❤️ ONE❤️ chapter-30

Episode kal lai dah luhna

Moderator: writers

Larinzovi
Posts: 63
Joined: August 5th, 2020, 4:38 pm

❤️ ONE❤️ chapter-30

Unread post by Larinzovi » May 19th, 2022, 11:28 pm

❤️ ONE ❤️


Chapter- 30


" Ka chung a hian ila lungawi lo viau em ni" aw nem thei ang ber a ka ti chuan ka dar a bawk chuan a rawn beng leh chawrh " Aw I lak a hian ka lung a awi hlawl lo mahse i nun a ni a
i thu ber i duhdan in i hmang tur a ni" ka chhangna pawh ngaithla chhun zawm tawh lovin in chhung a lut hmak a chet dan hi a dangdai ve thin khawp mai mipa phei chu ni se nitin insual pui a nei reng thin in ka ring a pumrua a tet ai hian a pawr ve thei reuh phian leh nghal ka ngaihtuahna vang chuan nui sak in chhung lam a chuan ka lut ve nghal



Choka lam chu ka pan nghal a, Zorini chuan bawihpuia chu a lo chhaih nasa ngang mai a nui khek ri ve tuar tuar mai nu Thangi leh Thani erawh in chawhmeh an lo buaipui thung



" Bawihpuia hi a pa bulah ka han dah ang nga chuan nu Tei te chaw tur kan va pe dawn nia" bawihpuia ban pah chuan ka ti a


Ka piah a ding Thani chuan " ka lo kal ve peih lo Zorini nen va kal rawh u in a hian ka lo awm zawk ang" a rawn ti chuan kan lo melh rual thawt


Nui lui sang chung hian " ka ke te hi a kham ve lawm awm hahdam ka duh dawr a ka vei kual sek a chutah damdawiin lamah Nu Tei'n min lo tir kual ve chhen bawk nen ka duh dan tak phei chuan mut hahdam mai mai a nia ka duh" a mal chum det det pah chuan a ti a, a tuama chuan kan hnial zui tawh lo hrim hrim



Bawihpuia pawm chung chuan choka chu ka chhuah san ka pasal in hnuai lam pan a lo chhuk nen chuan kan in tawk chiah " bawihpuia hi lo awm pui la Zorini nen ka nu Tei te chaw tur kan va pe lawk ang nge" ka tih chuan a fapa chu a rawn ban ve mai bawk a



" E chuan thil pakhat Thani hi i chung a che ngei awm deuh a ni pawh in nang chuan en liam vel mai mai rawh aw khing let chi pawh a ni lo, tlem hian a tawng tam ve deuh bak a a mi ngei zawng te hi ti hrep a ching a" ka tih chuan ka pasal chu a then suk mai



Choka lam a kan in zui lut a Thani in ka pasal hmel a hmu chiah phei chu a tum nasa ngang mai, Zorini nen chuan kan in melh a kan nui tawp


Ka nu Tei te chaw tur chu container-ah chuan kan ruak chhuak mawlh mawlh a Thani pawh a tawng leh siam siam tawh mai


Kan peih fel hnu chuan nu Thangi bulah chuan a haw thei tawh tur thu chu ka hrilh a


Kan chhuah dawn a chuan "Hremhmun te nau a ka awm mek chu a ni hi rawn let leh vat ang che u" min rawn melh ralh ralh pah chuan Thani bawk chuan a ti leh a


Kawngkhar thleng chu min lo thlah a a beng bul a chuan " Moses thin ti rim tur zawng in lo awm lo hram rawh aw" ka ti chuan min nuih sak chung in " lungngai duh suh ka khak hlek chauh ang" ka pasal awmna lam melh zauh pah chuan a ti a


Ka car chabi chu la in Zorini nen chuan kan in zui chhuak a kan kal bo chhung in ka pasal leh Thani chu lo in bakkhaih lo hram se ka duh tak zet


" Hei hi i car maw" Zorini mak ti hmel zet a ti chuan nui sak chung in ka lu ka lo buk khum nghat


" A va nalh ve le!" Ti pah chuan a en kual a te chel chul mai


Kawngkhar chu hawng in kan chuang lut a kan tlan chhuak tep tawh ti a chuan ring lo hmel zet a min rawn melh haw in " i khal thiam tak zet maw" hlau thawng hmel deuh a rawn ti chuan min ring turin ka ti a ngai tha deuh chuan a thut dan chu a siam tha ve mai bawk a


Car engine chu ti nung in ka tlan chhuah tir a " I chhuk hnu khan U Nuna pawh a lung a leng khawp mai a chhaih fiam ve ngam awm chhun kha i ni sia" nui var var chung hian a ti a



" Nupui neih tur te zawng ve tawh rawh se" ka tih chuan kan pahnih chuan kan nui nghek U Nuna kha chu a tlangval rei ve tawh em a ni



" U Bena a lo la leng ngai em?" Ka piah a thu chu melh zawk in hma lam chu ka melh vat


" Teh reng e! A ni te chu kan chhungkaw VIP kha a ni tlat a"


Dawmdawiin kawt a car chu ti ding in container khai chung chuan kan chhuk vat a chhung lam chu kan pan ding nghal " Nu Tei te chu engmah kan hrilh lawk si lova chaw an lo dawh hman ang em le" ka tih chuan Zorini chuan an dawh hman a ring lo thu chuan min chhang a eng eng rawn sawi pah chuan nu Tei awmna ward lam chu kan pan a



" Tunah kan hma a kal liam chiah kha Mary kha a ni lawm ni" Zorini'n a rawn ti chuan a kal tawh na hnu ti a kawhna lam chu ka hawi ve vat mahse tumah ka va hmu ve hman lo Mary chung chang hi chu tlem a zawng Zorini hian a hre ve


A hai a ni bik ka ring lo a tak a hmel la hmu lo mahse Mary chu a hre ve lutuk kei leh Thani vang hian


Ngaituah zui lem lo chuan ward lam chu kan pan a nu Tei te khum lam chu kan pan vat nu Tei min lo hmu chu a lo hlim ngei mai " Aw Hriati chu heng rawn ti a ngai lo a sin kan va lawm teh lul em" a tih chuan a ho lutuk ti chuan ka lo chhang ve mai bawk a



Nu Tei chu ka hmuh tum ai in a tha viau mai a nui sang reng a pu Hmaa pawh chuan lawm thu min lo hrilh siam siam mai


" Nichin lawk khan i nu Tei hian doctor a va hmu a zai a ngai leh dawn lova"


" A lawmawm lam a ni ngei ka beisei"


Awm rei hman kan nih miau lo vang chuan kan chhuah san leh vat a, ka car dahna lam pan a kan kal lai chuan ka mi hmuh te vang chuan ka then lui sak ka car piah lawk a chuan Mary leh police form ha pakhat hi in haw lo fahran hian a lo awm dun a ka hmel a rawn hmu ve chiah chu a ni pawh chuan a bulah mi bul chuan eng emaw sawi in bullet a chuan chuang in an tlan chhuak nghal daih


Car a chuan kei ni pawh chuang lut ve vat in engine ti nung in ka tlan chhuak ve nghal " tun a mi kha Mary chu a ni tiraw nichin mai a ka hmuh ngei kha a ni" ka piah thu in a rawn ti chuan a ni thu chuan ka lo chhang a


" A bulah mi kha tu nge ni ang le" ka ngaituah ang chiah Zorini chuan a ngaihtuah ve tho a ni keipawh Mary bula awm kha tu nge a ni ang ka hre chak khawp mai a ui pa khawi Lalrinchhana nen hmuh dun tur an vang ta hle leh nghal a


Kan in kawt kan thleng chuan engine chu ti thi in kan chhuk nghal vat a khua pawh a lo tlai kuar tawh mai in chhung a chuan kan in zui lut vat


" I fapa hi sual lutuk chu a nih loh hi" Thani chuan alo ti a, Thani chuan ka fapa chu sofa a thu chung in a lo fiam a an piah a chuan ka pasal pawh bawp sei zet tluang zar in a lo thu ran mai


" I ngaina dawn ka tih tawh kha" an awmna lam pan pah a Zorini'n a tih chuan ka zui phei ve vat ka pasal bul a chuan ka thu thla ve nghal


" Naupang hi ka ngai na lo hrim hrim NAU lawm lo mi ve tak ka nia" in sawi fiah tum ni awm hrim chuan a ti a, ka nui tawp he nu hi chuan a sawi lo ang a awm hi chu a hreh ve em a ni


__________________



Zanriah kan kil zawh hnu chuan Thani leh Zorini chu haw turin an in siam mawlh mawlh a keiin kawngkhar thleng chuan ka va thlah a Thani chuan ka beng bulah hian " In pa chu thlem in ka khak deuh fak kha a zia a zawi khawp ang lungngai duh suh" nui sang chung a ka dar a rawn beng det det pah chuan a ti a



He nu hi chuan kan chhuah hnu khan eng tin emaw tak a tawng khum kha ka ring reng a ni, tumah han zah pah a nei ve si lo


Ka kut chuan ka vei liam a an kal liam thleng chuan ka thlir reng muang chang in kan nupa room lam chu ka pan chho a, bawihpuia tui zet a mu hil suk suk chu ka nuih sak a bul in thawl ve pah chuan kan piah a sofa leng lo zet a mipa mu chu ka ve melh leh hram



Eng tik emaw a chuan tlem tal in min la ngaihtuah ve ngei ang ti kha ka in ngahna leh in hnem ve ber a ni thin chu ka in nghahna chu tun a hian tlem tlem in a lo thleng ve mek zel a ni mahse kei hian he pa hi in bum nawn tir leh ka tum tawh lo a hnai tak a ka awm chhung chuan ka haw thei ngai dawn lo tih ka in hria ka tih tur te ka tih zawh hunah kumkhua atan a hmuh phak lo leh khawih phak lohna ram hla tak a ka kal bo ang chu thil chu ka ti theih chiah ang em chu ka hre lo rei tak chhung chu a tel lova hun hman dan ka lo zir tawh


Ka mit chhing in ka ngaihtuahna hman chhhun zawm duh tawh lo ngaihtuah loh luih hram ka duh ber


