KA NIHNA

Episode kal lai dah luhna

Moderator: writers

Ellpee
Posts: 9
Joined: May 11th, 2022, 12:52 pm

KA NIHNA

Unread post by Ellpee » May 19th, 2022, 9:31 pm

'KA NIHNA' - Ellpee Ralte







Chapter - 5





"Nu chutiang a theih ngawt loh hnathawh lai te ka neive a ka chawlhsan ngawt thei hleinem ka chân phah mai dawn asin" ka nu chu chek hlakin "nang la graduate hlei lo khan khawilama hna ṭha mah i va hmulo ange, i rawn haw duhloh chuan i u te inneih naah pawh rawn haw malek suh" huiham ka damlo tih te hi chu hria se tun aia awka vin lo deuh te hian min be ve awm siah, ka damloh thu hrilh ngawt dawn lahin a chhan nen chipchiar taka hrilh angai leh ngei awm sia kha kha ka peih lo a ni "aw aw anih leh ka rawn haw dawn anih chuan i fapa naupang ber anga minlo lawm kha inpeih at ang che" "ui ui ui he nau hian min zahna chhete mah a nei tawhlo a nih hi maw! rawn haw loh dan tur ngawt i zawn ṭhin hian chhan a nei ngei ang nupui te kha ilo ru ve ngawt ange kan nasa lo teh ang" a rawn tizui hlak hlak kei lah a thusawi avang chuan kalo nui deuh hak hak "mo i awt tawh viau ami?, kalo hawn nghal dawn che mi?" a off leh ṭep tawh ang "lo hawn na la, i rochan tur zawng zawng hi i vahte ho ka sem vek anga a nimai alawm" ka nuih a tiza zual sauh sauh leh ta nghal ka awmna bula cement bang beng meih chuan ka nui nghek nghek, ahh! mahse tuna ka thil ben kha ava chang love kut ni thana ka hriat chu ka thil ben ka han en nak chuan Jack Paliana kut lek chu lo niin a hmel ka hmuh rual chuan ka nui tawp chiang hle.






"I inbeng na mai anga sin" a rawn ti dut "Nu nakinah kan inbe leh dawnnia" tiin ka dah ta daih ka bula ding pa lah chuan hmuh thiang lo hmu niawm fahran hian minlo la melh ngar ngar chutia ka enve tak rengah chuan harhchhuak thut niawm tak hian a inher vuta , a kal ta nul nul , awi! a chi loh thei e khatianga kareh thler dawn dawna ka nui lai tekha minlo hmu reng a niawm si a, ka inlak mûk ve theih nen mak minti viau dawn a nih kha , 'duh miahloh te bulah pawh hian alo zah deuh reng theih dawn a nih hi' ti pahin hospital chhung lam chu ka pan ve nghal vata, ka ward ka thlen chuan kawngka bula Jack-a lo ding reng bul chu mak ti deuh takin ka pana ka thawm a hre miahlo ni ngei tur a ni a chesawn lo hrim hrim kawngka chu tlemin alo inhawng deuh hiau a, inchhunga Luna-i ṭawng ri deuh lang lang chu ka hre pha ve ta hriatchian tum tak leh Jack-a hmuh hlau ru tak chung si chuan ka kun hnai deuh a, a hriatchian theih ta khawp mai "a landan maw, awi ṭha bawn tawp hi nimai a man tho bawksia, a sang em em mai lehnghal, a pian a dik thlerh thlawrh bawk si, aw a ngo viau bawk kei aiin a ngo in ka hria, a sam chu a zuah amaw mahse half cut type in a bek chhunglam a nawr kawlh a, a chhiatna lai sawi tur ka hriat awmchhun chu a ṭha lutuk kha a nimai" tu chanchin tak chu sawi ang maw a mi sawi nen chuan kan inan hmel viau lehnghal "nilo, kan boss ṭhian chu nilo se, ka hmuh rual rual khan ka bem nghal ang mawle, ka chhuah dawnlo hi ni tawp" a tih leh chuan Jack-a ka han en zauh alo hawive lo "Jolie tih ringawtin ka hria ka tih kha a hmingpum chu nakinah kalo zawt leh dawnnia" a tih leh meuh chuan tu chanchin nge a sawi tih ka chiang viau tawh.







