MUANZUALA--13

Episode kal lai dah luhna

Moderator: writers

Ramdinsangi Ralte
Posts: 158
Joined: December 2nd, 2018, 4:10 pm

MUANZUALA--13

Unread post by Ramdinsangi Ralte » May 24th, 2022, 8:50 pm

"Ka muhil nasa tawh bawk a Bawiha chu ka lo pawm ange, nang chu lo mu ve tawh la" naute min lak sak pah a nutei'n min tih chuan ka hnial duh hran lo, ka lu ana in ka chau hluah hluah a, tuna ka awm mek dan ah hi chuan thi dang mai thei tur dinhmun ah ka ding nimai hian ka hria, ka lu hai deuh chhulh vang chuan ka mit deuh sulh sulh reng a, ka luak lah chu a chhuak em em zui a, ka lu in lukham a deh rual chuan ka mit chu ka chhing zui vang vang a, tho leh tur awm tawh miah lo a muthilh hlen vang vang ka chak kher mai.








Ka thanharh rual chuan ka lu na lutuk chu ka dawm zui vang vang a, room chhung ah chuan tu mah an lo awm tawh lo a, pawn lam ah erawh a thawm a ri nak nak a, dar zat en tum a ka phone ka en chuan zing dar sarih a lo pel vang tawh a, WhatsApp mgs lo tlar dul chu ka en kual thuak thuak a, ka thian te ho in Mami thihna min tawrhpui thu min rawn thawn a ni tlangpui a, tu mah ka reply buai peih rih lo.







Joshua msg ka en chuan ka khi sak a "Kan slipping beauty lo harh hun nghah chhuah chu duh viau mah ila, hna hmanhmawhthlak khawih lawk tur ka neih vangin ka hman ta silo a, lo tap lo la, chaw tam deuh in ei lo tum la, damdawi kha lo ei theihnghilh miah lo bawk ang che, ikhum bul dawhkawn ah tui nen ka dah kha aw" tih a lo hnutchhiah vang a. Joshua ka tawng hi chu khawvel a ka thil tawn tawh te zing a tha ber nimai hian ka hria, hmangaih let ve thei lo mah ila Joshua hi chu ka tan hian a hlu em asin.










Joshua ka lo ngaihtuah vung vung lai chuan muanzuala msg a lo thleng ve leh nawlh a. "Tebawih itha em? Tih tlawng hi arawn thawn a, nizan lam ah ka tah khum chiam bawk sia min ngaihtuah ve ani ngei ang.







"Ka tha e" reply loh ai thlawt ah tiin ka thawn let ve hram a. "I khua ala sik em? Ni zan khan I taksa kha a sa lutuk a, damdawi kha ei rawh aw" min rawn reply rang ngang mai.








Khang kum kalta chhung zawng zawng a ka mipa duh em em hnen atanga min ngaihtuahna thu dawn chu hlim viau tur ka nih laiin, tun dinhmun ah chuan ka hlimpui thei tawh meuh lo chu anih hi, heng min ngaihtuahna thu thlum tak tak te hi ka u pasal anih hma te kha chuan muanzuala lak atang hian dawng ni ila chuan lawm vangin ka zuang tawr tawr thei hial ang chu maw le, tun ah zet chuan engkim hi a danglam vek tawh a, duh reng chunga ka hai der a lo ngai ta miau mai si a.









Muangchangin khum chu ka thawh san ve ta nge nge a, he khum ah hian kan naupan lai kha chuan Kan chhungkua khan kan mu tlar ve dal thin a, tun ah chuan mami leh zel pawn mual min liamsan ve leh ta si a...Tu mah venthawn tur awm lohna hmun a Kal a intah thawl ka mamawh tak zet, ka rilru a tah hla awm zawng zawng te hi au chhuahpui ka duh a, mahse ka ngam ngang silo.









Khum ah chuan bawk in ka chul kual ruai a "Mami, engtin nge engmah sawi lo khan min kalsan theih zawk? Zing ka thawh a piang a thingpui tui tak nen a min lo hmuak thin tu kha hmuh tur i awm tawh si lo, u min lo hmu em? I nau hi hetiang em em a hrilhhai leh beidawng hian min siam tih hi ihrelo em ni? I kal dawn anih ro ro chuan i fapa nen hian min hruai tel ve mai tur che alawm, tinge phurrit tam tak min hnutchhiah chung a ngawi reng a min kalsan? A fair lo emai! Ka tello in inhlim thei bik dawn em ni? Kei chu intello hian ka hlim thei lo asin".










