HRINGNUN BY:HLUTEI CHAPTER -1

Episode kal lai dah luhna

Moderator: writers

Brenda Chhakchhuak
Posts: 77
Joined: January 26th, 2022, 3:07 pm

HRINGNUN BY:HLUTEI CHAPTER -1

Unread post by Brenda Chhakchhuak » May 24th, 2022, 7:29 pm

HRINGNUN


BY HLUTEI






Ṭap zawih zawih chung in pastor hma ah kan sual te sim tur in kan pen chhuak a,vawin a ṭang chuan pianthar na awmzia hre ngai lo khan Pathian fa kan ni ve ta ti in kan sawi thei tawh ang hman ah chuan harsat na tawh chang chiah a,ṭawngṭai ṭhin kan ni a,tun ah chuan kan thil tawn a piang ah lawm tak a pawm in Pathian hnen ah lawmthu kan sawi ve thei ta.





HRINGNUN


PART 1




kawmthlang ah chuan ka ṭhian te pahnih in min lo au vak vak a, vawin hi sunday a ni a, kan in khawm dawn a, lalrinkimi lah chuan "lalnunhlu i muang lutuk" a rawn ti chhen " aw ka hman" tih pah in ka tlan thla a, atleii chuan " kal ang u a tlai tawh nia" a tih chuan " aw chaw kan ei tlai lutuk a "tih pah in kan kal nghal hlawk hlawk a.


Kan biakin kawng lah hi a chho ropui si kan thawh hlawp hlawp a ni ber.


Ukimi lah chu a vung a vung hian a kal chho a,a pheikhawk san teh lul nen engtin nge maw a kal thei em em ni.A tleii nen kan um dawt dawt a ni ber."Kal muang ve deuh rawh'kan tih lah in "a tlai tawh hmanhmawh ru"a ti zel mai bawk si.


Kei hi lalnunhlui ka ni a, tun ah hian lunglei ah kan khawsa mek ka nu leh pa te nen kan cheng ho a , kan chhungkua hi kan khawsa thei a,mahse chu tiang em em a khawsa thei kan ni lo M.A ka zo tawh a,tun kum ah kum 20 ka ting dawn a ni.


Ṭhian pahnih ka kawm a, laltleipui leh lalrinkimi te an ni a, an ni pawh hi khawsa ve thei tak an ni a,kan pathum hian kan unau ah hmeichhe awm chhun vek kan ni a,ukimi hi kum 20a ni a,kei ai in a thla in a upa a tleii chu kum 22 atling dawn tawh thung.



A tleii hian u naupa a nei a, ukimi nen chuan nau pakhat ve ve kan nei a, hmeichhe awmchhun kan ni ka tih tawh kha duat sual ve deuh tak kan ni a,kan duh na ah chuan lulul ṭha tak kan ni.




Biakin kan thlen meuh chuan kan thaw hlawi hlawi mai ukimi lah chuan" lut ang u" tih pah in a kal nghal nul nul. A dan a nia,thil reng reng hi hmanhmawh lutuk in a ti vek ṭhin a tleii a lo ner nasa ngang mai.



Ukimi chu zei fahran in a pen lut a, a hma ber dawt tu ah a la ṭhu ang tak a, a tleii chuan "lalrinkim" a ti hram kha.




Thu sawi lai chuan kan lo muthlu vek a niang khuang rawn ri thut ah chuan ka harh chiang kher mai ka ṭhian te pahnih ka en chuan an lo la mutui ngang mai hemi te pahnih hi chu khawi hmun ah pawh an mutui em em mai zel a ni hi.




Kan ban hla tur a nih a vang in ka ṭhian te pahnih kai thawh ka tum a, ka kiu ka la to zui a hik vek biak in chu nilo se ka ṭeu hle ang ka ṭhian te pahnih chu ka va sawi nawk a, an harh rual rual in an lo ding chhuak ve nghal ka nuih a za zawk.



Kan ban hnu chuan kan in ah kan peng thla a, biak in a ṭang hian kan in hi a hla ve phian a,hla em em zawng ni lo.


Kan in ah chuan ka pa leh ka nu an lo awm a, ka ṭhian te an lo hmu chuan an lo ri ve hlut a,kan ṭhian ho hi tet te a ṭang a in kawm kan ni bawk a,kan chhungte ho nen pawh kan in nel phian.


Room ah kan awm a,ka in thlak zo chu ukimi chuan" kal ang u atleii a in thlak leh a nga chuan min in thlak pui dawn nia" a ti a,he nu hi chu a ti phut phut zel ninawm chingcheng a nia " lo va in thlak la,kan lo chho ang" a tleii chuan a ti a, " ummm,lo chho tak tak ru" tih pah in ukimi chu a chhuak nghal daih.


