Diary chapter -10 by Lalbiakhlui J-i

Episode kal lai dah luhna

Moderator: writers

Lalbiakhlui ji
Posts: 10
Joined: April 25th, 2022, 6:39 pm

Diary chapter -10 by Lalbiakhlui J-i

Unread post by Lalbiakhlui ji » May 19th, 2022, 10:03 pm

Diary chapter -10

"Eng vanga heta min hruai hi nge i nih ?"

tia hmuailam bih ran chunga min betu Rachel-i chu ka melh vang vanga, heti taka hmeichhe nasa ani ang tih ka hre ngailo! Chu chu tunah hian engvanga ring nge ka nih?
Achhan pawh zu dawrah ka hmu miau ani, zu um tamtak a bulah a let rem ruma, chu chu hmu thei lovin pawnah ka kaichhuaka, lo tang viau mahse, thahruiah min khan thei ziazang ani lo, tumah awmlohna hmun, kan inkar thu a intanna hmunah ngei chuan ka hruai leh ta ani, Rachel-i awmdan chuan ka rilru a tina ngawih ngawiha, ka chau zo ni berin ka hria, tlangval a pumpa heti tak hian engtin nge he hmeichhe lepchiah tak hian a tihbuai chiah hi?
Zawlaidi min tât ta nge ka hrelo, kum tam kanla inzui heklo, a hmel mawitak hian minti tuiral zo a, a mizia anga lang thin ah khan ka luangliam ani. Nie, he Rachel-i hi ka thinglung lalnu ani tawh a, tun thleng pawh hian ala ni.

"Sangthanpui min hruai haw rawh"

a ti rum al a, a thusawi anga awm duhturah te min ngaih reng reng!

"Eng vang chuan maw? I chhiahhlawh angah min ngai em ni? "

kati nghuta, a kawrfual chhing lam deuh hâk leh a pian lang theia , a taksa phuar deuh a hâk te chu a inhmeh hlea, a hmui pawh a hma ang thovin lipstick hnawih ngai hranlo hian a sen vam hama, a khat tawka a peh zeuh thin vang chu ni maw, a biang taitek te nen chuan a lang duhawm zuala, engtin nge hetiang hmel duhawm zet hian tiang taka zu um tam kha a ruah theih , tiin ka ngaihtuah rauh rauha, a ruichhe lo chungin, mutchhuak lam deuh hmelpu hian a meng zim deuh san reng bawk, a engkim chuan min hneh leh hle tawha, hnaih ka chaka, fawh leh pawh ka chak, mahse a awmdan ngaihtuah chuan chu aia sang pawh ka ti duh dawna inhriatna ka nei.

"BRachel lalnunsang zawhna ka zawt ang chea tha takin min chhang ang che"

kati nghuta, mitmeng phi chial hian min melha, a lang duhawm zual emaw tihtur hi ani!

"Min zawt ta che ? eng nge i duh chu, keimah em ni, keimah maw? "

ka zawh hma hma chuan alo ti zat zata, tawng leh ka tum laitakin a thutna atangin alo ding chhuak uaia, ka hnaih takah harhfimlo tih hriat deuha sawi tlan hian alo phar deuh huala,

"Eng nge tih i tum? "

tia ka zawh chuan, meng buai ta map lo hian fiah zetin min en kala,
"I duh chu ti ta che, ti rawh, I duh ka hria alawm, I duh apiang chu ka chungah I ti thei ang, ti ta che, "

tiin a phar deuh tha renga, eng tak chu hria ang nimaw, ka khawih chak viau turah a in ngai ngeni,

"Ti vat rawh, I ngamlo ami ? phalna ka pe a che, I duh phawt chuan , kha! "

tih paha ka kut, ka khup chunga ka nghah chu la lawkin a awm chu min humtir chuta, chutiang a tih duh ka ringlo reng reng. Ka kut laksawn mai ka tum chu a kut pahnihin alo chelh beta, ka kut pawh ka pawtna lo ve hrim hrim, pawt vak ila, tlu tawp thei dinhmun a ding reng ani, ka hmaa meng mang tawhlo a la ding ve tawk tawk chu, chu a chhapah ka kut a dahna chu mipa tan pawh khawih nuamlo tak ani lo hrim hrim, mahse Rachel-in chutiang a ti duh chu rin harsa ka tiin, phurna chhete mah ka nei lo, a thil sawi chu tih chakna pakhat mah ka nei bawk heklo,

"I ngam nange, Sangthanpui, I duh chu ti rawh phalna ka pe a che"

tih pahin ka kut chu a la kuala, ka thinin a tuar tawhlo, ka kut a vawn ve de de chu ka pawt lawka, rin ang ngeiin a ni pawh ka mal chunga a lu nghat deuh chawrhin arawn thu thla nghal nawka, a che zui miahlo.