Ka lungchhiatna chu zawi zawiin thinrimna chuan a rawn thlak a, ka muttui chu ka hru zui mawlh mawlh a, khawsik chuan min kian san thei meuh lo, ka kawrlum chu la in ka ha zui mawlh mawlh a, vawt chuan min rawn thamin ka taksa te chu a sil urh a, bethroom atang chuan chhuak in kan inleng te pawh uk sak miah lo chuan pawn lam ka pan zui hlawk hlawk a, inchhung a ka tawm reng chuan ka â thei tak ngial dawn a ka hriat vang ani.









Kan in atang hian thlanmual hi km 1 tha vel chauh ani a, nimin lam ah nikhawhrelo a ka awm vangin ka u ka thlahliam ve thei lo a, mami dam lai khan kei hian a lak ah thuruk lian tham tak ka nei a, khang a kiang a ka sawichhuah ngam loh zawng zawng te kha zep then awm miah lo a au chhuahpui ka duhna chuan thlanmual a kal turin a nawrin min nawr nimai hian ka hria.









Thlanmual pan a ka kal chhung zawng chuan ka mittui a sur nguah nguah reng a, ka hru buai peih lo hrim hrim, thui fe ka kal hnu ah joshua'n damdawi eitur a min chah kha ka hrechhuak leh hnuhnawh a, ka khawsik chuan min ti chau in kawng kal te chu a harsa lam chu ani.









Thlanmual ka thlen chuan a lo reh thuap a, sava lo chhiar nak nak te chuan namen lo in ka lunglen an rawn chawk tho a, thlan lung lo ding tlar dul chu kal pelin zelin, kum tir lama yma hnatlangin mitthi phumna tur kan samfaina lam chu ka pan ding nalh a, leivung tharlam tak ka hmuh rual chuan ka ding ren rawn a, ka lungphu rang lutuk vang chuan ka âwm chu ka dawm vang vang a, krost var lian vaklo ah chuan Lalrintluangi kum 27, a thih ni leh kum lo in ziak kalh chu mittui kar atang chuan ka hmu phe ruai a. Muang chang chuan ka u an zalhna lam pan chuan ka pen chhat chhat a.









"U, inau ka lo kal hi min lo lawm ta che! Kei leh ifapa kalsan a he lai hmun khawhar taka mut chu a nuam bawk maw? U, nang hian ka retheih leh nat kha ihlau thin viau ani tiraw? Ka tan hian engmah tih hreh pawh inei ngai lo a, hlim tur a min duh em em thin lai khan natna tam tak min siam sak tih hi imit a en chung khan ka hrilh thei lo che a sin, u he thu hi idamlai ngei khan lo hrilh che ila engtin nge ingaih ve ang? Kei hian i pasal kha ka hmangaih ve ani tih hi.







Ka hlimna duh em em tu inih vang khan muanzuala ka hmangaih thu pawh ka hrilh ngam lo che a. Kha thil ilaka ka zep chhan kha ihria em? Kei hian ka hriatchian em che vang ani, ka tan inun zawng zawng ihlan zo tawh a, i mipa hmangaih leh zel laksak che kha ka duh lo ani, ihlimna tur anih dawn phawt chuan ka mipa duh em em leh hlawhtlin min ti chak tu mipa kha theihnghilh tum in ka bei ve a, mahse itan a ka tawrh ve na te khan rah tha a chhuah ve ta si lo a, mami kan unau hian mipa pakhat kan hmangaih tih hrelo a ikal hi ka lawmpui zawk che.









A nâ ka tia sin, ka mipa duh em em chu ka banphak mai ah a awm reng a, mahse ka khawih thei silo, i nau hian natna tam tak ka pai ruk mek pawh hi ka tuar zo lo lek lek tawh anih laiin nang leh zel hian tinge lungngaihna min siam sak belh leh a? Heng natna zo zai phur chung hian ka ding chhuak zo tawh dawn em ni? Keimah pawh ka in enkawl theih loh lai hian engtin nge nausen engmah hrelo hi ka enkawl ve tak ang?.








U, ihria em? Kan nuate hi I pasal nu khan a hnawl fai vek a sin, fahrah nih hreawm zia a rawn tem chho ve tur hi i khawngaih ve lo em ni? Ka u hmeichhe tuarchhel tak kha khawiah nge i awm tak hi, i tlawm hma i inti ve deuh em? Kei leh ifapa tan hian tuar fan fan tur kha inia sin, Mami engtin nge ka tih tak ang? Awm dan tur pawh ka hre tawh lo anih hi" .