" a va hmanhmawh em em" ka tih chuan " ni ngawt mai he nu zet hi chu a mawng a hawlh ang mai hian a phi sek zel" a tleii chuan a rawn tih chuan ka nui vak vak a.


Thingpui kan in zawh chuan a tleii te in ah kan phei a,a tleii û hi ka star em em a,a lo chhe lo em em mai bawk nen ,a hleitling bawk si ṭawng tlem bawk si, kei ni pawh hi a nau te ang tak tak in min en a min zilh hrep zel.

A tleii te hian a tleii û hi ka star tih an hre lo an bul ah ka sawi chuan an hrilh dawn sia sawi chi pawh va ni lo chuan.


a tleii te in kan luh chuan a û û hmangaiha a lo awm leh ngei a,min lo fiam leh nghal zat kei hi min fiam peih bik em em a, tun ah pawh 'i muthlu nasa bik lutuk' a tih leh tawh hi ka lo ner nang nang min hmu chuan a lo nui deuh suk suk a, a nui te hi a nui hawk hawk ngai lo a nui suk a, kan bul ah lo chuan fiamthu te hi a thawh khat a nia.



A tleii nen chuan ukimi te in ah kan chho a,an in kan thlen chuan a nau mipa naupang kum 2 mi harh zet hian min lo au nghal vak vak a,ka lo pawm nghal ukimi chuan " in va rawn lang hma leh si ve" alo ti nghal zat,,,, an in a ṭang in kan in zui chhuak a, scooty kan nei vek a,scooty in kan tlan chhuak a,lunglei khua kan tlan pel a, khaw pawn vel a,ride te hi kan nuam tih zawng a nia.



A tleii chuan ka hnung a ṭang in ring tawk in a helmet chhan a ṭang in "tah khan ding rawh" a rawn ti vak ka tlan hmasa ber a,a dawt ah a tleii a tawp ber ah ukimi.



Ka ding dawt a,mipa hawklak ho in min lo au fiam nghal zat hlawm a,ka lo ner khum vak ri ngawt.


ka ṭhian te an rawn thlen chuan ṭhut na rem lai ah kan ṭhu a,mipa ho pawh kan lam pan in an rawn phei a, a tleii chuan a lo be luam a,ukimi chuan lo ei lo hmel khawp mai a chhan pawh a ex a awm vang mawle a ex lah chuan a rawn be luam leh nghal lalrinkimi lah chuan chhang ta nge ti lo chuan a kal sawn san ang nulnul a.



A tleii chuan " lalrinkimi a mak hei nick an a biak che hi" a tih phei chuan a thin a rim ang tulh tulh a, nick pawh a nui tawp mahse ukimi tan pawh a hreawm ang an in ṭhen chhan pawh nick-a hian a lo kawp vang a nia.


Chuvang chuan ukimi hian a mil thei tawh bau lo a lo kawp ber kriss phei hi chu a melh pawh a melh peih lo.



" ukimi chuan haw ang u" a ti deuh chhen tawh a tlei lah chuan " a la hma ala ti zel a"a tleii bul ah leh ka bul ah hian nick hian ukimi hi a la duh tih a sawi ziah ukimi kan han hrilh lah hian a thinrim zel bawk sia an in kar chu sawi fel thei pawh a nilo.


Rei fe kan awm hnu chuan haw a rawt a,nick chuan "kim ka bike ah lo chuang haw la" an ti mai zawng ukimi hmel chu rapthlak tak a ni " scooty ka keng, keng lo pawh ni ila ka chuang dawn lo" a ti nghal hrep reng bawk.

Ka lo khak hlak kha, duh ai in a ṭawng tam ṭhin nick-a tan pawh a nuam em em lo ang.
Ukimi lah hi a duh tawh lo na ah chuan engmah pawi sak a nei lo a tleii nen pawh hian kan ni tho fanu duat rawn kha kan ni miau a.

Nick chuan " kim vawin chiah lo chuang la" a la ti hram khawngaih thlak hnup hnup tawp a tleii bawk in " kim chuang mai rawh i scooty chu hei elinai a aawm a, a khalh haw mai dawn lawm phur haw tur tho a nia" a lo ti a, ukim chuan nick en pah in " ni lo ve kriss ka ngam lo palh a nge" tih pah in a scooty ah a chuang a a tlan zui nghal nal nal " a va â tak" ka lo ti hluk a, a tleii nen pawh kan zui ve nghal.