"Rachel lalnunsang"

tiin ka sawi deuh nawk nawka, che deuh tiam tiamin, a kut chuan ka awm vel arawn dap chho da da a, a kut ka vawnsak chut chuan , ka mal chung ata a lu lasawnin alo dak chhoa, a nui ver vera, ka rinloh deuhin ka biang tawn tawna dawm chuan min fawp deuh dek dek a, chu kher zawng ka hnar thei hauhlo, a hmui nem thepin ka hmui a fawh ve dek dek takah chuan duhthawh zetin ka chhangleta, ka thlah hnu lawk chuan,

"Ti rawh "

a ti leh sepa, a zawi deuh hnak chu a tlutur a ban tawn tawnah kalo dawmsaka, leia a thusawp niai chu ka buaipui zuia,

"BMipa tamtak duh ang chu i duh ve tho tih hi ka hria alawm, mi danglam tak, mipa dang ang nilo tur ah kalo ngai chea, ka lo mawl hle mai, in inang vek, min hmangaih lo min duh ringawt, mipa dang ang tho I ni, I duh chuan nawmchen nan min hmang ta che.. "

A tih lai mek chuan
"Rachel lalnunsang"

tiin ka vin thawta, a thusawi vang chuan ka thinrim chiang em ani. Mipa dang nen min tehkhina, a taksa chu ka duh ber angah a ngai amaw? Rachel-i chatthla zui hnak chu pawmin bikeah hlan mai ka tuma, muhil chungchuan a chuang nghet awm der silo, a muhil nghah ngawt chi lah ani heklo, tihtur vak hre lovin ka pawm ta renga, a muhil hmel chu ka en vang vanga, tinge he hmeichhia hi tiang alo nih le? Ka lakah tianga a inhlan duh anih chuan mipa dang lakah pawh a tihhreh ka ringlo, pu Dailova nena an chungchang ka hriatdan chuan pu Dailova chuan Rachel-i chu a duh em em a, mahse, tisa lam thilah ani, anu leh pate pawh nupuia neihah a dil hiala, mahse a pa rual zet kutah a chhungten Rachel-i chu an dah phal hulhual lo, mahse Rachel-i chuan a zahawmna ngai pawimawh lem lovin pu Dailova hausakna chu a thlang ta zawk a, engtin nge chutiang rin nachang reng reng te chu kalo hriatloh theih ni? Hmangaihna mitdel chuan ka mit hi a del ve ngei mai, ka beng thlengin a ngawng niin ka hria, achhan pawh Rachel-i an sawidan tamtak kalo benghriat ve tawha, ka hre renga, ka hrelo der ta hmaka, ka awih duh miahlo, hmangaihna bengnawn leh mitdel kawp chu alo bo theih hle mai!
Rachel-i chu ka sawi deuha, kaihharh tumin ka bei ngial a a harh thei hlawl lo, a thaw ri sak saka, chu zawng chu!
ka bikeah chuan ka thuttir ta ngawta, a hma lamah ka thuttira ka awma beitir thei turin a hnung zawkah ka thua, ka lam hawiin ka thuttir bawk min kuah tura a kut ka siamrem chu tha tak leh nghet deuh hian min kuah ve vata, za lutuk silo hian ka nuih suka,

"Harh tum teh Rachel tianga khawchhung luh hi i zak lo em ni? "

kati nghuta, chutiang teh hrepa inphurh te chu a nuam bik chai hleinem.

"Tihian a nuam alawm, ka zaklo " alo ti sam êta, , tawng hrethei chuan a harh khawp mai, a awmdan chu ka hrethiamlo, min duh ve tak tak ti dawn ila, a khawsak dan te vang chuan min duh tak tak chu nise, tianga a awm duh ka ringlo ani.
Rachel-i chu an inah ka dah a, an inchhung ka luhpui chu tumah anlo awm lo, vanneihthlak zetin kawngka a in lock lo hlauh a, tun ang hunah chuan kawngka inkalhlo vang ringawt pawhin ka thaw huai thei mai, Rachel-i zawi zeta a muhil chu ka pawm miau ani, rit lutuk lo mahse, an ina ka dah theihloh chuan a buaithlak dawn tlata, inchhungah chuan ka pawm luta, a room ni ngeia langah chuan ka luhpuia, a ni erawh a muttui hle ani ngei ang ka kalpui zawng pawh chuan a harh hauhlo , khum liantha angreng deuh, bedsheet var inphah ah chuan ka nghata, a room chu ka melhkual thuaka, a zim hranlo, amah chauh awmna atan phei chuan, ka room ai chuan zau veng veng tak ani, a room ah bathroom hmantur a awm bawk, Rachel-i muhil chu a mutdan ka siamrem zui vata, kawrfual arh lam a ha bawk nen, a chhing angreng sia, a mut zawng chuan a mal no deuh chu a lang var paw pheu maia, muangchangin, a hriat hlau tak chungin, ka pawt thla deuha, thuitak a khuh pha chuanglo, ani lah chu a muttui ngang mai, a khum bulah chuan a mutui lai chu thlirin ka thutung deuh vanga, thutthleng la meuha, mi muhil lai thlir chu ka ti deuh a, mahse, ti pawh chuan ka thlir reng tho sia,

