#Mafia #Action #Inphiarrukna #Romance #Inbumna #Thriller
CHAPTER-2
DOROTHY POV.
Zanin chu ka nu leh a bialpa thawm a ring tha hle mai vawikhat mai pawh an ti lo aniang heiham leng chhuak daih teh ang sur buan buan mahse raincoat a awm alawm le, in atrang ka in khalh chhuak bauh bauha, ka scooty trawng ve tawh tak chuan ka thiannu ka college kalpui ka kawm ngaih deuh mai kan veng Zarkawt bul lawk Chanmari chaltlang road lam chu ka pana.
Kal kawngah chuan ruah sur laia lo va len tralh pawh chu a ni thei in ka hre leh lo a, Chanmari biak in bul taxi stand a waiting sheet ah chuan ka thu a abul lawk dawr chu alo la in hawn avang in coffee te ka in ta mai mai a, ruah sur a tam em avang in midang pawh chu in tih hul na zawng in an lo lut ve sap sap hlawma.
Ruah sur a han deuh ta maw tih ah chuan motor vei vak pawh a tlem tawh hle, tumah chhuak peih pawh an awm meuh lo, ka tawm hul pui te pawh an haw darh sung sung tawha, kei erawh haw ka la tum lo ka in ngaihtuah nauh nauha, kan nun dan chu ka kham ve thin khawp mai, chhungkaw pangngai tak nih a mipa tha tak date ve te hi ka chak thei lutuk, mahse chu chuan eng nge min thlen dawn tih ka hre chuang lo. Ka dinhmun hi ka tan a tha zawk te pawh alo ni thei a, sum ah kan buai lo bawka mahse ka hlim thei chuang miah lo hi amak ka ti.
"Mami ka lo be lawk thei che angem?" Ka bul lawka mipa aw puam tha ve tak hian arawn ti a. Rang lutuk in ka lehhawi nghal vata, a trawng dan ah chuan puih a ngaih hmel hle mai, ka tawi em avang in ka chhoh en vaha, mipa ka hmuh tawh ah chuan a la chhelo ber awm e.
"Aw thei e engnge ni ta?"
"Ka car saw a chhe daih maia, taxi lak ka tum zet a ruah a sur nasa bawk nen hmuh tur reng reng an awm si lo a, helmet i khum atrang khan scooty vel i nei anih ka ring ringawta khawngaih in min thlah haw thei angem le? Ka phone in ah ka theihnghilh leh zel bawk si a"
"Umm.....aw thei tho e khawiah nge in in a awm a?"
"Folkland ah daih ania a hla tham si a, kan in min thlah thlen hunah ka bike zawk in ka lo thlah let ve leh ang che zan a rei tawh si a" nui deuh suk chung hian a ti a, mahse chuti maiin ka duh bik lo tunang laiah misual pawh nalh tak tak polite tak tak an tam tawh si a.
"Ka thei lo ang min hrethiam la ka kal phawt mai nge ka hmanhmawh ve tho a" tih pah chuan ka tho thuta, ka chahbi chu ka vuah a ka start nung sawk sawk a.
"Enteh min ngaithla lawk teh misual ka ni miah lo ania, ka nu a damlo a damdawi lei ngei ngei ngai a awm a chuvang in ka chhuaka ka let leh vat angai si a min ring hram rawh misual ka ni lo ania" chutia a sawi zawh chiah chuan ka tlan nghal nal nala, ka lungphu te chu a rawn rang em em lehnghal, hlauh nei a tlanchhia ang mai ka ni, a thusawi pawh ka ngai pawimawh lem lo, mahse thui pawh ka tlan hma chuan ka va leh hawi zuk a, chuta a lu dawn deuh ngar ngar pah chuan beidawn hmel taka kawngpui lai a motor lo tlan a thlir zui leh chu ka va hmu a, ka awm a nuam chiah lo thu dik tak alo sawi te anih chuan anu damlo chu ka va hmuh ve ngei a tha ang dawt a sawia kei min ruk bo emaw min khawih chhiat a tum vaih chuan ka pa in dam in a chhuah chuang lo ang ka ti a.
Chaltlang road atrang chuan ka va hel kual leh a, keimah nen bawk chuan kan in tawk leh a, "Nichin ami tho kha i ni maw?" Mak tih hmel zet hian a hma taka ka ding chu min rawn en a.
"Ni e ka lo phur ang che lo chuang vat rawh dawt i sawi vaih chuan i chak lo ang" nelawm loh hmel zet chuan ka ti hmuka.
"Awle a lawmawm lutuk e dawt ka sawi lo ania min ring rawh, a theih phei chuan i khalh chak thei deuh angem ka hmanhmawh tawh lutuka"
Engmah sawi lo chuan Folkland lam chu chak thei ang ber in ka pan pui nghala, ka khalh chak bawk aniang kawng kual laiah chuan min rawn vuan leh thina, chutia ka taksa arawn sik te chuan eng emaw ti zawng tak in ka mur deuh sung sung maia, mipa mahni tawka chhelo ve tak han phurh chu ka zâm chhe ve hle tih ka in hrethiam nghal, chumi zan a ka lo chhuak ta pawh chu ti fuh ka in ti leh phiana.
Rei fe kan tlan hnu chuan khua a chhia in a thim ruih tawh si a, ruah lah chu arawn sur leh tran deuh maia, kan huh vek dawn a ka hriat avang chuan ka khalh chak leh ta sawt a, ani pawh chuan ka pum ah min hmer deuh chawt tawh kan kalkawng chu ka hlau deuh reuh a thim in mi veivak an awm tawh mang si loa, mitthi khua a kal te pawh kan ang mah zawk, chhum a zing mup maia, kawng lah chu a kual tawlh tawlh mai si, a duh na lai lai a kawk kual zawt zawt a, thuawih tak chuan ka tlan pui ve ta zel a.
