw dinhmun leh kan inchhungkhur dinhmun inthlauh zia chu sawi pawh ngailo in ihriat ve tho kha, z-a hi ka pum chhunga naute vang choh a nei ka nia, a awmzia chu mi ten ka fa hi sawn antih ka duhloh vang choh in, ka duhthusam ang chuan thil a awm tawh a ka rawn let leh ani mai, chubak inthen chhan sawitur ka neilo" arawn tih chuan ka lo thaw chhuak hawk a.








"Tinge neiduh tak tak silo chuan ichetsualpui kher a? I thil tih hian nghawng thui tak anei dawn tih ingaihtuah ve miahlo em ni? Ka rawl chu aring tha kher mai, mami pawh aphu nasa ngang mai.






Ka u thusawi khan min ti lawmlo em ani, kei hian tihtak zeta muanzuala hi ka hmangaih mek laiin, ani erawh hi chuan duh tak tak silo in alo chetsual pui a, keiin hnaih ka chak em em lai hian ani chuan afa sawn ti a mi ten ansawi loh nan pasal ah alo nei lek choh a. Hetiang leh tur si chuan tinge alo hnaih, ani in aduh loh hnu bawlhhlawh ang maia apaih leh mai mai hi kei hian ka thinlung atang hian ka paihbo ve thei lo asin.









"Mate, min hriatthiam tum hram teh! Kei hian thil ka lo tisual reng alawm, chuvang chuan z-a hi haw tawh suh, ani hian thiam lohna engmah anei reng reng lo ania, ka lakah that achhuah in pasal anihna pawh tha tak in ahlenchhuak bawk a, a laka ilo thinrim chiam chiam hian eng kawng ro mah asu dawn miahlo ania, ka sawi fo thin ang khan kan unau hian hmalam kan pan angai mi dang ngaihtuah buai angai lo" a rawn ti leh duah a.








"I lo nunrawng hlemai, hmangaihna hi fiamthuna chi ani lo asin, hmangaihna hi azahawm a, mi tamtak nun ah hlimna athlen rualin, chhiatna pawh athlen thei bawk a, midangte nun infiam nan a hmangtu hi avawikhat nan ka unaunu ini hi ka inchhir khawp mai" ka tawng zawng pawhin ka mittui chu a parawl kuang tawh.









Tun a ka awmdan hi ka sawifiah thiam lo, ka mipa duh em em min neihsak tawh a, ka unaunu ani a ahlimna tur anih dawn phawt chuan tiin rilru na tak chungin ka pawmlui hram hram a, chutah ani hian anei leh peih tak tak silo a, tunah hian muanzuala hi then sawm sarih mahse ka tan hnaih theihna kawng a kaw tawh reng reng lo, miten mahni unaunu te pasal hlui nena inzawmna nei chu eng angin nge min hmuh tawh ang? He tiang em em hian ka u chungah hian ka la thinrim ngailo, a rai thu min hrilha ka thinrimna ai khan tun a muanzuala laka arilru puthmang hian minti thinrim fe zawk.







Engkim apawi tawhhnu a ka tihpalh tih thumal sawi nawn fo hian eng kawngro mah asu tawh reng reng lo. "Mi hlawhtling tak ka nih theih nan a chakna leh beiseina min siamsak thin tu chu, muanzuala hi ania sin, he khawvel mipa heng zozai zingah hian tinge ka mipa hmangaih awmchhun kher kher hi ilo thlemthluk" tih khum tuar tuar mai hi ka nap a. Tun ah hian ka in thunun anih loh chuan, ka u hma ah hian muanzuala laka ka rilru puthmang hi ka puangchhuak mai ang tih ka hlau ani.








"Mate, hetiang thilthleng ah hian ka thiam loh ni tho mahse min dem vek bik thei lo ang. Z-a nen a kan inkar thu hi atir te atangin hre velo la ka duh. A chhan chu z-a nen hian a der pawhin kanla in ngaizawng chhin ngai hauh lo miau a, he ka pumchhunga naute hi tihpalh vang liau liau in alo insiam a, kha vawikhat lek chetsualna khan nghawng thalo tak rawn neichho in, induhna pakhat mah tello in nupa ah kan insiam angaih phah a, z-a bialnu neih thu ka hnena isawi thin lai pawh kha ka hrelo ani bik reng reng lo a, a hming choh a ka pasal anih vang khan ka haider lui mai mai alawm, ka mualpho lutuk loh nan a hmangaih miah loh chu nupui ah minla nei duh hi ka lawm em em zawk asin" a rawn ti tham tiak a. A hmel ka en chuan alungchhe hle ni in ka hria.








