MY POSSESSIVE TEACHER IS MY HUSBAND BY SISYPHUS_BEE CHAPTER 3

Episode kal lai dah luhna

Moderator: writers

Sisyphus_Bee
Posts: 42
Joined: April 7th, 2022, 11:36 am

MY POSSESSIVE TEACHER IS MY HUSBAND BY SISYPHUS_BEE CHAPTER 3

Unread post by Sisyphus_Bee » May 24th, 2022, 5:04 pm

🪐Sisyphus_Bee🪐
tmp-cam-3232309215007565061.jpg
tmp-cam-3232309215007565061.jpg (8.2 KiB) Viewed 3085 times
🪐Chapter 3🪐

Ka chiang ta, kha pa ngei kha a ni. Kan vawikhat inhmuh dan lah kha...Min hriat tawh loh hram ka beisei.

" Vai chu a va nih loh hmel deuh ve.." Ruthy chuan ka beng bul chet-ah chuan a rawn ti ru sa sa a.

" A hming atang khan vai a nih duh hmel em a lawm" Ka la ti tal.

"Kei chu kan Sir thar khi a chhe lo ka ti reuh e" Ruthy bawk chuan a ti leh a.Kan inhmuh hmasak ber dan a fuh vak lo bawk nen. " Khi tiang ang te khi chu chhung tinin kan kawl vek" Ka lo tih sak a, ner nang chung chuan a hawi sawn nghal a.

School luhni hmasa ber atangin class min neih pui nghal a. A boring dawn riau hian ka hre nghal. Introduction te neih ve awm a nia, tul a ti teh vak lo a niang.

Chemistry hi har ka ti ber, ka weak subject a ni bawk. A explain te chu ka ngaithla liam vel mai mai a ni. A eng a mah ka hre thei lo, mut chhuakin min rawn zem tan a, ka ti hlei thei meuh lo chu a ni.

Ka chhing siar siar tihah ka chalah chuan eng emaw ni hian min rawn fuh a, ka harh chiang teh e. Ka chal chu ka tuai neuh neuh a, chalk -in min rawn vawm ni ngei tur a ni.

" Ka thil explain kha i hria em? " a tih chuan ka hre lo tihnan ka lu ka thing mai a.

" Ding teh" a tih chuan muangchang thei ang ber chuan ka ding chhuak zal zal a.

" Ti khan i harh deuh tawh em? " a tih leh chuan ka lu ka thing leh a.

"Basketball court saw va tlan kual la, i harh sawt mai ang" Te chu a la ti tak ang deuh deuh a.

" Ka harh chiang viau tawh chuan ka hria" Ka chhang let leh nge nge. Ruthy chuan min lo nghawk zeuh a, mahse ka sawi tur chu ka sawi zo vek tawh.

" Lo muthlu tawh suh, thu rawh" A tih chuan rang tawkin ka thu.

Khaw lum nen phei chuan classroom chhung chu hrehawm tak a ni. Class zawh veleh ah urinal kal turin kan chhuak nghal a.

Urinal kan thlen chuan " A laiah hian ka lut ang a, Juju-i he tah.. Chuan Ut-i chu hetah hian aw" Kawk kual zat zat pah chuan ka tih leh a, ho ti deuh chungin an lut ve leh mai bawk a.

" Kan Chemistry teacher kha a chhe lo ka ti e" " Nia keipawn chhe lo ka ti, kan teacher te ho hi an upa tawh hlawm sia, Sir Samu-a lo thawk chu a tha ka ti e" tih ang reng vel chu an sawi a.

" Kei chu flim star te pawh a ang ka ti e" an ri deuh chel chul mai. Kil khatah ka lo insiam chhiat khum vak vak a.
A induh hmel hi ka ti kei chu.

Physics class kan cancel avangin stationary-ah note book leh tul dang vel lei turin kan kal a.

Thil lei tur ho chu an lo intlar dul
hlawm a. Intlar hi ka ning tlat zel, ruai then dawn te hian hnung deuhah intlar ngai loin ka kal tawp zel.

Mi hmaah chuan kan va inzep thân a, " In phakar lutuk aw" an tihna pawh chu eng vakah kan ngai lo.

Sister Bennie chuan receipt min pe a, house T-shirt lei huna ken leh tur a nih avangin dahtha turin min hrilh thlap bawk .