Ka hmai a kut te reuh te in a lo Thai leh zeuh thin vang chuan ka harh chhuak nawlh a tho kang in ka bulah naute chu ka pawm vat puan lian zet kan zar ka keuh chuan ni chu a lo tlang sang tawh ngang mai


Bawihpuia diaper te chu thlak in inhnuai lam a chuan ka chhuk thlak pui a tukin zing chu " Mama" tiin a rak ve chel chul mai mahse chu thu tawi te fiah lo zet a lam chuan ka chhung ril chu a rawn ti na vawng vawng


Ka pasal hmel hmuh tur a awm tawh lova a dawr lam a pan leh tawh a ni ka ring ber bawihpui a chaw ka hrai puar hnu rei vak lova bawihpuia awm tu pawh a rawn thleng ve leh nghal mai bawk a


Bawihpuia chu hlan chhawng in in ti fai turin kan room lam ka pan chho a bathroom lam a ka lut tlang nghal tui chuan ka in phuh tir sawng sawng a nimin a Rammuana thu sawi chu ka ngaihtuah leh vawng vawng


A ni khan a sawi dik chiah eng tiang chiah a tam nge ka chanchin a hriat chu ka hre miah lo mahse ka unaunu chung chang erawh kei ai pawh in a hre chiang zawk ngei ang kei hi a sawi dan hmang a khan min rawn pan ngei dawn bawk a chu thil chu ka nghah ve a ngai a ni tunah chuan a sawi ang chiah khan ka chheh vel bawlhlawh awm te hi ka thian fai vat an ngai a ni



Ka thawmhnaw chu in thawlh mawlh mawlh a ka in peih hnu chuan ka bag a chuan ka mamawh tur ang te khum khawm mawlh mawlh chung in inhnuai a ka chhuk thla bawihpuia te awmna lam chu ka pan phei ve nghal


Ka phone rawn ri nghawr vang chuan caller id chu en in ka nuih sak Thani a ni a ka chhang nghal vat " chanchin thar kha i lo en ve em?" A rawn ti chuan ka en lo thu chuan ka lo chhang vat


Leh lam a mi chuan " tlawng lui a an ruang chhar kha Lalrinchhana ruang an tia" a rawn ti chuan mak ti vang in ka meng phar haw


" Mahse eng tin nge ni thei" a mak ka ti em a ni


" Kei pawh hian mak ka ti lawm an sawi dan a phei chuan a ruang kha a chhe hneh tawh lutuk an ti mahni in tih hlum a ni ka ring" lehlam a mi in a rawn ti chuan ka lu ka lo bu ve nghat



" A ruang an postmortem dawn an tih kha "


Kan in biakna kan ti tawp hnu chuan thawk ka la hawk khapa kha ka chung a sual hle mahse mahni in in ti hlum duh khawp a ni ka ring ve miah lo mahni in ti na khawp a mawl a ni bawk si lo


Nimin a khan Mary kha mi pa dang nen ka hmu a ni Mary vang a in ti hlum a ni thei mai ang em le! Ka ngaihtuahna mai mai chu mi dang buaipui hman pawh ka ni lo mahse kha pa kha ka chung a sual mah se ka khawngaih tlat pek a nih chu


Bawihpuia pawm chung chuan kan in zui chhuak damdawiin lam kan pan a keiin car ka khal a bawihpuia chu a mah awm tu chuan a pawm bawk kawng tluan chuan ka ngaihtuah na chu in thunun tir duh lovin ka car khal lai a chiah chuan ngaihtuah an pek lui hram hram ka tum lui ngat muang chang in damdawiin kawt kan thleng chuan engine chu ka ti thi a



Hmanhmawhna pawn nei lem lovin ka chhuak a bawihpuia awmtu in bawihpuia pawm chung a lo chhuak chu an awmna lam pan in bawihpuia chu ka ban nghal vat


A chhung kan thleng chuan ka thaw nghal hak ka pu chu a hma ai mah in hmuh a hreawm zawk kei hian rilru dik lo put loh hram ka tum lui hram hram a ni


Ni dang ang bawk in min lo be leh siam siam a rul tawk te te bak in ka chhang hauh lo, a hma ang khan eng mah hre lo ang mai a awm chu ka duh tak zet mahse ka thei tlat lo a hma a ka en ang khan ka en thei tawh tlat lo a ni



Kan awm dan chu a tuama in sawi hauh lo mah ila a hma ang kha chuan kan awm thei lo chu a ni ber mai, ka pu pawh chuan ka mizia dang ta lutuk chu nuam a ti bik chiah in ka ring lo



" Bawihpuia hi ka va awi mu lawk ang nge aw " a awmtu in a tih chuan ka lu ka bu nghut atan chuan awm ve reng kha a nuam dawn hauh lo a hmel hriat lo kar a damlo lo awm pui ve reng chu bawihpuia amah awm tu in a chhuah pui ta chu ka thlir zui vawng vawng



" A pa a chhun hle mai a " min rawn melh chung a then lui sak chung in a ti a, ka lu ka lo bu nghut


Ni e! Bawihpuia hmu tu apiang hian a pa a ang thu an sawi vek zel hai rual lovin a in ang em a tin ni, engkim a pa siar hi a ni ringawt danglamna an awm hauh lo nakin hunah a than len hunah erawh a pa mizia erawh rawn tawm lo hram se ka duh ngawt mai


Kei hian eng tik emaw a ka la kal San ngei ang chuti hun a chuan ka ngai thei ngawt in ka ring ka fa hrin a ni miau loh vang in ka bulah kal tur in ka hruai thei hauh lovang nilo chu thil chu ka theih chiah ang em ka kal bo san thei tawh hauh in ka ring lo a chhan chu kei hian ka ril a rah ka fa ang chiah in ka hmangaih tawh miau si a ka kal san hun tur ka ngaihtuah zawng ri ngawt pawh in ka na ru vawng vawng thei hial



Mahse kei hian a pa hi ka haw thei ngai hauh dawn lo tih hre reng chung hian hremna erawh pek ka duh tlat thung si kei hi natna tam tak min siam sak miau si a eng tik a mah ka ngaidam ngai huah lovang nu leh fa then hrang tu kha a ni tlat


He lai hmunah hian a ni hremna pe tur chuah a rawn let leh ka ni si a chu thil chu tunah hian ka ti thei lo mai ang tih ka hlau ber a ni a chhan chu kei hi a bul hnai a ka awm tam pauh leh hman a ka hmangaih tak thin mipa kha ka hre chhuak thin si a ni thutiam tam tak ka siam pui ngei mai kha


Ni a liam duak duak a ka pu dinhmun chu a tha lo telh telh bawk eng tik lai mai pawn in damdawiin lam a chuan ka awm pui deuh chawt in lamah ka haw pawh in ka awm rei hman ngai lo ka pasal chu ka bulah a awm ve reng thin biak erawh in be tam ngai lo tak kan ni


Mahse keimah chuah a ka pu awmpui ai chuan min be reng lo mahse ka thla a ti muang ve tak zet, tunah ka hlauh tak ber chu ka pu damlai hmel hi ka unaunu hian a rawn hmu ve hman lovang ti hi a ni


Bawihpuia pawh amah awm tu nen chhun lamah chuan an lo kal ve fo mai mahse damdawiin lamah naupang awm ve reng chi ni hek lo atan pawh natna dang kai chhawn a awl dawn vangin in lamah tunah phei chuan a awm tam zawk mahse hreawm ka ti ve takzet


Ka tan chuan ka fa hring tluk a ni a hmel hmu tha hlei thei lova awm reng chu a hreawm ve tak zet, ka pu chu zan lamah pawh kan tlaivar pui chang a awm thin ta nuk mai damdawiin awm chu a chuah thlak tak zet




*******MARY POV*******



Ka piah a mipa nui leh deuh suk suk thin chu ngei hle mah ila tunah chuan ka hman tangkai thei awm chhun a ni tawh miau si a duh ang a awm mai loh chu ti sak thei ka nei lo


Tlawng lui a ruang an chhar kha Lalrinchhana ruang a ni tih an hre chhuak tawh a tunah hian ka piah a thu mek sawn a case a khawih mek bawk a kei hi tual that tu ka ni tih an hre chhuak thei lo eng ti kawng zawng pawh in chuvang chuan chin chang eng kim ka hriat ve vek duh chuan hepa bulah hian ka hun tam thei ang ber ka hman a ngai



" I hna buaipui reng lo khan inti thawveng turin kan chhuak zawk dawn lo em ni" nui lui sang chung a kun hniam in a awm chu ka chul kual den den hepa hian hmeichhia a hnar theih loh zia ka pa khan a sawi chiang viau tawh



A awm ka chul na kut chu lo man chat in ka kut tang chu a fawp zeuh a min rawn nui suk chung in " Ka zo lek lek rei lo te a ni tawh ang" a ti chuan ka kut chu rang zet a la let in sofa a ka bag dah awmna lam chu pan in ka bag chu ka ban nghal rawk



" Mipa dang ang ai in i danglam bik tur a ka lo ngai hman che a mahse ka lo ngai sual deuh che a ni" lungawi lo zet a ti pah chuan kawngkhar lam pan ka rual nghal


A ni sawn ka sawmna chu a hnar thei hauh dawn lo tih ka hria a chhan chu hmeichhia a bul hnai a awm tawh chu a chan phal huah lo tih ka hre chiang lutuk tlat


" Khaw nge kal i duh ang" a thil rawn rawn sawi vang chuan ding chat in a rukin ka khi sak


" Hna khawih tur i ngah kha keimah in ka kal mai ang" ti leh kawngkhar hawng ka tum chiah chu


" Rei lo te a ni tawh ang ka zo lek lek a nia lo thu ve phawt la" aw dam thlup a ti chuan ka ner ru sak


" Ka tan hun I insiam ka lo ring a sin" beidawng hmel zet a ti chung in a awmna lam chu ka pan phei a


