ROMANCE SENSE BY SISYPHUS_BEE CHAPTER 18

Episode kal lai dah luhna

Moderator: writers

Sisyphus_Bee
Posts: 42
Joined: April 7th, 2022, 11:36 am

ROMANCE SENSE BY SISYPHUS_BEE CHAPTER 18

Unread post by Sisyphus_Bee » May 24th, 2022, 4:31 pm

tmp-cam-2149985129455669215.jpg
tmp-cam-2149985129455669215.jpg (15.6 KiB) Viewed 1067 times
🪐Sisyphus_Bee🪐

🪐Chapter 18🪐

Zan thla eng chuan dil te chu a chhun êng phût a. Thlasik lai a ni bawk nen van zawlah chuan arsi êng tlar dul mai te chu hmuh nuam tak an ni.

Dil lam hawi zawng chuan min hêr a, ka hnungah a rawn ding ve nghal zat a. Ka darah a ban a nghat bawk a.

Boruak chu a thiang nuam tak zet zet, chhum lei vak pawh hmuh tur a awm.

"Hei lai hmun hi ka hre reng tawh ang" Ka ti chhuak sap a.

"Hriat reng tlak chu a ni khawp ang" a lo ti ve a.

"Engtik atang khan nge min duh a? " Ka hrechak em a ni .

"Ka duh tanna che pawh ka hre lo, a tir chuan hmeichhe che chhe thei deuh, ' Disaster girl' angin ka hmu che" Nui deuh suk suk pah chuan a ti a.

" Disaster girl tih kher" Ner deuh nang chung chuan ka ti a... " I inhmeh em hi" a la ti tak ang deuh deuh zui. Chutiang lo inhmeh te chu a!!!



Zingah chuan mood fuh zetin ka tho chhuak a, mood a fuh tha bawk a, tho hma pawlah ka tang.

Midang thawh hmain ka lo intifai diam a, ka sam ka khuih pah chuan ka zai rât rât a. Nizan kan mut hma khan goodnight kiss kha kan nei leh zuai kha nia. Kan ngaihtuh let leh vel a, keimah te chuan ka lai leh lek lek thin. Miin min hmu se chuan 'Miâ' emaw min ti hrim hrim ang.

Midang ho pawh an lo tho chhuak sup sup a. Ka thian ten min hmuh chuan mak tih hmel deuh hian min en a.

"Kan mood a va fuh deuh hmel ve" tih ang rengin min chhaih a.

Nizan chungchang kha sawi mai dan tur pawh ka hre lo. Ka hrilh zak deuh tlat nia. Hrilh tan dan tur pawh ka hre lo.

Midang ho pawh an inti fai liam liam a. Msa ka hmuh chuan ka lai leh lek lek thin. A tho hlim hmel te chu a sexy thlawt. A sam chu awmze nen deuh chung hian a phir si ve hle a, a mitmeng pawh a sen deuh rum mai.

Chaw ei kham veleh ah kan theih ang a nalh chuan kan insiam nghal sap sap hlawm a. Makeup pawh tlem ka hmang ve. In makeup vak hi ka thiam lutuk lo.

Powder group ho chuan an hneh sawh ngial mai.

Sara-i chuan ka mit min chei sak ve ngei a, ka meng pherh ang tih erawh ka hlau hle thung.

Mipa ho chuan, "Sara-i powder a ni..." tihin an lo zai khum leh zuk thin a, an han inchhaih tawn leh hlawm thin a.

Kan thlen in atangin Rih dil chu a hla lo bawk a, ke in kan kal mai a. Zan ai khan hmuh chian an awl zawk bawk a, chhun engah chuan an mawi leh zual.

Kan piah lawk a leilet hring dup mai te chu nalh tak an ni. TV-ah hian ka hmu ve leh zuk thin a. Tiang a a tak ngei a hmuh hian a lo mawi leh zual a nih hi.

Msa chu ka va en zeuh a, ka en lai tak chuan a ni pawn min lo en ve a, ka nui deuh suk a, a ni pawh a khi ve suk mai.

Kan ngaihtuahna a inan hram ka beisei. Nizanah kan lo kal hmasa a, he hmunah ngei mai hian kan inkar suih zawmin a awm a, engtia rei nge ni ang chu ka hre lo.

He hmun ngeiah hian kan rilru vei zawng kan inhrilhna hmasa ber leh inpawh taka kan inbiak dunna hmasa ber a ni bawk a. Chutah ka first kiss ka hlohna a ni bawk.
Kan tan chuan Rih Dil kam hi a hlu vet vet em a sin.