Tichuan hmun fal tha tak mai, thli kalkawng ni awm taka mawi a chheh vel ah te chuan theihai kung lian tak mai ding uah pawh duhna lam lam hawi zawnga chhem thle thei khawpa thli na chuan alo nawr âwn duai duaia, thingkung lian pui pui in an in chu alo hual vel a, hmanlaia sak ni awm tak râm ve tawh deuh chhawng hnih gate lian vak lo hniam tê mai lo in hawng sa chhung ah chuan min tlan luh tir a, in kawta ui pa dum kawlh hmel zet lo in thlung chu ring lutuk tak maiin arawn bauh chiam chiam bawka, chupa chuan a kut a vai thuaka chu ui pa chu a ngawi ta hmaka, a neitu chu a hre hle mai. Kan thlen rual rual chuan ruah chu arawn sur leh ta chiama hmanhmawh deuh in an in veranda lamah kan tlanphei nghala. Inchhung lam ka en chuan alo thim khuih maia tumah chêng ve awm lo ang mai hian a reh ruih bawk.
"Khawnge i nu chu?" Ka han ti thawra dik tak chuan ka la ringhlel nasa ani, min khawng thlu tawp angnga min rubo daih ang tih mawlh chu ka hlau a.
"I hmanhmawh anih kha in ah lut ve phawt ila, kha i huh vek sia i dam lo palh ang" inhre sa tawh leh innel sa tawh ang mai hian mi rawn en vela, keichuan engtin mah ka chhang tawh lo.
Inchhung luh pah chuan current chu a han on eng tuarha, awi awi awi an in chhung ropui zia mai chu engkim mai kha thil manto chi vek ani, keini ang sum ngah lutuk tan pawh khatiang in han hmuh kha chu pui ka ti ve khawp mai, an in pawn lam chhiat ve tehreng nen, light chi hrang hrang chu a on ta vek maia, ka ringhlel ani tih a hai lo chuvang chuan in chhung chu a eng thei zawng zawng a on ta vek a, in lar na hmu ang reng kan ni mai, a eng pup maia, tichuan a kawr huh vek chu a han phelh ta vek maia, Lalpa leh tih pah in ka helmet ken lai chu ka thlauh chawrha, chupa chuan nui sak chung chuan ka helmet tla chu chhar in dawh-kan ah chuan a dah a. A taksa mawi na lam aimah chuan thil dang daih ka lo ngaihtuah leh peka, min sual a tum ta mai emaw ka ti hmana ka lungphu chu a tawp mai dawn hian ka hria.
"Ka huh vek sia ka phelh nghal ta mai ani, min hrethiam dawn nia ka hmanhmawh tlat ka nu room ah damdawi te hi ka han pe vat angnge"
"Rem i tih chuan ka lo kal ve thei angem?"
"Aw thei tehreng mai" a thil khai lai nen chuan kan in zui chho hnak hnaka, mipa sek tak chu ani lo mahse a nalh tawk khawp mai, sek deuh na zawng hian ka mit an la lem lo bawka. A rim te chu ka lo hnim ru vela, rimtui tak ani perfume man tlawm chu ani lo tawp mai, a ban puam laia thisen zâm kal ruih chu ka hmu fuh leh a, reilo te chhung pawh ni mahse hepa hi midang lam tak ani in ka hria ka duh nghal dawn tlat mai, mahse eng ang mizia nge anih ka chian phawt loh chuan ka in zêp tlat dawn.
Tichuan pindan pathum lo awm zing a a hmasaber chu a hawnga keichuan ka zui lut ve zel a, khum a nutling thau lampang a nulat lai chuan hmeichhe hmeltha tak ani ang a upat hnu pawn a hmeltha emai, chauh hmel taka lo mu chu ka va hmu a, a khuh bawrh bawrha men pawh meng tha peih lo tih hriat tak hian mi rawn en a.
"Christo, tunge ni a?"
"Ka motor a chhe hlauh maia, ani hian min rawn hruai haw a ka lawm takzet kan hming pawh kan la in hrilh lo"
"Dorothy Lallawmsangi ka nia, Dorothy min ti mai dawn nia" ka lo in sawi vata.
"Christopher ka nia christo min ti mai thina" ka lu ka bu nghuta.
"Um hming mawi tak anih chu" a nu chuan alo ti ve a, damdawi te a ei zawh hnu chuan khumah chuan a mut tir leh a, a mitkhur thuk tak te chuan rei tak chaw ei tha thei tawh lo ani tih ka hrethei mai, ti khawpa chau leh damlo nasa te chu damdawiin lamah te awm mai tur ania, an hausa tho sia tih te ka lo ngaihtuah a.
"Lo kal rawh i sam te kha i hru hul duh em, i kekawr hak kha a huh vek sia adang hak tur a thar hlak a awm ang ka lo pe ang che"
"Raincoat ka ha tho alawm angai lo ang ka taksa chunglam a ro chuan ka damlo lovang ka tha alawm"
"Ni lo e, i chungah lawmthu sawi nan pawh keimah vang in i huh ta vak sia i in thlak dawn nia, green tea tui deuh ka lo siam ang che"
"Chutin ka rei vak hman tawh hleinem zan a rei tawlh tawlh si a"
"Um ka hria alawm i taksa ti lum la ka lo thlah ang che, ka nu pawh zanin chu a mutui ve leh sawt dawn anihkha a lawmawm hle mai"
"Engmah ani hleinem ka tih tur ka ti mai chauh alawm" trawngkam mawi hnai tak chuan ka han ti veleh hnu hnawh a.
