Hello Ryan! Chapter-4 By Lalrinsangi Bee

Episode kal lai dah luhna

Moderator: writers

Lal Rinsangi Bee
Posts: 59
Joined: October 30th, 2020, 11:16 am

Hello Ryan! Chapter-4 By Lalrinsangi Bee

Unread post by Lal Rinsangi Bee » May 24th, 2022, 12:14 am

Hello Ryan!
Chapter-4
By: Lalrinsangi Bee






Ka patea thih atang a chiarin Falkawn a ka karhnih awmna a ni ta der mai.
Ka nutei khawharin haw a phal si lo a,ka pu leh pu an awm bawk nen a buai bawk si a,ka hna pawh ka aia kal turin ka nutei'n an nau pakhat min rawih sak ringawt lehnghal.

Thenrual tha ngah nupa ni ta chu in leng hi kan nei zut reng a.
Ka nutei khawhar lutuk tur pawh a hnem ve deuh.

Ka nu chu a buai thin ngawtin ka ring,mahse ka awmloh atangin Bawiha zingtin 6:00am a thovin aman eirawng a bawl vek thin thu ka nu in a sawi chuan ka lawm ru veng veng.

Zan a meng reiin zing thawh a hre lo rapthlak mai sia,puitlin hun a hre ve tawh hle in ka hria.

Ryan nen pawh nitin kan inbia a,Falkawnah pawh vawithum a lo kal tawh.

Zan tin rawn len a tum a ka phallo ziah.
A chhan pawh ka chhungte hian a haw hnu hian min chhaih nasa thei thin em a.

A rawn len hmasak ber zan phei chuan an in signal hlawm keuh keuh a,puitling vek ni si,chutah tar lek lek tawh ni si hian an naupang chhia leh tlat thin.

Ka pu lah hian a makpa interview nei ni awm tak hian thil hi a zawt chik a.

Ryana'n min rawn biak a piang hian "I pu What-a leh i pi Ryantei" a ti ziah lehnghal.

Ka pi hian 'Ryante' hi a ti kher zel a.
Ryan lah hian "Min naupang chei ni maiin ka hria i chhungte hian" a ti leh tawp thin.

"Mamte,thingpui hang min han lum teh ka chak riau mai,i pi pawh hian a duh ve ang" ka pu in a rawn tih boh boh chuan choka lamah ka lut nghal vat a.

In leng kan neih loh lai tak a ni.
Thingpui so hun ka nghah laiin ka phone a rawn ri a,Ryan a nih ringin caller ID ka en vat a,a lo ni reng bawk a.

"Hello Ryan" min hmu lo mahse ka nui ver ver tho.

"Hello miss,i dam em?" Ohh...Rae zawk a ni maw,a tawng zawih danah a rukin min rawn bia a ni ngei ang.

"Oh..Rae,dam e,i dam zawk maw" ka ngai ve reuh lutuk,monday to friday a ka lunch ei pui ber a ni bawk a.

"Im...miss,school lo kal tawh rawh,hrilh tur che ka ngah tawh teh mai ania" a rawn ti sur sur a.

"Nia...karleh lamah chuan ka lo kal tawhin ka ring,in miss thar chu a fel em?" Ka ti vat a.

"Fel a mahse a tluk lo che,bialpa thar ka nei ania aw,kan class a mi,mahse school i lo kal hma chu ka hrilh dawn lo che,Au Ryana bulah sawi miah suh aw" chhungte hriat loh a bialpa nei rual an ni ve tawh bawk alawm le a hrim hrimin a luck ve reng reng a.

"Hrilh dawn nang lee...school lo kal vat vat min chak tir phah vek alawm le" ka thingpui chhuan so chu ka thli nghal vat a.

"Aû in kan innei tep tawh a ti" a tih chuan ka thingpui thlit chuan ka in leih buak tep a ni.

"A ti mai mai anih chu a" ka ti vin hluk.

"Anu te pawn an hre vek tawh ania aw,Falkawn a mi anu thiannu in Au alo leng thin tih a hria a" a tih chuan ka thin a phu dut dut,ka zak bawk si nen ka biang chu a tai hlarin ania ka rin ni.


"Awii!!zan thum vel bak a rawn len loh khaaa" ka tah a chhuak zawk ka zak lutuk hi.