Thla te kan la a, " Thla min lo laksak lawk teh" tih chu kan sawi hnem pawl tak chu a ni ve ang.
A bikin hmeichhe ho. Kan kal zen zen thei dawn si lo a, tam thei ang ber thlalak ka duh a ni.

Kan thian ho chuan thla te kan la a, a hnuah a huhoin kan la leh vek a.

" Tumah kal darh bik awm lo ila, kal darh kan a hian kan tlai phah thin a, a buaithlak" Sir Dinpuia chuan a ti a.

Dih dil tui chu bottle te-ah ka thun khat a, hawn ve reng reng ah ka ti a ni.

Msa chu ka lam panin a lo kal a. " He lai hmunah hi chuan nizanah ka kal daih tawh" Ka hriat tham lek chuan a rawn ti su su a.

Chutia kan inhrilh ru chu kan thiante chuan mak tih hmel deuh tak hian min en hlawm a.

" Nang ni pahnih hi in ingaihzawng chiang mai" Remruati chuan a ti ang hê haw a.

" A dik em? In lo insawirem tawh zawk te hi a ni em? " Zawhna ngah hmel tak chuan a ti leh a.

" Ka bialnu a nih hi" Ka dar a rawn vawn pah chuan Msa chuan a ti a. Ka hlim veng veng mai.

" Min hrilh ve intum miah lo a" Kan thian te chu an vui lek lek a ni.

" Hrilh na hman pawh a la awm chuang lo a" Bah deuh nawk chung chuan ka ti a.

" In zep a nih kha" an la ti talh.

" Tour hmang tangkai ber in ni hlial ang" tih mai mai ten min fiam zut reng a. Min lawmpui a ni tih pawh ka hria.

" Bridget-i khan kan tawng a hre pha a niang, min melh tur tha khawp mai" Ka hriat tham lek tur chuan Diana chuan ka beng bulah min rawn hrilh a. Bridget-i ka va en chuan a hawisawn hmak a, ka khawngaih ve deuh.

Kan haw kawngah chuan Msa nen kan thu dun a. Motor ka rui deuh bawk nen, a darah chuan ka lu ka nghat chawt reng a. Zah pawh ka sawi thei tawh lo. Motor ruih hi chu a hrehawm em a ni.

Ka lo muhil reng deuh a niang, ka harh leh chuan Aizawl khaw chhung kan lut der tawh. Kawng a tha tawh a, kawng lakah pawh kan thang rei lo.

Aizawlah chuan kan ding a, zan a khaw chhung a luh chauh kan duh avangin bazar kan dil a, an lo phal ve mai bawk a.

Kan teacher te pawn bazar chu an duh ve tho a niang. Dar 4 vela chhuak hman turin kim hun tur an sawi a.

" Ms in in a hlat viau loh chuan in inah kal ila" Ririni'n a tih chuan an phur viau hlawm mai.

" Nia a tha ngawt ang, hmai phin te pawh ka duh" Remruati chuan a lo ti ve leh a.

Msa chuan a rem ti a niang taxi kan la a, Durtlang lam pan chuan kan inkhalh chho a.

Kawt zawl zau deuh mai ah chuan taxi chu a ding a. Mipa ho chuan taxi fare chu an pe a.

In rawng uk deuh khup mai, lian tha zet kawtah chuan kan ding a. In bul velah chuan pangpar chi hrang hrang awmze nei deuh te hian an phun a.
Compound chhung chu a fai lutuk, bal pawh a langsar ngawt ang.

Msa chu kan zui lut hnak hnak hlawm a. Inchhung kan luh chuan pawn lam en reng reng pawhin a ropui tawh nak a laiin, inchhung chu a pui khup mai. An inchhung chei vel dan chu ni chuai si lo hian, simple deuh si hian a changkang ru tak zet.

Msa pi ni ngei tur chu kan lam panin a lo kal a. Nui var var chung hian min lo chhawn a.
Nu invawng tak a ni tih a hriat theih, a hâ te chu a var sar a, tar a ni tawh chung pawn a la hmeltha khawp mai. A nulat lai phei chuan a hmeltha leh zual ka ring.

" In va fel hlawm ve a, kan inah te in lo kal a" Nui sang chung chuan a ti a. " Bawiha hian in lo kal dawn tih pawh a sawi lo a" a tih chuan Msa chuan, " Kan lo kal thut a lawm" a lo ti zeuh a.

" Thingpui in rawh u aw, inchau awm si" tih leh an nula chu koh a rual a.

An inchhung chu fan tham a ni, a fai bawk sia, an che thianghlim tih a hriat. Keini ang che phelh pheng phung ang chenna chi chu a ni dawn lo tawp mai.