" Ka case khawih lai hi a kual deuh mah mah a tin ni! A thiante zawh fiah tur tlem a zawng ka la nei a" a case khawi lai ti a sawi chu Lalrinchhana case a sawina a ni tih ka hria chuan a thiante zawh fiah ka ngai a tih awmzia chu a Lalrinchhana thiante ho a be kual dawn tihna a nia an ni ho chuan ka hming an lam ri tel ngei ang


" Eng vang chuan maw! He case hi close tawh mai ta che tual thi nilovin mahni in ti hlum a ni ngei ang" ka chil lem halh chung in ka ti a ruk in ka khur thei hial in ka hria


" Ni e! Close vat tur chu ka ni nang in a chhung te hian an fapa thih dan a hian thil fel hlel a awm an ring tlat a ni chuti mai a he case hi khar theih lah a ni hek lo postmortem report a lang dan chuan a tukhum a hian hliam a nei a tui a tla hlum lah a ni hek lo" min melh ran chung in a ti a kei erawh a thusawi vang chuan ka kaw chhung chu hlauh vang in a khur ru der der thei hial a ni



" A tukhum a hliam a nei a! Mahse a ruang kha a chhe tawh viau an ti si a" ka thlan te chuan min bual thei hial in ka ring ka kut phah chu ka hum ruh vak ri ngawt


" I ti dik chiah a ruang kha a chhe tawh tak zet mahse tunlai a chuan thiam na a sang tawh a mihring ruang rei tak chhung an phum tawh te pawh hi hai leh in an taksa te pawh kan en that leh tak an awm nuk tawh mai"


" A ni leh eng vang a thi nge a nih I rin nangin?" Melh haw chung chuan ka ti a, ka hre chak tak zet bawk


" A chhung ten an sawi dan hmang a kha chuan an fapa hi tlawng lui a kal lai awm an hre miah lova chu bak a an fapa hi tui hleuh thiam tak a ni bawk a tukhum a hliam tuar theih tur khawp chuan thil theih loh tluk a ni postmortem report a lah tui hak vang a thi a ni loh thu chiang zet in a in ziak bawk a" meng kual riah pah chuan a ti a



" A ni chuan thah a ni i tihna a ni em?" Ka tih chuan a lu a bu nghut


" An thah hnu a chuah tlawng lui a hian an paih tih a hriat reng alawm, tui a khan lo nem thla ta emaw amah in tih hlum tumin zuang thla pawh ni se tui a a tlak hnu rei lo te a khan a rilru a fim nghal vat dawn a nunna chhan him tur in tui kha a hleuh ngei ang emaw a tlak hnu a ke a ai kherh thut te a ni loh chuan a tan chuan tui a tlak hlum kha thil thei lo tluk a ni"



" I case chung chang hi kan sawi reng dawn nge ni a kan leng chhuak dawn" kan thil sawi lai thupui thlak tum zet chuan ka ti a, a lu bu nghut in


" Rei lo te ka ti zo lek lek min lo nghak leh lawk rawh chuan i duhna ber a kan leng chhuak nghal dawn nia" a tih chuan ning ru zet chung in a piah a chuan ka thu tha leh te te a


" Ka haw vat a ngai zawk in ka hria zanah lo leng zawk rawh" tipah chuan ka ding chhuak a kawngkhar lam chu ka pan vat min rawn umzui tawh lem lo


Hman hmawh zet in an station chu ka chhuah san nghal vat tunah hian kei hi ringhelh kai ve thei reng ka ni Lalrinchhana a ni ti leh postmortem result zawng zawng a chhuak tawh a tunah chuan a thiante ho pawh dawp chhuah vek an tum tawh ngei ang a chuan kei ngei pawh hi ka bang hauh lovang


Lalrinawma lah kha a fing hmel ropui si a ni khan min ringhleh vang in min lo kawp vel mai mai pawh a ni thei kei leh Lalrinchhana chung chang a lo hre ru tawh pawh a mi maithei a sin


A ni nupui fanau nei tawh leh nghal khan kei hi eng ti kawng zawng pawh in kei ai chuan a nupui leh fate a thlang zawk ngei ang, eng vang a kei hian lo hnaih kher kher nge maw ka nih reng reng ni kei hi ka a zo tawh a ni ngei ang


Ka phone message ringtone rawn ri zawk vang chuan ka then sak ka car khalh lai chu ka ti ding chawt tunah hian eng thil ber nge ti tur pawh ka hre lo eng tin nge ka awm zel tak ang ka pa khan postmortem result kha thlak turin midang a ruai dawn emaw ka lo ti a sin ka thin a rim tak zet



Thawk la hawk in ka car stearing chu ka chum vak ka hma a kawng rawn kan tu te chu chiang zet in ka melh kawk kei hi ka à zo tawh tak tak a ni ngei ang ka hmu sual a nih ring in ka mit chu ka tuai puat mahse ka hmu sual hauh bawk si lo


Mahse thil theih a ni lo a ni saw eng vang in nge a pum a puar ve ngawt chumai bak a Moses putea nen chuan in huat loh hmel fahran in in kai chung in ka hma a hotel chhung lam chu an pan bawk mahse eng vang a Vanlalhriatchhungi pum chu vawi leh khat a lo puar ta ngawt nge a ni ang chuan an ni hian Moses an lo bum reng a maw! An va han tenawm tak


Khapa khan Vanlalhriatchhungi thlavang kha a hauh na hle a nih kha mahse eng vang in nge Hriati ber kher a kawp henu hi a lo tenawm ru viau a ni dawn hi ka car atang chuan hman hmawh zet in ka chhuk a an luhna hotel lam chu ka pan vat



Receptionist bulah chuan " Tunah rawn lut te khan room an book em?" Tipah chuan an kalna lam chu ka kawk vu


" Miss min hrethiam la heilai hmun rawn tlawh tute mimal nun chu kan sawi chhuak thei lo a ni" nelawm zet a min nuih sang chung in a ti a


"Khawngaih in ka hriat a tul tak zet min hrilh hram rawh room an book a nih chuan an room number min hrilh hram rawh" tap deuh pur chung chuan ka ti a


" Miss min hrethiam zawk rawh ka hrilh thei loh che a ni" a rawn ti leh chuan ka ka hup chawt in ka in hnit ri faih a



" Khawngaih in min hrilh hram rawh tunah mipa rawn lut kha ka pasal a ni a hmeichhe rawn hruai kha a hmei a ni bawk kei hi min bum a ni an pahnih khan khawngaih in nang chiah hi min pui thei tu i ni" a kut a chelh chung chuan ka ti a



Ka mittui tah chhuah vang a rawn tla ni hauh lo chu ka hru tawk bawk receptionist nu chuan a hmel a chuan min khawngaih ve hmel tak zet beidawng hmel zet hian min melh bawk


" Min pui hram rawh ka pasal kha ka hmuh ngei a ngai a ni in lamah kan fapa damlo nasa tak mai ka rawn kalsan a ni mahse ka pasal chuan kan fapa leh kei hi min lo bum reng si! Ka hmeichhiat pui I nihna ang in min hrethiam hram la an awmna room chu min hrilh hram rawh" khawngaih thla la thei tur ang ber chuan ka ti a ka in hnit leh deuh faih thin bawk


Rei ngail ka ngen hnu chuan min khawngaih ve ta deuh a ni ngei ang thawk la ri halh chung in " Miss ka hrilh che tih hi sawi miah suh ang che ka hmeichhiat pui i nihna ang in ka pui mai chuah che a ni" tipah chuan paper them a hian an room number chu ziak in min pe a


Nui lui sak chung in lawm thu ka hrilh sap kei hian Vanlalhriatchhungi
leh a putea ten an bum dan zawng zawng hi ka hrilh vek a ngai finfiahna ka nei lo a nih erawh chuan min ring hauh lovang finfiahna ka nei ngei tur a ni


Hmeichhe fel leh tha ber ang in i lo awm kual a vel a tiraw Hriati kei hian I nihna dik tak chu i pasal hma a hian ka tar chhuah sak ngei ang che i pasal hian eng ti kawng zawng mah in a ring leh tawh ngai hauh lovang che



Kei hian Hriati leh Moses putea awm dun lai kha ka hmu fuh theih hlauh chuan Moses bul a hmuh in ka nei thei ngei ang Moses chuan in a ring leh thei tawh ngai lo ang a


Paper them a number inziak chu melh in ka then sak, kei hian ka nun chu a tawp tawh dawn emaw ka lo ti mahse a lo la in tan dawn chuah zawk a lo ni hi


Ka hma a kawngkhar chu melh in ka khi sak a phur awm tawh mah mah a ni doorbell chu phur zet hian ka hmet ri vat rawn hawng mai an tum lo emaw tih mai tur a ni


Door bell ka hmeh rik tak sek a chuan an rawn hawng ve hram kawngkhar rawn hawng tu vang chuan ka then sawk a pum puar chu a lian lutuk lo mahse a puar ti erawh a hriat tawh hle thung


A ni pawh in min hmu chu a ring chiah lo nge ni a then ve sawk mai " Lut turin min sawm dawn lo em ni" nui lui sang chung a ka ti chuan a ner sawk mai, a sam chu a lo tan tawi ta a ni ngei ang mahse kan inhmuh loh chhung a pum lo puar ta lua mai chu mak ka ti tak zet


" Nge ni a i pasal helai hmunah rawn kal ve tur hian ka ko zawk dawn em ni?" Ti fu in ti zet chung a tiin a chhung lam chu ka melh zawk khawi ah nge Moses putea kha a awm le



" Ka pasal maw! I duh chuan lo kal turin hrilh la mahse kei hian pasal ka nei hauh lo erawh a pawi ka ti hle mai" nui lui sang chung a rawn ti chuan mak ti vang in ka lo meng bial nghal kawk ngeiin ka ring min lo hmu tu tan chuan



" Hriati nang hian I pasal I then ta em ni?" Tha zet chuan ka ti a, a ni hian a hriatna te kha vawi leh khat a hloh ta daih tih na em ni a chet dan chuan min ti hrilh hai lek lek a ni



" Rawn lut la eng emaw tal chu i in ve ang chu" tipah chuan a dul la kiar lutuk loh mahse a rai a ni tih hriat zet chu chul zeuh chung in chhung lam a ka luh theih nan chuan a awm sawn hlek bawk


