IT'S A GAME : Love/War (Ka Hmangaih kha s2) Ch-7 (zWmna)

Episode kal lai dah luhna

Moderator: writers

lyno v
Posts: 83
Joined: February 15th, 2022, 5:32 pm

IT'S A GAME : Love/War (Ka Hmangaih kha s2) Ch-7 (zWmna)

Unread post by lyno v » May 19th, 2022, 11:12 pm

IT'S A GAME : LOVE/WAR (Ka Hmangaih kha S2)



Chapter 7 (zawmna)






Room pakhatah min hruai lutin couch ah chuan ka thu a,,,tui glass no a min pek leh hnu chuan,,"hahdam takin awm rawh,,,chuan i duh duh min zawt la diktakin ka chhang vek angche tih ka tiam e" tiin ka chhip a akutphah nghatin ka sam chu a chul pah bawk a,,

a mitmeng chuan ka hah ati dam hle thung si,,mahse thil thleng hi ka hrethiam lo,,,zawhna tamtak ka nei a mahse khawi atang nge ka zawh ang ka hre lo,,

kha kha i nupui ami.?

engtinnge ila dam theih..? I cancer kha adam tawh em..?

khang chhung zawng zawng khan khawnge i awm,,enge i tih thin,,min ngaihtuah ngailo ami..?

chuan engvanga hetianga awm hi nge i nih..? tinge kan hnenah ilo kir loh..?



Ka pa en reng chuan ka mittui chu ruah nasa tak sur tur chhum dum lian tak tak rawn infuankhawm ang mai hian ka mitah chuan an tling leh hnur a,,ka pa hmel pawh ka hmu phe ruai tawh...Ka chhunglamah hian thil rit leh lian takin min hnawh tlat bawk...


"ka naute,,,ka naute,,,tihpalh,,tihnat che ka duh lo" tia chek tluk tlukin min lo kuah a,,ka chhipah chuan a fawp leh vang vang,,,

"ka hria alawm,,min ngaidam thei lo mahla ka dem lo che ania,,mahse heng zawng zawng hi intana ti vek ka ni,,," ka tukhum a chul pah chuan a ti pah reng bawk,,

ka mittui chu atla zawih zawih a mahse ka tawngchhuak theilo,,,a âwmah nghet taka min kuah betin ka luah chuan a fawp leh a,,,"duhthlanna harsa tak ka siam angai a,mahse intan chuan ka nunna hlan pawh kha ka pawi tilo,,rilru na takin ka siam che u tih ka hria mahse nakinah hlim taka kan awmho theih nana ti ka ni,"

chawl dat chuan thawk ala hak a,,rawn sawi chhunzawm lehin,,"ka thin cancer tih kan hriat hnu khan beiseina ka nei tawh lova thih pawh kha pawi ka ti tawh lo,,mahse i nui hmel ka hmuh apiang khan dam thlakhlehna ka nei thar a,i hlim hmel kha lungngai hmel a chantir ka thei lo a ni,,,"

" Agent pakhatin antan ka thawh dawn phawt chuan min tihdam tur thu anlo sawi a,,keichuan ka dam leh theih kha ka beisei lo mahse nangma vang tal pawha vawikhat han try chu ka duh a,,khatih lai khan tute emaw in min thah tumin min hel reng tih ka hre leh bawk nen,,nang leh i nu,,ka nupui" chawl datin,,a taksa chu arawn mar tawlh tawlh a,,,

thaw hak chuan asawi chhunzawm leh a,,,"in nunna kha a derthawng tih ka hria a tichuan ka inngaihtuah fe hnuah thuthlukna siamin an offer chu ka pawm ta a ni..Ka ruang emaw intih kha keimah ang hmel ansiam chawp a ni a,,khami zan khan keichu min phur chhuak nghal a ni,,France ah kum 6 ka awm chhung khan ka hmuh leh theih nan che u Pathian hnenah ka tawngtai reng thin asin,,vanneihthlak takin operation pawh ahlawhtling a,