"A tirtê atang khan dawt hlir min hrilh a, inhmangaih ber awm ang tak khan lem ichang bawk a. A hmangaih lo che anih pawhin anupui ini tawh a, inneihna in aphuar tawh miau cheu avangin, pawnlama hmeichhe dang va kawp kher kha atul reng reng lo, thil kanlo ti sual anih chuan kan tihsual man chu huaisen takin ka tuar mai tur ani, nang pawhin pasal atan inei tawh anih chuan hetia beidawn san leh mai mai lo hian ahmangaih theih nan che itheihtawp ichhuah ve tur ania sin, fahrah nih rapthlak zia chu nang leh kei tluka hrechiang tu hi an awm dawn chuang em ni? Muanzuala nu in naute a pawm loh zia lah ati lang chiang viau si a" ka tih khum bawrh bawrh a.







kan in chhungkhur ah chuan lungngaihna chhumpui hi azing khat mup nimai hian ka hria, kan boruak ipik zet belhchhah tur nihrim chuan khawpui arawn ri zui dur dur a, rei vaklo ah thli pawh arawn thaw nghal vuk vuk a.








Ka hriat theih chinah hetiang tak hian kan unau boruak hi a la chhe ngai hauh lo, kan pahnih choh kan nih tawh vang hian kan theih ang chin chin ah kan in ngaihsak tawn em em thin kha ania, mipa pakhat vangin ka neihchhun ka unaunu lak ah hian hetiang tak hian ka thinrim thei ang tih hi mumang ah pawh kala mang phan chhin eih lo.






Muanzuala ka duhna hian min bual â zo tawh ni berin ka hria, a thiam lohna ni miah loh ah ka u lakah ka lungawilo em em chu ania, ka hma ka sial luat ah ka u anun zawng zawng ka tana hlan fai vektu lak ah hian ka lungawi lo bawk a. Ka inten ru ngawih ngawih tawh.









"U, kei hi awmlo ila chuan hetiang dinhmun khirh takah hian idin angai hauh lo tur hi ania, ka tan mi hnuai ah i inhlawh angai lo anga, kei hian itan enge ka tih ve? Kei chuan ilungngaihna bak ka thlen silo che a, inuna vanduaina itawn zo zai hi keimah vang vek ani, u min ngaidam rawh aw, tun atang chuan nang leh kan naute tan hian ka phak tawkin hna ka thawk anga, nuamsa takin ka siam ngei ngei ang che, kan unau hian midang kan mamawh reng reng lo ania, khawvel hian min hnuchhawn mahse, nang leh kei kannih chhung chuan tudang mah kan ngai bik hauh lo ang" a hnung lam atang chuan ka zuk kuah a, ka kut chu rawn vuanin lungchhe em em hian arawn tap chhuak zui hawm hawm a.










"Mate, ka tan hian ihlu lutuk asin, nuamsa taka ka siam theih loh vang che hian hreawm ka ti thin, nang hi ka nunna tlukin ka tan hian ihlu a, rilru hreawm tak a ka awmtir thin che vang hian i u hian hreawm ka ti thin asin, dam thlakhlelhna reng reng neilo a ka awm lai pawhin ka hma ah hian ilo awm thin a, nang hi ka chakna hnar ini reng thin, mate he ka nun buaichuar tak hi engtik ah nge a tawp ve ang? Tûma min tihbuai theih loh na hmun ah rilru thlamuang taka chawlh hahdam ka chak ngawt mai, khawvel ah hian thlakhlelh tur reng reng a awm silo a, he khawvel hi chuan natna lungngaihna leh buaina bak min pe ve miau si lo a, he lei ah hian fahrah leh vakvai turin tinge kan lo pian bik kher kher le?.









Mami hmel a lungngaihna rawn lang zut zut ka hmuh chuan ka inthiam thei ngang lo, engvang tehreng a kha zawhna kha lo zawt ta kher kher nge maw ka nih phiangsen le? Thil zawng zawng hriat vek tum atul loh zia ka hmuchiang ta khawp mai, kei hian kawng engkim ah ka u hi ka ring tlat tur kha ania, muanzuala ka duh lutuk na lam ah hian boruak ka chawk buai zo leh vek chu anih hi.








Thli thawin kan in arawn chhem nghing tak lawih lawih vang chuan, hlauthawng fe chuan kan unau chuan kan in melh dun tlawk tlawk a, ruah bawhawk chu la sur lemlo mahse kawlphe leh khawpui ri ringawt pawh chu rap awm tham ani. Ka phone sana ka en chuan zanriah kan eikham choh emaw ka tih laiin, zan darkua alo ri tep tawh a.