Kan school hi high school leh higher kan awm ho a, class 9 ka nih lai pawn People Magazine atan poster-ah ka lo lang ve zak zak tawh.
Class-ah chuan kan lut leh a, kan school-ah ro ro hi chuan hmeltha leh piannalh larin ka lar ve ngei a. Classroom pana kan kal pawh chu section dang a mi ten min lo au leh thin a. An hmeltha hlawm vak bawk si lo a, an zingah sawn ka thinphu tirang tu tumah an awm lo.

"Valerie" Ka hming a min ko tu ka hriat chuan ka ding chat a, Dinpuii chuan nui sang chung chuan ka lam a lo pan a, a nui hmel te chu a lem ka ti.

"Kan va inhmu khat ve a" La nui sang chung chuan a ti leh a. " Kum khatah hian vawihnih khat vel hi inhmu ila a tawk ka lo ti viau a sin" Ka lo ti sam et a, a la nui cheu mai.

" Hman zana Ben-an a thlah lo che kha mak ka lo ti deuh a" A tih chuan, " An thian hoin chaw an eikhawm a min thlah hman ta lo a nih kha" Eng vanga sawi kher nge maw ka nih le.

" Ka thiannu Rinfeli nen an inzui deuh in ka hria a, hostel i awm daih sia, ilo hriat loh palh takin ka hrilh hria che a nih chu" Nui sang chung chuan ka hma ngai awm ang deuh chuang chuanin a ti a.

A nui hmel phena a sihal rilru chu ka hmu tlang vek thei.. Ni e.. Ka hmu tlang vek... Class 6 ka nih atang tawhin hostel ka awm tawh ka tih kha, mihrang hrang ka hrawn tawh a, mi mizia chu ka man thiam ve tawh lutuk... Duhthusamin ka man ang tih vel a ni.

" A lunglen hnem atan i thiannu a lo inpe thei chu ka van lawm" Ngaihsam hmel deuh chung chuan ka ti sap a.

A rin loh deuh ka sawi a ni chêk ang chu a nui hmel te chu zawi zawiin a ral rial rial a. Kha maw ka tih reng kha a chek hi ka man lutuk tlat.

" I rilru a hah miah lo a mi a, i bialpa in a cheat che a nih chu" a tih leh lek phei chuan ka nui chhuak hawk.

" Psychology hi lo la ila ka thiam phian ang a" Ka ti chhuak sap a.
" Benedict-a chuan i thiannu eng nge a hming i sawi kha?? Ohh!! Rin.. Rinfeli ni tak e... Hostel ka awm daih sia, mipa chu an lungleng hma tih i hriat ka ring.. I thiannu chu flirt pui a tan bak a duh lo ang, a rilru a pe tak tak teuh loh" inringtawk tak chung chuan ka tih khum leh sak a.
A hmel chu mombati hliau tui vek ang mai hian a lawm le a lan ni.

" Khai ti khan min en suh, i hmuh tlak vak bik si loh a" elhsen zet chung chuan ka nuih a, ka kalsawn nghal zat .

Ka thiante chuan ka hnungah chuan min rawn zui ve nghal bawk a.
" Bawng Dini sawi kha a ni tak tak angem? " an zawhna chu ka chhang lo.

Dinpui hmuah khan hlauthawng deuh a lan ka duh loh vangin kha tiang khan ka chhang kha a nia. Min lo cheat tak tak a nih chuan ka ngawi mai mai hauh lo ang.

First day a nih vangte pawh a niang chawhnu kan off a, dar 3 -ah school kan bang thin a. Dar 4 -ah chuan hostel thlen ngei ngei a ngai thin.

A la hma deuh bawk nen bazar velah kan leng kual a. Street vendor ( kawng laia thil zuar) ho thil zawh te chu kan lei sak hlawm a. Sum lama harsa zawk zawk kan ni lo hlawm bawk a, nikhat a kan sum hman pawh a hrawin a na thei khawp mai.

Kawng laia secondhand an sell ho chu kan thing teuh a. Kan haw lamah chuan kan inkhai bawrh tawk mai.

*
Hostel kan thlen chuan a tlai ber pawl kan ni leh. Thingpui an lo in vek tawh hlawm a. Kan in eipuar hlawm tawh avangin kan in tawh lem lo.