Ka inthlak zo chu an sofa dup nuam em em mai ah chuan min thut tir a, ani pawn kawr alo ha ve tawha, an sitting room a AC chu a on a inchhung chu a lum nuam kher mai, a che vel reng reng mai te chuan min duhzual tir in amah hriatchian chak na min neih tir ta zel a, a chungchang thu chu zawh vak mai ka duh mahse min ngainep vat ang tih ka hlau si a. Keini ang misual fanu te phei chu min hriachiang se chuan min hmusit khawp ang le.
"I nu chu eng na nge a?" Ka han ti leh thawra.
"Cancer ania, a dam rei tawh dawn loh avang in beisei an nei tawh si loa, in lama in enkawl zui tur in doctor in min ti a, tihian ka theih tawp chhuah in ka la chelh ve ngat ngat anih hi nitin home nurse tur ka zawng thina, mahse rei an thawh hma in an bang leh vat thina hna te pawh ka zawng ve mek a ka hmuh hlauh chuan ka nu enkawl tu tur tha deuh ka duh dawn a"
"In pahnih chauh in ami khawsa che u?"
"Ni deuh mai ka nau hi America lamah pasal neiin a awm tawha, ka pa chuan min boral san tawha"
"Anih chu ava zia lo ve"
"A pawilo a rei tawh lutuk ka naupan lai thil ania, nih nang engnge i tih ve a?"
"Keichu college zirlai mai chauh ka nia Pachhunga University College ah ka kal mek a 6th semester ka ni mek"
"A nih chu a that nasat chu mi in zir mi tak inih ang maw! zan a rei hma in ka lo thlah ang che i in zawh tawh chuan" a ding hluaia ka no chu min seng saka mipa in vawngfel tak ani in ka hria.
Pawn kan chhuak chu a ui thlun lai chaw a pe leh te te a, keipawh a kekawr dum joker pans min hak tir chu inhmeh ti tak in ka raincoat pawh ha phal tawh lo chuan ka scooty ka on nung vut vuta. An in sir kil deuh hleka bullet bike nalh zet lo ding chu chu a start nung vut vut a.
"Min lo thlah lo mai rawh keimah in ka haw maiang chak deuh in ka tlan angnga mi in min lo tih din pawn in lam ka pan vang vang maiang" ka ti a.
"Chutiang ringawt te chu a tha lo ka motor pawh ka va en zui angai a kal hmasa rawh i hnung ah ka lo zui ang che" a ti leha ka theih ang ang a ka hnar hnu chuan keimah vanga kal tur anih loh ber a hnu a motor a ngaihven zui dawn tho a ka tia ka hnar zui duh ta lova, zah te pawh ka zak rum rum zawk hial.
CHRISTOPHER POV.
Chumi zan chuan ka tum lawk sa leh ka ruahhman na chu a kal tluang khawp mai, hmeichhe tih nuam tak anih dawn hi, tiang chuan ka theih chen chen ka kalpui thei ang, kei min hmangaih thei tur hian eng pawh ka tih angai ka pa phuba lak nan khua a la tlai lo ve, eng dinhmun ah pawh ding ila ka thil tum chu ka hlah dawn lo reng reng
Ka motor chhiat na laiah tak ding in mi lo nghak renga, "Helai thleng hi lo kal mai rawh kan in chu zawrkawt khi lai lawk khi a ni tawha tikhan lo ngaihtuah zui tawh mai rawh i tan a buaithlak lutuk palh ang kekawr chu naktuk ah ka lo pe leh ang che"
"Ni lo e, ni lo e i ta tur anihkha tikhan nei rawh ka pe ang che"
"Anih chuan ka lawm lutuk e, i nu pawh lo dam zel rawh se" a helmet kara arawn nui suk te chu kei hi min ngaih melh ve anih tih pawh ka hai lo, a thinlung ti kehsawm vek in a chakna zawng zawng ka lak kian sak angnga, an chhungkua pawh ka ti chhe vek ang. A ban arawn vai lauh lauha, keipawh chuan ka vai let ve vuta, a tlan liam lai chu ka thlir renga, phuba lakduh na hlir in ka khat engpawh ti se kei hian thudik chu ka hai lang ngei tur ani, kei min nei duh tur khawp in ka siam ang.
A rilru hneh a har dawn lo tih ka chiang kei ang mipa sa thra ve tak hmel zahpuiawm loh tak tan engmah harsat na tur a awm lo, ka kut chu ka hum ruh trunga tuar chhel leh fei tak in hei chen ka lo nghak tawha tunah chuan ka duh duh ti thei ka ni ve tawh alawm, ka in sawh khawng nasa maia, mahse ka rilru put hmang thlak thei tur leh ka thinlung thlak thei tur khawpa mi danglam leh maksak ani ang tih pawh a phen ah hian a thleng ve thei tlat tih erawh ka in hre tel hauh lo thung.
HRANGI POV.
"Hey, pu a ka nau Kimkimi car sen kha va khalh chhuak la Civil damdawiin ah kan kal dawn nia tun atrang a darkar chanve ah lo thleng ang che"
"Awle" phone ka dah pah chuan kan Doctor Pu Maroa chu ka phone leh a.
"Pu Maro, ka missionary na tur ah ka kal thei dawn lo tlat mai, lehkha min lo ziah sak ta che ban ruh leh ke ruh tliak ti la thla thum chhung inah awm tur ti bawk la"
"Ava rapthlak dawn ve min man chhuak angnge!"
"Sing5 ka pe ang che"
"Awle awle" tikhan a zo fel chu ani mai, ka pa in a hriat chhuah loh chuan a tawk.
Damdawiin lam pan chuan ka driver nen kan kal ta nghala, lehkha pawh chu ka la fel phawta Ortho ward lam ah chuan ka lut leha no. 23 chu k va pan nghal.
"Ehe ava hmelchhe ve" ka ti chhuak phawnga ka bula damlo awm ve te chuan mak tih hmel zet hian min lo en a.