Puitling ve tawh uaih siin a midang thusawi an phalna telloa lo ngaihthlak ve reng chu dikin ka hre talo, dingchhuak hluaiin Jack-a chu ka melh leh zawka min la hmulo cheu nia eng tak ngaihtuah ang maw tiin ka kalsan leh ta daih , khanu tereuh kha a min lo hmu tai ve reuh amawni dawn ni, 'ka chhuah lo ang' te kha a tive khanglanga hmelṭhain chhelo viau mah se ka duhzawng ani hawt lo e a, ka va hawi phei leh chuan Jack-a kha a lut tawh a ni ngei ang hmuh tur alo awm tawhlo tihtur neia chhuah tum ni hek lo i, ka let ve leh mai bawka room chhung ka luh dawn chuan Jack-a sehchilh angreng taka a ṭawng thawm chuan min tiding chawih ring lemlo mah se a ṭawng chu hriat harsa lo tak a ni a fiah fek fawk em a "mahni hmeichhiat pui ngaihzawn ching hi ka assinstant atan ka duh reng reng lo, chuan hre rawh Jolie kha i ngaizawng thei ah i inngai anih chuan i ngai sual derah inngai rawh hmeichhe diktak nang ang lo taka mahni hmeichhiat pui te ngaih melh ve ngailo mihring a nihkha, tumah an dress leh style ah teh tawh ngai suh ang che, haw la naktuk aṭang chuan ka office a i rawn kal nawn leh a ngai tawhlo ang ".






Min hmuh hlau takin ka kalchhuak pen hlawk hlawka, a thusawi khan minti bing chuk thei Luna-i min endan leh ngaihdan kha a dik tih chu amah Jack-a ngei pawh khan a chiang lutuk tlat, mahse tinge tiang khan thuthlukna a siam kei hmanni lawka a mi hriat ve mai mai avang hian kum 2 chhung teh meuh a office assistant atana alo chhawr tawh hmeichhia chu a bân amaw, chupawh kei ngei pawhina ka pawm thlap ka nihna vang mai mai lehnghalin, ka awih theilo zawk eng chiah hi nge hepa hian a hriat a, eng chiah nge ka laka ṭang hian a duh ni?, a ṭhian anga min ngaih ve tak tak avangin midangin khatianga min hriat kha a mualpho telve theihna ah ngaia khatianga che ta mai kha em'niang, nilo a awihawm loh lutuk kei a nupui hual hmangaih ber mihring hi engtinnge ṭhian angin a en theih tehlul ang , a nihloh chuan engvang nge ni ta ang? khati fakova a thinrim na chhan kha, huiii ka ngaihtuah thiam tawh bik lo hun hian hril teh se, ka thawchhuak hawka , hospital chu ka hlat vang vang viau tawh ka phone ri avang chuan ka phu deuh zuk lehnghala, ka rin ang ngeiin Jack-a bawk a ni, lak ka chak tehchiam lo na a kala ta tho "enge?" khuh kharhin "tinge enge itih kawi leh a?damdawiin chhuahsan rei lutuk kha itan a him lo asin" a thil rawn sawi duh dan te hlei hlei chuan ka rilru an tibuai zual "ka ril a ṭam lutuk a" ka ti ta ringawt .