Mami thlan chung ah chuan lungchhiatna leh thinrimna inpawlh nuk chuan ka thu reng a. Ka rilru kil khat atang chuan in lama ka kir a hun tawh tih hre tho mah ila ka khawsik sang lutuk vang chuan let leh turin tha reng reng ka nei tawh lo, engmah sawilo in ngawi rengin in kha ka chhuah san bawk sia, patea te chuan min lo ngaihtuah tawh viau in ka ring, ka phone tal kha lo ken na chang hria ila chuan a zia deuh tur hi ania. Ka u ka sûn chu thu hran ni se, naute chung chang a muanzuala nu chet lak dan vel chuan ka rilru a tina in min ti beidawng ngawih ngawih.









Ka u thlan chung ah chuan engtiang a rei nge ka awm chiah pawh ka hre thei tawh lo, ka khawsik vang chuan ka khur hlawk hlawk a, ka rilru chuan ka u an zalhna hmun ah hian thih ve nghal law law chu ka duh a, mahse kei leh zel ka awm loh chuan kan naute kha tu in nge lo enkawl ta ang? A pa te chhungkua in duh lo in hnawl mahse kei chuan ka theihna chin chin ah chuan tlanchhiatsan lo in ka vawn tlat angai a ni tih chu ka hming ka hriat chian tlukin ka chiang ani.










"Tebawih, helai hmun ah hian a ni maw ilo awm kal daih a? Kan zawng nasa lutuk che a sin! I patea te nupa phei chu nangmah ngaihtuah vang hian an â lo chauh tawh asin, i chhuak dawn anih te chuan ikalna tur tal hrilh tur che ania, i phone ikeng bawk si lo thil thalo ichungah athleng ve ta emaw tiin kan lo mangang viau a sin".









Ka hnunglam atang a âw rawn chhuak chu a hmel hmu kher lo mah ila tu nge tih chu ka hrechiang khawp mai. Ka bul ah chuan rawn thu hniam in "Tebawih, ichung ah hian enge thleng a ivan khur na sa em em ve? Hlauhthawn hmel lutuk a muanzuala'n a rawn tih leh chu ka thil hriat hnuhnun ber ani.









Mipa phun bul bul thawm ah chuan chiang lo ruai hian ka harh a. "A khawsik sang lutuk vang hian nikhawhrelo in a awm phah anih hi, hlauthawng lutuk suh, ti hian a rawn harh hun ah atha leh mai dawn a lawm" kei hi nikhawhrelo in ka lo awm leh reng tihna maw? Tinge tun ni hnih khat chhung lek hian ka derdep tak em em mai le? Tun hma zawng kha chuan natna em em pawh nei lo khan ka awm thin kha ania, Mami'n min kalsan atang hian ka engkim hi thlan khur thuk tak ah Khan a liampui ve ta mai ni hian ka hria.









Ka mit ka men rual chuan ka mutna khum bul a mipa hnih ding chu ka hmu phe ruai a, ka kut chuan ka mit chu ka nuai zui chawt chawt a.







"Tebawih, ilo harh tawh ani maw? Tun ah khan ikhawilai nge nâ? Ka kut a rawn chelh chung a muanzuala'n arawn tih chuan "Engtin nge ka awm a? A bul a doctor kawr ha pa lam melh chung chuan ka ti tham tiak a.







Chu doctor pa chuan min rawn nuih var var chung hian "I khua a sik a, nikhawhrelo in i awm a tun ah khan izia deuh tawh em? Thian pa hi a lo mangang hman lutuk a, damlo tawh suh aw nula hmeltha an damlo ngai lo ania" nui var var chung hian arawn ti a.








Nimin lawk ah damdawiin atangin ka chhuak fel chauh a, tun ah damdawiin khum ah bawk ka lo mu leh reng chu ania, vawiin hi Mami thlan thut ni ania, a ruang ni ah pawh ka awm thei tawh lo a athlan thut ni leh zel a ka awm loh chuan ka rilru a inthiam thei tawh ngai lo a.








"U z, patea ten ka chanchin hi an hria em? Tun ah hian dar engzat nge ni tawh? Ka mutna atang chuan thutchhuah ka tum chu min lo pui vat a.