"I hria ami?"
"Um hria e tinge?"
"Hun engemaw ti chhung khan tuman an rawn tlawh tawh lo a, a chhuah a hun tawh sia"
"Tunge i nih a?" Naupang kum 9 mi khum a mu bawl mai an lo char khawng ut chuan mi rawn ti a.
"Tunge i hming kha?"
"Chanchani"
"E aw ni dawn tak ah i tet lai i sen lai chauh ka hmu che a a zia lo hle mai, i nu ka nih hi"
"Maw.....!?" Ka bul ami te nen chuan an rawn ti rual thupa. An mitmeng phawk hru leh hawihai lutuk thil hrechak bawk si ui te riltram ang maia an lu an len ve lawl lawl te chuan ka nuih an ti za kher mai. Mi nuna buai ho hian ka nuih an ti za lehzual.
"A nu chu a thi daih tawh sia"
"I pa khan dawt a hrilh che anih kha lo kal rawh ka la chhuak ang che"
"A nu i ni sia tinge ka hming pawh i hriat loh?"
"Aaaa ......ka hriat reng na hi a chak tawk lo a thil ka theihnghilh zung zung a ka natna ve anih chu"
"Apa bulah ka kal duh a pa bulah min hruai rawh"
"Pu a lehkha pawimawh lo va chingfel la pawisa chu ka card hi i hmang mai dawn nia ka va hruai haw ang ka pa hrilh hlek suh ang che"
"Awle"
"Lo kal phawt la in ah kan sawifel dawn nia Barbie tam tawk ka nei ania, ice cream te kan ei angnga" ka ti a ka han thlem kual chiam takah chuan a duh ve ta maia.
Tichuan in lamah ka car nalh tak chuan ka in khalh haw pui ta a, keimah ka in sawi ang deuh khan a ke leh a ban ruh alo tliak chu niin mak tak ani. Chet pawh ala che hleithei lo a, apa boral thu pawh alo la hre ve lo anih dawn hi.
"Khawiah nge apa chu?"
"Enteh hei Barbie hi i duh em ka naupan laia ka khalh thin ania i tan ka lo la dah tha char chara, ice cream te pawh i duh tawka tam ka nei han ei phawt teh"
"Engmah ka duh lo apa bulah ka haw duh"
"Kha han ei phawt teh"
"Khawnge apa" a trap ta vak vak mai, tih ngaihna ka hre si lo, ka room lamah chuan ka luhsan tawpa, apa boral thu hu ka hrilh mai dawn nge? Engtin nge ka tih dawn ka in ngaihtuah buai nasa maia.
Ka va chhuak leh chu zun alo la cheh zui chhuatah alo tlu sawp nuaiha.
"Heiham i zun chhuak i sawi thiam lo em ni?"
"Ka sawi a i hre thei si lo alawm khawnge apa a awm?"
"Ava ninawm tei vet tak i pa chu a thi tawh tikhan a tawk em?" A aia nasa fe chuan a trah zawm leh ngat ngat a. Ka luak a ti chhuak a zun a hing ropui mai si. Trap tawh lo tur a ka tih pawn awmzia a awm si lo, a thawmhnaw chu ka phelh sak sawk sawk a, bathroom lamah chuan ka pawm lut a arit zek lehnghal.
Ka bual ta ringawta, ka bawlh lai chuan mut chhuak tih hriat tak hian a meng diar diara, a zawi hle bawk in hnit suih suih chung chuan mi rawn en leh thina. Sawi tur a vang duh khawp mai, Kimi vang vek hetiang ti tur hian ka mang lamah pawh ka la mang chhin eih lo pasal neih hma ngawta naupang enkawl te chu ka thil tum ani lo hrim hrim kawng dang ka zawn ngei a ngai ani.
"Anu chu i ni tak tak em?"
"Maw...!?"
"Anu i ni tak tak em?"
"Aaa ummm aw ni e" engnge maw ka tih tak le!
"Anih chuan engtin nge apa a thi tih i hriat?"
"A accident palha"
"Keimah ang hian maw inchhawng sang atrang a thian ten an nem tla ve palh ami?"
"Maw eng maw i sawi kha?" Phawk fe hian ka ti a. Apa lah chu a upat tawh vei nen fanu a nei naupang hle mai tarlam fa te pawh anih ka ring.
"Ka thiante nen kan infiam a, chuan keimah ni aia upa naupang dang ve tho an lo kala kan inhnial buaia min nam thla alawm"
"Zawng ho mai mai chu ka va that phiar dawn amaw ni le, tunlai naupang nghal zia hi chu aw"
"Engtin maw i tih ka that dawn â?"
"Aw ni e, ka that phiar dawn amawni ka ti"
"Aih ni lo mi an that ngai lo jail ah i tang angnga keihi engtin nge ka awm ang tunge min enkawl ang khawngaih tak in that suh" a trap leh ta vak vak mai, ti em em a trahbelh hi ka ngei zawng tak kan naupan lai atrang ka pa in mittui far khat pawh tih tlak a phal ngai loa, nawrh leh tih tauh pawh a phal hek lo hetiang hi ka huat zawng tak ka beng chak reuh lutuk.
"I bengchheng chiam chiam lutuk ngawi tawh rawh, tumah ka that dawn lo, chuan keiman ka enkawl ang che ka theih chhung chu"
"Ka dam chhung in ani lo maw? Eng thleng nge min enkawl dawn?"
"Zawhna zawt reng suh ka chhang peih lo che a hunah i hre zel maiang tunah chuan khawiah mah i chhuah ka phal dawn lo ania, chuan keihi i nu dik tak ka ni a, tuman engpawh lo sawi se an thusawi i awih in i ngaithla tur ani lo i hria maw?" Ka kutzung chal chuan ka kawk pir vâng maia.