"I eitur chu ka rawn keng alawm lokir thuai mai rawh office lama kir leh thuai ka ngai dawn ania" atih chuan Lunai'n 'a zin dawn' a tih kha ka hrechhuak thuai "i zin dawn anilawmni" ka tih leh chuan "ka cancel tawh lo let rang rawh" a dah leh nghal daih engvanga cancel leh nge maw a nih le , tlaktlai lo lutuk "tinge zin chu i duh duha i cancel leh a?" ka luh rual chuan ka ti zata table a dah a tiffin rawn pai chu a hawng zui rak rak "ka aiawh tur ka tir ta mai", "keimah vangin ami i cancel" min rawn melh vuta a mit ala sawn leh thuai bawk "ka zin cancel chhan tlakah i inngai ami?" a thusawi duhdan tei vet hi ka hne thawkhat tawh viau a ni "ka ni aniang chu cancel a mi rawn pan" a nui suka "thil nih dan sawi pawh ni ila i ngaihdan i dah lian leh zawk dawn tho" mitko san uk paha a tih chuan ka nghal chak ta thut a lu a va ben deuh thuak pahin "enteh maw bro vawiina i assistant rawn tirh nu tekha zanin chu min rawn riahpui tir thei angem, a bulah kha chuan dam chak a awl dawn riauin ka hria" ti pahin a eitur rawn ken ho chu ka lo enkual dan dana, thinrimna avanga a nghawnga thisen zam rawn bawl ṭuk ṭuk te chu ka hmulo der lui tlat "kan kal thui hmain ilo tir haw daiha, nang ai chuan ka mamawh daih zawk" ka ti leh chu ka va inchhir ram ram em tiffina eitur awm ho chu chhunfinin table bulah chuan muangchangin an leih baw mai chuh ka ṭawng ngam tawhlo a, ṭawng loh pawh chu a ngam awm chuang loh.







Awmdan tur vang tak a ni a thinrimna avanga a hmaisen ṭawn ṭawn te leh a kuta thisen rawn zam chhuak ṭuk ṭuk te chu a melh pawh ka melh ṭha ngam tawhlo a chet lak zel dan tur chu kalo ui pui tuilian thlir ta tawp mai a ni "heng tifai tur hian ka rawn tir ang" rum fea min melh pahin a chhuak nul nul, min hnek dawn emaw ka ti hmana, min hnek loh avang erawh chuan ka thawl hawk phah hek lo, ka tawt lutuk leh hamhaih lutuk chuan ka cho chhuah ngei buaina chu hmachhawn belh leh ka zuam tawh mawlh ilo a le, ka biang chu mittuiin a rawn luan thla ngiai ngiai a, ka hlauh luat vanga ṭap nge ka niha, ka nat luat vanga ṭap ka nih tih takngial pawh chu ka inhrelo, ka vai riai a, hai miai miai ka khaw hmuh a thim nghal hmiah.







Ka harh leh meuh chuan khua alo thim chiang tawh hle ka bula mu pa chu ka melh zawka ka melh nawn leh ka kut vuana ka khum a lu-a bawhin alo muhil anih chu, enge ka awmdan hi ka hrethiamlo ka kut vuana lo muhil bam pa ka huatna leh ngei na tekha tunah chuan lainatna leh khawngaihna te'n an rawn thlak vek tawh, chu chu ka thil hlauh leh duhloh ber a ni asin, mahse ka dan theih a ni silo a le , engvang pawh lo nise hetiang khawpa ka tana insenga inhuam tu hi chu huat reng a har em atinni, ka tihnat na khan min tina let ve leh daih erawh ka hrethiamlo hle, ka ning ka mittui a rawn parawl leh kuang tawh ka chhing zui sawka ṭahchhuah tumlo takin ka inpet ruh fan fan "i ṭap elaw!?" rawn titu avang chuan ka inthlah dul riai riai a, ka lu chu ka thle sawn vat "ṭap lo" ka ti ringawt "a na viau ami ?khawilai tak nge na?" a rawn tih leh chuan thaw halhin " na ka neilo ka ṭha tawh lutuk, nangpawh va haw tawh rawh min ngaihtuah ka ngai tawhlo ang", rum hawkin "ka tihpalh aw ka thiltih avang khan " ka la en duh chuang lo "theihnghilh rawh siamthat theih tawh loh tur thil avanga inchhir vak hian awmzia a neilo" ni e ka inchhir leh na turin tunah hian keipawh ka khawsa mek niin ka hria "tih hlauhthawn chekha ka tum ani miahlo ani " ka melh ve ta nge nge "apawilo tih sawi pawh ni ila a pawi tur ang apawi zo vek tawha, chutiang thu chhakchhuak lui ṭalh tura min duh anih erawh chuan a pawi love a tawk tawh em" ka thusawi duhdan ngeiawm lutuk avang chuan kei ngei pawh ka inngei mahse ka tihtur ni tlatin ka hre si.







