Hello Ryan!Chapter-2 By Lalrinsangi Bee

Episode kal lai dah luhna

Moderator: writers

Lal Rinsangi Bee
Posts: 59
Joined: October 30th, 2020, 11:16 am

Hello Ryan!Chapter-2 By Lalrinsangi Bee

Unread post by Lal Rinsangi Bee » May 20th, 2022, 12:22 am

Hello Ryan!
Chapter-2
By: Lalrinsangi Bee













Ryan-a dawr a alo kal a tangin karhnih ngawt a liam leh tawh,tunlai chu naupang ho test paper check tur leh karleh lawk a an exam tur question set ngai bawk nen dawrah ka thu hman si lo a,school-ah lah a nau a rawn hruaiin a rawn thlah tawh ngai si lo.
A nau lahin a chanchin a sawi tawh lo si lo a,kei lahin ka zawt ngam si lo.


He mipa naupang tê hi ka vei reuh riau mai a,a hmel en chuan kei aia naupang turah ka ngai ngawt mai bawk a,a dik ngei pawh ka ring.

"I paper check-ah khan i rilru i pe hlawl lo" Bawiha'n ka room kawngka a tang a rawn tih chuan harh zawkin ka hawi chhuak vat.

Ka lam panin a rawn pen hnai a,ka thutna bul a ka khum tlangah chuan a rawn thu a.

Min melh rûn reng a,a pa lian chi anih bakah hian a mah te hi hmeichhia in 'man' kan tih ang hi ania,a hmel a chhe si lo nen,luck pawh a luck,a hmeichhia zawk hi an rawn leng an rawn leng thin.

Mahse a chang hi chuan a naupang zawk leh chhungkua a mipa awmchhun tih takah a no leh thut thin.

"Ngati nge a?" A rawn tih chuan zawhna mitmeng a enin ka mit ka san ak a.

"Bialpa i nei ve mi?" A rawn tih chuan ka nui phuh thawt lo chauh.

"Nei hmel ka pu em ni ka nau" ka nuih ver ver a.

"I awmdan hi U Rick..." Ka nui hmel chu a reh hmak a,amah pawh chuan a sawi zui tawh lo.

Ka inthlahrung leh si chuan "sawi zawm rawh" ka tih chuan

Nuam lo tih hmel deuhin "U Ricky nen a in inngaihzawn tirha i awmdan ang deuh khan i ngawi vung vung a thil ngaihtuah mûk hmel deuh hian,nangmah chauha i awm te hian i nui leh ver ver zel bawk sia" a tih chuan Ricky nen a kan in ngaihzawn lai ka mitthla-ah a rawn lang zat zat a.

"Ngaihzawng nei hman ka ni lo min en ta che i farnu neihchhun hi,ka buai dan hi,min chhawk tum hmel lah hi i pu lo ve mai sia" lungawi loh hmel deuhin ka han melh a.

Nui sukin "Zirtirtu nih i chak em kha,tiang khan check mai mai rawh" ti mahse ka bul a chair pakhat la awm chu dawhkan bulah chuan dahin a rawn thu tharh a.

"Khawi pen" paper bih ngur ngur chungin kut a rawn dawh a,keipawn pen ka lo pe vat.

"I va han fel tak mamawh i nei em ni?" Ka tih chuan nur nang a min rawn enin "Phût let neiin thil ka ti ngai lo" a ti khanglang,phût let nei ran lo chuan engmah min tih pui ngai lo tih ka chiang ve mai sia.

12:47am velah kan check zo hram a,a chau bawk aniang ka khumah a bawk thlawp a,"Zirtirtu ka nih loh dan tur zia hi chu" a ti nang nang a,hriat hleih theih lohin ala phun char char zui.

Kan chetna vel ka dah fel zawh chuan ka hmai phih turin wash room-ah ka lut a,ka chhuah leh chuan ka khumah alo mu fel thên tawh.

Va kaihthawh ka tum pawn a harh thei miah lo zui,a muhil der emaw ni?

"I khumah va mu rawh" tih pahin ka sawi nawk nawk a.

Phak chel chual a rawn mengin "Hetah ka riak dawn" tih pahin ala in siam rem sauh sauh lehnghal.