"Um" a lu a bu nghauha min hlauh hmel khawp mai. Delhi lama kan bungrua sem chhuah thin te pawh zoom meeting ka ko a engkim lo buai pui vek tur leh ka theih veleh ka lo join tur thu te ka hrilh a ka ai lo awh tur in ka mi rin ber Jojo-a ka tir chhuak bawka. Ani chu tuai rapthlak tak den deuh mai zahpah nei map lo fing bawk si hi ani a, ka chhawr trangkai thei hle. Kan thil thawn tur te chu address dang daih ziak in kan hnu chhui theih miah loh tur in dâk ah kan thawnkual ta thin ani.
Ka bawlh zawh hnu chuan khumah ka muta a sam te ka tih ro saka, a muhil zui nghal a, tlai dar 5 alo ri der tawh eirawngbawl ve ngei chu angai si a, engtia rei nge ka bawl tawh loh pawh ka hre lo, ka fridge chu ka hawng a chawhmeh han siam tur avang em em lehnghal, tiang tur tih hriat bazar ah khan chawhmeh ka lo lei lawksa lo ani, ka ngaihtuah tel miah lo, Pi khawlthangi dawr ah artui lei ila ei mai ang, pizza vel ringawt ei tir chu naupang tan a tha awm si loa, chaw chu ka chhum a artui ka kang a dar 6 a rik chuan chaw ei ka peih der tawh ka naupang awmpui lah chu ala muhil tui em em mai si, ka hna ka zawm loh hi ka pa chuan min hrechhuak em lo ang chu maw Kimi pawh chuan engtia tih zel nge a tum le! Hetia kawl reng chu a dik dawn lo kan buai na mai mai tur ani.
Mahse bathroom a ka bawlh laia a thusawi 'min kalsan suh i awm loh chuan engtin nge ka awm ang?" A tih kha ka hrechhuak thuta, kei lainat na nei lo tur a chher hriam hian ka rilru zu han hneh tlat a mawle amak hle mai! Hla chu ring vak lo in ka play a, ka tih dan ngai bawk in push-up tiin ka taksa chu fit thei ang ber tur in exer ka la leh tluk tluk a.
Mizoram ah hian a ruk a keimah ni ang bawka sumdawn na kalpui ve hi an awm thluaha Lal na leh kan share in chuh in kan in tibuai ve fo thin, lam trang nei tho mah ila hmelma pawh kan nei duah a, a chang leh kan mi rawih te ngei ngei in kan thil neih te tlanbopui a sum tam zawk hai luh tum an awm ve reng bawka.
Ka body ka lo in lak fit lai chuan room a thil ri rawk chu ka hria a, ka va tlan lut vata, alo harh tawha akal tha thei si lo rawn chhuah tum a tlu hi alo ni a, "wheelchair ka lei ngei angai dawn anih hi lo kal rawh" ka kai pheia, ani chuan in thlahrun hmel zet hian min lo en a, a hmel chu tha han tih tur chi pawh ani hran lo hang ngaihnobei châk samsei ve tak cher lampang mahni in sit chi leh mi ti zawk zawk lo naupang harhvang lo tak mai hi a ni a.
"Anu chu i ni tak tak ami?"
"Um ni tak tak e"
"I va la naupan hmel kum engzat nge i nih a?"
"Het, khatiang in naupang in zawh na an zawt chut chut ngai lo chaw ei la i mu leh vat dawn nia"
"Chaw leh artui chauh hi maw? Apa chuan dal min kang sak ziah thina ka chawm thin"
"Aw, â pa ka nih ve loh hi â nu ka nia ei mai rawh dal ka kang ngai lo" ka taksa thlan hluam tawh chu ka hru hul sawk sawka, couch ah thu in ka hla play chu ka ti ring deuha ka hah deuh tawh avang chuan thatchhe tak in ka mu hluaia, ka hriat loh hlan in ka lo muhil daiha. Ka harh leh chuan ka phu deuh zawk ka tho vuta, chaw ei dawh-kan ka en chu kha naupang kha alo awm tawh miah lo, ka tho chhuak tur chu ka ke hmawr lam ah hian a taksa chanve chu alo mu a, a ke chu chhuatah alo thluang zarha, a mittui far chu a hnar ah arawn luang ngiau ngiau a, a mutthilh hlan pawn a trap anih dawn hi trap thei hle mai.
KIMI POV
Ka scooty trawng tak mai chu ka khalh chhuak ta bauh bauh mai le, lemchang tur a kal mah ni ila heti em em a chhia hi chu min pek ka ring lo asin mawle, engpawh nise ka kal ve naw naw angnga lemchan zir pah ani mai, ka pa in an sumdawn na hmun lai zawng zawng an thil pawimawh engkim hai chhuak tur in min ti a ka unaupa Rosang-a thih na a in hnamhnawih an awm leh awm loh ka hriat angai bawk chu zawng chu ka tih zawh chuan Thailand ram lamah chawlh hmang in ka kal angnga tah chuan tlangval chhelo pui pui han lampui ve te pawh a chakawm alawm le.
An in chu khawilai nge tih pawh hrilh leh chuan ka ngai lo, interview ka paltlang vek tawh bawka va luh tawp phawt ani mai, Gate lian leh hrawl pui mai kawtah chuan ka ding ta rân a, mipa cher chhe pan ve deuh hian min rawn hawn saka, an security guard chu an inhmeh hle mai ka rilru chuan ka nui tut tuta, in lian ve tawk tak ah chuan ka han khawsa chho dawn chu ania, hidden camera tlem a zawng ka ken chu a ruk thei ang ber in ka dah thukru ve a, an ni lam an lo fimkhur nasa mai si ka luh hma chuan min check thlapa ka sam bu chhah lianpui kara ka zeh ruk chu an hmu lo hlauh ka in sap ram lam atranga manto taka a chah chhuah ve a ni a, pahnih bak ka keng lo a dang chu a tla chawp in ani mai.