" Lo lut rawh ka seh lovang che " nui sang chung a ti phei chuan ka ngaih a ti tha lo leh zual henu hian a hriatna chu a hloh tak tak em ni zawk


Ti dak chung in a chhung lam chu ka pan a sofa a chuan hahdam hmel zet hian a thu thla kei pawh chu ka thu thla ve vat


" Nang hian min lo zui ru a, tichuan helai hmun thleng hian min rawn zui lut ta a" a mit hmul kan ak chung a tiin side table tui in chhawp chu thli zeuh in " in rawh" a aw chu a vin lam lek lek tawh zawk a ni


A ni hian kei hian ka hmu tih kha min lo hmu ru ve reng tihna em ni mahse a chet dan hian min thawng lutuk tlat ka awm te hial a ti nuam lo a hma a Hriati ka hriat thin leh tun a mi chu in thlau tawh tak an ni tun a mi hi chuan mi tih hlauh a thiam.tak zet nui lui sang mahse a hmel a sawn ka in ring loh lai a min beih thut duh hmel a pu tlat chinghnia fing tak in a sa seh tur te thiam tak a thlem kual hi a ang ber



" Nang hian Moses hi i lo bum char char a eng vang a rawn let leh nge i nih? Ka hre chak hle mai" ka tih chuan nui sang chung a ka lam rawn hawi in a tho chhuak nawlh a side table a thei vel na tur chemte chu lek kang chu a ka lam rawn hawiin


" Moses ka bum lai ka va hre lo ve! Mahse ka rawn let chhan erawh I tan a ni" a la nui lui sang mai a chet dan chu a rapawm tak zet


" Eng vangin maw ka tan i rawn let" ka thutna lam rawn pan in a chemte keng lai chu hmuh nawm tih hmel zet hian a melh a ka hma a tak rawn ding in " I ba te rul tur che in maw le, ba chu rulh let leh ngei tur a ni' ti pah chuan thip zet a min rawn melh zawk in a chemte keng lai chu a zut zauh



" I ba te i tih awm zia chu ka hre thiam hauh lo kei hian I laka ba ka nei lo" a chet dan chuan mi rap lutuk tlat a mit meng te saw min huat zia chu a hriat vek


" Ka lak a ba I neilo mahse kei hian ka nei thung ka rulh let hunah che i hrethiam mai a niang chu" a chemte keng lai lek kang vut chung a tiin thip zet hian min rawn melh a hmel a sawn min thah a hreh hmel miah lo leh nghal tunah sawn a ni sawn ruih a neih em ni nge ni a à vek tawh zawk


Side table a apple in chhawp chu chemte lu zum chuan na zet hian a vit zawk a, ka ka hup chung in a chet dan ka hlauh em vang chuan ka te chhuak zawk henu hi a à tak tak ngeiin ka ring tlat


" Hlau duh suh! Khatiang a hlauhawm loh thei a ka vit chauh a ni kha mihring em ka vit hleinem" a tawngkam tin reng te chuan min ti hlau tak zet tawh


A thei vih tak chu lek kang in a seh zauh a, a mit hmang chuan ka ei ve duh leh duh loh thu min zawt a ka lu thing nghut nghut chung in ka duh loh thu in ka lo chhang vat



" Ramhuai i kaw chhung a khan a lut a ni ngei ang " ka thutna tang a tawl hla hret hret chung in ka ti a, ka lam a rawn hawi te chuan a hmel te chu ka rap lutuk a kaw chhung a sawn ramhuai in an chen chilh a ni ngei ang



" Maithei a sin" a la ti duh lek chauh leh nghal


Kei hian helai hmun thleng ka lo zui ta chu pawi hi ka ti ta ngawih ngawih in ka in chhir ta hle mai ka lungphu te chu hlauh na vang in a phu rang lutuk tlat helai hmun a hian kei hi ka awm reng a ni chuan lungphu chawl vang in ka thi thei hial in ka ring



" Hriati i thiante an lo kal em ni?" Mipa aw in a rawn ti chuan tlem in ka ngaih a tha ve ta deuh aw lo chhuah na lam chu ka melh vat Moses putea chuan towel var thianghlim zet hi a kawng a chuan a vet kual a kawr engmah a inbel lova a sam la huh zet chu towel var thianghlim zet hian a hru mawlh mawlh bawk



" Mary" tipah chuan a hmui a ti sawi zauh mai kan lam pan in a rawn kal phei a ka bul a mi chuan nui sang chung hian in pan in a kuah nghal thlawp a


Ka lawm rawn hawi in " Ka pasal hual Rammuana a nih hi i hriat tho ka ring Moses putea nia" ka mak ti lutuk chu ka ka pawh ka chip thei lo ka hma a mite pahnih chu ka melh tlawk tlawk ri ngawt



An inkar thu chu zep a tum hran lo a ni ngei ang, a in tithei zawk hial in ka hria an chet duh dan chu ka ring phak piah lam daih a ni mi bum tu an nih vang hian an lo in zep ve deuh ka ring a sin


" Nang ni hian Moses in lo bum char char a " ka ti chhuak phawng a ka thil sawi chu ka hma a mite pahnih chuan an lo uk sak loh hmel em em leh nghal



" In lo tenawm dun hle mai eng tin nge in ngam zawk in rapthlak tak zet Hriati i pasal a putea a nih hi Moses hi i bum dawn a nih pawh in midang thlang zawk ta che Moses tan a hreawm tur zia i ngaihtuah pui ve lo em ni?" A au hian ka au chu a ni ber zawk Moses chu a vawi khat na atan ka khawngaih ta tlat pek a nih chu a nupui a hmangaih leh a duh em em leh a putea chuan an lo bum char char a lo ni si a



" Vawi eng zat nge ka hrilh dawn che Moses hi ka pasal a ni lova kan bum hek lo bawk tenawm min ti ve khang lang suh nangmah kha in en hmasa phawt rawh" a bul a mi pa ding kut chu nghet zet hian a chelh bawk



" Rammuan a ni hian kan thuruk engkim a hre vek ta si a eng tin nge kan tih tak ang! A ni hi that in room chhung a hian kan thuru zawk dawn em ni?" Nui lui sang chung a tiin a bul a mipa ding chu melh zauh in thip zet a min melh in a hmui a ti sawi zauh



" Nge ni a helai hmun atang hian hruai chhuak in Mumbai a mihring hmang a sumdawng thin te bulah kan pe zawk ang" a ti leh chuan ka thin in a tuar tawh thlawt lo an awmna lam pan in an bul ka thleng chiah tih chuan beng tum in ka kut chu ka let chhuak vut a rang zet a ka kut chu lo beng per chhawk in


" Nang hian ka hma a hian I kut hi vawi khat pawh rawn lek leh tawh ngai suh ang che a nih loh chuan ka hma a i kut I lek vang hian in chhir ngawih ngawih in ka siam mai ang che" a bulah mipa ding lah chuan hmuhnawm ti hmel zet hian min lo la thlir ang ta deuh deuh a



" Moses bulah khan Rammuana nen a kan inkar hi hrilh i tum tiraw a tha e! I duh ang finfiahna chu ka pe ang che mahse a lo ring ngut che emaw chu" tipah chuan ka bag ah lai chu rawn phih zawt in a dap nghal rawk rawk a ka phone phawrh chhuak in chutah ka kut a rawn hmeh bawm chung in min nuih sak a " I duh ang finfiahna I neih theih nan thla lo la ang che" tipah chuan Rammuana awmna lam chu a pan phei a



A bul mipa ding chu dingdi hlip ak chung in a nghawng a chuan a kut pahnih a uai in a hmui a chuan a fawp nghal bawrh bawrh a nih chu! A bul a mi pawh chuan in a chet dan teh thut chu kei ang thovin mak alo ti ve a ni ngei ang a che sawn eih lo



Ka kut khur hlawk hlawk chung in a duh ang ngei chuan an thla chu ka la mawlh mawlh, henu hi ka ring phak piah lam ai in a nasa zawk


A chet dan engkim mai a chuan a hma a Hriati kha chu ang na pakhat mah a nei ve tawh hauh lo tunah chuan hmeichhe pawi sak nei hauh loh ang mai a ni


" I la zo tawh em? Nge ni a kha lo kha a dang I la duh belh zawk" a rawn ti chuan ka phu zawk thei hial nia henu hi a hlauhawm lutuk tlat


" Ka kal tawh zawk ang nge" tipah chuan chak zet in kawngkhar awmna lam pan chuan ka tlan nghal dawr dawr, ramsa hluahawm nen danglamna an awm hauh lo



Hotel ka chuahsan lai te chuan min rawn umzui mai hlauh vang in a chak thei ang ber hian ka tlan hlawk hlawk min rawn nang ching in khanu khan min thah duh mai ka ring tlat a ni



Mahse eng vang a khatiang a che ta vak nge a ni leh a chet dan kha mak ka la ti tawp thei lo rang zet in ka car chhung a chuan lut vat in engine ka ti nung a ka dawk chhuak nghal zawk



A ni khan Moses chu a then hlen ta tak tak tihna em ni? A tawngkam a khan Moses chu a pasal a nih loh zia a sawi a chumai bak a pum chhung a naute pa chu a ni khan sawi hauh lo mahse A pasal putea maw! Mahse ni khan a lo let leh atang in a pum kha a lo tuam ru char char thin tihna a nia min lo bum kual vek bawk tihna



Moses chuan kha hmeichhia kha mi à ang mai a zawng kual a chutah a lo let leh hnu a putea nen an bum leh ta vel a ka lak a phuba la tur chiah in a rawn let bawk a


Ka ngaihtuahna chu thiam zet a ka hmang a ngai kei hian Moses chu ka nei thei reng a ni a hmeichhe hmangaih ber in a putea lam a hawi san ta si a, kei hian Moses chu ka hnaih leh sawt a ngai dawn tihna a ni


Ka in kawt a car chu ti ding in ka chhuk nghal vat a in chhung lam chu hman hmawh na nei miah lovin ka pan chhet chhet bawk