"U, kan mu tawh mai dawn em ni? itaksa khan hahdam amamawh ania" ka tih chuan a hmai chu a chul thuak thuak a, muangchang in room lam pan a aphei chu ka thlir zui dauh dauh a, mut hma in ka hmai vel ka phih leh te te a, mu tura room lam ka pan ve meuh chuan ruah pawh arawn sur zui buan buan a, zep loh chuan ruahsur hi ka ngaina hauh lo, kha accident rapthlak tak kha ruahsur nasat vang a thleng ani a, ruah kha sur kher lo se chuan kha chhiatna kha kan pumpelh ni mai tur kha ania.








kan pindan chhunga ka luh chuan mami pawh alo mu fel leh diam tawh a, mut ve nghal mai tum chuan ka inthlak zui nghal mial mial a, ka inthlak fel mut tum a khum ka pan lai chuan current arawn thim zui thuap a, ka phone chu hmet eng in choka lama mombati kan dah chu ka va la chhi leh a, kan khum sir a dawhkan ah chuan bati chu ka chhi a, ruahsur vang nge boruak chu athim tha ngang mai.








In be tawh lemlo chuan mami sir ah chuan ka inthawlh zui ve mai a, kan kawmthlang a theihai kung chu thli thaw in a chhem ri hum hum a, a khattawk in kan inbang chu arawn vaw ri leh pawp pawp thin te chuan minti phu leh zawk thin a, thli leh ruah sur karah chuan kawlphe leh trek ring taka arawn tlak leh thin vang chuan ka phone chu ka off ta ringawt a, pawn lam thawm arin em avang chuan inbe lo chuan kan mu ngawi reng a, ka hlauh rilruk teh lul nen ka lo muhil daih hi alo ania.









"Mate, mate" ka dara rawn sawi dawt dawt chunga mami'n min rawn koh chuan chiang lo ruai hian ka harh a. "Mate, tho vat teh nau ka vei ania" arawn tih nawn leh chuan ka harhchiang tawh ngang mai.










"U, nau ka vei itia mi? tih leh thut chhuah chu ka rual a, kan inchhung chu a lo thim thuap tawh a, ka bati chhit a lo ral vek tawh anih hmel khawp mai, lukham hnuai a ka phone dah chu ka dap zui rak rak a, kut khur dar dar chung chuan ka on nghal vat a.







Ka phone ka on rual chuan mami khum mawng lama lo bungbu reng chu ka chhun nghal vat a. "U, engtin nge kan tih dawn? Tinge min kaihthawh vat loh a? Ka chi ai lutuk vang chuan tih hmasak tur ber pawh ka hre lo a, khum atang chuan thochhuakin mombati dang chu ka chhi leh te te a, ka lo rilruk dan chuan taxi koh a damdawiin lam pan mai chu ka tum a, engtik hun ah pawh nau neithei mai dinhmun a kan din tawh avangin kan veng ami, pa sanga chu zanlai ah pawh koh mai theih turin ka be lawk diam tawh tho a.








"U, lo tuar hram hram rawh a, pa sanga ka call anga damdawiin ah kan kal dawn ania" ruah sur nasat em avang chuan tawng rin angai khawp mai, pa sanga call tum chuan a number chu ka hmet chhuak nghal vat a, signal reng reng a lo awm miah lo anih chu.








"U, signal a awm miah lo ania, engtin nge kan tih dawn? Ka mangan zia chu ka thup thei tawh ngang lo. Zan dar sawm pakhat a pel va tawh a, pawnlam ah thlipui leh ruah nasa tak in a sur mek bawk a, engthil emaw tak ka ti vat anih loh chuan mami chungah hian thil thalo a thleng ah tih chiah chu ka ngaihtuahna ah a awm tawh miau a.










Mate, chi ai lo khan inti pachang rawh, signal pawh chu lo awm ta tehreng pawh ni se, tunge tunang khawchhe hnuai ah rawn kal peih reng reng anga, gas ah tui va lum la, nangman naute chu ichhar mai angai dawn anih hi" arawn tih chuan ka lo ding khawng reng ringawt a.








Kei hian ka u nau hi ka chharsak ang tih hi ka lo ngaihtuah chhin ngailo hrim hrim, rilru mumal pawh pu thei lo chuan choka lamah chuan ka tlan phei rawk rawk a, tui ka chhuan chhungin nau puan leh nau neihna a pawimawh tur awm a ka rin chu ka chhawpchhuak zui mawlh mawlh a.