"Anu thiannu chu a tawngthei lutuk a anu pawn thuruk engmah a hrilh chi loh a ti" a sawi zawng pawh chuan a ngaithei vak bik lo tih a hriat.

"Rae lo vuan lawk aw,thingpui ka va sem lawk" ka sawi zawh rualin thingpui no hnih chu keng pheiin ka pi leh pute chu ka va pe a,
Let leh nghalin phone chu ka beng zawn a dah leh vatin thlanglam bathlar a thutthleng kan dahah chuan ka zuk thu chat a.

Phone lehlam chu a reh vang vang avang chuan "Rae" ka va ti sup a.

"I bialpa zawk" Ryan thawveng lutuk aw chu ka hre nghal chat.

"Khaw nge Rae kha?" Ka hre lo der tlat.

"I bialpa i biak hi Rae Rae ti reng suh" a rawn ti vin hluk.

"Rae i ni lonemm"
"Lonem ti suh teacher ve lai si hleinem ti rawh" rawn in la district vel lutuk,'lonem' tih hi Lalthlamuani vang hian ka hrat zo vek.

"I ninawm min hau zo vek rawh" ka ti vin that a.

"Thinchhe reuh si a" ala ti duh lek zui.

"Zanin ka rawn leng dawn" nitina a thil sawi.

"A ngai lo" ka chhanna ni ziah bawk.

"Anih leh lo haw tawh rawh" kei tak hi a sin le haw chak chu.

"Ngati nge?"
"Ka ngai tawh che" waa...phone mah nise ka lai reuh lutuk a.

"Engtin maw" ka ti leh ngat,ka hre nawn leh chak em a ni.

"Ka ngai che Miss Hopie" aw...ka luangliam ngawih ngawih va haw phei nghal rum rum pawh ka nap.

"A thu ava mawi em" ka tih chuan a hmel awmdan tur ka ngaihtuaha a ner leh sawkin ania ka rin.

"Chu chauh chu maw"
"Im...a thu kha a mawi em a" ka nui ru tut tut a.

"Min ngai ve lo maw" a lungawi loh hmel zek a.

"Ka ngai ve lo che pawh ka tih loh kha" ka ti tan tan.

"I ti pawh ka ti lonem"
"Khaa...nangpawn lonem i tih kha" ka lo ti vat.

"Nangmah vang" a ti hluk chu a naupang chhia riauin ka hria a ka nui vur vur mai.

"Va inbe rei veeee,,,nawm hmel vur vur sia" ka ni Lalhluni'n in chhung lam atanga a rawn tih chuan ka hawi zuk.

Lehlam atangin "Tu nge?" a rawn ti bawk.

"Ka ni anih kha,ka dah dawn ka zak" ka tih chuan lungawi loh hmel deuhin "min zahpui" ala ti tlat zui.

Ka zahpui loh thu in rei ngial kan inthlem hnuah a lungawi thei hram.

In chhung a ka lut chu min lo nuih leh tet tet tawh hlawm mai.

Room-ah ka luhsan daih asin le.

Zanah chuan min rawn call leh.

Ka pick veleh chuan "Hello Ryan" kan ti rual.

"Eng nge i lo sawi ve?" Ka tih chuan "Inbiak apiangin 'Hello Ryan' i ti ziah a,i sawi nin tawh ka ring a ka tih pui tawp che" hmeichhe tawng ang mai a.

"I lerh e a" ka ti daih,ka sawi chhan pawh ka hre lo.

"Eng nge ka lerhna?" A aw a tang chuan mak a tih hmel hle.

"Thlawilawm" ka tih phei chuan a hma aiin a bo a ni ngei ang.

"Ka nuthlawi hmelhriat ho chu an hmelchhe thei lutuk biak pawh ka be ngai lo hrim hrim" a awki zet chu naupang insawi thiam tum ang chiah chiah.

"Tu nge Reena leh Cathy kha?" Ka tih chuan a ngawi vang vang a.

"Chutiang hmelhriat ka nei reng reng lo" a thaw huai ri chu ka hre pha.

"I assistant leh i bialnu hlui pawh i hre lo amaw Marcos Lalrohlu" ka tih chuan.

"Tu nge Marcos Lalrohlua chu?" Thinrim hmel em em hian a rawn ti.