" Ka room-ah awm hrih ila" Ms-an a tih chuan inchung lam panin kan chho hnak hnak hlawm a. A room chhung chu mipa room tih takah a thim deuh khup mai. Lakers poster pawh a tam ngial mai. An chhungkaw thlalak chu frame lianpui mai hian bang ah a intar a. Msa chu ala naupan hmel hliah hliah.

Washroom lamah kan intifai hlawm a, a thenin a room balcony-ah chuan zial an zu a.

Kan chhuk leh hnuah chuan choka lamah thingpui kan in a, an nula awmpui te chu a che fel thilp thlap reuh lutuk.

Thingpui kan inlai chuan Msa û, Doctor Huldi chu a rawn haw a. Min hmu chu mak a ti ve deuh a niang. "Ehee.. In lo kal elo? " Tih leh kan thutna lam rawn pan a rual a.

" In lo thlenna a rei tawh em? " Hawihhawm tak chung chuan a ti a. Kan thlenna a la rei lutuk loh thu chu kan lo hrilh a.

"In lo kal dawn tih hria ila ka lo haw hma deuh tur a nia" a tih chuan Msa chuan " Kan kal leh tep tawh" a lo ti zeuh a.

" He pa Chhiahtlang nuam tih zia hi" A u chuan a lo fiam zeuh a.
" Nuam tih chhan a nei te pawh a ni thei a" Nunpuia chuan a lo ti ve leh a. Doctor Huldi chuan hriatchak hmel deuh mai hian zawhna a zawt chik em em a. Kil khatah ka lo zak chem chem mai.

" An hming te pawh a inang tep"Zomuana chuan a lo ti zeuh a.
" A hming tawpah chuan 'i' a awm" Nui rulh rulh pah chuan Ririni chuan a lo ti ve leh a.
" Kan zingah pawh hian an awm mai thei" Dennis-a chuan a lo ti ve leh bawk a. Hemi te han nghal thiam zia hi chu aw..

Doctor Huldi chuan nur sang chung chuan ka lam a lo hawi zeuh a. Ka tih ngaihna hre lo chuan ka lo nuih let ve leh tawp a.

" Nuam kan tihchhan hi a lo tha em a nih dawn hi" A ti zeuh bawk a. Ka hmai a sa hat hat mai.

Ka hriattham lek tur chuan Diana chuan, " I mo-na tur chu a nawm dawn hi"a lo ti zeuh a. Kan inneih dawn leh dawn loh pawh a hriat tawp si loh a.

End of Chapter 18
🪐Chapter 18🪐

Zan thla eng chuan dil te chu a chhun êng phût a. Thlasik lai a ni bawk nen van zawlah chuan arsi êng tlar dul mai te chu hmuh nuam tak an ni.

Dil lam hawi zawng chuan min hêr a, ka hnungah a rawn ding ve nghal zat a. Ka darah a ban a nghat bawk a.

Boruak chu a thiang nuam tak zet zet, chhum lei vak pawh hmuh tur a awm.

"Hei lai hmun hi ka hre reng tawh ang" Ka ti chhuak sap a.

"Hriat reng tlak chu a ni khawp ang" a lo ti ve a.

"Engtik atang khan nge min duh a? " Ka hrechak em a ni .

"Ka duh tanna che pawh ka hre lo, a tir chuan hmeichhe che chhe thei deuh, ' Disaster girl' angin ka hmu che" Nui deuh suk suk pah chuan a ti a.

" Disaster girl tih kher" Ner deuh nang chung chuan ka ti a... " I inhmeh em hi" a la ti tak ang deuh deuh zui. Chutiang lo inhmeh te chu a!!!



Zingah chuan mood fuh zetin ka tho chhuak a, mood a fuh tha bawk a, tho hma pawlah ka tang.

Midang thawh hmain ka lo intifai diam a, ka sam ka khuih pah chuan ka zai rât rât a. Nizan kan mut hma khan goodnight kiss kha kan nei leh zuai kha nia. Kan ngaihtuh let leh vel a, keimah te chuan ka lai leh lek lek thin. Miin min hmu se chuan 'Miâ' emaw min ti hrim hrim ang.

Midang ho pawh an lo tho chhuak sup sup a. Ka thian ten min hmuh chuan mak tih hmel deuh hian min en a.

"Kan mood a va fuh deuh hmel ve" tih ang rengin min chhaih a.

Nizan chungchang kha sawi mai dan tur pawh ka hre lo. Ka hrilh zak deuh tlat nia. Hrilh tan dan tur pawh ka hre lo.