"U, kan thenawmte ka va pun mai dawn em ni? Nu pari ka va kaitho mai ang chu? Kei ai thlawt chuan hmangchang pawh ahriat ngei arinawm a" ka tih chuan a rawn thaw chhuak hawk hawk a.








"Mate, engtin nge thlipui leh ruah sur karah hian ichhuah theih anga? Tun ang boruak a pawn chhuah chu thi tura in pek nen a inang reng alawm, lo hnai teh, nang hi ka ring tawk che, kan naute hi tha tak in ichhar anga iti thei em em ang" arawn tih chuan a fiamthu anih ka ring rum rum tawh.







A hnungzang chul sak chung chuan ka hnem pah mawlh mawlh a. Phal lo engang mahse thenawmte pun tura ka chhuah ngei chu angai tih ka hrechiang hle bawk.







"U, imu thei angem? I awmdan hi siam rem deuh ang aw" ka tih chuan lukham awmna lamah hian arawn bawk vak chho a. "Mate, ka hnungzang hi ana lutuk rawn chul rawh" atih chuan rang takin ahnungzang chu ka lo chul sak zui hauh hauh a.







"U, thenawmte chu pun mai ang, hetiang ringawt a awm chu adik miah lo ania, engmah chinchang kan hre bawk si lo" ka tih leh pawh chuan midang tihbuai chu a duh der lo leh nghal a. A nau vei nâ tiluk chu athlan phung tawh a. "Nuam itih ang ang khan awm tawp rawh" atlan hruk sak mawlh mawlh chung chuan ka ti mawlh mawlh a.







Chhun lamah pawh nau vei tur ang in a awm bawk silo a, thil thlendan teh thut chuan min thawng tih bak sawi ngaihna ka hrelo.








Choka ah chuan phei in ka tuichhuan chu ka va off a, tukverh parda chu keu in pawn lam chu ka va bih a, boruak chu athim tha mup mup kher mai, kawl rawn phe leh zuai zuai thin chuan mit ati vai rum rum thei. Thenawmte pun tur a pawn a chhuah tum chuan ka infuih sauh sauh a. Zamlo tur chuan ka infuih ru ve mawlh mawlh a.







Nihliap chu la chhuakin ka phone chu ruahin atih huh loh nan ka tuam tha leh te te a, kawngka ka hawng rual chuan thliin a rawn chhem nat em avang chuan ka hawng lawk thei lo leh nghal a, zep loh chuan ka hlau ve tak zet, mahse tun dinhmun ang ah chuan hlauh a sawi theih loh, min tanpui turin mi tu emaw tal ka koh ngei angai miau si a, ka nihliap khum chhuah ve lah chu pen tam ka pen hmain thli chuan min chhem bo sak nghal daih a, kan thenawm hnai ber nu nghaki te inlam pan chuan ka tlan hlawk hlawk a.







Nu nghaki te in hi assam type chhawng hnih ani a, ruah sur bengchheng nen ka kaihthawh chu ka huphurh rilru ngang mai, ka beiseina awm ve chhun chu, hetiang thlipui tleh karah hian an muhil ngam bik kher lo anga, an lo harh ve mai thei ani tih chauh chu ani.









"Nu nghak, min tanpui rawh u, ka u in nau a veia in tanpui kan ngai ania" kawngka chum dawt dawt chung chuan ka aw rawl tawp chuan ka au vak vak a, ka au ri hrethei lo mahse kawngka ka sawiri tal anhriat beisei chuan an kawngka chu ka khawng ri vak vak a, mitthi kaihthawh tum ang lek ka ni, hrawk na vek khawp a ka au chiam chiam chung pawhin chhawntu reng reng ka tawng lo.







Thenawm khawveng in tin ah chuan ka tlan kual zel a, mahse beidawnna bak ka hlawh chhuak si lo, huh zawr hnuang chung leh lungchhe em em chuan kan inlam chu ka pan hnak hnak a, kanu leh pa te ka ngai ngawih ngawih, anni kha chu la dam ni se chuan hetiang em em hian ka mangangin ka beidawng bik hauh lo ang mawle, hnukulh teuhin inchhung ah chuan ka lut a, ka thawmhnaw huh chu ka thlak zui mawlh mawlh a, mami bul a ka kir leh chuan a lo chau in a hmel ah chuan lungngaihna ka hmu thei a.