Ruthy nen chuan kan inbual rual a, Juliana hi chu mak ve deuh mai hi a nia, inbual ho hi a duh ngai lo hrim hrim. A ban puam pawh hi ka la hmu lo a tih theih vel ang.

Amah hi nu zawk zawk mi hi a nilo ve a, mahse star chu a nei ve thin tho.
Inbual rual te hi a zak tlat zel.

Kan inbual pah chuan kan zai nasa teh e. Bathroom singer an tih ang chi kha kan ni ve a.

Kan inbual rei deuh a niang min lo tûr hlawm sek mai. Kan hmanhmawh phah lem hlei lo a.

Kan inbual lai chuan chaw ei dar a rawn ri val val a. Tlai khawhnuah kan han hmanhmawh leh hnuhnawh a.

Kan bathrobe chu kan ha sawk sawk a, dressing room lamah inthlak turin kan kal nghal a. Washroom-a inthlak hi ka thiam ve zawng a ni lo.

Kan hmanhmawh lutuk na lamah kan intleuh fai zo lo deuh a niang Ruthy beng kawmah chuan sahbawn phuan a la kai a, ka hrilh hnu chuan kan nui leh ta uar uar a.

Dining hall lam pan chuan kan kal hmawk hmawk a, an lo tawngtai diam tawh a niang. Jujui leh Sangsanga chuan kan thutna tur min lo hauh sak diam a.

" Alu tui tla leh dal ka hmeh leh tan dawn e" Ka tih chuan, " Dal hmeh hi ka ning, Dâl tal te chu hmeh pha ve ila" Ruthy chuan a lo tuihnih veleh bawk a.

Kan eitur leisa ho te chu ka ei ho a, tui ti tak chung chuan kan tling tla leh ta hram a.

Chaw ei kham hian devotion nelh hmain darkar chanve vel hi break kan nei thin a.

Chuti kar chhung chuan kan thian ho chuan kan zai ho mai mai thin a, a then an inchei a, an thenin chhuah ruk an tum hunlai tak te a ni thin.

Hetiang hun lai takah hian ka lung a leng thin. Khua a hnim ruih tawh thin a, sava ho te chu an riahna tur lam panin an thlawk darh suau suau a.

Motor thawm leh mipui insulpel zawt zawt te chu hostel chung sang atang chuan ka thlir dauh dauh a.

Sava te pawn an note te eiturin chhunah chaw zawngin an feh chhuak thin a, chutiang ang bawk chuan mihring te pawn kan chhungkaw tan rim takin hna kan thawk a. Kan hna tawh zawng te pawh a ni ang lo nuai .

A thawk rim rim leh a hah ber ber te hi an chan a chhe zawk ni mai te hian ka hria. Mihring lam tak a ngaihtuah chuan khawvel hi a fair hlawl lo. Ka khawvel ngei pawh hi a fair ka ti lo.

Ka nuin min boralsan tawh a, midangin an nu emaw an pa emaw hnen atanga an dawn thin ngaihsakna, duatna tih vel hi ka dawng ve ngai lo.

Ka nuin min boralsan ni atangin ka pa in min ensan nghal a, ngaihsakna, duatna tih vel te hi a lak atangin ka dawng ve ngai lo.

Ka thil tihsual a min zilhhau tu tur ka duh ve a, ka hlim ni ah leh harsatna ka tawh chang a min lawmpui a,min tuarpui tutur ka duh ve .

Thu tha min hrilh a, ka hma ngai tak chung a min fuih tu tur ka duh ve. Duh ka ngah in lo ti em?
Heng sum leh pai nakin lawk a la ral leh mai tur ai hian maw keichuan hmangaihna nen a min tuam hlawm tu tur, ka nihna ang ang a min pawm thei tur mi ka duh ber a ni.

Ka nu laksakin ka awm tawh a, vanneihthlak takin pa tiha koh tur ka la nei ve. Mahse, mahse tih hi a ngai leh thin,, mahse maw ka pa chuan awm ve angah pawh min ngai lo. A inchhung a awm atan pawh min duh lo a, a hmuh phak loh a min dah a tum tlat thin.

Ni e, ka nu kha keimah vangin a thi tak meuh mai, mahse ka nu kha keimah vangin a thi dawn tih hria i lang chuan maw Pathian hnehah khian he khawvela min pian tir ve lo turin ka dil ngei ang.