"Hetah hian lo kal rawh ka pi" mipa sek tak mai insual thiam hmel deuh hmelpu hian min rawn ti a.
"Hehe awle" trawngkam zahawm tak leh hawihhawm tak chuan ka chhang let vata.
Diktak chuan he hna hi chu ka u Emily khan a tlin zawk daih ang mawle, engah nge zirtirtu hna min pek zawk mai loh le, ka thisen hi a rorum ve vak si lo, ka u Hrang-i ai pawn ka nep zawk asin mawle.
In chhung ah chuan min vei kual pui hrep ni mai hian ka hria, chhawng thum lai hi ani rauha tiang hian mi hausa hi an lo in phum ru treuh awm sia Mizoram a hausa tak tawh chin hi chu drugs zuartu lian tak an lo ni fur hlawm zel tih mipui pawh hian an hai bik lo mahse engmah ti thei dinhmun ah ding bik lo le, an kohhran hruai tu ho ho hian an en liam puat puat zel zawng anih hi jail tang in han man chhuak sela an aia tang tur leh manchhuah tur an hung fur hlawma, ka pa pawh a bang lo, ani erawh a hlawhtling ber pawl ani ang.
Inchhung ah chuan lut in kawngka tam tak zing a in hnunglam chhuah na ni awm tak pakhat hi ava hawnga mahse kan la chhuak reng reng lo tukverh atrang kha chuan ka va hmu mai si a, an han siam kual thiam khawp ah tah chuan ka zui lut ve zela, kan han vei kual sek hnu chuan an in atranga lang thei miah si lo ah hian green grass zau tak mai golf khelh nan pawha duh thusam ah chuan min chhuah pui nawlha, a sir vel te chu pangpar leh hnim in a bawh lûk a, ka mitmei chuan vengtu an tam vak lo tih leh an thlamuang hle ani tih ka hmu thei a.
Putar sam var vo mai lo ding chuan khur hlawk hlawk in min rawn chibaia. Pu Simona pa ani tih ka hre nghal engkim ka lo zir chian ve tawh avang in an hmel chu ka hre hlawm vek a, a fapa te pawh an chhe hran lo mahse thlalak ah ringawt chuan induh na a piang ngawt thei lo a, ka nu hlauh ang chuan engthil mah a thlen ka ring lo sa.
"Tawihte i lo kal thei a ni maw?"
"Eng â?"
"Hrethiam rawh kan pu hi tlem in a tar tawha duh duh dan in mi a ko mai thin thil a hre rei thei tawh lo a" min kaihruai tupa chuan alo ti vata. Ka meng rum nghal lutuk pawh chu ka in bengdai leh thei hram Tâwite han in tih tawp mai chu ka tha a na ngang mai.
Ka hnung ah min rawn chum trawk tu an awm ka phu nasa lutuk chu ka eu dawrha. Pu Simon lek chu niin ani deuh kher kher chuan, a pawi ka sawi tawp si lo a, mithar ang a ka lan ve laia kut inthlak nghal ngawt chule!
"Hei hi ami kan mi rawih thar tur chu a taksa pawh a fei tha khawp mai chibai le" arawn khi sâwng a. A nui ling vut phena thaza tak mi kutthlak mai pawh pawi ti lo, a nuih nasat poh leh a hlauhawm emaw tih mai tur a mit meng fîr kawk mai hi a ni a.
"Chibai le, ka Pu Sakuh-a pawh chibai le" Tawihte min tih chhung chuan Sakuh ka ti ve khawp ang a ha hmai a kuh ropui si.
"Tunge Sakuh i tih a?" Pu Simona chuan mi lo zawt vata.
"Tawihte min tia ka hriat theih dan tur in ka Pu Sakuh ka ti ve mai, keipawh engmah hi ka chhinchhiah rei thei lo a" ka ti let ve êrh a. Mi rawn tum khum nasa mai anui tawp hmuka in chhungah a lut tau deuh ngheng nghenga.
"A that dawn hi ka fanu enkawl tur chuan a tha ber ang, a tlangnel nghal em em mai a, vawiin chu tikhan lo awm phawt la, naktuk atrang in i train tran dawn nia, chuan a school kal lam leh haw lam hruai ani leh mai, tih tur pawimawh ka nei tlat kan nula te ho kha lo buaipui tir rawh u" pawimawh hmel zet hian a kal leh nghala, a hnungah mipa pa hnih in an zui reng bawka.
Ka mizia dik tak chu mi cool ve tak mi ti chung chung ngai thei lo chi ka nih laiin mi harhvang leh mi trawngthei tak anga ka lan angai si, ka huphurh ang aiin alo awlsam daih mai, nuam pawh ka ti chho viau dawn in ka hria.
Ka room tur ah chuan nutling chawn hrawl zet mai buk rih ve hmel tak sual hmel zet hian min hruai lut a, in la ngeng fahran hian mi rawn melh trawk trawka.
"Nang chu i awm rei thei tawh em ang chu maw?" A ti zuk a.
"Eng maw i sawi engvang in nge ka awm rei loh teh lul ang hetah hian kungfu rawn show tur in alawm ka rawn kal min ban te anih ngawt loh chuan ka awm reng ang"
"Hah.....i thei nge thei lo chu kan lo en réng dawn ania i tih tur chu zan dar 6 hnu ah pawn chhuah miah loh tur zing kar ah dar 5 ah chuan ka pu fanu i train char char tawh tur ani ang"
"I thu ang zel in le" ka kut chu ka han phar chhuak a, min tham loh tih hriat tak hian mi leh hawi sawka, nutling la valai ve tak hun rei tak an chhungkua lo enkawl tawh tu anih avang in a chapo tel tawh niin a lang.