"Mate, tinge iva chhuah duh kher a? Tunang hun ah te chuan tumah ikaitho zo dawn lo ka tih reng kha, itui chhuan so kha va chawi phei la, nau laihrul tawnna tur leh bakcheh vel kha inring sa bawk la, chi ai miahsuh aw! Nang hian tha takin kan naute hi ichhar thei em em ang, mate ka ring tawk che ania" a rawn ti sep sep a.








Mami sawi ang chuan tui lum leh bakcheh leh nau laihrui tawnna tur chu ka buatsaih nghal zung zung a, thli leh ruah sur hnuai ah ka awm rei deuh vang chuan vawt tiin ka khur bauh bauh reng a, tun ah tak hi chuan muanzuala ka huat dan chu pui tak ani, ani kha mami hian tawng lo se chuan hetiang mangangna hi ka tawng hauh lo ang mawle, ka u hi hmangaih lo mahse a nau neih hun thleng tal chu thlahthlam miah lo tur hi ania, lo inthen kher lo se chuan thlipui a tleh emaw, ruah asur emaw, signal pawh awm lo sawm sarih mahse, midang pun buai ngai miah lo in damdawiin lam an pan pui thei anga, him takin mami hian nau ahring ve mai tur hi ania.









"Mate, ka lo dam khawchhuak zo talo anih pawhin ka naute hi tha takin minlo enkawl sak rawh aw" mami-n a rawn tih chuan ka lungawi lo ngang mai, ka û mihringa zawnga mi tuarchhel ber a ka lo ngaih hial thin khan damchhuah a in ring lo anih chu.








Zinglam dar hnih pelh hret ah ka u chuan fapa duhawm tak anei a, he khawvel sualna leh lungngaih leh tahna zawng zawng hmachhawn ve tur anih avangin khawvel eng arawn hmuh rual phat khan arawl tawp in arawn tap ve ngak ngak chu ani sia.







Bati eng hnuai ah pawh chuan a hmelthat zia chu ka hmuh hmaih hauh lo, ka thiam ang ang chuan ka bawihsawm nghal zung zung a, naute ka buaipui fel vet hnuah mami nau neihna bawlhhlawh vel chu ka thian zui nghal zung zung a, ka manganna zawng zawng te kha phurna in arawn thlak vek tawh, kan naute thar vang chuan tha tho deuh chuan ka che zung zung a, towel chu tui lumah chuan chiah huhin mami chu ka hrufai vek a, anau vei nâ atuar rei bawk a achau thlu ngang aniang ka sawngbawl chhung zawng pawh chuan harh miah lo chuan amuhil bawrh bawrh a. A thawmhnaw vel ka thlak fel vek hnu ah a fapa chu asir ah chuan mut in blanket chu lumtakin ka sin tir leh thlap a. Ka in singsak fel meuh chuan zing dar thum alo ri thuak tawh a.










Chau viau mah ila mut san ngam lo chuan khum sirah chuan chair hung in khum bawh chuan ka thut chilh ran a, rei pawh ka thu hman lo naute chu uar fahran hian arawn tap leh ngak ngak a, a tui ahal anih ka rin avang chuan hnute hnektir tuma mami kaihthawh ka tum chu ka kai tho zota lo ani.








Kan vanduaina ai tur ve reng ni awm hrimin zankhua in ruah asur mai bak ah thli a thaw vuk vuk reng a, mahni te chauh a u te ruang bul a thut tlaivar thak chu arapthak zia chu mihring tawng hian asawifiah zo kher lo ang.








Tap turin ka rawl ka chhuah thei tawh lo a, ka mittui erawh chu dan rual loh in a sur nguah nguah thung a, naute tui hal lah chu alo tap ve reng a, bawnghnute chu chhuang so in ka thiam ang ang chuan naute hnute tur chu ka siam ve a, harsa lo te chuan ka siam zo ve thei mai a, mahse hnute chu engtin nge ka pek tak ang? Tih ah chuan ka buai leh a, naute pianghlim hlawl fian a hnute han tulh lah chu nithei in ka hre bawk si lo, engthil emaw tak ka ti anih loh chuan tui hal vangin athi ve mai ang tih ka hlau bawk si, hnute hnektir dan tur ah chuan ka inkhap buai leh ngang mai, tih dan tur hrelo chuan ka ding deuh ren rawn a, chuta ka thil ngaihtuah chhuah vang chuan ka thaw zui leh hawk a.







Drower chu hawngin lapua chu ka phawrh vat a, tui so ah ka chiah fai vek hnu ah naute hnute tur ka siam ah chuan hnimin naute ka ah chuan ka thlawr sak a, tui ti em em a lapua alo fawp dek dek chu mittui tla zawih zawih chungin ka thlir ngawih ngawih a, harsa fe chuan lapua hmang chuan kan in hrai puar ve thei hram a, rei vaklo ah chuan tui takin a amuhil zui ta sak sak a.