Ka nu thinna khan ka pa ah nghawng tam tak a nei a, a fanu pawh min ngaihsak loh phah thak a ni.

Ka pa khan ka nu kha a hmangaih em em a, ka nu pawn ka pa ang chiahin ka pa hi a hmangaih. Mahse chunglam rorel tu khian engvang teh hrep hian nge ka nu hi he khawvel a ta a dah bo??..Ka nu kha ka mamawh a sin!!..

Ka nu thihna hi ka pa chauh nilo keimah ah thleng hian nghawng a neih phah..

Ka nu kha thingtlang nula hmeltha leh an khaw nula zing a an chhuanvawr ber te zing a mi kha a ni ve thin. Ka pa hi MZU-a Professor a nih hmain kha tih lai khan thingtlang khuaah high school zirtirtuin a awm thin a, ka nu hi a zirlai a ni nghe nghe.

Ka nu hmelthana leh nungchang thatna te chuan ka pa chu a hnehin a hip em em a. Ka nu nen chuan an inkawm nel chho a, a hnuah Kristian dan khatna ngeiin , biakin hawng ngeiin an inneih nghe nghe.

An inneih hnu rei lo teah ka pa chu Aizawlah an transfer a, ka nu kha thingtlang nu tih takah lehkha zir sang a ni lo a, mahse lehkha zir sang a nih lohna hi a lang ngai lo, a hawihhawmin, a fel em em a. Tute pawh inang khat vekin a en thin.

Rualbanlo te hi a khawngaih thei em em a, mi hausa ni lo chung khan mi hausa ten an tih ngailoh kutdawh te, rualban lo te tan thian tha tak a ni a, a theih ang tawk tawkin a tuam hlawm ve thin. Ka nu kha a hausa miah lo, mahse a rilru kha a hausa a sin!!

Nula dang ten an tih ngai loh ti tu a nih avangin a hun lai kha chuan thik tu leh haw ru em em tu pawh a ngah thin.

Ka nu kha ka mamawh a sin!! Lalpa ngati nge ka nu kha min laksak kher kher le, ka nu tana 'BORALNA' ni turin engvangin nge he khawvel eng hi min hmuh tir.

Ka pa hi dem ngawt thei ka ni bik lo, ka nu khan keimah vangin a nuna a chan phah a. Hmangaih ber te chan tluk a rapthlak leh hrehawm hi khawvelah hian a awm lo.

Mahse ka pa khan min hmuh apiangin ka nu thihna kha a hrechhuak zel si a, a tirah pawh ka pi te hnenah thingtlang-ah min dah phah hial kha a nia.

A fanu, a rila rah, a thisen kai tak ngial pawh ngaihsak thei loin ka nu thinna khan a mahah nghawng a nei thui em em a ni.

Kei ngei pawh hi ka nu thinna khan ka nunah nghawng tam tak a nei a sin!! Ka pa ka nu thinna khan nangmah ah chauh ni lo keimah ah pawh hian nghawng a nei ve tho a sin... I hmu thiam ve lo em ni??

Van lam hawi chuan ka dak chho vang vang a, khua pawh a thim tawh. Ka hmaiah chuan rualh mai a rawn far keuh a. Ka mittui a ni lo, ruah mal a nih hi.

" V.. He tah ilo la awm elo? Kan zawng vak vak che a lawm" Ruthy chuan min ngaihtuah tih hriat zet mai hian a ti a. Ka thiante lo hi chu neih ka nei lo, an ni hi awm lo se chuan ka mal ngawt ta ve ang.

" Ka lo chhuk dawn chiah a" Tih leh a lam pan ka rual a.

" I aw a va lawi ve, i hritlang dawn a mi? " a zawhna chu ka chhang lo. Thian min ngaihtuah em em tu pathum, ni lo pali ka nei hi ka lawm tak zet zet a ni.
tmp-cam-3232309215007565061.jpg
tmp-cam-3232309215007565061.jpg (8.2 KiB) Viewed 3085 times
End of chapter 3

Story pahnih nikhata ziah kawp chu a har ve talh a😅.. In tan hun ka lo insiam hram hram avangin ilo comment ve thei😂😌.. Sawi sel tur in neih chuan comment ah lo sawi thin ru aw, mahse dawnsawn nuam tur ang chi khan aw🤭.. Ads click zeuh kha aa😝



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)