Ka ti lui peih ta lo law law.
Ka khum a te em em lo bawk a,kan pahnih pawn kan la thawl huau tho mai.

Zan dangah dar 2 te dar 3 thleng thleng te meng fo si ngati nge maw zanin hi a mut a chhuah hma em em ni?

Zing a ka harh chuan ka khum bul dawhkan a sana chu ka va en vat.

7:00am alo ri der tawh,ka alarm ri ka hre lo a ni ngei ang,ka bul a mû lah chu a la hnar ang kûk kûk a.

Hmanhmawh lutukin inhnuaiah ka chhuk a,ka nu dawrah a chho tawh bawk si nen rawngbawl ka la ngai zui.

Kan chawhmeh ho ka hawng diat diat a,tukin zing hmeh daih chu ala awm mai dawn hi.

Chaw chhum ka siam sawk sawk a,ka chaw chhum chhungin room-ah tlan lutin Bawiha ka kai tho vat,mut a la kham loh hmel em em mai lehnghal.

Ka thawmhnaw hak tur khumah chuan ka theh thla phawk phawk a,ka paper check ho chu ka theihnghilh hlauin a file chawp chuan khumah ka dah bawk.

Tukthuan chu ei sawk sawkin Bawiha ka inthlah tir a,ka nu tiffin kan pe kawi leh bawk nen.

School ka thlen chuan 8:50am alo ni der tawh.

A zirtirtu ber tlai hi chu ka duh thak lo.

"Ka kal ania" Bawiha'n a tih chuan "Fimkhur la" ka sawi zo hman vel chiah ang tihin tlan chhuak nghal.

"Good morning miss" ka hawi phei vat.
Raelynn chu bike atang a rawn chhuk thla in min rawn nuih ver ver a,mahse Raelynn ai chuan a rawn thlahtu pa saw ka melh nasa zawkin ka hria.

Ka hmuh khat tawh lutuk vang nge hmuh ka inrin loh lutuk vang zawk ni ka thin lah chu thlawk chhuak tur ang maiin a phu dut dut mai bawk a.

"Miss,kan test paper kha vawiinah i sem dawn ti raw" a rawn tih chuan ka harh nghal kawk.

"Awiii...Lalpa,dawrah ka theihnghilh daih" tih pah chuan ka chal ka dawm vawng vawng.
Keimi khawlo lutuk hi chu awww a.

Ryan lah chu kal mai lo chuan a bike a thu chungin min lo la thlir ve reng zui.

Test paper la tur a let lehna hun a awm tawh si lo.
Bawiha lak tir tumin ka call a,ala pick thei lo zui.

Ka che buai lutuk chu ka tah a chhuak tûn zawk.

"Keiman ka va la ang" rawn ti tu lam chu Rae nen chuan phawk hra a hawiin "maw" kan ti rual thawt.

"Ka sawi in hria" tih pahin a bike start in a tlan chhuak nghal daih.

Raelynn nen hrilhhai deuh chuan mak tih hmel zetin kan in en ha a.

School bell a rawn rik tak avangin kan inthen hrang vat a,kei staff room lamah ka lut a.

Ryan chuan a va la tak tak em ni le.
Awii...ka duh vel reuh em mai a he mipa naupang chhelo lutuka hi.

Kawngka in kik ri karh karh chu ka thawh puite ho chuan an lo chhawn vat a.
Kei lah hawi sawn miah lovin Ryan char char ka lo la ngaihtuah.
Huiz...min ti aa takzet tawh a nih dawn hi.


"Miss Hopie test paper tur ka rawn dah dawn a" ka va hawi phawk leh hra tawh.He Ryan hian alo va la tak tak chu a nih dawn hi,paper dahna file chu a khai va va mai.

"Ohh...Ryan,i va lak hman pawh ka lo ring hleinem" nui lui chungin ka va pan vat a.

A ni erawh chuan ngawi reng a min enin vung vungin file chu min pe a,a chhuak lehnghal tur chu lawmthu te ka hrilh ve luam a,a kal liam thleng chuan ka thlir ru reng thung.

Class lak lai te chuan ka rilru ka pe thei lo,he rawlthar Ryan Vanlalfaka hian ka rilru a luah hneh lutuk tlat.

Naupang ho hnenah chuan an exam na a pawimawh tur ka pek ho chu zir turin ka ti ta ringawt.