Mami ruang bulah chuan a fapa pawm chung chuan khawvar thleng rak chuan ka thu chawrh chawrh a, khawvar hun ka nghahhlelh rualin ka huphurh em em tho bawk si, ruah sur chu la bang lo mahse thli erawh athaw tawh em lo a, kan bati leisa lahin khawvar thleng pawh min daih bawk si lo, ka phone flashligh chu ka chhi ta ringawt a.








Leilung arawn lang tan det det tih ah chuan ka lung arawn chhia a, naute chu anu sir ah chuan mutin mami taksa chu ka kuah ngawih ngawih a.







"U, khua avar dawn tawh ania, thli leh ruah pawh abang tawh ania, lo meng la damdawiin ah kal ang aw, itaksa na te kha doctor ten anlo enkawl dam vek dawn che asin, û lo meng hram teh! i fapa hmel pawh ila hmu miah lo ania aw, hetiang ringawt hi chuan min kalsan thei lo ang, keimah mai a he khawvel hmachhawn tur hi chuan ka la puitling tawk lo asin, mami nizan ah khan ka thinrim khum vang che khan ami hetiang hian i awm a? Min ngaidam rawh! Kei hian ka hmangaih lutuk che asin, ka tan hian nu leh pa nih ifawm a, ka rualawh ihlauh vangin ka tan rimtakin hna ithawk thin a, tun atang chuan inaute nen hian thatakin ka enkawl ve tawh ang che u ka tih kha ihretawh lo em ni? Mami, ithi thei lo ang, ala hun lo emai, ithih hi ka phal thei lo, hengtiang hian awm suh. A theih loh ithi thei lo" ka tah zawng chuan ka thin zawn ah hian min rawn vit ngut ngut a, ana takzet ani.










Kan pindan thim mup pawh zawi zawiin khaw varin arawn luahlan tan tawh a, ruah sur erawhin ban zai reng ala rel thei lo. Ka phone ligh off tum a ka va ban chuan signal pawh alo awm ve uar tawh a, mamawh lai zawng a awm duh si lo tuna taka signal alo awm leh te chuan ka thin ati rim tharin ka phone chu vawmdarh vek tak hi ka nâp a.









Ka tahna vang chuan ka mit te chu athip in ka hmu phe ruai tawh a, kan chhiat tawh thu thenawm khawveng te hrilh kual tur a pawnlam a chhuah pawh ka peih tawh lo, nizan lamah khatiang khawp khan an tanpuina dilin ka au lawm lawm a, kan mangan lai khan tuma ka kaitho zo lo anih kha, ka rilru ah hian huatna bakin hmun achang tawh lo.









Putea number chu hmetchhuak in ka call zui nghal zat a. A ring chhung zawng chuan ka lo in pet ruh fan fan a, vartian ala ni bawk nen ala mutui viau ani ngei ang phone pawh ala mai thei lo a, beidawng lo chuan ka call nawn leh zat a, a vawihnihna ah chuan pite-in min rawn chhang ve thei hram a.









"Tebawih, ivan rawn call zing ve? Tluangbawih-in nau avei em ni? Tho phang aw fe hian arawn ti a. Pite-i aw ka hriat rual rual chuan chuan tawng chhuak thei lo chuan lungchhe em em hian ka inhnit zui hlawp hlawp a.







"Tebawih, thil diklo a awm em ni? Tinge itah a? Pa-a tho vat teh tebawih-in arawn call a atap nasa lutuk ania" atui zui chul a.







Putea a kai tho thawm chu ka lo ngaithla reng a, ka tah nasat deuh chuan ka thin hnun zawn vel atang chuan na lutuk hian min rawn vit leh ngawr ngawr tawh. Ka thin anat vang chuan ka tah loh phah thei bawk si lo.








"Tebawih, enge thleng a tap lo khan thil thleng chu han sawi vat teh? mangan hmel lutuk a Pute-an arawn tih chuan rawl chhuah meuh chuan ka tap chhuak hawm hawm a.








"Pute, lo chhuk vat rawh, mami a awm tawh lo ania" ka ti chhuak thei hram chauh ani. "Ka naute, engthu nge isawi a? I u chung ah chuan engthil nge thleng a? tap lo khan han sawifiah deuh teh?" Nutei lo tap ri pawh chu phone atang chuan chiang takin ka hre thei a.