"Current chu a thim tawhlo ang nizan kha chuan power supply a chianglo a vawiin khan an siamṭha tawh, riahpui tur che a i duh tak chu ka rawn tir dawn ania " kava hawi rang tak a mahse a mawngphe ka hmu vuai hman chauh, thil ṭullo tak a ni , Luna-i kha ava be leh anih chuan ngaihdam a dil a ngai ngei awmsia engtin tak ti ang maw, ka pum chu a ri rawih rawih mai sana ka en a, dar8 alo ri tawh nia mawle , ava han mak kalo va han chatthla reive mawle aw! table ka melh zeuh chuan eitur ka hmu nghal ka duh chi hlir lehnghal thei te pawh a tel nawk mai khapa pui inthiamlo thiltih kha ani leh pek ang, tinge keimah avang hian a sum a sen reng mai le, atan chuan eng tham nilo mah se amak a ni, ka ei nghal bawrh bawrh a, ka ril a ṭam tawh bawk nen ka ei hnem ngang mai ka ei zawh meuh chuan ka ni nghulh thei ka muhil zo chiah sia mutthilh chhuah nain min rawn zem leh chiai chiai tho nia mawle khumah chuan ka tlu leh hawl ringawt. Kalo muhil leh hman ani tehreng ang chu ka harh leh chuan Luna-i games khel ri ka hre zawm nghal zat min hmuh veleh chuan mi rawn pan thuaiin "oi ka games khelin ka tiharh che nimaw ava zialo tak" ati vara lo nuih sakin "nilo e, ka mu hnem tawh hrim hrim a" ka lo tive maia "duh te i nei em? ei chak amaw?" ka lu kalo thin khum vat.







Bang bo leh engmah hriat loh hmel zet chuan "tinge vawiin kha min thlah lo a ilo haw daiha?" ka ti a, a hmui pet zauhin "ahh , nia sir kha alo lang teh thut bawksia awm reng chhan tur ka tan khan a awm tawhlo em a, i awmloh lai alo ni bawksia, ka tihpalh lutuk" "tak takah apawilo hei kan inhmu leh tho a azia alawm zanin hi enge ka hriat pawh ka hrelo ka harh hlawl hlawla, a hnu reiloteah ka mut hi a rawn chhuak leh em em zel bawk sia, chhin leh ka chak viau tawh tunah pawh" tiin ka nui tawi taka, "imm i drip khai vangbte pawh a ni maithei a ni mut tam nana na chuan dam chak tepawh a awl alawm mu tluk tluk mai rawh hei veng tu tur che ka awm ṭha lawm" a nui pah hak haka "anih muttui aw" ti pahin ka chhin zui san leh ta nghal maia, ngaihtuahnaah erawh khapa kha a awmve reng mai thinrim chunga chhuak chu ang chiahin ka hrelo a, mahse, khatianga khawp khan vawiin khan Luna-i hi a ṭawngkhum nasa sia , kemah vang mai maiin ngaihdam ava dil tekha a ni awmsia, rilru a nuam thei mawlh lo a ni e.
Emily nen an inkara thil awm diktak chhuichhuah ka tumna lamah hian ka tina fo dawn chu anih hi maw, a bulṭanna pawh tiang tak hi kan tuar chu a nia , a hmawr kan bawk hunah phei chuan ka ngaihtuah ṭha ngamlo zawk , kei ngei pawh hi min tina hle thei tlat , mahse engkim hriat ka duhna rilru hi ka ngaihthah thei ngawt bawk silo a, ava han ninawm kual vel tak em, ka Nu lah chuan ka haw loh a hlau em em bawk si , heta ka mission hi tlansanin khawi hmunah mah rilru nuamin ka awm thei dawn der silo a.