Lunch break-ah chuan canteen lam ka pan a,Rae chuan min lo nghak leh reng tawh.

Min ngaina in ka bul a awm nuam hi a ti em em a,kan in a rawn len pawh a tum nghet thin viau na a lehkha zir tur a tam thin avang hian a rawn leng hman thin lo.

Lunch break a piang hian canteen bulah hian min lo nghak a,
Min hmuh veleh hian alo nui ver ver thin.

A ni pawh hi a û ang mai hmeltha si pian thiam si hi ania,kan school naupang mai ni lo,school dang naupang ho pawh hian an ngaizawng nasa a ni awm e a classmate te ho sawi danah.

"Vawiin chu miss ka treat ang che aw" a tih chuan nui sukin "Ngati nge i va phûr awm ve a?" Ka tih chuan phûr hmel zet a thu tha sauh sauhin.

"A û in pawisa min pe a,in miss chu i lo treat dawn nia a tia" a sawi zo chiah tiin min rawn thut hnaih sauh sauh a.

"A star che a ni chiang mai,i chanchin te min zawt thin ania aw,vawiin pawn school-ah min thlah hman loh a hlau lutuk a 5:00am velah alarm te alo set a" a tia a nui kur kur a,thudik a ni nge ni lo hrechiang lo mahila ka hlim ru veng veng mai.

"Hman ni pawn pumpui damdawi a room-ah alo awm a,a pumpui a that loh kan hre si lo a,anu in thil awmzia a zawt a,ala sawi duh miah lo zui" a tih chuan hman nia a damdawi lei kha ka hre chhuak thut.

"Damdawi tui chi em ni?" Ka tih chuan lu thing nang nang in "Ni lo,ihh...a tawpah chuan 'D' a awmin ka hria" a tih chuan Pantop D a ni tih ka hre nghal.A nu te ho ta turah ka lo ngai ve ringawt a.

"Ohh...a tawp a D awm te chu a tam e" ka tih chuan kan han nui dun leh ang hak hak a.

School kan ban chuan khua a dur khup mai a,ruah a sur dawn tih hriat takin khawpui lah chu a ri dur dur reng a.

Ka haw rual pui thin mipa naupang ho pawh nghak lem lo chuan hmanhmawh theih tawpin bus stand lam ka pan a,ruahin min dang ang tih ka hlau bawk si nen ka hmanhmawh bawk si chu ka tap pûr thei nia maw le.

Ka bul a bike rawn ding dat chu melh pawh melh lovin kal pelh mai ka tum a "Lo chuang rawh" ti ri a vang chuan ka hawi let chiang ngei mai.

"Ohh...Hello Ryan!Rae i hruai dawn em ni?" Hamhaih zet a ka tih chuan min melh rûn chung chuan zam hmek pu miah lovin "ka rawn hruai dawn che" ala ti zui.

Min ti lai lek lek alawm le.
"Rae-in a nghak reng tawh ang che va lam vat rawh ruah a sur dawn hi" motor rawn tlan ho en kual pah a ka tih chuan nin hmel zetin "A ni chuan hruaitu a nei,nangmah hruai tur che a lo kal ka ni tih kha ka sawi tawhin ka hria" a la ti hluk zui.

"A pawi khawp mai ka lo kal lo mai ang" tih pah a ka inher tur chu ka ban rekah rawn vuan chatin "Rawn kal mai mai rawh" a la ti chang fak zui.

"Ka duh looo" a kut a min vawnna chu phelh tumin ka kut phah a ka tang chung pawn ka phelh thei hlek lo zu nia maw le.


"Miin min en hrek hrek ania kal mai rawh" ka tih chuan "Lo chuang la kan kal dawn nia" a ti duh chauh mai bawk si.

A tawpah ka beidawng chuan "anih leh ka chuang ang min thlah rawh" ka tih chuan a thlah ve mai bawk a.

Amah hlat thei tur ang berin a hnungah chuan ka thu ve ta vang mai.

A bike seat hnung sang chi alo ni nen kawng chhe deuh hlekah chuan in sawh auhin ka zuk bawk leh ruak ruak thin.

Kawng tha lai chin kan thlen chuan chak lutuk tak maiin min han tlan pui ta mai anih kha.