"Rae zawt rawh" ka ti ringawt.

Min zawh nawn reng hnu pawn ka sawi duh lo a "Rae zawt rawh" ka ti tlat a,a thinrim hmel khawp mai.

A hnuah Rae a ko ri chu ka hre pha.

"Raelynn" a aw a chang fak.
"Ti khan min melh suh aw Lalhopieryan" maww!!!henu hian kan hming alo kaihkawp a.

"Tu nge Marcos Lalrohlua chu?" A ti chang leh fak.
Keiin nui ru tuh tuh chungin ka lo ngaithla thung.

"Ee...Marcos kha maw...Miss Hope-i bialpa,mahse kei chuan Upuia ka duh zawk daih" a ti siam siam a.

"I zak miah lo a mi a,in miss chuan min lo kawp a ni maw,Ngurthanpui min kawp elaw" a rawn ti leh.

"Hawrawppuiin min ko suh aw Vanlalfak" nuih insum zetin ka lo ti veleh.

"Vanlalpek,tu nge chupa chu sawi nghal rawh" a aw chu a chang fak fak hle mai a.

"I ninawm min thlah teh thawnthu a mi mai mai anih kha" alo vuan bet a ni ngei ang.

"Eng a?" A ti hluk a.

"Ahmangaihi Violette thawnthu ziah Possible Night a a changtupa hming anih khaaa" Rae tawngdan atang chuan a ning tawh a ni ngei ang.

"Thanpui,sawi tha ve mai ta che" ala rawn ti hram ka ti.

"I ninawm Vanlalfak,thinrim nghal kher a ngai a mi?" Ka lo ti veleh.

"Nangni pahnih hi inkawm tawh suh ang che u,mi tih hlauhthawn dan in hre tlat"

"Ngurthanpui,thawnthu chhiar tawh suh ang che" a rawn ti leh.

"Hawrawppuiin min ko reng reng suh aw Vanlalfak,Faksual,thawnthu a mi mai mai pawh thik kha i zak lo em ni?" Ka lo ti let zek.

"In ninawm ka kal dawn" Rae chu ala chhuak lo a ni maw.

"Tuman kal suh kan ti hleinem che" unaupa nghal ru deuh leh tawngthei ru zek a nei hi a vanduai ti dawn ila,a fel ve tho sia,a lo chhelo leh zel bawk si nen a vanduai vannei ka ti mai.

Rei tawk tak kan inbiak hnuah call kan cut thei hram.

A thusawi tawp ber pawh "Thawnthu chhiar tawh suh ang che" ala ni tho.
A thik tak tak em maw ni,eng ang pawn thik mahse Marcos leh Nuihiaua hi chu ka then dawn lo reng reng a.


11:00pm velah chuan kan mu reh thiap tawh.

Ka message tone lo rik avang chuan lukham hnuai a ka phone dah chu ka dap rawk rawk.


Phone ka en rei theih loh vang hian text message hian kan inbe khat khawp.

Mahse message tone a rawn rik hi chuan ka en ve vat zel tho.

"Pawn a theihai kung hnuaiah khan ka nghak che" tun ang zanah eng nge maw a rawn tih ni.

"Haw rawh kan mu tawh" tih zawngin ka chhang.

"I lo chhuah hma chu ka awm dawn" ala ti hram he mi luhlul hi.

Ka reply tawh lo.
Mahse a hnu lawkah bike horn a ri thut.

Message ka va en leh chuan "I chhungte ka tih harh vek hma hian rawn chhuak rawh 5 minute i nei" ala rawn ti.

Muangchangin ka tho tual tual a.
Room kawngkhar ka hawng de de a,thutthleng a ka cousin ho mu chu an mut ngheh hmel kher mai,an la mu ang phuau zui.

Ka chhungte harh hlau zetin kawngkhar chu ka hawng a.

Pawn ka chhuah chuan a vawt ve deuh.

Kawrfual bah pan ve lampang ka ha bawk a,vawt lo thei a ni lo.

Theihai kung hnuai street light in a en theih chin atang vel chuan ban rawn vai lauh lauhin "Heyyy" a rawn ti ta phut.

Ka hmui zawn a ka kut zungchal ka dah chuan a hrethiam a ni ngei ang,a bulah thing thutthleng an siamah chuan a thu thla hnak a.