Khumah chuan ka han mu diai a, an room vel chu a zau tha in dressing table leh thawmhnaw khai na te pawh a felfai khawp mai, tukverh ah ka han dak a ka en kual vel a, han chhuah ruk mai na tur pawh ka hmu vata, kan building chu a lian in compound pawh a zau tha khawp mai, ka hmuh phak tawka hla ah chuan an workshop ni awm tak hi a awm bawka, thing tam tak a in kham phei thluah bawk, hmun thengthaw nuam tak anih avang in boruak pawh a thiang tha khawp mai, ka inbual fai leh phawta, chumi zawh chuan ka thawmhnaw te ka rem fela, ka phone arawn ri ral rala.
"Hello"
"Kimi, i naupang min kawl tir hi engtia tih tur nge ka hrethiam lo engtia rei nge ka kawl dawn?"
"Tikhan lo kawl tawp la tih dan tur ka lo ngaihtuah fel ang, i la chhuak tawh maw?"
"Chhuak tawh e, a trahbelh ropui si ka kawl rei peih miah lo ania"
"Awle awle anih phawt ka buai deuha"
"Lawk in la dah lo teh"
Ka phone chu ka off nghal hmak, a sawi leh tur pawh ka hre sa vek engmah ka la ngaihsak hman hrih lo atin ni. In hnuailam ah chuan ka chhuk thla a, ei tur ka zawng kual vel a.
"Nangkha helai room pahnih ah hian i lut miah tur ani lo ang i luh vaih chuan i tan a tha lo ang" nutling hrawl i bawk chuan mi lo ti leh a.
"Luh ka tum pawh ka hre lo, ei tur ka zawng mai ania"
"I ril atram chuan tah hian ei tur a awm a, abak chu khawiah mah i kal tur ani lo" Choka a an chhuar dah na lam chu mi kawh hmuha, chhang chi hrang hrang leh thei tui hnai tak tak alo awm treuha.
"Awle i thu ang zel in le" ka han ti leh saka, min ngei hmel khawp mai min kalsan leh nal nala.
An workshop ah chuan va kal kual vel ka chak tlat peka, eng emaw te ka hre thei mial mah na tiin, nutling hrawli khan khawiah mah kal suh a tih chu ka ngaihsak teh chiam lo, a thu ang ang a awm ka tum lo bur.
In hnunglam chhuah na ahma a green grass pan na ah tho khan kal tur anih ring in ka va pan ve maia, a kalkawng chu a ki kawi reuh khawp mai, a sir deuh ah chuan thei buk lian deuh alo awma tah chuan step lian vak lo a awm bawka, ka chhukthla ve maia, tumah midang ka hmuh loh avang chuan ka phur hle. Ka va pan hnai zela thingzai ri pawh ka hre thei ta.
Chutia ka va thlen phei hnu chuan in lian pui zau deuh a chung rangva niin a san zawng pawh Fit 15 lai ani ang sang tak ani alang zau hawng mai, a bang cement plaster ani thung. Kawngka pawn lamah chuan tlangval pakhat hian uluk fahran hian thing hrawl tak pakhat hi alo kher keuh keuha. Kawr a hak loh avang in a taksa han che vel te chu a puar trawk trawka a ban tha te chu sek tak ani, a pian a mawi in a nalh hle, a kekawr kawng chu a tla dawn emaw tih mai tur khawpa fual in alo ha trawk trawka, ka lam a rawn hawi chiah phei chu ka phu deuh zawk a dul sek phiar trung mai chu ka lo en renga.
"Tunge i nih a?" Mi rawn tih chuan phawk hru hian ka en a.
"Um aaaa.....ih.....ka kal kual vel mai mai a"
"Tunge i nih ka tia lawm?"
"Pu Simon a fanu trainer tur kha ka nia"
"I hming?"
"Kimi"
"Nang?"
"Sangzuala"
"Anih chuan tah hian engnge i tih ve dawn?"
"Engvak mah naktuk atrang ka hna ka tran dawna chumi hma chu ka lo kal kual vel a"
Ka thusawi chu hria ang pawn a lang leh tawh chuang lo a thil tih lai chu a ti leh mial miala. Ava hmel tha kher ve hetah hian hnathawk an nei hmeltha kher mai ka mipa hmuh tawh ah chuan perfect tak ani. A nuam dawn e nuam dawn tak ani ka rilru chuan ka ti a ka nui ru ver ver a.
"Wow va chhelo deuh ve a!" In chhung atrang mipa sang ve lam ngo ving veng deuh hian mi rawn ti a. Mak ka ti lutuk chu ka lo en renga.
"Kima, tun trum chu eng thil atthlak mah ti suh ang che" Sangzuala chuan a mit sir pawh a en lo chuan alo ti a, mahni in ring tawk tak leh mi thunun thei tak anih ka ring.
"Eng thil mah tih ka nei lo min ring rawh i mita mim hmuh loh chuan mi thusawi hi awih mai mai ngai suh" a nui hak hak a, kan hming te chu ala in ang zuia.
"Zanin chu a nuam dawn lutuk a lawm nan party kan nei ang nula chhelo deuh hetah alo khawsa ve dawn bawka" tih pah chuan min it hmel zet hian ka taksa chu arawn thlek vela. Engthil teh hrep nge hepa hian a tih thin le?
"Tu......tu...tute nge in niha?" Hlauhthawn hmel tak chuan ka ti a.
"Pu Simon fapa mawle tah hi chuan ka thu ber engmah lungngaih na tur a awm lo hlauh suh mifel tak tak vek kan nih hi" Kima chuan alo ti a. Keichu ka ngawi reng ka fimkhur angaih em avang in engmah ka sawi zui duh ta lo a.