Ka hawi chhuak ngam tawh lo,a hnungah chuan ka bei a,a t-shirt hakah chuan ka vuan tung bawk.

Bike a ding chiah chu mittui tling pam a hawi chhuakin "I mawl em ni?" Ka ti vîn that a.

"Min ten hmel deuhin min hnaih duh lo vel anih kha" ala ti duh chauh zui.

Ohh...ni lo,,,tun a kan awmna hi kan veng a ni miah lo.
Ni lo,kan veng chu sawi loh khaw chhung a ni tawh reng reng lo,a bul velah chuan thingkung leh hnim bak hmuh tur reng reng a awm lo lehnghal.

"Heyy,,,nang hian min pawngsual i tum em ni a?" Tih pah a thinrim tak a ka va pan chuan "I va ninawm tak,itawm lo ve ropui si hi" a tia,zawi tein a ma hriat tur tawk lek a "engtin nge maw ka duh theih ni?" A ti ri chu ka hre pha zuai.

Tunah khan engthil nge a sawi,kei hi min duh a,haha,a teuh lo lulai em mai,theih chang lul teh se.Mahse theih pawh a chang lul lo ang a.

"Eng nge i ngaihtuah vung vung a?" Tih pahin phawk fê in min rawn en a "ka haw duh" ka lo ti hmak zui.

Thaw hakin "Anih leh lo kal rawh" tih pahin a bike lam a pan a,a bul ka va thlen chuan alo inpeih leh der tawh.

A hnungah ka thu fel chiah tihin ka kut chu rawn la in a kawngah min kuah tir a.

Awiii...ka lo chhiar tawh thin thawnthu a,a changtunu te angah min in ngaih tir hmanhmawh.

Pangparhnima Chhingchhengtei te,
Penglengpunga Penglengpingi te leh
Lawmzuala Zonuni te
ni angah ka in ngai.

A dar phenah chuan ka nui ru ver ver a,ka bialpa ni se aw....tih ka lo ngaihtuah leh hmanhmawh pek.

Ruah lah chu a la sur miah lo zui,min ti hlauthawng ve em em a hmmm....

Chak lutuk lovin min tlan pui a,kan dawr kan tlan pelh dawn chuan ka nu in min hmu ang tih hlauin ka kûn ngul a.

Kan in kan thlen hma chu kan in be ta lo.

Kan in kawtah chuan bike chu a ding dat a.

Chhuk vatin "ka lawm lutuk e aw..." Tih pah a kal mai ka tum chu

Aw thawp sat hian "Hopie" min rawn ti ta mai.

Rang zetin ka hawi let a,ka daang sawt sawt hian ania ka rin ni.

"Zanah ka lo leng dawn ania,thingpui tui tak ka beisei ang" ka inrin hma hma in a tlan chhuak a ka la phu nasa em em zui.

In chhung ka luh te chuan ka nui vur vur a.

Ka in bual lai te chuan kan awmdan vel kan mitthla leh thin.

Ka nuihna lamah ka ha te hi a beh zo dawn hian ka hria,mahse ka nui khi lo thei lo,ka hlim em a ni.

Ka in bual zo sitting room a ka awm te chuan kan in chhung chu ka'n en kual a,a bal ta riau te hian ka hria.

Zanin a lo len a tum vang nge pawh ka hrethiam lo tih fai te chu ka chak zek zek mai.

Ka phone rawn ri chuan ka ngaihtuahna atang chuan min ti harh zawk a.

Ka beng bul a dah pahin "Aw hello nu" ka ti vat.

"Lo chho mai teh rawng ka lo bawk zawk teh ang he lai chu ka ning tawh em mai" mmm...ka ngaithla nge ngaithla lo tih pawh hre miah lovin a phun zui leh nak nak.

Ni e...zing kar atang tawhin dawrah a tap chawt a,motor ri leh khawl ri te leh mihring tawng hrim hrim te hian beng a ti ngawngin lu te hi zu han ti hai chum chum thei a maw le.
Mut a chhuah duh dan lah chu sawi ngaihna ka hre lo zawk.Dawr nghak a mu thlu thin ho hi a nghak ve ngai lo chuan an hrethiam thei hian ka ring lo.

Ka nu nen kan inbiak zawh chuan eng eng emaw ti felin dawr lam ka pan vat.