Thil tla keh ri chhawk chuan min tiharh chiang kher mai, phang fea ka mit nuai nawk nawkin ka hawichhuak nghal vat, Luna-i leh Jack-a anlo indinchilh ran mai an hnuaih chuwn tiffin a baw nuai a , glass no keh ka hmu tel bawk Jack-a chuan chang fek fawk hian "hrilh hriat hranpa kher ngailoa hetiang thil te chu nangma chhia leh ṭha hriatna hmang pawha i hriatthiam ve mai ka ring asin, damlo ei chi-ah i ngai reng reng amawni" Jack-a chu a thinrim leh hmel tawh ṭiah ṭiah hle , Luna-i erawh chu inthlahrung tih hriat lutuk hian hnuailam a bih ngar thung, eng thil teh hrep nge ni alo tihsual leh tawh ni "tinge a?" ka tih rual chuan anlo hawi dun ṭhata Jack-a chu thawchhuak halhin "engmah a nilo" a ti nghutin Luna-i chu a melh leh zata "ti fai la, a dang laksak leh nghal ang che hmarcha tel lohna" a ti a a chhuak zui leh nghal daih "tinge a Luna enge thlenga?" ka tizui leh zata tim fea minlo enin "ka hre biklo i eitur ah hi dawhkana dah ka tum lai takin sir kha alo luta, eitur hi lo enin tikhan min hau ta chiam ringawta , a chhan pawh ka hrelo " a hmel ka en chuan a mittui a tling piau tih ka hmu nghal ka khawngaih reuh kher mai enge maw khapa khan a hriat reuh ni, lo nuih lui sakin "a ho lutuk azia ve reng anihkha engahmah ngai duh suh thiamlohna i neilo ania , a tho fuh vaklo a nih ka ring" hnem tum tak chuan kati ta ringawta za lo fea rawn nui seihin "aniang" ti ringawta min chhangin a thiltih lai chu a tih zawm leh sawk sawk kei kalo thaw deuh hawk, hmarcha tel vang mai mai a khati tehchiama han hauh chu ahmaa an boruak avang khan a inthlahrun hle kalo ring zawk asin le takzet hian a.






"Jolie" ka thil ei lai min en reng pah chuan a rawn ti sapa kalo en vat "sawila", "ihh, nimin thil thleng avang khan ka tihpalh lutuk aw, lo ngaikawi lola i number ka dilchhan che chu, aa i thil hriatsual vang liau liau a ni" ka mita min en kar hian a rawn ti sap sap a, kalo nui chhuak hawk "eng thil maw i hriatsual chu?"hrelo hmel takin ka ti ha mak tih hmel lek leka minlo enin "ihh, sir khan a hrilh lo che mi" a ti tawi taka angaihna hriat loh hmel lutukin kalo khap lui fak fak "ah engmah a nilo angailo mai, kava intiharh lawk ange aw"tiin a chhuak zui daih mai mai chuan a a boss hi chu a hlau ve chiang anih hi, ka ei zawh hnu deuh chuan doctorin ward a rawn fanga ka bp te an check zawh chuan "doctor enge kala awmve reng hi angaihna tui takin ka mu theia ka chaw ei a tuilo chuang bawk silo" ka tih chuan phawk fea minlo enin "zai hmabak i la ni tih i inhre lo em'ni?" a thusawi chu mak ti leh awihloh zeta lo en hain "i ti nuihzatthlak e a, min hai aniang keichu Jolie Lalthlamuani alawm ka nih doctor" ka tih leh chuan ka bula lo ding ve reng Luna-i chu a en zauh a "khawnge Jack-a kha ?" a ti zauh a, Luna-i chuan "office ah a awm a , a rawn kal leh vat tur thu a sawi "a tih zawh chuan "a rawn thlen veleh min rawn hmu rawhse aw" en pawh min enzui duh tawh loin a kal zui daih nia, ka va lawm lo tak chhanna pawh chu minpe lem hlei lo a.