An in kan zu lut chu sofa ah a lo ṭhu tum nasa ngang mai a tleii chuan" a mak ber bur lutuk kha ti berbur te chuan i nau ina hlau che nge" nui in sum tak in a ti a, ka lo nui ve hawk tho "vawi khat pawh kha mihring bul ah khan awm tur leh kal tur in min ti tawh hlek suh ang che u" a tih chuan 'awle awle' kan lo ti duan duan a,min ei lo hmel kher a sin.


A tawp a tawp ah chuan kan nui ho leh thei hram e ukimi titau tawh hi chu thlem har tak hi a nia.


e chuan kan pathum hian hna kan nei hrang vek tawh a, kei hian doctor ka zir a,ka la zir chhuak chiah lo nang in ka ti ve sawih sawih thei tawh,ukimi hian phermacy a zir thung a tleii hian doctor a zir ve bawk a,kan hna chu a in ang tlang hlawm khawp mai.

Kan tet te a ṭanga kan tui na kha ni ve miau a le.

Hawklak viau e ti lo chuan kan nih tum chu kan puitlin ve thei dawn a nih hi,kan chhungte pawh hian an awi lo hial ka pa phei chuan "mi in a dawi che mi a" min ti hial a nih kha min hrechiang tu tan chuan a awm ve lutuk a lawm.Kan nun hetia en mai chuan eng mah nilo, nun uluk lem lo,pawisak leh enghelh nei lem lo ang in kan lang a,mahse,kan nun te, kan tum te hi a awl ai bik vak lo.


Mite hi an lan dan ah kan teh fo ṭhin a, mahse mi tamtak ruihhlo ti te hi an duhvang vek a lo ni bik lo a, ṭhen khat in sunday sut nen smart tak a, in chei in lam tual ah pawha chhuak hmasa a ṭang ṭhin ho pawh hian fel lo na te, sual na te,an lo nei ve ṭheuh a,tu mah hi an lan dan maia ,va teh chi a nilo a,mi tu pawh hi fel a,fel lo kan awm lo fel na te fel loh na te kan nei ṭheuh a,kan fel na lai in hmuh sak tawn hi mi fing nih na animai ṭhen khan ṭawngkam pakhat vang in mi pakhat in a nun na hiala chan thei a,kan ṭawng kam hi kan ven uluk a ṭul hle ani.
Kan ṭawngkam pakhat hian ka hroat loh in mi nun a ti chhe vek thei a,harsa chung chung a,hma lam pan tum te nun kan ti chhe ṭhin kan ṭawngkam tur te, hi kan ngaihtuah chian ṭhin a ṭul hle mai.



ukimi chuan " nick chu ngaidam ve chu ka duh lawm mahse ngaidam pawh ni ila ṭhian ang bak in ka kawm thei tawh lo ang " a rawn ti chhuak hlawl maia," nia ngaidam tal rawh ṭhian ang bak a en chu a har ve tawh viau ang'kan lo ti ve luam bawk a dik reng kei pawh ni ila ukimi ai hian ka haw daih ang.

Kha ti khawp khan nick-a tan a rinawm ṭhin a,mahse nick zawk in a lo kawp sia ukimi tan hian a har lutuk ang.

Ngaidam thei teh reng lawh nise ukimi sawi ang khan ṭhian ai thuk chu a kal pui thei tawh kher lovang.

Mahse mihring chu famkim lo kan nia ngaidam tal se chu ṭha ka tih pui khawp mai.



Ukimi nu chuan a tleii chu "a tleii i û hi he lam ah a awm na nge a,"a tih chuan a tleii chuan "awm e a û hi a chhuak ve vak lo a,"a lo ti ṭha ve mai bawk.


Kan ti ti ho lai chuan a tleii phone chu rawn ri a, a û a nia a tleii chuan" hello û hlutei nen hian in be mai ru ka zun a chhuak" a ti pek kei phone lo lak mai nachang ka hre silova ṭhuthleng ah phone a theh thla a û in "hello" a ti fe hnu ah ka la hram a, a û chuan a awmna vel min zawt a,kan in biak zawh chuan a tleii chu a rawn phei a,"ka ti der nih kha ka be peih lo a,"a tih chuan "i va mawl tak" ka lo ti hluk.


Ukimi in "tinge i biak peih lauh" a lo tih chuan a tleii chuan "min zilh dawn lawm"a lo ti hlur e nge maw a tih sual pek ni.