Dawr chhung ka thlen chuan lo ding hluaiin "ka chhuk nghal mai dawn ania" tiin ka chhanna pawh nghak ta lem lo chuan a kal zui daih.

Ka nu hi chu a dangdai ve thin ania,a nin tawh chinah chuan tih luih theih miah loh,a awm peih tawh lohna-ah chuan minute 1 pawh awm lui thei tawh lo a kal hmak chi hi a ni ve a.

Customer kan neih loh kar lakah chuan sana dawr mawlh chu ka melh leh vang vang thin.

A rawn lang hlawllo ang a.
Zan a lo len a tum kha ti tak tak ang maw?

Ka inchei hluai dawn emaw ni aw?
Ka ngaihtuahna atthlak zet avang chuan ka nui chhuak hak a.

"My dear,mahni chauh pawh hian alo hlim theih tih hi henu-ah hian alo chiang anih hi" Lalthlamuana leh Zobela rawn inzui lut chu ka lo nuih suk a.

"Mahse kei chu i tello chuan ka hlim zo mawlh lo Duhtak" Zobela rawn over vel lutuk mai mai chu a.

"Ka hmuh peih loh ber pahnih,worst couple of the year te" ka tih chuan an la na ngang mai,ner nawng chungin uang deuh ti tihin min ankhum rawn a.

A tawpah "Horana'n bialpa i nei a tia a mi" Thlamuani'n lungawi loh hmel zeta a tih chuan.

"Nei hmel ka pu mi,ka nei lo ka tih tawh kha ngati nge Lalhriatpuia mai mai chuhh" ka tih chuan min awih loh hmel zetin min en a.

"Ricky nen bawk em ni?" A rawn tih zuai leh raih chuan nui sen senin lu ka thing a.

"Nunhlui a kir thei ka ni tawh lo,bangalore-ah a awm daih a ni lawm ni,biak pawh kan inbe tawh ngai lo" ngaih hoh hmel tak a ka tih chuan "kar hmasa khan alo haw chho alawm,i number min dil a" a tih chuan phawk hra a va enin

"I pe em?" Ka ti chang fak.
"Pe lo pe lo,i thu lo te chuan"

"In ninawm ka awm ve tih hre lo ang hmiahin in inbe leh tawh ania aw Lalthlamuan" Zobela'n a rawn ti vin hluk.

"Ka hming pumin min ko suh Zobel" pakhat lah a zam bik miah lo.

"Engtin maw min koh a Vuani" huizz...an inhnial chu ka thelh peih lo law law,a tawpah keimah min hauh rawn leh mai ang.

An inhnial reng lai chuan sana dawr lam chu ka thlir san leh ta daih.

"Ngurthanpuii hi sana dawr lam saw hman ni ka kal pawn alo en char char a,he nu hian an fapa kha a ngaizawng chiang mai Thlamuan i hriat pui em?" Zobel tawngthei pa tih vak mai ka duh.

Pakhat lahin "a mi?" Tih pahin at hmel deuhin min la en ang haw haw a.

"Ni lo ni lo" ka ti vin hluk ringawt.

Aw...ka best friend duhtak,zaninah tun a kan mi sawi hi a lo leng dawn asin tih khum ka chak mahse Zobela a awm ve avang hrim hrim hian ka sawi kher lo ang.








#End_Of_Chapter_2







Hello hello,,,in lo damtlang em,nizan a rawn dah tum kha ka nia,tuesday khan kan result a chhuak a,nimin lamah admission vel te leh eng eng emaw tih ngai kan ti fel a zan lamah ka lo buai bawk nen type sa ka lo nei lo nen ka rawn dah ta si lo a min ngaidam dawn nia aw🤧🤗


Zanin pawh rin loh deuhin in leng kan nei a,10:00pm pelh hnuah an haw ta chauh bawk sia,hmanhmawh lutukin ka rawn type ta chuk chuk a,in duhthusam a tling lo maithei a ni.

Kei a kar a ka thawnthu ziah tlawm tê,midang thu ziah nen a tehkhin tham pawh ni lo min lo chhiar sak ve avangin ka lawm e🥲<3


Ads kha min click sak ngei ka beiseiin ka ring tlat bawk a ni🤗❤️



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)