ka hmel pangai nen kha chuan rawn let leh thei ka nih tawh loh avangin surgery in kan ti danglam leh a,,mahse min hre tawh lo erawh hreawm ka ti asin,,nitin in nangmahni hmu turin ka lo kal thin a chupawh ralkhat atang chauhin,,,ka fanu tereuhte kha kuah leh ka chak thei lutuk, tunah chuan hei,,ka kuah leh thei ta,,ka lawm zia hi i hrethiam lovang,,," ka lu ah fawp leh vang vang chuan a ti a,,


Ka pa ani tih chu ka la awithei lo,,mahse chiang takin ka thinlung chuan ahre bawk si,,,lawm a zuang vak vak tur ka nih laiin nui hmel chu sawiloh ka mittui atla thei ngawr ngawr chauh a ni,,,


"tinge ilo haw leh mai loh.?" inhnit feih feih chuan ka lo ti ve zat,,ka hnunga tuai hauh hauh pah chuan ka chhipah a fawp leh zauh a,,"ka naute ka lo haw thei rih lo alawm,,,tihtur pawimawh tak ka nei a,,,"

min kuahna atanga awm hrangin,,"tinge,,,nupui dang i neih tawh vang maw?" ka pa en chuan ka ti hriam hrak

ka pa hmel chu engtinmah adanglam lo,,chu chuan ka thin ati rim zual sauh,,keini aiin a nupui thar chu athlang zawk tihna amaw..? Engtinnge hetiang hi a tih theih...?


"ka haw lutuk che" tiin a awmah chuan mittui tla nguah nguah chungin ka chum vak vak a,,"ka naute,,ani kha ka..." chawl leh datin harsa ti tak chuan a thaw hak a

ka pa chu en in,,"i engmaw,,eng inlaichinna nge inneih.?" ka ti trial ruah ruah

Ka nu chuan a hriatna a hloh vangin pasal dang min neihsan a,tun thlengin ahriatna chu ala nei let lo pawh a ni thei,,mahse,,ka pa erawhin a hriatna a hloh ve lo,,,hetiang thil hi ati thei lovang,ka nu nen min phatsan thei lo,,,


"Selene,,ka thawhpui a nihkha,,,undercover agent niin nupa angin kan awm mai chauh alawm," mitchhinga kun chung chuan angawi deuh vang vanga,,keipawh inthlahdul tawhin ka pa chu ka en reng,,

" tunah hian mi chhui mek kan nei a chuvang chuan inbulah ka rawn la let theilo,,intan ahlauhawm thei a ni,,,i hrethiam tiraw ka naute" ka mita min en leh chuan a ti a,,thudik asawi tih ka hrethei,,,,ka pa hi ka ring bawk..


ka pa thusawi chu mak tih vak ngaihna ka hre lo,,a chhan chu ka pa hi Detective a ni thin tih ka hria a hengthil asawi te pawh hian keimahah nghawng anei rei vak lo,,,ka hrethiam ve leh nghal mai,,,chubakah ka pa hian dawt min hrilh ngailo...

mahse zawhna pakhat,,,an chhui mek chu tunge..?


"chu chu ka mi hriat hi a ni em..?", ti fan raihin ka pa chu ka en a,,,ka pa chuan min lo en ve reng bawk...

hreawm tih hmel tak hian,,"ka sawithei lo"

"pa,,,thudik min hrilh rawh,,,heivang hian mi hnaih lo tura min tih,,,achhan i hria,,nilose hnaih lo tur khan min ti lovang,, ka hrechiang che chhan neilo chuan engmah i ti ngailo", fiah tak chuan ka ti a,,ka pa chu ka en reng bawk..