" I hmel chu ramhuai hmu ang mai a lawm i nih le! A va dang nasa ve" inchhung ka luh rual rual in ka nu chuan alo ti a then lui sak chung in ka room lam ka pan san nghal


Khumah chuan zawi zet in ka bawk thlawp khami te pahnih khan ka ngaihtuahna chu an ti buai tak zet eng tik atang khan nge an lo in kawp ang an in zep thiam hle ngei in ka ring tlat bawk


Ka phone hmet eng in WhatsApp a chuan ka lut vat number hlang atang hian video ka dawng nawlh mai a tu chuan nge maw min lo thawn le! Eng tin nge ka number te hi a neih theih reng reng ni


Video ho tak bak a ni ka rin loh vang chuan download pawh ka download duh lem lo


Ka chau deuh pawh a ni maithei vawin a ka hun hman dan te vang khan ka mit chu ka meng hlei thei tlat lo


"Kal pui nghal rawh u" palian zet pahnih hian ka dar tawn tawn ah na zet a min hmer in thim chhah tak lam hi min pan pui a tal chhuah tum in ka bei ve fat fat bawk mahse ka tal chhuak thei hauh lo


Khawi ah nge min kal pui an tum? Kei hi eng vang a min man nge an nih " ka duh lo min thlah rawh u khawiah nge min hruai in tum?" Ti chuan ka au vak vak ka thusawi chu ngai pawi mawh loh tih hriat zet hian thim chhah zet lamah chuan min hnuk dawr dawr a ka tal vak vak bawk engmah ka hmu thei hek lo a thim lutuk tlat


" Aih ka duh lo khawngaih in min thlah rawh u, thil sual engmah ka ti lo kei hi min thlah hram rawh u" tap pur chung chuan an khawngaihna chu ka ngen mawlh mawlh a mahse min ngaithla hauh lo


Pindan thim zet a hian min paih lut a min dim hauh lo leh nghal ka hlau lutuk " eng vang a helai hmunah hian min dah nge in nih ?" Ka tih chuan min nuih sawh ti hriat zet hian an nui uar uar a



" Nang hian tual i that a thil sual i ti lo maw i fa i ril a rah ngei i thlauh thla bawk a " a aw ah chuan min dem zia chu hai theih rual a ni lo, aw lo chhuah na lam chu zawng in ka hawi kual a ka hmu thei hauh lo a thim lutuk tlat


" Khawngaih in min kal tir rawh u hetah hian keimah chuah in min kalsan lo hram rawh u" tipah chuan ka vak kual a ka bul vel chu ka dap kual rawk rawk bawk


" Min pui hram rawh u, tu emaw tal in awm em" thawm chu a reh vung vung mai ka hlauh em vang in ka khur zawih zawih a tanpui ngem in ka au vak vak bawk mahse tumah in ka aw chu a hre thei hauh bawk si lo ka hrawk te chu ka au na lam a thip vek tawh aw chhuah tur pawh ka nei tawh lo



Ka awm dan chu a hreawm lutuk vawi leh khat a tu emaw hian min rawn man thut in ka hming a min ko chung in min thing vak vak bawk mahse ka meng mai thei lo mi tu emaw hian ka meng theih loh nan ka mit chu a hup tlat ang hian a awm a au chhuah ka tum lah in ka aw a chhuak thei hauh bawk si lo



Mangang em em aw rawl chhuah ka tum lai chuan naute tap ri ring zet hi ka hria chu naute tap chu ka fanu ngei a ni mahse a ni chu eng tin nge a tap ri ka hriat theih a ni chu hmun hla tak a ka thawn bo tawh a nih kha, a rei telh telh a tap uar telh telh leh nghal a tap ri te chuan ka beng a ti khawk mai dawn in ka hria


" Mary bawihte harh chhuak teh" ka nu in a rawn ti chuan chiang zet hian ka harh nghal kawk ka nu chuan mittui tling pam in min lo melh ran mai


" Naute tap kha" thlan in min bual khat vek a, ka aw chu tha tak in a chhuak ve thei mai chu mak ka ti tak zet ka nghawng vel chu thlan in min bawlh vang in a huh dup mai




Ka mutna tang a tho chhuak in ka khum piah a tui bur chu la in a chhung a tui awm ka in nghal khawlh khawlh naute tap bengchheng zet leh thim chhah zet te kha ka mang chhia vek an ni



Lalrinchhana ruang an hmuh chhuah leh atang hian tui tak in ka mu thei ngai huah lo mangchhia ka mang reng thin mahse tunah mi kha chu a hma zawng zawng ai in a danglam bik naute tap ri ka hre tel a nih kha



" Nu naute tap ri kei hian ka hria a ni" ka nu melh zawk pah chuan ka ti a tui chu ka in leh nghal khawlh khawlh in ka taksa chu ka en kual den den a hliam engmah ka nei hauh lo


" Nang hian mangchhia I mang leh tawh em ni" ka nu in min lainat hmel zet a ti chuan ka lu ka bu nghut



" Tiang a nung reng lo hian khawiah emaw kal in nunthar a nun tum leh zawk la tunah i nun dan hi hmuh hreawm ka ti takzet che mangtchhia vang in I mu thei ngai lova I au vak vak a chang leh i rawn tap chhuak leh thin nu tan fa te hreawm tak a an awm hmel hmuh hi a nuam lo tak zet a sin" a mittui hruk zeuh pah chuan a ti a


" Ka tha damdawi kha ka ei ang nga ka tha leh mai ang" tipah chuan damdawi awmna lam chu pan in ka ban nghal rawk rawk



Ni e! He damdawi hi ka ei a ni chuan ka tha leh em em ang a hma pawh in ka ei a khang mangchhia te kha ka nei tawh ngai lova tui tak in ka mu thei a nih kha tun a Lalrinchhana ruang an chhar tak vang in ka buai leh ta mai mai a ni



" Naktukah kan pahnih in i fanu hmu turin va kal ila i awm pawh a nuam deuh mai ang " ka nu in a lo ti chuan ka kut ka lo phar chhuak vu


" Ka duh lo! Ka hmu duh lo kei hian ka hmu duh lo ka fanu a ni lo kei hian fa ka nei dawn a nih chuan Moses nen a kan fa chiah a ni tur a ni" ka nu thil sawi vang khan ka beng a chuan chiang zet in kha naute tap ri kha a rawn ri nawn tluk tluk



" I fanu a ni hi Mary a hmel tal pawh i hmu ve duh loh ang maw" beidawng zet a rawn ti in min rawn kal hnaih a tum chu ka tawlh hnung hret hret



" Aih ka hmu duh lo kei hian fanu ka nei reng reng lo kha naute kha kei hian ka duh lo buaina tam tak min siam sak tu tur a ni kha" ka beng hup chung in ka ti a


Ka tap chhuak mai dawn in ka hria ka tah mai loh nan ka hmui hnuai lam chu ka pet fan fan ka awm dan hreawm lutuk chuan ka tah a ti chhuak tak zet


" Kha naute kha kei hian ka mamawh reng reng lo ka fa a ni hek lo kei hian ka duh loh vang in midang ka pe a nih kha chuvang chuan ka hriat a i lam leh tawh tur a ni lo" ka beng hup chung in bang ngheng in chhuat a chuan ka thu thla hnawk


Kei hi ka à mai dawn in ka hria ka beng chu naute tap ri vang chuan a khawk vek tawh



" Nu ka duh lo ka awm dan hi ka duh lo Moses min koh sak rawh a ni ka hmuh chuan ka dam vek ang" in hnit hlawp hlawp chung chuan ka ti a


" Moses ka hmu duh a ni chuah in ka natna te an ti dam thei a hreawm emai ka awm dan hi a hreawm lutuk Moses chiah ka duh a bak engmah duh ka nei lo siamtu khian eng vang in nge ka tan a ruat lo" ti chuan ka phun chhuak sep sep


Ka nu chuan mittui tling pam chung a min rawn pan in min rawn kuah a ka sam a chuan chul heuh heuh in " I tan siam tu khian a ruat ve lo a ni ngei ang chuthil chu ka fanu pawm thiam hram rawh Moses ai tha hi a pe ang che Rinawma hi Moses ai chuan a tha zawk lo em ni?" Ka nu chuan min lainat zet a min melh chung in a ti a



" Aih khapa lalrinawma khan kei hi min duh lo a nawm chen chiah min duh kei hian Moses lo duh ka nei lo ka tih chu a ni chu ka tan nelawm in awm ve ngai miah lo mahse kei hian ka duh ber tlat si a ni" khur zawih zawih chung in ka ti a



Ka mitthla Moses hmel ka hmuh vang chuan ka awm te chu a nuam huai thei in ka hria


" Mary " mi pa aw in a rawn ti chuan ka harh chhuak nghal kawk


" Moses chu nu Moses in min au a nia ka kal a ngai" ti leh tho lawk in ka pindan chu chhuah san ka rual nghal


Ka nu chuan ka hnung ah chuan min rawn umzui nghal a ngai pawimawh lo zet in ka tlan lui zel thung


" Moses" ti pah chuan kan kawngkhar piah a mipa ding chu pan ka rual nghal


A bul ka va thleng chiah ti chuan ka kuah nghal thlawp a mak ti hmel zet in min melh let ve thung a hmel chu a buai nuk mai


"Min lo ngai hman hle a ni maw" then deuh sak chung a ti chuan ka awm hrang nghal vat


" Moses I ni lo khawiah nge Moses" ka tih chuan ka piah a mipa ding chuan hriat thiam lo hmel zet hian min melh haw mai


" Mary keimah Rinawma " tipah chuan amah leh amah chu a in kawk a then deuh sang bawk, ka harh chhuak nghal kawk in ka hria


" Eng nge i lo tih dawn?" Ka tih chuan ner deuh sak chung in a lu thak lo pui chu a hiat a


" Zanriah kan ei chhuak dawn nia i tih kha" a rawn ti chuan


" Ni e! I lo theihghilh ta em ni? Rinawma nen in ei chhuah tur thu i sawi kha va in siam rawh " tipah chuan ka room lam a chuan min nawr lut a hre thiam lo zet in ka nu chu ka melh haw