"Ka kal phawt mai nge" thawveng tak chuan a kal deuh vah vaha. A dress atrang chuan hnathawk nasa tur chi leh chhung te chhawr bâwk chu ani lo tawp ang in ha tight mangkheng mai sia, a hmel erawh an hausak na in a ti chhe zo chuang lo e.
"Sangzuala tiraw kha?" Ka va bih leh dek dek a.
"Um" tih bak in min chhang lo.
"Hetah hian i thawk ve em ni?" Hre lo awm ang deuh chuan ka han zawt vela.
A ngawi reng ringawt min rawn en leha nin hmel zet hian a thaw halha a thil tih lai chu chhunzawm leh in thing chu khawl chuan ring lutuk in a nawt mam leha.
"Engpawh nise, hetah hian thian tha tak neih ve ka duh a nileng in hun ka nei bawk sia han tih vak tur ka nei si lo ka duh duh na laiah ka lo kal kual ve mai dawn ania, Pu Simon-a fapa nen kan hming alo in ang chiah mawle mahse a tha vek e, ti lai chu ram zau tak leh hmun fal nuam tak anih hi tih tur avang si a, ka lo pui ve mai dawn che em ni" ka thusawi chu a hre map lo a ring bawk nen hria ang pawn a awm lo mahse ka trawng tawp lamah a khawl a off thut chu au ring tak ka ni 'ka lo pui ve mai dawn che em ni?" Ka tih lai chuan a chhung a hnathawk ho chu an rawn hawi phei thrapa. Sangzuala pawh chuan min rawn en kara.
"I sawi tur i sawi zawh chuan i kal thei ang i hna bak thawh a ngai lo" ka mit ah tak min en chung chuan a ti leha.
Engpawh nise a tawhkhirh ve zek dawn in alang Pu Simon-a fapa upa ber ani tih chu ka hre ru kar mai sia, ka rin aiin alo chhelo daih mai, mipa ka lo dream ve thin ang zawng zawng kha amah vek hi alo nih hi. Rosang-a thih na ah an lo in hnamhnawih tak tak phei chuan ka hmelma kum hlun tur ani bawk si ka rilru tak chuan ka ui ru ve khawp mai.
Inchhung ka lut leh chiah chu hmeichhe tleirawl kum 15 mi vel in ti nula zet mai rawn kal no hnuang hi ka va hmu a, phone arawn khawih lut nghal mial mial bawk, a bag chu chhuatah a paih thla hnawka a pheikhawk chu akal pah in a phelh phei mial miala. A hnung ah nutling hrawli khan alo chhar khawm sawk sawk a.
"Vawiin chu a lum hle mai, ka inbual na tur kha mi lo siam dawn nia" couch ah chuan a thru vei hnapa a in la no in a sam te chu a sei em em mai lehnghal a tawhkhirh reuh zek dawn in ka hria.
Ka hnunglam atrang ka sam ah min rawn kek dark awrh mai, tu phiang sen nge ni ngai le! Kan Putat Sakuh a bawk chu niin nui tet tet chung chuan atih ni lo ang deuh hian a kal vei det det a, a kut ah chuan eng emawni hi a keng a tui tih hmel tak hian a ei tuam tuama, ka va mil lo tehreng em.
"Sakuh a chuleh" ka ti sepa.
"Hey, nangkha tunge i nih a?"
"Kimkimi ka nia i trainer tur" nui sâng chung chuan ka ti a.
"Oee apa hi a ninawm tawh e, insual zir reng hi ka tui na pawh ani lo, mahse ka zir loh chuan ramdang ah min thawn a tum sia nang chu i fel viau ka ring engmah min zirtir angai lo ang tikhan report tha tak in pe la ani mai" mi rawn chhoh en vaha.
"I zir loh in i pa in min ban daih dawn asin"
"Ka pawi ti lo duh leh bang nghal law law rawh" min zah lo lutuk chu ka ngaithei thrak lo.
Sangzuala pawh arawn lut ve mek a. Ka lo meng phir leh sâng tawh, "U i lo haw tawh alaw? Vawiin chu anuam rap kan school ah lam te zai te kan zir a" ava kuah chung chunga. Nichin lawk kha chuan a in tih nulat vei nen a u bulah chuan nautê chiap chiap ang mai ani.
"Um in lamah hna a tam deuha hei i trainer tur anih hi aw tha deuh in lo zir ang che"
"Umm, lutuk ka zir nasa viau ang mahse a fel loh vaih chuan ka tan a hrehawm dawn teh mai ania, a hma mi pawh khan tih luih na in kut min thlak hrep hrep zel a, min hua ang mai hian min vin tuarh tuarh zel"
"Um a fel tur ah ngai phawt ang" min rawn en lai tak chuan ka lo phu leh zawka, a mit ringawt pawn min ti buai zo vek mai.
"Hetah hian zir lai tha tak ka zir tir dawn che a i dawhtheih viau angai ang i tan a tha tur lo ah chuan eng thil pawimah ka ti lo ang" ka ti a.
"Hmm hmmhh" a u hriat lo ah chuan lei mi chhiah khum zeuha min kal san leh nal nal ka va ngei kir ker reuh tak.
Ka dawhtheih na hian a tlin dawn lo riau mai, engtin chiah nge ahma a an chhawr tawh te chuan an loh tih ang tih chu rindan ka nei sa, a awmdan hian a zir lo em a ka dem hran lo.
(Ka thuziah te min lo chhiar sak thin a ka lawm em em e, chuan in ngaihdan te comment lamah lo sawi ve ula aw chhiar tu in tam viau chuan ka lo ziak zel ang like, comment,ads kha aw love you vek u
)