Chiang takin ahmelah chuan danglamna ka hmu,,sawichhuak duh lo mahse sawi tura ka tih tlat avangin hreh hmel tak chuan a lu a bu nghat a,,"ni e,,,a dik alawm,,,Lawma pawh kha anmahni thah a ni,,,chuan kidnap tum tu che pawh kha an mahni vek an nih ka ring" dam thlup chuan a ti charh charh a...

ka thu hriat chuan min thawng takzet,,reilote chhung chu ka lungphu a tawp ni mai hian ka hria,,,,ka mita mittui la tling hnur chung chuan ka nui ro hak a,,,engvanga nui nge ka nih pawh ka hre lo,,ka â tawh ani mahna..


ka bianga mittui luangthla chu a kuta lo hru in,, ,"ka naute,,tunah chuan min ring thei tawh ang tiraw,,i pa hian itana tha lo tur engmah ka thlen tir ngai lovang,,chuvang chuan khapa hlat thei ang berah khan awm rawh" tiin ka kut chu achelh a

Chhang turin ka che theilova âw pawh ka chhuah theilo,,,ka tha chu azawi vek a ka chau takzet,,,khang ka thu hriat zawng zawngte kha lo dawngsawng turin ka chak tawk lova,,khang thu te khan chhunglam atang min ei ral tial tial ni mai hian ka hria,,,ka khawhmuh lo fiah lovin ka hriat theih zawng chu ka pa in ka biang dawm a min auh vak ri chu a ni....




Ka harh leh chuan khumah ka lo mu a,,ka sirah ka pa chu lo thuin ka kut alo vuan mek bawk,,,"engtia rei nge ka mut.?" ka pa en chuan ka ti nghal a

"darkar 1 vel,," ka pa in atih chuan ka tho kang nghal zawtin ka hria,,Lalpa!!,,,ka haw tlai chuan ka pi ten min ngaihtuah leh dawn lutuk...Rilru hah takin ka siam duh tawh lo..


ka dara lo chelh chuan,,"naute,,,reilote la hahdam rawh,,ka thlah dawn che nia" hahdam tak hian alo ti a

"nilo.,,,ka pi ten min ngaihtuah leh tawh ang,,ka haw angai," tiin ka thu chhuak nghal zat,,ka pa chuan a lu thingin ka dar chu ala chelh reng,,,"lungngai suh,,hahdam phawt la,,,reilote hnuah ka thlah dawn che nia,,5mins la awm rih rawh aw ka hmangaih tereuhte" tiin min rawn kuah chuan ka hnung chu a chul heuh heuh....


Hetiang hi chuan engtinnge ka kalsan theih bik ang,,,ka pa min thlahlel em em tu leh keipawhin a ka thlakhlelh em em hi,,a lungphu ngaithla chunga muthilh leh ka chak a,,a thinlung khawvel mipa zawng zawnga lum nuam ber leh hmangaihna a khat chu ka pa chauh hian anei...


Ka lu ka buk nghat hnu chuan min kuahna thlahin min en a,,ka pa mitah chuan khawharna leh natna tamtak ka hmu,,a hmangaihte hmu thei lovin reitak a awm tawh a,tunah hmu thei reng siin an hnaihah a awm leh thei lova,,atan a hreawm turzia hriatthiam pui vek lo mah ila tlemte chu ka hrethiam ve chuan ka hria...



Selene chu room ah lo lutin,,,"my dear,,coffe intih harh nan aw," nui sang chungin zang vah hian alo ti a,,,a hmel chu ngainatawm viau mahse 'my dear' tia ka pa a ko kher kha ka digest theilo...