Tap lo turin ka inthunun thei ngang lo ani, tap chung chuan thil thlendan chu ka hrilh mawlh mawlh a, putea meuh pawh a inti pachang thei bik ngang lo aniang phone ah chuan min rawn tahkhum ve rawih rawih a.









"Tebawih, lo mangang miah suh aw, kan insiam vat vat anga kan rawn chhuk nghal ang, inti pachang la in thenawm khawveng te in chhiat tawh thu kha ilo hrilh kual dawn ania" arawn tih chuan. "Ka duh lo, nizan ah pawh mangangin tanpuina dilin thli leh ruah kar ah ka tlan kual a, tumah min tanpui turin ka kai tho zo lo asin" in sut hlawp hlawp chung chuan ka lo ti a.









"Chutiang zawngin rilru an pu ngai lo, thlipui leh ruah sur karah i aw an hrelo te pawh ani thei a, ka sawi ang khan inthenawm te chu va hrilh vat rawh, keini pawh kan han insiam vat vat ange" pute-an phone a dah rual chuan joshua ka rilru ah alo lang thut a. Hman hmawh fe chuan a number chu hmetchhuak in ka call zui zat a. Rei pawh aring hmain phone alo pick vat a.








"Hmelthanu min ngai tawh ani maw? tun ang zing hma lutuk a min rawn call dan ah" arawn ti tham tuak a. Ka hun tawn hreawm tak leh joshua fiamthu rawn thawh hun chu a inmil lo kher mai, he pa hi chuan englai pawhin min tih nuih hi atum reng thin a, nizan ang hun ah te khan kan kiang hnai ah hian awm in emaw, betlang thei ni ngat ila chuan mami hi nungdam in ala awm ve ngei awm si a.








"Joshua" tawng zui thei lo chuan ka tah khum ve leh hawm hawm a. "Tebawih, tinge itah a? Ani pawh chu arawn hrilhhai ngang mai. A hming ka lam rual chuan sawi zawm thei lo chuan ka tahkhum zel bawk si.








"Tebawih, tap lo khan sawi tum teh! Minti mangang ania" arawn ti bah nawk a. "Joshua, nang chuan ka mamawh hun apiang ah khan min tanpui thin tiraw? Nizan khan ka mamawh lutuk che asin, tinge nizan khan ka super man kha ka biak pawh theih loh? Joshua, mami a awm tawh lo, ka u chuan a fapa nen min kalsan asin" ka lungchhe lutuk chu ka tawng tha thei reng reng lo.









"Tluangi athi itia mi? Enge thleng a? Tunah khawiah nge in awm? Khawi damdawiin ah nge in awm ka rawn kal nghal ang" ka thu sawiin athawn zia chu a aw ah ka hrethei. "Tebawih, in awmna chu tap lo khan sawivat teh" arawn tih leh chuan "Kan inah rawn kal rawh" ka lo ti chhuak thei tawk ani.








"Lo mangang miah suh aw, ka lo thleng vat ang" tih leh phone dah arual a. Muanzuala ka bia ang nge be lo ang tih ah chuan ka rilru a inbuk tawn sek a, amah vang vekin mami hi athi ah ka ngaih avang chuan ka be duh ta lo a. A nu phei kha chu mami chunga vanduaina thleng vang hian lawmin a lam lo chauhin ania ka rinni.









Muanzuala te chhung ka ngaihtuah chuan. Ka lungchhiatna chu thinrimna in arawn thlak leh a, ka in hum ruh ngang mai. An inchhungkhura a va mo chhung khan duat leh ngaihsak pawh ahlawh zo si lo a, raipuar dimdawi ngai tak ani chung khan an chhiahhlawh anih lai ang tho khan anlo chhawr rim em em a, a vawikhat nan ka nu leh pa te thihcham ah pawh hmuturin anthlan pawh arawn tlawh ve thei lo anih kha, khatiang chung khan kamkhat pawhin anlaka avui thu hi ka hnenah hian athawi pawhin asawi ngai lo a, kawng engkim a a pasal te chhung kha a tan em em reng a, anni lah chuan a laka that chhuah ahnekin an lo hmusit em em a, mami mo atan anpawm loh em avang khan, an fa ngei pawh hi a lo pianchhuah ve hma hauh atangin an hnuchhawn nghal hmak duh ania, chutiang mihring hnen ah chuan kan chhiattawh thu hi va hrilh hriat atulna reng reng ka hre lo.