Midang ho pawh an inti fai liam liam a. Msa ka hmuh chuan ka lai leh lek lek thin. A tho hlim hmel te chu a sexy thlawt. A sam chu awmze nen deuh chung hian a phir si ve hle a, a mitmeng pawh a sen deuh rum mai.

Chaw ei kham veleh ah kan theih ang a nalh chuan kan insiam nghal sap sap hlawm a. Makeup pawh tlem ka hmang ve. In makeup vak hi ka thiam lutuk lo.

Powder group ho chuan an hneh sawh ngial mai.

Sara-i chuan ka mit min chei sak ve ngei a, ka meng pherh ang tih erawh ka hlau hle thung.

Mipa ho chuan, "Sara-i powder a ni..." tihin an lo zai khum leh zuk thin a, an han inchhaih tawn leh hlawm thin a.

Kan thlen in atangin Rih dil chu a hla lo bawk a, ke in kan kal mai a. Zan ai khan hmuh chian an awl zawk bawk a, chhun engah chuan an mawi leh zual.

Kan piah lawk a leilet hring dup mai te chu nalh tak an ni. TV-ah hian ka hmu ve leh zuk thin a. Tiang a a tak ngei a hmuh hian a lo mawi leh zual a nih hi.

Msa chu ka va en zeuh a, ka en lai tak chuan a ni pawn min lo en ve a, ka nui deuh suk a, a ni pawh a khi ve suk mai.

Kan ngaihtuahna a inan hram ka beisei. Nizanah kan lo kal hmasa a, he hmunah ngei mai hian kan inkar suih zawmin a awm a, engtia rei nge ni ang chu ka hre lo.

He hmun ngeiah hian kan rilru vei zawng kan inhrilhna hmasa ber leh inpawh taka kan inbiak dunna hmasa ber a ni bawk a. Chutah ka first kiss ka hlohna a ni bawk.
Kan tan chuan Rih Dil kam hi a hlu vet vet em a sin.

Thla te kan la a, " Thla min lo laksak lawk teh" tih chu kan sawi hnem pawl tak chu a ni ve ang.
A bikin hmeichhe ho. Kan kal zen zen thei dawn si lo a, tam thei ang ber thlalak ka duh a ni.

Kan thian ho chuan thla te kan la a, a hnuah a huhoin kan la leh vek a.

" Tumah kal darh bik awm lo ila, kal darh kan a hian kan tlai phah thin a, a buaithlak" Sir Dinpuia chuan a ti a.

Dih dil tui chu bottle te-ah ka thun khat a, hawn ve reng reng ah ka ti a ni.

Msa chu ka lam panin a lo kal a. " He lai hmunah hi chuan nizanah ka kal daih tawh" Ka hriat tham lek chuan a rawn ti su su a.

Chutia kan inhrilh ru chu kan thiante chuan mak tih hmel deuh tak hian min en hlawm a.

" Nang ni pahnih hi in ingaihzawng chiang mai" Remruati chuan a ti ang hê haw a.

" A dik em? In lo insawirem tawh zawk te hi a ni em? " Zawhna ngah hmel tak chuan a ti leh a.

" Ka bialnu a nih hi" Ka dar a rawn vawn pah chuan Msa chuan a ti a. Ka hlim veng veng mai.

" Min hrilh ve intum miah lo a" Kan thian te chu an vui lek lek a ni.

" Hrilh na hman pawh a la awm chuang lo a" Bah deuh nawk chung chuan ka ti a.

" In zep a nih kha" an la ti talh.

" Tour hmang tangkai ber in ni hlial ang" tih mai mai ten min fiam zut reng a. Min lawmpui a ni tih pawh ka hria.

" Bridget-i khan kan tawng a hre pha a niang, min melh tur tha khawp mai" Ka hriat tham lek tur chuan Diana chuan ka beng bulah min rawn hrilh a. Bridget-i ka va en chuan a hawisawn hmak a, ka khawngaih ve deuh.

Kan haw kawngah chuan Msa nen kan thu dun a. Motor ka rui deuh bawk nen, a darah chuan ka lu ka nghat chawt reng a. Zah pawh ka sawi thei tawh lo. Motor ruih hi chu a hrehawm em a ni.

Ka lo muhil reng deuh a niang, ka harh leh chuan Aizawl khaw chhung kan lut der tawh. Kawng a tha tawh a, kawng lakah pawh kan thang rei lo.

Aizawlah chuan kan ding a, zan a khaw chhung a luh chauh kan duh avangin bazar kan dil a, an lo phal ve mai bawk a.

Kan teacher te pawn bazar chu an duh ve tho a niang. Dar 4 vela chhuak hman turin kim hun tur an sawi a.