A bul ka va thlen chuan rawn ding vatin a nghet thei ang berin min rawn kuah nghal a,keiin ka lo kuah let ve vat.

"Vanlalfakk,ka thaw thei lo" thawk harsa ti zet a ka tih chuan min thlah vatin min rawn kuah lehnghal,mahse nichin ang em em chuan min kuah nghet tawh lo.

"Ka va ngai che ve Thanpui" ngati nge ka Mizo hming,ka nickname pawh ni hlei lo hian min koh teh fo le.

"Ngai ve lo che hi kan ang thin Vanlalfak" min thlah thut a,ka biang a rawn dawm leh vatin ka hmuiah chuan dam dap mai hian min fawp vawng vawng a.

Keipawhin ka lo chhanglet ve thuai.

Ka biang a min dawm reng si chuan a in la hrang vat.

Rum deuh a min en chung hian "Thawnthu i chhiar em?" a ti deuh thut.

"Immm..."

"Chhiar suh ka ti che"

"Ka chhiar lo ka ngaihtuah" ka mitah chuan min en vang vang a.


"Mipa dang ngaihtuah thei i ni lo,i bialpa hi ka tha ber,i bialpa leh i chhungte leh i hna chauh ngaihtuah rawh" a teh duah chuan a.

"Kan pahnih thawnthu pawh ngaihtuah a rem loh chuan ka nun chu jail ang mai a ni dawn alawm le" ka ti niah niah a.

Amah zawk chu hlim leh hle sia.

Nui vur vur hian "Min ngaihtuah maw" ala ti hau zui.


"Ngaihtuah lo nang le Fakte" lehlam hawi a ho tih hmel deuh ka awm chu ka hnunglam a tang a min rawn kuahin ka darah a lu a nghat a,ka nghawng chu a thawk khum sek sek a.

"Fakte min ti ve suh min ti chal" a tih chuan ka nui hak.
Pitar leh putar emaw,kum upa lam tawh ho hian "Fakte" hi an ti leh thin.
A duh loh hmel thei khawp.

"Ka nu pawhin Fakte a tih che kha"
"I nu chauhin min ti rawh se" ka nui hak.

Thawk leh khat a in la hrang thut chu min ti hlau hman alawm le.

"Ka haw dawn va mu tawh rawh" ka chhan hma hma in ka hmuiah a rawn fawp vang vang a.

Min fawp zo chiah a,"Kal tawh rawh le Muttui aw Thanpui" tih pahin ka hnung lam atangin min nawr kal dat dat.

Thil hi a ti phut phut a min ti aa zo dawn.

"Thanpui ti ziah suh Vanlalfak" ka lo ti hrawk.

A lam a min kuai herin "Anih leh Miss Hopie muttui aw,i mumangah khan min lo hmu ngei ngei rawh aw" a ti nem leh diai reuh a.

Min rawn fawp leh zeuh.
"Kha...i awm chhung chu ka fawp reng dawn che,ka fawp daak vek hma che hian lut rawh" a ti leh hluk.

Ngawi rengin ka kal phei a.

"Leh lawkss" ka hawi phei rualin ka bul a rawn thleng lehnghal.

Ka nghawng zawn a rawn thaw lum ham hamin "Nang tê hi,i mu tur mai mai pawh thlah i har hrep a" ka nghawng chu a seh a ni ngei ang a na zawk a,mahse a na rei lo.

"Eng nge i tih?" Ka tih chuan "Ryana chhinchhiahna anih kha" a ti fel then mai bawk a.

Love bite a nih loh a takah.

"Muttui aw Lalryan"
"Muttui le Lalhope" ka nui suk a,ka luhsan ta daih.


A tuk zing chu thawh ka hai chiang khawp.

Tho thurhin ka hmai ka phih sawk sawk a,ka hmai ka phih zo darthlalang a ka in en chu.

Ka phu nasa lutuk.

Mawlmuka love bite siam mai mai chuhhh...

A langsar lutuk tlat.
Kawrfual bah tawi te ka ha bawk si nen.

Ava han mawl tak e awww...

Ka chhungte bulah engtin nge ka sawi tak ang aaa!!????

Ka tih ngaihna hre lo lutuk chuan t-shirt nghawng nei ka'n ha ngawt a,a lan loh phah chuang si lo.