June thla chawhnu lam anih tawh vang nge ni tlailam boruak chu a thiang lo kher mai chhun lama van thiang pawl ruih tekha chhum dum chhah pui puiin an rawn hliah thim khupa, tlai ni chu tla tawh mahse a tlakna sulhnu hmuhnawm tak ṭhin ang kha hnutchhiah reng a nei lo, kawlkil te hlei hlei chu an dum dur ṭha khui khui khawp mai, engdang ngaihtuah theilo in nakin lawka ruah rawn tla mai turin a ṭham kual vel khua chûan chuan tukverh ah chuan ka dak dauh dauh renga , Luna-i pawh chuan a rawn bih ve leh zauh zauh ṭhina "awi tlailam ah thawh leh nghek a tum animaw, sir hi alo kal har phian sia ruah lo haw hma a haw theih a ṭha viau asin le aw" a tih chuan "nia lo va haw mai rawh a rawn sur vat ka ring Jack-a chu a rawn thleng har tawhlo ang har deuh pawh nise keimahin ka ngaihtuahawm miahlo ania " min rawn bih vutin "mahse sir hi a thin tertek a chhuak leh ang tih ka hlau " a rawn ti sa sa a, kalo nui hak "hlau mah ta che ka haw tir kalo ti mai dawn lawm kal vat mai rawh" ka sawi zawh chuan khawpui a rawn ri zui dur dura a phu deuh zawk lehnghala "awi azialo emai, khawpui leh ṭek hi chu mahni inngei aṭanga ka hmachhawn loh hi chuan ka nep hrep ania , anih ka kalsan mai ang che aw" a bag la in a chhuak zui nghal thuaia kalo thlir zui vawng vawng ringawt . Khum lam pawh chu la pan duh ta loin tukverhah chuan ruah lo tla tur chu kalo chang a ni ber reiloah duhthawh tak hian a rawn baw ta hawk hawk maia ka kut pharchhuakin ruahtui chuan ka kut kalo tlen tira a nuam sawng sawng khawp mai kan naupan deuh laia Lalmuana te nen ruahsur hnuaia football kan khelh lai te chu mitthlaah a rawn lang zut zuta kan khua ka ngai zui nghal vawng vawng mai.







Min rawn pawt sawn dawrh tu avang chuan ka lungphu a pawkchhuak lo chauh mai, rang fea enin "enge i hriata ?" ka ti tuarh "i dam loh vanga heta awm hi ini lawmni ?" ti pahin tukverh a khar sawk sawka , mak ti fea lo melhin "enge sawi i tum ?" ka ti tuarh a, "mahni awmna tukverh khar nachang te chu hriat ve tur alawm, he damdawiin hi i hne tawh viau amaw ka tia ilo la hne tawp lo anih dawn hi " a ṭawngkam hian min van chhun na thei tak em , ka Nu hian vin tak takin vawitam min ankhum ṭhin mahse engah tehchiam ka ngai ngailo ka thengthawng ah a thawk ngai tehchiam lo , mahse hepa ṭawngkam erawh hi chu a vin ve tehchiamlo nilo a dam lam mah zawk a ni mahse a ṭawngkam hian ṭhinlung chhungril ber a zu chhun pha zawk ṭhin nia "hmela, engvangin nge ilo kal leh ka ning lutuk che, i ṭawngkam a huatthla la thei rapthlak si " a mit taka en chung chuan ka ti ta piap piap mai mak tih hmel a pu lek lek a mitko san ukin a sam a hui chho puata "damlo i nihkha insum teh va mu rawh intur kalo lak ang che " dam dup mahse thupe aw tak si a a rawn tih leh chuan tlemin ka insum ve deuh "ka mamawh lo che" ti pahin khum lam chu ka pan nal nala a nui deuh vur vur chu ka hmu hman thuak bawk tunang hunah ala nui thei ania hepa chapo leh mahni thu duh min thunnun tum leh lutuk thuhnuaia awm reng hi kava han ning tawh tak em, chhuah vat a ni ka duh tawh ber chu.