Ka pa chuan ka hmel landan atang ahrethiam deuh nge,,"Selene,,,please,,,ka fanu awm lai chuan khatia inkoh kha angai lo nia" Selene lam hawi pah chuan alo ti vat

'thats my man', ka rilru chuan ka lo tive zat,,ka tet lai atang tawhin ka pa hian ka che zia leh hawiher atang ka rilru engkim hriattheihna anei ka ti mai thin..


min lo en leh chuan lawmthu sawi nan tawite in ka lo nuih sak,,ka pa pawh chu a kiai ve suk,,,",sorry,,,ka lei hian alam thang tawh lutuk a,,ka veng seng lo anih hi" table ah tray a coffe alo ken chu a dah a

khuma rawn thu thla pah chuan,,"wwoooo....i pa ang chiah i nih hi,,hmeltha,,duhawm,,,sexy" hnaih taka min lo en chuan a ti a,, atawp lam chu a zawi sap,,,,


"Lalpa,,!!! Selene,,,ka fanu bulah khatiang tawngkam kha hmang suh" ka pa chuan alo ti hlur

"naupang anih tawh loh hi,,tiraw,,,Izzy" mit min siai zauh chuan a ti leh a,,a tho nghal zat

Ka pa nupui lèm mah nise,,ka rilru hian amil theilo,,a awmdan te engkim chu ka hua,,ni e ka hua...Ka pa te hi alo mutpui tawh lo maw?? A mutpui tih ka hriat chuan khawvela alo piang hi inchhir rum rum turin ka siam chiang khawp ang...

kawngkhar bul athlen chuan,,,"dear,,,ka va inbual hmasa mai ange,,zanah abak chu.." chimawm taka ka pa mit siai leh zauh chuan a leiin a hmui a liak leh zauh a,,ka kawchhung so bulh bulh chu ka mitah arawn alh chhuak ni mai hian ka hria..

Saw a mitmu zikzek leh a lei saw ka la phawrhchhuah sak ang...


"Selene,,,," ka pa chuan alo ti a,,,nui ar ar in room atang chuan a chhuak veleh mai bawk..

"pa,,,,kha nu nen khan in mu dun lo tih min hrilh rawh..!" chang faka tiin ka pa chuan angaihna hriat loh hmel fe hian min lo en hau mai..

"engaa!!" nui chhunzawn hawk hawk chuan,,,"ka naute,,ka naute,,,calm down,,,i pa hi min ring nange,,,mi hmuh laia inkuah tih vel bak inchhungah chuan thian alawm kan nih,,kum2 chhung kan awmdun tawh a kan la mu dun lo,,,chuan i ngaihthat nan bialpa anei tih ka hrilh leh hram angche" nui khi suk suk pah chuan a ti a

"chupawh chu nise ka ngaina lo,,a awmdan te hawr hawr kha" ka lo ti hlar

ka pa chu rawn nui lehin,,"ka fanu i ni tih ahriat vangin a ti lui mai mai che anihkha,,,,nangpawn ila nel thuai mai ang,,nang chu nilo la a be miah lovang che,,,a ngainat loh chu a be ngailo,,a ngaina che tihna anihkha" ka pa chuan a ti leh a.



Mahse ka ngaihdan 60% chu ala thlak chuang lo,,,in ngainat vanga khatianga intih kher...!!



Ka pa chuan kan inbul thleng min thlah lehin motor atanga ka chhuah hma chuan abiangah fawp zauhin,,"Pa,,,goodnight,,fimkhur la aw..",

"nidangah min hmu turin ilo kal leh thei angem..?" ka pa chuan ngenngawl tak si,,inthlahrung tak hian a ti a

"pa,,,chutiang sawi suh,,,ka rawn kal ziah dawn alawm,,,chuan min lo be thei reng bawk a" nui sang chuan ka lo ti ve zat...

"ka naute tereuhte ka hmangaih che"

"keipawn ka hmangaih che" tiin motor atang chuan ka chhuak a..

he thu hi ka sawi ve leh thei ang tih ka ring ngailo kha ania,,,thiante anpa te nen ka hmuh khan ka awt thin hle anihkha,,tunah chuan ka âwh bik reng an ngai tawh dawn lo achhan chu ka pa alo kir leh tawh a,,ka mal tawh bik lo...



End of.chapter 7



(ka story chhiartute inhmeltha leh vek e😘Ziah sual/mistake awm chuan inlo hrethiam dawn nia)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)