Tak a,nizan khan rei tawk pawn ah kan chhuak ru tak a lo hre leh pek a niang û hmangaiha hi chu thil hi a hre thei a nia,a hre lo maw kan tih hnu hian kan thil tih sual ah hian min zilh ziah zel.



ukimi nu chuan "a tleii û chu in va hlau ve thei tak"a lo ti a, "a hlauhawm lawm le"ka lo ti vat a,"a û chu den muṭia lutuk mai hi nia a pa ai pawn ka hlau zawk"a tlei in a lo tih chuan kan lo nui hawk hawk.




Ukimi te in ah rei fe kan awm hnu chuan a tleii nen chuan kan haw ve ta a,in ka thlen chuan dar 4:00 a lo pel thuak tawh ka nu chuan" bawihi i nun dan hi fimkhur deuh rawh nula in ni a, a ṭha lo" a tih chuan ka lo aw liam duak duak a,ka nu bawk in " aw liam puat puat suh zawm tum rawh " a lo tih leh chuan ning hmel zet in room lam ah ka luh san a,a ni ve tho mai nula kan nia nun chu uluk kan ngai khawp mai tun lai a,duh vang ni miah lo a,nau pai te an tama ,an fate an ti fahrah a, nulehpa kar a seilian lo an tam phah hle.


Chawei dawn in ka nau kum 10mi in min lo au a,ka chhuak chu a tleii û a lo awm reng mai ka phu deuh zuk a,ka star vang nge ni ka hmu hian ka lai tlat zel.

U hmangaiha chuan "i mu nasa thei lutuk i thau vek ang" chimawm fahran hian alo ti vat a " e nge i lo tih" ka lo ti chuan ka nu zawk in " hei i nitei khanghu min lo thawnhi la phei ve rawh se" ka ti nih hi a lo ti a ka lo aw leh mai a, uhmangaiha haw hnu ah chaw kan ei nghal a, chawei na ah chuan ka nu in min sermon khum leh nghek kha.


Zing ka tho chu ka ha hi a na ut ut a,darthlalang ah kan en chuan a lo fung luk mai ka hapui hi a na, room a ṭang in ka tlan chhuak a,ka nu bul ah ka va sawi ka nu chuan "i ha pui kha a thlawn dawn a niang sawi thuai ṭhin ta che" a lo ti a,"zing ah ka hre chiah" ka lo ti "ka awi lo fung khawm a aawm chuan a nat na a rei tawh ang "e aw....hmani khan a na deuh a,ka ngaihsak lova"ka lo ti hluai "ngawi rawh damdawi te i ei dawn nia ka hman hun ah kan en ṭha dawn nia i khua te a ti sik er er ang" a tih chuan ka peih lo nghal em em kei hi ka dam lo khat a,mahse ka dam lo si si te ka awmnat te hian ka la na em em thung.






Chawei hma in ka nu leh ka pa in ka ha chu an en a damdawi min ei tir a,a tui lo si naktuk ah damdawi kal an lasawi ang tak deuh deuh a,nu leh pa hi chu an hlu sin kan dam loh te hian an ni bak pangchan na tur dang kan nei lo min hau in min zilh fo mahse na kan neih meuh chuan min ngaihtuah em em tu te bawk an ni ṭhin.

Chuan hna te nei in lian ve tawh viau mahila puitlin lam chu pan har ve tak a ni.




Kei ni ṭhian pathum hi nun ho ve tak zir sang lo phei ila chuan kan khawlo ngawt ang ngaihzawng te hi kan ṭhen leh hma em em a,kawp chu kan duh bik ṭhak lo thung min kawp hian kan thinrim ṭhin reng bawk hmangaih na awmzia kan la hre lo a,kan nung mawl tawp a ni ber.

Kan chhungkaw khawsak a lo harsa lo hlawm nen kan in duh tawk ve khawp mai kan nu leh pa te hian sorkar hna an thawk vek a,kei nin hna nei tur khawp in lehkha kan lo thiam ve bawk nen lu zo tak mahni thu duh tak mahse,mi hi kan hmusit ngai lo thung.


Kan nun chu nuam viau e tilo chuan in kan nun hi hne ngawih ngawih chang lah kan ngah ka ṭhian te pawh hian sawi lo mahse, a ruk in thil tamtak an tuar ngei ang kei ngei pawh hi vawi tam zan mut dawn ah te ṭap in muhil thei lo khawp in rulru na in ka awm ṭhin thil engkim hi ṭhian ṭha ni mahila in hrilh vek a rem loh chang tamtak a awm ṭhin tupawh hian mahni chiah hriat tur thuruk kan nei ngei ang.



Chungkua ah ṭawngṭai na nen hun te hmang in in khawm ve ṭhin mahila Pathian ah pianthar na tak tak kan la nei lova ṭhian ten ruitheihthil an tih pawh a ti ve mai thei kan ni vek.