A chhuah hnu reiloah chuan rawn lut leh vatin bawnghnute leh thei hmin ṭha zet zet hi a rawn chawi luta lehlam hawisan vat chu duh hle mahila naupang chhia zeta chet loh hram hram chu ka duh avang leh a thlem ngai renga khawsak chu hmeichhe tih tawk leka ka ngaih avangin ka rilrua a rawn landan ni miahlo chuan kalo ṭhuchhuak thuai zawka ka ei mawlh mawlh lai chuan vawiina thil thleng kha hrechhuak thutin "Doctor Amtea nen khan in inhria ami?" ka ti a "umm" alo ti ringawt "zai ka ngai angin alo ngai ve ringawta" balhla keih bung hmak hmak paha ka tih chuan "damlo hi an tam ve a, a hai ve che nihchu" a tih chuan kalo bu nghut "Jack" , "imm sawi ta che" "ka lakah hian zep i nei em?" a nuisuk a"enge zep ka neih anga?" "a heti taka min ngaihsakna hian chhan a neih loh chuan thil mak tak a ni ngei zawk ang " nui leh vur vurin "chhan alo awm te anih chuan i hriat har tawh ka ring lo" thu khuh deuhin a ti leh tawh hetianga thilsawi a chin em vang hian alawm ka mil theih tak tak loh ni "alo nih tak chu a" ka hnial thui peihlo tlawm tumna reng reng neilo a kha a ni miau a, ka hnial vak vak peih tawh lo.








Ka phone rawn ri ral ral chu melhin ka la nghal vata "hey Lalthlamuan i damlo ami?" Abby aw ngei a ni "a damlo ve deuh reuh tunah tak chuan ka ṭha tawh lutuk ṭhat lohna ka neih awm pawh ka hre tawhlo" ka sam chul pah chuan ka ti a, Jack chuan minlo en ve reng avang chuan a nuamlo lam lek lek a ni "ilo dam loh vang aniang ka mumangah ka hmu reng zel che a, naktukah kalo tlawh ang che aw" nui hukin "angailo ka ṭha tawh lutuk ka chhuah veleh ilo leng zawk dawnnia" "kha chu ka thu thu" a nui pah hak haka, nurse pakhat lo lutin Jack chu a rawn hrilh ru sa sa a, min rawn melh zawk "hei lo seng hawi mai teh aw"nurse en paha a tih hnu chuan a chhuak zui nghal vuta nurse pawh chuan a tihfel zawh hnu chuan min rawn nuih sakin a chhuak zui ve daih bawka, phone ka hman laklawh lai anih avangin a ngaihna hre lo zetin ka melh zui hà ringawt.Ka lo muhil leh sek a ni ngèi ang,ka harh leh meuh chuan dar9 dawn alo ni tawh ruah chu alo la bàng lo nasa ka room reh deuh ruih chuan engtin emawni tak min mawlh ve deuh a ka hawi tang leh hrà hrà ṭhin,zan dang zawng aiin current te chu a dìm riauin ka hre leh nghal a ka room kawngkhar rawn inhawng thut chuan min tiphu chiang kher mai,ka hawi phei a Jack paliana thawmhnaw dum vek inthuama lo ding zuar chuan min tiphu leh zawk, ngunthlûk fè hian a ni'n min lo en thung a"I hlau ami?", a rawn ti dût a, muangchàngin a rawn pen phei pah thauh thauh bawk.






"Hlauh ka neilo" ka lo ti ram hmak thung switch awmna lam chu pan pheiin current a hmet thim thuta , ka rizai hnuaiah ka inlukhuh vat "hlauh i neilo maw?" a sawi zawh rualin a hmet eng leh tih hriat takin a ri khepa ka inlukhuh min hmuh vang chuan nimaw a nui ri huk ka va han ngei tehlul em! min rawn pan hnaiin ka rizai chu a rawn hlim pawka hnai fea minlo bihin "ka laka hi chuan eng dawt mah hi a inthup rei theilo ania"inla fing fein a rawn ti leh rum fein kalo melh.










End of Chapter - 5



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)