" Bawihte nun bul i tan that a ngai chuvang chuan tha deuh in awm rawh Rinawma hi chhuah pui rawh" kawngkhar chu a khar nghal daih


Kei hian Lalrinawma saw ka ring ve hauh hleinem a ni sawn kei hi min ringhelh vang in min hnaih ve tho tih vawin khan ka hre thiam tawh a ni saw hmuh tam ka duh tawh huah lo


Phur lo fahran in ka in ti fai thuak thuak a, ka thawmhnaw bawm chu hawng in ka kawr hak tur chu la chhuak in ka in bel nghal mawlh mawlh, ka in peih fel hnu chuan phur lo fahran in ka pindan chu ka chhuah san a



" Aw hei! Mary pawh a in peih fel ta e, kal vat rawh u" ka nu chuan a lo ti a



" Ka haw leh vat duh dawn a nia aw" ka tih chuan ka nu chuan ka dar a rawn piai in nui lui sang chung hian "Rinawm rawn hman hmawh duh suh u vawin tlai a rawn haw kha a nuam sam meuh lova boruak tha va dawng rawh u" a lo ti chuan ka ner nang mai


Pawn lamah chuan kan in zui chhuak a ka nu pawh in min rawn zui ve zel a, a bullet ah chuan in a ti nung vut vut a mit hmang chuan chuang turin min mitmei zeuh bawk


" Tluang deuh in in kal dawn nia" ka chuang fel hnu chuan a ti a


Ka nu chu vei liam in ka tlan chhuak ve nghal a, kei hian ka nun dan hi ka kham tak zet mahse kei hian beisei tur dang ka la nei Hriati ka kawng dal ber thin tu in a pasal a kal san tawh a tunah chuan Moses ka nei thei tawh ngei ang


" I nalh hle mai" ka hma a mi in ring zet a rawn tih chuan hre lo lui ve ngat, a ni hi ka kham tawh tak zet a ni


Eng emaw chu a sawi a ka chhang hauh lo ka mizia dang ta daih chu a ni pawh in mak a tih thu a sawi pawh chuan ka hre lo lui ve ngat ngat


" Kan thleng ta" a bullet ti thi in muang chang in a ding a chhuk nghal vat in a chhung lam chu ka pan nghal a ka hnung lamah min rawn pawt tu vang chuan ka then sak " eng nge i hriat a" ti tuar pah in ka hma a mipa ding chu ka melh rawm


" Chu chu ka zawh awm tak zawk che a ni" min melh ngur chung a dar San ak in ngeiawm deuh hian a thle bak


" I zak thei lo hle mai! A chhung a sawn thil ei turin kan lut dawn nge dawn lo " chang fak a tiin ka melh rawm


" I mizia dang ta daih chu hriat thiam a har hle mai" a rawn ti leh chuan ner sawk in


" Ka mizia a dang ta chu pawi ka ti khawp mai a chhung a sawn thil ei tur a ka lut dawn lo a nih chuan ka haw dawn " ti leh in her ka rual nghal



A ni hian a duhna hmun a piang a hruai kawi thei ka ni lo tih hi in hre rawh se! Ka kham tawh lutuk, kei hian rei lo te chhung ka be tha ve te te a ka chung a thunei tu emaw a in ti nghal ri ngawt em chu a ni loh hram ka beisei

" Moses chu tu nge a ni?" a rawn ti chuan ka kal lai chu ding in ka in hum ruh vak a ni, ka chung a thunei tu a ni lova thu min pe thei tu lah a ni hek lo tunah chuan ka tan tangkaina a nei tawh lova a thuhnuai a ka awm a ngai tawh hek lo



A thu sawi chu hre lo ang hmak in ka hma lam chu ka pan lui ngat ngat, ve lutuk hian! Rei lo te a bulah hmeichhia ka nihna ka hmang vang mai in a thuhnuai a awm tur a min han ngaih nghal ngawt chu le


" Zothansang ding rawh" a rawn ti hrawk pawh chuan ka la ding duh eih lo ka kal ngai in ka la kal lui ngat ngat, kei hian ka la dawh tawk tawk a mahse ka dawh theihna in a tlin tawh bik lo ka kham lutuk tawh


" Ka sawi i hre lo em ni? Ding rawh ka ti a ni lawm ni" ka te chhuak that ka bul a rawn thleng lai ka hre miah lo a lamah chuan hneh sawh zet in min pawt let dawr ka ban a chuan nghet zet hian a chelh bawk


" Tu nge Moses chu a nih sawi nghal rawh a nih loh chuan helai hmun atang hian i kal sawn hauh lovang" thupe aw zet a rawn ti vang chuan ka kut chu ka thing pawp a min thlah ve mai bawk a


" Ka mipa hmangaih awm chhun" ka tih chuan a nui suk mai


" Ti khan i duh tawk thei tawh em? I nupui leh i fate bul a i hun tam zawk i hmang tawh dawn nia nula hrang hrang kawp kual tawh lovin chuan kei hi min hmu turin rawn kal leh tawh ngai suh ang che" ti leh kal mai ka tum chu


" A chhung a sawn in thlah nan eng emaw tal chu kan ei dun dawn em ni?" A rawn ti chuan ka ding leh rih a



A ni hi hmeichhe lawm ve tak a ni a, hmeichhia han ti kual dan pawh a thiam lutuk tlat sual thu a phei chuan a sual hauh lo, ti hian kei ngei pawh in ka ngaihtuah a Moses ni lovin a ni hi lo tawng hmasa ta ila mahse chu chu duhthusam mai chuah a ni


Kei hi min hre chiang hauh lo ka thil sual tih zawng zawng te kha ngaihdam tlak loh khawp a sual a ni a chu ka thil sual tih zawng zawng te a hriat vek hunah chuan min ngaihdan pawh a dang tawh ngei ang


Mahse ka thil tih te kha Moses ka hmangaih vang leh neih ka duh vang chuah a ti ka ni, ka kal thui tawh lutuk a let leh thei ka ni tawh lo


" A tawp nan tak tak i duh ang em?" A rawn ti leh chuan ka khawngaih ve tak zet

Kei ang misual lutuk hian ka hremna hmuhna tur pumpelh nan chuah ka duh a ni erawh chuan a rilru min lo pe hman a ni ngei ang


Kei hian eng vang a mi fel ber awm a chutiang te chu ngaihtuah ta chu nge maw ka nih le! Ka à zo vek tawh tak tak a ni ngei ang


" A tha lawm a tawp nan tak tak" ka ti chuan nelawm zet hian min rawn nuih suk in van lam a hawi a eng emaw hi a chham sup bawk


" Kal ang" ka kal tawhna hnu lam chu pan in ka kal leh a ka hnung a chuan min lo zui ve mai bawk a chhung ka luh chuan ka thaw chhuak hap


Ka awmdan chu ka sawi fiah thiam hauh lo ka thil sual ti tak te vang khan vawi leh khat a ka in chhir ta ngawih ngawih a nih chu ka lak a hian piangthar na an tih ang kha a rawn awm ve ta em ni


Dawhkan awl awmna lam chu ka pan a ka thu nghal vat bawk ka hnung min rawn zui tu pawh chuan ka ep chiah a thutna awm a chuan a rawn thu thla ve mai bawk a


" I mizia hriat thiam har ka tih zia i hria em? Rei lo te chhung hian ka hmeichhe kawp thin te ho mizia hi ka hre nghal vek thin nang erawh hriat a har tak zet" a rawn ti sup chuan


" Kei pawh in ka mizia hi ka hriat thiam loh laiin nang in eng tin nge i hriat thiam teh lul ang mahse thil pakhat ka hrilh ang che rapthlak min la ti khawp ang" ka tih chuan ka fiamthu emaw a ti a ni ngei a rawn nui chhuak hawk mai


" Ka uang huah lo a nia ka thil lo tih tawh tak te vang in nichin lawk a i tawngkam pakhat vang khan in chhirna a vawikhat na a tan ka neih phah a sin" ka ti tak tak bawk tiang reng a mipa min dawh thei thu kha ka la tawng ngai miau lova


A ni vang hian a vawi khatna atan in chhirna in ka nun a rawn thlak a nunthar tan that thei ni ngai se chuan tha tak in ka nun ka hmang ve tawh ngei ang


" Chu i tan chuan ka danglam hle i tihna a ni maw" a rawn tih chuan aw ka ti tih hriat nan ka lu ka lo buk khum zauh


" A ni chuan nang hian min lo hmangaih ru reng em ni?" Nui hauh hauh chung a rawn ti chuan eng tin emaw tak ka chhung ril lamah chuan a rawn thawk a ni


Kei hian hmangaih pakhat chuah ka nei a chu chu Moses a ni, a ni reng bawk ang mahse hepa hi chu ka hmangaih ka ring miah lo mipa dang ka lo tawng tawh te ai erawh chuan a danglam tak zet a tir a kha chuan ka taksa chuah duh tur a ka ngai a


Mi phakar tak leh nun thlahdah zet a nen mahse ka ring ang chu a ni hauh lo a chhung ril chu alo tha tak zet belh chiang a dawl mah mah a ni


" Ka hmangaih maih loh che mahse ka tan chuan mi danglam tak i ni" hepa bulah hian ka nihna ang tak in ka awm thei a midang bulah erawh in hawng tak in ka awm ngai miah lo bawk


" A va na deuh ve! He lai hi a rawn thip zawk mai " a thin zawn kawk pah in a la nui lui sang a nih chu mahse a mit meng erawh a danglam thung na a ti tlat a hriatna ka nei a ni ka ngaih bel vang a ni maithei


Waiter in menu min rawn pek vang chuan kan thil sawi lai chu tawp in menu chu ka melh tlawk tlawk engmah ei chakna pakhat mah ka nei lo

Ka piah a thu in a duh zawng a sawi chuan a ei ang ka lo ei ve ang ka ti a


" Kan ei man erawh I tum a ngai ang " ka tih chuan a dar chu san ak in a tum tur thu in min chhang a