"Tebawih, itha tak zet em? I patea te chu chanchin ka hrilh tawh alawm, damdawiin ah a mah pawh arawn kal ve nghe nghe a, I hriat ang in inlam ah inleng te lo dawn sawn angai bawk sia I harh hun pawh anghak chhuak thei ta lo a, i harh tawh thu hi kan hrilh nghal nghe nghe ange a rilru alo hah tawh ngawt ang" muanzuala'n a tih chuan ka inthiam lo rilru kher mai, nimin lawk ah Mami kan thlahliam a, tun ah keimah vanga patea te nupa rilru hah dan tur ka ngaihtuah chuan rilru ipik ru zet in ka thawchhuak hawk a.









Muanzuala'n patea a biak mawlh mawlh lai chuan doctor chuan min lo check nghal zung zung a. "Tunah chuan ikhawsik pawh a reh fel tawh anih hi, z-a khan ruah ido thu te kha min lo hrilh nel nual a, iruah do vang khan hritlang khawsik in a tlakbuak che a nih hmel a, chu bak ah i u thihna hian nasa takin nangmah ah nghawng a nei bawk a, i u thih sarhu hi han reh fel se, in check-up tur in lo kal leh la ka duh a, ilung lam hi a chiang lo a nih hmel tlat" nimin lam a doctor pa sawi ang tho kha ani pawh chuan a sawi ve leh a.









"Doctor, tun ah chuan ka tha tawh bawk a inlam ah kan haw thei tawh angem? Vawiin hi ka u thlan thut ni ania, ka u ruang pawh thlah liam thei lo in ka awm tawh a, vawiin leh zel a ka awm loh chuan ka rilru hi a dam thei tawh ngai lo ang" ka tih chuan a lo bu nghut nghut a.









"I rilru tur chu ka hriatthiampui che a lawm, inlam ah chuan in haw thei ang, amaherawh chu, ka sawi tawh ang khan in check-up turin lo kal leh thuai ang che, natna reng reng hi a intan tirh a enkawl anih loh chuan tihdam mai hi aharsa tawh thin a, ka thu sawi chu ihrethiam ti raw" a tih chuan ka lo bu nghauh nghauh a.









Kan in lam pan a kan tlan chhung zawng chuan a tumah kan tawng lo ve ve, ka mit chu ka chhing vang vang a, ka bul lawk a thu mipa huhang na em em leh ka lungphu zawng zawng ti danglam thin tu pawh ka ngaih ven thei tawh bar lo. Ka hma hun tur ka ngaihtuah a a thim lutuk vang chuan ka thaw tha thei lo lek lek chu ani, mahni in chawm thei tur in eng hna emaw tal lo nei hman tal ila chuan a zia deuh tur, mi hnuai a inhlawhfa chunga nausen enkawl chu kei hian ka thlin ngut a ngem?.








"Engthil nge ilo ngaihtuah leh veng veng tawh a? kan thleng tawh ania" ka kut a rawn hmer zauh chunga muanzuala'n arawn tih chuan, kan inchhung a khawhar hla tui zet a sa ri chu ka hre ve chiah.






"Ka rilru ka lo kawm nasa lutuk a". Inthiam vak lo chung chuan ka ti bah nak a.







"Doctor-in thil ngaihtuah vak vak lo turin a tih che kha, irilru kha ti hah lutuk teh suh, nangmah tanpui turin ikiang ah ka awm reng dawn a lawm" a rawn ti sup a. A hmel ka va en chuan min lainatna a khat mitmeng hian min lo melh ve reng a, engmah sawi tawh lo chuan a motor atang chuan ka chhuk nghal daih a.









Kan inlam pan a ka kal lai chuan inchhunga leng lo kan tual vel a lo thu ho chuan min lo thlir thap a, hnuai lam bih ngar chung chuan inchhung lam ah chuan ka lut zui hnak hnak a. Thutna awl ka hmuh hmasak ber ah chuan ka thu thla hnak a, nimin lam ah ka u ruang chung ah thlahna thu kam khat pawh ka sawi hman ta silo a, ka u nau vei dan leh thil thleng chung chang vel kimchang deuh zawk sawi a mipui hma a din ve ngei ka duh vang chuan ka zam ru ngang mai.