"Sangthanpui eng nge i tiha? "

Rachel-i chuan arawn ti chhuak phuta, ka ding hluai zuia, minti phu chiang kher mai, eng vanga phu chiam nge maw ka nih hrep le? Rachel-i lah chu a harh reng renglo, a tawngvai anih lek ka ring, a inlet thaka, ka lam hawiin a saisirin a mu a, a bawp lah chu a dah kak tha angreng khawp mai, a kawr hak chu ani ang mangchhe lutuka tana hakchi ani tawp lo mai, khum mawng lam deuha, puan pante awm chuan ka khuh zui ngawta, khua a vawt loin a lum miahlo bawk
Puana ka sin thattir mawlh mawlhlai chuan ka kut a ka innemkhalhna chu alo vuan chata, meng miahlo hian amah bawh rawpin min pawta, chutih pah chuan a thaw zui halh a, hnaih zeta chik zeta ka melh laiin alo mengchhuaka,

"Mawla tunah hian ti tawh ta che, eng nge i duh chiah chu nia , tunah hian tihna hun tha ka pe a che, mahse a thlawn lovang"

Rachel-i chuan a ti sapa, chu thu kher chuan min deng dawt ani ber, inzuar ang maiin a taksa chu ka hnenah man awmin hlan a tum ani a, chupawh ka dil na tel map lovin , Rachel-i chung atang chuan ka tho lawka,

" Nang ang mi lepchiah lutuk! I hmel hi hmuh leh ka duh tawhlo, Rachel lalnunsang i taksa hi itna chhete mah ka neilo tih hria ang che, tu lakah mah hian phutlet nei lovin, I inhralh phal ka ringlo reng ani, mi lepchiah tak i lo nih hi !"

ka tih khum khur khura, ka thinrim lutuk chu tawnghnem hret pawh ka inti,mahse chutiang anga a awm chu ka duh lo va, mipa dang bula chutianga a khawsa tur pawh chu ka duh lo, kei angin an hmangaihlo a, an khawih loh phal reng ka ringlo , chu ngaihtuahna chuan minti sa chhuak pup pup zui a , ani erawhin khuma thu chungin min melh ran thunga, engmah sawi buai duh hmel a pulo, inchhir hmel a pu lo a,a hlim bawk heklo, thinrim lutukin a room ka chhuahsana, kawngkhar chu na thei ang berin ka khar thuai a , chumi rual chuan alo thochhuak ve ngei aniang a pen ri thlep thlep thawm a awma, a tlu thawm ni ngei awm hi a ri deuh chawrh bawka, a rak that nghe nghe, rang taka luh leh mai ka han tuma, mahse tilo tawp tur niin ka inhria, ani ang kha buaipui tlak ani love, tia inhrilh mawlh mawlh chungin an in chhuahsan chu ka ruala,

"Sangthanpui ka hua che! , rawn kal leh tawh ngai suh mi tenawmpa! , haw rawh! Ka hmu peih tawh bawk heklo che, I laka khan engmah phut ka nei bawk heklo, ka hua che, Misualpa! "

tia Rachel-i au tuar tuar ri chu zalo lutuk in ka nuih suka, ka nui te chu ka inchhir hial zawk ani ka bike bulah chuan ka ding vang vanga, Rachel-i nihna diktak chu ka hmu ta! Mahse ka hlim chuang miahlo, ka thiltum ber chu ka hlawhtling ta ngeia, hlimna erawh ka nei dawnlo tih chu inhre ve tho mah ila , hetiang tak hian ka na ang tih ka ring pha miahlo, Rachel-i hi kalo hmangaih em vang ani pakhat.
...
Dah seilo mai ang , ka awl rei vang vang viau maia, a ngaihnawmloh inti tawh ngawtin ka ring😅, ka story kallai hi ka tui tawhlo viau a, tihdan tur dang lah hi ka hre zut zuta, a tirlam nen a inmil thei tawh dawn bawk silo 🤦‍♀️engpawh chu nise, last lam kan hnaih ve ta e,, ti teh ngawt mai ang, Rachel-i Diary pawh hi maw... hmuhchhuah vat vat angai ani, mangtha le ☺☺



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)