"Tebawih, ka rawn thleng ania kawngka hi rawn hawng teh" joshua aw ka hriat rual chuan kawngka lam pan chuan ka tlan hlawk hlawk a. Thu dang sawi lo chuan ka hma zawn a mipa lo ding chu nghet lutuk hian ka kuah thlawp a, tuna ka mamawh ber chu min thlamuan tu tur ani. Joshua awm khauh tha taka bei chung chuan ka lo tah khum rawih rawih a, ngawi reng chuan nghet lutuk hian min lo kuah ve hlu hlu a.








Chesawn mai lo chuan kawngka bul ah chuan kan ding dun reng a, joshua kiang ah hian ka rilru mangang leh tawt lutuk hi bun ruah vek ka duh ani.






"Tebawih, nizan kan mut dawn ah pawh khan engmah i u damloh chung chang hi irawn sawi silo a, lo hria ni ila chuan azan azanin ka rawn phei mai tur hi ania, engtik khan nge a boral a? tunge mi dang hi tumah an awm loh a, inthenawm te ho zawng zawng pawh"? Kan in ah mi anlo awm luih luih arin laiin tumah ahmu silo a a hrilhhai tih chu ka hrethiam mai.








"Joshua, fahrah nih hi a hreawm asin! Nizan khan mami'n nau avei a, signal a awm loh vangin tumah ka be pawp thei silo a, thenawm ah min tanpui tur zawngin thli leh ruah sur karah ka tlan kual a, tumah ka kai tho zo lo a" in sut hlawp hlawp chunga ka tih chuan ataksa chu arawn mar tawlh tawlh a. Chutah rawn thaw chhuak zui hawkin.






"I u ruang bul ah chuan zankhuain nangmah chiah hian ilo awm amaw? Min lainat lutuk vang chuan a aw te chu alawi vek thei.








"Joshua, mami tello hian engtin nge ka awm tak ang? Ani chauh hi ka neihchhun ani tawh asin, engtin nge keimah mai hian nausen pianghlim hlawl hi ka enkawl anga? Joshua engthil emaw ti teh! Engtin nge kan tih tak ang? mami hi min kaihthawh sak rawh aw, nang chuan iduatin ingaihsak thin em avang khan ithusawi chu angaithla duh em em ang, mami hi hetiang ringawt a kaltir chu ka phal lo asin, a khualzin kawng azawh chhung zawng khan hahdam ni leh hlimni hmel a hmu ve ngai lo a, hreawm tuar reng reng a a khualzin kawng a zawh tawp hi ka lungawi thei lo ani, kei hian atan tihsak tur tamtak ka nei ani tih hi min hrilhsak rawh, ka phal lo ka u zaidam leh nunnem em em hian min kalsan ka phal thei lo" ka tap ri hria chuan kan thenawm te uipui no hruai chu an lo boh ve tluar tluar a.








"Tebawih, engthil nge thleng a ivan tap nasa ve? Nu nghak-in arawn ti lawng lawng pawh chu ka chhang thei der lo. Hmanhmawh hmel deuh a kan inlam arawn pan chu ka lo hmu phe ruai a. A uipui leh ano te chuan anrawn zui ve duah duah a. Kan veranda arawn rah rual chuan "Tebawih, tinge itah tak chiam chiam a? Arawn ti nawn leh a, nu nghaki rawn hrilhhai lutuk hmel ka hmuh chuan nizan lama ka kaihthawh tum kha a hre miah lo ani tih chu ka hrethiam mai.










"Aaa ka pi, nizan khan tluang-in nau anei a, vanduai thlak takin naute tha taka ahrin hnu ah tluangi chu a boral a" joshua'n a lo tih chuan "Awi ka duh thei lo, tun ah khan tluangi athi itia mi? Khawnge tluangtei chu? tlangval Infiamthu ani lo maw? Joshua thu sawi awih deuh si, ring chiah silo chuan arawn ti a. Ka hnunga naute ka puak chu arawn thlek dak dak a.




"Tebawih, ka thuhriat hi dawt ani tih min hrilh teh, nimin ah pawh tluangi chu a damthat em kha" arawn tih leh chuan ka lo in sut faih faih a.







"A nitheilo, lokal teh ka nau, engthil nge i u chung ah chuan thleng a? tluangtei chu khawnge a awm? Tap hawm hawm chung a atih chuan pindan lam chu ka kawk a, hman hmawh fe chuan pindan lam ah chuan atlan lut rawk rawk a, joshua nen chuan kan zui lut ve nghal zat a. Ka u thih thu chu tumah hrilh lo mah ila kan tap thawm ah thenawm khawveng te karlo ah anrawn tlankhawm zut zut a...cont





Note...Zanin chu a vawt lutuka ka type sei thei ngang lo.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)