Room atang a ka chhuah chuan tuman min lo ngaihsak em em chuang lo mahse ka inthlahrung ru dûk mai.

Kawngka kik ri-ah chuan ka'n hawi deuh thap a.

Aww...ka mawlmuka sawi ngei mai chu at hmel zet hian alo nui hau mai.
Min hmuh veleh a nghawng ala kawk zeuh zui.

Chu chu ka nutei chuan a lo hmu a ni chek ang chu ka bul a ding a ni bawk a min rawn bih a,mit min san khum akin a la nui ang ver ver a.

"Ryante,i lo kal elaw??lo thu rawh i va fel ve a" ka pi in lo ti vat.

"Niaa...hei Hope-i ka rawn hruai dawn" ka meng phar nghal awk.
Haw lam kan sawi lo hrim hrim,kan sawi hnuhnun ber pawn karleh lamah ka lo haw ang ka ti zawk maw le.

"Aw...Mamte i haw dawn tih pawh ngati nge i sawi loh?" Ka pu in lungnih loh hmel deuh a min rawn en chuan ka inthlahrung ru riau,kan mimawla vang vek.

"Tun tut tutah haw ka tum hleinem" ka tih chuan rum deuh a min rawn enin "I lo haw a hun tawh an ti" a ti tawi tap a.

Ka cousin Wesley-an "Tu ten?" Alo ti vat.

"Thenawm khaw veng ten?" Awlsam zeta a ti chu ka chhungte lawm a tling em em.

"Ryana tunlai eng nge i tih?" Ka pu in a rawn tih chuan min rawn en vat a,"pu what-a" tiin a phun sup chu ka nuih tawp.

"Bawhi i haw dawn tih ti nge i sawi loh a?" Ka nutein a rawn ti sur sur.

"Ka haw dawn tih pawh ka hriat bik loh hi" ka ti deuh hluk.

"Hrim hrimin nizan i mut dawn khan love bite i nei bawk si lo a" min a rawn san leh ak ak tawh.

"I ninawm a" mi chhaih hrat hlawm lutuk mai.

Ryan chu ka chhungte chuan chaw ei phawt a chaw ei kham a haw zawk turin an ti a.
Ka pi te pawn Ryana'n min rawn lam thlap vang nge haw lo turin min chelh bet em em lo.

Kan Ryana lah chuan inthlahrung miah lovin chaw chu a ei ve mai bawk a.

A vawithumna-ah a puar hram lehnghal.
Sil hmun bul a ka awm laia a kut a rawn sil chu "i chaw load a va tha ve" ka lo ti sak a.

"Ka unload pawh a tha alawm" hepa hi a zak thei lo reng reng,a der pawhin zak hmel zu han pu eih lo a.

"T(r)awpaaa" ka duh aiin ka tawng ring nge ka chhungte an lo hawi thup.

"A tawngkam ve hrim hrim anih kha" ka chhungte chu a ma chhungte emaw a ti zawk em ni le?

He mihring pa hi hriatthiam a har dawn nek mai a!!!

A mizia a thlak thut thut a,a tawngkam leh a chezia te,a tawngdan te hi.

Thil tih phut phut a hrat a,kan titi tui lai tak te hian ding phutin "Ka haw dawn min lo thlah rawh" tih pah a chhuah nal nal te hi a hrat,lungphu tha lo min neih tir te hial hi ka hlau thin.

Ohh...eng pawh chu nise,kan in hre chiang telh telh dawn a lawm le dam a Pathianin rem a tih phawt chuan.

Eng ang mizia pawh nei se ka hmangaih em em tho ang<3

Maww...tunah khan eng maw ka sawi.

Ka hmangaih a!!!nnnaaa...Ngurthanpui i aa tak tak tawh!!!!






#End_Of_Chapter_4






Hope you like it guys<3



Ads kha in lo click theihnghilh ang e aw💋


Zanin chu a tawi maithei mahse naktuk zanah ka rawn dah leh ang aw💕

Vawiinah kan hnatlang a zanah ka inkhawm leh nen ka hman har reuh zek a.
Chuta chhapah ka phone a nuar khanglang a mawmmmsss,a keyboard alo tang chut chut reng nen chuan type ngah a har lutuk a.

Naktuk zanah kan inhmu leh vek dawn nia aww..🖤



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)