Camp ah te lut fo ṭhin mahila kan luh chhan ber hi chu a boruak nuam tih vang te, ṭhian te luh vang te hi a ni tlangpui ṭhin a hun lai in lam in tui ve viau ṭhin mahila a tawp ah kan nun a khawro hun lai tak in ṭawngṭai te kan taima leh silo,kei ni chang lo pawh mite pawh hi an ni ve tho in ka hria.



Ṭhen chu a lang afel leh ṭha em em chhunglam kha em em si te an awm mi ṭhen khat chu an duh vang a ruitheithil khawi lo harsat na vang a khawih tamtak an awm.Chung te chu kan hriat pui vek silo va an tuar na te hre lovin kan rel leh ṭhin,chubak ah mi kan rel chhan ber chu kan duh dan a, awmtir kan tum ṭhin hi a ni.

An nun a nia an duh dan in nung thei an ni kei ni pawh mi in min rel chhan chu an duh dan a awm tir min tum vang hi a ni tlangpui.





Zan ah chuan ka ṭhian te bul ah ka ha leh ka biang a vung tih ka hrilh mai chu an nui nasa bawk sia ka ngei kher mai...............



Kan ṭhian ho pathum hian kan chimawm em em a,ka ṭawngkam te hi mi huat chi ni chiah lo fiam thu tih dawn a,a dawngsawng tu tan ngeiawm deuh si huat dawn a,huat thei chuang siloh hi a nia, mi kan tih buai tawh chu in sual lovin kan in hnial ral pui ṭhak zel kan in hnial pui tawh te chuan min in hnial pui ai in in sual an thlang zel tawh.


Chuti khawp a, chhungte duat sual ṭawng thei em em chimawm bawk si chu kan nia e, tu tan mah tih buai kan chak awm loh.Chubak ah pakhat an tih bual chuan kan pathum in kan tel leh ngei ngei zel.


Kan tet lai te hian school ah hian an hrem ngun ber kan ni ziah vawi khat phei chu a tleii an hrep a, hrep lauh bik kan duh silo a,miss kan in hnial pui vak ringawt a,a tleii ai in min hrem na daih.


Kan nuleh pa te hi school ah kei mah ni vang in an lo in kal chhawk a ni ringawt a chang in min hnawtchhuak a,kan nu leh pa te dil na vang in kan lut leh chu ti reng chu.

Veng chhung ah nise zan lai ah pawh naupang e tilo chuan mi ar kan ru thul a tuk ah kan in a ṭang in an pawm chhuak leh nge nge ṭhin.


School a kan ai a lian ten min hauh lah in a tleii û û hmangaiha hian min lo chhan zel bawk sia kei ni lah mi hek kan hrat sia midang tan kha chuan kan losual thei ngawt ang.

Ka ngaihtuah na ka kawm mai mai lai chuan ka phone a rawn ri thut a,ka phu ang vak leh nghal a, ka phone ka en chuan ka ṭhian te pahnih hi an lo nia ka hmai puar an hmu duh vang mai mai.


Naktuk ah damdawi kan kai dawn tih ka ngaihtuah chuan ka huphurh nghal ṭun ka ṭhian te chuan kan lo kal ve dawn an ni ngial a,kal lo tur in ka ti thei hram.

Kan ṭhian ho hi kan dam lauh te hian kan chhungte kal ngai lovin kan pathum in kan kal mai ṭhin kan pathum a,kan kal chuan kan natna ber pawh kan en tir lo doctor chhelo hlir kan lo melh ṭhin.

Kan chhung ten damdawi kan kai na card min dil te hian kan pe ve tak na a,damdawi an lei ṭeuh a,kan ei ngai lo kan paih ziah bawk.


Naktuk pawh hi lo kal ve se chu ka ti viau a,mahse ka ha hia na lutuk a,chubak ah a vung nasa si an nuih vak vak a nga ka duh lo a bak ah An lo kal ve chuan ka ṭah palh in a zathlak........









Note:


1. Story hrim hrim hi ka vawi khat ziah na a nia a thu duh thu sam lo lai leh type nawk nawk lai tamtak a awm ang chuvang chuan ka in siam ṭhat thei nan comment lam ah te min lo hrilh ula, ka tan chuan a hlawkthlak dawn a ni.


2. Ka story te min lo chhiar sak zel ula, chuan chaptar 1 hi chu a tawi deuh a, a dang chu ti sei kan tum hram dawn nia.



AIDS kha min click sak hram dawn nia.............



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)