"Tebawih, itha deuh tawh em ni? Patea ka bul arawn thut chuan ka lo melh zawk a, tawngkam a chhang lo chuan ka lu chu ka lo bu ringawt a. "I chau awm sia thenawmte inah ilo mu hahdam rih mai lo a" a rawn tih leh chuan "pate, mipui hma ah hian ka u thlahna thu sawi ka duh a" ka tih chuan a lo bu nghat nghat a.







"Hun serh te han hmang zo phawt se iding dawn ania" a tih chuan ka ngawi zui rauh rauh a, muanzuala kha ka luhsan ta daih sia engtin nge a awm ve tak zel pawh ka hre zui tawh lo.








Min bialtu kohhran upa a din tak ah chuan inchhung ah chuan ka hawi kual ve thuak thuak a, ka thian te ho pawh an lo thu ve thap a, an vai chuan min lainat hmel fe hian min lo melh ve reng hlawm a, thiante ho lo kal pawh lo chiau au tur awm lo khawp a ka bawrhsawm ta mai chu a zia lo ka ti ve reng, remchang ah thu pha ka chawi mai aniang chu ka ti rilru niap niap a.







Hun serh hman zawh ah ka ding chhuak ve ta nge nge a, ka u chunga thil thleng chu tawi kim takin ka sawi hnu ah, kan chhiattawh chung chang a mipui te min ngaihsakna vangin lawmthu ka sawi bawk a, mualpho lutuk lo chuan ka sawi zo ve thei hram a.








Nula ho in thingpui leh a hmeh tuihnai tak an rawn sem chuan ka lo mengphawk hra a, ka awm dan chu patea chuan a lo hrethiam ani chek ang chu "Z-an heng thil hi chu alo buaipui vek a, kan rilru chi ai ata langin he tiang thil hi angai tih pawh ka lo hrechang tawh lo a, I u z-a alo bengvar hlauh a kan mualpho loh phah anih hi" a rawn ti chuar chuar a.









Thingpui inchawlh kan neih lai chuan sangpuii te ho nen chuan pawn lam ah kan inzuichhuak a. "Tebawih, ipatea khan damdawiin lama i awm thu kan thlentirh khan min lo hrilh a, rawn kan tur che a rawn kal kan lo rilruk laiin irawn lang leh nawlh sia, itha tak zet em? An ti siam siam a.








Hâr ah chuan thenawm khawveng pa ho leh tlangval thenkhat chuan rawng an lo bawl laih laih a, a then in a sir deuh ah vawksa an lo chan mawlh mawlh a, engtik laiin nge vawk anlo talh tih pawh ka hre reng reng lo, ka awm dan chu mumang te pawh ang ka ti rum rum thei.







Fatu ho ka en reng lai chuan umapuia pawh ka hmu hlawl a, bucket ah hian vawk kawchhung a rawn khai nul nul a. "Tinge rawng hi an bawl chiam a" ka rilru a thil awm chu ka lo sawi chhuak aniang chu remi chuan.







"Utluangi thlanthut a rawn kal ho ei tur an siam anih hi" a lo ti vat a. Heng thil zawng zawng hi tu ngaihtuah chhuah nge niang le? Tih chu ka ngaihtuah a, makpa kan nei lo a, chuta chhap ah chhungkhat laina hnai kan nei bawk silo, heng thil zawng zawng hi muanzuala lo ngaihtuah ani tak tak angem? Patea sawi anga atih anih ngat chuan muanzuala lakah ba rulh tur ka ngah hle dawn anih hi.







Mami min kalsan atangin karkhat lai a liam leh der tawh a, tlangval inriak ho pawhin min tin san zo tawh a, muanzuala leh Joshua te thian dun erawh in min la riahpui thung a, nausen han pawm tur meuh chuan ka rin tlak ngang si loh avang chuan Patea champhai lamah a haw hnu ah pawh nute-in min la awmpui ta reng a, inlam ah a fanau te angaihtuah ve dan tur zia chu hriatthiampui ruak a, inthlahrun a na duh ngang mai.








Ka rilru te te chuan naute nen champhai lama han fin ve rawih mai chu ka duh rum rum tawh a. Kawng lehlam zawnga ka ngaihtuah chuan, kan unaua kha chen kan lo luahlum ve tawh chutia han rauh san nghal tawp chu ka hreh viau lawi si, nutei han chelh reng lah chu thil theih a niin ka hre bawk silo, a ruk tak chuan ka mangang thin khawp mai.