" Thian tha tak ang in kan awm thei ka ring" ka ep a mipa thu melh chung chuan ka ti a


Ka thian nih chu nakin a chuan a la duh hauh in ka ring lo ka thil sual tih tak te kha a lian tham emai chung lam a mi ngei pawh khian min ngaidam thei ngai lovang


Min chhang lo in a ngawi reng a ka thian ni tur a ka lo sawm ta chu pawi ka ti ngawih ngawih, kei hian ka ti mah mah a ni


" I duh loh a ni pawh in pawi ti duh suh! Thian tha ti a sawi tur hi ka nei ngai lova ka ngaihnat awm loh em vang leh ka sual vang hi a ni ngei ang" ka tih chuan min lo melh ngawr mai

Dawt ka sawi hauh lo kei hian thian tha ti a chhal tur pakhat mah ka nei lo ka lo kawm ve tawh thin te ho khan ka neih bak an duh lo ka neih an ei theih chhung min lo kawm ve mai mai


" Ti khan mi melh suh! Zanin hi kan tan kan hun tawp na tawh tur a ni hi hlimawm tak in hmang tum zawk ang ka thil sawi kha sawi lo ang a min ngai zawk dawn nia" in hawng tak leh ka chhungril a min kap tu awm te a bulah hian ka sawi chhuak thei te hlei hlei chu mak ka la in ti


Kan thil order te a lo thleng tak vang chuan ka thil sawi lai chu ka tawp a


Kan hma a ei tur chu in hrilh nawn ngai huah lovin kan ei nghal a, ka ep chiah a thu in a hma a eitur in chhawp te tui ti hmel zet a ei lai chu ka melh tlawk tlawk


A ni hi hman a khan lo tawng tawh ni ila tiang em em a thil sual hi ka ti bik in ka ring lo, hmeichhe ang tak tak in a bulah chuan ka awm thei bawk a hma kha chuan hmeichhia ang ni lovin sakawlh ang in ka lo khawsa mai mai ni in ka hria


"Ka hmel tha viau em ni? Tiang khan min melh reng lo la i hma eitur in chhawp te kha ei vat rawh" a rawn ti chuan rang zet in ka hawi sawn a ka hma a eitur in chhawp chu ka ei lui ngang ngang


Engmah ei chakna nei lo ni khan ka in hre si a ka hma eitur in chhawp chu ka ei zo duak mai, ka thleng ruak ta chu melh in ka then sak


"Khawiah emaw kan kal dawn em ni" ka tih chuan a lu a bu nghut chung in counter lam a pan tur thu sawi in a tho chhuak nghal vut a hnung a chuan ka zui ve nghal vat bawk


Kan ei man te chu a pe a piah lawk a chuan ka lo nghak vang, a pek fel hnu chuan pawn lam chu kawk in a kal vut a hnung a chuan ka zui ve zel a, a bullet dahna bul kan thleng chuan chuang nghal vat in a ti nung a, a hnungah chuan ka lawn kai ve nghal mai bawk a


" I nu khan inti thawveng turin a duh em che kha " tipah chuan a tlan chhuak a, a kawng a chuan nghet zet a vuan in a hnung a chuan ka bei hle hle bawk ka chet dan vang chu a ni ngei ang a taksa che dawt a chuan a nui tih ka hre thei


Thli thaw vuk vuk in ka hmai a rawn chhem te chu nuam ka ti tak zet tiang reng a in hawng leh ka awm dan thup ngai miah lova ka nun ka hmang hnu hnung ber pawh ka hre tawh lo ka ngaihtuah ngial pawh in ka ngaihtuah chhuak thei tawh lo


Ka nun hahdam tak a ka hmang leh hmasak ber a ni ngei ang, a speed a rawn ti sang thut vang chuan te chhuak zawk in a kawng a chuan ahma ai nghet leh zual chuan ka kuah nghet sawt



A tlan lai a ding thut vang chuan hrilh hai zet a thu ngil in ka hma a mipa chu ka melh haw " Sawlai a sawn in tur ka va lam lawk ang" a rawn ti chuan ka lu chu ka bu nghut



Dawr lam pan a kal chu ka melh zui vawng vawng mi pa hmel tha tak tia sawi tur ni hauh lo mahse a pian erawh a in khai thli nalh hle thung, a nupui chu hmeichhe vannei tak a ni ngei ka ring


" Ka rei i ti em?" In khai bawr chung a rawn ti chuan chhang pawh chhang lovin ka ngawi reng, kei hian a ni pawh hi natna ka siam leh lo ang tih tu in nge sawi thei zan in bak chu ka hmu leh tawh ngai lovang



" Saw lai deuh a sawn hmun rem deuh a awm a " bullet a thut that pah chuan a ti a ka la chhang chuang lo ngawi reng in a hnung a chuan ka thu ve le mai a, ka thu fel chiah ti chuan a tlan chhuak nghal mai bawk a


Hla vak lo kan tlan leh hnu chuan khawi lai emaw peng a hian a tlan lut a hmun chu midang in a kal pawh vak ngai pawh in ka ring lo


A bullet a ti thi rual chuan ka chhuk nghal vat a piah lawk a chuan a bullet chu dah in ka awmna lam chu a rawn pan in a thu thla nghal zat


Kan ep chiah a chuan in a eng tuar bawk kan awmna lai chu tlem in a thim deuh mah mah hlauhna in min rawn nang nghal ti tih leh nghal ka tim nghal sung sung thei


" Hlau duh suh! Ka awm hi" ka bulah mi chuan a lo hre thiam a ni ngei ang a piah lawk a chuan ka thu thla ve nghal zat a


" I in ve duh em?" Tipah hian whiskey bur ni ngei tur hi a rawn lek kang a


" A pawi lo viau in ka ring"


"Lo nghak lawk" tipah chuan a eng emaw hi a thil rawn khainan a hmang atang chuan a la chhuak a, a rawn eng nghal vu mai dispo pahnih hi rawn la chhuak leh in whiskey chu a thli a tui tlem a pawlh bawk


Lo ban vat in ka tlak nghal pap a ka piah a thu chuan min lo nui vur vur mai

A whiskey bur keng chu lak sak in ka in thlit leh nghal a ka tlak leh pap

" Ka rin ai I in thei daih mai a" a rawn ti chuan ka then sak


" Ka tleirawl chhuah tan tir phei chuan ka in ru nasa thei lutuk ka pa ta te ka ru chhuak a ka in ru thin" kan piah a in eng tuar lam chu ka melh vawng vawng


" Sual hma hle mai a " a rawn ti chuan


" Sual hma tak ka ni ka nu leh pa fa neih chhun ka ni a ka duh apiang mai chu min tih sak theih a ni phawt chuan min tih sak vek zel mahse mi pakhat erawh min pe thei ta lova" ka no a mi tlak leh pap pah chuan ka ti a


" Ka duh ber mai chu a man a to hle a ni ngei ang tun thleng hian ka la nei thei ta lo chu a ni hi! A ni chuan kei hi a huat in min hau a kei lo hmeichhe dang hmangaih a nei bawk a kei hi ka vanduai a ni ngei ang ka mipa duh ber mai midang ta a ni tawh chung pawh in ka la pawm thiam thei hauh lova neih tumin ka bei tang tang a mahse a tawpna chuan rah tha lo tak a chhuah ta si a ni hi" thawk lak hak pah chuan ka ti a


" I beidawng ta I tihna em ni?" A rawn ti chuan ka hmui ti sawi zauh in


" Beidawng chiang tak ka ni ka nun zawng zawng ka turah vang in ka ti chhe ta vek bawk a inchhirna hian ka lak awm zia a awm ve tawh lo" chuai sap a tiin ka piah a mi min lo melh reng tu chu ka nuih lui sak


" Kan dinhmun chu a in ang lo hle mai kei erawh ka chhung te nawr luihna vang in nupui ka nei a fa pahnih kan nei tawh chung pawh in ka nupui chu duhna emaw hmangaihna ka la nei chuang lo ka tum lui viau chung pawh in " a in tur melh pah chuan a ti a


A dinhmun a sawi chu ka hre thiam pha ve hauh lo mahse nuam lo ka lo ti pui ve em em a nih chu


" Tichuan hmeichhe hrang hrang i kawp kual ta a" ka lo tih chuan a lu a bu nghut


Thli rawn thaw leh heuh heuh thin chuan kan awm na lai chu arawn ti vawt deuh ser ser mai


" Zanin hian I rilru a lang ang a piang sawi chhuak la ka lo ngaithla zel ang" ka tih chuan min rawn melh zawk in a in tur chu a buaipui leh nghal a


A chanchin a sawi lai chuan ngaihnawm ti zet hian ka lo ngai thla ve reng a chang in a thusawi chu ka lo ti tawp leh zauh thin zawhna ngah zet in ka thil hriat duh te ka zawt a dawhthei zet in ka zawhna chu a lo chhang ve zel mai bawk a



Kan haw kawng a te chuan a chanchin a sawi tak te kha ka ngaihtuah let neuh neuh a chhungkua te leh ka nu leh pa te chu ka khaikhin an danglam hle a ni an fanu in ka duh zawng tawh phawt chu ka nu leh pa in min pek ngei an duh laiin a ni erawh in a duh neih nan rimtak in a thawh chhuah a ngai thung a chutah an thu in a hmel duh miah lo hmeichhe a nupui atan an neih lui tir leh a


Kan in kawt a bullet a ti ding chuan ka thutna tang a chhuk in bullet a thu mipa chu kuah in a hmui a chuan ka fawp zauh a " Muttui le" ti pah a in la hrang in kan in lam a ka pan in ka ke chu ka pen a pen nga vel ka pen tawh ang ti a chuan in her leh in



" Zanin hun nuam tak a min hmang pui avang in ka lawm e" ti sep in ka nui sak


" Lawmthu min hrilh ta chu awm dan ka thiam lo mai dawn lawm" min fiam pah a ti chuan ka awmdan chu lai an tih ang khan ka lo awm ri ngawt a ni chu



" Lut tawh rawh i chhung ten an lo nghakhelh tawh ang che" a ti chuan kan in lam chu ka pan a ka khi lut vur vur mai