" Ms in in a hlat viau loh chuan in inah kal ila" Ririni'n a tih chuan an phur viau hlawm mai.

" Nia a tha ngawt ang, hmai phin te pawh ka duh" Remruati chuan a lo ti ve leh a.

Msa chuan a rem ti a niang taxi kan la a, Durtlang lam pan chuan kan inkhalh chho a.

Kawt zawl zau deuh mai ah chuan taxi chu a ding a. Mipa ho chuan taxi fare chu an pe a.

In rawng uk deuh khup mai, lian tha zet kawtah chuan kan ding a. In bul velah chuan pangpar chi hrang hrang awmze nei deuh te hian an phun a.
Compound chhung chu a fai lutuk, bal pawh a langsar ngawt ang.

Msa chu kan zui lut hnak hnak hlawm a. Inchhung kan luh chuan pawn lam en reng reng pawhin a ropui tawh nak a laiin, inchhung chu a pui khup mai. An inchhung chei vel dan chu ni chuai si lo hian, simple deuh si hian a changkang ru tak zet.

Msa pi ni ngei tur chu kan lam panin a lo kal a. Nui var var chung hian min lo chhawn a.
Nu invawng tak a ni tih a hriat theih, a hâ te chu a var sar a, tar a ni tawh chung pawn a la hmeltha khawp mai. A nulat lai phei chuan a hmeltha leh zual ka ring.

" In va fel hlawm ve a, kan inah te in lo kal a" Nui sang chung chuan a ti a. " Bawiha hian in lo kal dawn tih pawh a sawi lo a" a tih chuan Msa chuan, " Kan lo kal thut a lawm" a lo ti zeuh a.

" Thingpui in rawh u aw, inchau awm si" tih leh an nula chu koh a rual a.

An inchhung chu fan tham a ni, a fai bawk sia, an che thianghlim tih a hriat. Keini ang che phelh pheng phung ang chenna chi chu a ni dawn lo tawp mai.

" Ka room-ah awm hrih ila" Ms-an a tih chuan inchung lam panin kan chho hnak hnak hlawm a. A room chhung chu mipa room tih takah a thim deuh khup mai. Lakers poster pawh a tam ngial mai. An chhungkaw thlalak chu frame lianpui mai hian bang ah a intar a. Msa chu ala naupan hmel hliah hliah.

Washroom lamah kan intifai hlawm a, a thenin a room balcony-ah chuan zial an zu a.

Kan chhuk leh hnuah chuan choka lamah thingpui kan in a, an nula awmpui te chu a che fel thilp thlap reuh lutuk.

Thingpui kan inlai chuan Msa û, Doctor Huldi chu a rawn haw a. Min hmu chu mak a ti ve deuh a niang. "Ehee.. In lo kal elo? " Tih leh kan thutna lam rawn pan a rual a.

" In lo thlenna a rei tawh em? " Hawihhawm tak chung chuan a ti a. Kan thlenna a la rei lutuk loh thu chu kan lo hrilh a.

"In lo kal dawn tih hria ila ka lo haw hma deuh tur a nia" a tih chuan Msa chuan " Kan kal leh tep tawh" a lo ti zeuh a.

" He pa Chhiahtlang nuam tih zia hi" A u chuan a lo fiam zeuh a.
" Nuam tih chhan a nei te pawh a ni thei a" Nunpuia chuan a lo ti ve leh a. Doctor Huldi chuan hriatchak hmel deuh mai hian zawhna a zawt chik em em a. Kil khatah ka lo zak chem chem mai.

" An hming te pawh a inang tep"Zomuana chuan a lo ti zeuh a.
" A hming tawpah chuan 'i' a awm" Nui rulh rulh pah chuan Ririni chuan a lo ti ve leh a.
" Kan zingah pawh hian an awm mai thei" Dennis-a chuan a lo ti ve leh bawk a. Hemi te han nghal thiam zia hi chu aw..

Doctor Huldi chuan nur sang chung chuan ka lam a lo hawi zeuh a. Ka tih ngaihna hre lo chuan ka lo nuih let ve leh tawp a.

" Nuam kan tihchhan hi a lo tha em a nih dawn hi" A ti zeuh bawk a. Ka hmai a sa hat hat mai.

Ka hriattham lek tur chuan Diana chuan, " I mo-na tur chu a nawm dawn hi"a lo ti zeuh a. Kan inneih dawn leh dawn loh pawh a hriat tawp si loh a.

End of Chapter 18

Ka story kal lai tho ' MyPossesive Teacher is my husband' tih kha min lo chhiar sak ve leh theuh rawh u aw😊😊



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)