Hna thil ah Joshua zin angaih dawn avangin zualtea nen an in puchhuak ve leh a, sawilang chiah lo mahse, Joshua hian muanzuala hi a ngaithei vak bik tawh lo tih lah ka hai hek lo, thil engemaw hlek ah an inkhak fek fek rengte chuan min ti hah zual hluah hluah thin.






"Tebawih, ka company thil ah thla khat chuang zin bo a ngai dawn sia, hun harsa itawn laia zin bosan che hi ka hreh in hreawm ka tih zia hi ihrethiam tiraw? I khua a har anih pawhin min lo call vat zel dawn ania, lo in enkawl tha la, lo tap tawh miah suh aw, ka awm loh chhunga itah chuan thlemtu tur che an awm dawn miah lo ania" a ti koh koh a.







Chhun lamah inleng kan la nei ve nak nak a, nute-i a awm bawk a naute pawh a kutah ka dah tawp a, a zun leh ek ilo ka lo suk mawlh mawlh laiin muanzuala a rawn lang hlawl a. Ka insukna sir ah chuan ngawirengin a lo din run a, a khattawkin min rawn melh leh vung vung thin chuan ka awm a ti nuamlo ngang mai.







"U z, hnathawh ingailo em ni? Pawimawh a awm zawk nge chhun chhun ah irawn kal a? Ka tih chuan min chhang lo chuan a meizial chu a pak khu talh talh a. Min chhang tawh dawnlo amaw ka tih hnu ah "i khua alo har ka hlau a, i hnenah ka sawi tawh ang Khan, kei hian ka venghim tlat tawh dawn cheu a lawm" kawngpuia thenawm te uipui nufa ho inchhaih en vung vung chung chuan a ti sup a.






"Min ngaihtuah anih pawhin hnatul kalsan chuan min rawn buaipui suh, hetianga i awm chuan ichhungte pawh kan chungah an lawm lo ang, chubakah nute-i a awm a ngaihtuah kan ngai miah lo ania" ka tih chuan chik zet hian min rawn en a.








"Tebawih, ka fapa nen hian tuma min hriatlohna hmun ah ka hruai mai dawn cheu ami?. A thu rawn sawi vang chuan ka naupuan tleuhlai chu dah in phawk zet hian ka melh a.








"Ka thusawi chuan a thawng viau che em ni? Kei hian ka ti tak tak ania, helai hmuna hreawm zawng zawng hi kalsan in hmun hla deuh a nun bul tan tha leh tura kal chu iduh ve lo em ni? A rawn tih leh chuan ka lungphu chu a rang kher mai.






"U z, enge ithil sawi awmzia chu? Nang hi i â deuh ani lo maw? Ka ti chhuak hliai a.







"Tebawih, ka chau tawh tak zet a sin, thil thleng engkim hian min ti chau zo tawh anih hi! Engthil hi nge tih tur leh tih loh tur pawh ka thliar thiam tawh lo, kei hian chiang taka ka hriat awmchhun chu, ka fapa nen hian ka ngaihtuah tak zet cheu tih hi ani".







"I fapa ingaihtuah chu ka hrethiam a, ithisen a ni miau a, mahse ka hriatthiam miah loh chu kei min ngaihtuah tel ve chu ani, kei chu inupui hlui nau mai ka ni a, inunah kei hian pawimawhna ka neih ve chhan tur awm ang reng reng ka hre ve hauh lo. Ka sawi tawh ang khan, nunbul tan tha leh la chhungkaw thar tha tak din leh zawk rawh" a rem ve tawh lo tih hrereng chung hian, muanzuala midang ta nitura ka dah chhin a piang hian ka hnuk a ulh teuh zel si a.








"Tebawih, vawikhat ka ti sual tawh a tihsual nawn leh ka tum tawh bau lo, nilo ka thinglunga thu awm sawichhuak tur hian a la hma mah mah ani" a awmdan mak ti lutuka ka en reng lai chuan chak fe hian min kalsan pawk pawk a.









A tlanliam thleng chuan ka thlir zui renga, a thusawi zawng zawng kha a awmzia ka hre hauh lo, a ni khan enge sawi a tum ber pawh ka man thiam lo chha chu ani e. Ka hriat ve chinah mipa confi em em thin khati taka a chi ai kha chu mak ka ti viau mai. .cont







Note...Tunlai chu zanlam ah hnathawh tur ka nei thin a, zanin pawh a tawi leh pek khawp mai, next a tang chuan story tak tak kan luhkhung tan tawh tur ah ngai ang u aw.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)