" I lo thleng tawh maw! " Sofa atang a rawn tho chhuak in a ti a ka pa pawh choka lam atang in thingpui no nen a rawn chhuak ve vat bawk


" I hmel kha i va hlim hmel ve" ka nu bawk in a rawn ti leh chuan ka nui sak a ka hmui chu ka khawih zauh


" I hlim hmel kan hmuh lohna rei tawh zia hi " a ti chuan ka nui leh sak tunah hian ka hlim tak zet a ni


" Nu pa thil sawi duh ka nei a, a pawimawh tak zet" ka ti chuan ka nu chu a lo phur hmel tak zet


" Sawi rawh bawihte keini chuan i hlimna hi kan duh ber Rinawma chung chang kha a ni em?" Ka nu hmel a chuan rei tak ka lo hmuh tawh ngai lo beiseina thar ka hmu a ni


Sofa lam chu pan in ka thu thla a hahdam tum zet in thawk chu ka la lut ham ham tun ang reng hian ka la hahdam ngai lo, ka nu leh pa pawh chu ka piah mai a thutna awm a chuan a rawn thu ve vat a


An hmel a chuan ka thu sawi tur an nghahhelh zia chu alang reng mahse an duh ang chu kei hian ka sawi dawn hauh si lo nuam lo ka ti ru ngawih ngawih a sawi chhuah lo mai ka duh a mahse ka thei lo a ni keimah vang in hreawm tam tak an lo tuar tawh a ka la belh chhah dawn zui chu a ni sia


" Nu pa kei hian nun bul tan that leh ka duh a" zawi sap a ka tih chuan ka nu leh pa hmel a chuan ka thil sawi vang chu a ni ngei ang an lawm ti hriat zet in vawi leh khat a an hmel chu a rawn eng nghal sawt ni mai hian ka hria


" Rinawma vang ngei kha a ni tiraw kha pa kha misual a nih ka ring lo reng a ni" ka nu in phur zet a ti chuan ka lu ka bu nghut


A ni vang khan nun bul tha tak a tan that leh duhna ka neih phah tlat reng a ni


" Kei hian ka thil tisual tak te kha ka pawm thlap a naktukah hian police hma a in pek ka duh a ni" ka tih chuan ka nu hmel chu a danglam nghal kawk mai


" Eng thil nge maw i sawi le! Nang hi tanin hmun hreawm tak a i awm ang maw! Aih kan fanu neih chhun i ni hi chutianga awm tur chuan ka phal lo che" ka nu in a rawn ti chuan ka nu rilru tur chu ka hre thiam tak zet an fanu neih chhun hi hreawm tak a tanin a ka awm tur chu a phal lo ti ka hria


" Nang hi hreawm tuar turin ka phal reng reng lo che kha pa Rinawma khan in pe tur che in a ti che em ni" ka nu in a rawn ti chuan ka lu sawi nghung nghung chung in


" Aih a ni khan engmah a hre lo mahse kei hian mi à ang mai a ka nun hmang ka duh tawh loh vang zawk a ni"



" Eng rilru nge maw i put tak le! A hma khan tanin a luh i hluah em vang khan i pa tanpui na I dil a ni kha nang hian councellor tawng fu in chu counsellor chuan pathian thu a hrilh vak che em ni" ka nu chuan hrilh hai hmel tak hian a ti a


Ka pa erawh a la ngawih tlat thung ka nu dinhmun tur chu ka hre thiam kei an fanu min hmangaih vang hian an mit hial an ti del tawh chu a ni! Hreawm a ka awm phal ngai lo tu leh nuam sa zawk leh hlim tak a ka awm a duh tu kha a ni


" Nu kei hian tunah ka nun dan hi ka hne tawh a ni mi à ang mai in ka vak kual a keimah in siam chawp natna hi tihdam nan midang tih nat pawh ka hreh ngai hauh lo mahse ka nun a vawikhat na atan kei hian ka nun dan hi sim a nunbul tan that ka duh tawh kei in fanu hi hmangaih tlak loh khawp a sual ka ni" ka mit chu ka chhing vang vang kei hian thil tha ka ti ngai lova ka invenna tur a ni phawt chuan midang ti nat ka hreh ngai lo



" Kan fanu neih chhun i ni a kan hmangaih lutuk bawk che nu leh pa te chuan kan fate chuan eng ang a sual lian pawh ti se kan hmangaihna a kiang phah ngai lo a sin chuvang chuan khatiang khan vawi khat mah tawng leh tawh ngai suh ang che" ka nu in tap pur chung a ka dar a rawn vuan chung in a ti a,



An fanu hi ka nun hi a beidawng zia an hre chiang lutuk a kei hi beisei na thar nei leh turin min duh tak zet mahse kei chuan beisei na thar chu ka nei ve ngam tawh lo a ni he in elna khawvelah hian kei hi ka tlawm a ni



" Nu kei hi min hmangaih vang leh ka chung a thil tam tak in tih vang hian ka lawm e! Khawvel thar hi a lo awm leh a ni ngai chuan ka nu leh pa ni leh ngei tur cheu in siamtu khi ka lo dil ang in tan fanu tha ni ka tum tawh bawk ang " ka nu chu a in sum zo lo rawn tap chhuak in min kuah nghal vat a ka piah ka pa thu chu ding hluai in kan nufa chuan min melh in thawk a la hak


" Kei hian ka ril a rah ka fanu ngei ka thlauh thlak tak kha a hmel pawh ka hmu duh lova nu eng tik a mah ka chungchang hi hrilh ngai hauh suh ang che u aw khawngaih in chu thil chiah chu min tih sak leh hram rawh u " ka melh ngai chu ka melh tlawk tlawk


Kei hian ka ril a rah ka pum chhung a mi kha a hmel pawh kha ka hmu ngam lo a ni atan nakin lawk a phur rit leh a zahna thleng tu tur bak ka ni dawn lo min haw reng reng in a hun a la hmang ngei bawk ang



" Mary ruih I neih em tunah khan eng vang a thu tawpna siam reng nge i nih tak?" Ka pa chuan a rawn ti a


" Tunah hian pa engmah ruih ka nei lo ka harhfim mah mah a ni mahse thil pakhat leh chiah in fanu hi min ngaidam ngai suh ang che u ka tan khawvel hi a tawp tawh a nia nge" zawi sup a tiin ka nui lui sak



" Khawiah mah naktukah atang in i chhuak tawh lovang i room a in kalh khum reng ang che khawiah mah i kal bo hi kan phal ngai lovang" ka pa chuan vin lam lek lek hian a ti a


" Mary pa khatiang khan kan fanu hi i ti thei lovang! Nang hian kan fanu hi tanpui dan tur i zawng zawk tur a ni dawn lawm ni? Ka fanu hi a à vek tawh ni hi" ka nu chuan keimah vang a rilru na zet a tiin a in hrut hruih


" Kan fanu tan a thil tha ka duh vang zawk a ni pawn a chhuak a ni chuan police hnenah i pek a tum a dang ka tum zawk a ni" ka pa bawk chuan a rawn ti leh a


" Bawihte va mu tawh rawh zinga ngaihtuah na fim hmang i tum zawk dawn nia" a rawn ti chuan ka lu bu nghut in ka room lam chu ka pan phei chhet chhet


Khumah chuan zawi zet in ka let thla a ka nu leh pa in ka tan an tuar nasa em em a hei ai hma hian lo harh chhuak hma ni ila tha tur hi a nia ka hma ka sial em vang in pawi sawi lo tam tak in an tawrh ve phah ta si a



Kei hian mi ka ti na hnem tawh lutuk tlat tual hial ka thah phah a ka thisen ngei thlauh thla in in hmangaihte ka then hrang a an fa hial ka lak sak bawk a hmangaih hi ka va phu lo em! Chuti chung chuan kei hian hmangaih tu ka la nei a ni tih chu ka in hria chu te hlei hlei chuan min ti na a mahse hmangaih tu te tluk a hlu hi an awm lo tih ka hre chiang tawh hle bawk mahse ka nun hian a lo zir lo em a!



Kei hian mi pakhat ka ta a ni ka duh luat a ka nun zawng zawng thleng in ka ti chhia a ka at phah loh chuah a mi dang reng ngaihtuah lovin natna tam tak ka thlen sak a hremna hmuh chu ka phu tak zet


Ka phone khak neuh neuh in ka mit chu ka chhing leh sawk thin mut luih tum eng ang mah ila ka muhil thei dawn chuang in ka hre lo, a hma number hlang atang a ka video dawn chu download in ka en vat


Ka thil hmuh vang chuan ka meng phawk hle ngei in ka ring kha mi ni a mi ngei kha! Video a mi chu keimah ngei ka ni bawk hotel ka chhuah san lai kha CCTV in a lo record reng a lo ni

Ka hmel chu hlauhna a khat a ni tih mi mawl ber pawh in an hai hauh lovang! Mi hmuh hlauh hmel zet in ka hawi kual leh zuk zuk thin bawk



Kei hian ka fanu ngei pawh kha ka thlauh thla a mi hrang hlak te enkawl tur in ka hlan chhawng ta a ni kha kei hi eng tikah mah ka in ngaidam thei tawh ngai lo ang


Ka muhil thei dawn chuang lova ka hriat vang chuan tho chhuak in thawk ka la halh a drawer chu hai rawk rawk in damdawi chu ka hnawm zauh a mahse awmzia a awm thei chuang lo ka mit te chu a thip vek mai ka awm dan hreawm lutuk vang chuan damdawi chu ka hmawm leh vat


Ka thawk te chu a nuam hauh lo min hnawh tu lian zet awm ang mai hi a ni ka hmai I ngail ngial bawk mu mitthla a mipa lo lang chuan nelawm zet in min nui sang mai


Ka taksa chu a zawi vek a engmah ka hmu thei tawh lova ka taksa chu tu emaw hian a thing leh nawk nawk mai mahse harh chhuah ka duh tawh lo tunah hian thla muang tak in ka muhil ve thei chuah a ni hi harh chhuah duh teh reng pawh ni ila ka harh chhuak leh thei tawh kher in ka ring lo



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)